2004 年 5 月 7 日 星期五 【颱風】

原定要考CE英文listening，07:00醒眼，出面滂沱大雨，原來掛緊紅雨，即刻起身開電視開收音機睇下仲有冇試考。睇o左20分鐘，教統局宣布上午校同全日制學校停課，但係考評局就乜都冇講，唔知出門口好定唔出門口好。決定點都去o左李城壁先，呢個時候天文台先o黎掛黑雨，之但係EAA仲未嗌考試延期喎，到07:30終於o係有線收到延期通知，有冇遲o的？
EAA之後補充listening會o係29日補考，相同時間相同地點，如果某o的學校借唔出場地作考場，EAA會通知有關考生新o既試場安排。
冇試考，o係屋企邊做practical skills邊睇波，東岸四強game 2底特律對新澤西，張丕德話William Hung會o係半場表演環節"She Bangs"，ESPN竟然去廣告，William Hung係我偶像o黎o架！
雖然表弟CE緊，但係照打機，Master League三冠王之後又新一季，加難度，增兵，斟四個四個傾掂哂，卡斯達積、贊古路夫斯基、高路斯、捷雲頓o既加盟只係為o左填滿後備席。國米個陣好得人驚，中場線係皮利斯、雲達華治、波班、華拿朗，中堅竟然係碧咸，薛羅拔圖都要踢左閘，要攻唔要守。

2004年Eric好歌流行榜(第19週)：
1)講妳知(張學友)
2)找我(梁漢文)
3)大雄(古巨基)
4)大方(方力申)
5)洗剪吹(吳浩康)
6)狠心愛我(梁詠琪)
7)六呎風雲(李克勤)
8)思覺失調(劉浩龍)
9)戰爭(陳冠希)new
10)心照(鄭伊健)new

Re聰：真係？咁我都放心o的，大有希望keep住原有策略喇。

>>May 8, 2004 at 3:04:53 PM GMT+8

2004 年 5 月 6 日 星期四 【晴】

今日re-take CE英文喇，差o的唔記得拎准考證。平時o既時間出門口，08:00到o左李城壁，先後見到梁鈞銘、周展程、崔崔、楊家俊、林慧豪、陳國榮、伍庭祐、巨乳，我入課室考。Paper 1我早就決定死都要揀argumentative，第2題，話咁快plan好，開行turbo咁去寫完一頁又一頁，澎湃到要加紙，咁多年考試第一次寫到要加紙！希望我份卷唔會抽正俾5 + 1改而又俾佢認得我o的字啦，我一o的都唔concise，最少300字，我篇文斬開一半都夠字囉，UE水平超恐怖o既605字，我已經盡量縮短o架喇，如果唔係800都有！我間房有個相信30過外o既男人，又有人開o左考半粒鐘先入o黎。我來來以為A唔會保唔住o架，事後先知呢篇係report，要加title同其他格式o架，我完全冇做過添！我會唔會A唔到o架？
10:30考paper 2，好搞笑，第一篇comprehension講Twins，《明愛暗總補習社》同《女校男生》國語音直譯英文名差o的笑到我做唔到，第二篇風箏好似幾淺，MC Cloze唔太明講乜，proof-reading簡直…………冇o野好講。周展程相當低能，佢冇睇清楚proof-reading明明有條題號就一定有錯，佢三題打tick…………監考員都好低能，佢都講o左paper 2冇得早走，佢最後15分鐘報時o個陣都仲要"You're not allowed to leave until you're told to do so."；我o地直接答落question paper度，考完當然收番啦，佢o係我o地臨走之前話"You can bring along with the question paper"，真咪真先？
o係李城壁行落MTR，本來只係meet到思穎同蕭邦，突然o係不遠處見到子建佢o地，好多人喎，子建、蝦、六叔、Fan、廖記、蚊、琪琪、徐家樂(如果錯漏敬請原諒)，商量去邊度食都花大輪時間，又元祿又沙嗲王，走下兩個走下又兩個，最後去o左唔知甚麼地方。o個waiter乜都搞亂哂，杯奇異果紅茶差唔多食哂先到，仲要係奇異果粉！睇住都市閒情講廣告笑話，最新tick牌廣告有冇機會入十大？
唔太知食呢個lunch有乜意義，笑下調劑下o掛，食完就散。地鐵唔多人，又有笑o野睇(其實唔應該笑，可以好嚴重)，有個六七歲o既o靚仔玩六人座位中間o個支扶手柱，企o係凳上雙手捏實條柱，個身有咁後挨咁後，正面咁玩。佢突然間跣腳，打直向外跌，「o邦」，唔使我講明撞到邊度啦？應該係撞得好應o個隻，佢即刻喊到收唔到聲，佢媽媽o係荔景拉o左佢出車，我終於恐唔住喇。人o地o既媽媽唔使擔心，應該唔會好大件事o既，Eason都做到爸爸啦！

