| 日記 | 日記主簡介 |
||||
2010 年 8 月 10 日 星期二 【酷熱】 行街 見妳今日幾咁"百厭" 週圍行咁 唉.....知妳屈左成個星期 未出過街...真真正正咁行過 又未買下野咁 都知妳身痕又手痕架喇 其實我都預左今日放工陪妳出街 行下又好、睇下又好、點都好....只要離開個屋企比妳走動下 我諗咁妳會精神D掛 我返工時響度諗同妳去邊好呢... 最後都係去左我地最熟既一、二號既客運大樓 都係依舊去玩人地既Tester...... 我兩隻手背都比妳果D化妝、護膚Tester玩到冇到地方比妳再玩再Test... 再玩就玩上手臂喇..... 仲有呢...我硬係覺得背後有幾十對眼望住我地咁...好似禿鷹咁眼望實我地咁 最夠"吉屎"係妳啦 仲走去比錢買一支化妝掃... 妳話啦...支野幾錢丫...?? 玩人地多多...買人地少少 混吉又混帳...哈哈 之後我地都係上左探知館 最後上左去睇飛機升同降 但今日響07L跑道Land....所以冇得咁近距離睇 唔緊要啦...我覺得係各有各既角度睇啫.. 我睇緊時見到妳同個外國既小妹妹玩 不過...我見妳同個鬼仔既o靚妹玩喎 唉...發覺我真係唔識點同人溝通呀 妳就巴閉啦.... 仲可以同人地個小妹妹一齊影相 攞唔攞得返先張相先...? 我英文雖然冇妳咁好 不過我應該冇八掛錯妳地應該係交換左Email 我估係比返張相妳.... 係唔係...?? 我估得啱...我聽得啱...(真係啱左) 睇到天黑就過左去魚翅城食晚飯 順便睇下信箱.... 冇Check個Mail box一星期有多... 有一大張Card咁大把 一張Thank You Card.... 記唔記得起..係咩機做左咩好事呀...?? 我記得妳話過我知呢 魚翅所謂既效率呢 係收客既投訴信就會三日唔使就捉妳照肺 但收到客既Thank you Card呢...... 分分鐘等三兩個月先回頭 有D仲會話冇回頭添......明明見住個客響自己面前寫....!!!! 食完返去屋企 平平淡淡咁過左一日 仲有....好驚奇囉我 妳響醫院聽歌知我MP3機其中一邊耳筒係壞壞地吧.... 今日去到T1 妳問我耳筒咩色好睇時 我估繄妳唔係買比我...哈哈 多謝呀.... 其實我想換架喇 不過又唔捨得換住 佢又未壞得哂 妳知啦..... 我帶一邊耳聽之嘛 冇影響既 但自己一個人出街聽就"窄"左D喇 一邊耳大聲...一邊耳細聲 聽得鬼咁辛苦 總之多謝妳啦 嗱.......果次粉底液呢我係抵賠既 妳叫左我唔好放佢出黎架嘛 我冇聽妳講先會出事 我比錢買返係應該既 錢呢...我放返妳張梳妝台上呀 有既.....好好咁幫手我儲左佢啦 妳比我..我又身痕去又食又買架喇 知冇..... 唉...好恨呢個Showhappy呀...點解冇本身自己既html功能 要我打好.....自己轉 今日有心情先自行改html......再補貼返兩日前既日誌出黎.... 見諒呀....近排發生D事心情唔係太好 放心啦 而家好D架喇....會正常Daily Writing喇 多謝妳送既野...我會好好咁用架喇. 
