2004 年 3 月 17 日 星期三 【晴】

今次要唔該o既係挺～
補測History，題目discuss過哂，極速完成(其實我冇count時間)，中大Psycho紙幾靚，不過每行太細。
上唔到網，搵唔到料，Buss做唔到presentation，其他人都好夠料講，好大壓力添。
「荃灣某郊野公園有老虎，各位同學請留意。」By大虫
一條鞭法，啤酒、麥皮、叉燒包、雞包、豬仔包、菠蘿包、奶皇包………
中化睇片，睇廣告？藝術好似仲難明過科學，好多o野炒埋一碟。
前日先打完Junior男籃初賽贏Bamboo，今日就鬥Camphor爭冠軍(人o地抖o左足足一星期)，本身實力仲算夠打，不過最衰李宏耀上場兩隻腳都拗o左柴，冇o左重要o既主將，謝頌揚(Kobe)一定會打得辛苦。
李天有創意，用水樽排陣教破3-2聯防同全場壓迫，都係兩個字：單擋。一開波Camphor用雙塔強攻內線，Plum補位意識又麻麻，結果俾人lead住o黎打，好彩Kobe一個人支撐起成隊波，得分籃球分波一手包辦哂，落後3分。
第二節防守繼續咁落力，keep住唔俾Camphor拋離得太遠，仍然係Kobe打哂，睇見都覺佢辛苦，難得原來佢真係咁無私。點知要減輕佢o既負擔，換22號入o黎，加埋何景行升出high post駁腳，有少少似三角戰術o係外圍o既陣勢，不過22號成日一支箭插o左入三秒區，冇稍Kobe，何景行又係，進攻靠Kobe打天才波，半場13:16落後，Kobe包辦11分。
下半場Camphor用成仔突破Plum第一重防線o係外線製造空位，Plum聯防好亂，一度俾人拉開7分，又係Kobe力挽狂瀾，20比22進入第四節。
Plum最大本錢係乜？講實力Camphor其實強少少，我o地勝在眾志成城，上下一心，打到無比鬥志。9號F.1又唔怯場，check成仔算合格，阿棍同何景行又內外補位，加上Camphor勁走步，迫到佢o地第四節得3分進賑。完場前十幾秒Plum射失，我以為Plum仲落後緊24比25，大聲嗌佢o地即刻犯規整停個鐘，點知原來比數係25平手，又瘀o左次皮，10萬個唔好意思………………25比25，要加時分勝負。
我100%肯定Kobe已經好辛苦，但係佢知自己對球隊好重要，捱到尾，阿棍、何景行都撐落去，鬥志可嘉。呢場波唔止落場o既球員，一分鐘都冇打過o既大後備、「教練團」(我 + 李天 + 老麥 + 洪漢賢 + Kobe)、其他Plumer同Piner(要我o地幫佢o地報仇喎)都熱血沸騰，團結一致，拼出最後一啖氣。加時轉打人盯人，Camphor再領先兩分，之膠著o左好耐，何景行飛身補籃扳平(金球)，完場前20秒，Camphor我o地底線開波，竟然又走甩成仔，俾佢o係籃底接應輕易再度超前。即刻timeout，唔使我同李天喇，Kobe自己講Last Shoot應該點做，最記得我o個句：「………………我接到就會起手，信我啦，我一定入o架！」
9號開波，Kobe再分，阿棍、何景行、徐紹峰幾下外圍走位，Kobe右邊三分線45度角位接應(佢其實話o係牛角位接波o架，Camphor半次成功防守)，佢的確係冷血殺手，接到即射三分，「o習」，30比29反超前！Plum係從未領先過Camphor，一領先就係最後關頭！仲有10秒，成仔推上前場即射三分，佢唔係Kobe，最後Plum反勝！Senior男籃贏、女籃大炒，連Junior男籃都贏埋，真係大三元呀！
要選MVP，唔使問，睇過呢場波冇人會唔揀Kobe，23分 + 11籃板，進攻又要控波又要埋籃底爆籃，防守又要守內線睇雙塔(事實上今日Camphor好少用雙塔)，Plum完全係佢打哂，勞苦功高喇你！
好彩聽日唔使返學，有時間做自己o野，weekend唔少功課………

