| 日記 | 日記主簡介 |
||||
2010 年 6 月 10 日 星期四 【酷熱】 我的錢財理論 今日收到細妹電話 話我知... 喂喂..我搵到野做喇....! 我問到佢去邊度做 原來響一間物流公司做過文員 8000幾蚊一個月 我妹好似唔係幾滿意咁 咁又係既 我個妹出名係算死草 咩都機關算盡 經佢手既錢可以話係冇得走漏 全靠阿娘當年灌輸"錢的重要程式"放入我妹個腦內 攪到佢而家真係..唉 不過都有度好 細妹儲錢的速度同數量驚人 在某一日我無意睇到佢本存摺時 我真係覺得自己好失敗 唔知點解我對睇個錢真係唔會睇得好大 有D人真係視個錢...好似大光酥餅咁大... 少左一蚊都會要生要死咁 或者呢D係我性格吧 我對比份人工女友管我真係冇咩蝕底感覺 到今時今日都有人話我痴線低能..你係唔係有病 係.....錢的確有時在自己身係好既 但個人認為比女友管只係一個方式吧 佢又唔會走佬走我數 大家都清清楚楚D數目銀碼 咁又為何要分你同我呢.. 都係果句啦 要話我既即管話到夠..笑過夠..唱到夠啦 我係咁架喇...我一丁點點後悔都冇 亦都早就向自己講冇得比自己後悔 錢..... 放在自己既人身上 冇問題丫 你覺得有問題咩 呢D問題跟本唔係問題 只因我愛佢信任佢先會咁做 唔覺得自己有影衰 男人
>>June 12, 2010 at 3:11:25 AM GMT+8 2010 年 6 月 9 日 星期三 【暴雨】 下戰書 今日放工返來 見到雪櫃有D五顏六式一粒一粒既檽米滋 果D檽米滋係有椰絲包住果D 有彩虹咁多隻色、仲有黑色、白色等等 我見到咁就攞黎食..(好好味...食緊呢粒時..已經望緊下一粒食咩色..好好奇下一粒咩味...) 奇怪係每隻色..只係得一粒咁大把(心中有數一定係試食版本啦...呢D情況唔係第一次喇..) 一啖一個...唔大又唔細粒咁 紅色係紅豆味....內裡真係有紅豆做函 另一隻紅色既係士多啤梨做函 綠色係綠豆.....同樣地綠豆做函 另一隻較深色既綠色既係綠茶做函(綠茶粉加糖..對嗎??) 啡色係蓮蓉做函 另外兩隻較深色既啡色...你估係咩做函..? 答案係"阿華田"、"朱古力"(朱古力果粒好甜..但可以接受..) 黃色係香蕉做函 白色係荔枝做函(好特別..真係估佢唔到，連個外皮都係有荔枝味...) 另外一隻較同樣白色...係蘆薈做函..(好淡呀呢隻又...可能之前食果D太甜..影響我味覺...先會係咁..!!!) 黑色係芝麻做函 另一隻黑色既係栗子做函(好明顯係優之良品果隻粟子啦...) 橙色係芒果做函(最正路係呢隻....但芒果好鬼酸...連我都覺得酸..一甜一酸好鬼死對比...!!!) 紫色係藍梅做函(我唔係太鐘意藍梅味....因為我本身都唔鍾意食藍梅) 如無記少係有咁多(以上有少冇多...) 女友問我食完後邊隻味好食呀....(雙眼發光咁問....) 我話隻隻都差唔多喎 女友立即用眼神厲一厲我(眼神180度轉變，慣用技倆"變臉") 話....呢個叫答案呀..? 咁.......係嘛 隻隻都Ok好食....點答喎 況且....鍾意食芝麻做函既檽米滋..自然會話芝麻味好食 唔鍾意芝麻味既人...自然會話芝麻味唔好食啦... 咁我咩都放入口..咩都話好食.... 自然會係呢個答案啦(激到女友"啤"一聲) 冇得答喎..邊隻好唔好食喎 我咁反駁比女友聽....(好大膽呀我...冒死咁答...梗係活得唔耐煩頂喇) 我問.......點解無端端整呢D野出來 女友答話...下星期朋友開生日Party....每人要整一樣食物(心中第一個答案..咁鬼老土架....開大食會..仲要自己整...小學聯歡會咩..!!) 所以今日我就做白老鼠 我好認真講隻隻都好得(呢個係事實....真係隻隻都好Ok) 尤其係荔枝味..好特別...估妳唔到 我話咁妳咪整哂咁多囉 女友.."吓"左一聲 話...."