>>August 11, 2010 at 2:19:16 AM GMT+8 2010 年 8 月 9 日 星期一 【清涼】 量力而為 今日一睜開眼係我地個家 係唔係好有感覺呢...? 終於都唔使見到個白色天花板喇 是嘛....? 最衰今日要返工 陪唔到妳出去診所洗傷口 但我叫湖康診所既雪兒 睇緊妳多一點 其實出診所既第一日我好想陪住妳去診所洗傷口 因為我怕妳會緊張呀 有個人陪點都會好D嘛 不過妳都好叻架喇 可以自己去自己返 仲可以走去買埋餸....!!!! 妳呀.....話哂做左手術架...!! 唔好執屋煮飯........一陣子喇...好嗎???? 一個唔好彩妳有咩事我真係會擔心架 返工都返得唔安樂 而家既妳責任係呢應該好好響屋企 乜都唔好做.. 做個完美既"大懶豬" 抖好個Sick Leave佢.... 到Sick Leave完左妳想休息都冇咁多呢D時間架喇 記唔記得食飯應承我咩呀...? 返工要自己量力而為呀 我其實最怕係妳推餐車...又企高又踎低 餐車又重...妳用出力推...我怕對妳個傷口唔好 企高踎低...重複呢D動作...我又怕整返傷妳個傷口 如果妳想繼續而家既工作 唔緊要架....妳知到應付到就繼續做啦 嗱...... 妳我都明白.....自己事係騙不到自己 係唔得唔好死頂 嗱嗱嗱......我信妳架喇 妳話得...就得 唔得既..... 做地面既都無所謂啦 我地可以日日見喎咁.... 最多我應承妳.... 得閒...或我有時間.... 我都一樣係接妳放工... 應承約定..既事 我願意為妳做 講多次喇....其實已經向妳講左好多次 厄我...係我容易 但唔好連自己都厄埋...... 當自己再次返工時 計算自己可唔可以..得唔得 量力而為而為呀.... 我們未來一家既將來.... 要靠妳下一次返工計算 但無論如何.... 我都相信妳......知道嘛? >>August 11, 2010 at 2:17:10 AM GMT+8 2010 年 8 月 8 日 星期日 【清涼】 出院 妳今日出院喇 見到醫生寫Home Leave...就知可以走喇 足足瞓左一個星期咁滯... 成日話自己有包包臉既妳 而家如妳所願 塊臉尖左啦.... 但我都係鐘意包包臉既妳多D 揑起妳塊臉先有質感架嘛 當左右同時揑完妳既時候... 臉塊紅扑扑咁 好過掃胭脂水粉呀 醫生話妳冇事呢 其實我都唔係好相信 話哂開左刀嘛 但當聽到妳電話講 "出門口前記得攞哂個化妝袋比我丫..." 能夠有心情響病房化妝 我諗全醫院得妳一個 之但係見妳咁開心扮靚.... 咁我都信妳冇事喇 等左幾個鐘先攪到妳可以離開病床出院 陪妳安排好覆診紙、洗傷口紙、病假紙 當然唔少得係賣單個張紙啦 妳呢....似乎姑娘對妳都幾好喎 大家都向妳問好....著妳回家休息多一點 連男護士妳都攪掂..... 都唔知妳呢兩日向人講過咩... 妳人緣係唔係好得咁緊要呀...? 踏出屯門醫院搭輕鐵 妳第一句話... "終於都吸到外面既空氣喇... 我呢....之前呢..為左氹妳乖一點啦 就應承左妳一出院可以比妳食任何野 原來好真係得..!!!! 妳果真食得唔客氣呀 但算啦.... 出院既病人係大哂架嘛 回到家．．． 我話．．．．當時妳響呢個位置痛到踎低時 真係嚇死我...... 妳知我唔嚇得心血少架啦 妳當日個痛苦樣我到而家都忘記唔到 印響個心．．．好深好深處 一入門口見到妳出現同一位置 我就諗起妳比救護員推出去既情況 我諗我短期內都忘記不能 怎樣都好啦 有唔開心、有唔妥妳要出聲呀 我真係好掛心妳架 尤其係大家都返工見唔到既時間 妳又見我唔到..我又見妳唔到... 總而言之．．．．． 