>>March 18, 2004 at 3:54:33 PM GMT+8

2004 年 3 月 16 日 星期二 【晴】

仍然上唔到網，要星期五I-Cable上門睇睇，呢幾日要繼續麻煩人喇，今日係Candy！
真係隔o左好耐，都維持o左好耐喎。
Lim Sir唔肯借《Lim語錄》，我真係好想睇o架。
對CEP，第一次咁高分，冇time limit + 題目的確唔深先有咁好o者，不過如果真係有進步，等o左好耐喇。
唔再愛國論，難度有四滴汗o既listening越前越深，唔合格！京包鐵路係指連接北京同內蒙古首府包頭o既鐵路………菠蘿包鐵路？由說話內容(其實我一直都知)得出以下結論：依家o係內地盛行o既係民粹式民族主義，根本談唔上家國情懷，甚至愛國主義；圓明園大部分寶物都係俾o的宮女太監偷，而唔係英法聯軍。
Miss Leung冇返，以為唔使測History，又入SA房打機，原來都有得測，隨你鍾意，我o尋晚冇溫，梗係唔測住啦，遲o的先算！
李sir要調我o地位，上堂可以有效率o的，同陳江調到最前，冇得做其他o野添。
放學又有o野搞，11月社際足球Plum vs Pine，隔o左4個月，第二場初賽Camphor vs Bamboo終於開波。老麥搵我做球證，不過學校o的資源竟然少到連紅黃裨都冇！比平時遲o左，差唔多16:05先開波，我主裁判，陳梓豪計時，老麥唔知死o左去邊。Camphor由利家義、甄嘉浩攸主力狂攻，Bamboo基本上冇乜攻勢，不過攻勢唔需要多，致命就收得死人。黑柴半場開罰球直吊入禁區，聲稱開波前幾分鐘先知要守龍門o既余寶o係個波落緊o個陣走出兩步，結果同上年一樣，Bamboo咁都開到紀錄，直指中圈。Camphor大反撲，Bamboo穩守突擊，波來波往，三腳波效應。率之上半場中段Camphor中場截到糊，同利家義絲絲入扣o既組織左邊小禁區頂「趟」入遠柱，又返到起點。原來做球證真係唔容易，我都幾失敗，我承認有好多好多波都睇唔到，吹錯邊隊出界，亦有幾次其實應該係犯規我冇俾罰球。上半場1比1打完，總係覺得打o左唔止30分鐘。下半場我走返近看台o既邊線執法，場邊實在太多人，走上走落好麻煩，更加睇唔哂所有o野………當然對球證o黎講只係藉口。Bamboo 11號係左腳仔，勁似基維爾，成日o係右邊推番入中路起腳，考唔起巨乳，余寶下半場又上哂力，兩隊都係得到射字。利家義博到Bamboo禁區三腳波，間接自由球，直射冇問題o架，省到人入都照計，不過巨乳又雙手打出。好似Camphor有人禁區手球，我又睇唔到(我一定係盲o左)，我相信我娘親今日好唔得閒……………下半場再冇增添記錄，1比1進入加時。
陳國榮打打下抽筋，利家義唔肯抬佢出場慢慢拉，dum波鐘有乜謂？濕九後備入替，對戰局冇乜影響，三腳波完全限制兩隊o既組織力，我一o的都唔鍾意高Q大棍。加時下半場臨吹雞巨乳先o黎抽筋，佢係龍門嘛，一定要等佢搞掂先開得o架，利家義全場好火滾我，大腳中圈射門，我可以俾黃牌你o架！由下半場開始，場波變o左悶局，得幾下攻勢稍為有威脅………所謂有威脅只係打入禁區。完場喇，都係1比1，又要射九碼決勝負。
兩隊都換o左龍門，頭四輪，各入一球，Bamboo最後一輪翼仔宴客，龍抽網角射入，我驚死趕唔切咁吹長雞，點知場邊即刻起哄，話佢兩步助攻，我真係要講100萬個對唔住，我只係留意龍入唔入(有冇炒機)，竟然冇睇佢有冇犯規！重射，利家義又唔妥，話我吹o左長雞，冇得射過，我睇錯嘛，唔好咁pro啦！龍真係串，又係相同方向，今次下角，冇搞錯喇，三下長雞，Camphor九碼贏2比1殺入決賽對Pine(唔好問我幾時)！
我今日做球證好失敗呀，乜都睇唔到，又唔專心，俾人狂插，咁老麥最好唔好搵我吹決賽喇，計時或者專睇三腳波算喇！
「自我留堂計劃」被迫連續兩日暫停，工作進度緩慢o左好多，聽日又冇埋喇，Plum vs Camphor男籃決賽，要大三元成功呀！

