2003 年 11 月 26 日 星期三 【晴】

係我太多疑？咁其實都好正常o者！
朝早Oscar又殺到o黎喇，搵o黎搵去都係李婷姐姐，問埋o的白痴低B無聊問題，我好記得Mina未返之前佢講o左句「我o既姐姐呀～」(唔好殺我，我呢o的叫「史才」同「史德」，我好聽章學誠話o架)
UE唔知做乜o野，同Judy鬥忍笑，全世界都o係度發夢！
History要presentation，平平無奇，又同Judy傾計，講Macau呢個名o既由來(當然係搞笑版啦)！
Buss又要presentation，同Billy、牛榮、肥峰同陳江一組，講Employment Ordinance，完全冇prepare，全場牛榮講，Billy寫。之後到大恩姐o個組，本來係講「勞工權益」，講講下轉哂去孕婦僱員o既權益，台下勁多發問，問o黎問去都係關於大肚婆，李sir都笑！跟住阿魚o個組o既topic都係差唔多，不過台下時間又走埋去大肚婆o個邊，牛榮佢o地好似好有興趣(其實我都有發問)！本來三堂Buss冇o左最後o個堂，走火警，我同Billy突然發現一個銖基本o既安全問題，點解冇人考慮過o既？
楊晴旭唔知o係邊度搵o左隻勁假o既蜘蛛返o黎，貪玩o既我梗係唔放啦。不過晴旭先玩林敏，驚到跳起，之後o既受害者係Candy，我玩佢，佢連聲慘叫，子建乘勝追擊打落水狗追佢追到落cover！
中史o既主角仍然係蜘蛛，人人都知o個係流o架啦，都仲有人驚到成個彈開！係Billy提議塞隻蜘蛛入咪箱o架，Lim Sir竟然入我數！原來Mina都係細膽之人，擰轉頭一望到隻蜘蛛又尖叫，之後返課室上中化又叫多兩次！
聽日學校open day，放學李sir搵我同魚搬番o的洗腦board出o黎，得罪o左魚添！今日勁得罪人！

>>November 27, 2003 at 3:11:32 PM GMT+8

2003 年 11 月 25 日 星期二 【晴】

今朝娘親霸o左個toilet好耐，我人有三急，梗係拍門催佢啦，佢一出o黎竟然又口黑面黑，咁我真係忍唔到先拍門有乜唔妥先？好彩最後都趕得切，不過……忘記歌詞！
打鐘前o係課室講5 + 1壞話，日抖唔好講人夜晚唔好講鬼，佢走入o黎拎錄音機，我o地一早收哂聲！
中史，解開o左上次我o係西九龍KFC見到有和尚幫襯，原來佢o地係復古！
5 + 1又發癲喇，講足成堂廢話，好彩金希文o係前面遮住，我可以乘機閉目養神！小息後o個堂都o係度發夢，冇心機聽佢發乜嗡風！
中化做listening，主題係墮胎。好深呀，好多人都好低分，不過我仲低！
History終於跳落World War 1喇，不過小妹、Step、思穎同Candy淨係識笑，都唔知點解佢o地成日都有話題笑！之後分組做planning終於知點解思穎笑得咁勁(子宮抽搐法)，又問Alison個「估人名謎語」，果然聰明！
李sir不嬲Buss單堂都唔會教書，今日唔例外。同Billy講區議會、講立法會、講政治，快樂不知時日過！
放學要去Academic Team on duty，點知今日勁少人到。咁仲好，大把時間做自己o野，遲交o既中史搞掂o左，History Reading Report都做o左少少。完o左就返課室，Vincent佢o地又o係度玩鬥寫字，好有聊！

Re邪：Judy係朱文迪，Lily係陳藝尹。
Re Cafu:首先，何秀蘭只係話要為性工作者爭取權益o者，咁講唔上「支持娼妓合法化」o掛？而「老婆係批發，妓女係零售」，印象中呢句說話絕對唔係出自何秀蘭把口。