好煩架喎..咁" 我問點煩呀..? 原來D檽米粉做顏色同味道之前要做好多手腳同工夫(最麻煩係呢一個步驟...) 有D要加好多糖 有D加好少 仲要分開粉團去整 咁我話清一色...白色咪得囉 大家估下食中咩味仲得意啦 女友反問我....全部白色....你會願意去食多一粒嗎...? 仲話我都係因為顏色先吸引去食.....(咁佢又有道理...我真係好好奇呢隻色咩味...所以先係咁食...) 見到女友咁講... 我就話 最多整果日我幫妳搓染色既粉團啦 妳只係包同整之後既程序啦....(我算唔話得啦咁....陪住妳整..) 女友又望一望我....(好不屑既眼神同埋個表情....) 又唔知咩意思咁.. 話我..你咁論盡....(原來我響佢心目中係咁唔掂...大概係我切到手呢一次比女友既感覺啦) 會唔會搓到手又扭到隻手架..?? 我拍心口...打死今次話唔會啦..一定唔會架..!! 好似好唔願意下...女友先應允我幫手....(唉.......真係陰公呀....幫手都要咁辛苦問比唔比...) 喂喂喂...我真係咁唔得咁唔掂咩...??!!(唔好成日打擊我啦...妳每件事都叻過我..我好難落台喎!!) 所以...今次我一定會爭氣... 我發誓今次唔會受傷、反轉廚房、越幫越槽、唔會礙妳手......(我要靠呢次令妳對我改觀下...我要翻身) 我趁今次呢個機會一定要學識整呢樣野....(彩虹檽米滋...我自己而家改既個名...貼切嗎??) 我總有一日可以靠呢粒檽米滋...去贏妳今日呢一粒 等我得閒就諗我用咩味道去做檽米滋個皮同埋攞咩做佢個函 睇住黎啦妳 明明我係識得煮野食架嘛 而家攪到我好似煮咩都唔得咁 我要向妳下戰書呀....哼!! 但....我諗女友睇完呢段文章一定會話我... 不自量力吧..!!! 哈哈......妳一定咁諗啦...唔使唔認呀妳... >>June 10, 2010 at 7:37:19 AM GMT+8 2010 年 6 月 8 日 星期二 【晴】 一個天..一個地 今日女友同我都係一早返左工 本來女友今次會冇咁晏返 但佢班機因為有問題所以遲左 多左幾個鐘出來.... 可以響機場果邊行下買野 因為佢會留響果邊幾個鐘 所以就買左D得意既返來 雖然唔係話咩好野 但係講到尾都係手信 收到點都會開心既 而我 今日都好D.... 仲以為自己手跛會駕唔到車 估唔到又好得咁快 今日拆開洗見到已經埋左口 真係一個好現象 果然..有人照顧我係唔同D....哈哈 放工我去左長洲探我嬤嬤... 探下佢之餘又行下街咁 見到球場座包山已經拆左喇..真係快手 上次搶包山我冇睇到... 因為凌晨12:00先開始 咁晏....雖然話我睇唔使同人迫 但迫船走都夠攞命啦 上船D人都發瘋左咁 唔講人知...人地仲以為呢班係離開地球既最後一班船添呀 真係迫到誇到 見過一次都怕呀 一陣迫到跌落海呀....真係唔係講笑!!! 上次我睇飄色時 冇攞到D平安包飾物 今日補攞返 雖然年年都係果D野 但今年有點創新 D平安包飾物...好似手機繩咁 而家出左有粉紅色... 都OK得意 仲有其他既唔多介紹喇 而今日我倆係各自回家 我返先過女友返屋企 諗一諗今日我地一個就"飛天" 一個就"下海" 哈哈.....好大既對比呀 "妳高山我深海~~~"(張學友"我應該"首歌既其中一句歌詞) 講真...今日都唔知寫咩好 如果講今日行程比大家知 咁即係自己作文...好辛苦呀 咁作大家都會冇心機睇啦係咪先...!! 所以...我決定今日用多D相比大家睇下算喇 從相片中等大家去聯想一下.....我諗會更好呀... 好...貼下圖啦 粉紅色平安包電話繩. 
平安包造型既環保袋. 
呢堆就係姑媽比我既一堆飾物. 
呢個真係食得既...仲要掛過上包山既平安包，見唔見到包邊有個洞口位呀，係包與包用繩穿住做成架!!!! 
在船上面無聊咁影相..!!!. 
