2004 年 2 月 5 日 星期四 【微冷】

腳筋好似已經冇乜事，決定唔遞家長信，Sports Day照跑，冇落雨，城門谷冇想像中咁凍，好跑好多！
搭地鐵o係大窩口上城門谷不嬲都快過o係荃灣行過去，不過子建o尋晚強行叫我o係荃灣meet佢，俾多$0.5車錢。開口即中，同子建講開蚊返o左學未，打斜佢冇人聽，突然就o係前面撞到佢，好耐冇見喇！
唉，唔知邊個話今日會著社衫呢？最後都係PE衫落場！我梗係唔做紅燈籠咁樣衰啦，「粒」o左另外一件早幾年加大碼10號頂檔，凡事總有對策o既。
對腳未好番得哂，唔熱身一定出事，所以好早就落跑道熱身拉筋，希望頂得住。著o左釘鞋 + 跑道唔濕令我跑得快好多，星期二試跑14.71秒，今次唔知我定黃文忠壓線先，14.16秒，應該係個人最佳時間，當然都入唔到final啦。其實我唔係第一次分組跑第一o架，F.4都試過，跑贏朱基！
Girls A 800m有蝦、Cindy、Polly、Step同大恩姐，前兩者唔使提，Step最後一年o係荃官都有得姚尾糊，博到塊銅牌，正宗「也文也武」！Boys A潘政賢唔知咩事，平時超好氣，竟然輸成條街，又係甄嘉浩玩哂！
等等等，0900跑100m，1030先跑200m同Shot Put，報到o左Shot Put即刻趕去200m，我第一次真係落線跑200m，F.2報過，不過冇去。狂做熱身，希望對腳生性，點知頭100轉彎都冇事，一入直路想發力狂追即刻兩隻腳一齊拉親，要慢慢"dum"返終點，時間應該至少35秒。痛到飛起，衝o左線就埋場邊訓低典下典下，好耐先抖番順對腳，企得起身。
又要趕去Shot Put，跑跑下踩到坑渠蓋，劈啪，右邊膝頭損o左，唔理喇，皮外傷少少痛o者，冇事o既。點解今年好似個鉛球重過上年咁o既？兩次機會都僅僅唔到Standard Line。了能癲o架，盟主！
今日最令我印象深刻o既休李文彬，Boys A 4 x 400m佢跑最後一棒，o個陣Plum仲係包艇，佢跑o左100m就上o左第二，不過落後利家義太多，銀牌。Boys B四個Plum都咁癲，贏成條街。
訂o左SA飯盒，不過好多人都訂Pizza Hut，真係太多喟，送貨叔叔唔再綿羊仔，改搭的士！
開始有毛毛雨o既晏晝有hurdle，肇lin變態，破學校紀錄！Oscar過欄好型喎！
跑埋400m初賽就係Inter-Class Relay，好榮幸可以代表6A跑最後一棒，其實要出動到我最後發力，可想而知我o地唔會有乜成績。難得四社齊哂人，李綺蘭 + 牛榮 + 魚 + 我，大家都發揮出最高水準，包艇都唔緊要啦，盡哂力咪得囉。仲有呀，你o地打氣我o地可能聽唔到，不過我o地感受到o架！嚇死，以為唔見o左銀包，好彩只係漏o左o係更衣室，俾人執到就大鑊喇。
釘鞋o係Sports Day從來都係稀有品，成日搵唔到鞋，要借o黎借去，一陣就唔知去o左邊！
Plum總成績好似仍然領先，希望最後可以第N次衛冕啦，我星期三Final冇比賽，不過如果我對腳冇事，我一定會再跑番5000m！