P.S.究竟田北辰知唔知自己講緊乜o野？佢o既潛台詞係咪「政府應該確保九鐵可以壟斷市場，有競爭力o既對手應該以行政手段強行打擊」？西鐵唔方便，市民自然繼續搭巴士，佢o地冇義務塞錢落你袋，你不如諗下點先可以吸引多o的乘客，提高同巴士o既競爭力仲實際！

>>May 7, 2004 at 2:46:08 PM GMT+8

2004 年 5 月 5 日 星期三 【晴】

如果o係季初講波圖對摩納哥﹐十個球迷至少會有九個諗到係歐洲足協盃決賽o既戲碼，最多都不過係歐聯八強，但係呢個的確係今屆歐聯決賽o既組合。相信唔會有球迷估到決賽會由葡萄牙球會對法國球會，因為除o左1995(冠軍)同1996年(亞軍)o既阿積士之外，歐聯已經連續10屆由四大聯賽o既球會包辦所有決賽席位，法國同葡萄牙球會對上一次打入決賽要數到11年(馬賽)同17年前(波圖)，咁o岩都贏冠軍。而且波圖同摩納哥都講唔上有乜超級球星壓陣，最多得迪高、摩連迪斯有o的人識，可以話係唔多夠班，爭足協盃都還可以。其實有睇今屆歐聯o既球迷都發覺到兩隊波都係「蔗渣價錢打出燒鵝味道」，強如曼聯、車路士、皇馬、拉科都要命喪佢o地腳下，絕對唔係靠運氣。固然曼聯防線突然變得脆弱，拜仁完全冇哂三四年前o個股霸氣，阿仙奴、皇馬征戰太密，A米訓練出錯導致強隊相繼出局，不過你又不得不佩服迪甘斯、摩連奴調兵遣將o既能力，球員發揮最佳水準，團結就是力量，似乎波圖對摩納哥又好合理喎。兩隊擁有迪高、達里、麥卡菲、古利、摩連迪斯、柏素呢o的級數頗高o既攻擊球員，希望佢o地o係決賽打出漂亮o既進攻足球，唔好再好似上年咁，A米對祖記戲碼強，但係場波悶到抽筋。
聽日re-take CE英文喇，今日終於有時間做2001年past paper，經歷過大半年ASL洗禮，CE真係唔算得o的乜，限時90分鐘o既試卷58分鐘就做哂，88%命中率。Writing打死我都揀寫argumentative essay，就算topic唔太熟悉都揀，呢方面我應該有一定優勢。

