2004 年 1 月 16 日 星期五 【微冷】

縷縷輕煙，為一切劃上句號。
今日有好重要o既家事(心水清o既應該知咩事)，搞o左成日，成身散哂。不過因為兩個堂哥o係澳洲返香港(佢o地唔係因為家事而返o黎)，食tea時間食埋lunch，帶佢o地o係黃金附近行。4年前佢o地都返過o黎，不過今次明顯窒多o左我o地好多，好西方語言文化，好彩我都有番兩度散手！佢o地話澳洲冇好o野食，見到雞蛋仔、魚蛋、糖水就起勢咁食，唔講唔知其實佢o地個幾鐘前先食完飯。陪佢o地食，好飽……

2004年Eric好歌流行榜(第3週)：
1)元神出竅(何韻詩)
2)悟空(古巨基)
3)伶仃(陳慧琳)
4)假使我漂亮(關心妍)new
5)小星星(楊千嬅)
6)阿琴(鄧健泓)new
7)飲歌(Twins)new
8)星之碎片(梁朝偉、楊千嬅)
9)再上車(梁詠琪)
10)蘭花草(葉蒨文)new

Re魚：一定一定！

P.S.餓狼驅魔記………

>>January 17, 2004 at 3:35:14 PM GMT+8

2004 年 1 月 15 日 星期四 【晴】

世事真係巧合，o尋晚同某人傾2000中化小組討論題目傾o左好耐，竟然連發夢都發到相似o既內容，唔好reply呀！
今日最先o個批考UE oral，陳江、鄧淑欣、大頭同我一組(其實冇乜意義)，只係知俾5 + 1玩死，之前上堂practice又話唔使comment，點知陳江講埋，咁接住o既我梗係焗住要求其吹o的啦，又唔知自己講緊乜，只係知自己又唔記得無謂o既開場白，都係唔得o架喇。考完都係0900，同陳江佢o地吹下水，返屋企先，冇錯，返屋企先，1330先考listening嘛！
返到屋企冇換校服，睇波、上網，食埋飯先再返學校，同其他人反方向咁行。入hall先考中化，講賭波合法化，有o的搞笑囉，不過又係聽唔明………
抖兩抖考埋UE，好似OK聽得明，不過咁咪又死？咁淺其他人實o岩勁多啦！筆試考哂，得番下星期二o既中化小組討論，放肆咯(其實o尋日開始已經作緊反)！

Re Pang:最後o個句係mian point？不過董方卓值350萬鎊點講都唔通o掛？
Re ????:你乜水？冒人名？你係咪計埋陳達燊？佢澳門o架。

P.S.呢個「燒胃暈」，我再冇o野好講，咁o既歪理都虧你講得出口，唔好當我o地傻啦，郁o的就話我o地搞獨立，郁o的就話我o地否定中央！「一國兩制唔係平分秋色，唔係半斤八兩，一切都要o係『一國』之下」，如果一國大o的，試問又何來兩制？我o地只係o係基本法賦予o既框架之下爭取我o地應得o者，請唔好將簡單o既問題複雜化，依家係邊個閂埋對耳唔聽邊個講？

>>January 16, 2004 at 11:38:22 AM GMT+8

2004 年 1 月 14 日 星期三 【晴】

中史，守尾關最後有得溫o既一科，兩日o黎都係咁揀o黎煲，一早plan好答兩條交通，史學名著同宗教各一，宗教齋煲佛教(其實我想讀細教仔o架，不過驚Lim Sir唔出)，返到學校都係咁繼續博哂老命咁刨。
埋位喇，中史Econ撈埋一齊坐，即刻望卷，哎呀，出景教祆教，早知唔煲佛教主打細教仔啦(其實我AL策略都係利瑪竇 + 細教仔)。出張騫同鄭和，就答呢兩題，應該大把o野吹o掛？好彩有《資治通鑑》做，決定好寫邊四題！
以前測驗都唔夠時間，今次好似……………夠，不過寫得唔算多，題題都係三版多o的就收貨，鄭和用時間最多，亦寫得最多。等我成個佛教發展讀哂添，淨係寫魏晉南北朝，波頗密多羅同波羅頗迦羅密多羅冇得寫添！其實如果有o野寫，坐三粒鐘真係唔算多，只係寫到手跛o者，完全郁唔到呀！
一個禮拜就考哂所有要溫o既科，又可以鬆番下喇，呢個假期有乜好玩？