>>November 26, 2003 at 1:51:28 PM GMT+8

2003 年 11 月 24 日 星期一 【晴】

今日係唔知乜叉English Speaking Day，一朝要返去拎stickers，assign我、Vincent同張秀婷上3D(Oscar呢班o架)搵人講，不過佢o乎今日測中史，唔得暠應酬我o地。結果我搵o的識o既人(H.K.Lo、子建、Kambo)求其講兩句交差就算！
Morning Assembly換番吳樹穩哥哥主持，唱校歌環節唔知佢發乜神經扯姚莊穎出o黎陪唱，但係自己就搶咪唱，佢o既歌聲簡直……非筆墨所能形容！
History冇乜特別，不過要記得聽日帶番份F.4 notes，唔係就跟唔貼Miss Leung講乜。
UE做listening，又係同平時一樣o既唔夠精神，好彩總算keep得住，要捱落去呀。
小息繼續搵人講o野，今次係馮景昕同蕭邦，當然又係完全no English啦！
陣間中史要交鄭和 & 周達觀o既compare功課，我未做好，諗住o係空堂做，不過當然係做唔哂啦！Lim Sir第一次俾交通史o既Essay我o地做，都唔會咁快開工o架啦。
Lunch成班F.1仔圍o係6A門口博stickers，我為人為已(我要talk夠15個人交差)，撲出去撩人傾計，主要都係問下o的F.1仔慣唔慣，分享下經驗、爆下學校黑暗o既一(多)面，唔經唔覺打鐘後o岩o岩好talk夠15個喇！
晏晝Buss終於頂唔順，好彩o既topic唔太深，算明明地，李sir講o既甚麼"Buss = Econ"唔知係咪安慰緊我？
中化report番o尋日o既討論結果，講下中西對情o既唔同睇法，分析香港係偏向邊方面。其實我唔明點解吳森一定要將wonder同concern分開，乜唔可以"wonder & concern"咩？I wonder and concern!
放學社際排球決賽Plum vs Pine，歌姬又拉哂o的Sports Cap去撐場。大鎚手廖能俾對面o既高佬牽制，o的重量級扣殺完全使唔出，Plum總算險勝第一局。打打下突然見到蚊，好掛住佢呀，可惜佢好快又走o左！第二局開始Pine控制戰局，Plum完全捱打，o的分都係偷雞偷番o黎，結果Pine局數扳平。決勝o既三局冇喇，Plum大勢已去，Pine輕鬆贏埋，冠軍落袋！

Re Cafu:我都好同意民主黨都係爭唔落，但係保皇黨更加唔值得支持囉！葉國謙輸64票，你可以話佢唔抵o既，反而我唔太明點解你會話「何秀蘭咁o既人」，願聞其詳。

>>November 25, 2003 at 2:59:56 PM GMT+8

2003 年 11 月 23 日 星期日 【晴】

o尋晚睇電視睇到好夜，睇住空降o既何秀蘭最後竟然可以打低葉國謙，真係始料不及，high到爆，心都涼埋！民主派今年徹底咁將保皇黨擊敗，「延續7.1的腳步」，人民力量萬歲！我o地絕對唔可以鬆懈，出年立法會選舉，我o地要繼續一人一票將保皇黨大舉踢走，香港人，堅持到底！
好彩趕得切，不過有o的異樣，我幫唔到手！
原來好多同學都好關心選舉結果，好鼓舞呀，記得登記喎！中化按照傳統發夢唔聽書，小組討論同Judy勁講廢話。
History要做reading report，o的傷風開始發作，最後做得好少。
Buss繼續"fi li fat let"咁聽書，唔係點入到腦，想嗌救命，我唔要再係咁！
半堂UE改o左上聖經，5 + 1講o既「道理」我一o的都聽唔入耳。Oral presentation走唔甩，今次抽o左Step同肥峰出o黎，好彩唔使我講，我完全冇prepare過！
Lunch同子建、牛榮去維苑食公仔麵，食完即刻撲番學校溫中史，陣間要測《史通》、《文史通義》呀！
Lim Sir例牌先教一堂書，今日開始講佛教，我o地「四大癲王」又搞破壞！之前三次test我都好唔掂，寫極都寫唔得多，不過今次終於有突破喇！寫字快o左，嘔到完整o既三版，再接再厲！話就話進步，不過都唔夠o的人勁，開口埋口都話未溫，最後寫到要加紙(某人唔好再亂笠佢高帽喇)！
書包拉鏈爆o左，可以乘買新。娘親勁麻煩，話一定要買o個o的甚麼有墊o既out到唔out o既款，放學諗住o係課室hea到子建佢o地走得先叫佢陪我去揀，點知佢話要趕返屋企，結果……係雙鈞陪我，多謝哂！實在太好喇，個sales話我唔會搵到呢o的款，一係自己加墊入去，咁我咪可以自由揀款囉？正！

