| 日記 | 日記主簡介 |
||||
2010 年 3 月 16 日 星期二 【微冷】 我的膳食.... 好多人都好八掛咁問.... 尤其係同事們 都會問我... 你地餐餐都好好架食得...? 我諗佢意思係會唔會靚得靚咁吧 答案係...間中啦 有時女友只係整比我一個人食同帶飯 其實煮冇咩特別..... 只係放位時有心機顯得個餸靚吧。 而女友會食咩....? 我諗會冇咩人會咁樣食.... 佢可以食兩隻蕃茄就當一餐 咁當然唔係餐餐都係咁啦 一星期總會有一兩次咁食 可能有朋友上過來的話... 都會食過女友整既沙津.... 比朋友們包括我食果D真係多多生果 而真正佢自己一個人食果D係 生菜多青瓜蕃茄多...仲有D唔知咩豆類 再加唔係好多既沙津醬.... 就係咁.... 雪櫃內長期都會有一盒響度 我講你知啦 有一日我好肚餓....出來搵食 就係食左佢兩啖沙津我已經好辛苦.... 點食呀...? 生架....!!!!!!!!!!!! 但唔好理.....佢又食得到 又會當一餐 以上呢D..... 女友冇迫我食 但我只係睇已經覺得唔好食 大家點睇..? 係.....家中呢個傻妹真係煮野好了得 但係好少會特登整比自己食 煮飯都係為左我明天帶飯或者返來食飯吧 所以我地都係同其他家庭咁.... 好簡單既食物 大家唔會再以為我餐餐都咁大餐喇
>>March 16, 2010 at 11:57:11 PM GMT+8 2010 年 3 月 15 日 星期一 【晴】 籌備舊生會飯局 我地再次攪中學生既聚會 大家又會湊在一起熱鬧一番 今次係邊個做攪手...? 不會又係我們吧..?? 只但係我都好期待大家再一齊食飯傾計 已婚既同學可以帶埋一家大細來呀 仲有希望大家今次放過我吧 上一次我倆都比你地班人玩到透喇 夠喇 轉移下目標啦...好嗎?? 係係.... 有人提意小弟結婚時候 果一天我們一班舊同學 響中學學校門口影相 可以的話..... 最理想係可以走入校內影.... 呢個的確係好提議呀 但我仲未有夠錢呀... 點算好呀...? 今年唔好再問我同一問題喇 >>March 16, 2010 at 11:56:32 PM GMT+8 2010 年 3 月 14 日 星期日 【晴】 利是錢 新年過後.... 我今日先拆利是錢 係唔係遲左好多呢?? 其實係自己懶得去拆 數數下原來我都逗左74封利是 我都唔明今年點解會多左咁多 可能今年多左去女友果邊D人吧 點都好啦... 拆好數好有4750蚊.... 好矛盾呀 我自己好想年年都收利是 但又好想快D結婚 唔知有冇方法結左婚都可以收利是呢....?? 唯一方法就係勤力D生BB出來 生四五六七八九個..... 攞返夠本.... 哈哈...... 同女友講到笑到收唔到聲..... 女友話我真係痾唔到咁多個出來 痾到都養唔起啦 睇怕佢地未識出來逗利是我地已經破產喇 不過認真的.... 我真係最多收埋下一年利是便冇得收喇 不知派利是的感覺係開心定還是心痛呢.... 我地又笑到傻左..... 發左一陣夢兒既我地 又去執另一D野.. 就係賀禮喇 我有六盒金莎...兩盒曲奇....一盒樂家杏仁糖 還有三盒不是是什麼 百幾二百粒金莎.... 食到糖尿病呀可以 有邊個要既講我知呀 你自己到府上自取 點食呀...? 呀...講漏左女友有幾錢利是添 原來佢都有4000幾.... 太好喇.... 可以儲起做老婆本喇 唉..... 咩結婚唔係只係簽名宣誓乍咩 點解要咁多錢架...??? 攞命呀真係...
>>March 15, 2010 at 12:38:05 AM GMT+8 2010 年 3 月 13 日 星期六 【微冷】 六合彩 今日女友問我幾時會娶佢..? 我何嘗不想丫 有錢先得架.... 問到女友妳真係咁恨嫁嘛..? 唔係.... 原來係外母施壓.... 喂...你地都一齊住啦....!! 仲唔結婚.... 想同居到老呀? 唔通我真係要問屋企借錢先得 問人借錢結婚... 我真係覺得好難睇呀 比人知好似唔係幾好咁 呢條友連錢都冇學人結婚...... 點算好呀 唔通我要期期買六合彩?? 我買完之後到女友買 點解..? 因為我買親果D次次都唔中... 咁我買完果D號碼... 女友就唔好買... 女友既傻傻既運氣加上我刪除唔中既號碼... 命中機會會大一D吧.. 好.... 明天開始 我同女友都要買一張廿蚊既玩下 話雖如此 我倆低能到連六合彩要拿咩票去填都不知道 要去問人 真係失禮呀.... 我決定下次唔會再去呢一間....