P.S.(1)一個未踢過大國腳，o係大連實德都唔係長期o既o靚仔都值350萬鎊？唔明費格遜諗乜。
P.S.(2)踢賀歲盃o既港聯名單出o左喇，以前港聯都係幾乎全外援出戰，不過今年就一反常態地有14個香港球員入選，其中13個係港隊代表(除o左和仔)，香港球員真係出頭？

>>January 15, 2004 at 3:56:55 PM GMT+8

2004 年 1 月 13 日 星期二 【微冷】

之前兩日都踢逆境波，今日最拿手o既History終於打出應有水準喇。
俾我tip中French Second Empire會出Essay，好彩我堅持唔讀，唔揀o個題咪得囉！我明點解當時Miss Leung會用Triple講毫不重要o既Kruger Telegram喇，佢真係出DBQ呀，我又冇乜點睇，食老本亂吹啦！Miss Leung考試前建議我o地個半鐘DBQ，45分鐘一條Essay，不過DBQ唔深，比預算用少20分鐘，大把時間砌Essay。第5題German Unification應該唔會太低分，不過一定俾Miss Leung串，冇計啦，為o左分數，暫時放低良心囉。第7題Nationalism開正我o個瓣，不過兩條都係吹得4版紙，好多人加紙呀，而我就寫剩3版！o係極速心跳同呼吸之下考試，一半時間就人有三急要行開陣，原來六樓後座o既坐廁同普通o既唔同！開波o個陣係Miss Wong(唔記得，有錯指正)，最後階段報時o既係胡sir，以前未聽過胡sir講英文，講得好得意呀。
平時放學都係一支公搭地鐵，不過今日有兩公婆陪我，唔o岩，係我做o左電燈膽o者！
History應該唔會太差o掛？希望會OK啦，至少冇話唔識做，不過聽日埋尾最後一科有得溫o既中史睇怕都係死得o架喇，咁多o野，揀o黎背都覺得多，等死等俾Lim Sir省多鑊啦！返到屋企都即刻博殺，背背下Billy打o黎，問o左條勁低能o既問題，你唔講我又唔覺喎，不如你去問下張騫啦！

Re Kaka:我o尋晚就知啦，乜你平時有上中學生聯盟o既咩？不過又幾有聊o既…………

>>January 14, 2004 at 2:06:01 PM GMT+8

2004 年 1 月 12 日 星期一 【乍雨乍晴】

天寒地凍，張床太暖太舒服喇，遲o左好多先起身，班地鐵勁迫。
o尋日o既Buss霉氣延續到今日，不嬲都龜速o既UE(C)都係好慢，50條MC竟然用o左55分鐘做，要跳下跳下咁做，最後都係做唔哂，死得喇，肥喇！
落cover笑下癲下又要再踩返上六樓後座考試文化題。見親o的past paper都係唔使點背書o既純吹水，好明顯呢份卷唔係o個種format，第一題要背仁義禮智，第三題又要背吳森對情o既觀點，點識背？第一題有講少少平機會事件，要評少少鄔維庸，呢個庸醫o既「德行」應該街知巷聞啦，都有人話「識佢老鼠」！呢題俾哂機會我噴到庸醫一面屁，一隻淨係識向主人擺尾o既走狗(死，侮辱o左o的狗添)，我根本諗唔到任何正面評價(唔係冇o既，佢對提升香港人o既民主意識曲線貢獻良多)！
晏晝邊聽森美小儀邊煲History，小儀o的point真係有道理？唔知呀，不過………我唔想係真囉………