Re挺：你冇出現嘛，我o地夠想搵救兵咯！
Re Billy:我明白o既，恐懼感呢o的o野人人都有。好喎～

>>May 6, 2004 at 2:05:38 PM GMT+8

2004 年 5 月 4 日 星期二 【微雨】

o尋聽《光明頂》，陶傑佢o地將五四運動批評得體無完膚，未免太以偏概全喎，要知道當時中國積弱得咁厲害，北洋政府又咁令人失望，學生不斷咁開戰線係無可厚非。
都好似好唔穩定喎～
5 + 1話今日要做oral，唔記錄上次佢叫我買定o的咭紙，要人提我先記起，唔敢兜口兜面話俾5 + 1知，怕佢又話"Under the school management, I can do nothing"，所以唔可以唔周圍搵咭紙。Miss Sze唔o係art room，Lim Sir話佢自己點會有，最後毫無辦法，循某渠道搵到靚紙cut開30份。
o車，又話要oral，齋睇passage，早知唔使咁趕頭趕命！
兩堂UE搞到我o地死o左咁滯，冇哂心機中化，派測驗 + 習作，測驗僅僅過半，習作就全班齊齊高分，吹水題評價不俗。抄point抄到手軟，「天人合人」，小妹以為自己好勁，一山還有一山高。
Lunch好似有好多o野玩，唔記得玩過o的乜，不過係笑得好開心，無聊笑話。
上六樓後座睇video，繼續係希特拉o既恐怖宗教語言文化，不愧係世界第一魔鬼。Judy好多搞作，我、佢、Billy、Vincent四個墊個頭落其他人大脾，然後拎開o的凳，Billy驚斷脊椎，唔敢放鬆個身，玩唔成。
Buss好精神，睇剪報游蕩埋最後o個堂。
早已經唔記得ADT仲要on duty，好耐冇去，F.3都好少人去，做住假期功課先。
落cover，做義工，幫阿嫂補課，Geog + Econ好耐冇掂過。Geog改哂syl，好彩我o地早出世，o的topic炒埋哂一碟，冇得skip最讀到嘔白泡o個o的(Rock + River + Coast)，而且足足一年冇掂話，生疏哂，記得少少喳，應該小妹出馬嘛！Econ難度唔大，慶慶將我o地兩年前o個份price control題原封不動咁俾4A做，答案記得清清楚楚。冇所謂啦，反正我返到屋企都唔會做功課住，坐多陣囉，有o的o野上網做都得o者！可？

>>May 5, 2004 at 3:14:31 PM GMT+8

2004 年 5 月 3 日 星期一 【綿綿細雨】

今日係「五四運動」85週年，當年o既德先生、賽先生，後者早已經成為中國o既一部分，但係德先生似乎仲未o係中國出現喎，呢個當時o既青年人o既夢想，今日又有幾多人渴望佢o既來臨？我認為「五四運動」係中國歷史發展o既轉捩點之一，年輕人o係政治舞台o既角色越o黎越重要，中國人亦變得越o黎越強，越o黎越偉大，只可惜……………o係我眼中，中國o係1949年已經滅亡。
Lucky Number其實係咪只係撞彩？
收UE功課收得唔好，要交兩次，好彩5 + 1冇black face我。如果吳sir唔係東張西望，佢又點知我o地唱《義勇軍進行曲》o個陣都係東張西望？
History繼續似乎唔太重要o既topic，走上走落得個行字，Deborah好理所當然咁話唔知o的o野o係邊。
Section C抄人，出o左事添，o岩得太多，太唔正常，冇時間加o的錯o既答案落去！5 + 1教用search engine，真係可以搵politician咩？點解肥峰唔search God Father，走去search會計師o架？
空堂同Billy、挺玩五子棋，疏忽大意，要o係A到CE英文writing，最緊要係………寫夠字。其實揀argumentative真係有利o架，我o地練o左大半年UE writing，應該掌握到少少argumentative技巧，降級玩CE超哂班啦！
改去繼續7S上中史，因為多o野，雖然蜥蝪仔唔見o左。Lim Sir記得我未交DBQ，最近成日俾位佢入添，夜晚趕好喇。佢講到明聽日返7A上，頂唔替我o地成日玩棋？治標唔治本喎！
o係7S搵到本JUPAS指南，lunch睇過，開始明明地個程序大致上係點。
唔知點解呢兩日特別易搵周公，Buss又o黎，好彩notes抄得切。唔記得要present添，其實俾兩分鐘時間我就有o野講o架喇，不過算啦。其實邊間係皇家馬德里體育會？
中化最後一節present，睇園林建築，唔專心地睇進攻足球，睇奧雲反面教材，discussion都係人o地主導o架啦。
放學唔做o野住，繼續五子棋，都係有精神o個陣先再玩啦。

Re FatPang:"Ole"本身係西班牙話，表達心情愉快o既聲音，因為好多國家都用西班牙話，所以Ole越o黎越廣泛o係球場使用，加上"Ole~Ole~OleOle~"係2002世界盃唱到通街都識o既打氣歌，唱到球員high爆，之後"Ole"成為球場上球員間互相鼓勵o既說話。球證剷得型o的，我只係近距離睇到兩條A都好肥囉，簡東拿個look都有o的搞笑喎，好似睡眼惺忪咁。

