| 日記 | 日記主簡介 |
||||
2010 年 5 月 31 日 星期一 【晴】 體會非一般既感受 今日放工諗住準時1630有人會接車啦 我頂...!!! 去到兆康站見到鬼影都冇 我仲以為自己去錯站交車 仲傻到對書睇下 我冇錯喎.... 咁人呢? 妖.....!!! 又要我走多一轉 明明已經放工攪到我成1700先有大Sir接住我車先有得走 攪到我要去天水圍出發 一心諗住時間啱啱好仲有時間慢慢換衫 家下攪到我要趕到死 好在...香港勝在有話咁快既鐵路 幾個車站就到左九龍塘果邊 約左小伊食飯同交收D野咁 今時唔同往日 今日食野我要睇下幾錢碟先..(如果小伊有留意到我D小動作...我有翻餐牌睇下咩色碟咩價錢!!) 一陣冇錢比就.....要妳陪我洗大餅就唔好啦...係咪先 估計之內200有找...仲有得袋添...呢D咪叫爽囉..!! 返到去女友攞左我件"野"黎玩... 咩野...只係一個假長髮吧 6月中有用呀 呢個時候女友突然捉左我去梳妝台前....(坐定..幫你變身!!!) 靈機一捉........攞我塊臉較非 萬分唔願意下都比左女友任佢玩任佢魚肉 第一次塗上胭脂水粉...眼影....畫眼線、掃長眼睫毛又夾下佢、塗唇彩等等 總之就乜都出齊 最後幫我帶上假髮.... 整個過程我除眼鏡完全睇唔到自己做咩..(講真..我都冇眼睇....!!) 到完成時..... 我戴返眼鏡望一望塊鏡.....嚇死自己(嘩....!!!!!) 但望真D...原來都Ok喎..... 原來我都可以Ok女仔架喎..... 原來我都有潛質做"荃家福綠壽"演員 認真地梳好個髮....(好難梳.....女友話應該用鋼梳先係..."咩黎架心諗") 女友幫我做設計，響前面流左...少少海.... 喂.....又真係Ok咁喎 出街有冇人懷疑呢...??? okok...停停停...我可不是變態呀 我長曲髮不太好看.....ok...整過整過... 今次扎條辮...放左一邊..比較好睇... 再試下女友拿手動作...扎佢個髮髻再綁上大黑蝴蝶結... 嘩....得呀..得左!!!! 嗯..... 玩夠了....(玩左幾個鐘比女友..陰公呀我真係...) 女友話咪住.....化得咁辛苦，D野好貴呀.... 影張相先啦....微笑一下啦"靚女"...嘔!!!(頭先D壽司可一件件咁數返出來...) 唉..... 我發誓呢張相永不公開呀(連張SD咭都要消滅..以防有人還原到...) 見相片者定必滅口... 還有我想講係.. 我今日略為感受到女人之苦.... 原來長頭髮真係好麻煩 我諗如果洗完頭....呢把頭髮濕左水會有幾重..?? 落妝都好麻煩....(攪到我塊臉仲閃閃下咁....我頂妳個肺...妳快D幫我還原呀) 仲有原來梳頭梳到一地頭髮你地都唔想....果真冇得避免(梳一下....斷幾條....妳仲要梳幾個廿下，我明白點解一地頭髮...嗯..!!) 唉..... 女仔有時要靚...原來都不容易呀 真係服左妳返工要化妝、洗頭、Set頭等等.... 做足我直話咁多野... 我服左妳....(返工的確係辛苦妳呀...!)