>>January 13, 2004 at 2:04:12 PM GMT+8

2004 年 1 月 11 日 星期日 【微冷】

太差勁喇……
星期五六日都狂煲Buss，讀到傻o左。其實今日仲要考實用文同閱讀理解o架，不過都冇得溫，一早諗好寫新聞稿，閱讀理解做得幾多得幾多。朝早返課室都係Buss主打，間中睇下實用文o的格式。
一如所料出新聞稿，係咁吹吹吹，勉強627字收工，好似唔記得寫標題，6B好多人加紙呀，超恐怖！
馮sir監考閱讀理解，之前o個場實用文時間係"8:30-10:00"，佢改o的唔改o的，"10:30-11:00"，好多人見到都有反應，不過冇人提佢囉，而且佢令我諗起黃興桂呀！我不嬲閱讀理解都好慢，最後o個篇一定做唔哂，點知呢份卷實在淺得太恐怖喇，仲有15分鐘已經做哂，我懷疑係咪暗藏殺機！
1130考完，1330考Buss，中間呢段時間o係cover子建陪我o地繼續刨書，去美食軒打包就算。差唔多夠鐘上路喇，吳sir監考，聽天由命喇！唉，狂煲三日幾o既concept完全無用武之地，覺得自己好似西班牙，永遠o係大賽打唔出應有o既水準！冇part算係識做，得個吹字，又寫唔得多，Case Study根本就背書，Long Question反而要睇題目。考考下唔知幾時轉o左孔sir監考，Geog人考完卷一出哂去之後佢做o左件勁白痴o既事，真係冇腦先做得出！人人考Buss最大問題係唔夠時間，我相反，我o既煩惱係我根本冇o野寫，何來唔夠時間？坐足三粒鐘，交o左份唔知自己寫乜o既試卷，死硬喇，我即刻開盤，我Buss包艇o既賠率係1.1倍，要買襯手喇，遲o的會再跌到1.01倍o架！
上網睇到篇article，有o的人應該知出處，講我成日暗串，以用肺講波深入民心o既「皮蛋黃」黃興桂。

做個快活人黃興桂：足球是財源是樂園

當黃興桂以「八股」語調，時而「九唔搭八」地講波，球迷捧腹大笑之餘，該會想像他是個爆笑阿叔。實情是，黃興桂年少喪父，還要是很轟烈的那一種，結婚5年的太太又死於空難，很多人都無法再笑了，他卻努力讓自己快樂，起碼表面如此。「這些遭遇，讓我覺得人生無常，所以做人一定要開心，我所做的事、衝口而出的金句，都只是隨心而行。喜歡我，我好多謝；挖苦我，都無所謂。」
　　人稱「皮蛋黃」的黃興桂，開心形象令他深受友人歡迎，這次從工作基地新加坡（ESPN總部）回港小休，友人不斷來電請吃飯，訪問進行中，他已安排好一晚走三場飯局。
　　「我今次回香港，有五成是為了幫你做這個訪問，多謝你地咁俾面。」黃興桂說話時聲浪震天，但又客客氣氣，逗人歡喜，這種道行大抵就是他相識滿天下的法門。
　　亡父黃應求在50年代已經贊助傑志、中華足球，那是姚卓然、莫振華的黃金歲月，其家族是球圈的活躍分子。在美國唸書的黃興桂，每到假期便拖著爸爸看球，自幼與體育圈相熟。
　　後來父親橫死，黃興桂長大後希望進入足球圈，在黃文偉、故友簡而清等的幫忙下償了心願，「我對他們永遠都心懷感激。」