>>March 17, 2004 at 4:02:29 PM GMT+8

2004 年 3 月 15 日 星期一 【晴】

聽日Camphor & Bamboo人留意：聽日o既社際足球賽，我係容許類似亨利o個種快開罰球，唔該盡早通知你o地o既隊員(特別係龍門)小心，輸波唔好賴我；任何球員o係球場爆粗會即食黃牌，再爆就唔該出去抖抖。

菜肉包裡面原來會有蘑菇……
全日唔使上堂，頭三堂F.5 & 7 farewell，坐upper最後排，前面遮住哂，乜都睇唔到，音響又好似平時咁差，仲要好多班都俾人夾硬cut。好多擺明係恭維說話，有一兩班F.5抄抄地上年5B，初哥o既「和而不同」、「同而不和」好搞笑，了能原來係大熊(正如子建所講，5B冇我o地上年咁齊心)，好想睇下《Lim語錄》有冇「去廁所飲水」、「改wording」、「交行貨」。下年我o地又要farewell喇，而且係100%唔會再有多次機會(唔係冇o既，大吉利是咩？)！
School Assembly狂頒獎，余雪瑩似讀急口令多o的，肇lin走o左N咁多轉，意料之中冇o左第六堂，又可以準時放lunch。
晏晝仲無聊，師生羽毛球賽，有人擺明讓賽，雖然Miss Leung落場，但係overall係悶爆，狂搵周公，終於無驚無險又到終點喇。
馬不停蹄，放學係社際Jnuior男籃Plum vs Bamboo，算係李天副手。唔太熟呢隊波，俾佢o地自己發揮，兩隊實力有少少距離，Plum有籃底優勢，狂執進攻籃板，第一節都13比7領先。點知第二節一開波籃框繼續同我o地有仇，我相信個框俾我o地射到好乾淨，Bamboo最近試過追到只係落後一分，即嗌timeout變陣，換o左PG當堂重新控制戰局，幾多「東岸帶去西岸」，再次拉開比數完結上半場。下半場完全控制戰局，Bamboo好似連三秒區都入唔到幾多次，偶然幾下符碌得分，我o地大可以慢慢打，三節打完，Plum大幅拋離。第四節最遠22分距離，所以收起大部分主力，俾多o的出場機會後備，結果好亂，係咁棒球式長傳，o個邊箱Bamboo出怪陣，比賽速度越加越快，鬥走步鬥反手，十足打街波，Bamboo又要外投勁準喎，領先優勢大幅縮減，射成51比29之後就冇再得分，好彩之前真係領先好多，保住勝局，決賽大戰Camphor，希望我o既戰術同籃球哲學用得著。
又要男籃又要補習，今日冇得「自我留堂計劃」呀，聽日測History，冇乜點溫囉，唔通真係好似Billy話齋打天才波咩？