剛剛先發現我唔見左支"烏龍茶".10成係遺留左元氣啦.!!!! 我已經唔係第一次咁遺留支裝飲品...$9.5架 開始懷疑自己係唔係開始有"腦缺鈣"!!!....成Q日唔記得野 唔記得停站、唔記得帶飯盒、遲D連自己姓咩都唔會記得! 不過...我點都唔會唔記得自己個女朋友既!!!! >>June 1, 2010 at 6:44:21 AM GMT+8 2010 年 5 月 30 日 星期日 【雷雨】 勇呀 我覺得今日好勇好敢膽死囉 大家都知呢排天氣又熱又濕又焗 所以我開工時都會開"生窗" 等空氣流動一下 有時候只係狂扯冷氣真係喉嚨都乾...好辛苦 開個窗就好少少 可知列車有六成都有20年以上車齡 D門窗呢就唔係好聽話 一係開唔到、一係好緊、一係一開就"呯"一聲跌到落底 永遠冇話可以自由較啱自己想要既大小窗口風位 咁啱我呢架中左係"一開就"呯"一聲跌到落底"既車 即係一定要開到最大個窗 都好.....起碼好過開都開唔到丫 就咁今日就慘嗱 我架車去到屏山站，往塘坊村站時發覺有D野響我頭髮度 咁因為兩個站好近.. 我諗住去到塘坊站先睇下咩啦 反正唔係好騷擾我 點知呢D車站又冇咩人上車 我習慣一開就立即關... 就唔記得左我頭有D野 到記得時已經開出左塘坊車站 咁唯有下一站坑尾村站先睇下咩啦 但係我行到一半 我發覺佢有郁既行動 我就冒險用手打走佢 係..打走..但打唔死 認真望下原本係蜜蜂 我平生最怕就係蜜蜂... 因為細個比佢針過 但我又冇理由停車叫救命架..!!! 在坑尾站前..行車燈許可亮起...係可以通過 但我冇過我停車唔行 我估乘客以為我等燈過....所以冇騷動 其實我等機會同佢死過 我手攞住本時間表在"困獸鬥"中見準一野打中佢 佢應該暈左跌落地 之後....佢去死啦!!!!!! 我頂...都唔知咩時候飛入來 攪到我之後都唔敢開窗 不過怕蜜蜂既我可以咁勇咁拍死佢 我覺得自己好勁 好在..我落左簾..冇比客見到 比客睇到一定以為我傻 有個傻司機...."撲蝶"呀 其實而家都有D寒寒地.... 我真係好怕蜜蜂.... 童年陰影嘛... >>May 30, 2010 at 9:47:10 PM GMT+8 2010 年 5 月 29 日 星期六 【颱風】 Captain的分別..!! 正話同女友出左赤鱲角 我地而家真係有咩地方可以去丫??? 出去行街又會買野... 浪費金錢.... 賺錢不是容易事呀 計下數...如果我地出尖沙咀、旺角、觀塘、銅鑼灣...呢D等地方仲貴 一個人既車錢來回差不多一百蚊 出去食埋個飯條數真係小數怕長計 所以出赤鱲角係一個好好既選擇 今日我地去左魚翅城睇飛機升降 上到去天台 天色還有點光線 仲有D熱風吹向來 過左半個鐘 天色開始睇住佢暗下去 風就越來越急勁 講到吹走個人都冇跨張 明顯地 見到風由屯門方向吹去我地果邊 D黑雲見住佢吹埋來 這時好多人影相既都收野走 怕整壞D機、電腦 而我地得命兩條 就睇住佢吹埋來 由暖風變成冷冷既海風 終於風到D黑雲過來 立即倒水咁落雨 這時...不止我地兩人 有好多機師鬼佬既家人呀、魚翅D員工立即拔腿就跑 跑去升降機度諗住落樓 點知...架Lift就按極都唔上 我地硬食左2分鐘風雨既洗禮 個個都濕哂 大家都去到更衣換衫 最後大家"同身共濕"過既人 一齊去魚翅城食飯 唉.....做機師真係有型呀 鬼佬問我做咩工.... um..."Captain too" but we're different...i'm Train Captain..!!!!!很爛既Gat 鬼佬....nice ...not bad !! it's Airport express? No...just. light railway 鬼佬....笑笑口直豎拇指... 哈哈...我覺得D鬼佬個個都好Nice呀.... 食完搭巴士回家 都仲係落狗屎 好在到落巴士時...細左雨好多好多 天公造美呀 今日大家都玩得OK...開開比心過左一Day >>May 30, 2010 at 12:16:15 AM GMT+8 2010 年 5 月 28 日 星期五 【酷熱】 人比人 今日去左女友個朋友家BBQ 一開始知佢住錦繡花園都知佢係D唔憂食既人 果然去到佢家 一入門口已有兩部私家車泊左響度 一架係寶馬Z4型號..