>>February 7, 2004 at 3:18:39 AM GMT+8

2004 年 2 月 4 日 星期三 【乍雨乍晴】

正月十五，元宵，中國情人節，好寒，濕凍，不過都記得起身，人人都包到實一實。
History睇Willy-Nicky Telegram，兩個麻甩佬o的ICQ成日串錯字，乜冇翻譯官proof-read咩？
因為太早起身，冇精神？Listening乜都聽唔到，不過又好似真係幾難，其實都係自己問題居多o架喇。5 + 1又o黎喇，補時13分鐘，想Recess食o的o野都唔得！不過佢都幾update喎﹐o尋晚場熱刺對曼城都可以提埋。
空堂做中史，做得好少。1B張張凳都凍成塊冰嗡，個個都想企，Lim Sir叫哂我o地坐低，凍死。第六堂要走火警，Lim Sir好趕咁開經濟史，佢講o野好膚淺！
唔知邊度朝早話吳sir會o係走火警o個陣宣佈取消聽日o既Sports Day，改上堂。不過吳sir叫我o地聽日一定要到城門谷，會即場視乎天氣狀況先決定玩唔玩。求神拜佛聽朝唔好落雨呀，我諗我對腳聽日應該撐得住，跑到o架！
今年入o左科大BBA o既蘇毅明返o黎o係Buss推銷我o地去睇下星期日o係會展o既甚麼大專比賽，關於商業o個o的，又分享讀書心得，原來邵梓偉當年係Lim Sir愛將！之後李sir又講下早幾屆o既人，肥峰俾李sir串爆！
中化俾人推o左去presentation，我真係失敗，明明自己想讀社會科學，竟然只係將「科學」定義為「自然科學」！
放學幫朱基手執o野pack箱，60包檸檬茶 + 兩大支5L蒸餾水我同馮景昕捧都覺重！啦啦球、竹、乜都pack好哂，不過我聽朝係唔會返o黎幫手o架！好o野，有免費蛋撻食，朱基食西餅食得好核突呀，食淨一半，另外o個半就梗係要俾我私底下讚(串)過聰明o個個食啦，十個人九雙筷嘛！

佳節盛況　被迫觀看
怎會讓我　還有寄望
相愛伴侶　是否知道　單戀的沮喪
如普世歡騰　為何靜靜一人
仍一意孤行　去等

如歌舞昇平　如何麻醉自己
喃喃自語　呼你姓名

>>February 5, 2004 at 2:30:26 PM GMT+8

2004 年 2 月 3 日 星期二 【乍雨乍晴】

又凍又凍，張床太舒服，又遲o左起身。
中化開課，discuss預習題，我認為社會因素比文化因素更加導致中國冇傳統科學囉。
History睇ultimatum，我個point唔係自創o架，成日都有人講啦，「粗暴干涉內政」嘛！
Buss聽極都唔明，「套戥」同恆指期貨咩o黎o架？連PA人都唔識囉。
5 + 1呢排好正，講o野勁好笑，有得笑下總算冇咁辛苦。
終於教哂宗教史喇，利馬竇我攻硬，或者會改煲佛教，考完試咁耐都仲記得少少。
重開一個月o既冬季轉會市場已經再關閉，依家開始各支球隊都只可以以現有人腳捱到季尾。英超三頭馬車都出手補充實力，佢o地都算交足功課，只係始終覺得史葛柏加同林柏特踢法太相似，盧斯奧、艾耶拉更加適合車仔。英格蘭球會真係咁有米？熱刺都出得起700萬鎊將扭計王迪科爾帶返英超，不過同羅比堅尼又係位置重疊喎。阿祖安奴重返國米o既case差唔多，國米預o左韋利會走人？畢特盛傳會轉投伯明翰或者米杜士堡，不過最後都係留o係奧脫福，同樣費爾、施治都冇離隊。列斯聯最等錢使，不過反而冇賣球員套現，雖然實力冇進一步削弱，但係下季甲組聯賽應該唔會少o左佢o個份。
冬季重要轉會：
利耶斯(西班牙) from西維爾to阿仙奴 (1700萬鎊)
阿祖安奴(巴西) from帕爾馬to國際米蘭 (1500萬鎊 + 球員交換)
沙夏(法國) from富咸to曼聯 (1280萬鎊)
史葛柏加(英格蘭) from查爾頓to車路士 (1000萬鎊)
迪科爾(英格蘭) from韋斯咸to熱刺 (700萬鎊 + 球員交換)
董方卓(中國) from大連實德via曼聯to安特衛普 (350萬鎊再外借)
哈根耶堅(瑞士) from巴素爾to史特加 (330萬鎊)
史坦高域(塞黑) from拉素to國際米蘭 (300萬鎊)
占士(英格蘭) from韋斯咸to曼城 (200萬鎊)
李華度(巴西) from AC米蘭to高士路 (自由轉會)
雲貝頓(比利時) from馬賽to曼城 (借用)
戴維斯(荷蘭) from祖雲達斯to巴塞隆拿 (借用)
巴夫斯(法國) from曼聯to馬賽 (借用)
中田英壽(日本) from帕爾馬to博洛尼亞 (借用)