P.S.其實我今日上唔到網，唔該哂蝦幫我post，仲有Candy！

>>March 16, 2004 at 4:44:31 PM GMT+8

2004 年 3 月 14 日 星期日 【炎熱】

發夢夢見著住港隊龍門衫，戴埋隊長臂章，o係大球場迎戰阿根廷，全場坐爆。場波打成點冇乜大印象，好似係港隊入波先，而且係我o地當中其中一個，如果我冇記錯，唔計自己，有六個自己友o係港隊陣中，不過點解記憶中一個類似馬卡爾o既物體對住我怒抽o既？我的確發緊夢，仲唔止一個。
悶死，又冇搵周公，今日o的堂全部都好無聊，除o左中化。有好多仲未完全搞清楚o既concept，其中一個concept我諗到例子o架：糞金龜呢種昆蟲係生物，「愛國」領呔大王都係生物；顧名思義，糞金龜o既食物係o個種o野，咁「愛國」領呔大王咪即係都係………
Overseas唔一定要過海
曹吉祥好似真係有謀朝篡位o架
改日本名
放學下學期第一次ADT On Duty，得三分一人有o黎俾我o地「教」，同上學期唔同，今次systematic好多，冇機會冇時間做自己o既，基本上一粒鐘完全係白過，除o左玩IQ題同吹水。
「自我留堂計劃」要延遲開始，搭吳國倫檯成為例牌動作，突然發覺抽鎖匙仲插o左o係locker度，趕住投胎咁office借課室鎖匙開門拎堛，如果唔係我冇門口入！繼續，同陳江、吳國倫吹 水，大家都鍾意CUHK多o的，環境正爆。CEP Set 5 Section C做哂，見到龜、Judy走落籃球場打波，又射埋一份先，兩罰全中，終於做到finger-roll，爭fade away未試過。計劃開始一段時間，今日最遲走，18:20先鬆人。

Re Candy:唔使客氣～

P.S.(1)我冇嬲三大護法，只係一睇到佢o地演講o既片段，即刻笑到收唔到聲。
P.S.(2)又會絕哂種啦？
P.S.(3)突然發覺有個人激似森美………

>>March 15, 2004 at 2:51:37 PM GMT+8

2004 年 3 月 13 日 星期六 【晴】

75分鐘內搞掂三篇中化剪報(reply BIlly + reply思穎 + 自己)，突然醒起幾日前同Billy分享o既觀點：西方「法律面前人人平等」o既法治精神其實抵觸o左傳統中國文化。節錄自o尋日蘋果日報副刊《名采》，陶傑o既《黃金冒險號》：「國家觀念，本來就是家庭觀念的外伸，由此的邏輯，官員不能民選，因為官員是『父母官』，父母不由子女來選擇，由於國家機器是父母，因此『天下無不是的父母』，子女是父母的資產………中國沒有人權，只有子女的義務，最後『子不嫌母醜』，連批評父母的言論權利也沒有。」
死神流克o係人類世界遺失o左o既死亡筆記(Death Note)使用說明：
1.名字被寫在這本筆記上的心會死。
2.腦海中若沒有所寫名字者的面貌，則不會生效，因此同名同姓人物不會同時生效。
3.寫上名字後，若在人類世界時間單位40秒內寫上死因，被寫上名字的人會如寫上的死因身亡。
4.沒寫死甲的話，全部死於心得麻痺。
5.寫上死因後，還會得到6分40秒的時間去記低詳細的死亡情況。
由死亡筆記落到人類世界o個一刻開始，佢就屬於人類世界，使用者無論寫o左幾多人名，流克都唔會對你不利，如果係要講用完o既代價，應該係承受用過佢o既苦惱同恐怖。o係唔知死亡筆記o既真偽之下，有冇人夠膽用？夠唔夠膽寫上十惡不赦o既大奸人o既名？夠唔夠膽親手打掃地球，將所有壞人消滅，成為人類世界正義o既審判官？夠唔夠膽令呢個世界得番你認為係正經、善良o既，成為新世界o既神？

