| 日記 | 日記主簡介 |
||||
2010 年 10 月 29 日 星期五 【微冷】 2010 年 10 月 28 日 星期四 【微冷】 2010 年 10 月 26 日 星期二 【晴】 住院雜記 9月28日-------終於要我入院喇...心情好低落 9月29日-------好唔習慣張床...眼光光到天光，下晝阿姨同姨丈探我
10月1日-------營養師見我...相量每餐問題，我真係好奇怪點解營養師要見我
10月3日-------一大班醫生巡房，嚇死我..咁多醫生...我好嚴重嗎...?? 10月4日-------Book左電腦掃描....女友當日返工..冇睇我，但阿姨來探我
10月9日-------女友煲左我鐘意飲既湯比我....感動呀
10月12日-----醫生大巡房.....顧問醫生建議主診醫生幫我做詳細Body
10月20日-----Philip來探我.....請我食左個迷你叉燒飯，傾左一大輪計
10月24日-----心想......明天我既生日會在醫院過嗎....心好灰
>>October 26, 2010 at 12:18:22 PM GMT+8 2010 年 9 月 26 日 星期日 【晴】 心煩 煩明天就去見醫生喇 真係唔知講咩好 唔知佢會唔會比我入院呢 如果比...就怕Check了有問題 如果唔比...就怕唔Check會唔知自己有問題 到底自己想點 好煩呀 仲有.....咁大個人仲要人陪見醫生 成個細路咁...? 我對上一次有人陪我睇醫生既時候係 幾時呢...?? 耐到唔記得喇 總之呢刻心情好煩啦 >>September 27, 2010 at 10:50:23 AM GMT+8 2010 年 9 月 25 日 星期六 【清涼】 我情願要膠哂D碗..Sorry...係應該...我情願要哂D膠碗 我放工後同女友去食飯 食飯前女友在家一個人自己響度數"膠碗"、膠碗蓋" 其他人有食開鴻褔堂既龜苓膏都知道 佢既盛裝住龜苓膏既"膠碗"、膠碗蓋".... 都叫做..精美實用 但係食得多儲得多.... 家中已經有90幾個最少 女友今日趁我返工時在家中 洗乾淨..數好哂幾多件.... 諗住退比鴻褔堂分店 因為據知D"膠碗"、膠碗蓋"....可以好似按樽咁....按回兩大元
卒之....女友佢響我放工收車前會合 當時只見女友抽住四大個環保袋.....仲要裝到漲扑扑咁 而事實上每一個"膠碗"、膠碗蓋"....都有返咁上下體積 基本上放十個落袋已經係爆滿 但女友都好有心機咁一隻隻叠好佢攞去按 事後問女友有幾多隻...原來有107隻"膠碗"、膠碗蓋".... 嘩......我地食左咁多咩...按左咪成200幾蚊... 今餐飯我地就食"膠碗"、膠碗蓋"喇 終於抽到去到鴻福堂同職員講...."按返呢四袋膠碗"、膠碗蓋..... 職員都嚇左一嚇咁多 當時店得兩個人.... 如果一個人數"膠碗"、膠碗蓋"....就得返一個人做野 職員好不容易咁數..途中因為數"膠碗"、膠碗蓋"數目...令到買野食大排長龍 因為少左一個人收錢做野 女友都好識做...叫佢你收左條人龍先啦 我等得.... 好等下..數下..又等下..數下.......差不多半個鐘 終於數完107套"膠碗"、膠碗蓋"....冇錯 正當一心以為可以收返兩張紅衫魚時 佢竟然比一大叠合共214蚊"兩蚊現金券"比女友佢手上 女友佢當堂打個"突"...!!! 咩唔係錢咩...我指現金呀... 職員話....唔係...係呢D"兩蚊現金券" 女友無奈咁都話唔打緊啦咁..... 都知D公司出術架喇....算吧 反正我地都經常買鴻福堂既野 正話女友轉頭想走時 女友佢睇下果D"兩蚊現金券"條款.... 令到女友立即返轉頭話...... 我唔要你D"兩蚊現金券"....比返果四袋膠碗、膠碗蓋比我!!!! 職員話..我地數左喎入哂袋喎 女友反問....呢D"兩蚊現金券"點會用到呀咁....?? 原來D"兩蚊現金券"只可以一次用一張 又唔可以同優惠券、優惠一齊用 仲要2010年12月31日前用....過期無效 女友話.....我買湯券、糖水券....