| 日記 | 日記主簡介 |
||||
2010 年 3 月 26 日 星期五 【晴】 饒過我吧啦..... 收到風..好多Friend、同事都話我勁X折墮 因為話我咁去左日本咁打個round 阿Maggie話儲錢死慳先去到 你條粉人咁樣去法 問我係人唔係人 係......唔好咁啦 都係一次咁多吧 之前整嬲女友佢呀 體諒下啦.... 我都要比錢架... 不過張票係真係平過正常好多好多 咁有時講過野都要做架 如果比多次我揀 我都會去囉 即使只係去到放個水 我個人都會覺得值得既 大家唔好再挖苦我話我巴之閉嗱 放過我吧..... >>March 29, 2010 at 2:42:57 PM GMT+8 2010 年 3 月 25 日 星期四 【微冷】 痴線一天行 今日一早起身.... 行李..?? 我冇執到... 因為我知根本冇機會走出去玩 我們6:30am上巴士 女友在國泰城下車 我則在機場check out 大家會問我機票很貴吧 係...本來真係好很貴要五千幾蚊 但係用Staff價買來回只係千幾二千蚊 不過仍然有風險... 若果有客要加機位的話 我將會有得上機或者要搭下一班 好彩現在未係旺季 仲有位多出來 但係不是窗口位 是但啦.... 我目的又唔係睇風景 睇人之嘛 走廊更好啦 8:30am我已入到禁區內見到自己架機A330.... 往日本羽田機場CX504 上登機橋踏入機倉... 走去搵機位.... 在機既中間位已經見到她做緊歡迎客人既動作 我借意問她我的位響邊.... 她指我大概方向 打個眼色給我"大概叫我咪阻住佢做野啦..." 9:05am起飛 見到她坐在crew seat上 第一次見到她工作的樣子呀 到派餐時.....可惜佢唔係派我果行 來個空少...我頂佢!!!!!! 食完個餐我不斷咁望下週圍 睇下女友在那..... 但好多時都唔知佢去左邊 我唯有借去洗手間時間去搵佢 看到她原來整緊飲品.... 好喇...不阻住她喇 不過醒目的她都主動過來問我飲唔飲野 梗係飲啦... 如果唔係點會有尿痾去洗手間呀.... 到左買免稅品時... 她拿住個目錄在我前面問... 要唔要買免稅品呀...? 好.....妳有俑分架嘛.... 買左一架飛機模型.....!! 整程機我都冇瞓.... 4個幾鐘好快過 香港時間1點正已經 到左羽田機場喇 到左機場我要衝出去check in 因為怕冇時間check out返去香港 好彩人不太多 況且我冇行李 好快我就攪掂 仲有時間食左個拉麵 女友這時打比我話佢要準備回程既野 自己睇時間上機喇 我食完去左個洗手間....望一望日本呢遍地下 腳毛都冇留下 就回頭check in入去 此時係14:45香港時間.... 入到去我又見到好多好靚免稅商店... 行呀行..睇呀睇 睇左一陣我等機回香港時間已經係16:10分 16:15分登機.... 坐CX508 今次我都係坐走廊位 但不同係.... 今次係她做我果行既服務 到派餐今次係她派給我 感覺有點怪怪咁 因為要大家扮唔識大家咁 回程我又係咁去洗手間..係咁煩住她 因為我知今次係她做我個條走廊既服務 免稅品我都又有買... 今次係買鎖匙扣 見住個天由光變黑 差不多到香港時... 已經看不到出面既景 到香港已經係香港時間21:15左右 走時她向我講"多謝咩咩咩航班..拜拜..!!" 到香港出來好快我就出到老地方等她 我比她快到左半個鐘左右 原來呢一程真的好攰..... 更何況她呢 她們真係行足咁多個鐘服侍D客.... 真係好辛苦 條路又窄..仲要推住餐車走..派..收... 的確係不容易 誰敢再說她只係笑笑口派派餐便算.... 真正體會她的工作... 真的不容易... 難怪她上巴士都會瞓覺喇 其實一齊上機有個難處就係 大家要扮唔識大家咁 好辛苦呀 佢又唔想比人知... 我又唔想比其他客人和她的同事知 一陣以為佢有偏袒就不好喇 在機上我見過所有經濟艙既Crew 女友都算係樣貌比較其他好既一個 真架... 可能今次其他Crew真係好唔掂啦 哈哈......不是偏心讚妳呀...呢個係事實呀 不過......呢個一齊上機既機會真的不多 太難夾時間喇... 仲要分分鐘上唔到機 又要book staff ticket 又要時間 好多細節要攪真係好煩 但今次真係一個我想左好耐既體驗 實現到啦 見到妳工作既樣子 很認真呀....冇左平日既孩子氣...不太似妳呀...好鬼死大人呀妳/p>
