2003 年 10 月 27 日 星期一 【晴】

朝早Morning Assembly要同Candy演講喇，哎呀，自己好似全程淨係識望住份稿，冇望觀眾，只係知道自己搞guest成功，全場幾個笑位。校長好似都滿意我o地o既表現，多謝Candy肯出手相助！
History做discussion，講講下走o左去其他topic，結果Miss Leung又串o左我一鑊！
單堂UE本來唔會太難捱(Comparing with Triple)，5 + 1呢條老油條…打o左鐘都仲要係咁講係咁講，全場max(分開兩個音)佢，最後佢足足補時16分鐘有多！死老鬼，你契哥我仲要溫中史o架！
次次中史test前都特別精彩，因為全人類o個種o係死亡邊緣掙扎o既表情同行為都好有欣賞價值(當然包括我)。今日測資治通鑑，明明之前已經溫o左幾次，落到場…都係寫得兩版半，Lim Sir炳硬我喇！唔知邊個呢…話自己唔識唔識，最後寫到要加紙呢？

>>October 31, 2003 at 1:47:18 PM GMT+8

2003 年 10 月 26 日 星期日 【晴】

美麗的一天，有PE冇UE。原本o既Triple Buss冇o左最後一堂，全部F.6入哂Art Room聽我o地每個人o係Halloween要做o既o野，我要做占卜，總之就係無聊。
History Miss Leung派番上次份1848 test俾我o地，好似好多人都發揮唔出水準，連Alison都cred唔到，我寫唔到two-sided essay，不過都執到20分，希望下次上番CE水平！中化堂要作文，根據上次參觀香港文化博物館o既所見寫title《與中國古物對談》o既專題介紹，係完全唔知點寫好，結果打lunch鐘都未做完，要差唔多1235先收得工(有個成日好快做完o既人又係打鐘後冇耐就搞掂都要話「五分鐘先作完」，吹漲)。好肚餓，去美食軒，幫仲趕緊工Candy、Cindy同金希文買埋返課室，結果我o係班房裡面食，要盡量避免發生任何聲音，以免挑起其他人o既食慾！
PE堂都係踢波，多得o尋日o既李文彬唔少，吳sir要我o地踢「三腳波」，完全發揮唔到，慘吞兩蛋！
聽日Morning Assembly就要演講，放學Miss Law搵我同Candy再綵排多幾次，問題都o係我身上，我點講都係講得太快，希望聽日臨場會有改善啦！
練完就走喇，不過落到cover見到子建、歐玲同Vincent坐哂o係鋼琴度，原來Vincent表演緊將流行歌變哂做琴音，佢真係神乎其技，乜歌都彈到，隨o左佩服諗唔到其他形容詞！
P.S.《衝上雲霄》好睇，主題曲好聽！

