2003 年 11 月 6 日 星期四 【晴】

一朝早返入課室，點解咁多書包o既？原來小妹佢o地搞o既年宵「大團圓」今日要presentation，佢o地早o的返o黎最後綵排，加油呀！
6C Law Sir一早話Roll Call會有o野搞，原來係早排B樂上上下堂突然手機響，Law Sir要佢o黎做speech，不過冇乜人聽佢講。
中史堂冇o左前兩日o既搞鬼，正經番好多，不過Billy好似對「裸人國」好有興趣！
UE…都有廢話，不過我竟然膽大包天咁做其他o野，擺明嫌命長(其實林挺仲大膽，入sick room，返o黎o個陣5 + 1送o左句"Welcome Home")！
中化做小組討論，今日做o左三組，一組比一組好，我好驚我臨場腳軟呀！
Lunch遲o左放，落到cover，見到連玩兩日Sports Day今日放假o既Fan同Lo，join埋佢o地一齊食米線，仲有死魚、魚絲、Kuto、Mina同蝦。
之後要測History呀！Italian Unification唔知點溫，o尋日淨係睇o左本Stphen Lee，結果條Essay過哂鐘先寫o左四版喳，冇乜進步添！
Buss又死，李sir派番o的突擊測驗，俾我o地，好低分呀，都唔知自己做乜，要努力喇！
本來放學係社隊練波時間(星期一比賽喇)，不過球場竟然用o黎搞function，即係我o地操都未操過就要上戰場！依家都總算搞掂社隊o既球員名單，唯有靠佢o地打天才波啦！
返o左屋企先，之後先再出荃灣Regular Meeting。又係1900 MTR A，準時到o既有我、準壽星女梅玲、過氣壽星女Su、就快係壽星女o既蝦、Lo同唔食o既子建。今次去元綠，不過等張10人檯真係幾難o架，坐o左好耐先combine到張大檯，之後到o既有Fan、琪琪、朱基、死魚、六叔，仲有短暫客串o既魚絲。大家好多o野傾，講下自己學校o的o野，笑下笑下就hea完成餐飯。本來一group人去打機，一group陪蝦買禮物，不過打機o個group有人被逐，打唔成，最後成班人唔知做乜好，我要返屋企交人(因為今次我又係偷偷地出o黎meet大家)，所以走先，最後成功瞞天過海！
梅社參賽名單最後版本：
7A徐家樂　6A徐國峰
5C林家禮　5C李文彬
5C楊肇年　5D潘政賢
5E馮景昕　5E李業彤
4E張立　　4E馬展峰
4E胡文瀚　3B徐紹峰
3B李景恆　3B伍澤恆

>>November 7, 2003 at 2:26:21 PM GMT+8

2003 年 11 月 5 日 星期三 【晴】

UE堂又要Be Good to Myself(Dictaion by Heart)，10句unrelated o既句子，好彩最後o個句寫唔哂都有B+！經濟5 + 1兩堂o既折磨，唔食番o的o野補充下即係玩命，所以小息同Judy落cover食薯餅，熱氣！
兩堂中史，四條友又o係度玩o野，玄奘巡迴天竺各地…登台獻唱？Lim Sir話聽日要交張騫班超份Worksheet喎，邊有時間做？
Buss又o黎突擊測驗，做Essay Outline，乜point都諗唔到呀！李sir講故事，其實都係叫我o地做ECA之餘，都要留意多o的學業o者。我會o架喇！
中化，派番上次份公函，得47分，Miss Fung話我敷衍了事，推卸責任。其實封信擺明就係叫我o地好似老懵董咁「禮橫折曲」、推卸責任啦，呢個評語唔合理！佢仲俾o的病句我o地睇，笑到我o地收唔到聲(其實應該係苦笑)！
o尋晚應承陳江放學幫手去PTA校服回收度打躉，真係打躉，根本唔會有人幫襯，結果無無聊聊咁hea到1615。上番課室，做多陣中史，等到1645打鐘先捨得走，不過又係唔知自己做緊乜！