見到呢個景即係到長洲喇..!!!. 
ZOOM近D影...呢幾座屋仔我仲係幾歲仔時已經有響度..總之一見到佢就即係就快到長洲!!!. 
呢堆就係女友今日響日本沖繩買既. 
呢盒係沖繩買既限定版既百力滋細細盒咁...OK好味喎又..!!. 
呢包係沖繩買既黑糖....咩係黑糖我都唔知...個樣唔多討好咁..我未食..!!. 
呢支係沖繩買既拌飯豉油...未食過都唔知咩味..又係迷你版. 
女友今日響飛機攞既啤牌..據說唔係攞..係個客玩完唔攞走..咁女友佢就執左比我. 
認住佢呀....!!響船上煲煙....唔使理身邊D人..真係PK中既PK...!!. 
>>June 9, 2010 at 1:46:48 AM GMT+8 2010 年 6 月 7 日 星期一 【晴】 論盡的我 唉..... 今日諗住幫下手 幫下女友煮飯啦 我只係切餸都切到手 仲要界得都好鬼深 D血係咁流.... 流到成個砧板都係血 雖然女友問我有冇事...係唔係好痛.... 我諗呢....女友有一刻會咁諗我 你條友越幫越忙....阻鬼住哂 攪到女友要放低哂所有野 幫我洗傷口 因為係肉類關係 女友怕我傷口會細菌感染 立即開左一Set洗傷口要既包幫我洗傷口 仲跟手攞左幾包Chlorhexidine Antiseptic Solution出黎消毒傷口 再要D生理鹽水幫我過乾淨個傷口 用紗布、繃帶、Micropore幫我包紮好 因為係手指. 所以D繃帶要剪得好幼細先包得到同包得好 整個過程見到女友好有心機 仲好似好專業咁.... 後來我問女友妳咁熟手既...? 佢話... 我學過急救嘛.有牌架!!!、仲上過堂去學點去護理同處理傷口、公司每隔一段日子又要我地上急救班溫故知新 急救唔合格冇得飛呀..!!!! 咁你話我點會唔熟唔識呀...? 包紮好後女友叫我坐定定唔好亂郁 食飯先叫你...!!!!! 好似嫌我阻訂咁.... 最後我當然係等食等瞓啦 過左幾個鐘頭 見手指D血已經滲透哂出D紗布度 女友又要幫我換多一次 今次好痛呀 可能D神經線開始好返喇 女友就一路包就一路話我 咁大個人都唔知你點切野架 切少少野都出事....!! 係係係...!!係我錯...... 我知我冇鬼用嘛...... 我擔心緊明天點返工 隻手包住左好礙眼之餘仲好唔方便 駕車時...無論係按制...推控制桿都好唔方便 唉..... 你話點好呢...? 講時講丫... 女友又真係話得我啱既 做少少野都咁鬼死論盡 真係難為女友又要返工之餘 仲要經常自己一人一手包辦家頭細務 真的很佩服妳呀... >>June 7, 2010 at 9:51:12 PM GMT+8 2010 年 6 月 6 日 星期日 【晴】 好人都難做呀 今日坐機場巴士時 女友執到部電話 SAMSUNG Anycall SCH W550型號 咁我就上鈴聲之王睇下有冇呢款啦 冇喎 打開個餡睇下 張SIM Card係韓文字 開機都係用韓文字 好明顯係遊客跌架啦 可能係韓國先會有得買 所以香港先Check唔到呢個型號啦 由於要拆左電先可以攞sim card睇 見部機好新好新 全Touch Mon 仲有500萬像相機添 女友都係諗住比返人啦 點知 到女友插返電開機佢原來有Phone lock 輸入4位數字... 咁即係要試9999次..?!! 都唔打緊吧 每日試200個.....總有一天會試到 但我諗試到時對方都開香港吧 台都會Cut埋吧... 想做好心都有得做 想據為己有又唔得 後來發現... 原來唔止1-9可以做密碼 就連"*"、"#"...都可以做密碼 咁即係唔止試9999次啦 所以... Set 密碼會唔會係好事呢 對真係有D有心人想比返你時 就係因為你有Password而開唔到機等機主電話 而家攞住呢部機都唔知做咩好... 難到比肥貓咪做玩具嗎?? 大家有冇識人可以解Phone lock呀 呢部就係執既機喇...正面.. 
呢度就係機既...背面.. 
