2006 年 6 月 2 日 星期五 【晴】

今日又係超級眼訓既一日，又係不斷恰眼訓囉．．．好辛苦！後來放工之後約左妹妹去左旺角行左一陣，不過個人都好似累到要死咁，後來搭車果時仲好唔舒服添．．．好慘！

之前公司果度話想跟政府行五天工作，但係經過d舊同事既一番爭論之後，公司最後都係怕左佢地，否決左個意見，話今個階段唔會行五天工作．．．其實對我黎講唔係有太大影響既，佢行邊個制我都係咁架啦．．．當中有好有唔好啦．．．

唉，我近排都有積極打信搵工，但係真係發覺好難搵工，好想快些離開呢度呀！天呀！我想走人呀！

>>June 5, 2006 at 1:49:29 PM GMT+8

2006 年 6 月 1 日 星期四 【雨】

今日好超級眼訓呀！因為琴晚好夜先至訓．．．今日返工係咁恰眼訓，真係好辛苦．．．．

今晚仲要返普通話班添，放左學返屋企真係好眼訓，但係妹妹又話要睇番今晚果集飛短留長，攪到我又要睇埋一份，足之成十二點幾先訓．．．好眼訓呀！

聽日又要返工，真係好唔開心呢！

>>June 5, 2006 at 1:46:31 PM GMT+8

2006 年 5 月 31 日 星期三 【雨】

又到左月頭．．．但係．．．仲未出糧，好慘呢~ 快d到七號啦，我要出糧呀！而家超級赤貧呢！

琴日放完日假，真係好想繼續放，仲係好似放唔夠咁．．．快d再有假就好喇！

今晚去左接男友放工，之後同佢一齊返左屋企．．．因為佢阿媽帶埋隻狗狗入左長洲玩，會去幾日，所以呢幾日都會好free，所以都要去hea下先．．．哈！

今晚真係有好多野攪，因為首先有個好友，阿涼芬芬囉，佢打比我話想約我食飯，但係又太急啦，點食呢，所以最後約左佢食宵夜，上左男友度飲香檳食野．．．我地係咁傾計，幾開心，傾傾下傾到成十二點幾．．．佢兩條友一個就返下夜，一個就放假，都唔理下我呢個要返九點既人架．．．所以好夜先至有得訓呀，好慘！

>>June 5, 2006 at 1:44:41 PM GMT+8

2006 年 5 月 30 日 星期二 【暴雨】

哈~ 今日係端午節，一向我地一家人係呢個日子，早上起身之後就會一齊食個”傻”先，跟住下午就會有唔同既節目．．．夜晚就會同埋表哥佢地食飯．．．

今日早上一樣食傻，下午就同妹妹出左旺角行街街．．．大出血囉．．．買左好多野．．．好開心．．．但係仲未出糧呀！仲要捱多七日先有糧出．．．

跟住夜晚去左美孚，同表哥一家食飯．．．去左富臨食，但係又貴又唔好食．．．不過是但啦，大家都係想一家人聚一聚架o者 ．．．

今晚好特別，因為好耐冇試過係icq同表哥傾計喇，大家傾左好多野，而且表哥仲話幫我手搵下工．．．唔，希望可以搵到份好工，又學到野啦．．．

>>May 31, 2006 at 3:55:32 PM GMT+8

2006 年 5 月 27 日 星期六 【雨】

今朝就跟左男友一早出門口送佢返工．．．真係好眼訓呀！琴晚成點鐘先至訓，呢兩日真係訓得好少，好累呀！！我地兩個一路搭車一度訓，真係不醒人事咁．．．好眼訓呀！我都好少少，返到屋企可以訓多兩個鐘，男友就慘喇，仲要帶隊出活動，而且天氣又唔好，真係唔開心喇．．．

下午就同左爹地媽咪飲茶茶，妹妹佢出左街呀，真係冇幾何架．．．之後返屋企我就係咁執野．．．儲儲埋埋好耐冇執過既房間終於有得執下喇．．．鬼咩，之前妹妹成日開夜車做功課，根本執唔到．．．一係執左又比佢整亂晒，唉！好累呀！好似周身骨痛咁呢！可能積埋兩日都唔夠訓卦，個人好似散左咁．．．

唉！聽日又要返工喇，又要早起．．．真係越來越覺好乏力呀！天呀！好想轉工．．．呢幾日都有send左d信出去，希望快d有回音啦！

>>May 28, 2006 at 2:29:03 PM GMT+8

2006 年 5 月 26 日 星期五 【雨】

今日返工真係好眼訓呀！一度做野一度恰眼訓呀！師兄教野都聽唔入耳，超級眼訓呀！而且近日做既野都好悶，好死板．．．我真係就黎死架喇．．．

好在今日放左工之後搵男友去街，行下個人都心情精神好少少．．．之後上左個朋友屋企坐左一陣，跟住一齊出左去食甜品．．．好肥呀！我今日午飯時已經同同事一齊出左去食飯，仲食大餐添，食北方菜．．．不過後來唔知咩原來，肚瀉呀！好慘，去左好幾次廁所喇．．．唉！跟住同男友一齊果段時間都冇事，係跟住食左支雪榚之後返到男友屋企時又黎過．．．好慘！