>>November 6, 2003 at 1:18:27 PM GMT+8

2003 年 11 月 4 日 星期二 【晴】

中化終於教完第一篇《與青年談中國文化》喇，不過好似乜都唔識咁，之後仲有五課點算？
o尋日Miss Leung出到聲話我o地成日遲入課室，所以今日我o地全人類好早就殺上1A！要做Group Presentation，不過我o個組冇乜人睇過Stphen Lee，完全唔知自己講緊乜！
Buss李sir俾o左個突擊測驗我o地嘆，要做Essay Outline同Case Study，好彩可以open book，如果唔係唔知點死！
UE堂要做presentation，5 + 1唔知發乜神經，俾我o地一pair pair咁做！原來今日有家長寫信去蘋果complain學校新翼比預期遲搞掂(為o左證實呢個消息，有人特登買份蘋果番o黎睇)，投乜鬼訴o丫？預期六月收工，依家十月俾到你咪算快囉，呢間官校o黎o架！
三堂中史，第一堂完全係搞破壞，肥峰絕對係發揚5B次文化o既另一個重臣！之後派番上次《資治通鑑》o既test paper，有少少進步，12分，高o左3分呀！
放學唔想返屋企住，留o係課室hea，Vincent佢o地係咁o係白板寫vocab，我都玩埋一份！之後…唔知發生乜o野事！

Re Su:噢，咁你唔夠運喇。
Re魚：o係後面發生，你咪睇唔到囉。你好番o的未？

>>November 5, 2003 at 12:17:02 PM GMT+8

2003 年 11 月 3 日 星期一 【晴】

有PE冇UE，今日比o尋日更美好，不過我太唔細心喇！
Morning Assembly狂頒獎，頒校內校外水運會o既獎，余雪瑩講勁多「破學校紀錄、破大會紀錄」，簡直恐怖！中途有人嘔，Billy竟然仲可以研究人o地乜早餐，救命…
我o地上親History都好遲入課室，Miss Leung終於出聲喇，下次真係要早o的！之後中化做閱讀理解，冇乜進步…
估唔到就算走o左大半，我o地5B獨有o既次文化都仲帶到入6A，唔知有冇機會繼續發揚光大呢？Billy依家身負重任喇，我或者可以協助下o既！
潮公班o靚仔又霸o左個球場，搞到我o地PE堂要廿幾人o係同一個場踢！密麻麻點打喎？不過都俾到我試練o既機會o既，今日o既狀態接近巔峰，陳梓豪幾球近門抽射都逃唔過我十指關，而且我接到波之後可以即刻放長傳打反擊，夠哂全面！不過最後豬紅一個烏龍波都係收死o左我！
PE堂後o既Class Period，要睇video，講國旗、區旗、國徽、區徽同國歌(字眼係佢o地定o架)。老實講我對呢幾件o野冇乜感覺，佢o地關中國人咩事？呢個問題好複雜，費事o係度講，有興趣知就chat我啦。
社際足球下禮拜一終於開波喇，o的對碰係上屆翻版，即係Plum對Pine。Pine有五六個上年o既正選離隊，實力大打折扣，相反Plum人強馬壯，兵源充足。只要我o地生生性性，進攻o個陣俾o的耐性，贏波應該冇難度。場波應係1600開，大家記得o黎捧場呀！
放學o係荃灣站月台撞到聰，原來佢出旺角join小邪佢o地，大家傾o左一陣計，互相勉勵下囉。