>>March 15, 2010 at 12:19:46 AM GMT+8 2010 年 3 月 12 日 星期五 【炎熱】 我的天呀 點解我會中左呢D咁既死人派對..? 冇野好玩啊.... 一想到自己要變身 我就想死了 我真係想像到變了那不男不女的傢伙 我會點.... 大姐大.... 一係妳化妝化恆一D.... 等人唔好認到我 我仲要出來搵食架 仲有我打死只會玩上半身 下半身唔好預我 我既身材冇"哥哥"咁好 應該冇咁既長裙著呀 仲有....小弟雖然生得矮 但都冇諗住要學可哥哥咁"增高" 唉........ 我只係比張將會帶上頭的東西既相片比女友望左一眼 係一眼咁多 已經笑到佢打筋斗 我怕我真的帶上頭比佢睇 佢會做出.....翻騰9週半曲體再轉體12週半跟手笑到跌出街 有得後悔呀..... 不過...值得慶幸我仲未要變女人 究竟係邊個八婆出埋呢D咁既活動架.... 我開頭只係諗住係食野架乍...而家擺明玩野..我乃野啦 Oh .....Jesus ....!!!Can you help me...? >>March 12, 2010 at 2:04:35 AM GMT+8 2010 年 3 月 11 日 星期四 【乍雨乍晴】 洗衫奴 今日..真係攞我命 咩攞我命....? 就係個傻妹既返工制服.... 唔係套制服令人流鼻血而攞我命....(早已經對佢套利是封失興趣了...) 的確如果身材好的話 呢套制服真係會著得個人幾靚幾瘦.... 好好好好....!!! 我不是變態的... 絕對不是制服狂魔.... 應言歸正傳了 話說放工接個傻妹返屋企 正當大家落巴士行回屋苑的時候 我和她一邊行一邊玩.... 妳推我..我推你咁...(懶係耍花槍啦...) 個傻妹正想撞開我時 我避...閃...躲......完美地咁逃得出佢既攻擊..(強呀...我真係...!!!) 但係可能個傻妹撞我時自己失去平衡 差D跌倒.... 人跌到自然會隨手找住一D物件 個傻妹好找唔找.... 去找一條欄杆.... 找欄杆不打緊 但好找唔找... 找一條"油漆未乾"既.... 當堂...件紅色外套中招 染上灰色既油..... 唉.... 明明天氣咁凍..... 應該著件大黑褸架嘛 就係今日架巴士焗到死 大家都要除褸 落車諗住幾百步就去到有蓋商場 就費時又除又著 點知...就咁奶野 唉...!!!!! 磁油呀呢D係...正扖街 以我經驗係要用松節水洗 松節水...松節水....!!!!邊度有松節水...??(原來各大五金舖均有代售...!!!) 拿拿聲走去五金舖買枝返啦.... 點知佢話冇一支買.... 一買要買4公升.... 我頂...4公升我攞來放火嗎...??? 一支松節水都冇咪學人叫五金舖啦.....(執左去..叫三金舖吧.....!!!) 攪到要去到對面個公共屋邨買..... 回到家..... 嘩....刷到我丫 又牙刷、洗衫刷、百潔布都出齊 係咁攻果一忽既油污 刷左我成半個鐘 只係刷到淡一半色 已無進展..... 之後女友上網找尋方法 有人話用白醋 有人話用火酒 好....... 全部買回來.... 刷呀刷...刷呀刷!!! 終於淡左九成半顏色 留下半成我真係無能為力喇 拿拿聲放入洗衣機洗啦 放左好多傳說中話好掂既洗衣粉同液.... 又加埋果D彩漂...再加埋咩碧蓮二合一去污粉..!!! 加哂以上...只係洗佢一件.... 乾佢一件 出來結果都係有個..淡淡的印(傳說果然係傳說..全部都冇鬼用....) 看來呢個都係最後結果吧 我又突然大膽咁取出一支紅色白板筆 油上個印果度.... 又OK喎 遮到喎.... 掂呀.... 唉........ 呢一洗真係攞命....!!! 唔係刷到手軟問題.....(其實呢個係好大問題..而家我都手震呀...) 而係洗衣溶解劑攻鼻問題 松節水即係火水....勁難聞 火酒.......嘩....勁攻鼻...好似飲好勁酒精既酒咁 佢係咁揮發向我鼻度.....差D暈低 白醋.......D酸味好似溶左我個腦咁.... 總之好攞我命啦 夜晚一齊睇電視時講開 問傻妹..咩妳公司冇得退制服咩...? 有呀....比錢同比人記錄之嘛(我目定口呆.....) 之後佢會比套新既比我....!!! 我頂妳丫..... 真係如果妳唔係我女友....我真係打餅妳呀 個傻妹話...唔好劃花我個底啦....要委屈下我!!! 妳個衰婆....一直笑笑笑 呀...!!!!妳都真係得架喇 妳呀.......真係......唉....算吧啦 鬼叫妳係我最愛既人咩 我欠妳的... 