2006 年 5 月 14 日 星期日 【晴】

嘩，今日同D同事去左打羽毛球呀，其實真係好耐冇打過喇，不過出一身汗真係唔錯架．．．哈，聽日就知累喇，肯定到時周身骨痛呢！

希望日後可以有多D機會去運動下啦，因為近來真係肥左好多，尤其係個肚腩呀，簡直好似人地有左咁呀．．．好死呢！所以真係要積極去減肥喇．．．唉，如果唔係點可以著三點式出黎見人呀！我至愛就係三點式架．．．呀！！！

呀，今日收到個電話叫我星期三去見工．．．今日返黎睇過之後，原來份工係炮台山果頭架，所以唔去喇，太遠囉．．．

>>May 21, 2006 at 2:43:13 PM GMT+8

2006 年 5 月 7 日 星期日 【晴】

今日終於有個了段喇．．．今日上午返到公司，因為主要負責分組既IC未返工，所以一直都未有結果比我地知道自己分去邊個組度做野．．．到左下午之後，就知道左結果．．．我會派去做LETTER & PARCEL呀！其實都幾擔心架，因為知道一定會好難好辛苦，必定有好多野要去挑戰．．．不過都係好事黎既，我自己都唔多想做CALL CENTRE既，因為一日到黑係咁講電話真係會死，而且做CALL CTR必定要知好多野先答到個客．．．男友都講得O岩既，或者到左再轉果時我已經學成走人囉，橫掂都諗住短期內走人，何必唔去學一D難度高D既野，到時出去都可以吹下比人知自己要做幾有挑戰性既野．．．咁又係既，而家做LETTER & PARCEL都好多時要同外國果邊交涉，你來我往咁，都係一個挑戰．．．

我要努力呀！聽日就要上戰場喇．．．要訓好D先得！

>>May 9, 2006 at 11:32:05 AM GMT+8

2006 年 5 月 6 日 星期六 【晴】

今日我帶左我既愛貓波波出去沖涼剪毛．．．正當我同男友打算落去接佢時，寵物店果邊話波波突然間好驚，係咁震同叫，所以我就咁走左去睇佢．．．唔知點解今日波波心情好差，係人掂到佢都唔鍾意，係咁鬧人乎人．．．而同波波剪毛個姐姐話可能之前媽咪唔小心剪傷左佢既原因，波波一見到把交剪就好驚．．．唉，真係睇住佢咁好心痛呀！！

後來我同男友帶佢返屋企，佢好乖呀，唔出聲靜靜咁等我地送佢返屋企．．．可能遲幾日要再帶佢去再剪過喇，因為今次真係唔多靚．．．

>>May 9, 2006 at 11:37:33 AM GMT+8

2006 年 5 月 5 日 星期五 【晴】

今日我發生左一件唔知係咪一件怪事．．．

今朝我搭車返工，係巴士車門度等落車時，隔離企左個男仔．．．（其實我都唔識佢架，亦唔為意佢係邊個．．．但係佢就一路等一路係咁打亮我．．．）之後落車，我諗住行去附近既七仔買野，行行下我發現有人好似跟住我，咁我咪行快兩步囉，因為真係好驚．．．之後有個人叫我話：”小姐小姐．．．”咁我咪轉頭望一望．．．跟住見到頭先果個男仔，醒起佢原來坐起我隔離！佢跟住就話：”我頭先訓著左果時有冇唔小心摸到你呀？”嘩，我當時好驚，係咁話：”冇呀冇呀”！之後我行得越來越快，但係個男仔就好似吊噓鬼咁跟住我，仲叫我唔好行咁快，又話可唔可以坐低同佢傾幾句做個朋友，又話自己琴晚四點先至訓，所以好累，唔小心摸到我．．．．我瞽驚啦，係咁話我唔得閒，佢又死跟住晒，又話要請我食早餐當賠罪喎．．．我心諗佢都傻架．．．我最後好惡咁同佢講：”我好忙，你唔好再跟住我喇，你再騷擾我就報警架喇．．．”跟住佢就走左．．．我買完野之後好驚佢再樸我，我係咁四圍望囉．．．我將呢件事話比同事聽，有d話果個人有病,係電車男；有d話我好有吸引力先至有男仔想追我．．．唉，我唔想玩d咁既野囉，多謝囉！

>>May 7, 2006 at 3:50:53 AM GMT+8

2006 年 5 月 4 日 星期四 【晴】

今日放左工之後就走左去搵男友，因為大家好耐冇見過喇，真係要見一見啦．．．

鬼咩，我放得一日星期日咁大把，而佢而家星期日都要返工既．．．唉，真係好唔開心囉，今日明明係公假我都要返工，好灰呀！！人人都可以晏起身，去玩，我就要做野．．．不過今日果d舊同事都好死，有d一路聽住mp3一路扮做野，一d係度做埋d私人野，傾私人電話，再唔係同同事係度打牙較．．．淨係得我地班新人做野咋．．．

