2006 年 11 月 5 日 星期日 【晴】

道別了怎可再見 就像這一生再精彩也得一次童年
但是我天真未變 孩子很好騙 為了不死的信念
仍然信 你狡辯 若我聽教你便回來我身邊

＃明知等不到 亦要等
還好有眼淚來陪襯
反正空虛 沒什甚想發生
難得開心過 讓我等
難得我越捱越振奮
可以等誰願意問
沒有真相才吸引(連眉梢都因你劇震)
我勇敢 我膽怯 我不忿
回頭問背後誰著了燈 (回頭問背後誰在接吻)

但願你真的看見 現在我天天抱緊這布公仔去睡眠
但願我天真未變 孩子很好騙 為了不死的信念
仍然信 你狡辯 若我聽教你便回來我身邊

ＲEＰEＡT＃（）

若是你聲音會變 但願你的神態未變

>>November 7, 2006 at 4:49:17 AM GMT+8

2006 年 11 月 5 日 星期日 【晴】

今日時間過得幾快，朝早做左d一陣野就到左十一點幾，之後就落左去中心同centre i-c Bernice開會傾下d行政對策，傾完之後都已經食飯囉，食飯之後又落左中心，因為要帶tour，帶完tour之後都成四點幾喇，跟住又同左Bernice傾計，初時我地講起我瘦左既問題，進而就講起左我點解突然暴瘦既原因．．．Bernice佢好好，好用心聆聽我既故事，仲比左意見我，鼓勵我．．．唔，我覺得同佢除左做好同事之外，亦可以做到朋友．．．我覺得好榮幸又認識左多一個朋友，仲係要工作上既好戰友添．．．希望日後可以同佢一齊並肩作戰啦．．．加油呀，annie！

放工之後好開心，因為約左fos既同事食飯，想起都有成兩年冇見喇，大家都好似有點唔同左咁．．．阿豪好似"佬"左咁，真係做左人老公係唔同d架；積夫就梗係又肥左啦，個肚就係有六個月架喇；瑪姫就靚左咁啦；我地去左打邊邊呀，食到好飽，之後仲去左朗豪坊euro go go度食cheese cake呀，係瑪姬靖架，真係好人喇，好好味，不過真係好死飽．．．我諗我都係咁耐以來最開胃既一餐喇．．．可能大家好耐冇見啦，我都特別食多左野咁，大家有傾有笑，真係開心架，尤其當大家講好多是是非非．．．哈！真係好攪笑．．．唔，我好希望可以keep住同呢班好朋友，真係稱得上好朋友既朋友繼續交往．．．我知道佢地一直都好關心我，支持我，愛護我架．．．放心啦，我唔會令你地失望架，我會努力的，比點時間我啦！！仲有，阿豪，多謝你盒紫菜肉鬆蛋卷呀，我估唔到你真係記得買比我，哈，真係好感動呀！！

明晚好特別，因為約左一個人食飯，而呢個人係我咁多年以來都未試過同佢單獨食飯，所以今次覺好特別．．．我都好期待同佢呢個約會呢．．．

>>November 6, 2006 at 4:04:01 PM GMT+8

2006 年 11 月 4 日 星期六 【晴】

首先，阿芬，多謝你的留言，令我有更大的感受及啟法．．．另外，多謝你送給我的一句：倚靠就是不要獨立生活或單獨面對困難，而是尋找一種更大的能力根源。我知道自己應該如何的了．．．

今天與爹地媽咪同妹妹返左教會崇拜，我都差不多三個星期沒有回教會了，因為這三個星期日都要返工吧！所以難得今天放假加上是聖餐主日，就一定要返一返去啦．．．返到教會，常常都感到很親近神般！每當我用心去向神祈禱，我總有一種莫名其妙的感覺，有時候．．．更會很想哭出來，感到一鼓感動咁．．．！我知道，我知道神是在聆聽的，我知道神是被受我們的禱告所感到的，從而令我亦感到神的感動．．．