>>June 7, 2010 at 2:13:24 AM GMT+8 2010 年 6 月 5 日 星期六 【晴】 在我行緊呢段人生中"最好的" 昨天 有人問我影果張相...枱上面果D係咩 其實果D係我同女友既早餐 事關影相時係朝早 所以先會咁啱影到 講起早餐 女友一定會比我食得多同飽 佢話如果朝早返工食唔飽... 就唔會有精神開工 又話仲有咁多個鐘個比你郁動 唔使太擔心會食肥我(雖然我都係肥架喇...) 不過女友話冇咩所謂啦 更何況係她要比我更早起身準備早餐 如果我話唔食...真係會天打雷劈 曾經有人問我 "喂...你女友廚藝咁了得又咁有心機煮野食....咁你地早餐係食乜架多數...?" 嗯.... 如果女友果日係唔使返工...放假在家中 又或者係返晏的話(總之比我遲返工時間的所有日子啦...) 女友多數會準備通粉、湯意粉、間中會煲豬肉碎粥、栗米片呢幾樣野(仲有既其實...唔寫得咁多..總之就唔會兩日相同一樣既早餐啦) 但若果女友不在(即係飛走左兩天或而上...) 佢會一早準備比我幾天既早餐 多數會係烘麵包多士、芝士火腿或者吞拿魚飛碟，因為可以攞去焗爐自行去烘熱食(我只係叮熱或者係烘熱..二選其一方式) 如果真係人不在家，多數就係呢兩樣野(都仲有其他既..但呢兩個係熱門囉..) 咁都試過冇煮既...咁咪自己出街食囉(不過真係好少可會冇..除非佢病左啦) 而早餐既飲品會係奶茶、咖啡、華田，但冇好立克(因為大家都唔鐘意飲..間中都有其他既..有時會係女友從外國買回來既沖劑啦) 都曾經試過有鮮榨橙汁...(如果..果排D橙係平既話...) 咁鮮榨橙汁就唔會即榨既 會係早一晚整..(因為要榨完洗機麻煩嘛...) 不過通常都會係奶茶、華田....呢兩樣 而咖啡會少飲D..因為女友話會削胃...(除非我眼瞓時又返早更啦....咁就會有一杯好濃既咖啡...) 因為我之前成日都胃痛... 的確自從定時每日三餐食得好同準....我真係冇點再胃痛過喇 以前同前女友一齊 佢真係乜都唔整 早餐係會夾埋下晝食(因為佢都鐘意瞓到黃朝八晏..一係佢返好早咁會懶得理添..) 果D年間..我真係唔知咩係早餐咁滯 但係同而家女友一齊後 我記得開初真係好唔習慣 我真係冇諗過會有早餐放響我面前等我食... 果時我仲諗.... 可能剛剛一齊...女友先會有心機整吧...(原諒我開初真係咁諗妳啦....Sorry) 但係日子証明女友從來都冇偷懶 直到而家我已經習慣一睜開眼睛就會知...梳洗跟住食野再換衫返工(指定動作咁....) 有時我返最早更... 佢更加要比我更早準備(凌晨3點半...夠早晨嘛你地覺得??) 我覺得真係好辛苦佢 有時候我同佢都要返工 分別只係我返最早更，女友則返晏晝 女友都會比我更早起身煮早餐... 煮完先再瞓過 好多時見佢煮完準備好哂..就烏烏下佢入房再瞓....我未出門口未食完佢已經瞓著左 諗返轉頭 我就好似冇點為女友準備呢D野 在家中我好似大少咁等食咁(我真係有如殘廢咁...) 我都問過如果辛苦就唔好整啦...瞓多D仲好啦 女友答....如果我煮左你又食得開心，食飽見你精神去返工 自己開心之餘會有滿足感 咁既然女友都做到咁....如果話唔食...比你都會覺得我抵打啦係咪.. 自從女友一齊的第一天開始 女友幫我改左好多壞習慣 唔知係唔係習慣左呢D生活喇...開始 而家稍為食一D炸既食物、飲汽水等等呢D垃圾食物 我會好快唔舒服...一係喉嚨痛、有痰、會咳等等 好快見效...尤其係汽水...一飲就死梗 咁呢D女友算得上叫做"唔話得啦" 好多男人問我點解甘心比哂D野女友管...(都仲未係老婆喎已經係咁...結左婚你仲有得剩?) 自己個女友點對自己... 我自己本人會最清楚.... 女友做到咁我又點會唔死心塌地呢? 佢話乜都願意啦 我人生到呢度為止...雖然好多事都唔多如意 但係我慶幸有一個對自己咁好既女朋友(我前世做左咩好事呢唔知..) 