唔該妳下次小心D呀....(恐嚇妳先...!!!) >>March 11, 2010 at 4:14:10 AM GMT+8 2010 年 3 月 10 日 星期三 【乍雨乍晴】 願打...願捱... 明天女友要返工喇 雖然只係Turnaround 但係早出夜回... 天氣咁凍真係辛苦了她 今天我的風難都冇出來 看來睇中醫係得架 向來只信西醫的我要對中醫改觀了 天氣凍 個傻妹都凍到震下震下 出街著得多到呢......... 抱著她好似抱住一舊好大份既物體咁 有點怪..又有點得意 怎說始終都是妳... 又點會唔可愛得意呢 晚上去左Emily家中過她的生日 我呢... 在大食會中...唉 比妳叫呢樣唔食得 果樣又唔食得 呢樣食少少 管到我呢......!!! 我知.... 妳為我好嘛 我仲羨煞旁人添... 有個咁關心自己既女友 個個都話妳執到啦...對人好D呀..等等說話 妳知嘛.... 我其實好鐘意妳管我架 我覺得妳管我時等於妳緊張我 雖然好多男人都話我痴線 但算啦 人點講都係人既事 妳我開心便可啦 正所謂 一個願打一個願捱 咁你地覺得係邊個願打....邊個願捱呢..?? 這幾天我真的知道妳對我係幾咁好 真係好想快快的娶了妳 今生都可以佔有妳...擁有妳 打死都不放手呀... 明天凍呀 要著多件...帶多件呀 我不能送你返工呀 因為妳實在太早返喇 我目送妳搭的士啦... 自己要小心呀 但放工我會接妳 接妳個傻瓜放工呀
>>March 10, 2010 at 3:37:41 AM GMT+8 2010 年 3 月 9 日 星期二 【颳風】 我的第一次...睇中醫 今日好似又好返一點 但昨晚我痕到大家都冇得好瞓 無法子 只好搽藥膏頂住先 仲要帶埋返工隨時用 真係..... 我開工時真係用得著 食晏女友陪我一齊食 話過她知今日點痕點痕法 女友當我係小朋友咁 摸摸我頭講聲"乖啦" 回家幫你想辦法好嘛.... 見到女友咁.... 果刻我覺得自己都唔係孤獨一人受苦 其實我應該忍耐不要她擔心先係 放工.... 女友接我返工 女友帶我去睇中醫 原來女友在我返工時間裡面 向好多朋友尋求方法 有咩地方有得去試下醫 最後才帶我去睇中醫 我咁大個仔第一次睇中醫 中醫開左一D藥比我食 好鬼苦 又開左一D藥比我沖涼時浸 食左兩劑好似又真係冇出過喇 起碼到現在我都未痕丫 不過中醫話我底子不太好 來緊星期都要早瞓一點 讓身體調理好一點 我連網都少上左呀 今日既日誌都係靠平日寫重點和記憶補回 一天寫返之前三天的日誌 我才發覺自己記性係幾咁差 點都好啦 我真係好慶幸自己有一個咁好既女朋友呀 多謝妳呀傻瓜 辛苦妳喇 >>March 10, 2010 at 3:35:05 AM GMT+8 2010 年 3 月 8 日 星期一 【微冷】 又來過... D風難又出返來 好辛苦呀 的確飲過D綠豆水後 好似停左一會兒 但過左一段時間又生出來 最慘係我返工時先出 一邊痕一邊開車係幾咁難受呀 結果放工頂唔住去睇醫生 醫生開左一D有類固醇成份藥膏比我 真係搽左好快就唔痕 但醫生千叮萬囑不能搽得多 只不過痕起時真係好難頂 點算好呀? 我望住女友真的想喊呀 真係好辛苦呀 >>March 10, 2010 at 3:34:35 AM GMT+8 2010 年 3 月 7 日 星期日 【暴雨】 今日叫做好返好多喇 慶幸自己識到唔少既姑娘 而姑娘又識唔少醫生 可以幫我唔使錢咁睇下症 指示我去藥房配藥 買左四十蚊藥已經食夠一星期喇 平呀.... 咁先病得優惠嘛 唉..... 生"風難"真係好恐怖 個身好似一幅地圖咁凹凸不平 個傻妹返來見到我咁都嚇左一跳 好彩都冇唔敢掂我 仲週圍打聽下有冇食療可以治療一下 "綠豆水..." 唔知個傻妹去那裡聽回來話綠豆水可以 只係用綠豆加水...咩都唔加就飲 淡而冇味 女友迫我係咁飲 飲左一大煲 差D飲到尿床呀 嗯~ 唔知係真係食療有效定藥物有效 我真係見住佢退呀D"風難" 到今日夜晚已經好返九成九 我地晚飯仲走左去食壽司呀 生冷野...毒既野..都放哂入口 原諒我咁為食啦 我真係好想食呀 我冇啖好食左兩天喇 好嗎...? 我無接妳放工真係Sorry呀 妳真係好呀...咁體諒我 仲有多謝妳呢架飛機模型呀 計埋呢部.... A330-300空中巴士已經有5部喇 看來都要找個櫃返來"放飛機"喇 明天要返工喇 希望明天會順順利利 已經夠好..要我滿足喇
>>March 8, 2010 at 3:09:32 AM GMT+8
|
|
無事嗎?irene佢而家情況如何