| 日記 | 日記主簡介 |
||||
2010 年 4 月 6 日 星期二 【暴雨】 將來 今日女友問我有關將來的事 問到我有冇諗過同佢結婚 問我到時個婚禮係點攪好 我聽到咁... 我覺得自己都仲未有錢攪到結婚事宜 所以我冇咩點應女友 女友又問到時你會叫邊幾個做兄弟呀 但我又係草草咁答佢 或者結婚對女仔來講係一件好值得重視的事 女友聽到我回答.... 就不開心 看得出係唔開心 一直都冇出聲 其實我都知佢為左咩而唔開心 收尾我講..... 坐下啦..我有應同妳講.!!! 我話我唔係冇諗過 只係我真係暫時冇能力結婚 這時她哭出來... 話我唔係催你要娶我呀 只係你咁是是但但咁答我... 我會覺得你冇心去做..... 諗真...又係既... 點解我要咁敷衍咁答佢 令到佢誤會我冇心去結婚諗將來 對唔住呀... 我真係有諗過... 有打算過架 我應承妳丫 我一有能力就會娶妳 不會掉低妳 比點時間我 好嗎..?? 我真係有心娶妳架 不要估估下咁諗我會不會喇 響度再同妳講一聲 對唔住呀 我令到妳唔開心 可以原諒我嗎...??<
2010 年 4 月 5 日 星期一 【晴】 終於有樣野叻過妳喇 今日同女友返左上深圳 一早起身就係為左北上食自助餐 果間野11:30開始食 食到14:30先完場 我地8:00起身 女友就7:15起身 梗係啦... 佢要執番個樣嘛 姿姿整整咁都要成粒鐘 最後都要攪到10:30左右先出到門口 搭B3X城巴去深圳灣口岸 過關後拿拿臨咁走去搭的士 好快咁到左海岸城 但今次個的士佬兜左我地去左另一邊 果度係行街唔係食野既地方 女友本身係超級路痴 而我身在內地的話.. 都係變左路痴一個 我地又問人....點去架..? 開初係我問 但係我D國語真係屎到爆 對方聽唔明白 又係女友出口問 最後我地去到都12點幾 一去到係咁食呀食 我地兩個係咁食三文魚刺身 最衰佢地限每人攞四片 果四片仲係細細塊 我諗我地每人都排左20次左右 之後我地食下其他野 最後食甜品 果度有棉花糖機 可以自己捲棉花糖食 又有雪榚機自己唧雪榚筒 女友佢捲棉花糖捲得好靚 真係可以捲到個球狀出來 但係佢自己唧雪榚就唧到一團槽 而我就當然唧得好靚啦 你估當年我做7-11唧軟雪榚係流既咩 當時我響7-11可以一次攞三個雪榚筒唧三個雪榚 女友見到我咁... 就話想學下 不過女友真係好唔掂 我捉緊佢手去唧 佢都係唔得 哈哈 看來我有一樣野叻過妳喇 食完行下家樂褔、吉之島 只不過佢D野都唔係平 某程度上仲貴過香港 最終...我地只係響家樂褔買左好多零食返來 睇來呢兩個月都不愁冇野食喇 今日我地消費左700幾蚊... 嗯.... 都可算得上係開心的一天啦.... >>April 8, 2010 at 2:17:14 AM GMT+8 2010 年 4 月 4 日 星期日 【晴】 現代鐵勾 今日去機場睇下飛機 事關真係悶得冇野好做 而且去機場行街 我計過係最低既消費... 同時都係最高既娛樂 因為裡面真係好多野睇 好運的話你還可以見到名人架 之前我就有見到葉劉淑儀、長毛...... 在內裡我們消費有折扣 食都會平.... 而且搭巴士都係$13.6 講真...出去觀塘都要$16.5啦 我13.6仲可以行埋青馬大橋.... 乜都抵啦 去到又可以見到好多野 細心望真係可以見到一D離離合合的情景 有D人就好緊張好心急咁等人出來 有時仲會見到D傻既.....亂咁大罵 真係咩都有 今日我地上左八樓見到個外國人 佢係一個傷健人士 但佢D動作真係比正常人還要靈活 其實開頭還以為自己睇錯 睇真D先知自己冇眼花 呢個情景令我諗起"鐵勾船長" 佢都係攞住個望遠鏡睇下有冇船 但今次我見既係... 佢用個鐵勾攞住個望遠鏡睇下飛機 唔單止咁... 佢可以勁到翻書、按相機都可以 真係不能睇小 我同女友都看到呆左 一齊咁話..... 太神奇喇..... 很強的人...我佩服佢..!! 