點都好啦... 我終於都跟到妳"車"喇 呢一程....千幾二千蚊好貴 千幾二千蚊去東京去個洗手間食個麵 比人知....以為我痴線呢 >>March 25, 2010 at 10:57:24 PM GMT+8 2010 年 3 月 24 日 星期三 【晴】 We are turnaround...tomorrow 今日放工後同女友去左花展 今年D花幾靚呀靚過上年...不過我上年都係咁講 明天女友要返工呀 由香港去羽田回返香港一轉 其實一直很想做一件事 這件事女友已經為我做了很多次 但要我做返相同的事 的確有點困難 要配合時間、日子、金錢...... 無錯..... 就係搭女友做既航班 今次我有機會喇 很急咁Book機票做左好多手續... 勁煩....要平機票真係麻煩好鬼死多 但幾麻煩都好...都攪掂好哂 明天出發... 要早D瞓喇 因為明天.....我會做暫時我人生最豪既一次 就係搭即日來回機 由香港到羽田機場留兩個幾小時便要返去香港 CX504...明天我們一齊上機呀 齊齊飛吧 >>March 25, 2010 at 10:56:22 PM GMT+8 2010 年 3 月 23 日 星期二 【晴】 懶係勁 今日執屋....執下個廚房 發覺有好多野都唔要 其中最多係筷子 估計有過六十對 多得滯唯有掉減D 但一見到D筷子 我想諗起有一種我好耐都冇玩過既玩意 就係單手用拳擊拿實筷子 然後向前好快咁出拳... 而拳風快的話 筷子係會抵抗唔住個拳風速度就會斷開兩截 而我可以最多連斷兩支 就係咁我表演左一次比女友睇.... 睇左一次..又叫再試過 如是者..睇上癮咁佢 斷到我手軟終於都斷哂咁多支 就係咁...而家出事喇 我隻手而家好酸呀... 連咳都痛呀半邊身 咁耐冇玩過...一玩玩咁多支 一陣返工真係死得喇自己 真後悔懶係勁咁玩咁多支 仲係以前咩...唉 你都三張都黎喇.... 好痛呀半邊身而家... >>March 23, 2010 at 10:24:42 AM GMT+8 2010 年 3 月 21 日 星期日 【晴】 激氣~ 早幾日同女友一齊轉電話個台啦 話就話昨日轉既會 點知佢早一日打比我話會遲兩天先會轉到 好啦...唔打緊 遲就遲啦 咁你提得我就唔帶新SIM咭換啦 大家怕自己整唔見張SIM咭嘛 點知佢今日突然CUT我台 仲要下午時間CUT 攪到我有電話冇得用 我仲約左女友等嘛 攪到大家失去聯絡 迫到大家要各有各回家等 本來諗住出街行既 而家唔使去啦 返到去家先知 原來得我果張咭先CUT左 女友就冇事 奇怪係大家一齊轉 點解得我有事 打去台度問佢 佢先講話係得我張先係會咁 佢之前又唔講明係邊張咭會早轉台 你咁講法我就以為兩張都係同一日轉台啦 鬼知你會兩張唔同日子咩 冇電話響呢個年代有幾唔方便呀 唔通我要問人當街借手提咩 比你肯借比人嘛...? 諗住找入錢電話... 原來而家要找電話亭係幾痛苦既事呀 唉...... 第一次用你台就咁 你叫我真係點有信心呀?? 真係比佢激到我死呀 我我真係嬲到當街搵人打呀 嘩.......有電話冇得用呀 幾無奈你地會知道嗎...?? >>March 23, 2010 at 10:24:11 AM GMT+8 2010 年 3 月 20 日 星期六 【晴】 通漲娛樂 今日夜晚同女友走左去唱K 而家唱K貴左好多呀 以前去加洲紅唱70幾蚊位加10有得自助餐 就算冇自助餐食 飲品都係走出去任添 多多款你選擇 而家我同一時間日子去唱 119蚊位...仲要加一...再加多一蚊先有碟飯 得兩杯冇酒精飲品 即係同Neway一樣格局 唉.....而家比佢一家玩哂 以後我諗唔係咩必要都唔會去唱喇 反正自己都係識舊歌 新歌又唔知唔識 賣單兩個人都要200幾蚊 講真.... 200幾蚊我情願再比多一點食好一點喇 睇來今次唱完不知到何時先會再唱喇 娛樂場所又少左一個選擇 都好既.... 唔唱唔玩咪慳返D囉 我要儲錢嘛..... >>March 22, 2010 at 10:33:28 PM GMT+8 2010 年 3 月 19 日 星期五 【晴】 絞肚痛 夜晚.... 我都唔知食左咩野 個肚係咁打鼓 肚痛..?? 唔似.... 但係不斷咁絞肚..嘰嘰咕咕咁 真係攞膽呀 要麻煩女友落便利店買貴藥 唉..... 但係食完而家都仲係絞肚呀 我點好呀 點瞓呀?? 明早...係晨咁早我仲要開工呀 玩野呀我肚真係....!!!
