| 日記 | 日記主簡介 |
||||
2010 年 5 月 11 日 星期二 【酷熱】 新一代家中破壞之王中霸王 女友今日放假 陪左著貓仔打針同檢查 又用左差不多一千蚊 講起隻貓 佢真係好鬼好奇 真係唔困住佢 佢真係咩都同你推跌 而家我地飲野唔敢用玻璃杯 改左用紙杯 用既野盡都係打唔爛既 女友已經比佢打爛左兩支粉底、一盒眼影、一支Hand Cream 而我就左冇一個多啦A夢既托盤、一隻水杯、電話都比佢推趺好幾次..只係冇跌壞 而屋企就比佢抓花左D牆紙、咬爛左D書.... 佢真係名副其實..名正言順既"新一代家中破壞之王中霸王" 真係唔想困住佢 但係佢既所作所為真係好攞命 真係唔識教佢 有冇養貓既老手教我可以點教佢 女友雖然無咩脾氣 但長期係咁..幾好脾氣都假 點解肥貓咪會同佢差咁多皮...?? 唉..... 見到佢坐監我都好無奈 真係比你自由...即係對自己家殘忍 希望佢會醒少少啦 其實媽咪比我更錫D貓.... 去到邊度都好...點都會有手信比佢地 玩具、屋仔、貓糧等等 呢排我地發覺肥貓咪都鐘意食三文魚 前日我地叫左元氣外賣 佢真係同我地一齊開餐 我不知咁比佢食會唔會有事 但佢真係好接受三文魚 都係果句啦 有冇老手提我...到底可唔可以咁比佢食架...?? Anyway..佢食完都仲係生生猛猛.... 一D事都冇呀....
>>May 13, 2010 at 4:32:51 AM GMT+8 2010 年 5 月 10 日 星期一 【晴】 一嚐唔比錢既滋味 傻瓜.... 唔使向我講對唔住呀 其實妳咁諗係好正常架 係我要求高之嘛 妳呀.....攪到我好似又係我整到妳喊咁呀 好無辜呀我.... 嗱.... 今日幫妳出左D手段等妳可以有Octopus出入入一齊 任妳搭足咁耐..陪妳坐鐵路坐足一日 地鐵、東、西、馬、輕鐵、機鐵、東涌線、接駁巴士..... 比妳模擬將來比妳"橫行"港鐵既感覺呀 點呀....? 爽唔爽呀?? 去邊都唔使錢呀 妳D小女人最喜歡計算呢D數呀 計下自己慳左幾錢 計下自己今日咁玩要幾錢... 好有滿足感哩 其實我真係唔係太鐘意坐鐵路 但今日見到妳搭得咁爽..Do八達通Do得咁爽 今日我陪住妳坐車 我又唔覺得辛苦喎 只係陪妳個傻妹左轉右轉...轉到我頭都暈 淨係機鐵都坐左三轉 妳唔暈我都暈喇 應承妳....第時妳都會有咁既福利 到時妳再坐飽佢啦.... 咁我今日陪足妳一日呀 唔好再唔開心喇 當係氹左妳架喇 今日妳可以咁爽 妳要多謝佢呀 我當然唔會公開名啦 想一齊死咩 好喇.... 下次到妳出D機票出來玩呀 我要歐洲..哈哈哈 咁...妳又有冇辦法滿足下我要求呀..? >>May 11, 2010 at 3:38:56 AM GMT+8 2010 年 5 月 9 日 星期日 【晴】 我當然選擇"留"啦 關於港龍果份工... 其實我真係有興趣做地勤 但我知妳唔鐘意我去做 原因係咩... 我個心好清楚的吧 到現在還有懷疑嗎? 真的咁無信心嗎? 去見呢份工時 我跟本一早對自己講 就算請我都唔會做 即使自己好想試呢份工都好 或者係咁原因 見工冇咩壓力之下 我可以順利入到圍 我都明白那裡是一個大染缸 咩人都有..仲要大部分都係女仔 做呢行既妳...絶對清楚那裡9成都係80、90後既男男女女 你一定不會放心吧 都是讓我自己一個人在駕駛... 妳會放心得多吧 其實我都唔知開心得唔開心 開心係...妳真係好在乎我驚我會響機場個大家庭內找到個變心而離妳而去 唔開心係...妳到現在都係咁 我真係是一個容易變心的人嗎...?? 我們相處左一段唔短日子喇 難道妳都看不出嗎..?? 