有時望望鏡對自己講 我到底有咩可以令女友對我咁好... 個樣又唔得又唔係靚仔、身材又唔得係個肥仔、身家更加唔得係個窮鬼...到底鐘意我D乜..? 只係一個早餐已經令我可以...."賣身比佢" 還有.....女友在家中仲有做其他既家頭細務呢.... 仲未講未計在內喎 家下只係比哂我份人工女友管(又唔係比佢亂用亂洗...) 就有咁好既生活服務喎 我真係覺得抵到要死十次都唔夠啦 仲有呢.... 當我見到女友穿上那條全粉工色既"圍裙"時 我覺得佢真係好有魅力..有一種吸引力 真係...愛得佢要死呀.... 如果問我人生覺得最好係乜.... 我會答....就係我可以做到佢男朋友囉..... 好喇.... 我要返工喇 多謝妳呀..我既好老婆..^-^ >>June 5, 2010 at 11:14:21 AM GMT+8 2010 年 6 月 4 日 星期五 【晴】 南北攞命循環線 好耐都冇返過呢D爛Duty 講真..... 好攞命...返到人都呆埋 不過今次我好叻 咁耐冇返過呢D貓頭鷹更 我都冇飛到車站 我最討厭就係705、706兩條行車線 P佢個K.... 今日就係上半場706 下半場705 中場仲客串左兩轉751P添 幹佢..!!!!!! 南循環同北循環....響天水圍不停佢兜圈子 唉...人都癲做到 但諗下安慰自己 算啦....自己連續放左兩日假 心甘命抵既..... 今日望到女友真係慘呀 剛剛病好就要返工 魚翅真係冇咩人情味可言 正話見到女友返來見佢個倦樣真係..... 我都好倦呀.....兜左咁多個圈 一陣我諗大家都會好好瞓.... 瞓覺真係人生一大快事... >>June 5, 2010 at 12:25:50 AM GMT+8 2010 年 6 月 3 日 星期四 【晴】 我的超爛更期 今日女友好左好多喇 燒已經退左 不過昨晚我完全冇瞓過 成晚幫她敷毛巾 有諗過用退熱貼 但妳呢D溫度...退熱貼邊有用 不過見妳有好轉 捱一晚我都覺得值得既 今日見到妳起碼可以有返少少氣講野 我真係放心好多喇 正話我睇過自己調左D更期 調返來果兩天果然不出我所料 起爛...!! 但當一諗起妳無事 再欄的...我都願意做 >>June 3, 2010 at 9:37:57 PM GMT+8 2010 年 6 月 2 日 星期三 【晴】 扁桃腺發炎 今日瞓醒起身 床邊少了個人 走出客廳、出埋陽台看看...再全屋走遍 都見不到女友 定神想一想....去左邊呢? 難到返左工佢? 但好似冇聽佢話要返工喎... 証實一下就打開鞋櫃看看 不是喎.... 她返工果兩對鞋還在 再証實一下打開衣櫃 幾套制服還掛衣櫃上 咁即係唔係返工啦 打電話比佢... 家中有電話響著.... 原來女友冇帶手機 咁.......失左踪...去左邊....要報警嗎? 不...未夠12定24小時...差館唔受案 唯有在家呆等啦 過左差不多一個鐘女友返來 臉色不太好看...完全係一個病得好唔妥既樣 但我望落D見手中抽住三大袋環保袋既野 大概上過街市吧 我不以為意 良久望清楚.... 女友從手袋取出一包白色袋 是私家醫生既藥袋 女友一包包拿出來準備服用 這時我才問 仲咩要睇醫生呀? 女友只係用手指指自己條頸..喉嚨位置 大概係喉嚨痛、發炎之類 埋去拿女友藥看看 仲有退燒、感冒、維他命、抗生素藥 我立即摸摸她額頭 真的好似比平時熱 我問.... 傻瓜仲乜仲走去買餸? 女友話.....隔天後要飛幾天...要買定準備喇 若果唔係冇野比你食同帶返工喇.. 當然最後我冇比佢再煮啦 而且食完藥仲好似嚴重左 額頭真的好熱 明顯地熱過頭先 精神開始呆滯又恍惚咁 反應開始慢.... 最後....連出聲都很辛苦咁 見到佢呢D藥唔得 但如果現在夾硬要佢落樓肯定辛苦左佢 我都不知怎算好 我知她好怕冰袋果種刺凍 不想令她難受... 