完左崇拜，我地一家人去左一間專食日本咖哩既餐廳食lunch，真係幾好食喎，二百零蚊攪掂喇，ok丫．．．跟住，我地四圍行，後來去左ikea行，媽媽買左一個几仔同電腦椅比我地，仲買左好多家庭用品咁啦，所以我地都滿載而歸咁走，臨走之前，我地仲去左ikea個小食店度買熱狗食．．．唉，我同alan以前好鍾意係呢度食熱狗架，一來好食，二來好抵食嘛．．．仲有佢d雪榚添呀！唉．．．又再次想起與他的一切了．．．行ikea時曾經想起了我生日那天，我地都有行過同一個地方，仲買左一對酒杯同一個相架框，諗住相起我地係廣州畫果張油畫既．．．點知而家．．．一切都光陰不再了．．．唔知alan有冇用左果個相架框相起張油畫呢？

唉，有時候我會諗，如果時光可以倒流就好了，咁樣有好多野我都可以做得更好，亦可以避免發生了，咁樣我地就唔會到左今日既境地了．．．但是．．．可以嗎？我們可以重新開始過嗎？他願意走出這一步嗎？．．．我仍然是等待著他的．．．

>>November 5, 2006 at 10:44:58 AM GMT+8

2006 年 11 月 3 日 星期五 【晴】

今早alan打過比我，聽到佢把聲睇黎好似好番左好多咁．．．唔，希望佢可以快d好番啦，我都一直擔心佢呀！願佢早日康復．．．alan，加油呀！好快會冇事架喇，信我啦．．．明天你還要出外帶活動的，別忘小心身體呀！

今日朝早我帶隊參觀，而參觀既學校係我果時讀預科時間中學黎既．．．其中一個帶隊既老師係我之前果屆負責我個社既老師黎既，由於我果時係社係做財政，所以好多時都要同呢個老師溝通．．．後來成個參觀完左之後，我同左老師相認，老師都初時覺我好熟面口，但係諗黎諗去都想唔起我係邊屆既畢業生．．．大家後來傾左好多野，知道有好多老師都退休走左喇，連校長都轉埋，仲有有幾個同屆同學都已經結埋婚添．．．唉，聽落真係覺得自己老左好多，大大話話畢業左七年喇．．．尤其聽到身邊有同學結左婚．．．唉，真係好心傷呀，想起自己．．．都唔知自己既感情路將會如何？自己深愛既人又放棄左我，而選擇要一個人生活！我又可以怎樣呢？很想和他有將來，可以重新開始．．．可以嗎？他願意嗎？他有勇氣走出這一步嗎？他有動力去改變及解決我們的問題嗎？．．．很多很多問題再次出現．．．但是，我想問他，不解決我們的問題可以嗎？只求他有勇氣走出一步便可以了．．．我只求這樣．．．

今晚收到一位mto同事菲比既電話．．．我好開心收到佢既電話，加上收到佢既祝福同鼓勵，我好感謝佢．．．從佢口中得知近日有位朋友好像有點事發生，我都希望他可以快些overcome到，有機會的都希望可以與他傾談傾談．．．菲比，我收到你比我既祝福同訊息的了，我知道自己應該如何做，如何走自己的路．．．就樣我好好的計劃同走自己想走的路吧．．．多謝你呀！

>>November 18, 2006 at 3:58:39 PM GMT+8

2006 年 11 月 2 日 星期四 【晴】

今晚終於係msn見到alan．．．佢話得知佢病得好厲害，我很擔心佢！因為他一係就唔病，一病就會好厲害果隻．．．唉！呢幾日佢仲要帶camp，真係辛苦佢，連講野，食野，飲水都好辛苦呀！！好慘！

突然間．．．自己有一點無助感．．．想起，如果仍是他的女朋友，我便可以無條件地去照顧他了！但是．．．現在．．．我不再是他女朋友，我沒有權利及義務去照顧他了．．．其實．．．如果他不介意的，我亦願意隨時為他效勞！因為我明白生病時那雒的痛苦及孤寂！