點講都好啦... 我都會好在乎妳既感受 妳喜歡既我會做 妳唔喜歡既我盡量都唔會去做 其實我已經什麼都交給妳 就連我每月出既糧都交給妳 我有幾多..我就係得果幾多..妳都會好清楚 什麼都交給妳是為了讓妳有安全感 我甚至話哂比人知.... 我女友掌管我一切咁滯架喇 為的都係想讓妳感受到同時都比人知妳係掌握住妳的男友 其實....港龍由始到終都係玩玩下去見 我跟本唔會考慮去做 想和做...係兩件事嘛 我不是不開心呀... 而係如果妳可以講..."好啦....你喜歡就轉工啦，我會支持你.....!!!!" 聽到我會更開心... 因為妳放心我一個人去機場咁大個染缸中工作 如果...妳咁講以上 我之後會講.... 唔喇....都唔啱我既...我口才不好..國語又唔得...況且妳一直都好想要既家屬乘車證 每次就可以唔使坐巴士咁慢啦 機鐵百幾蚊一程喎...妳自己一直都唔捨得多搭 結婚後妳就可以有呢D福利喇 機票呢D福利你都有啦 妳都可以比到我 兩個人都做航空公司的話 同樣的福利就冇意思啦....係咪... 若果....妳會叫我去做... 我會推左去之餘...就係講以上一大堆話 我會更開心... 不過.... 我知道女仔天生係咁諗野既.... 好啦好啦.... 我身都費時驗喇.... 唔做呢份工呀...放心未呀...傻妹 咁妳個傻妹..會笑會放心未呀..? 哈....見到妳個緊張樣....唉....有時真係冇妳收呀.... 應承過比妳搭免費車.... 我會做到既.... 捱多一陣子巴士先啦... 好冇呀?? 乖啦..開心番啦、笑返啦、掉左妳個擔心樣去啦 妳笑時甜甜地咁先靚架嘛..... 笑啦..笑啦..笑啦
>>May 11, 2010 at 3:38:16 AM GMT+8 2010 年 5 月 8 日 星期六 【乍寒還暖】 比你..你會點做..??? 今日走左去還返昨天找多左既400蚊比餐廳 果然佢地埋數係少左錢 個主任仲攞條流水帶比條數過我睇 真係冇左港幣402.9..架!!!! 主任話我真係好老實..!!!! 心諗..『你都傻既...我樣似咩...一睇就知我係奉命行事啦!!!!』 受唔起囉 誠實既係我老婆...!!!!!!!!! 佢要我全數比返人架 主任話真係冇諗過會有人回頭比返找多既錢....仲要隔左一日 事關條數佢地已經平均每個人分左一齊賠 我既消息...對佢地黎講簡直一個比耶穌更佳音既佳佳音..!!!!! 後來連佢個經理都出埋黎... 個經理最後仲比左一張8折咭比我... 心諗....有幾可會黎你度食丫.... 你估你D野平咩..!!! 走左我諗 冇左400蚊...但有女友比200蚊我而家再加上一張8折咭... 嗚嗚.....!!!! 點都係400蚊多D呀 100蚊當500蚊呀...係消費者夢寐以求既消費方式呀 你諗下比你食完野之後...仲比多400蚊你喎 你地問心.... 你地會唔會誠實比返人 定還是拿拿聲散水......兩年內都唔會再黎呢間餐廳 費時佢認到我追我數.... 嗱.......!!!! 你地問心丫..... 無端端佢比400蚊你喎 你會唔會拒絕丫.... 口講既唔算呀 我要既係你心中既答案 我呢...就係"散水"果一類人 女友呢...就係死都要比返人既人 咁你呢...?? >>May 8, 2010 at 5:59:07 PM GMT+8 2010 年 5 月 7 日 星期五 【颱風】 路不拾遺 今日去左屯門湖康診所等雪兒放工 之後一齊去食野 冇咩選擇之下 去左"椰林閣"食下午茶餐 我食左個焗飯25蚊 雪兒食左焗意28蚊 食同等食既時間我地玩雪兒新買既Notebook 上雪兒個Facebook睇呀睇 係咁睇人D相片 雪兒夜D要返上水 為左可以隨時都行得鬆人 我地未食完已經買單先... 