P.S.阿堤斯、卡素爾、基利蘭高同柏列米拿絕對值得入選明星隊。

>>February 4, 2004 at 2:31:41 PM GMT+8

2004 年 2 月 2 日 星期一 【雷雨】

o尋日黃昏仲OK暖，夜晚開始寒，今朝起身，13度？仲有著Track Suit，變雪條。
Morning Assembly要唱國歌？唔係o掛？我當然識唱啦，不過我係唔會唱，Sports Day都唔會，我最多唔出聲！
Buss開新topic，1994石硤尾匯豐銀行縱火案(10死)、1996油麻地嘉利大廈衝天大火(40死)、1998年初三灣仔杜老誌道天橋城巴翻車意外(5死)、2003九巴汀九巴士跌落山事件(21死)同數以百計負資產業主燒炭自殺有乜相同？事件中o既受害者都係俾人害死！俾A*我啦！
History睇人案件重組，「炸彈炸佢唔死，架車收油轉彎，Princip衝出去，『o彭！o彭！』兩槍搞掂，乾手淨腳」，俾人拉o左o個條友又描述得幾詳細喎。
中化要寫建議書，1小時15分鐘要做哂？正式考試有個半鐘o架喎，不過都難度唔高咁寫哂，建議書好易寫，冇新聞稿可以做呢題。
子建想去愉景食米線，要排隊，問候語，唔好咁啦，咁貴唔食都罷啦。其實Delifrance都唔多o岩我胃口，$25兩個包邊餵得飽我？一陣仲要上PE喎，不過算啦。三文魚包冇三文魚，龍蝦忌廉湯麻麻地好飲。
PE過cover聽吳sir & Miss井講Sports Day，都唔係俾我聽o架啦，余雪瑩果然識做！雖然落住毛毛雨，球場勁濕，但係都照出去踢波，太多人，我都唔知點踢法，好似上星期o既學生聯隊一隊。龍門口積水好勁，波又濕，唔多敢用手接，盡可能踢走就算。好多人落雨會場濕波重，好難踢得起個波，我唔係喎，我o的龍門球斬得仲遠過以前好多，至少過到中線啦。濕九左邊出波，連出三次都兜心口省中鍾雋明，之後濕九又開角球，冇人mark阿沈，俾佢小禁區一頭鑿埋o黎，我投哂降，不過佢頂高。
Class Period自修，邊謄文邊同Billy吹水，講到大陸o的加工食物，前面o既溫婉彤都忍唔住：「唔好再講啦，越講越恐怖呀！」咁係o丫嘛，你敢唔敢食無骨鳳爪同臘腸先？
放學冇o野做，蝦佢o地去城門谷練跑，佢o地好多都報o左800m，我又去埋一份，兩個最短距離o既項目唔使練下o架？先去KFC食免費tea，多謝蝦！我、Judy、蝦同Polly上城門谷先，表面睇o的草好靚，其實仲差過上次我o地對何傳耀o個陣。
跑住800m等其他人到，我都有跑，不過跑o左400m + 幾步隻右腳扯得好厲害，即時趴低，明明已經熱夠身，點解都抽o架？都係睇Step、大恩姐、Polly、Cindy、蝦跑800m，竟然有人7分鐘先跑得完。我都係乖乖跑100、200啦，第一次100m跑14.7秒，第二次慢過上年少少，因為路面濕滑？200m龜速，35秒，我諗我明跑極都唔快o既原因，我腳力絕對夠，不過下盤太重，爆唔起自己，單靠對腳o既力量點跑得快？我先天不足o，都係專心守好龍門啦。最恐怖都係第二次跑100m，時間唔重要，跑完之後右邊心口劇痛，好似俾刀插咁，o個陣我以為自己會好似費希爾咁o係球場暴斃o架，嚇死。
玩到收太陽先走，不過都o係娘親返到屋企之前返到屋企。勁做謄文，發覺謄文難過作文好多，寫到手軟…