>>March 20, 2010 at 1:52:58 AM GMT+8 2010 年 3 月 18 日 星期四 【晴】 我會反省和悔過 來往台北的妳 好快就會返來 我從來未試過咁驚去機場 我不知道見到妳我應該講咩好 時間一秒一秒咁過 我就越來越緊張 好怕妳會唔睬我呀 但我又怕唔接妳.... 妳會更加嬲 反正如果點都係嬲的話 我情願駁一駁 我諗妳最多都會打我一巴掛 想走回家的念頭就咁打消了 終於等到妳出閘口 今次係我前來追上妳的 慶幸妳能坐低聽我講 很開心妳能接受我的解釋 但看見之後妳哭出來的樣我又不知點好 是我累妳今天心情不好做錯事 是我累妳今日不識得對客人笑...令你比ISM出口提醒要注意 是我累妳今日整天心不在焉 是我令妳又再擔心我對妳的忠誠 難得建立到妳有信心 不再像以前般咁不停咁問我"你真的愛我嗎...??" 我令妳心又動搖了 妳抱著我喊時我都很想喊呢 是我令妳哭出來 我話過不會令妳再為呢D事哭的 但我做不到 但妳相信我啦 我對妳是真心真意的 我不知怎保證才會再令妳有信心 我果一刻真係只係諗到咁向妳講 如有再犯...對妳不忠的話...我就撞車死吧 已講出口了... 收不回.....當一個毒誓吧 我不會怕.... 因為我對妳係真心的 我唔會對妳不忠令妳傷心 只要妳肯原諒我今次的錯 我做到的我都會去做...什麼都會肯做 只要能令妳對我有返信心 相信我的..我什麼都願 多謝妳今日可以大方地原諒左我呀 能夠再抱住妳拖到妳的手我已經覺得滿足喇 但妳話要罰我.... 好..我心甘命抵的 因為我真係做左D令妳唔開心既事出來 罰係應該的 開頭還以為要我做什麼難事 雖知妳只叫我請妳食一餐飯.... 好吧.....我肯呀 我負擔得到的乜都願做 要請妳食飯陪罪的話 咁妳從今天開始扣返我每天二十蚊 今餐妳食左三百四十七蚊 咁妳就在我每天零用錢中扣二十蚊啦每天 直到扣夠數為止... 多謝妳只係咁罰我呀 真的唔會有下一次... 其實我真的好怕失去了妳 真真正正第一次咁令到妳咁嬲 我真係怕得不知點好 今日妳出門口時不出聲很可怕呀 還有...我今天累你在搭巴士返工時哭得連幾包紙巾都用哂 在車上還有人望著你咁....確實係令妳難受 累到妳喊得紅腫著對眼去對住乘客... 點都係我唔啱的 我真係響度要對妳再講，對唔住..是我錯...冇下一次架喇 你知嘛..... 直到妳肯伏在我肩膀上時我才放心安心乍 好怕妳嬲足我咁多日呀 妳話..女仔天生係好想被人保護的 如何令到渴望受愛護的女仔受傷害 呢個女仔...內心一定很痛很痛 我知是我錯令妳痛苦了大半天 我真的知衰知錯架喇 我響呢度比哂人睇比哂人知.....我要向妳道歉講Sorry... 大家見証著我...若有再犯..我會不再被可憐...兼具實現那個誓吧..!! 我深知妳還愛是我的... 如果唔係都唔會坐低聽我解釋啦 若果不是愛我 妳都不會在巴士上喊、飛機上帶著紅腫淚眼去工作啦 無論如何點都好啦... 老婆大人我下次唔敢唔會再犯同一個錯喇 我會聽哂妳話 妳話點就點 好話東就東....西就西 妳叫我轉左我不會行右 我將呢一生都交托給妳管住我 心甘情願的交給妳 總之..... 呢一生我只會愛妳一個...我愛妳呀 今天的事... 真係 對唔住..Sorry.... 