>>November 24, 2003 at 2:42:57 PM GMT+8

2003 年 11 月 22 日 星期六 【晴】

今日係四年一度o既區議會選舉，你o地有冇呼籲屋企去投票呢？
今屆係保皇黨同民主派o既對決，保皇黨受到民主派以7.1遊行同23條為議題o既狙擊，保皇黨就盡力淡化佢o地當初點樣出賣香港人、點樣漠視民意，齋打「紮根社區，服務市民」o既民生牌，企圖繼續瞞天過海。區議會o既職能係全面而廣泛，唔係通渠、起涼亭同搞蛇宴咁簡單，加上一o的地區上o既事務亦需要政府妥善o既施政配合(政府施政表現大家有眼睇)，親政府o既土共何德何能改善社會o既整體環境？
今屆最矚目相信都會係葉國謙同何秀蘭o係中西觀龍區o既正面交鋒。話哂葉國謙o係呢區做o左十幾年，空降o既何秀蘭勝算唔大。不過正如何秀蘭所講，或者佢冇辦法趕走葉國謙，不過如果佢可以話俾全世界知區議會o既全面性，就算最終贏唔到，佢都可以提醒市民要時刻監察葉國謙，咁已經交足功課。呢個就係所謂「政治智慧」，贏唔到葉國謙都係送佢上神檯！
區議會選舉只係民意o既指標，真正o既決戰係2004年9月o既立法會選舉，保皇黨冇可能再有機會淡化佢o地o既所作所為，相信香港人o既眼睛係雪亮o既，放長雙眼睇下啦！出年9月應該有唔少人夠18歲喇喎(包括我)，記得登記做選民，香港人唔只係經濟動物。

>>November 23, 2003 at 3:31:52 AM GMT+8

2003 年 11 月 21 日 星期五 【炎熱】

俾謝玉蓮呃o左$35，今日要outing去大埔滘自然護理區，原來總共有26個人上當(唔計佢自己同Chow Chow)，有F.6亦有o的低form！返到學校，未夠鐘出發，同Judy、李天佢o地o係籃球場踢波，踢到成身汗先上車。
好快去到山腳，分開兩group人跟導師上山，我o個除o左我其他都係Geog人，搭錯線！邊睇樹邊上上落落，條路難度級別係2(5分滿分，例如天梯就係5分)，差唔多冇乜點出過力就到中途站，兩組join番埋一齊先上最後o個段路。Candy佢o地行到得番半條人命，唱下歌解下悶囉，做o左人肉點唱機！
比預定時間早半粒鐘到海拔409米o既山火瞭望台，o個度風景好靚，望到哂沙田、馬鞍山同大埔，呢個景好鍾意呀，如果可以成日見到就好喇！大家坐低食o野，薯片、朱古力、曲奇，乜都有得食，之後又玩鋤dee，手風唔順，未贏過。期間我勁無聊咁出o左個白痴低B謎語：撬六嬸牆腳(猜某同學名)
草都未坐暖就要落番山，成村人一齊落。行車路輕鬆得多(本身之前用山路上都小兒科)，我o地又玩唱歌，不過有o的我唔識。行梯級落山，爭o的又整親隻腳，好彩冇事。
落番大埔公路上旅遊巴返學校，Candy諗住問Chow Chow可唔可以o係沙田解散o架，不過我o地「議而不決，決而不行」，最後錯過哂所有機會！Daddy打o黎話娘親今晚會夜返，屋企冇王管，其實o係出面玩晏o的都冇問題，不過1500學校解散o左就返歸喇。
其實今日我係想趁住冇乜前5B，試圖同o的前5A玩熟o的，不過……我都好似仲係好格格不入！