Re邪：我指大科肥佬喎，除o左我仲邊有人有？
Re聰：仲有邊科會肥o丫？唔通History咩？

P.S.食早餐，尤其係自認「唔見得光」o個隻，千祈唔好去人多o既地方，後果自負…

>>November 4, 2003 at 1:24:44 PM GMT+8

2003 年 11 月 2 日 星期日 【晴】

雖然有今日又有三堂UE，但係都係美好o既一日！
三堂History冇釣魚，不過Miss Leung都照串我，仲有阿魚！
Locker鎖爛o左，小息落DT房搵根叔幫我搞，要自己買番個鎖，搵日佢幫我裝。
5 + 1廢話少o左，不過串人o既比例相對高o左！因為冇人交News Cut File，佢又重提要選Subject Rep，其實唔使啦，下次o係你到之前交哂出o黎檯面咪得囉！反正「無Subject Rep制度」都安定咁行o左個幾月啦！
未做哂中化book report，所以o係canteen食lunch算數。點知原來今日開始o的公仔麵再冇特價，o的料要逐樣計，結果食o左我$15！我唔會再幫襯維他o的麵！
都上o左兩個月中史啦，Lim Sir仲係成日搞亂我、肥峰同徐紹峰個名！其實有幾難記喎？
會考證書出o左，放學成村人落office拎。唔使拗喇，都話我o個張最樣衰咯！90個F.6得我一個有支槍o係手喳，咁都唔叫樣衰？我唔清楚離開o左學校o既係咪都可以返o黎拎cert，最好了解下先，無謂白行一趟。

Re聰：好唔抵呀～

>>November 3, 2003 at 2:27:24 PM GMT+8

2003 年 11 月 1 日 星期六 【陰】

$150見財化水……
禮拜五託牛榮幫我落馬會飛，買o左條車路士贏愛華頓 X AC米蘭和祖雲達斯 X 富咸和利物浦o既3串1，中哂有15倍分頭o架！o尋晚頭兩關都過哂(車仔贏1比0、A米和1比1)，今晚梗係睇埋富咸
場波，打到88分鐘都仲係1比1。點知突然間利物浦博到12碼，梅菲仲要射入埋！結果利物浦咁就贏o左2比1，條3串1斷o左最後一關呀！$150咁就o係手上飛過喇！

Re Su:我o地都差唔多o者～
Re 朱生：呢度唔係擦鞋o既地方，要擦返屋企慢慢擦。
Re Cafu:唔知呀，我o地小妹都幾正o架！


>>November 3, 2003 at 1:57:11 PM GMT+8

2003 年 10 月 31 日 星期五 【晴】

星期一要交《棋王．樹王．孩子王》o既中化閱讀報告，計入AL分，所以唔做唔得。不過我o尋日先開始睇，我睇書睇得太慢喇，我依家先o岩o岩睇完棋王，相反某o的話自己都好慢o既今日先開工，但係就連孩子王都睇埋！死啦，我星期一前一定睇唔哂喎，點交功課？

今朝睇蘋果日報「名采」專欄，高慧然o係佢o既「然為心聲」寫o左篇「愛被被愛」，o係度同大家分享下：
在一段兩個人的關係之中，相信很多人都希望對方愛自己比自己愛對方更多一些，享受被愛的快樂，是人之常情人性是貪婪的，尤其女人，她們是愛的飢餓者，絕大多數女人的理想是遇到一個愛她的人，把大量的愛源源不斷輸送給她，讓她充分享受被愛的快樂。在這樣的心態之下，她們往往忽視了愛情之中很重要的一個元素：她本人的愛。
很難說服一個沒有親身體會的人認同：有時候，你愛對方多過對方愛你，是另一種快樂。因為，物慾橫流的世界，人們多數傖俗，值得我們傾心去愛的人實在不容易遇上。
我遇到過這樣一個人：他坦蕩磊落，真誠善良，有胸襟有氣度，有聆聽的耳朵，胸腔，還有一顆柔軟的心臟。他是那個教會我用另一種眼光打量世界的人，他讓我顯露內在的鋒芒，他不斷挖掘我的潛力，他迫使我不斷努力不敢懈怠，他不停對我說：「小鳥小鳥，你有飛翔的翅膀，飛吧！飛得高一些再高一些，我在等替你鼓掌呢！」
在我眼中，他是完美男人。如果有幸遇上你生命中的完美男人或完美女人，別諸多顧慮，別計較得失，儘管把你的愛情，把你的靈魂交出去，試試看，全身心投入盡地一煲放膽愛一次，這樣的機會，在你生命中可能只有一次而已，不要辜負機會！不要追究誰愛誰更多一些，遇上一個值得愛的人，本身已是一種福分。更何況，過程之中，你的心跳，你的快樂，你的荷爾蒙分泌全部是千真萬確的。
你愛的人完美，你想聽到對方的掌聲和喝采，你才有動力不斷努力不斷完善自己。試試看吧，你愛對方多一些，最終的結果，可能你會發現自己由一隻小鳥變成了鷹，這是愛的花紅。