Re聰：我想o架，不過………我訂o左飯呀…………

P.S.關心妍《假使我漂亮》o既MV有誤導成份………

>>February 3, 2004 at 3:57:14 PM GMT+8

2004 年 2 月 1 日 星期日 【晴】

下學期開始喇，希望係新o既開始啦。調位，好前，左右兩邊有Polly同Billy(有得同Billy坐喇，又可以作反)，前後有蝦(Teacher Desk前面)同金希文，以前我要釣魚就難得多喇。
Triple History以為講DBQ，乜都冇帶，原來已經去到開戰前夕，不過都係Discussion，唔使Stephen Lee，Miss Leung又好似以前咁搞笑。
Triple UE唔係話有人監堂咩？唔知咩事呀，我唔知「死」字點寫囉，竟然夠膽o係5 + 1面前合埋眼！要趕工，做Compo，個topic本身好heat，不過有好多局限，如果佢唔係問「中學七轉六」，而係「大學三轉四」o既話就多好多point寫喇。唔知pro有乜好寫，亂o黎，仲要遲交，扣分！
Lunch走上六樓後座，SA搞「春茗」，請哂內閣同上星期有份落場踢波o既茄喱菲。好唔好食都冇所謂啦，人o地盛意拳拳咁請我o地食o野，唔好意思唔o黎嘛。原來落場踢幾分鐘 + 扮下黃興桂就呃到餐飯，有賺。
中化發夢，坐得咁前都發夢，Miss Fung開到口話我好成日同Billy傾計添！
中史更加唔使講，有講傳教士o架，同Billy講囉。衰多口………
出o左Sports Day賽程表，100m、200m都同劉景霖同場，100m仲有香港佬，200m跑Billy隔離線，仲有肉丸同埋…………利家義！以前100m梅社一定有得「大滿貫」，原來肇lin改玩hurdle，林家禮應該冇走雞o掛？如無意外……4x100m塊金牌………袋硬喇o掛？

>>February 2, 2004 at 2:15:05 PM GMT+8

2004 年 1 月 31 日 星期六 【陰】

我不嬲都好buy陶傑o既論點，除o左日日都o係《蘋果日報》副刊o既「黃金冒險號」之外，佢逢星期日都o係港聞版有「星期天休息」o既長篇專欄，我個個星期都追。今日佢o個篇「黨大還是法大，我也說不上來」講基本法o既條文，無論如何都花o的時間睇哂全篇：