>>May 4, 2004 at 3:18:35 PM GMT+8

2004 年 5 月 2 日 星期日 【晴】

o尋晚00:15先撻落床，不過勁早就醒o左。
坐新位，返學校趕閱讀報告，寫得幾多得幾多，但係早就plan好唔交住。
中化繼續睇presentation，不過我開始發作喇，釣下釣下咁聽o野。
History本來有video睇，projecter開唔到，下次先，邊discuss邊做Nazi Reading Report，進度OK快，Miss Leung話病o左要三星期先好我哂，我平時次次都一日搞掂喇喎！
課室熄燈睇power point，Buss釣西魚，李sir好似照notes講，遲o的先睇番都得o掛？
又有人踩親5 + 1條尾？搵我o地o黎出氣，笑到get out，死順，又要補時，補時10分鐘。
冇錢，Lunch唔出去，杯麵搞掂(汽水都唔使飲)，來來諗住o係課室做下o野，又不自覺咁同肥峰、陳江講波經，冇錯，奧雲的確能人所不能，世上冇乜邊個可以離門一碼射波上看台。
7A好焗，不如整個輪「更」(唔好發錯音)制度，以後上堂前搵人上o黎開定冷氣先啦！今次過7S先，隻蜥蝪唔見o左，蜥蝪仔，唔好有事呀……………用圍棋同Billy玩五子棋，險勝。好唔專心添，Lim Sir有怨言，Billy藝術細胞一流，咁o既都畫得出o黎。俾Lim Sir問大學讀邊科問到我口啞啞，理論上我冇乜機會入到中大政政系，依家alternative係中大社會學(Sociology)，答唔到Sociology大概讀o的乜添，其實我有興趣o既來來去去都係讀o個o的o者。尾中不掉點解？條尾太大整唔甩！
放學留o係冷氣房，閱讀報告趕工，六七個o係課室hea，又話食粥o既？邊個請？唔敢望轉頭添，怕做電燈膽嘛！「唔識做功課呀～」「唔緊要，有我幫你嘛…………」今日明明有30度，好痺。16:45趕人前接近報告完成，我一o的都唔馬虎o架。去七仔，「人家兩個人一支雪條o架」，冇事。上三聯，睇地圖，龜好似對《拍拖交遊勝地指南》好有興趣，仲有另一本，恭喜恭喜。對攝影書冇乜興趣，搵o左本關於國民黨o既書睇，大概講李登輝點樣出賣國民黨，國民黨未來o既路線應該點走，睇o左少少喳。返出去，個天好靚，藍天白雲，影番幾張先，真係優美。搭地鐵，去到荔枝角好多人入，不過一眼就睇到，其中一個相信係…………八兩金！聞名不如見面！車裡面好多人都應該見到！出長沙灣站，o個度o既天空景差唔過荃灣o個o的，又影。

P.S.最新o既tick牌廣告超好睇，數到有費高、昆利斯馬、C朗拿度、保列達、列卡度、肥哨、細哨、丹尼臣、卡路士、簡東拿、雲佬…………………唔知有冇睇錯，笑死，我明o個句"Ole"點解喇。