另一部係凌志LS300 兩部車都唔係平既車 我咁大個仔都真係冇駕過寶馬.... 佢家中有一個工人 而且呢間House仲係三層高 仲有各一個既前後花園 前園有一個小小既魚池...養住好幾條既錦鯉魚 都唔係細條添仲係 後園又養左隻狗 名副其實既...住洋樓養番狗 呢個都算係我一生人夢寐以求既生活 上天真係唔多公平 點解有D人一出世可以咁有錢唔使憂 而我就做到隻狗咁 講真丫 我都好想可以比到呢D生活比自己鐘意既另一半 但我估呢世我都唔會得 響BBQ其間發覺唔夠食物燒 要出去買 咁我就自動請纓咁講..我去買啦 因為係我食得最多 點解食咁多...? 因為我都唔知可以同佢地傾咩 唯有係咁燒..係咁食 咁我出去買都好應該吧 仲諗住坐村巴出去 點知佢爸爸話比條車匙我 駕佢部車..."咁咪可以早去早回啦" 仲叫我順便幫佢入埋油 我諗佢架車就冇油先叫我駕車出去吧 那好丫 我都未駕個呢D車 第一次駕出去 女友坐在我身邊 因為我點都要帶個人出去 出到街要看住部車唔好比人抄牌 駕車既時候....那一份虛榮心真係...!!!!! 那一份自我感覺非常良好既心...!!!!! 我諗我真係冇咩好機會駕一下靚車喇 唯有響呢D時候滿足自己吧 有時諗..點解我做唔到人地咁..咁成功 好吧....當他爸爸做生意我比不上去 但同我同年仲細過我既Philip.... 大家一齊讀同一中學 佢都有錢買架Mitsubishi Lancer Evolution IX 仲係新車添 30幾萬.... Philiip佢係做股票、倫敦金買賣既工作 大家當年同一Level 今日人地已經升哂lLevel..做到經理級...下面做有同佢打工既人 係....今晚女友有安慰我話 從來都冇諗過話向我要咁高要求.叫我唔好唔開心 還講笑 話我開既車值幾百萬啦貴佢多多聲 之不過人地部車30幾萬5個人坐 每一個屁股個位坐6萬 但我架好似係300幾萬...每一架車塞到120人左右 咁平均計埋我每個人只係佔2500蚊左右 好....當企既唔計...只計坐位44人計埋我45 人 咁每一個屁股都只值66666蚊左右 都係輸左啦...失敗呀 我知...我唔應該咁同人比較 但我始終都係男人呀... 怎樣都好.... 我都好想大大聲話比女友妳知.... 我係可以架.. 不過現實我知..我不可能 除非我中左六合彩..一夜致富 但係聽到妳向我講妳話唔介意、肯一齊捱 就算唔係生活富庶都會好開心好幸福 咁妳覺得我們將來會唔會幸福快樂呢..? 我有咁問自己 但我心我個腦好猶豫不決... 畢竟呢個係現實 有句話叫"貧賤夫妻百事哀" 我不怕話妳知..... 我好擔心 我知我唔應該咁諗..但控制不到自己個腦...Sorry
>>May 29, 2010 at 3:54:53 AM GMT+8 2010 年 5 月 27 日 星期四 【酷熱】 好渺小呀我 今日同女友行街 行過買琴買樂器既地方 諗住幫眼一齊揀...去買個小提琴比妳個表妹做開學既禮物 點知就我有我睇...妳有妳睇 我就比人係咁Sale.....我又唔好意思走 到我比人sale完炸完 去搵妳...諗住就買果個啦 點知轉頭唔見妳 要我去搵妳 搵到一個坐響鋼琴面前既妳 響到比人sale買琴 妳就試部琴 Sale妳都唔係問題 問題係我妳試既唔係一下一下按琴鍵咁試 而係真係睇琴譜去彈 我一直一直都唔知妳係識得彈琴 妳騙左我好耐呀 咩呀?! 唔係咩....! 我差D以為認錯人呀 妳呀 仲有咩技能未Show出來好Show喇 妳呀 攪到我呀 極度自卑呀 我就黎要見心理醫生架喇 而家呀...好有壓力呀 到底妳仲識D咩?! >>May 29, 2010 at 3:54:07 AM GMT+8 2010 年 5 月 26 日 星期三 【酷熱】 應徵司機 今日同班同事傾開計 當中有D唔係駕車 係做客運助理(查票) 講開內部調職既問題 公司一向都係唔夠人手 人又走得快 內裡既...一係長老級既(即係有15-20年經驗既司機) 一係就新人.