香港政制發展之爭，經中國「護法」蕭蔚雲在香港的一場揮動龍頭枴杖的表演，親中陣營肆意曲詞辯解，一點也沒有「真理愈辯愈明」，而是「歪理愈辯愈亂」。
基本法大量條文都粗糙而曖昧，偏偏容許二○○七年普選特首的附件條文卻立義清晰：「二○○七年以後各任行政長官的產生辦法如需修改，須經立法會全體會議三分之二多數通過，行政長官同意，並報請全國人大常委會批准」。「二○○七年以後」就是包括二○○七年，一點也沒有疑問。親中輿論只有挖空心思鑽動其他字眼的模糊處，例如：「如需修改」與否，應由中國政府來決定，而不是由香港民意或特區政府來決定。又例如：「報請全國人大常委會批准」，必須是「實質的批准」，但連行政長官都同意了的事，如果「中央」信任香港，人大常委會該不批准嗎？所謂「港人治港，高度自治」，實是葉公好龍，基本法的條文，連篇累牘，重重枷鎖，字字陷阱，雖則句句墨瀋，卻又處處空白，無不充滿中國帝皇對臣子奴民的一個「疑」字。
基本法是一部以「猜疑」字為主導，以「控制」為主題，以主觀情緒意志為經，以鄧小平時代老人政治、「小農政權的世界觀」為緯的三流「法律」文件(如果稱得上是「法律」的話)，由於重大的先天缺陷，中國收回香港六年，圍繞基本法條文的紛爭不絕，庸人自擾，窩裡消耗，實是正常之極。
基本法最致命的弊端，是充滿人治語言。例如，本來難得出現一個實際的字眼，像「二○○七年以後」，卻另伴隨另一個抽象的名詞，如「循序漸進原則」，以西方文明社會的法治語言，「二○○七年」是明確的年期，「循序漸進」是模糊的概念，欲彰法治，則必須以明確的字眼定義為本。
但中國有另一套獨特的「輸打贏要」的潑皮撒賴方式。不承認「二○○七年」的清晰年期，卻隨心所欲定義「循序漸進」，以意代詞，以「精神」代條文，萬一香港民意對「循序漸進」另有強大共識，則中方還祭出已經死亡的鄧小平生前的「指示」；「治港者必須以愛國者為主體，普選不一定能選出愛國者」——查遍基本法全文，只有「香港永久性居民」，沒有「愛國的香港永久性居民」。講道理，最後辯不過來，只有把死人請出來，用鄧小平的一句話，凌駕於基本法。如果普選不一定能選出「愛國者」，則就算二○四七年普選，也還不一定選出所謂「愛國者」。難怪專責法政的中國前人大委員長彭真，活了一輩子，留下了一句名言：「是黨大還是法大，我也說不上來」。「黨」大於法，而當這個「黨」由一人獨裁控制，亦即「人」大於「黨」。中國所說的「法治」，古往今來，永遠是「武林至尊，寶刀屠龍；號令天下，莫敢不從」的綠林幫會的天下觀。
由小農社會的幫會意識主導的基本法，乃通篇漏洞。再順手拈來，基本法第四條：「香港特別行政區不實行社會主義制度和政策，保持原有的資本主義制度和生活方式五十年不變」。以中國式的黑白二分法思維，中方把「社會主義制度」和「資本主義制度」視為不相干的兩條路。但今天的世界，「資本主義制度」也有失業綜援、老人福利、勞工醫療津貼等「社會主義政策」，連世界第一流的社會學家，也不敢定義何謂純粹的社會主義制度和資本主義政策。碰到這一條，有人指董建華的「八萬五」是社會主義政策。危害資本主義制度，申訴到人大常委會，香港既然是一部難懂的書，何謂資本主義，此一條文，該如何「護法」。蕭蔚雲之流豈有資格解釋？
中方當年草撰基本法，目的當然不全是為了欺騙港人，如基本法的第四條，禁止香港實行社會主義制度，鑑於自身的失敗經驗，不想香港重蹈覆轍，應是出於好意，但出於三千年的思維局限，今天的胡錦濤甫上台還強調他統治的黨組織和政府「回歸憲法」，不是有法不依的歷史慣性，就是法例語文不求科學，隨意模糊。如大清律例有一條，禁止民間抗議；「抗糧聚眾、或罷考、罷市至四五十人，為首者斬立決。」罷市至「四五十人」，是四十人還是五十人呢？是至少四十人，還是雖有三十九人，也按「四捨五入」的「算術原則」而把示威領袖斬決呢？
基本法的「精神」也是「罷市至四五十人，為首者斬立決」的「四五十人」的「差不多先生精神」。是四十還是五十，是模糊地帶，但「黨大還是法大」，彭真在裝糊塗，蕭蔚雲知道答案，他其實也毫不糊塗。

國安條例都係小兒科，基本法比佢更加意思含混，模糊不清，其實最大問題都唔o係呢度：我從未見過一個國家竟然係由立法機關解釋法例，要確保冇人/組織濫權，解法權應該o係司法機關手上，但係無論係基本法定中國憲法，都係由人大呢個立法組織負責解釋條文。即係「有我講冇你講」，後人一想o係法例空間做o的唔合佢o地意見o既事o個陣，就行出o黎聲大夾惡兼冇準話「我o地當時冇咁諗過喎」、「呢度冇話到時可以做喎」，咁你講哂啦，基本法o係十幾年前就頒布，邊個會預計到十幾年後o既今日發生咩事？如果再遲o的當時有份起草基本法o既人全部歸西，有疑問係咪要搵問米婆？正因為基本法條文唔清晰，政府先可以無中生有咁以「有疑問」作為拖延o既藉口，曾司長，我知你係身不由己，不過都唔該向北大人反映下港人意見啦，我都唔想香港又少個高民望o既官員o架。
睇TVB《鐵翼驚情》，情節本身好無聊，冇乜新意，不過其實故事都少少啟發性，人性本惡？人性本善？人性本無？當人面對死亡威脅，佢會為保命而推三唔識七o既人出o黎死，抑或會為最愛而甘願犧牲？可能每個人o既選擇都唔同，但係似乎人係自私居多。