跟本唔會一支支咁買...咁即係跟本用唔著 你地又唔可以一次個用哂咁多張..每次用兩蚊.....我買茶葉蛋食到爆血管都用唔完啦 你仲有限我日期用添..... 你地分明要我用呢D券買你地獨立貨品.....每次平我兩蚊 咁我情願要返哂果D膠碗、膠碗蓋.... 呢D膠碗、膠碗蓋...仲有用過D.....兩蚊現金券!!! 職員可能覺得用太多時間數好哂 而家又攞返...擺明我地玩野啦 對方唔肯..... 卒之嘈到要打到上客戶服務部解決 最終解決方法都係我地攞返D膠碗、膠碗蓋 最慘既係佢地職員整亂哂D我地洗乾淨既膠碗、膠碗蓋 混合人地果D都唔知乾淨唔乾淨既膠碗、膠碗蓋 呢個時候另一個職員食完飯返來幫手數 先叫做快手快腳攪掂數回107套膠碗、膠碗蓋 唉...攪一大輪野....都係攞返哂D四袋膠碗、膠碗蓋走 仲要唔知乾唔乾淨添... 返去又要洗一輪 家下仲要抽住去食飯 其實...我又覺得唔怪得女友既 條例咁苛刻咁點用得著D兩蚊現金券呀..?? 我知開頭女友見到呢D兩蚊現金券都算...想走... 只係睇到D條款咁苛刻先會嘈 女友食飯時向我話 我攞呢D膠碗、膠碗蓋整布丁、啫喱、甜品...好過啦 我話....係既係既.....妳啱....!!!! 你真係冇見女友佢正話惡死樣呀 企到硬一硬咁係都要返D膠碗、膠碗蓋 又立即打電話上客戶服務部講...... 嗯....... 你知唔知你男友係響呢帶返工架 我著住制服陪妳去食飯架 呢間分店仲要響西鐵站裡面 睇怕我都比人點相...以後都唔使去喇 爛佬怕潑婦.....點解咁講...因為分店同女友嘈既係男職員囉... 女友直認我知...我正話係好煩好惡呀 我返工都比客鬧得多呀 我都要出下聲平衡下我自己架...!!! 嘩...呢D咩道理呀...? 難道.....女人真係特權D...? 講真.....比著我當時係女友既話 我會由佢.....當自己老襯 但下次我一定唔會再按呢D膠碗、膠碗蓋.... 今次當我傻豪左比你算數 我一定唔會打電話上去同埋當場自己"據理力爭"囉... >>September 26, 2010 at 2:40:19 AM GMT+8 2010 年 9 月 24 日 星期五 【清涼】 畢業 今日同細妹去攞件"畢業袍" 我個妹..終於都...大學畢業喇 問到如果件畢業袍"成件買要多少錢 原來都要700幾蚊 咁梗係"租啦" 原來想畢業都唔難..."租啦" 攞左返來當然要著下佢啦 好好好.....比個妹著先... 細妹著上身講 對上一次著"畢業袍"已經係幼稚園喇 諗諗下.....喂..!!! 我都係喎 對上一次帶四方帽..我都應該係1987、88年既時候喇喎 好記得當年我讀幼稚園時... 老師一個一個叫我地去影相....幫我地著件"畢業袍" 但我幼稚園件"畢業袍"係白色紅領口 仲係傻傻咁攞住條"蛋卷"即係畢業證書呀...咁影 相片響娘家....無謂公開啦...失禮呀 估唔今時今日先有機會再披多一次 感覺如何...? 車.....都唔係我畢業....一D開心感覺都冇 不過好替個妹開心既 亦都替我開心...我唔使再資助個妹讀書喇 呢幾年間.....我真係為左個妹..付出左唔少呀 下晝我同女友出去行街 其實我想買"向日葵"既花束比我妹做畢業禮禮物 但我諗下諗下.... 如果我真係有事需要入院我咪買唔到比個妹 最後諗到買個著畢業袍既公仔比佢 最好係"叮噹"啦..即係多啦A夢"呀 哈....點知好好彩又比女友佢搵到喎 但係都算係大隻... 差不多有21吋高個公仔 公仔太大隻....間舖都冇咁大個袋裝 買左佢之後... 當然要女仔攞啦 男仔攞好怪架嘛.... 益左女友添啦... 本來買左三大袋野 而家果三大袋野我攞哂 取而代之...妳就只係攬住個公仔行街街 問到女友大學畢業時係點.... 女友話...咪又係好似咁囉....清一色啦..公仔、花呀...咁囉..可以點喎..!!! 回到家睇返女友之前既畢業相 陽光少女...笑得開心動人又燦爛..一班同學歡歡喜喜咁留照.... 又齊齊跳起影、齊齊拋"四方帽"影、一張兩張三張.........好多張鬼馬動作 咁當中都有好多張係正正經經咁影既 連女友都真真正正咁著過"畢業袍" 而我就..