>>October 31, 2003 at 1:46:43 PM GMT+8

2003 年 10 月 25 日 星期六 【晴】

上次因天雨延期o既荃官對何傳耀o既校際足球賽，安排o係今日補打。去球場之前同family飲茶，搭檯o個度有個超可愛o既BB，Fan一定開心死！
1400去到球場，何傳耀o的人已經o黎齊哂，佢o地連龍門都有自己o既龍門衫，相反…荃官o既龍門要自己諗辦法搵件有號碼o既衫(我就係冇)！吳sir到o左之後先派球員證件，我o個張…好樣衰。最後佢定o左正選出場陣容，正選龍門唔係我。
　　　　　　吳向宇
潘政賢　楊肇年　林家禮　陳國榮
楊啟傳　李文彬　鄭立初　張浩勤
　　　　沈宗傑　馮景昕
上半場戰況：著橙衫o既荃官基本戰略係以兩翼偷擊扯開何傳耀o既防線，不過右翼o既楊啟傳成日走o左入中間，成條右路空哂，再加上阿沈唔擅長打箭頭，經常走番去中場，結果中圈附近就圍o左四件橙衫，分工好亂，所以何傳耀開波初段中場玩哂，係咁向荃官後防施壓。吳向宇信心唔夠，o的角球o係小禁區落都唔敢出o黎接，好彩人o地頂唔到。打冇10分鐘，何傳耀o係荃官三閘線截糊之後交去右路傳中，楊肇年漏油，何傳耀前鋒把握機會o係吳向宇出到o黎之前快腳篤入空門先開紀錄。之後荃官都係冇乜起色，何傳耀仍然控制中場，又係左路角球門前混戰，好彩最後陳國榮大腳解圍幸保不失。馮景昕有個半單刀機會，不過唔順腳，最後都係失機。楊啟傳完全不知所謂，隊波好似斷o左右臂咁，攻擊癱瘓；李文彬o係後半場有波唔交係咁死扭，結果何傳耀可以兩三個夾佢搶到波之後即刻打反擊，好彩佢o地組織力唔算太高，荃官半場保住只係0比1落後。
半場休息o個陣，吳sir狂省班球員，特別係楊啟傳同李文彬。根據我o係場邊o既觀察，荃官其實質素唔差得過何傳耀，不過佢o地成日走錯位，將「沙咀踢法」帶埋去城門谷，下下交波都係「落腳唔落位」，結果完全組織唔到有效o既攻勢，而李文彬身為防守中場，做唔到後防第一道屏障，所以0比1就係我o地「攻不銳守不穩」o既結果。吳sir下半場作出兩個調動，收起乏善足陳o既楊啟傳同自稱冇氣o既陳國榮，換兩個F.6余寶至同劉瑞釗，下半場o既陣容：
　　　　　　　　吳向宇
　　潘政賢　楊肇年　林家禮　沈宗傑
鄭立初　李文彬　余寶至　劉瑞釗　張浩勤
　　　　　　　　馮景昕
下半場戰況：經過吳sir一輪照肺，下半場球員唯一改善o左o既地方係交波快o左，唔再成日無謂上腳，魚寶同阿釗都好肯走動，所以下半場荃官o係中場都夠何傳耀砌，搶番o的攻擊，不過仍然未盡用球場o既闊度。馮景昕又一次半單刀，點知推多o左一腳，如果o係龍門面前剔高就大機會扳平。轉頭何傳耀快速反擊壓過阿沈同楊肇年落底，好彩巨乳出得o黎快，出迎封走傳中波。馮景昕抽筋，梁鉻智(舒利亞)入替，打番exactly佢個位，入場冇耐即刻有個高速入楔，可惜射斜o左。下半場荃官多o左好多埋門機會，黑柴左路角球，楊肇年衡頂楣頂高出。時間越o黎越少，助攻力強o既林家禮推打同阿釗調位，成日走到去禁區頂搵機會。最後階段最致命o既埋門係黑柴傳中省到阿釗塊面彈後，林家禮窩利勁抽僅僅越楣而過！荃官下半場衰唔夠運，最後因為上半場一次失誤，0比1飲恨！
老實講下半場班球員o既表現改善o左好多，入唔到波係冇運，希望下場對呂明才可以打開勝利之門啦。下場係15/11星期六o係海濱足球場打，0930開波，大家記得o黎捧場呀！
吳sir一輪訓話之後解散，同阿沈、馮景昕去食tea，勁講是非，當然…同佢o地講o野，問候語無可避免！

>>October 31, 2003 at 1:44:59 PM GMT+8

2003 年 10 月 24 日 星期五 【晴】

夜晚入屯門Family Meeting，入屯門食飯，去一間叫「X橋」o既酒家食。$38一條兩斤四o既星斑幾抵食喎，條魚都好鮮味，不過o的其他o既就真係…
個南乳齋煲完全唔入味，名副其實o既「齋」煲；碟海棠扒鮮雞等o左十年都未到，仲要o的雞煮到「鞋」哂，海棠菜就苦o既；最唔順超都係整跌o左筷子，叫waitress俾過對我，結果佢冇o左年事！我強烈建議下次唔好幫襯呢間「虹X酒家」！