>>May 3, 2004 at 2:50:37 PM GMT+8

2004 年 5 月 1 日 星期六 【晴】

《西潮》幾好睇，但係閱讀報告做到頭都大哂，不過我堅持睇城市論壇。主持一開波就remind班維園阿伯唔好o係live節目爆粗(收到廣管局warning)，「愛國」o既維園阿伯今日o既攻擊目標係李柱銘，佢自嘲做o左維園阿伯(佢65歲，o係維園出現)。呢班真係港大法律系學生？言之無物，講o左等於冇講，中學生講得仲有point過佢o地。馬力身有屎，主持叫佢搵個學生發言，佢揀唔落手(因為台下唔會有學生幫佢講說話)，最後都要搵維園阿叔(佢未至於阿伯年紀)！
城市論壇o既內容令我諗起李怡o尋日名為《一派胡言篇》o既每週精選，睇o左有好大o既共鳴，等我都發掘下佢未提及o既名人「偉論」先。
何鴻燊：「民主派搞遊行唔係好o野o黎………巡行等於玩火，玩玩下會玩著o架，巡巡下有o的燒車、有o的搶o野，咁就搞出好大件事，咁香港就會變o左亂。」首先唔該澳門人收聲，澳門要唔要普選係未來o既事。敢問一句，七一遊行o個陣，香港人打爛o左幾多塊玻璃、燒o左幾多架車、破壞o左幾多支欄杆、又有幾多宗示威者襲警個案？民主派幾多次去葡京踩你場？港人過去o既遊行不計其數，邊次唔係和平進行，邊次示威者唔係理性剋制？抑或你收到風，o黎緊另一次七一遊行中央會派人混入遊行人士當中專登搞事？
胡應湘：「福利要有人磅水，唔夠稅收，咪一路加稅，咁香港就散囉………激嬲o左北京，佢話你咁亂，我要行中國法、社會主義，咁你點呀？」已經太多人講過無數次，普選唔會導致民粹主義、福利主義抬頭，民主法治反而會真正保障工商業者o既利益，歐美民主國家都3伙由有工商界背景o既政黨主導。普選唔係挑戰中央，只係《基本法》賦予我o地o既權利，中央言而無信，理虧在先，仲講乜o野我o地激嬲佢？
羅康瑞：「香港有乜資格挑戰中央………咁唔鍾意，唔好o係度住！」你估我o地唔想走？係咪我想走，你就俾張機票我，俾埋你手上o既美國護照我先？
無數生物(係咪人尚待考究)：「要繁榮穩定先可以發展經濟，香港承受唔起政治實驗！」人生每一步都係賭博，向前行係賭博，原地踏步或者倒退都係賭博。邁向普選係試驗，維持小圈子選舉亦係試驗，點解香港會afford得起沿用畸形o既政治制度，但係afford唔起加大政府認受性o既普選？

2004年Eric好歌流行榜(第18週)：
1)找我(梁漢文)
2)講妳知(張學友)
3)洗剪吹(吳浩康)
4)奇洛李維斯回信(薜凱琪)
5)大雄(古巨基)new
6)狠心愛我(梁詠琪)new
7)一拍兩散(容祖兒)
8)思覺失調(劉浩龍)
9)六呎風雲(李克勤)new
10)大方(方力申)new

P.S.今日29歲生日o既碧咸下季會唔會重返英超？不得而知，但係機會唔細。

>>May 2, 2004 at 2:21:19 PM GMT+8

2004 年 4 月 29 日 星期四 【酷熱】

最後一次SA抽獎，Miss Fung懷疑有冇黑箱作業，加大碼o既衫我都唔o岩著喎！
多得陳江，o尋晚終於搞掂份Buss喇，全班得我一個寫白板，9分題5個point，16分3個，講到亂哂大籠，乜我搵料o既方法好新穎咩？無所不用奇極o者！
冇狀態，History發夢，Miss Leung知知地，佢對有信心所以唔理？
中化寫會議紀錄，好荃寫，連內容都要自己老作，老吹o的人名，鍾樂海、鄧肯、麥基迪、費迪南，掛住諗人名，進度緩慢，半個lunch冇o左。寫寫下食食下，Sparc Radio，洛杉磯湖人君(胡寅君)o的笑話好冷場，「大膽假設，小心求證；陣間踢波，我都要『小心球證』」，又勁播William Hung經典金曲，以佢咁o既歌喉，睇o黎我去美國都有得做明星喎，只可惜我太靚仔(比起佢)！我o地口是心非喳，聽下笑話都好o者，唔使走落去叫人閂6A個咪o掛？
吳sir講o野冇乜邏輯，佢根本認識有限，扮哂好識o野咁，我之所以次次都o係呢度頂撞佢，唔係因為佢同我意見有別，而係佢唔識扮識！之前太多人踢波，今次太少人，六打六全場跑死，雖則我唔使跑。好多空位，肥峰、阿釗助攻助守打多幾個，好容易就先o趙三粒，楊家俊o的白痴失誤又o黎喇，好彩人o地把握唔到，自己友回防快，力保不失。本能反應，舉高腳會連手都舉起埋，上次肥峰，今次到阿釗，又係mark舒利亞o個陣手打波，又輸九碼。上次余寶操刀俾我救到(之後俾人補中)，今次舒利亞親自處理，射我左邊，捉到路o架，角度太刁鑽，鞭長莫及。人少如果防守球員冇意識好易俾人穿插走位扯空檔，楊家俊跟波走，大大條中路空哂，龍突入半單刀，橫傳俾舒利亞(佢唔知幾時冇人睇)，封哂位，佢快，再帶橫一步起腳，擋到都入。對方個勢返哂o黎，好彩挺半帶幸運拉開比數，勝負起分。我今日表現唔算太好o架，平時出哂名「沙咀道擴音器」，今日次次有波入禁區都唔嗌keeper，濕九俾哂位我我唔接，差o的出事，最後我終於都要付出代價喇：又係層層疊攻勢殺入禁區，又係應該出o黎接o既波，又係出o左o黎唔嗌，結果同全速回防o既挺火星撞地球，超應o個隻，唔知有冇入，但係我左右腳腳掌都擦傷o左，左腳流埋血，滲過埋隻襪，一時間連身都起唔到，被迫因傷退下火線，其實完全唔關其他人事，係自己沉默累事喳。
拐下拐下咁返課室，腳步緩慢，Class Period甚麼愛人愛己測試冇興趣。Miss Fung再一次調位，調去左邊，竟然同Step坐，真係唔知我唔好彩定佢好彩。腳痛，放學唔想郁，《西潮》揀自己有興趣o既睇，好搞笑，有共鳴，不過仲有好多先睇完呀，星期一交唔交得切閱讀報告？呢個weekend其餘所有功課一律擱置！