2003年Eric好歌流行榜(第44週)：
1)我不會唱歌(李克勤)
2)亂世佳人(Twins)
3)必殺技(古巨基)
4)自由行(楊千嬅)new
5)東風破(周杰倫)new
6)沙(何韻詩)new
7)十個分手的理由(蕭正楠)
8)一個鐘之後(鄧建泓)new
9)逆插玫瑰(盧巧音)
10)獻世(陳小春)

Re魚：一定記住你～
Re壽星女：印象中你好似第一次o係度留言。我聽Cafu講過喇，你扮乜啊？

>>November 1, 2003 at 4:20:10 PM GMT+8

2003 年 10 月 30 日 星期四 【晴】

今年SA大搞Halloween，人人都可以扮鬼扮馬！
不過我都係好普通咁T恤牛仔褲上陣，見到學校大門口佈置好哂，Lily係中國疆屍嚇人(傳聞小妹嚇到撻o左落地 + 尖叫)、蝦同Mina派糖(唔使佢o地主動派我已經出手搶)、小B扮千機變版疆屍做伏兵(佢玩o左子建兩鑊)，而且cover就有幾張檯，專人幫我o地化妝 + 噴髮。我想兩樣做齊o架，不過我唔知塊面畫乜好，所以就咁搵黃錦釗幫手o的左手臂畫"ERIC"就算；而因為冇哂其他顏色o既噴料，最後Judy淨係幫到我噴白少少個頭(佢個頭紫色好型呀)，仲有好快就甩。班會之前已經叫o左全人類齊齊著黑衫(我第二次參加集體著黑衫o既活動)，不過林敏竟然著o左全白(其實陳江都唔多合群，不過慣o左)，黑紙之中o既白點！
Halloween都要照上堂，第一堂UE要背默！o尋晚做中史Essay已經死o左，冇心機掂份article，不過我竟然可以o係30分鐘o既地鐵旅程就記熟哂，最後錯一隻字(need漏s)喳！
三堂Buss頭兩堂李sir講Past Paper，最後o個堂佢俾我o地去新翼o既「鬼屋」「探險」(李sir仲陪埋我o地入去)，不過得Buss人喳！其實間所謂「鬼屋」都係不外如是，唔得人驚o既？嚇番o的鬼都仲得啦！
Lunch有「班際扮o野大賽」，6A代表係版欽點o既小妹，佢一身疆屍look + 斧頭劈台最後贏到亞軍呀！5B易子豪扮嘔血博到大量加分，最後冠軍都係佢，翼仔你係得o既！
Lunch後三堂到6A on duty，我同Mina一組o係5E幫人「占卜」，不過都係交行貨就算，未完就走o左喇(我o係黑板一句"No Candies Available"就discourage哂所有人)，周圍走！
放學本來話梅社社隊練波，不過o的人一知道唔係下禮拜開波就走得七七八八，而且有人book場，我o地淨係狂玩長傳 + 三腳波，原來我控長傳 & 放長傳都得喎，而且李文彬仍然係咁鍾意玩o野！
1610左右返入學校，o係SA房hea(仲有大龜、牛榮、Vincent成村人)，Wyman同盧富嬌之後入o左o黎，咁o岩我o個陣戴o左魔鬼面具，佢o地就估我係邊個。佢o地竟然認唔到我，唔通我o係荃官真係「隱形人」？
夜晚有Regular Meeting，不過有排都未夠鐘，我決定返屋企沖個涼先再出荃灣。呢次去一間好似叫「好日子」o既酒家食，出席o既有我、子建、Lo、Kuto、死魚、蝦 & 朱基、琪琪、六叔、Mina & 小B(長輩)，仲有第一次o黎o既Candy，當然亦唔少得短暫出現過o既Fan啦！蝦本來話plan好有飯後活動，不過原來係冇o既，結果一o的人去食糖水(凍o既)，另一批就走(包括我)。唔知係咪我跑落月台跑得太快呢？我有o的胃痛！
總之今日Halloween就係超好玩啦！