食左共53蚊 我攞張100蚊比佢找 之後冇理佢由得佢找..我繼續上網 到佢找錢找到我手 我只係攞都冇睇到幾錢 我仲要衰到跌左2蚊響佢個賣單收帳簿上 我又唔好意思攞返 唯有當貼士比佢 攞完錢我睇都冇睇放埋一邊...完全冇理D錢 D錢都一直冇放入銀包 我地一直都係玩Notebook 玩到要走時 我諗住收返D錢 發覺有D唔妥 心諗...點解會咁多張100蚊既...?? 難到我正話比500蚊佢找 但冇理由丫 我銀包都係得100蚊 多一蚊都冇 何來會有500蚊呢 但我一數下共有4張100蚊紙.... 真係唔相信事實 我估佢真係當500蚊找左比我 但佢一直都唔發覺 因為買完單我仲坐響度玩咁耐 佢都唔問我唔發覺話找多錢 唉..... 人性都係貪心既 最後我都係冇話比佢知找多錢 白食人之餘仲攞左人地400蚊 有時D事真係好怪 好多時我都會跌錢 一跌就跌100蚊紙50蚊紙呢D 諗住我只會跌 永遠都唔會識得執錢 估唔到自己一炮過攞返 回家話比女友知 女友話我真係好衰話我貪心... 人地打工架..咁會叫人白做兼貼錢架...!!! 唔係你既錢就比返人啦....家下你好等錢洗咩 好似比女友教訓左一餐咁 最後我比女友哦到...係係係係..!!!! 咁我明天比返佢啦.... 嗚.....!!! 點解我跌錢就冇人執比我 點解人比多我我就要比返人 真係有D唔甘心呀 可能女友見到我咁啦 明天話會比多兩百蚊當係獎賞我要做"路不拾遺"啦 嗯.... 都好 明天有多D錢做零用 可以買下野食.... 好過冇啦.... 我亦應承女友會明天比返錢人地 唉......妳真係好人呀..!!!!!! 妳地相信好心有好報嗎...?? >>May 7, 2010 at 11:28:18 PM GMT+8 2010 年 5 月 6 日 星期四 【乍寒還暖】 我睇你好..你睇我好 其實我真係好想有機會試下親手摸下架飛機 有陣時見女友影D相返來 真係好鬼羨慕佢 成日可以響停機坪禁區內影相 最離譜有次見佢仲可以跳上飛機渦輪引擎上坐住影相 問到女友個飛機渦輪引擎都離到好高架喎 就算係777或者A340-600呢D 渦輪引擎係比夠大一D 但離到都有一個高度喎 更何況妳呢架係747..? 妳點跳上去影呀...? 女友同我講...係個Captain抱佢上去..!!!!!!! 抱妳上去...佢抱妳....抱上去???? 嘩......虧妳仲會同我講得出呀... 我問點抱架..?? 咪佢抱囉..?? 我真係暈低.... 自己個女友比另一個男人抱.... 雖然知到擺明就冇野啦 但例牌我都用呷一呷醋吧 今次女友冇比人抱上去影相 反而響飛機上影 其實每次女友都會影兩三張相返來 在半空中影的相片 查實張張都都係差不多樣 但對我D唔係成日坐飛機既人黎講 就真係覺得好靚好少見好特別咁 女友有時向我講D所見所聞 我真係勁想去一齊睇 見過什麼叫晚霞? 有冇見過下面既而唔係半空既彩虹? 星星呢可以近距離望到..明顯的閃同大粒!!! 女友講到我呢...不知幾咁恨去睇 每次睇既我只可以睇佢D相 頂癮得黎又無奈 無奈既係我冇得去親眼見同感受一下 果一刻我會講真係羨慕妳可以週圍去呀 女友就會答 代價咪係週身病痛囉 腰骨痛...長期都踎低起身派餐做野 成日都病....因為要抵受住突變的天氣、機艙又係一個密室病菌到處飄 對腳有些少靜脈曲張.....因為要長期行行企企 皮膚同精神都變差....因為要在乾燥既機艙工作、半空既氣壓影響又會衍生D病出來、時差不同令精神變差...