>>April 4, 2010 at 11:37:10 PM GMT+8 2010 年 4 月 3 日 星期六 【晴】 驚嚇 今日食完飯後 女友忽然同我講D野..... 之後就去買一樣野 我沿途真係心不在焉 過馬路都唔睇有冇車 好在冇車撞死我 回到家後做左D事 測試左.... 冇問題.... 終於鬆一口氣..... 真係嚇得我丫... >>April 4, 2010 at 11:24:08 PM GMT+8 2010 年 4 月 2 日 星期五 【暴雨】 煩惱 今日去左中學舊生聚會 又食左餐勁既 冇見年幾 有D人大左個肚 有D話就快結婚 有一個話剛剛分左手...唉 總之呢就乜都有D 人人都問我幾時...?? 我話幾時..??幾時咩呀??死呀??? 其實擺明知佢想問咩啦 未呀..... 冇錢呀.... 係囉... 我都唔知點解自己可以咁手緊...?? 當中有個同學話之前買左層樓.... 之後又賣返出去 賺左二十幾萬..... 點解我唔得既...?? 人越大好似好多既都越心急 有時真係想問... 結婚係兩個人既事 點解要大鑼大鼓咁擺酒呢 又要比錢出來 點解男家又要比禮金呀? 又唔見女家比我既...?? 好多好多呢D事 真係令我好煩 我真係好擔心我結婚會攪成點..... 每次聽到有人結婚 就好似一張催命符咁...."喂....幾時到你呀..????" 有時收炸彈都收到我怕 如果人有得選擇停留咩階段而不會長大你話幾好呢 以前怕成績怕考試怕默書.....怕家長日怕怕怕 而家我先發覺我而家呢D比以上的更可怕千萬倍 其實倒到尾都係錢既問題 教我有咩方法可以搵多D錢吧 來緊又有結婚既飲宴 已經知道既有兩餐.....人情一個500另一個800 800果個係因為去酒店擺....公價800..唉..!! 紅色大炸彈.... 真係炸到我心同身都怕 無奈呢個係我人生一個必經階段 是適婚之年...都可謂... 想避都避不了
>>April 3, 2010 at 4:21:26 AM GMT+8 2010 年 4 月 1 日 星期四 【晴】 電子殺手 我唔知係唔係前世同電子產品有仇 在我手上永遠都唔見減D野 今日攞部相機出來 雖然呢部舊機我冇用好耐啫 都唔使一攞出來又壞嘛 又唔知仲乜鬼入咩咭佢都話錯誤 我頂..... 整到冇電喇 諗住叉電就連個叉電機都捨我而去 一去不復返咁 反轉間屋都冇 想點...??? 我同電子咁有仇 我唔會整壞公司全部車呢你估 可能有一天我會攪到因列車全部要維修而停駛吧 到時公司維修都修到破產 好野公司摺埋.... 唔使撈...拍手掌....齊鼓掌.... 嗯....大家都睇得出 我因為接受唔到自己咁"神手" 已經瘋左吧.... >>April 2, 2010 at 2:25:09 AM GMT+8 2010 年 3 月 31 日 星期三 【晴】 自發牢騷... 今天放假呀...... hea足一天呀同女友...哈哈!!!!! 有時真係發覺厭倦了工作 好似做極都搵唔到食咁 點解同我同期既同學朋友可以咁掂架..? 我到底欠缺咩呀? 諗到呢D事就自然地想放棄 因為有時真係好氣餒呀 事事都不順咁 唯一的是搵到個好好既女友... 但係內裡又有D壓力 當自己個女友比自己什麼都好既時候 心總有一點不昧味兒咁 很早的我已經知道不應咁諗 亦有同女友講過 大家明白的 只係自己心中總會有點點...... 嗯.... 我無事的... 只係開口講講.... 我知道應該再比心機工作 希望像女友所說的吧 上天會看到你的...肯比心機定會有結果... 知道喇... 明天妳同我都要返工呀 大家都要比心機啊.... 好.....一二三四五六七...多勞多得...!!! >>April 1, 2010 at 1:32:43 AM GMT+8 2010 年 3 月 29 日 星期一 【晴】 飲大左好多 女友今日同佢D同期魚翅同學去行街 掉底我一個 不過算啦..我都要返工 仲要返晏放尾車 傻瓜整既白汁闊條麵真係好好食 帶返工開飯... 叮翻熱佢時D香味擠滿間房 例牌比人拮走兩啖... 事實上我個飯盒真係響果邊出哂名架.... 