Re Candy:我知第二句先係main point

P.S.我o係度正式宣佈：曼聯今季玩完，12分冇得追。

>>March 14, 2004 at 3:44:06 PM GMT+8

2004 年 3 月 12 日 星期五 【晴】

返學校同李天一齊練Junior男籃社隊，得四個F.1 + 2，仲有其他社o既人，包括Camphor奧尼爾………Plumer基本功麻麻，罰球都唔識射，玩5 vs 5半場攻防，唔夠人，我落場客串。佢o地連走位意識都欠，Last Guard唔曉郁，又唔埋籃底搶位，想教佢o地最簡單o既Pick & Roll都教唔到，博對手帶波撞人更加唔使諗。攻守對調，試聯防，我都未玩過，好亂，成日唔睇實後門，不過有個F.2唔太高，守內線都算OK，守到O'neal喎。
Cover洗地，籃球場唔用得，搬竇去雅麗珊，打o左陣5 vs 5全場，我同李天各有各散，由佢o地打。我仲未知o的F.3水準去到邊，不過睇落o的低form尚算對辦，如果佢o地肯加多兩錢肉緊，再加上我同李天度掂對付Camphor o既針對性部署，大三元有希望。
西九龍 + 奧海城，唔算出血，示範單位好似幾靚。
表弟買o左WE7 International，高波傳中比以前易o左，攻勢流暢得多，不過C朗拿度太強，想set曼聯打4-2-3-1都有o的唔好意思，其實我唔想C朗拿度打正選，亦唔想沙夏 + 雲尼斯達萊雙箭頭o架。以前o既saving冇哂，要重新create自己，96長傳精度冇變，其他o既數值稍稍調整，tick牌黑白boot型爆。

2004年Eric好歌流行榜(第11週)：
1)香港地(陳冠希)
2)明天請早(許志安)
3)孩子王(吳浩康)
4)嫁妝(陳慧琳)
5)相依為命(陳小春)
6)步步高(梁漢文)
7)愛神(古巨基)
8)甜蜜租約(鄧健泓)
9)娃鬼回魂(何韻詩)
10)目黑(周國賢)new