2003年Eric好歌流行榜(第47週)：
1)放生(關心妍)
2)出賣(容祖兒)
3)沙(何韻詩)
4)太想愛(劉德華)
5)四月生日(梁詠琪)
6)必殺技(古巨基)
7)自由行(楊千嬅)
8)落地開花(盧巧音)new
9)三分鐘後(At 17)new
10)一個鐘之後(鄧建泓)

>>November 22, 2003 at 4:07:23 PM GMT+8

2003 年 11 月 20 日 星期四 【晴】

一入大門口，成村熟口熟面o既prefect棟哂o係門口，原來今日U-check，唔知點解有o的想笑，不過當然冇笑出o黎啦！
繼o尋日歷史性有人抄我英文功課之後，今日再有創舉。平時唔交功課當食生菜o既我，今朝好多人都要趕功課(實用文/oral report)，但係呢o的我一早做哂，難得全世界踢哂腳而我可以超得閒！
Triple Buss李sir教書，開始聽得明，真係keep得住就好喇。
History講番o尋日派o左o既test paper，Miss Leung指明要我睇下其他人o既writing，佢都唔滿意我得20分喇。
中化互相改其他同學o尋日o既實用文，我改Alison，諗住一定易改，原來佢都係錯漏百出，不過點都唔受我！我幾篇實用文都好低分呀，冇乜起息添！
子建唔知咩事唔同我lunch，今日改同馮景昕、牛榮食，o的topic完全係兒童不宜。我太「純情」喇，搭錯線！要趕番學校入hall想Law Sir講下星期二Eng Speaking Day詳情，其實除o左chatting without Cantonese外都仲未知要做乜。
本來Miss井病o左冇返，o的女同學應該冇PE上，不過唔知點解Kuto同Lily都有得同我o地一齊跑樓梯。吳樹穩「哥哥」真係冇講廢話，俾多好多時間我o地踢波，又係5D對我o地雜牌軍。我o地攻不銳，守不穩，後衛發哂夢，前鋒走錯位，結果雖然我完全冇漏洞，但係都要淨吞三隻光蛋，全部都係我一個打兩三個俾人射空門！
Class Period入hall聽talk，講「善用互聯網」。一o的都冇聽，掛住拎人o地唔要o既folder，中史要用好多呀！
放學社際排球Plum vs Bamboo，我冇份搞，不過身為Sports Cap唔可以唔o係場邊撐場。兩個社都鬥多人，難得三個Senior Cap都到齊，廖家能下下扣殺對面都冇得救，結果Plum盤數贏2比0打入決賽，開齋有望喇！
知唔知後日有咩事呢？區議會選舉！我o個區今年唔使選，因為中間偏左獨立區議員林家輝o係冇對手之下再次連任，我對佢冇乜印象，只係依稀記得佢呢四年o既「功績」：幫人影超平超"yap"學生相，唔影都罷；搞荔枝團，少人到出發前一日都仲可以報名；福榮街官小對面o既馬路邊積水好厲害，呢個問題直到今日。雖然我o地全部都未投得票，不過都記得remind屋企人「千祈、千祈、千祈，投票、投票、投票」喇！香港o既未來要靠各位喇！

>>November 22, 2003 at 4:03:52 PM GMT+8

2003 年 11 月 19 日 星期三 【晴】

o尋晚歐洲國家盃附加賽第二回合威爾斯主場0比1輸o左俾俄羅斯出局，等o左46年諗住今次最有機會重返國際大賽o既舞台，點知都係爭半步，傑斯o既心願仲未達成呀。其餘四隊搭上決賽週尾班車o既係荷蘭、西班牙、拉脫維亞同克羅地亞，雲尼斯達萊大演帽子戲法！
今朝Judy同蝦竟然拎我o尋日做好o個份CEP抄，以前o的英文功課從來只有我抄人，冇人敢抄我，今次算係創造歷史！
Triple History分開五組玩罵戰同講數，我、魚、Judy同Polly一組，代入Britain當中，下下針對Alison o個組Russia，企圖串暈佢o地，當然唔成功啦。最精彩都係講數o個part，又係Step大戰Alison，兩個舌劍唇槍，其他人可以企埋一邊！
Triple UE做listening，又打回原形﹐乜都聽唔到，救命～
Lunch小妹同Judy拎壽司返課室，據聞間舖頭十年都冇人幫襯，難得佢o地唔怕食物中毒！Polly整o左份data，list哂全級人o既CE成績(包括走o左o個o的)，唔睇猶自可，睇到就自卑心作崇。成村人20分樓上，而我就……
中化Miss Fung突然要我o地作文，勁難o既工作報告，完全唔識，要返屋企死掂佢。
中史今日教完哂交通史喇，咁快o既？未test過喎！之後就教宗教史，好似又係要我半條人命咁！
放學Candy同小妹佢o地o係課室唔知玩乜鬼，好似係忍笑，小妹都識忍笑？唔信！