多謝家中個未來老婆啦 因為妳我先有咁好既野食乍 食飯時打比傻瓜睇下仲乜啦 吓.......唔聽電話喎... 可能係行得開心得滯吧 連電話都聽不到掛.... 食完飯開工 開開下車時電話響起 我不可以聽電話 但係埋站時我睇... 原來係女友打來 還留了信息 講會遲回.... 會同同學一齊食飯再直落 好啦.... 回覆她...玩得開心點...小心呀自己..ok..!!! 到我放工都未打比我 那時已經係1:30am.... 到我回家時還未到家樓下... 收到女友電話 但電話唔係女友把聲 難到比人偷電話...!!! 還未得切諗係咩人咩事 對方已經講 女仔聲黎架... 幾溫柔架把聲線仲.... 對方話... 妳係唔係佢男友呀...? 佢飲醉左.....響度醒左呀...但唔識行呀..!!!! 唔係掛...?? 仲咩飲咁多呀? 去到Neway接女友.... 帶她上的士真係有D難度呀.... 軟哂個人....完全係醉哂 問同學佢點解咁醉架..?? 原來輸十五二十..大話骰.....係咁輸係咁要飲 唉...... 真係屎波呀..!!!! 看來返去要好好訓練佢十五二十..大話骰.....喇 好不容易回到家樓下 又比看更見到佢咁 我連忙話...冇事冇事喇..我得架喇..... 看更幫我按升降機 回到家放她上床 完全唔識醒.... 飲咁多.... 明天頭痛死佢喇一定 搵定頭痛藥比佢都得喇 好彩明天放假.... 現在個傻豬真係瞓得幾咁甜呀 當然啦.... 咁多酒... 真係冇佢收呀有陣時 攪到而家成5:00am喇.... 而家我先有得瞓呀 真係....!!!!!唉 不過看妳平時咁照顧我.... 今日就我照顧妳吧.... 一齊瞓喇..... 很攰喇 >>March 31, 2010 at 4:46:02 AM GMT+8 2010 年 3 月 28 日 星期日 【暴雨】 誠實消費者 今日同女友買野一齊 同佢一齊睇佢D衫 問我邊件好喎...? 其實在我眼中件件都係一樣 好吧... 右邊件好睇D 點知女友話.... 但係覺得左手果件都好睇喎 咁....... 咁你兩件都買吧!!! 目的妳都係咁吧.... 結果用左300幾蚊買左兩件衫 唔知係唔係買野對女性心理滿足係咁大 買完心情大好 唯比錢時個收銀入錯數收唔到VISA 好吧.... 唯有比EPS佢啦 攪掂去食飯 食飯時攞出來睇 欣賞自己既戰利品 唉.... 我就攞張EPS單出來睇 我驚覺張EPS底單原來係不接受到過數 即係扣唔到錢而拿走人件衫 我同女友講.... 喂...睇下...扣唔到錢呀 我話益左妳啦咁 點知女友話轉頭比返錢比人 唔係掛又要專登搭車去比佢 咪啦....... 佢唔睇就比貨你係佢大意啦 大大隻字寫住不接受付款都睇唔到 等佢白做兩天吧....!!! 睇下..我D人就係咁衰....哈哈 唯獨女友死都要比返錢人 仲打比人地話你扣唔到錢 仲問人幾點關門 諗住關門前比返錢人 唉.... 人地明明都收工 都要等埋妳... 當然啦300幾蚊喎 去到對方當然係咁十萬個唔該啦 咩現在仲有呢D咁路不拾遺既人既咩 有..... 我身邊就有個 妳話佢係傻定係咩好呢... 唉...... 比佢吹漲.... **這幾天個Front Page有D問題....先會冇SEND日誌比大家...現在補回前三天的...** >>March 29, 2010 at 2:44:28 PM GMT+8 2010 年 3 月 27 日 星期六 【暴雨】 可惡既客.. 今日返工又冇端端比人鬧... 喂....我做錯咩呀? 你頂住我對門我梗叫咪請你行開啦 家下你阻住我同全車人同後面架車呀 全香港人都用八達通喇 你仲入銀仔買票 夜晚有時間都話等下你啫 繁忙時間全車人媽緊你呀 過來媽我 一早第四轉車整d咁野我嘆... 心情勁不爽囉 真係學女友咁話 信唔信我連人帶椅踢你落機丫嗱 唔係 我係踢你落車 唉..... 年中整D咁野我嘆真係命都短幾年呀 認住你.... 下次你來到車門我先關門 哼...你吹呀 係唔比你上車架喇 有錢坐的士囉 冇錢.... 等下班啦你....!!!!
>>March 29, 2010 at 2:43:51 PM GMT+8
|
|
無事嗎?irene佢而家情況如何