今晚繼續陪男友，今日係咁講笑同玩，真係好好笑，係咁笑，笑到傻架喇．．．端午節都唔洗食”傻”囉．．．哈！

>>May 28, 2006 at 2:24:49 PM GMT+8

2006 年 5 月 25 日 星期四 【雨】

琴日咪係日記裡提及過果個三十多歲既男同事既．．．

我今日同佢兩條友一齊放工走，搭lift果時佢用好低b既語氣咁同我講佢傾嬲左個女朋友喎，咁我好心去了解啦（其實本來想就咁應左佢就算，不過可能職業病啦，又見佢咁慘，所以咪睇下佢咩事囉！）．．．後來真係好激氣，呢個男仔同我講佢認為女友比事業有更多地位同重要．．．嘩，我聽到果時真係好想死，好激氣添，我當時好唔老皮咁同佢講兩個人係一齊都唔係有水飲就夠架，都至少要有面包啦．．．但係佢好似無動於中咁囉．．．唉！真係死．．．好想打死佢．．．我一向最唔鍾意一d又縮骨又冇大志又不思進取既男人，真係好討厭．．．你著重愛情或者女友唔係好壞既事，不過都要有事業先至可以同女友講將來架．．．唉．．．算！唔講佢喇，費時自己激氣！

今日上普通話課，好好笑，今日上堂時係咁同男友講笑，真係好玩好多．．．之後我去左男友屋企度，我都陪佢陪到成點鐘先至訓呀！無計啦，一星期見得果一次咋，都要陪下佢架，唔通去到佢度淨係訓覺咩！唔，聽日一定好累了．．．

>>May 28, 2006 at 2:19:58 PM GMT+8

2006 年 5 月 24 日 星期三 【晴】

落雨同陰天左好幾日，終於有番日天氣好少少喇．．．

呢幾日都係努力咁返工，今日終於可以學到新野喇，發覺雖然學既野好難，但係當了解左個纙輯之後，其實都唔係一件好難做既事．．．

近日同d同事既話題都係圍繞住一個三十多歲既男同事！點解講佢？唔係因為我地八婆或者咩野，而係果個男仔真係好有問題．．．佢係一個愛情大過天既人，著重女友多過佢既事業前途既人．．．其實錫女朋友真係唔係壞事，不過一個已經三十多歲既男仔，唔係都應該好好咁安排自己既事業同前景咩？三十多歲都仲係暉渾渾噩噩，低低能能，又八婆又貪心又縮骨咁．．．真係唔係一件好事囉．．．唔，希望呢個同事可以快d去改變一下啦，其實真係對佢日後有好處架．．．

>>May 28, 2006 at 2:13:25 PM GMT+8

2006 年 5 月 20 日 星期六 【雨】

哈，今日黎左個大革新，就係去轉左個新髮型喇．．．

我將D頭髮電到好似電話線咁，仲將D頭髮染番做DARK BULE色．．．哈，真係覺得幾型下架．．．不過而家都仲未習慣個新髮型呀！希望聽日返到公司比同事睇，同埋比男友睇完之後都覺好啦．．．其實之前男友叫我剪短D頭髮去架，不過我都係覺得長髮O岩自己D，同埋我都唔想再剪短喇．．．

唔，聽日返去會學新野喇，希望可以容易上手啦．．．要努力呀！今日又SEND左D信出去，希望有消息啦．．．其實之前有份工叫我去見，不過外於實在太遠喇，要去到炮台山果頭呀，所以最後放棄左囉．．．唔，希望呢個唔會係一個錯既決定啦．．．

>>May 21, 2006 at 2:38:49 PM GMT+8

2006 年 5 月 17 日 星期三 【晴】

哈~ 好耐冇寫日記喇，因為我太累同太懶喇．．．而家日日返工都好累呀，成日都要對住部電腦，係咁打呀打．．．好辛苦呀！而且自從可以開始OT之後，我都不時會OT，因為想儲下鐘第二時可以放假丫嘛．．．尤其男友同我講想七月時去澳門呀，所以而家要努力儲鐘呀！

今日約左男友佢，佢接我放工之後我地一齊返佢度．．．佢送左一樣我好鍾意既野比我，係MRS. FIELDS既曲奇餅呀，佢買左果隻有心型盒果隻比我，裡邊揀左幾隻口味比我食．．．哈，其實真係好抏，我唔捨得食呀！但係無奈佢二十四號就過期，所以始終都係要食．．．

唔，聽日再要繼續返普通話班喇，好怕好眼訓呢，因為呢幾日都要開OT，所以都好幾累下呀！！希望頂得順啦．．．

>>May 21, 2006 at 2:42:10 PM GMT+8