唔開心就向人講啦 如果妳話呢D女人野唔想同我講都唔緊要 同妳D姊妹講都得架 我地大家都會企響妳身邊撐妳架... >>August 11, 2010 at 2:20:32 AM GMT+8 2010 年 8 月 7 日 星期六 【乍寒還暖】 我應頭..我要呀 如無意外妳明日出院喇 今日我放工上去病房 幫妳執走D日用品先 免得出完時一袋二袋咁 好鬼論盡架嘛 照我見....今日妳精神好左好多 唔講既話..都唔知妳有做過手術 傷口冇叫痛....抵讚呀 我問..真係唔痛...?? 妳拆左線喎..! 妳話.....唔痛假既...19針呀....我聽到都替妳痛呀 不過妳話妳忍到... 食止痛藥都可以 見到妳咁.. 情緒好似冇咩問題咁喎... 我問妳係唔係真係冇事呀? 妳甜笑笑話...冇呀 不過... 我照直講話 我親手簽名要妳做手術...攪到妳咁..我心好唔舒服呀 我話我成日凝住妳會怨我呀... 此時妳話..我有怨呀... 開頭我真係有怨呀 妳反問我... 如果我掉轉換你做手術切走左D野... 問我會點... 其實我都有咁諗過之前.... 我唔會怨任何人係真既 但心中想找個人負責任 其實講到尾.... 妳只同我講左句 係你簽名點頭做手術攪到我咁...你唔可以唔要我 呢句話我聽得出妳很認真呀... 不過... 如果妳仲記得的話 我早就應承過妳...唔會唔要妳 若果唔係認定妳係我未來太太既話 我一定唔會簽名比妳做手術 我幫妳簽得名.....早已經為妳認左呢一個責任 將來妳變成點... 我都會應頭...我都會要妳 咁好而家放心哂未呀...? 我要定妳呀...
>>August 8, 2010 at 2:31:46 AM GMT+8 2010 年 8 月 6 日 星期五 【清涼】 賠償...!! 呢幾天..女友入左醫院 我幾日冇人比飯我食...很可憐呀 餐餐都係自己買...食自己 而呢幾天我就係幫襯以下咁多間 麥當奴、美心快餐、美心西餅、大快活、大家樂、燉奶佬餐廳、自己煮即食麵、叮叮飯，仲有自己開罐頭做餸 每日三餐都係咁....就係以上選一個咁樣 女友唔響屋企真係好悶 我只係可以同肥貓玩 而細貓咪仍然軟禁中 佢實在太活潑.... 活潑到我想打餅佢 今日..見困佢咁耐 諗住放佢出黎走下啦..(其實女友之前千叮萬囑向我講過...唔好放佢出黎住...) 我捉都捉唔到 一支箭咁跑入我地間睡房 左跳右跳...上天落地...!!! 呯嘭呯嘭.....(心知不妙) 又打爛左女友支唔知咩野 係結結地...玉色咁既液體 仲要一跌彈哂上地毯度 攪到我張地毯一灘一灘既"玉色污點.." 我立即攞入廁所攪.... 我又要刷又要洗又要浸又要漂 呢張地毯係響倫敦買返黎(若果我冇記錯....) 整污槽左我真係多得佢唔少 都唔知女友返來睇到會點... 印象中..呢塊地毯係唔平 圍起港紙幾多百蚊我唔知... 我同破壞王講..你媽咪入左醫院呀... 仲整獲咁既野我嘆 係唔係活得唔耐煩呀 但似乎破壞王唔明我講乜咁 繼續我行我素.... 又走到入廚房 唉......."媽咪既禁地呀 你真係想死頂啦 好在媽咪唔響度 若果唔係.我睇媽咪可以忍你幾耐.... 最攪笑係肥貓咪只係靜觀其變.... 望住我同破壞王既追逐戰.... 我真係唔明.... 點解肥貓咪會咁靜又咁定 呢隻好似養極都唔乖咁 我真係擔心點算 最壞既情況就係放低你去嶺南大學 果度有學生照顧D流浪貓 咁呢個情況只係我諗啫.... 未同女友講過 或者佢點曳都好... 可能女友佢點都唔會捨得 唉.....但佢已經破壞好多地方 尤其係女友張梳妝枱上既野(佢真係専攻梳妝枱...) 唔知係唔係塊大鏡吸引佢去梳妝枱處 佢真係打爛左唔少野 幾經辛苦先捉返佢入個籠度 太可惡喇隻衰貓 破壞罪罪名成立 判無期困在籠中 真係想對你好D都唔得 係都要迫我困實你...!! 最慘係我要執返打爛左既"屍骸" 攞去化妝專櫃度..... 問化妝姐姐配返一支一模一樣既(問個靚女姐姐先知..呢D叫粉底液) 原來支咁既細樽....賣成435蚊(Chanel LIFT LUMIERE Fluide Foundation)