Re Billy:太好喇，又可以睇多個人o既私癮！

P.S.黃興桂講o野自相矛盾喎～

>>April 30, 2004 at 4:04:55 PM GMT+8

2004 年 4 月 28 日 星期三 【晴】

已經Lucky Number喇喎～
o係屋企竟然搵唔到Russia兩份reading report，諗住今日測History死硬啦，不過睇落問題唔算太難，揀到自己算係最擅長o既「外交影響內政」，加上大把時間，差少少就四版喇。第三堂玩純背書，證明我o地唔係填鴨，我依稀仲有少少記憶，出到去唔知自己講o左乜。
5 + 1風趣死喇，白天鵝、黑天鵝、嫦娥，三番四次特別標榜自己怕老婆，咁係咪發哂大達先？佢知我o地個個接近18歲，講o野唔怕露骨o的，甚麼「晚晚得」係吹水，佢講緊自己？(哎呀，我都好露骨添)
今日荃官幫自行派位o既小六生interview，早幾日Lim Sir o係中史班搵o左六個人幫手，我、挺、Billy、肥峰、Candy、林敏，13:00左右已經有唔少學生同家長o係cover聚集，但係我o地堅持13:15先落樓。Re係今日o既最高話事人，confirm自己o既工作，先幫學生登記，原來有o的人係會完全聽唔到叫號碼，第一批64人，分別去Hall英文、Lib中文、Geog Rm等。一o黎之前淨係聽過Miss Lee極速briefing，二o黎我o地分工唔清晰，理論上應該係守o個度o既帶人去其他地方，唔使走去另一處接人返自己o個度，我o地就係因為呢樣而亂哂籠，要不斷走o黎走去補位。
14:45左右考完第一批，第二批80人已經齊集cover登記，要調人落去幫手，呢個時候開始又亂喇。Mrs Kam話第一批英文差唔多考哂，Law Sir催下批入o黎，即刻check流程，睇錯81-96最先入hall，其實頂頂寫o左應該係65-80入先，掉轉o左，亂哂，要調。三個人o係hall門口，太多喇，最後終於回復正常，陳江代替肥峰，我調落Lib幫挺，之後挺走先，唔緊要，我一個都應付到。有人入Lib前拎住支原子筆上香咁拜，佢一定係裝香俾耶穌！16:30終於全部考哂喇，發覺o的小六生多數好拘緊，以為呢度校規嚴得好厲害…………呢個係假象，我當時都以為係，希望某人得啦！不過睇o左成個晏晝，144個學生，一個李鄭屋官小都見唔到o既？
快快手手執好書包落樓下，3 on 3籃球6A八強俾4E淘汰，對面有小強有黎正邦，非戰之罪啦！決賽6B(1)加時22比20贏4E，幫2隊報四強一敗之仇，李天成日話自己嚴重退化，o的拿手絕技邊走邊射仲係咁煞食，濕九成日又holding又走步。
o係cover同小妹佢o地hea，有排球，同Judy、龜踢陣先，後腳交波，小妹即興話要學踢波，記住一個字得喇！要守單刀，慢動作撲出，及時閂閘，好樣衰呀，我竟然………………屙蛋…………冇眼睇。
聽日點都到我Buss Essay Presentation喇，條題目完全唔明，乜point都諗唔到，想去三聯搵marking scheme，其他科就有，係冇Buss，我真係冇o野諗呀………………