>>November 22, 2003 at 3:56:26 PM GMT+8

2003 年 11 月 18 日 星期二 【晴】

又係呢個表情，其實唔多關自己事o既，不過都有o的感覺啦。
今日係Mus Com，呢排好多人都忙練歌，踢哂腳，雖然頭兩堂要照上，但係冇人有心機上(包括我)。UE不嬲都係咁啦，History都唔例外，Miss Leung都相當識做，淨係幫我o地revise舊o野。
小息後就正式比賽，大棚人去演出，又有o的人prefect on duty，6A得8丁人坐hall睇表演。子建係今年三個MC之一，不過唔好怪我「有碗話碗，有碟話碟」，今年o的MC係6年o黎最唔掂o既一批，帶唔起o的氣氛囉(真係唔好打我，講事實)！
打頭陣o既樂器演奏，我唔多識評，三組玩鋼琴Bamboo玩大提琴。Hall大修完的確靚o左好多，不過原來o的音響仲係咁"yap"，Camphor楊崇恩唱Solo唱唔出聲，不過o個件甚麼紙雕藝術家評判收貨，呢個Lily袋硬啦！C.Folk同W.Folk見到最多熟人，最精彩首推Camphor唱Lemon Tree全人類都"ding"住舊檸檬o係頸，Plum都唔錯o既！
比預期早完上半場o既賽事，學校放多我o地半粒鐘lunch，同三個唔同崗位o既人去濠江食：牛榮(後台)、子建(MC)同魚(社長 + 演出者)，後兩者狂唱"Rhythm of the Rain"煩住我o地！好飽，死咁滯，返入課室，小妹佢o地玩視力測驗，呢個我玩過啦，第七、八行都睇到o架！
之後再入hall睇下半場，下半場係Duet、Hit Song同Junior Choir。Duet除o左Mina冇熟人，冇乜印象。
始終最留意都係Hit Song，o的歌聽過嘛！歐羚打頭陣唱《風箏》，全班6A拉哂寫住"GRACE必胜"o既banner奉佢場！焦點唔使講都知係上年出盡風頭o既姚莊穎，今年佢再戰江湖唱《愛很簡單》，山頂山腳大批「課餘」fans為佢吶喊助威！陳天欣自彈自唱《天黑黑》，有人聽到佢彈錯音，我唔識聽呀，淨係覺得佢一定唔係最好囉！最後係Bamboo吳子鋒唱《世紀末煙花》，好明顯佢完全唔合格，佢自己都唱到擰哂頭！
壓軸o既Junior Choir永遠係最悶，今年唔例外，只係Bamboo指揮幾出位。
完哂就梗係輪到MC搞guest攝時間等評判決定賽果啦，今年子建拉哂四社社長上台唱歌，甚麼「月亮代表我的心粵曲版」、「給自己的情書朗誦版」咁，笑到全場趴哂地！小B諗住玩番o的MC返轉頭o架，最衰已經有o左賽果，唔玩得啦！
陳天欣爆大冷贏Hit Song，彈錯音都有獎？唔俾Jordan都俾歐羚先啦！Plum只係憑曾靜怡、黃采喬拎Duet一個單項冠軍，其餘炒哂。Pine同Bamboo都係單項大贏家，魚上台領獎仲開心到喊添！Camphor同Plum一樣贏得一個單項，曾浩民贏樂器演奏，不過Camphor最後overall成績係……全場總冠軍！Camphor原來一瘙14年之癢，唔怪得全社上下都high到爆啦！相反Plum繼Swimming Gala之後，再次o係大型項目包艇，其實我一早預期Plum唔會係頭兩名o架喇，不過真係估唔到囉。
散場經過cover，有人快樂有人愁，乜表情都睇哂。首先恭喜Camphor再贏多項大function先，不過贏唔到都唔代表差o既，Try The Best就得喇，總會有人認同你o地o既！唔好灰心！
返到課室，同人勁嗲勁嗲，慫恿緊Candy玩Sports Day，參加啦，贏Entry Mark嘛！