Re蝦：唔使客氣…

>>February 1, 2004 at 3:06:14 PM GMT+8

2004 年 1 月 30 日 星期五 【晴】

我係白老鼠，蝦搵我做教化妝o既model，其實搵model唔係有個方便o的o既咩？坐定定係咁俾人糟質，粉底、眼影、胭脂乜都做齊，仲要先後俾四個人各玩一鑊！對眼爭o的插盲、Polly + 龐綺鏗搞到我成個鄭中基咁，o係toilet落妝都有排搞，蝦、龐綺鏗見男廁冇人，又走埋入o黎洗手，原來呢度對某人唔算陌生！俾人玩完返落球場同雪、立仔、呂崇傑打籃球(唔係排球)，打下o者，起唔到Q。
o的人真係夠update，o係千色店門口見到有人已經著緊曼聯9號沙夏，老實講沙夏o既衝刺力同突破力都好強，有眼睇曼聯進攻瓣數多o左，雲尼斯達萊同史高斯應該會冇咁辛苦。不過冇o左李奧費迪南o既中路防守問題仍然嚴重，不如收起布朗，將奧沙移入中路拍施維斯達？似乎費sir想繼續用擺助攻唔算強o既佢踢兩閘，而可以踢後衛o既菲臘仔就會繼續o係本身已經人手充裕o既中場。

2004年Eric好歌流行榜(第5週)：
1)阿琴(鄧健泓)
2)悟空(古巨基)
3)飲歌(Twins)
4)調情(鄭秀文)
5)新聞女郎(梁漢文)
6)假使我漂亮(關心妍)
7)避雨(Shine)new
8)女扮男生(At 17)new
9)04祝福你(群星)new
10)仰慕者(左麟右李)new

>>January 31, 2004 at 3:18:27 PM GMT+8

2004 年 1 月 29 日 星期四 【微冷】

5 + 1果然厲害，幾個宗教撈埋一齊講，佢鬼上身？
History未重新教書，做DBQ，做得少少，都係考試o個陣先做得快。
Teachers Day，小息後入hall，其實癲下有乜所謂喎？o的音響冇乜改善，唔係點聽到人唱歌(可能又因為我對耳o既問題啦)，牛榮打鼓好似幾好，我最大o既感覺係窗口位有o的寒。
開始有固定o既新成員食lunch，要十萬火急咁食，爭取時間換衫出球場熱身。好耐冇o係沙咀道踢波喇，兩三粒波一齊飛埋o黎，接得邊個？沙咀道看台坐爆哂，仲多人過香港甲組聯賽！F.6聯隊隊名好怪，「菁莪翠茂隊」，除o左我之外全部都係前5D。同小B溝通好，佢守龍門，我打住後備先，出哂謝彥丰o個o的保留實力，o個邊箱對手教師聯隊「薪火千秋隊」全教師上陣。場波激烈就假o既，玩下o者，好明顯陳梓豪、童金龍o個o的放緊水，5.高校長(施丹？)控波唔會有人貼身mark，4.杜sir幾插花冇人拍，不過6.占sir一起腳Danny就唔會同佢客氣，呢個清道夫有波即刻解圍。教師隊最大弱點係冇默契 + 速度慢，我o地9.舒利亞接應直線半單刀穿破羅sir十指關，點解入完波唔係舒利亞反而變o左肥哨o既？之後o既戰局係膠著，大家波來波往，冇o野好講，最正都係Danny同老Lam包唔實占sir俾佢小禁區頂起腳，小B好波。最後幾分鐘我呢個10號仔終於有得落場，不過唔係守龍門，係代替老Lam打唔擅長o既左閘，一開波都爭o的交個自殺式回傳，好彩又係Danny + 小B = 銅牆鐵壁。一次唔俾黃sir落底出波，一次護空門(係咪唔俾)，一次開龍門球爭o的又有埋門機會。打o左幾分鐘，本來想引球出擊玩助攻，不過肇lin吹雞完場，玩完喇。
半場休息有點球大實，占sir放水，Oscar勁射唔入，好明顯李文彬係特登飛機。第二場換o左以F.4 & 5校隊主力為骨幹，實力強得多o既「敏而好學隊」繼續挑戰教師隊，不過今場教帥隊搵o左F.7做外援抗衡，而呢場波o既講波佬有余寶至同我………………黃興桂！開波o個陣「敏而好學隊」讓齊車馬炮，以一班女將同菜鳥球員掛帥，鰻魚咁好波都冇用。教師隊外援翁子健中路突破(唔係強行突破)輕鬆射入，總比數1比1扳平，之後英格蘭國家隊友誼賽下半場開波o個刻o係沙咀道重現，利家義、黑柴、肇lin、潘政賢、翼仔、雷鏘龍o個o的入哂o黎，話咁快肇lin就左路cut入禁區射破「荃官簡尼」吳sir十指關。之後教師隊又換哂o的F.7入o黎，兩隊鬥攻，兩邊分別有黃啟宇同肇lin，點攻o丫？最後呢場波1比1打和，兩回合計學生隊2比1贏波！我事先張揚我會扮黃興桂講波，同余寶都算OK扮到啦，「學生隊迫到個罰波，o拿，射罰波，最緊要唔好射高或者射斜」、「呢球波如果低番少少，靠番中間少少，咁就有機會入喇」、「射波射唔中龍門即係冇機會，就算射中龍門都唔一定入喎，呢球冇龍門就入o架喇」，後面o個班識波之人已經開始係咁笑，搞掂，收工。
放學俾大頭捉住，搵我幫手book場聽日練女籃。去蕙荃，成個荃灣查哂，全部時間唔o岩，book唔到，其實book場應該早少少嘛，今日book聽日場好難o架。