最後，希望他早日康復！
alan，別忘準時吃藥，吃多點，飲多點水，吃多點生果蔬菜．．．我不能照顧你了，你要好好照顧自己．．．你答應過我的，是嘛？

我會為你祈禱！希望神幫助alan早日康復，賜予他健康的身體，亦希望神不忘平靜他的情緒，好讓他好好地休息，早日能夠痊癒！阿們！

>>November 4, 2006 at 12:20:54 AM GMT+8

2006 年 11 月 2 日 星期四 【晴】

唔~ 今日返工都冇咩特別，照樣做我要做既野，都係一日好平淡既一日．．．．

哈，不過今日帶tour時，本來今日係搵唔到機構黎我地度做sharing架，點知無啦啦三點零鐘時帶帶下tour走左個PS33既同事黎，我初時都冇為意，後來睇睇下．．．原來係我以前社工既同學仔．．．阿施！大大話話都好耐冇見喇，而且一向大家都冇聯絡過，因為之前都唔係太熟．．．咁O岩佢其實都係轉左去PS33冇耐，同我差唔多期間轉工既．．．日後我估大家都會多左機會合作架喇，因為我地都周不時會搵佢地黎做sharing既，幾好丫，見下d舊同學都有點開心，不過．．．又有點覺得自己又長大左喇．．．好似突然間覺得有好多野改變左咁．．．尤其近日對我自己黎講有好多改變左既事．．．想起了又是傷心的時候了！！突然又想起了他，很想念他．．．

頭先同個好姊妹傾計，又突然勾起了很多往事同回憶．．．雖是很甜的事．．．但是其實內裡是很痛很痛的吧！．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

很想很想，找一個人抱抱我，
你可不可以也變成一種動物，陪一陪我呢？
這一刻，我希望自己是一隻樹熊，可以抱著你這一棵樹．．．緊緊的抱著你！

>>November 3, 2006 at 2:10:15 PM GMT+8

2006 年 11 月 1 日 星期三 【晴】

接近一個星期沒有返30/F既office喇，真係覺得好似有d野唔同左咁．．．首先係大廈既大堂；之前我初初黎果時都係圍晒板裝修緊既，點知今日一返到去見到d板已經拆晒喇，而家個大堂光盓晒，真係有d唔慣呀！返到office，見到自己張台，感覺好似有點兒陌生咁，真係好似好耐冇見過張台上既東西咁．．．跟住，同左centre in charge，Bernice傾左幾句計，又好似好耐冇同佢傾過計喇，哈！繼而，見到自己成張台都鋪滿晒工作，一打開個email，嘩，十幾封email未睇呀！到而家為止我都仲未睇晒呀！跟住好努力咁一次過攪掂番呢個星期冇聽過既電話留言同reply番d email．．．好死呀！

今日下午日子幾好過，因為同左Bernice落左中心度開會，我地坐係梳化度傾，真係舒服！傾下傾下又傾埋d閒計、是非咁，哈，咁就過左兩粒鐘喇，真開心！不過我都想快d有工作可以落實番呀，我可以快d有野做，唔想成日都係到搵野做，好慘！下星期將會開會再傾，希望可以快d計劃好啦！

而家仲係有風球，所以都仲係好擔心alan果個camp架，不過好在佢地今日會入b仔記果個campsite，咁都好d，起碼有瓦遮頭丫．．．希望佢既活動順利完成啦！仲有呀，唔知佢病成點添，真係擔心佢．．．希望佢早日康復啦！