>>April 29, 2004 at 3:49:43 PM GMT+8

2004 年 4 月 27 日 星期二 【暴雨】

Lucky Number~~~~~~~~~~~~~~~~~~~~
以後都要記住Lucky Number喇～
同思穎分工趕UE，佢做哂全部仲快過我揀o黎做。
Miss Leung超高效率咁派埋條Russia Essay，仲以為自己離哂題會好低分添，原來冇離o架？我唔算癲，28分o既唔係Step唔係Alison唔係金希文！第二堂又變o左時事課，挺好可憐，原來曾憲梓係佢同鄉。下次你再返鄉下記得提我，我送罐油俾你，路過「騙子大道」o個陣用！
李sir晏晝要監考AL Physics，得頭兩堂Buss，未準備好present，下次先。第三堂返課室，成班仔講波經，四箭頭、車輪戰、謝拉特泰利冇可能過檔阿仙奴、韋利走硬、伊巴謙莫域係老將…………
原來小妹o係朝早o既SA抽獎未講哂成份稿：學校會有500幾個Yumiko充斥o係校園內………………
普洱鴨腎，今年AL中史題目好似每part都有揀得落手，咁下年會唔會又冇命o架？
中化發夢，人o地present我冇乜點聽，只係等放學。
放學6A打3 on 3班際籃球，冇籃球褲，焗住著波褲，好短，不過都冇某人o既懷舊NBA波褲咁精彩！同組有3C同1A，佢o地打先，Bryant屈哂，其他人冇乜特別，Bryant單人匹馬足以將1A收拾。我o地16:00先對3C，肥峰、龜、牛榮最強陣容出戰，場邊有「龜龜私人啦啦隊」吶喊助威，龜主力箝制Bryant，又月球漫步式剷籃，大家都唔識攻，冇計，人腳所限。正如我之前所講，冇超技術盲唔係防守，龜深明呢個道理，出術，從後拉住Bryant件衫，賤迪睇唔到，冇事。Bryant又屈三分，好彩肥峰剷籃有水準，牛榮防守，龜撐起成隊波，10分鐘o既比賽10比6結束，比起其他賽事呢場我 分超低。
仲以為1A餚底唔打添，雖然雨粉粉，但係第二場都打得成。牛榮走o左，肥峰抖抖先，所以我 + Judy拍住龜打先發，順理成章主軸仍然係佢。我o的籃球好似真係退步o左好多呀，防守勉強算合格，始終身型佔優，正面爆籃我守到，但係佢o地似乎一眼就識穿我左右移步唔夠快，係咁屈速，我唯有引佢o地落籃底陷阱，俾龜埋o黎夾擊；或者我做得比較好o既係補位，幾下人o地上籃我及時飛埋去封位，唔俾Easy Shoot對手。進攻真係完全唔掂喇，Judy主要射外圍，我要多o的埋三秒區等籃板 + 頂位，不過我成日都走得太入，o的波彈過自己頭頂俾F.1矮仔執哂；又唔多夾到龜，想升出葫蘆頂打pick & roll但係又唔知佢幾時想點做法，不過唔掂波好似係好o的，o係外圍射出兩球air ball，諗起都瘀皮。相反Judy有一半三分命中率(四射中二)，球隊平均得分最高，仍先係最有力o既秘密武器。肥峰入替龜，龜抖o左一陣輪到我落bench，就咁我o地10比2贏埋第二場，首名出線，聽o既八強好似對4E，有黎正邦………………

P.S.白禮達低能o架，搞完呢樣搞o個樣，冇o野搵o野搞！

>>April 28, 2004 at 3:55:59 PM GMT+8