就原諒我一次吧... >>March 19, 2010 at 2:31:59 AM GMT+8 2010 年 3 月 18 日 星期四 【晴】 對唔住呀..原諒我一次吧... 或者今次係我同妳一齊發生最大既事吧 我不得不承認自己係有錯 但我亦都要講我真係冇心 你知嘛..... 當妳問我果刻我心都離一離呀 如同係突襲 因為我真係冇諗過呢D事會發生 事實上我對自己都好有信心 我覺得我可以給妳安心同快樂 和妳日子不短 妳姓格很愛笑， 很喜歡份傻 無論妳點我都總覺得妳好可愛 我自問亦對妳冇變心 我亦盡能力向的坦白 所以我先話....我識既女仔你都會認識的 我冇半點對妳不忠的行為 我知妳係知道我點架 我跟本唔係咁既人 妳係知架 但我知呢D事比任何一個女性都不能接受 我真的要向妳道歉.... 對唔住...Sorry.... 咁妳就原諒我一次啦 好嗎?? 我一定唔會有下一次 我真的很怕妳唔出聲冇表情既樣 我真係好驚 我驚妳唔知會點 或者咁啦 我做什麼事妳才能原諒我呀 能做到的我一定會做 妳講我知啦 好嘛... 怎樣才能原諒我唔好再嬲呀? >>March 18, 2010 at 1:59:38 PM GMT+8 2010 年 3 月 17 日 星期三 【晴】 CPA 70Hours Limit 公司又出新招... 其實我一向對女友工作時間不予多理 她返幾多放幾多 我不會向她過問 有時懶的話飛少一點 等錢用飛多一點 她們公司最少有六千五個位同事 有結左婚、讀緊書、出來抱見識心態既、有唔自在既、有為興趣既.......好多好多心態 公司規定佢地要飛最少70小時 但若果飛不足70小時的話 公司都會照出70小時的糧餉... 這70小時既錢就係佢地既最低工資.... 現在公司殺一個政策出來 每人有70小時固定班次 若呢一位員工飛不足70小時的話 呢一位員工冇得自行調班 咁講真其實個個都飛足的話 何來有人還會有時間分出來調比其他想飛多一D既同事呢 仲有計上去... 若果飛70小時跟本不會有9天或以上既假期 變相要佢地放少左假 其實她們圍內都係各取所需 你要返學....我有要飛的時間多出來比你 比你呢D有家庭既...要養家供樓既同事去飛....比佢賺飛行時數 呢個係她們一向行緊既政策....一路都相安冇事... 而家影響左好多既人 若政策實行有好多有需要既人就會搵少左好多 錢對有家室既人係好緊要.... 佢地公司賺左40幾億 不明白點解佢地要咁做...? 和女友一起 我已經好幾次聽過女友講公司又點改改改.... 眼見女友少少 少少 咁削減福利 我都唔知可以對佢講乜好 只講妳份工已經好過好多既架喇.....算啦 難道要辭去嗎 香港要找工作真係好鬼難 果頭政府出4000個職位 就有41000幾封信去見 你敢就咁辭職嗎....?? 大公司有大公司果D好處 但亦都有好多比細公司既陰濕招數 做大公司係好係壞..見仁見智吧 有時我仲話我自己間公司點衰點衰 看來我做間公司有良心過女友做果間好多 我都係比心機工作 唔好再怨聲載道叫慘喇 原來我比女友幸福好多好多呀 假若一天女友真的做既不開心 我都會叫佢離場 也許我都要努力工作..... 做好個表現 咁要升才有望啊 或者我都要看看內部聘請職位力爭上游 不可以再怕麻煩.. 時時愛講"無風無浪..安於現狀"喇...
>>March 18, 2010 at 4:09:34 AM GMT+8
|
|
無事嗎?irene佢而家情況如何