ESPN任職金句源源不絕

　　78至90年間，黃興桂先後出任東方、南華、荃灣的教練，90年忽然懷念北美的悠閒生活，加上九七因素，便移民美國，在貿易公司謀了一職，兩年後興之所至，做中間人開辦美國世界杯睇波團；95年受聘ESPN，做其全職評述員，憑著講波時源源不絕的「金句」，另類風格，輕易成為球迷的話題。記者都拋句孔子金句，形容球迷心情：「愛之欲其生、惡之欲其死」。
熟悉他的朋友，就知他是半個鬼佬，尤其談到愛妻死亡、事業上的挫折時，
情緒激動就會忽然變成英語對白。他的半鬼背景，說明他何以講波時，有時會咬字不清、有時會用了莫名其妙的形容詞。

「皮蛋黃」足球語錄

　　互聯網流傳的「黃興桂足球語錄」，有網友打哈哈，但也有粗口問候。把語錄列印給「皮蛋黃」黃興桂看，他笑說早看過了。
　　「我每句話都是隨心隨意，由於我受美式教育，中文麻麻，思考都是用英文的，有時把句子直譯中文就會出現好笑效果。世界著名評述員馬田泰拿便有很多佳句，又有很多運動員本身具大學程度，評述時都有精警句子，我聽多了，不自覺便會運用。還有一些句子，是童年時聽爺爺說過，我很記得這些字眼，講波時又會自動冒出來。」
原來是童年回憶，難怪他別有滋味。
　　「用蔗渣?價錢，踢出燒鵝?味道。」黃興桂解釋，做廠的爺爺說窮人用蔗渣來做鞋子，令賤價形象入了腦，「燒鵝是我自己加的，細個時覺得燒鵝好好味！」
　　「呢位球員打法好經濟。」黃興桂說，外國人會用經濟（economy）形容踢得「輕輕力」，求求其其。
　　「呢場賽事已經放入雪櫃。」緣於NBA至尊級評述員的名句（The game isin the refrigerator），下文是「?喱、牛油都雪硬了」，即大局已定。
　　其他金句：「呢球波，如果冇龍門就入啦！」「12碼呢樣?，一係入，一係就唔入。」「呢球波一係入，一係龍門救到，一係出界。」「保方保方，保住後方。」
未能盡錄。
　　笑過罵過的球迷，若干年後，這將是我們的集體回憶，信不信由你。

講波分享球員教練睇法

　　「我都知球迷對我的看法很極端，喜歡的會記得我教東方時拿了好多獎杯，討厭的，就罵我教到南華降班。」黃興桂一點也不動氣，「我熱愛足球，因為它是快樂來源和財源！我講波是想分享作為球員、教練的睇法，我很享受這份工作。」
　　熱愛賭博玩意的黃興桂，回香港不忘買本馬簿鑽研，「新加坡都有香港馬賭，我都會玩一百幾十，賭波都有，但比較少。」
　　說著說著，想起一番偉論，吩咐小記無論如何要寫下：「踢波的是人，人不是上帝，總會有高低潮，佢]都想踢好波，但踢不到都無辦法，球迷豈可因為自己估錯，便把責任推在球員、球會身上？如果真係覺得球員打假波，點解唔買對家？點解仲要賭？」 老婆空難死女友一籮籮
　　長居星洲的黃興桂已經完全習慣炎熱氣候，閒時聽爵士樂、賭幾手，還會「識?馬拉?female」，即「拍散拖」。黃興桂太太不幸於82年在美國死於空難，當年他忙於工作，太座獨個兒旅行，連如此罕有的災難都碰上，黃興桂雖未致心如止水，但再婚難免存有陰影。
　　據黃興桂所講，女友一個接一個，「當然依家追女仔難度高?，老嘛！」有時會想到結婚，但過不了多久便改變主意，他展示了女友的照片，年輕貌美，恨死隔籬，但他不許刊登，他笑說擔心見報之日，已經換了畫！「尹佬（尹志強）話，PeterWong結婚是最信不過的消息。」