辛辛苦苦儲起既零用錢比佢一野劏左我435蚊 死衰貓...我已經為女友既事煩 家下仲要執你手尾 最後我決定未來三餐都比少一半比衰貓食 比兜水你飲飽佢吧...! 唉....有冇高手可以教我點樣對付D唔聽話既貓呀 我真係冇咁多錢賠呀 D化妝品真係好Q貴呀 我又係衰既....女友都講明話唔好放佢出黎....我又係抵死既..!!! >>August 8, 2010 at 2:38:32 AM GMT+8 2010 年 8 月 5 日 星期四 【乍寒還暖】 約見Case M.O. 好眼瞓.... 昨晚開著電腦伏響電腦枱前瞓著左 呢幾日 我真係冇咩點瞓過 除左返工前瞓幾個鐘外 我諗我其他時間..眼同腦都係運作緊..... 不斷咁諗....妳而家會點..做緊咩呢..??會唔會好悶呢...?? 腦海成日都係諗緊妳做乜 今日我約左妳個Case M.O.見面...聽解佢情況點 上次由於係假期...唔係Case M.O.見我 所以今次再約見過.. 已經同Case M.O.傾過妳之後會點 不過其實醫生唔講... 我都知大概會係如何 日後生活上會有咩改變等等 可能真係要比一段時間妳去適應一下 可能Case M.O.都係個女性 佢都提醒我要留意一下病後康復既妳有咩改變 如果有覺得唔妥要盡快見醫生...提前覆診 我問到有關妳既工作上會唔會有影響 醫生話應該冇直接關係 只要個傷口好返... 基本上同常人冇分別 行得走得食得瞓得 但係心理上要留意有冇轉變 傷口將會拆線... 照多一次超聲波檢查...同睇下聯針口有冇發炎， 如果冇事就Ok 過多一兩天可以出院 臨見完醫生果一刻 醫生再提我...叫我一定要睇緊妳有冇任何轉變..我諗指妳既情緒呀...。 妳看到嘛... 以上既就係醫生向我講解妳既狀況..... 醫生都話妳冇事架 但有咩唔開心要出聲呀 醫生話妳唔開心呀..... 平日醫生巡房時 醫生話問妳野...妳成日都唔答人呀..!! 妳呢..冇人響妳隔離呢.... 妳就係咁... 曳到死呀妳.... 真架..真係唔開心要出聲呀 如果唔想同我講既...同妳D姊妹講都可以架 最緊要妳要出聲 唔好再大被蓋頭...問妳又唔應...唔出聲呀 因為...我真係會擔心妳
>>August 6, 2010 at 11:15:38 AM GMT+8 2010 年 8 月 4 日 星期三 【清涼】 想得太多... 好煩呀 已經唔係好好瞓 難得到天光先瞓到 點知一早對面屋就裝潢 又鑽牆、又拆傢俱、又鑿地板 我就痴線喇 好揀唔揀...揀呢幾天裝修 不過..人地真係過左9:00先開工 我又冇得投訴 希望佢快手攪掂 嘈到我都唔打緊 最怕女友返來比佢聽到唔知會唔會對佢情緒有影響 下晝去醫院探女友 今日女友精神好左好多 識得坐起睇書 識得落床行下咁 在我面前一切都好正常 昨天...我拜託病房既姑娘 留意下佢無人響度一個人既情緒會如何 然而今日我問返姑娘 姑娘答我佢應該唔係幾開心 好多時候都用被蓋過頭 藥...姑娘唔叫都唔會食 好多時都係姑娘收個藥杯時見藥仲響度 先拍拍佢....叫食返D藥... 回到床邊 我如實問係唔係唔開心..? 開初都仲死口話冇事 再講我話姑娘話我知妳平時....咁喎 最後女友都肯話我知諗咩事同擔心咩事 真係傻瓜呀 醫生都話冇咩事囉 而我又唔會走左去 而且唔係完全冇機會嘛..... 