2006 年 3 月 18 日 星期六 【晴】

嘩，今日去拜山呀，天氣超熱，極辛苦．．．妹妹佢又唔洗去，留係屋企做功課，真係益左佢啦，我就熱到傻左．．．

不過今日幾開心，因為好耐冇試過同表哥一齊相處咁長時間，大家都一齊行左一陣街，又去睇野，又食雪榚，又傾左好多野，所以都係一日好充實好豐富既一日．．．夜晚果時同埋二舅舅二舅母一齊食飯，大家仲講起好多往事，真係有好笑有令人傷感既，真係好開心既一日．．．

雖然拜山呢個行動係我地經常要做既例行工事，但係大家都好開心咁渡過，真係好難得既一日．．．妹妹佢今日夜晚又出左去同朋友食飯喎，真係損失左好多機會呢．．．哈

>>March 19, 2006 at 3:41:40 PM GMT+8

2006 年 3 月 17 日 星期五 【晴】

今日成日都同屋企人一齊呀，下午時去左一間日本料理度食野，好開心，因為好好味，仲好飽添．．．跟住同屋企去左行下海趣坊，雖然仲未開得晒，不過行下都好，順便去埋百佳買野囉，咁就過左一日．．．

之後夜晚仲同屋企人睇霍元甲．．．哈，我夾埋今次足足睇左三次喇．．．哈，真係識得背番晒d野出黎呢．．．

>>March 19, 2006 at 3:38:33 PM GMT+8

2006 年 3 月 16 日 星期四 【晴】

今朝早繼續KO埋套霍元甲．．．哈，真係覺得係戲院睇個氣氛同感覺好好多．．．

跟住下午同左男友四圍去行街，仲同佢出左深水埗，我自己又要買過部keyboard，佢又要幫中心買物資用錢呀，所以買左好多野，同埋買左好多錢呢．．．不過好在男友帶左個行山wild camp用既背囊去袋野，咁樣好少少，唔洗一抽二能嘛．．．

後來因為買左太多野喇，所以決定各自各返屋企啦．．．

>>March 19, 2006 at 3:36:31 PM GMT+8

2006 年 3 月 15 日 星期三 【晴】

hehe~ 今日男友佢因為同班細路去左蝴蝶溝度攪prog，燒野食，所以完左個活動後就上左我度，順便係度訓埋．．．我地今晚睇左半隻霍元甲，因為太眼訓喇，唔睇住囉，聽日先算啦．．．

今日發覺個keyboard真係好有問題，所以決定聽日又要出去黃金買番部喇，好叉煩囉，最憎電腦壞野，因為真係好討厭．．．不過好在有男友係度，有佢係度我安心好多，可以有個人幫我嘛．．．

>>March 19, 2006 at 3:30:37 PM GMT+8

2006 年 3 月 14 日 星期二 【微冷】

今日約左男友出街街，同佢行左好多地方呀，因為佢有好多prog數要洗呀，所以就陪左佢去好多地方買好多野囉，冇計啦，funding錢一定要洗左去，所以琴晚我地係咁fing錢囉．．．人地見到就會覺我地好開心，係咁買野．．．其實做我地呢行既同工就知道我地苦惱．．．又有好多錢要洗，又唔知點洗，又唔可以亂洗，洗得黎又要合理，d數又唔可以亂，d單又唔可以錯，連visa卡都唔可以用．．．係好叉煩囉．．．唉，唔好以為有錢洗就好happy呀，哈．．．其實係好頭痛既一件事呢．．．

嘩，買完之後我地去左旺角食飯，我地食左好多野呀，我飽到傻左，係咁食左好多野，簡直差d飽到嘔．．．

>>March 19, 2006 at 3:28:14 PM GMT+8

2006 年 3 月 13 日 星期一 【乍雨乍晴】

今日仍然係好凍呀，希望可以快d好天啦，真係唔鍾意咁凍既天氣呀，個人都好似冇黎精神咁．．．

今日下午同左媽媽去飲茶呀，不過飲完返屋企就個人好唔舒服，唔知係咪飲得太多茶呢，個人成日好似fing fing下咁，好似人地食fing 頭咁，個心又成日係咁狂跳喎，個人好wing啦，所以都係早少少訓覺喇．．．

>>March 16, 2006 at 10:08:02 AM GMT+8

2006 年 3 月 12 日 星期日 【乍雨乍晴】

嘩~ 今日好凍呀，凍到個人都唔多想郁咁，哈，所以今日好懶惰，成日都留左係屋企，乖乖咁打下求職信咁囉．．．

先兩日搵個朋友仔，打極電話比佢都搵唔到佢，真係好擔心．．．後來佢再聯絡番我，原來係佢唔記得帶電話出街，嚇得我丫，我以為佢有咩事添呀，搵足佢兩日都搵唔到佢，打埋屋企都冇人聽，真係好驚架．．．不過而家知道冇事就放心喇．．．

>>March 16, 2006 at 10:04:31 AM GMT+8

2006 年 3 月 11 日 星期六 【陰晴不定】

嘩~ 成個星期冇寫過日記喇．．．其實因為我懶o者，唔係失左蹤．．．

呢個星期都有幾多野發生左架，首先，我已經搵到份工喇，但係暫時未返工，下個月頭先至返，所以我都繼續爭取呢兩三個星期時間好好再搵下有冇其他更好既offer啦，而呢份工其實係做customer service既（我終於可以轉到行），而人工當然唔高啦，不過都係一個好開始黎既，我要好好把握餘下既時間呀！另外，我亦同男友決定左係三月尾去台北旅行，諗住都係自由行啦，希望係返工之前去一次旅行輕鬆下先啦，跟住就要博殺架喇．．．

唔，而家好有呢個旅行mood呀，希望可以繼續收拾心情去做d正經事啦！

>>March 13, 2006 at 9:05:55 AM GMT+8

2006 年 3 月 4 日 星期六 【晴】

嘩~ 先幾日部電腦壞左呀，幾辛苦先至可以捱過左呢段冇電腦用既日子．．．其實真係好難捱呢，而家先至發覺電腦對於生活黎講真係有好大用處，係缺一不可架．．．真係要好好珍惜同保護部機喇．．．

呢幾日都幾忙，因為都有幾份工去見，都不停咁去左幾日既油尖旺區呀．．．

今日係一個中七同學仔結婚，新娘子梗係靚足全場啦，大家都好為同學仔高興呀．．．

我在此恭祝佢新婚愉快！白頭到老，永結同心啦．．．

>>March 5, 2006 at 6:31:23 PM GMT+8

2006 年 2 月 27 日 星期一 【乍雨乍晴】

嘩，今日超凍呀，得番果十零度．．．真係唔開心，本來打算今日同男友去露營架嘛，如果唔係因為天氣突變，我地一早去左玩囉．．．不過都有樣衰，我就係因為星期日果晚冇帶傘，返屋企果時tup住雨返黎，而家冷親喇，超級傷風呀，仲喉嚨痛添．．．唉，好慘呢！今朝仲有少少想嘔咁，好慘呀．．．唔通又要去睇醫生？

今日男友佢放假呀，不過佢都好乖冇出街，因為佢有好多文件要做呀，放假都要拎埋返屋企做．．．唉，冇計，而家佢老細捉得好緊呀，希望佢可以好好利用呢兩日假做好晒d野去啦．．．辛苦都要架喇，希望佢努力啦．．．加油呀！

>>February 28, 2006 at 3:45:26 PM GMT+8