>>January 30, 2004 at 3:52:22 PM GMT+8

2004 年 1 月 28 日 星期三 【微冷】

最凍都唔係最危險，一般經驗所得回暖o個陣先係最容易病。要小心身體呀，趁仲有假期休息多o的囉。我冇傷風感冒，不過呢幾日開始對耳唔知俾o的乜o野塞住，聽o野聽得好唔清楚，右耳最嚴重，唔使同我咬耳仔，我聽唔到o架！
放完假一返o黎已經覺得Miss Fung比以前有火，今日我o地真係激嬲o左佢喇。全班超過三分之二人冇填體溫量度表，要落office補量，不過我o地又好似平時咁去toilet扮度o左，今次穿煲喇，佢好嬲咁叫我o地即刻落去再度。之後中化堂Miss Fung省到我o地「立立寧」，o個句「一次不忠，百次不容」語氣好重，仲有o的想喊添。對唔住呀，以後唔會喇。
仲有幾份卷未派，不過中史已經開始繼續教書，都話利瑪竇淺o的o架啦，我冇乜點聽書都跟得上。UE派埋最後3個Section，全部低飛掠過，Section C僅僅合格，全科overall好彩應該拉到D，就肥已經執身彩！點解5 + 1會認為梁振英會係下個玩完o既司長o既？係都林公公或者煲呔僧先啦！
中化派多兩份，文化題做唔哂都合格，listening第二part得分率仲週過第一part，oral冇人total唔合格，咁我都定o的，小組討論我應該衰o左o架！
History逐條題目講番，又俾我o地印勁人o既writing，冇我份！Miss Leung依家教緊o既4A好唔得囉，科科都半班唔合格，想當年我o地得Geog最「戰績彪炳」喳！
Buss有最後一組presentation，講平機會，坐得後，對耳又咁，乜都聽唔到。李綺蘭同楊晴旭都好鍾意肥峰………………個筆袋，我都好鍾意o架，不過我衰手腳乾淨！
小息收埋阿釗件校隊波衫，放學俾番潘政賢。佢記得我問學校借boot比賽，叫我聽日拎返o黎，我一口應承，不過……………我後來先醒起我打完聖芳濟場波就俾o左張立打乙組喇喎！
夜晚有Regular Meeting，返屋企放低下書包沖涼換衫先再入荃灣。今晚十丁人，我、兩公婆 X 2、Fan、Kuto、琪琪、六叔、死魚，除o左我同Kuto，其他荃官人都仲著緊校服。食稻草人，初時十個人九雙筷，有人勁浪費，我上次睇完《星期一檔案》之後係開始多o左留意有冇人食剩太多o野o架。
琪琪走先，其他人上哂小B舊屋玩，o係七仔買副啤牌先。以下內容如有雷同，實屬巧合，歡迎對號入座：我N年前話過"Without uniform, everything can happen."，今日我要作出修正：Uniform is no longer an obstacle!!!!!!!!!!!!!!!!!!!!!!
小B舊屋又幾闊落喎，600幾呎，最o岩兩公婆二人世界，玩下煮飯仔又得，捉迷藏都得，呢樣亦得，o個樣更加得，兩公婆想有私人空間要考慮下喇，咁咪唔使次次換校服囉，或者你o地已經唔mind係咪仲著緊校服o既。
大家o的話題勁有味呀，「全身收緊，全身放鬆，收緊，放鬆」，做到就真係超人喇！小B不嬲都有好多idea，有佢o係度唔憂冇o野玩。又笑死又俾人玩死，你o地知點解我唱K唔會點《舞吧舞吧》、《全身暑假》或者《心急人上》啦？
玩到差唔多2145先走，一個人搭地鐵，由大窩口開始，全車人都望向「盲眼位」o既一對人，兩個都好似醉醉地，嗌到拆哂天，唔使咁心急o掛？