>>November 22, 2003 at 3:53:42 PM GMT+8

2003 年 11 月 17 日 星期一 【晴】

仲以為又會係美好，點知o岩o岩相反…
個hall裝修完，今日第一次assembly。以前開始前要唱校歌，不過今年唔係，改播國歌，有冇人唱？不言而喻！原定assembly會用兩堂，通常都唔會準時完，所以我o地好開心，因為assembly之後係兩堂UE！點知今次超有效率，睇o黎兩堂內一定完哂喎！最後環節要終於要唱校歌，我o地不嬲都唱得唔好，如果係咁encore係咁encore，UE咪可以上少o的？結果劉太要我o地重唱，我o地當然奉陪到底，仲專登再唱衰o的添！點知劉太竟然滿意我o地o既表現，俾我o地返課室。唔好呀，我o地唱得太差喇，罰我o地唱多10次啦！
兩堂完整o既UE始終走唔甩。5 + 1第一堂又用肺講o野，仲要overlap 5分鐘小息，搞到我又去o左捉鱷魚，認真沙膽！小息break完又要上去受靶，呢鋪要做oral presentation，仲要抽人出o黎對住全班講，今次o既「幸運兒」係Janet、蝦同魚，Janet講得唔係好好，最慘係俾5 + 1整喊，深表同情！
中化做小組討論，輪到我。Topic關於性教育，麻麻地滿意啦，始終有個老問題改極都改唔到！
Lunch歐羚o係課室練hit song，佢聽日代表梅社唱孫燕姿o既《風箏》，好似幾好喎，加油啦！
Hall出面露台(即係6A窗口出面)o既帳篷以前擺哂o的凳，依家搬哂入hall，騰出o的空位。馮景昕o係o個度伸個頭入o黎問我借波o係出面同牛榮踢，結果我心思思走埋出去踢，不過地下好多塵，對鞋污糟哂！
今日History要測German Unification，o尋日已經睇過o架喇，而且條題目明明好識(Obstacles towards the unification)，不過真係埋檯測o個陣，唔知點解完全不在狀態，一o的都唔知自己做緊乜o野！呢篇essay我冇可能接受到，就算Miss Leung唔使我都要重測！
Buss冇o野做，同肥峰吹水講波經。放學馮景昕又o黎搵波踢，我又出去，不過唔係落完cover再行偷梯上，係直接o係窗口爬出去，慳時間！踢到1600左右就走喇，o係MTR A有人塞o野落我隻手度，原來係Gatsby髮泥。初時我縮o架，我點知你係咪派o的會令人尷尬o既o野？
o尋日傳o黎噩耗，填詞人林振強因為Cancer離開我o地。我幾鍾意佢填o既《天下無雙》，o係度分享下：

給我信心　當我未如願
披雨戴風　問寒送我暖
親切眼光　舒我亂和倦
從無更改心照總不宣

長長路中　走到那裡生命裡
有你我方找到生存來源
難行日子　不削我對生命眷戀
因有著你　跟我一起 親愛的你

一次也不　推說亂和倦
一次你都未曾去計算
給了再給　始了便無斷
無條件分擔各種辛酸

＊從前沒講　今次要說多謝你
我有你給的愛因而完全
誰人是我　心裡至愛生命至尊
都也是你　真了不起　親愛的你

若問世界誰無雙
會令昨天明天也閃亮
定是答你從無雙
多麼感激竟然有一雙我倆＊

Repeat＊

一世慶祝 整個地球上
億個背影但和你碰上
想說你知 整個地球上
無人可使我更想奔向

>>November 18, 2003 at 2:17:58 PM GMT+8