老得更快 女友講左一大堆壞處出來 問.......你情願可以健健康康咁定還是將自己奉獻比呢份工...?? 我問..咁妳後悔入行嗎...?? 女友答...雖然成日都會比D客無理取鬧、工作帶來既傷害有十萬個壞處、做一個名副其實既"飛傭" 但無後悔入行 說到底份工作帶左佢見識好多野 教左佢令佢可以學識自己獨立生活...自己照顧自己 訓練到佢可以大膽一個人出去一個自己都不熟悉既地方 不怕醜主動同人傾計等等 所以....不後悔...直到現在我都很鐘意飛 女友仲話...人在半空中真係一件奇妙的事 而我會咁諗... 最奇妙的事係 一架咁重既鐵...可以載住咁多人飛響三萬幾呎高空上 不是更加奇妙嗎..?? 我羨慕她....的工作 但她都會好奇我的工作 會經常問我好多有關我工作上既問題 為什麼....鐵路可以轉到不同方向 路軌轉彎點解可以做到 如果轉不到用人手轉又係點轉 錶板上所有制有咩用 路線牌係點轉等等...?? 我諗大概每個人都會好奇其他人既工作 我好奇同羨慕同時...女友都會係一樣 佢會覺得我整天都係用手坐響度開車...係唔係好舒服 呢個時候我一樣會講我們呢一行既壞處佢知 女友亦都問我有冇後悔呀 我當然冇啦... 我D中五生能夠有份呢D工....執到啦 仲有呀... 我唔做呢份工的話 我地又點會碰到面喎 即使我的工作伴著好多意想不到的危險 即使我口中常常個好厭悶呢份工 然而我都可以同女友講 我還是很喜歡呢份工作呢 或者我們互望大家都係... 我睇你好..你睇我好 有苦有樂都係自己知 外面的人又怎會見到呢..... 呢張係佢今次執勤既一班機...響停機坪影，我地D非職員跟本只能遠觀..不能近摸..! 
呢張係Boeing747-400..遠Zoom個引擎...可以見到每邊有兩個!! 
呢張同上圖一樣但係就近Zoom個引擎...可以見到佢只係影到一個引擎!!! 
呢張就係影佢既日落...我覺得條水平線將D顏色分明得好靚!! 
>>May 7, 2010 at 11:06:50 AM GMT+8 2010 年 5 月 5 日 星期三 【晴】 求你醒少少啦 諗住放貓仔出來比佢抖下氣啦 點知佢好似出冊咁 又週圍走... 明明見你時係鈍鈍咁架嘛 攞左你返來比左飽奶你飲 你就過度活躍症咁 仲要走入我地房 掃跌D野.... 幾經辛苦先捉到你返來.... 下次真係要困住你呀 喂...點攪呀..? 咁唔合作我好難留你架喎 女友放工返來 Check下先知 貓仔推跌..跌散跌碎左一盒蜜粉...一盒眼影 哈...你死喇... 賠錢....D錢響你D奶度扣.... 不過..... 媽咪呢就唔多怪你 但如果下次你打爛佢支成差不多千蚊既香水果堆貴野呢 貓仔..你賣身賣血賣埋肉都唔夠比呀 真大膽呀.... 肥貓咪都冇咁大膽入房反轉任何野 果然新來不知死...不知規矩呀 真係唔知有咩方法可以短時間教好你呀 醒少少啦 而家你係家貓...唔係流浪貓呀..... 媽咪點好人都會有脾氣架 乖一點好嗎..?? >>May 5, 2010 at 11:43:24 PM GMT+8 2010 年 5 月 4 日 星期二 【晴】 港鐵定港龍 收到信呀.... 港龍佢肯請我做地勤呀 佢叫我去指定診所5月14號前要驗身呀 我應該點做好呀? 我就咁推人唔做係唔係好扖街好玩野...?? 我D國語咁差都比我做... 是個局嘛? 拿著封信同女友講 "點算好呀..?" 妳又話我多數會比人Out....多既?!! 呢D算唔算叫玩出火呀? 女友問我意下如何? 我點知呀? 港鐵..... 安安份份開車....有免費車票、醫療福利...