與「三狼案」之不解情仇

　　發生在59年轟動一時的「三狼案」，3名綁匪綁架富商黃應求，在人間蒸發年多以後，綁匪再擄走其父黃錫彬。黃應求不幸被撕票，警方對緝兇本來茫無頭緒，但匪徒竟當街發生爭執，「鬼拍後尾枕」自爆身份，案件水落石出，「三狼」被判環首死列，是本港最後一次執行死刑。受害人黃應求育有五名子女，長子正是黃興桂。
　　面對即將八十大壽、精神爽利的黃老太，實在開不了口重提舊事，倒是黃老太主動說起：「你知啦，佢爸爸去得早，我一個女人帶住幾個孩子，日子好難過。我有美國籍，於是把他們全部送去美國讀書，依家仔女分散到新加坡、夏威夷、上海，我就四圍飛。」

要謀生甚在乎薪水多寡

　　家庭劇變後，黃興桂說長輩沒有收緊他的自由度，大學畢業後便讓他自行選擇職業，他對足球、籃球、棒球興趣特濃，但香港只有足球進行職業化，故決意走上教練之路。
　　「有些老闆因為我的背景，以為我是有錢仔，唔使做，要我收順?。其實，家族的光輝已是很久以前的事，我們本來就不是大富大貴，後輩都要努力打拼，所以我
是很在乎收入的。我是在謀生，不是鬧著玩！」「有時看到影片重拍《三狼案》，把家人溫和的個性都扭曲了，幸好我是個心智正常的男人，我照舊去看，當作睇古仔。」

原來個個禮拜都俾球迷粗口問候o既「皮蛋黃」生命係咁坎坷，佢o既奇特o既講波語法都唔係亂o黎o既，不過………………話知你半唔半個鬼佬o丫，「十二碼呢o的o野，一係入，一係唔入」、「射罰波，最緊要唔好射高或者射斜」、「呢球波一係入、一係龍門救到、一係唔中目標」呢幾句唔會出自個足球教練o掛？佢又有最新金句喇：「尊重你，叫你全名，冼拿馬邦高利，準備入替喇！…………球證格拉咸巴巴先生……」

>>January 12, 2004 at 3:35:41 PM GMT+8

2004 年 1 月 10 日 星期六 【晴】

睇城市論壇，主題係屍正報告，王敏剛單挑四個非左派(有o的主打講經濟)，仲有出面大批維園阿伯聲援，主持都要講句：「出面o既觀眾，我o地陣間會俾機會你o地發言o架，因為呢個係現場節目，麻煩各位唔好粗言穢語，同埋唔好用大聲公o丫。」鏡頭見到有個阿伯拎個大聲公俾警察趕，草根階段買大聲公？心照啦。王敏剛繼「56%冇投票理論」之後，再有驚世偉論！再加上班阿伯似是而非，唔知想講乜o既道理 + 問候，我早已經笑到肚屙！
2003四個樂壇頒獎禮完哂喇，Eason衛冕傳媒大獎失敗係意料中事，因為今年Eason太多負面新聞，大大影響佢o既事業。2003年我最鍾意o既唔係《十面埋伏》，而係《七友》、《獻世》同《必殺技》，《邊走邊愛》都唔差。其實一年咁多歌，點都會有滄海遺珠，以下係我2003十大被遺忘之作，全部都冇o係任何頒獎禮獲獎(甚至冇o係頒獎禮唱過)，老實講呢o的歌好難搵，因為一個新城已經令我少o左30幾個選擇！

我太強(關心妍)
飛女正傳(楊千嬅)
身體健康(張衛健)
大地回春(陳小春)
山下的人(譚詠麟)
易愛難收(黃凱芹)
玻璃之情(張國榮)
重回布拉格(林一峰)
抗戰二十年(Beyond)
發奮Brother Mix(趙頌茹 feat. Joey Tang)

Re Pang:呢度唔俾爆粗o架，下次你proofread先啦…
Re挺：唔會o掛？我1.5倍奪標大熱喎，你最多5倍半冷o者！

>>January 11, 2004 at 1:40:12 PM GMT+8

2004 年 1 月 9 日 星期五 【晴】

Talkback又登o左我o既writing喇，今次我擺明出術，將之前俾5 + 1兩份News Cut同Listeing Report內容以Lim Sir手法send去SCMP，輕輕鬆鬆仲差三次就$200落袋！
奮鬥喇，全日大部分時間死刨Buss，不過都係………冇乜進度。