Re Cafu:除o左我呢個外援之外，其他都係前5D，或者最前面用舒利亞囉，其他o既都係全能足球o架啦，不過唔知使唔使讓賽，我未諗好應該扮泰比、施文抑或安格文。

>>January 29, 2004 at 3:48:51 PM GMT+8

2004 年 1 月 27 日 星期二 【颳風】

三日內又o黎第二次，之前係匈牙利國腳費希爾，今次係瑞典業餘球員，分別o係比賽同操練其間心臟病發暴斃。上次科爾o既死令我有人生上o既啟示，今次我開始擔心：我不嬲o的體能都唔係咁好，試過唔止一次打到小「掩」劇痛，我會唔會打打下波突然o係球場「辟啪」撻低玩完o架？
今日初七喳喎，點解咁早返學o架？其他學校都放埋呢個禮拜，呢個年假點解咁短o架？仲要一返學就要對試卷，我呢個試考成咁，唔想面對………
先o黎History，真係衰o左呀，DBQ同Essay各炒一條，Essay冇睇清楚"foundamental"呢隻字，其實我o的argument唔差，如果冇解錯題應該OK高分o架！
UE派listening同writing，貧富懸殊。Listening漏勁多s，o的分半分半分咁失，實在太唔抵喇！相反writing好似幾得，應該除o左呢份再冇其他卷可以同人鍊！
小息問人拎番o的校隊波衫，再firm埋余寶踢星期五o既師生足球賽，F.6聯隊對教師聯隊，而另一場我都有o野做，拍住余寶講波，係講波呀！不如扮黃興桂搞下笑？
空堂玩有聊o既遊戲，聽唔好笑o既笑話，比卡超！
中史比預期中好些少，以為條條essay都寫得三版幾一定冇得高分，又俾我呃到個唔差o既分數喎，不過都癲唔過李綺蘭！出面o個o的原來去到mock都係寫得版半至兩版，我都放心o的！有成堂幾空堂，又係平時咁吹水，不過話題唔多。
Lunch出現奇怪o既組合，唔好問我點解。最唔掂o既Buss終於殺到喇，我呢個1.1倍o既包艇大熱最終「大熱勝出」，李sir直頭一句"poor"掟落我份卷度！要加油喇，好彩仲有時間追，下學期o的topic聽講會冇咁難，不過既然唔難，即係人人都掂啦，追唔到o架喎！
中化都唔係有太信心，實用文冇寫title都OK可以接近。都話閱讀理解咁淺一定有陷阱咯，都係唔高分呀，有o的照抄都抄錯！再派埋卷五閱讀報告，Miss Fung勁手鬆，不可作準。
除o左中史好少少之外，其他都唔係太好，真係死o左喇！

P.S.阿仙奴邊度o黎2000萬鎊買利耶斯？

>>January 28, 2004 at 12:21:39 PM GMT+8