(一年以下經驗既司機) 而我地呢一D既做左兩年以上既係佔最少 所以都會持續咁請人 有D朋友既朋友對鐵路有興趣問我點考 我話而家唔太清楚喎 當年我係KCR考... 今時今日係MTR考 不過我都打聽過D考法 基本上有D係不會變...一定會考應徵者 亦有D即將應徵的朋友先問我 咁我都話哂佢知.... 大約考D咩 點知考左三次 連第二次面試機會都冇 很奇怪... 明明唔夠人 但係偏偏有人考三次都唔得 咩原因 或者..而家我知喇 原來都有好多內部職員自願由其他職位做司機 多數係D客運助理、客務中心服務員等等 咁公司當然請熟既好過請生架啦 變左街外有已經冇左D機會 但據我知... 考以上兩個職位仲好似難D 一來英語要好好 二係...計數要好叻...(即係要心水請..唔係要你畫個三角形求個"x"果D數學) 以下係應徵考試八達通題目(例子) 問題係﹕(不是真實題目，但模式差不多)
另一題係﹕
問題1﹕最初當值時，櫃內錢幣加上所以八達通數量共值多少 問題2﹕還有賣剩多少成人八達通、小童八達通、長者八達通、同埋你回收左幾多張八達通 問題3﹕當值完整時櫃內錢幣加上當天收入合共多少 其實仲有問題4、5，但我唔記得佢點問.... 咁而家我問你地 你地會唔會答到...? 你話係唔係有病.... 考司機都要答呢D題目(但係我所知考司機呢兩題唔係一定要答得啱，只係睇你有冇機會轉做客務中心服務員) 但考客務中心服務員就好似會對呢題要求高一點 但講真.... 我只係睇題目都睇左5分鐘時間 仲要計去諗 真係人都癲 不過....司機要求只係中五畢業(5科合格包括中英)、毅進生都可以 如果有朋友有興趣就上網睇下留意佢有冇請人喇
>>May 27, 2010 at 10:36:03 AM GMT+8 2010 年 5 月 25 日 星期二 【酷熱】 香港機場快線 今日女友返回香港 哈....我完全唔覺得佢係出左去旅行咁 咁又係既..邊有人會玩兩日一夜既日本團架 妳肯我都唔制啦 放工我到機場接機 搭機鐵瞓著差D瞓到博覽館站 事關太眼瞓 我都唔明點解會咁眼瞓 可能機鐵冇咩人坐..又靜啦 唔係咩.... 你地有幾可聽過機鐵會坐滿人架 永遠都係非繁忙時間....真係唔知公司點做得到... 12分鐘一班車 24分鐘走到機場 其實真係好快... 我好唔明白點解佢要收咁貴嚇走D香港客 一條咁快既鐵路就係因為成百幾蚊一程....真係搵鬼搭....鬼...我指"鬼佬" 鬼佬遊客唔識冇比你厄囉.... 廿蚊美金唔使可以出到市區....佢仲諗咁多...上車啦 由機場出青衣要60幾蚊...離譜 睇左書先知機鐵原本既構思唔係12分鐘一班 係3-5分鐘一班 係政府同地鐵高估左乘客量先咁 冇人搭3分鐘一班真係連水錢都蝕啦 而列車仲係足夠維持3分鐘一班使用 咁即係有起碼4抽車係冇用 其實我唔白點解會咁貴 同巴士比就算用A線既巴士..最貴都係40蚊可以過到海 唔趕時間仲咩要搭你呢... 係...香港人..一寸光陰一寸金 但香港人心照啦...睇金重定時間重呀...? 百幾蚊出到香港..同40蚊出到香港...你會點揀 所以我都真係唔識解....點解公司會咁 唔好問我 再者我對鐵路車費真係唔多清楚 如果唔係今日特登手多按下部機都唔知真係咁乜叉Q貴 唔怪得女友情願早D出門口坐機場巴士好過喇 嗯...我知我知 傻妹見到我咁寫就會搖我快D比張家屬八達通過佢嘛... 結左婚..而我又咁好彩冇比人炒..妳實有架喎...等下啦 而家錢又比妳儲..... 妳儲夠未呀..應該係我問妳!!! 我都冇錢妳知架... 今日.... 多謝妳啦 兩日一夜都有時間買到野比我 我真係好鐘意個"肚腩"呀 上次我妹買過一次 之後冇貨買唔返 今次妳仲買到個筆袋形既 嘩......900幾Yen喎 嗱....大果個肚腩呢裝我部NDS、細肚腩呢就放文具啦 返工我都有用架.... 有機會我都想去個多啦A夢 Land 睇下 我好想去..未有機會去 我好想同妳去.... 多啦A夢肚腩造形既筆袋.. 
多啦A夢肚腩造形既NDS袋.. 
去日本新宿，賣多啦A夢既精品店，我都好想真真正正咁去行下，唔知幾時大家先會有假期去呢? 
查實每一件多啦A夢既精品..平均都要1000Yen...圍起港紙都唔係平...!! 