2004年Eric好歌流行榜(第2週)：
1)小星星(楊千嬅)
2)再上車(梁詠琪)
3)伶仃(陳慧琳)
4)元神出竅(何韻詩)new
5)星之碎片(梁朝偉、楊千嬅)new
6)今年沒聖誕(許志安)
7)小神仙(鄭融)new
8)上癮(蔡一傑)
9)悟空(古巨基)new
10)冬暖夏涼(李克勤)

Re香港佬：你最醒啦

P.S.該煨咯，原來帝王教練艾度文大學時代同黃興桂同校o架！

>>January 10, 2004 at 1:38:19 PM GMT+8

2004 年 1 月 8 日 星期四 【晴】

考試喇，Writing同Practical Skills都冇得溫，而且太早返學校，仲怯！
全部F.6入哂六樓後座考第一份writing，4揀1，睇到第一題即刻諗到三個point + counter-arguement，點會唔寫呢條？75分鐘寫450字其實都唔係好多，去得好順，寫足三版，560字交卷，唔使擔心，我寫多錯多o架！
落樓hea一陣又要返六樓後座考practical skills，我一大弱項。好彩topic唔係o的冷明o野，不過頭兩個細task用o左55分鐘做，task 3講稿唔識寫！覺得自己好似寫緊屍正報告，應該寫o既冇乜點寫，死硬喇。考1小時45分鐘已經就o黎死咁滯，星期一下晝3粒鐘Buss未打先輸喇，我依家仲係好多唔識呀！
有冇發覺六樓後座有乜問題？唐代滅佛皇帝呀！呢個問題隨時害死人o架喎，Billy都差o的中招！
猜歌名時間：龜波氣功(同時估兩首)

>>January 9, 2004 at 2:50:15 PM GMT+8

2004 年 1 月 7 日 星期三 【晴】

多謝o尋日件食蕉，唔使使冤枉錢！
一起身，咁勁煙味o既？落街買早餐見到幾架消防車同警車，原來步陞o個邊火燭，好多濃煙，不過我未出門口返學就好似救熄o左。
Triple History我守尾關同Miss Leung傾計，之前自己睇notes、幫人講解。見到Vincent同Miss Leung傾完，我起身，Miss Leung叫我一聲"my friend"，嘩，唔會有人妒忌o掛？講番之前測條既essay，20分喳，最主要都係唔夠時間囉，呢個好難即時解決。再之前份German Unification Essay仲低，19分，佢話我唱反調唔係唔得，不過arguement唔夠力，而且con-好難拗，下次見到呢類題目唔想遺背良心就最好唔好答喎，不過如果其他揀唔落手呢？同Miss Leung傾計就好似同朋友傾閒計咁，完全冇所謂壓迫感，好舒服！
久違o既Triple UE寫compo，有做planning，易寫好多，436字呀，好似全場得我要開第五版(唔使驚，我o的字疏o者)不過都比正常考試時間用多10分鐘，聽日再寫快o的就好！
中化自修時間，溫《資治通鑑》(用錯字眼添，應該都係睇)；3B冇走，中史轉去3C上，又係好難自修，睇唔得好多，最後o個堂3C返哂o黎，要成日出出入入，咁就冇埋o個堂。
F.6要去新翼頂樓o既Student Activity Room考，咁遠，六樓後座！間房好長，好暗，張檯又要俾人勁畫，等人換。未來一星期我o既命運就o係呢度決定喇，我依家都未有考試o既心理準備呀，書唔係冇溫，不過好似睇極都唔識唔明，唔會好似五年咁－包艇o掛？

>>January 8, 2004 at 2:26:37 PM GMT+8