>>October 31, 2003 at 4:52:47 PM GMT+8

2003 年 10 月 29 日 星期三 【晴】

今日太完美喇，出乎意料之外！
UE堂5 + 1又故態復萌，我聽唔明o既道理好似機關槍咁掃埋o黎，「選擇性失聰」再次復發！死人阿魚，記住你！之後中化Listening…完全聽唔到，僅僅合格喳！
印象之中Miss Leung係今年第一次正式教書，因為呢個"Imperial Germany"之前未掂過(其實我F.4已經睇過下)，好耐冇聽過佢講書，久遺o既感覺！
最後一堂Buss李sir冇o黎(佢o尋日已經講o左唔o黎)，冇人代課(因為佢冇向學校報番)，大恩姐佢o地繼續搞年宵兵團份Proposal，我幫佢o地落圖書館打字(因為蝦唔o係度)，係咁打係咁打。放學要幫李sir手收番埋o的board，結果我左右兩邊走，好忙！
搞掂哂諗住返班房拎書包走人，點知課室有人整地板，沙塵滾滾，o的o野封哂塵，早走早著！不過要俾o野蚊，Candy佢o地又o係X位搞Halloween衫，所以我又唔知點解join佢o地，睇住Step同希o既招牌「笑到收唔到聲」，睇o黎聽日有好戲睇！蚊o係城門谷Sports Day搞到好晏，我等唔到咁耐，o係地鐵站交低俾子建同阿魚就返屋企喇。
中史Essay未寫完、UE又有死人背默同Creative Writing，做死人咩？

>>October 31, 2003 at 1:48:57 PM GMT+8

2003 年 10 月 28 日 星期二 【晴】

UE堂5 + 1一反常態，再冇一大輪廢話，狂做Listening，都好o丫，起碼有得操！不過餅帶就搞笑o左o的，講講下出埋o的俄羅斯口音o既英文，全班爆笑！
Lunch唔知咩事同o左Kambo食咖哩角(佢好似係薯餅)，傾o左o的中四選科o既o野，要心思熟慮喇，放心喇，有我o地提供寶貴o既意見！
中史，o係1B上，Judy細佬讀o個班。Candy係咁拎佢o的功課出o黎睇，我o地懷疑幕後係咪係槍手！
Buss李sir冇教書，淨係派剪報叫我o地睇，用兩堂時間睇。大恩姐佢o地提議將貼o係board o既talkback全新擺位，做到牆紙咁o既款，希望聽日我o既文字會成為牆紙o既一部分(o尋晚我都send o左份去，我睇$200百佳coupon份上先肯寫喳)！
中化…Miss Fung派番功課俾我o地，驚嚇o既唔止佢，仲有我o地！我總算僅僅合格，有戌，我依家好驚pass唔到中化！
Lunch已經見到蚊，放學佢仲o係學校，我o地成班人o係cover傾計，大忙人Mina都專登抽時間陪佢。之後我、蚊、魚、歌莉同仁傑去KFC食tea，蚊唔識趣，亂咁坐！Mus. Com.就到，o的社長同副社長係咁吹水，話自己邊瓣掂，我當然想Plum贏啦！
NBA常規賽今日正式開鑼喇，雖然Lakers有Kobe缺陣，不過都主場109比93砌低Mavericks打響頭炮，希望Lakers最終盟主歸位。Lakers keep it up!

P.S.睇人o地ICQ Info應該留意多o的，例如Personal Info…

>>October 31, 2003 at 1:48:28 PM GMT+8