以上相片全由女友提供.....!!! >>May 26, 2010 at 3:35:36 AM GMT+8 2010 年 5 月 24 日 星期一 【酷熱】 兩日一夜... 今日女友話同個魚翅學堂既同學一齊去一去日本一躺 兩日一個夜 妳話去唔通我話唔比咩 我只可以話.. 咁自己小心D喇 其實又使乜擔心丫 女友佢都算係一個"日本通" 去日本都去左不少於10次 而且還懂得用日文同人溝通 你話..... 我使乜擔心咁多 問到女友去日本仲乜呀? 女友話...去陪人過一過去買野 因為佢個朋友唔識日文 如果叫埋女友去會方便好多 機票錢唔使出...佢個朋友比 但又有幾貴丫... 佢地大家都係職員 張機票平到離譜.... 正價一折...你地自己計即係幾錢有幾平喇 好彩咁啱冇經濟位既話仲可以坐到商務或者頭等添 但黑起上黎有時連經濟位都冇得坐 要坐佢地機組人員既Crew Seat....倒頭位 更黑仔既...冇機上..等下一班或者買真金白銀機票啦 如果坐Crew Seat....倒頭位坐足4個幾5個鐘 都咪話唔"甘" 最後我都係唔知佢坐咩位 我要返工.... 送唔到佢去機場 希望佢小心啦 如果唔係要返工 我都想真真正正咁同妳玩返日 但真係搵食好難夾日子... 但我信實有機會既 >>May 26, 2010 at 3:29:47 AM GMT+8 2010 年 5 月 23 日 星期日 【乍寒還暖】 不可一..不可再!! 多得妳唔少呀 出街叫我帶D女人野比妳 不打緊 攞左妳又唔攞走去用 咁我攞黎比妳仲咩呢咁 唔用都算喇 咁妳都應該問我..等妳攞走返妳D女人野佢丫嘛 點知妳又唔攞走 唔攞走都算喇 食野開餐大庭廣眾...公眾地方 我攞包紙巾時 點知就係攞錯....都係巾呀!!!!! 我縮都縮唔切.... 我勁瘀囉....都唔知有幾多個人望到添... 人地以為我係變態呀 我下次打死都唔會幫妳攞呀 要用妳自己立即去買... 反正必需品 又唔會變壞... 我唔要再試第二次呀 我唔會再去果既食肆呀 唉.... 真係發夢都估唔到我會死響呢一包巾上...!! 真係前途盡毀...唔使見人 難為妳仲笑到而家都笑得出 係.... 雖然係兩種質感既野 但我點會記得我會有呢D野響我度 咁我毫無疑問..手摸到佢軟軟地 就以為佢係紙巾架啦 妳呀....咪再笑呀 我真係睇黎要滅口先得喇.... >>May 23, 2010 at 9:09:32 PM GMT+8 2010 年 5 月 22 日 星期六 【乍寒還暖】 激嬲阿娘... 今日回娘家 見到個妹就同佢傾計 講下講下就講返我地細個既事 當年阿媽有一樣野我地敢怒不敢言 就係長keep我地既ID Card 因為怕我地唔見 咁冇身分證...咁點出街呢 嗯...阿娘有辦法 阿娘就係影印我地張身分證... 仲要底面影印再過膠 變成一張copy版既身分證 就比呢張我地攞呢張出街 我唔明點解阿娘要咁緊我地張身分證 我到15歲先可以自己keep 我妹18歲阿娘都仲想幫佢keep 當然阿妹打死都唔比佢啦再 我地就響房關門講呢件事 講阿娘不是.... 講完一開門出去攞野食時...我呆左一呆... 原本阿娘響出面 我地都唔知佢聽唔聽到 阿娘又唔出聲 直到我出門口出街阿娘都冇同我講一句話 死啦 阿娘會唔會嬲左我地兩兄妹講佢壞話呢.. 但係..我覺得呢D唔算壞話丫 係事實喎 好彩阿娘生得我地個樣唔似"飛仔飛女" 冇證時期我地兩兄妹都冇比差佬竇 如果唔係阿娘都要去差館接我地返去喇 唉...阿娘家下又唔出聲 咁即係點呢.... 好似我地兩個好衰仔衰女添 講比女友知 女友話我....真係衰..咁講你阿媽 嘩...我點知佢無端端響出面喎 咁無心之失 女友叫我找天一齊找阿娘飲茶 女友榜住我又好 當係陪我阿娘都好 哈...攪到女友要幫我執手尾咁添... 今期真係"奶野"奶到正一正... 女友仲話...你不孝呀不孝呀.... 阿媽都話!!抵我比阿娘嬲呀... 嗚...我唔想架..下次唔會囉...咁好未..!!
>>May 23, 2010 at 9:08:35 PM GMT+8
|
|
無事嗎?irene佢而家情況如何