比人投訴出左事最多比人罰幾天坐大廳 通車咁耐以來只係出現過一個輕鐵烈士.... 安全率高意外率低 港龍...... 返三個更(好似係...) 有平機票福利....(有幾可會成日出國丫....) 一樣又醫療福利....(但要自己比30蚊...CX係咁唔知KA係唔係...) 段估唔會做地勤會比飛機撞死掛 又唔會比行李壓死掛 但做機埸會有好多靚女既女同事喎 車....我駕車時放返學時間都係大把女仔望啦...校服同制服分別之嘛......(發覺自己有點變態開始...哈哈..) 點同呢......果D學生妹你唔會識到喎.... 去到做你會真係識到女同事喎......(想死頂喇....好....講笑到此為止..!) 好...認真了 我真係冇諗過佢會肯請我 事關當日真係好多人In... 況且我表現平平..學歷又平平.. 如果比我諗一個佢肯請我既理由係 可能我係男仔....(始終地勤女多男少...) 或者佢地都真係需要一D男同事幫手(搬搬抬抬...幫D女同事分擔下粗重工夫..) 仲有幾天考慮 大家比你選擇 你會做港鐵定港龍...?? >>May 5, 2010 at 3:12:03 AM GMT+8 2010 年 5 月 3 日 星期一 【晴】 家有家規呀 唉...... 貓仔似乎唔係好習慣呢個新地方咁 成日走度走..或者貓本身好奇吧 最慘佢又唔夠高..又要抓下野咁週度爬 好彩仲未夠高跳窗...一陣玩笨貓jump...真係唔知點執你返來呀 仲有呀...好好奇奇咁成日推跌野 跌爛野唔好啦....跌野扑親自己就更加唔好啦 無可奈何下只好用個籠困住牠先吧 若果唔係咁... 屋企真係乜比佢整爛 我地又要返工..... 肥貓咪又唔識睇住個細既.... 找天放假又要捉佢睇醫生檢查下個健康狀態 又要打針..... 我有好強烈感覺... 呢個貓仔好難教.... 好彩....女主人對你地寵愛有加 只要唔好反轉女主人間房內...梳妝台上所有野 女主人基本上都會忍受你既 嗱....肥貓咪就醒目喇 由第一日來新屋到今時今日都冇攪事 所以媽咪鍚到佢燶.... 去親邊度返來總會有小手信比佢.....(我都冇咁好招呼呀..) 雖然話係咁 我地都知既 佢真係仲好細.... 咩都唔知..我地都會忍耐下佢既 但如果遲多幾個月都係咁... 我就唔知點喇 因為都我地家中都冇貓因為曳而比主人罰... 希望你慢慢知下家中規矩啦 如果貓同貓之間可以溝通的話 希望肥貓咪會教下佢啦 仲有呀 我地到今日我都仲未諗到改咩名好... >>May 5, 2010 at 3:11:25 AM GMT+8 2010 年 5 月 2 日 星期日 【炎熱】 最後 今日響街同朋友出街時見到隻好細既貓咪 開左眼既 但係好死遲鈍 平時D貓一見人想捉都捉唔到 而呢隻唔同 淨係識縮埋一舊 你眼望我眼 我地諗住搵人收留佢 因為我朋友住既屋唔可以養小動物 所以諗住買野比佢飲後就由得佢 開初我真係冇諗過要養多一隻 事關養隻都唔平 又要打針比佢起居飲食 講真....我真係勁唔想養 但見佢好似果陣肥貓咪細個咁 若果一陣比人虐待 又或者亂過馬路 因為自己都見得多 路軌上間中都好有貓比輕鐵車開兩斷慘死 有時見到咁 又唔可以落車執走佢 自己仲要親手車多一下 心真係唔多舒服 諗起咁 若果佢一陣係咁 又好似我了結佢咁 諗左一陣 算吧.... 抱多一隻喇 但我同自己講 呢隻係最後
攞而家仲細..唔用閃光燈嚇佢去影，等佢大D啦...到時比大家睇啦若果大家有興趣.!! 
>>May 3, 2010 at 12:55:12 PM GMT+8
|
|
無事嗎?irene佢而家情況如何