哈哈.....都著過....個妹果件嘛 唔知我仲有冇機會...再真真正正咁穿上自己既"畢業袍"帶上"四方帽"呢...? >>September 26, 2010 at 2:39:44 AM GMT+8 2010 年 9 月 23 日 星期四 【酷熱】 追月 回到家 抱頭大睡一覺 瞓到飽一飽 感覺超滿足 抖足精神可以陪女友去"追月" 響瞓覺之前應承女友會陪佢 雖然去邊都仲未知道 但已經拍心口話..."瞓醒就陪妳出去啦" 最後我地出左去蝴蝶灣果面既沙灘 響家中攞左少少月餅、飲品、生果等等... 當然唔少得係蠟燭、螢光棒啦 每件都攞少少 但少得原來夾夾埋埋都唔少 因為又要帶"架餐"...即係刀刀叉叉呢D一齊去 去到見到真係人山人海...燈火處處 找個空既位置都唔容易 但最後我地都搵到位 我地坐既人地一家五口既旁邊 見人地連枱枱櫈櫈都帶埋黎......好Pro...!!!!! 萍水相逢....佢地都有撩我地傾下計.... 講到佢地有個囡囡最細都已經8歲 真係一個幸福家庭(睇得出啦...) 我地都比人問..... "你地兩公婆有小朋友嗎..??" 我地未結婚架...!! "未結婚呀...?快D結婚啦....生BB要趁後生喇..." 快喇..快喇.....計劃緊架喇...(真係唔知點應佢..) 說說笑笑講下講下咁 見到佢地D囝囝囡囡玩完三個跑返來 其實見到佢地咁既"行裝...裝備"黎賞月 都知佢地有返咁上下錢.... 剩係見到佢可以從個迷你雪櫃仔 可以放到5個冰皮月餅同幾盒飲品就知佢唔係"等閒之輩"啦 果三個小朋友真係幸福到爆 個大囝我估都有13、4歲 點解可以同自己個爸爸咁多說話傾架 我13、4歲時...我都冇同老豆講過乜呀 最記得就係佢一返到屋企就話我同表弟玩得瘋癲.....不停鬧我 個個星期去婆婆家...就個個星期回到家就鬧我 同佢都冇野好講 如果第時我有小朋友既話 我一定唔會好似我老豆咁 坐左都兩個鐘左右 蠟燭都開始點到冇喇.. 我地見旁邊佢地都執野走... 而我地望望電話個時間....都晏喇...返去喇 回程路中 我地都見到人地一家五口走在我地前面不遠 行到一半到停車場..佢地就攞車走 原來人地係有車既 唔怪得佢地咁勁啦...咩都攞黎啦 而我推斷都應該冇點錯 佢地應該係D有錢既中產階級 我倆當然羨慕人地啦 看看自己手上一袋二袋.... 搭的士啦...!!! >>September 26, 2010 at 2:39:10 AM GMT+8 2010 年 9 月 22 日 星期三 【酷熱】 中秋佳節 今日女友一早就返工 出左去做左兩轉機返來 當然係Short Haul啦 由朝早做到黃昏先返 今日比較特別 我可以送女友去返工同放工之餘 同時女友亦都送我返工等我收工 今日我做Over night duty..... 夜晚先出動開工.."睇人玩" 做705、706線....兩條路線兜到我吐泡泡 兜足7個鐘 年年都係咁喇 見到人玩..自己冇得玩 10個有9個半既小朋友..細蚊仔都手攞住發光既棒棒同電子燈籠 開開心心..快快樂樂,高高興興咁玩 我雖然好妒嫉人有得玩我冇得玩 但心諗住...我有Double Pay既..... 只要捱過今晚我就會有兩天假 我要捱下去..撐下去 響返工呢段時間我碰到好多熟人同親戚 個個都係出去應節 之但係無一個人係我見到佢先 個個都係敲敲我車窗....."喂...!!" 我就..."吓...哦...舉舉手Hi.." 我先發現佢..同佢打個招呼 當中包括我個細妹同表弟表妹.... 無錯.... 連自己個妹都認唔到 可知道可諗到我當時既狀態啦 一定係"呆".....腦中係..."見站停車、開門、望鏡、關門、開車...."，不斷咁重覆呢個動作7個小時 最尾果三轉車 就連女友上左我車我都不知道 最後都係女友企正我塊倒後鏡望到既地方 我先發現她 發現一個笑得甜甜既女友向我擺出一個"直豎姆指"手勢..向我打氣 雖然遠遠從後鏡望到女友 但我都清楚見到佢 我發覺女友用"髮夾"夾起前面既頭髮加上一個好淡好淡既妝係特別可愛 比我感覺係"小妹妹..