2003年Eric好歌流行榜(第43週)：
1)亂世佳人(Twins)
2)我不會唱歌(李克勤)
3)逆插玫瑰(盧巧音)
4)必殺技(古巨基)
5)好心好報(方力申)
6)一步一生(許志安)
7)獻世(陳小春)
8)失戀博物館(余文樂)new
9)透視(莫文蔚)
10)十個分手的理由(蕭正楠)new

>>October 31, 2003 at 1:44:22 PM GMT+8

2003 年 10 月 23 日 星期四 【晴】

History今日要Debate，我本來係negative side，不過最後就做o左timer，唔使講o野，好似好離群、好逃避責任咁囉！Triple Lesson第一堂俾兩邊做最後準備，而我就同魚(Chairlady)夾下陣間點主持，第二堂就過哂去3A開始debate喇。
正反兩邊都人強馬壯，陣容係(正左反右)：
1st speaker : 思穎 vs 蝦
2nd speaker : Polly vs Mina
last speaker : Vincent vs 希
floor speaker : 李綺蘭 + Candy vs 林敏 + 楊晴旭
不過最矚目o既始終都係兩個3rd Speaker正面交鋒：Stephanie大戰Alison！兩邊都係以佢o地為主力，floor問題佢o地答哂，兩個舌劍唇槍，搞到我都緊張埋，其實Stephanie答最後一條floor問題o個陣係超o左時，不過我遲o左「叮」佢！結果好似係正方贏o左，不過其實兩邊都有水準演出，應該不分勝負！
小息之後又係最捱o既Triple UE，5 + 1冇長篇大論唔一定係好事，因為今日要作文！以高官身份推銷「公屋唔准養寵物」呢條條例(即係政府自認為最唔掂o個瓣)，超難寫，到1230夠鐘都未寫哂，得300字，5 + 1實省爆我！點解蝦次次都話自己唔得，但係次次都話咁快搞掂o架？
挺同思穎最後o個堂去幫手扮鬼宣傳Halloween，兩個look都幾盞鬼o丫！
o尋晚搵到Candy應承拍我下次Morning Assembly演講，好感激呀！放學Miss Law搵我o地做最後o既少少修改，之後真正對稿試講一次，我講得太快喇，要改善下！
完o左就落cover，今日係社際乒乓決賽Plum vs Pine，三場之後Plum落後1比2。Game 4係F.2仔吳子健決戰F.7陳國綱，陳國綱o的心理戰太厲害喇，其實吳子健唔算打得差(佢真係冇心理包袱)，第一局僅輸9比11，不過第二局陳國綱已經掌握到吳子健o既打法，結果陳國綱大比數贏多局11比5，總場數Pine 3比1贏冠軍！Plum仲未o係社際比賽開齋添，不過相信打完足球就開硬o架喇！
失業率高企，搵工艱難，搞到好多人神經失常。搭地鐵返屋企o個陣見到有個中年男人突然一o野撕爛份Recruit，全車人望住佢，但係之後佢若無其事咁繼續坐。

>>October 31, 2003 at 1:42:29 PM GMT+8

2003 年 10 月 22 日 星期三 【晴】

今日要出trip，參觀沙田官中隔離o個間中國文化博物館，上完第一堂UE先出發，如果係Day 5去咪好得多囉！
5 + 1講道理唔係新聞，今日o既focus係「陰陽」(Yin Yang)，臨場加插鬧人環節(個個都鬧)，特色係前後矛盾。上車之後同Miss Fung吐苦水，佢o既評語係：「佢不嬲都係咁，冇辦法啦，逆來順受啦！」我都想，不過真係頂佢唔順呀，絕對唔係話撐落去就得o架嘛！我o地早到，博物館未開，我o地o係門口繼續講5 + 1壞話。
「導遊」帶我o地睇中國古文物，而呢o的o野我o地當然唔會睇得明啦，不過遲o的要做專題介紹，唯有求其揀o的戰馬雕塑o黎做，因為好似有o的o野寫咁，希望嘔得出600字啦！
返o黎o岩o岩好Lunch，之後上中史，史學名著o個part總算教哂，全科o既1/8已經要o左我條命，聽日又要開新o既交通史，點算？
o尋晚寫好要o係下星期二Morning Assembly演講o既初稿，Miss Law放學同我一齊傾下份稿有乜要補充，好彩到最後唔使加插o的我唔鍾意o既內容，不過最大o既問題係…依家仲未有人應承同我拍擋！