係呀，琴日又黎多左三個新人，唔知佢地係咩人黎？

>>May 6, 2006 at 4:47:51 PM GMT+8

2006 年 5 月 3 日 星期三 【晴】

今日有好野食，是關住長州個同事親住係佛誕，買左d平安包出黎比我地食，咁又有師兄佢萬歲，真係幾開心架．．．

個包其實都幾好食架，又大個喎，成隻男仔拳頭咁大架，而且又有三種味揀，有豆沙，麻蓉同蓮蓉，我除左麻蓉之外都試食過，真係好好味．．．我d同事話麻蓉好難食！

其實都好有特色，親住呢d日子食下d特色野真係幾開心!

>>May 6, 2006 at 4:51:37 PM GMT+8

2006 年 5 月 2 日 星期二 【晴】

哈~ 今日好好笑．．．男友佢今晚約左我一個以前既好同事涼芬芬傾公事，其實我覺得都幾妙下架．．．仲承機約埋涼芬芬佢食飯添，真係一舉兩得．．．終於就約左下星期三食飯．．．但係果兩條友仔要我就佢地入元朗喎．．．算囉，我豪比你地！

今日仍然繼續努力返工，其實都開始覺悶，因為日日都係做同一個動作，有時真係好累好唔想做好想即刻走呀．．．但係搵到工先講．．．我近排都開始番搵工喇，希望早日搵到份好d既工啦！

>>May 6, 2006 at 4:44:27 PM GMT+8

2006 年 4 月 30 日 星期日 【陰】

今日係勞動節，一個我從來唔會覺得起眼，覺得一個好值得我去著緊既一個假期．．．因為我從來冇諗過做左而家呢份工之後，勞動節成為左我一個好寶貴既假期．．．

今日下午約左個舊同學食tea，哈，好開心呀，我地係度行街買野，真係諗番起以前讀書果時都冇咁開心呀．．．以前同佢只係一齊返學放學帶飯既好同學，有時亦會行下街，一齊去睇下寫真（以前興映埋d少女寫真架嘛！）．．．今日一見，佢而家已經成為左人地既老婆，身型亦因此肥胖了，態度亦開始有點兒師奶左．．．哈．．．我唔係想笑佢，而係羨慕佢o者．．．

希望佢有一個愉快既婚姻生活啦．．．

我自己今日都shop左好多野，買左對鬆高涼鞋，兩條one-piece裙同埋一件衫．．．真係未出糧先興奮．．．一個字，慘啦！要七號先至出糧，而且今個月仲要出唔足糧，好死呀！

>>May 2, 2006 at 2:59:46 PM GMT+8

2006 年 4 月 29 日 星期六 【陰】

今日因為唔洗出街，所以留左係屋企陪屋企人．．．因為今日星期日，所以特別多人去飲茶，不過我地都有去到．．．跟住就去左行街街．．．

後來男友佢踩完單車之後去左我屋企，仲係度食飯訓埋，佢實在太累了．．哈．．．而我地就一路食飯一路睇dvd(犀照)，都幾好睇丫．．．

唔，聽日會約個舊同學食飯，其實真係好耐好耐冇見過喇，真係有六七年囉．．．心情真係有少少緊張同興奮呢！

>>May 2, 2006 at 2:55:23 PM GMT+8

2006 年 4 月 28 日 星期五 【陰】

其實琴日係男友媽咪既生日，所以今日放工之後就即刻入左佢度，因為佢家姐同姐夫都去左佢度幫佢媽咪慶祝生日．．．而我一放工就即刻去左買份禮物先啦（因為之前一直都冇時間去買，所以一放工就走左去永安睇下啦，費時兩手空空去嘛，我自己都唔好意思啦．．．不過真係幾慘架，因為仲未出糧就要洗一筆喇．．．）最後我係永安度買左一隻手錶比佢媽咪，其實都唔係太貴既．．．

之後就去左流浮山度食海鮮，係男友既家姐請，不過真係唔錯，幾好食，尤其係個鐵板lum酒燴蠔，同埋秘鼠燒汁瀨尿蝦．．．真係好回味．．．下次有機會我都打算帶爹地媽咪去食餐勁既．．．

聽日男友會同d細路去踩單車，而我？本來聽日約左個舊同學出黎食tea既，不過佢一直都冇聯絡我，所以我估聽日應該都會取消架喇．．．

>>May 2, 2006 at 2:53:02 PM GMT+8