>>November 2, 2006 at 12:19:09 PM GMT+8

2006 年 10 月 31 日 星期二 【驟雨】

今天仍是一號風球呀！天文台話雖然今日未有機會掛三號，但係都好擔心alan佢帶隊既情況呀，因為都有一定既危險吧！

今日因為下午兩點幾時約左人上黎屋企油防漏油，所以我一早起身就要執清晒我房同廳窗台附近既東西，仲要鋪好晒執紙同膠台布．．．今日執開d野之餘，亦都鼓起左好大既勇氣，去執拾一下關於我同alan的東西．．．我很努力咁將一些我同他的合照連相架，圖畫連畫框等物品收起來了．．．還有，將一些例如公仔，擺設，盡量收得埋的都會收起佢．．．過程中我覺得很痛苦，一邊執一邊喊．．．眼淚不斷很大滴很大滴的．．．我坐在自己張床上，一邊執一邊望了一些曾經是他送給我的東西，我們曾經映的一些照片，我們一起映的貼紙相／卡，我收過的一些信件．．．很心痛，很傷心．．．突然感到很軟弱，只懂得不斷在喊，坐在呆了一段長時間．．．當時，我的貓貓波波她好像知道我很不開心的，不斷用很可憐的眼神望著我，好像很想安慰我，但是她卻沒有能力．．．真的很痛苦．．．後來，我情緒很差，因為實在有太多大件的東西，圖畫框，board等，都唔知放在那裡才好，當時情緒好差，個人好炆憎，係咁喊，驚慌失措咁，唔知自己想點．．．好不容易才可以定下情緒，找一個更合適的地方收好這些東西．．．因為這些東西實在太有紀念價值了，我是無論如何都不會掉左它們的．．．堅持到底，同媽咪對抗到底（因為媽咪要我掉左d野去，話阻住佢間屋喎！）

突然想起，原來我還有東西留了在他家未取．．．不過都不緊要的，可以遲些託他帶回給我都可以吧！

今早同阿芬傾起關於執拾東西的事，我知道她亦曾有這個經驗，她與我分享了很多．．．唉，我都深深的感受到那種的痛苦了．．．但是，心中總是同自己說，可能不需要收得很埋了，或許還有機會拿番出來吧！哈，我都不知道，但是最後都是決定好好收埋去了，日後的事日後再算吧！無可否認，而家的生活變得較以前枯燥，沒有了他，日子真的很難過．．．

今早check過email，見到alan有reply我昨晚的email，很是高興吧！原來他病了，我真的很擔心他！我記起星期一他提過自己喉嚨有點痛的．．．或者就是這樣了．．．他一連幾天還要在野外呢，天氣又不好，真叫我擔心他．．．擔心他的安全，他的身體情況．．．在此，為他祈禱，希望他工作順利完成，過程當中神可以給予他們最好的穩定的天氣，願他平安，愉快，身體情況不會轉壞，神可以賜予他有更多的力量去完成工作．．．阿們！

今天只是他離開的第一天，已經是很掛念他．．．如何等待到星期五他回來呢？

本來阿芬話約我今晚同佢一齊北上．．．不過，明天番早呀，唔好玩啦，咁樣咪攪到自己辛苦．．．為乜呢！所以．．．遲d先同你地去過啦．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

曾有人向我說過：

"所以，不要為明天憂慮，因為明天自有明天的憂慮，一天的難處一天當就夠了．" <馬太福音：34>

但願天父神可以幫助我，平靜我混亂的心靈，讓我在這段艱辛的日子中，都能夠常存喜樂及感恩的心，感受天父神所賜給我的愛！我很希望能夠將自己的愛帶給身邊所有的人，尤其是．．．他！阿們！

>>November 1, 2006 at 9:38:02 AM GMT+8

2006 年 10 月 30 日 星期一 【晴】

今天既心情十分之低落，因為．．．今朝早我個至愛既貓貓錢箱，被一道風吹跌左落地，打爛左．．．

大家可能覺好奇怪，一個錢箱o者，點解都好似咁大件事咁．．．其實，呢個錢箱係我大約一年前度買既，當時我買佢係因為我想迫自己每一日將身上既散紙放入呢個錢箱度儲起佢，而儲呢d錢既主要原因，就是希望可以早日儲到一筆結婚基金．．．一年前，alan他曾經問過我關於結婚既問題，當時雖然大家並沒有comprise什麼野，但係，我知道要儲夠錢結婚係唔可以只係依賴佢一個，所以雖然我一向都係大花筒，但係我都好努力咁去儲錢，希望早日夠錢可以同佢早日結婚．．．