Re蚊：係喎，咁有機會你曬番俾我啦。


>>October 23, 2003 at 2:12:54 PM GMT+8

2003 年 10 月 21 日 星期二 【晴】

上5 + 1堂越o黎越恐怖，今日佢o既攻擊對象係Do Re Me，講o既同時勁啤Stephanie同金希文，我仲以為佢係啤我，我諗我需要更頻密o既「選擇性失聰」！
History堂做兩邊debate各有各傾o野，最後我o既職位係…timer！Mark時間責任重大o架！
放學搵Miss Law(或Mrs Lam)，下禮拜Morning Assembly要做演講，好彩題目係自訂，唔使講o的違背良心o既o野！

Re邪：節哀順變…

>>October 22, 2003 at 2:15:00 PM GMT+8

2003 年 10 月 20 日 星期一 【晴】

Morning Assembly轉o左張偉文做主持，我o地男仔企後面，唱校歌佢梗係聽得唔清楚啦，佢都覺得好unfair，但係都要我o地唱多次，低能！
上UE，平時唔多妥我o既5 + 1…竟然讚我，拎我o係compo寫o的point出o黎講，無奈。你估受佢注意好盞o架？我寧願我當佢冇到時，佢亦當我冇到，反正我患o左「選擇性失聰」！
Lunch環保教育組要on duty收廢紙，Oscar好似o係度周圍送「珍藏版親筆簽名相」，歐玲好想要，不過拎唔到！唔知XX姐姐有冇呢？
中化堂，Miss Fung同我o地講Halloween的確可以著便服，不過一定要係橙色或者黑色。哎呀，我冇荷蘭波衫添，華倫作客都冇！而小妹就胡裡胡塗之下俾Miss Fung欽點o左做唔知甚麼Halloween班代表！
放學o係課室hea，鬥寫歌詞，原來我真係好另類，蝦同「荃灣官立中學副主席」Candy都唔多估到我寫乜。之後Lo返o黎拎Bamboo啦啦球(今次有喇)，pack好兩箱之後我同蝦o係lobby等佢，竟然有個Camphor F.1問我係咪Plum社長！唔係o掛？我受唔起喎，我邊忽似社長先？

Re蚊：太好喇，send俾我！

>>October 21, 2003 at 3:44:25 PM GMT+8

2003 年 10 月 19 日 星期日 【晴】

美麗的一天…係派卷日！
「太累太亂太害怕　說不出說話　你試過日日背台詞　自信記熟那對白嗎　最後卻在那臨場射靶
雙腿發麻」呢句歌詞可以形容今日o既自己。
今日終於有得調位，轉去課室正中間同Judy坐，附近有魚同挺，唔錯，起碼位置上冇咁礙眼！
小息之後派Buss卷，其實我之前冇乜點溫過，不過都好過預期，有63分！都係因為份卷唔算深o者，我要加把勁！上完Buss到UE，5 + 1派番份陳年Compo俾我o地，當然又o係度狂炳我o地，佢話我o地連"What is a paragraph?"都唔識喎！講番篇文，好似已經比其他人好得多，食老本靠Content拉高個分，最後差o的cred到，65分！
Lunch之後…派最精彩o既中史！之後前測過兩次(史記漢書 & 後漢書三國志)，Lim Sir一入課室話會留番最後半堂逐個逐個插我o地，Essay 25分滿分，好似冇人有超過12分，而我…兩份都得9分(10分合格)！哈，鬼叫我兩篇都寫得兩版咩？真係唔知幾時先達到「開行turbo 45分鐘嘔5版」o既不清醒境界呢？
放學History開會講debate o既o野，兼且要幫蝦等Lo電話，佢要返荃官拎Bamboo啦啦球，所以我就順便留o係課室做埋仲未交o既中化功課。Lo好耐都未覆我o地機，原來佢要開會，結果我、蝦同死魚o係麥記等到差唔多1745先join佢返學校，但係學校就「好似」唔俾人入，所以…我諗佢聽日應該要走多轉喇。
已經證實o左Halloween唔使著校服，有人開心死啦！