孩子氣"既感覺 同返工既佢係兩個人咁 返工既女友...永遠都係紮住舊"牛屎"髻加上一個明顯到不得了既化妝....感覺好"大人Feel" 不過以上都係我個人觀感吧 也許其他人覺得佢返工個樣係靚D 係既..我應該係咁講 自己個女朋友..永遠都係最好最靚果個啦 最起碼我仲未聽到有人話女友"嘩..個樣唔得呀..!!!".....咁丫... 正因為係咁 我好多時都會自己問自己 以妳個樣.... 點解肯揀我做妳既男友...? 其貌不揚之餘身無分文.....真係唔明白 好記得有個同事向我講...."你執到啦...!!!" 我好清楚自己永遠..今生今世都再遇唔到另一個更好的.... 都唔可話"更好"...咁形容唔啱 應該話我唔會再遇到另一個 所以對妳好...在意於妳...係應該既 如果失去左...我真係不知如何是好喇 雖然... 今日我倆錯過左時間過中秋節.... 但我都算叫"團圓"丫 就來緊時間一起"追月"當補數啦... >>September 26, 2010 at 2:38:37 AM GMT+8 2010 年 9 月 21 日 星期二 【驟雨】 緊張 仲有幾日我就要約見醫生 我真係好擔心同好怕 因為唔知會發生咩事 Check到唔好既野.... 你話點算好 個個都同我講...."逆來順受"、"天跌落黎當被冚"、"船到橋頭自然直" 呢D金句.......講真...可以安撫我心情嗎 當然啦...有事既唔係你 我覺得最痛苦係...唔知自己到底有冇事 呢兩日思想都好似好灰咁 心諗...如果我有事 女友點算好.....家人點算好 無錯.... 我真係先諗"女友點算好"先....之後先到屋企人 或者我有事的話 家人都仲有我個妹睇住 如果係女朋友 得我一個 有咩事...佢點 腦海湧起好多應承左女友既事出來 還有好多我都未做 或者我想得太多..把事件跨張化... 可能到最後我係咩事都冇 只怕既係...世事又難預料 但呢一刻我諗既係 我最放唔底係我既女朋友 到呢刻我仲諗到好多事仲未同佢做 祈求自己亦都迫自己不要想太多喇 自己亦都唔想人地擔心我 要令女友擔心我...我更加唔安樂 或許...真的要如金句所講啦 "逆來順受"、"天跌落黎當被冚"、"船到橋頭自然直" 除了咁諗....我真係冇方法安慰自己 還有五日時間就見醫生 呢一刻...我又緊張起來喇 >>September 22, 2010 at 3:58:51 AM GMT+8 2010 年 9 月 20 日 星期一 【驟雨】 養寵物 我表弟前陣子曾經打過比我 問我知唔知咩地方有屋租 我話....."下...我點知呀" 問到點解好地地要搬 佢比個答覆我真係令我嘔電 竟然話為左隻狗 原來佢無端端響人地度攞左隻狗養 心諗..你自己都養掂自己學人養狗 最好笑係攞左隻狗返來先知 佢住既地方唔比養 為左隻狗.... 本來有間1200蚊租既屋..冇得住 而家仲邊有1200蚊有獨立廁所廚房既屋 仲要行5分鐘可以地西鐵站搭車既地方... 去邊搵...? 為左隻狗... 又要打針、又要比佢食、比佢住、仲要有事比佢睇醫生 每一樣都係唔平既.... 我兩隻貓已經養到我頭痕 狗仲煩......仲要比佢陪佢走去散步 又污槽又會有臭味....唉..!! 都唔打緊 而家搵到間屋要3500蚊租 交通又唔方便.... 真係...為咩丫.... 如果比著我.... 我真係拿拿聲比返人呀隻狗 唔係...應該話呢D事一定唔會響我身上發生 我唔算得係有愛心對小動物既人 第二隻貓都係無奈地接受去養 如果他日再比我見到有流浪貓 我一定唔會再養 最多都係會捉佢去嶺南大學度生活 因為果度係流浪貓既福地 有全大學既學生助養佢 地方又大... 最緊要唔會餓死同比人虐待 個個學生都當佢地係寶咁 如果可以做到嶺南大學既流浪貓... 都算不錯呀.... >>September 22, 2010 at 3:58:10 AM GMT+8
|
|
聽講今日涼左好多，我感覺唔到，但係見到樓下既樹，風吹搖晃著，真係踏入深秋喇，今日我又調左床位，位置差過之前好多，心情唔好，不停問自己我要捱到何月何日？好苦好辛苦呀
無事嗎?irene佢而家情況如何