我倒唔信日子流流長.....一次都唔得呀.. 工作上既.......真的有影響最多咪轉做地面囉 我還以為妳嬲我做錯決定呀 其實自己日諗夜諗..亂咁諗 真係比妳嚇死呀 放心喎...... 妳變成點我都走唔甩啦係咪... 妳都有我認我頭囉...... 好好地...靜靜地咁響病床休息喇 來緊等埋妳拆線... 檢查多兩天妳就可以返屋企喇 最多出院當日.... 比妳做妳想做既事啦...好冇...? 乖乖地....好好地...養好自己個傷先喇 我知妳會用手機上網睇架... 開心D啦......手術已經做好... 一切已經冇事架喇 妳知唔知呀 或者下次輪到1我入院 你要照顧我架喇 >>August 4, 2010 at 11:10:33 PM GMT+8 2010 年 8 月 3 日 星期二 【清涼】 煩憂 有陣時我都唔明白女友心諗咩事 今日陪住佢時 唔知點解凝住係有D事咁 唔識講.... 純粹感覺.... 其實我真係好想知女友情緒如何 我覺得女友好似抑壓緊自己咁 問過女友既姊妹...佢點 佢地又話冇事 我直接問女友 又話冇野 真係好怕女友會將一個病.變出另一個病 可能住院真係好悶 或者..又或者可能..女友只係悶到又呆又靜咁 我仲有咩可以做..?? 只有留意女友多一點 留意女友有冇變化 講到底都係我既決定 有時諗都唔知當日我簽名 啱定係錯... 我都唔識判斷喇 >>August 4, 2010 at 11:10:09 PM GMT+8 2010 年 8 月 2 日 星期一 【清涼】 我想知 我都唔知自己既決定係啱定錯 但如果有得比我揀多次 響果個時候..得我一個 我都會同樣咁決定多一次..... 我會簽同意書 妳知唔知當初從手術室醫生走出來時向我講 做同唔做既分別 妳知唔知醫生仲嚇我話 如果切除呢一部分都仲係止唔到血的話 就要整個切除 若真的整個切除就會真係今生唔會再有機會 聽到醫生講有咁既機會率..... 妳諗下得一個人既我當時我會點諗...? 冇人同我商量..... 在可能失去妳壓力下.... 為左保妳命我可以話冇選擇 計起上來..... 我不是妳父母 妳要切除什麼地方..理應有妳父母在埸了解做決定才對 畢竟妳係佢地生出黎... 由父母決定先係最正確 但我當陣時乜人都冇.... 我要做決定去決定妳應該點做好 由聽解釋到決定簽名...前後不到15分鐘 900秒時間之內我真係好有壓力下做決定..去簽呢個名 我真係十五十六.... 可知簽呢個名唔係去銀行攞錢咁簡單 簽左呢個名..妳有什麼事..我要面對妳家人 妳知嘛...我真係果刻好想打比妳父母知...問佢地點做好 時間緊迫.... 在失去妳或者切除去保命... 雖然我明知醫生用最壞既情況嚇我 但我都只好簽紙同意...我真係冇得揀 難到我要由得妳不斷出血....不能止血嗎 用妳生命同埋切除部分...放在度量衡比較 保住妳生命比一切都重要 我簽完同意書我有諗過... 萬一有咩唔好彩有閃失 我同自己講...名係我簽 無論手術後有咩事.... 我都會同妳一齊...我都同以前一樣唔會離開妳 手術完左 妳又不願主動講妳既感受 妳係親身接受手術果個人 而我係授權給醫生...叫妳去接受手術 妳到底有冇嬲我做咁既決定? 如果妳嬲...妳可以話我知呀 我明白有時D事....發生左今生都係冇得改變 而家妳當無事發生咁...我好難受 都唔知妳係難過、嬲我簽同意書定還是真係冇野 我真係不想估估下 昨晚我忍不住Send個Message比妳 事情遲早妳我都會面對 我地日見夜見冇可能避得到 我真係好想知妳點諗 今日探妳時我會做主動果個 但結果點都好 我都會向妳發誓 我會對妳不棄亦不離 >>August 3, 2010 at 8:25:43 AM GMT+8 2010 年 8 月 1 日 星期日 【酷熱】 難忘既假期 回家只係瞓左兩個鐘 醒喇..... 