Re蚊：幾o架，又多人、o的building又靚，最重要都係詩情畫意o既U hal！

P.S.祝精蟲一路順風！l

>>October 20, 2003 at 1:52:32 PM GMT+8

2003 年 10 月 17 日 星期五 【晴】

之前去過中大同理工，今日到港大。今次仍然係同蚊o個班新friend一齊去，仲有久違o既Logan添！本來約o左0950左右o係香港站等，不過小桂去錯地方遲大到，結果我o地差唔多1100先o係中環出發。
中大只係地方大，上禮拜去理工話佢似迷宮，其實去埋港大先知「一山還有一山高」，o個度o的building密密麻麻，好有壓迫感之餘，仲要完全唔知自己o係邊，好彩周圍都有「嚮導」，如果唔係一定蕩失路！
o係文學院走馬看花之後就上o左社會科學院，未有talk，於是兵分兩路，我、蚊同Logan就去商學院聽talk，呢個係Econonmic & Finance，不過一o黎自己其實最心水唔係讀商，二o黎收生實在太勁，唔使諗！之後Logan去法學院拎章程，有好靚o既明信片送，所以我都去襯熱鬧，仲撞到Vincent同大恩姐佢o地！
大隊join番埋哂之後就去聽社會科學院o既talk，港大同中大最大o既分別係，我報中大係報學系，而港大我係報學院，我o係Year 1係讀個foundation先，學院裡面科科我都有可以接觸下(Social Science有Psycho、Stat同精算讀，我之前諗都冇諗過)，到真正發掘到自己興趣之後先o係Year 2 major某個系，我甚至可以跨學院讀，例如我可以major社會科學院o既政治及公共行政系(PPA)而minor文學院o既歷史系！
太肚餓，我o地去canteen食飯。比起中大，港大o的o野好食o的，不過細份，都未算抵！食完我o地周圍影下相、入下圖書館唔知做乜，等到1600先去聽PPA talk，我o地最後一場talk連伍展邦都拖住條女o黎。港大PPA比中大政政系更勝一籌o既係一般學士課程係三年一個學位，不過讀港大PPA，我可以用五年時間讀兩個degree，除o左Legal Science之外，仲有多個Law學位！好似幾吸引咁，中大政政系陣容強勁兼環境好，而且港大PPA就有著數，兩間requirement都差唔多，邊個好o的呢？
聽完PPA，我o地決定去參觀下o的宿舍，有海景o既hall要去到薄扶林o個邊先有，所以我o地搭穿梭巴士去。o係沙宣道o個幾幢有無敵大海景，不過我o地冇落車睇，之後到o左o係再遠o的o既大學堂(U hall)。U hall前身係道格拉斯堡，二級保護文物，外型好華麗，不過係男生宿舍，女生可到何東樓！U hall都有無敵大海景，再加埋古老o既古堡外班，咁詩情畫意，情侶唔o黎就真係大蹝！宿舍o既生活好似好吸引，好獨立、好多娛樂，就算我唔係讀港大，我入U都要住hall！
Hea完U hall已經冇Shuttle Bus返main building，所以我o地唯有出薄扶林道搭巴士直接出中環走人，「港大一日遊」就完o左喇。

2003年Eric好歌流行榜(第42週)：
1)我不會唱歌(李克勤)
2)好心好報(方力申)
3)獻世(陳小春)
4)亂世佳人(Twins)
5)一步一生(許志安)
6)必殺技(古巨基)new
7)死性不改(Boy'Z)
8)透視(莫文蔚)re
9)逆插玫瑰(盧巧音)new
10)成人禮(At 17)new

>>October 19, 2003 at 1:09:53 AM GMT+8