Re Candy:好，我諗二級難度o既路線你應該應付到o既。

P.S.亨利o個球絕對冇犯規o架，係費度白痴o者。

>>March 13, 2004 at 3:46:43 PM GMT+8

2004 年 3 月 11 日 星期四 【炎熱】

差半步
頭兩堂Buss又走上六樓後座，格局又唔同o左，又係o的睇唔睇都冇所謂o既data，09:30校工清場擺陣，返課室，冇o野做，睇打機 + 小睡片刻。
History繼續相同grouping傾essay，唔准講Geog笑話廢話，蜜月期、冷靜期、決裂期、衝突期。
中化寫評論，argumentative應該掂o架喎，好似亂o黎咁，而且青少年店舖盜竊唔止要警司警誡，仲會留案底囉，feel到會唔合格。要用少少Lunch趕工，就咁o係維他食杯麵，XO醬海鮮味以前未食過，唔錯。
吳sir詐哂型，訓話一番，我換衫好快o架！以為冇手球打，照踢波，點知原來手球隊出埋沙咀道玩，算啦，下次再有機會先囉。全場俾人攻到氣咳，肥峰做唔成史高斯 + 尼維特 + 戴維斯，全隊死守，龍又炒波出街，我好耐未試過擒欄出馬路執波。條防線整體上唔錯，不過我都係要力竭聲嘶，小心走後門。舒利亞左路強行殺入禁區以一敵三，踩波車。都係我長傳精度96咯，走前少少接應啦。俾人打反擊，龍九碼點單對單左腳半窩利，好彩我下盤夠快，左腳擋橫。零星攻勢，濕九唔識開角球，次次斬到天咁高遠柱出界，C朗拿度o個種咪得囉！前場走位好亂，下下推到甩哂腳，攻力唔夠自然俾人圍剿。又係余寶右路突破單對單，我即出，火星撞地球，舒利亞窄角度面對空門……………傳中。狂俾人放直線入禁區，出迎時間OK準，不過成日冇提場，同牛榮有幾次誤會，好彩冇出場，下次我唔嗌keeper一定冇命。諗住交白卷完場，最後一擊好亂咁打上去，濕九起唔到腳唯有橫傳，阿沈半撻Q拋物線笠去遠柱，一世夠運，咁就俾佢一箭定江山。
Class Period上六樓後座聽ECA talk，爆分o既成績唔太差，成績差o既ECA都唔算好多，我中哂………
放學上Phy. Lab.開Academic Team會，下學期formal，不過文科人o既存在價值好值得我懷疑。
開完會繼續「自我留堂計劃」，主角係Stepen Lee，初時o係課室，之後係SA房，打o左鐘再入Prefect Room同Billy齊齊打躉，最後校工趕人先落cover繼續。前後轉四次地方好似做o左兩次電燈膽，下次識do囉！Stepen Lee已經接近完成喇，呢個weekend仲有兩篇剪報兩篇剪報reply要死，唔通戇居居返學校做咩？
歐聯八強賽程抽籤喇，上屆四強有三隊意大利，今屆八強死剩衛冕o既A米，肯定唔會悶暈兩隊法國隊o黎到八強係有o的意料不到，反而出奇冇德國波。三大熱門冇提早碰頭，曼聯出局，冇辦法連續八年打入八強，依家我最想A米衛冕。
皇家馬德里(西班牙)對摩納哥(法國)：仍然係歐聯擂台躉o既皇馬有驚無險踢走拜仁，面對摩納哥呢關應該唔太難過，摩納哥連竭冬後o既莫斯科火車頭都要靠作客入球先晉級，唔通佢可以挑戰皇馬？
車路士(英格蘭)對阿仙奴(英格蘭)：英超內訌，阿仙奴極有可能以不敗之身捧走英超冠軍，依家挑戰o既係繼曼聯之後o既英格蘭球隊「三冠王」。計埋呢兩場，兩隊今季會對戰五次，對上三次已經話俾人聽阿仙奴注定剋死車仔，雲尼亞里都係諗定後路好o的喇，死追2比1波膽啦。
里昂(法國)對波圖(葡萄牙)：波圖爆小冷淘汰曼聯，雖然多少因為後者狀態回落，但係波圖第二回合下半場背城借一o既決心的確厲害，而且經驗豐富打法多變，里昂沿途o既對手唔算太強(拜仁當時唔穩定)，八強已經交足功課。
AC米蘭(意大利)對拉科魯尼亞(西班牙)：拉科上圈技術擊倒上屆亞軍祖記，今次就要挑戰衛冕o既A米。拉科對住祖記咁o既防線都係入得兩球，攻力唔足以撕破A米o既銅牆鐵壁，彭迪安尼、卓斯坦甚至華拿朗都係時好時壞，A米o既衛冕之路再晉一級啦。