自己醒 自己較左既鐘都未到時間響 我已經醒 我跟本冇咩心情瞓 看看電話還未有來電 是女友還在休息嗎 自己都感受過全身麻醉既感覺 很倦....會感到大傷元氣 女友本身身體咁弱 可想而知.... 早餐我只係飲左杯橙汁 算了..反正冇胃口 趕緊去等醫生 驚死醫生早過我等 我10半已經去到病房外 通知姑娘我既存在 11點半多D 醫生見我喇 其實我都心中有數 只係醫生講既我會再肯定性多一點 最後我問病人知道自己情況未 醫生話...已經向病人講左 唔該完醫生 我就等探病時間到 等待既時候我真係擔心她知道會有咩反應 探病時間到 望到她第一眼.... 她仍然瞓平在病床上面 仍然駁住昨日既機 但已經唔使再輸血 眼看今天臉色好過昨推出來時好多好多 說話有力左 懂得同我對話 精神明顯地好好多 但都稍微感到點點氣弱既感覺 我知是正常的 反而我在意是她反應好平靜 問她傷口仲痛唔痛.... 她點頭.....話好痛 我問她有冇打止痛針...? 女友話冇 我話我差不多走時叫姑娘幫妳打啦 因為我知手術後打既嗎啡針打完會好眼瞓 我想佢我走左時好好咁瞓覺 我這刻又唔想開口講佢情況...做左咩手術..切除左什麼 我諗女友係知 佢可能都唔知點向我講吧 我地都冇講過情況最後都 我話昨晚嚇死我喇.... 我一個人響手術室外等左妳好耐呀..... 其實我都唔知講咩好 正常既情況應該係互相講比對方知 醫生向自己講D乜 我知住醫院係一件好悶既事 想問使唔使買D雜誌睇 但我諗....手都吊住咁多針...傷口又痛 都冇能力、氣力睇雜誌吧 最後我放低左部MP3機比佢 等佢可以聽下音樂或者電台 我諗按MP3機既制既能力她應該有 整下整下都差不多夠鐘過探病時間 我叫姑娘開定支止痛針比佢打 因為我知止痛針係要經好多人簽名先可以打既針 左對右對由叫打針到打到落病人度分分鐘都要半個鐘 對一個痛既病人講...等半個鐘簡直係攞佢命無分別 臨走前我問她... 不如講比妳屋企人知啦 女友不停搖頭話唔好講..... 見女友情況咁...我都唔想同佢爭論話唔話比屋企人知 我要返工..仲要係返下晝時間 下午既探病時間我唔可以探佢 我話...妳屋企人唔黎...妳會好悶... 女友都堅持唔話比屋企人知住... 算啦.....不想勉強佢 我話我叫妳D朋友陪妳....好嘛 話比妳幾個好姊妹聽...好唔好呀? 女友點頭...... 最後我打左比佢幾個好姊妹知 佢地一聽到咁都好關心問佢點 我話比佢地知幾多樓咩Ward..咩病床 我仲千叮萬囑叫佢D姊妹同佢傾多D計啦 或者有D事..女仔同女仔講會好一點 佢地叫我放心...會準時去探佢 到左我返工.....今日駕751線 每次經屯門醫院站時 我只感到好無奈.... 到左佢醫院樓下...我還是要直行直過 心裡真係想詐肚痛空半個小時出來 上一上去望一望女友點..... 但收到佢地姊妹短信.... 話已經到左病房... 其實我都應該要放心吧 我也冇可能唔返工陪住佢 來緊兩天啦 我會調到假期既 況且我都知.... 呢D病....都唔會醫院住得耐 如無意外...一星期內都可以出院 出到院回到家先好好咁看顧她吧 難得....女友有調埋所有G Day有8日連續既假.. 倒頭來要咁過 好既係...不用請病假....公司會少D野問......個飯碗會穩一D 唔好既係......誰都唔想個大假要黎入院用吧 都唔知好事定係壞事 點都好啦... 希望女友佢可以身體上..心理上都可以快D好返啦 >>August 2, 2010 at 9:06:00 AM GMT+8
|
|
無事嗎?irene佢而家情況如何