我開始同佢敷冰水毛巾 密D換毛巾 摸摸佢條頸....又係好熱 我再幫佢抹下頸、手臂等位置... 令佢降溫 拿探耳機....探出102度幾 我不太相信呢部機 拿水銀探針...再探多一次 仲高...去到103度1 見到敷毛巾都冇起色 無法下...我只好真係夾硬扶佢落樓睇醫生 正話下面個公司指定醫生唔得 搭的士出去睇個好少少...貴少少既 去到探再探104度... 醫生優先比佢睇先 這刻我才發覺她條頸已經腫左 醫生一看已經斷定佢扁桃腺發炎 難怪她神智不太清醒 一定要打針、立即食藥觀察一段時間...如果都係不好的話要去醫院..醫生咁講 醫生比佢瞓上病床上...開個平風遮住 食過特效藥...她一直瞓左響度 大約半個鐘醫生再幫佢打多支針 再等半個鐘左右探熱 燒已退到101度幾 但頸都係腫腫地咁...但明顯冇頭先咁腫 醫生話...咁D藥對佢起到作用 就唔使入醫院 只要在家好好咁休息食藥就可以 搭的士扶她回家休息 本來我都要返工 見到女友咁我跟本放心不下 只好求人又好點都好....同人轉更 我調左連續兩天假出黎 全心都係睇實佢 其間她不斷叫凍 係都要蓋被 而事實上佢個身係好熱 我只係比佢蓋件風衣 雖然佢話凍但我知我唔可以如佢意思比佢蓋被 明知佢叫凍但又唔比佢蓋被 雖然好似殘忍左D...但為左佢好..只有咁 我自己都曾經扁桃腺發炎.....真的痛苦到不得了 就連呑口水都會痛 今次我見到佢講說話都唔可以大聲一D就知 佢係有幾痛 真係難為她還要為我三餐而去操心 還要不動聲色咁自己走去睇醫生 妳好傻呀...!!!! 不過話時話.... 妳果D醫生好流呀 不過可能當時你見醫生時扁桃腺還未完全咁發炎 所以先驗不出來吧 後天如果還係好似正話咁...都係腫的話..!!! 不要擔心乜乜喇...一定唔可以返工呀 知嘛.... 有時...妳都要聽下我話先得架... >>June 3, 2010 at 9:31:57 PM GMT+8 2010 年 6 月 1 日 星期二 【晴】 眼神搏懵 今日就到時間送女友返工 唔知點解咁日架巴士咁耐都唔黎 一黎架車都滿哂咁滯 一上車見到下層有位就立即叫女友去坐先啦 我幫妳放好件小黑就過來搵你啦 點知前面D人手腳慢到死 後面上車唔使放行李既就坐哂D位 到我放好小黑喇... 女友旁邊已經有人坐左響度 不過係個女仔都係...唔打緊啦 其實我向來都唔係太鐘意見到女友同其他男人坐埋 尤其係女友返工著到成個火龍果咁果陣時 硬係覺得D男人咁多位唔坐係坐佢隔離 一定係想抽水.!!! 今日我又係咁覺得 女友今次坐係下層車轆對上個兩Pair對頭位 而我就坐另一邊既車轆對上個兩Pair對頭位 但我就係倒頭位咁坐 咁我就直接望到女友坐果個鈄對面係個男人 當時佢響度玩自己部手機D遊戲 但我望下發覺個男人對眼都唔係望部手機 手係按下按下部手機， 但對眼係向上望住我女友.....打量打量咁 女友傻瓜瓜咁瞓覺... 佢就由屯門公路一直望到出東涌消防局站 東涌消防局站係好多人落車既站 我一見到有孖位立即拍醒女友轉位坐 同佢講返正話有個麻甩佬係咁望你...你唔知哩..!!! 妳緊係唔知啦.瞓到死豬咁 唔知點解...我真係唔鐘意其他男人咁向我女友咁打量 硬係覺得條麻甩佬個死人腦唔知諗緊D咩咁 呀.......我女友比人用眼睛搏懵呀.... 不過....講到尾都係件利是封問題... 但我知2011年佢地會轉制服..同利是封講Bye bye 女友都參加左試著計劃..... 但佢話唔知個身材過唔過到關... 過到關先有機會試著.. 哈...我都期待想睇下佢件新制服係點.. 其實好似港龍果套都幾好丫....沉色得來又好睇.... 希望可以響女友身上先睹為快啦. 妳要爭氣...等可以參加左試著計劃先好呀..... >>June 2, 2010 at 1:51:31 AM GMT+8
|
|
無事嗎?irene佢而家情況如何