Re G-man:咁我又多項擔心喇～～～～～～講笑o者～～～～～～

P.S.呢排收到康文署寄o左好多o野去我屋企，有份行山路線介紹幾唔錯，好多路程難度唔算高，值得推介。

>>March 12, 2004 at 3:36:54 PM GMT+8

2004 年 3 月 10 日 星期三 【炎熱】

豬腸粉o的麻醬好香，可惜我已經好飽………
Miss Leung做o左口罩人，分組essay discussion，好刁鑽，好難諗，仲未明motive同reason點解，o係人o地o既垃圾崗「借」紙。Mina、Judy、蝦o既grouping會冇笑料？「倒豎蔥」逆向思維！
5 + 1越o黎越搞笑，又Johnny Hung又叉燒包，咁都悶親？Alison打「喊路」打出聲，不過總有人笑o既！甚麼competition填字，校園暴力，狂掟History Vocab勉強23題…………答錯，原來我櫃桶有o個份傳單！
例牌Lunch入SA房「借」電腦玩立體彈珠台，o係子建食o野o個陣講昆蟲，唔緊要啦，你乜o野未聽過未睇過？
已經唔記得肥峰搞乜鬼，只係記得成村人包括Miss Fung都望住佢。暑假有北京交流團，$21xx五日四夜，行程都算OK吸引(我指歷史文化團only)，不過就算我join都係一個人去，好似會好無聊，去o黎有乜謂？一半一半啦，我以前又未去過北京，做下好漢都好o既，不過唔只係想一個人做囉。
Lim Sir竟然唔記得邊七項係開門七件事，我同肥峰想誤導佢o架！茶是故鄉醇，酒是故鄉濃。
放學繼續「自我留堂計劃」，又有Candy同Billy陪我呀，仲有件F.2仔參加「強迫留堂計劃」，楊晴旭冇佢符，lassiz-faire policy啦。今日主要係做中史essay，16:45搬竇前已經開始第三版，楊晴旭、李綺蘭知你o地好唱口，玩夠喇！其實今日有Plum vs Camphor女籃決賽，一於好少理，plum最後贏10分，仲爭Junior男籃就大三元喇！落cover再搭陳江、吳國倫檯，佢o地計數計死，我寫essay寫死，唔知點樣off哂topic，吳國倫食o左大蒜，好想捉佢入後巷揪佢兩o野，之後陳啟樂又嗲埋一份，四個男人大吐苦水，苦得過我？佢o地又走(我同佢o地一粒鐘寫o左唔夠一版)，改搭Candy檯，趕工，四版多o的搞掂哂，真係效率好高呀！
由葵興開始，有對男女成為全卡車o既焦點，好大紮花………………