但係，當我那刻眼見住個錢箱跌左落黎爛晒果一刻，初時呆左一呆，之後眼淚就不斷咁湧左出黎，不斷係咁喊，只係識得喊，唔識應該點樣做．．．當時我在想，是否神要話我知，這一切一切都已經幻滅了．．．我那刻好傷心，好心痛，痛得很厲害，喊到不能自控，好像傻了一樣．．．後來大約十分鐘左右，我才懂得拾起那些碎片及錢，很傷心的將貓貓放進了垃圾桶內．．．由這刻開始，我整天的心情都十分之低落了，完全提不起勁了！

今日過程中曾經有個好友，芬芬，佢打過電話比我，又安慰我，仲留言為我去祈禱．．．我好多謝佢，佢同我祈禱那刻我很感動，我不但感到她在我身邊，更感受到神的恩典，祂賜了我一個這樣好的好姊妹．．．多謝神，多謝阿芬．．．

後來，夜晚收了一個天使社群義工朋友的電話，他說希望我在周年大會中要有一定的心理準備，因為有可能有些義工會因為不知道我同alan的事而問了一些不應該問的問題（例如，你們幾時結婚呀？），他很擔心到時我會很尷尬及不開心．．．我都很多謝你他的關心，我其實自己都很擔心當日自己是否有能力向他們表明我同alan間現時的關係情況，因為確實是一件很令我傷心的事吧！要我再次提起此事，的確很難受的吧！但是．．．事實歸事實，我都要面對外間人的，始終都是要讓他人知道．．．所以．．．我真的要有一定的心理準備及勇氣去面對這個周年大會了．．．黎曉寧，你要加油哦！

其實，始終都是我與alan之間的事，我無理由要由其他義工朋友幫助我去發放這個消息出去的；加上，我決定再次參加天使社群時，都預左要同義工朋友交待事件的了，亦有準備要同alan一齊面對這個尷尬的關係情況！我真的很希望alan他知道，無論是好的事，或者是壞的事，我都會與他一同去面對及處理，我是不會退縮或逃避的，我更不會只留下他一個人的．．．

最後，明天alan將會帶隊活動，是一連三日的野外活動，但係而家天文台掛住一號風球，真係叫人擔心．．．在此，我為他祈禱，希望神保守他們的活動成功，順利，平安．．．我亦特別為alan祈禱，希望神可以保守他，眷顧他平安，工作順利，身體健康，開心愉快地帶領活動．．．亦希望神可以眷顧他們，給予他們一個穩定既天氣，好讓活動可以最終順利完成，人人平安，阿們！

>>October 31, 2006 at 3:02:49 PM GMT+8

2006 年 10 月 29 日 星期日 【晴】

話雖如此丫，今晚雖然可以見到佢，可以同佢一齊行街食飯，我真係好開心．．．或者，我們因為太耐冇見，好似有很多的話題可以談．．．但係問心．．．我又是否這樣真的開心？今天一切是我心中所想的那麼簡單的嘛？．．．我們真的只可以做朋友？但是無可否認，在過程中，我感覺到我們好像之前未拍拖時咁去街，大家尷尷尬尬咁，當然．．．果時大家之間都正在蘊釀緊一點感情！現在？我卻不知道他的想法是怎樣？我當然很希望我們可以好像以前未拍拖前咁啦．．．或許他說得對，我們拍拖前的交往都不是太多吧，所以．．．或許現在是時候去彌補一下了！

anyway，我現在唯一可以做的是．．．繼續默默地在他身邊支持他，為他打氣，為他祈禱，祝福他平安快樂與健康！

>>October 31, 2006 at 4:11:00 AM GMT+8