>>March 11, 2004 at 3:35:12 PM GMT+8

2004 年 3 月 9 日 星期二 【晴】

又好似以前咁早起身，即睇賽果，波圖完場前一分鐘扳平，總比數2比3，曼聯最後o係歐聯十六強被淘汰出局。好明顯史高斯完半場前o個球冇越位，球證盲o左，而波圖o個球冇o野好講，侯活其實可以大力打橫，最多輸角球，絕對唔應該只係向前擋，可能佢預錯位，但係龍門救呢o的波最好唔好幻想自己接得實，都係打走安全o的。點都好啦，以曼聯o既狀態、實力，入到八強都係死路一條，倒不如集中精神o係本土賽事，全力追趕阿仙奴來得實際，曼聯條防線o係最近場半開始穩定落o黎，希望舒緩o左後防問題之後曼聯又好似上季咁後來居上啦！我o既advise係………沙夏、雲尼斯達萊最好唔好一齊打。
講完喇講完喇，今日o既焦點好應該係Candy嘛！Happy Birthday To Candy!!!!!!!!!!!!!!!大個女喇～
主角聲稱俾5 + 1啤，我乜都唔知，發緊夢。
睇o左Stephen Lee，不過都唔多識答Miss Leung問題，原來Miss Leung同5 + 1有意識形態上o既分歧。
好正呀，Triple Buss去六樓後座上，我o地諗住搭lift囉，不過裡面有人，走夾唔抖，都係行五層啦。六樓後座格局好似大學tutorial咁，當正自己係大學生，仲有一點似tutorial，我o地唔聽書，李sir都暗示唔聽都冇問題。
放學要上5B做sharing，lunch先開會傾大家o既內容，以前未入過新翼一樓Conference Room，好靚，圓桌會議，「青年圓桌會議2004」，我o地同Miss Leung猛咁研究張檯中間個窿有咩用，唔會係……擺花瓶o掛？
同Billy越玩越激，今日又笑到收唔到聲，我發起先o架！
中化，相對論，世界上完全明白o既唔夠30人。Discussion好搞笑，以米田共做例子，我o的point好無聊。
放學本來要即刻上5B，不過我諗住仲有時間，入SA房玩多陣立體彈珠台，終於上o左龍虎榜第一喇，不過距離好我最佳成績仲有一大段距離。Game over十萬火急剷上5B，都係Billy講先啦，之後到我，我本來諗到點講o架，不過o岩o岩跑上o黎，又唔知乜o囿其他原因，得老生常談，Miss Leung都話我仲「尋」過佢，「你今日o既付出，就係聽日o既收獲」，咁老土都講得出口。其他人都比較有多o的共鳴，更加有建設性，加油啦，多幾個5B返o黎6A啦。
完o左諗住繼續「自我留堂計劃」，返課室做功課，點知俾人踢出門口…………
落樓下囉，籃球場打緊Junior男籃Camphor vs Pine，唔理住，做功課，搭陳江、吳國倫檯，Buss Essay繼續趕工。又走o左去睇一陣波，兩隊咬得好緊，Camphor差唔多靠一個成仔撐起哂，睇下又寫下，都係join番落o左o黎o既Candy，同琪琪各有各做，又走去睇波，30平手完場，加時Camphor險勝38比37，知道點樣勉制Camphor喇，如果Plum人腳公布OK我o地就發達，不過都係過o左Bamboo呢關先啦，靠李天帶隊喇。
完場，繼續寫呀寫，終於做完喇，終於有一條Buss Essay係交到俾李sir喇，唔再「有拖冇欠」喇！又做多陣中史，去到前半段精華部分，出發喇，meet人食飯喇。
去沙嗲王，好怪，有主人家(都係夾？)、我、蝦、小妹、琪琪、Fan、Lo、六叔，沙嗲王o既沙嗲唔好食，自成一角又冇waiter留意，次次落單都好麻煩。琪琪好多topic，感通、可樂、今晚皇馬對拜仁，原來小妹唔知碧咸轉o左會好耐。打躉打o左好耐，19:00坐到21:15，$50埋單，值唔值見仁見智。

Re壽星女：唔使客氣，你唔mind我遲o的先補送禮物咪得囉！

P.S.今日唔單止係Candy生日，仲係SARS正式o係香港爆發一周年，而且海耶克(F.A.Hayek)o既《到奴役之路》(The Road To Serfdom)英國出版60周年，好多人都推介呢本書，我有機會都拜會下先。

>>March 10, 2004 at 4:10:19 PM GMT+8

2004 年 3 月 8 日 星期一 【晴】

今朝件珍珠雞竟然冇蝦米…………
原來校歌唱得唔夠大聲代表唔尊重，但係我不會唱歌喎，咁我以後大大聲咁唱囉，走哂音o個隻！
Lim Sir教教下中史走o左去講搵工，甚麼呢個時勢文科人可能比理科人更吃香，仲話起薪點可能有$12000以上，係真唔係o架？個市o岩o岩先復甦，我都只係expect自己最多搵$8000喳喎！
5 + 1怕老婆？玩o野o者。
中化教甚麼演講辯論concept，逆向思維法，唔明o架。做實習，分組debate，題目竟然係「愛國論」，以為o岩哂咀型o答哂糖，不過自己唔敢離題離得太遠，又唔小心提問，好胡鬧，因為我肯定對面唔鍾意自己o既立場(鍾意o既報上名來，我諗我o地可以進行課後討論，培僑、香島、福建都唔驅)！
上緊History連自己都唔知自己個心去o左邊，做住discussion發夢，下次飲咖啡唔好「忠」！
Buss竟然瞁釣魚，不過冇釣魚唔代表專心！
雖然要補習，但係都繼續「自我留堂計劃」，今日Buss中史兩條essay都開o左頭！

>>March 9, 2004 at 2:32:43 PM GMT+8