2006 年 10 月 20 日 星期五 【晴】

今天是放假天，近日好像放假放得密了一點．．．不過都好既，可以輕鬆一點嘛！今日朝早同左妹妹去左市中心，妹妹話請我睇電影，所以我地就去左睇”放．逐”．．．我覺得都幾好睇，呢套並非一套普通的江湖片，因為當中都有著情與義既內容，而且經過杜其峰既手筆，當然有一定既拍攝技巧啦，好多鏡頭都映得好靚，加上套電影都係澳門度拍，所以d景都好靚．．．我都比呢套電影有八十分呀，都推薦比大家睇．．．

之後，我同妹妹去左市中心行街食lunch．．．但由於琴晚訓得唔係太好，我成日發夢，加上今朝早．．．因為夢境內容而令我又大哭了好幾遍，所以心情同精神都很差．．．加上今早去了睇電影，曾經用過神，所以下午時間很難捱，都冇咩心機同精神行街食飯，咁樣既狀態維持到頭先食晚飯都係咁樣．．．

唉！好多朋友都叫我：”annie，放鬆一點啦，不要想太多了，你還要花精神同力氣去面對28號的，切記要吃多點，休息多點！”講真，有邊個想皮膚差了，精神差了（大大的黑眼圈伴著我），日日冇胃口食飯，只要吃多了一點或者吃到比較肥膩的東西時，我既腸胃就不能承受得到，很容易就會肚子痛及肚痾．．．咁樣既日子我都經過了很長的時間了．．．其實真的很難過吧！

明天是返工天，今天可能哭得太厲害了，所以整日都是頭尺尺的，很辛苦．．．精神亦很差吧！希望明天可以捱得到啦．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

oh 眼淚　眼淚都是我的體會　成長的滋味
oh 眼淚　忍住眼淚不讓你看見　我在改變
孤單的感覺　你從不曾發現　我笑中還有淚
oh 眼淚　眼淚流過無言的夜　心痛的滋味
oh 眼淚　擦乾眼淚不讓你看見　曾有的眷戀
眼淚是苦　眼淚是傷悲　眼淚都是你

>>October 21, 2006 at 3:00:25 PM GMT+8

2006 年 10 月 19 日 星期四 【晴】

因為琴日放左一日假，今日要突破返工，真係覺得幾辛苦下，尤其係好早就要起身返工．．．今朝又塞車塞到死死下，真伙好乞人憎架．．．今日都尚算好平安咁渡過左一日，真係感謝神！雖然今日既心情都曾經有所波動黎，even搭車返屋企時既心惰都幾差下，不過，．．．我都知道我唔可以再係咁樣落去，我要堅強一點去面對事情．．．

話咁快今日又要開始填下個月既更表．．．唉，下個月係佢生日喇，我真係好希望可以有機會同福份可以繼續為佢準備同安排慶祝佢既生日．．．因為呢種pattern我已經維持左7年幾喇！我好希望可以為佢慶祝生日呢！

>>October 20, 2006 at 1:55:27 PM GMT+8

2006 年 10 月 18 日 星期三 【晴】

今日係琴日既補假，但係今日就好似平日返工咁，一早就七點幾起身喇，因為今朝早有緊要野要去銀行度攪，所以一早就起左身，同媽媽出左去屯門市中心喇．．．攪掂晒所有野之後，我地就係市中心食早餐．．．真係好耐冇試過係果個時間食早餐，同埋食一個咁豐富既早餐喇，因為平日趕返工，都係是但食個包或者蛋糕就算，有時仲唔食早餐添，因為都冇咩胃口食．．．所以今朝一下子食咁豐富，都覺得好飽呀！

後來，我同媽媽出左去旺角，因為我之前係無印買果件衫，洗左一次之後就穿左個洞，所以就拎出去換．．．跟住，因為佢無晒貨喇（唉，真係好賣，其實我好鬼死鍾意件衫架，而家冇都幾激氣下．．．），所以只有比我換番件同樣價錢既貨走．．．之後，係無印留左好一段時間，就同媽媽去左食午餐喇，我地去左鐵板超度食，好好味又好飽呀！唔知係咪勞動左一日朝，所以有少許肚餓，食左好大碗飯呀！跟住，我陪左媽媽去左金魚街買魚魚，同埋花墟度買花花．．．都幾開心丫．．．最後四點零鐘走人返屋企．．．返到屋企真係好累，好似勞動左一日咁呀！

今日同媽媽食午餐時，媽媽有問起我同佢既事．．．我都好無奈咁唔知點回應好．．．其實，我而家唔知佢點樣諗，亦沒知佢決定如何．．．而我自己卻很希望可以同佢重新開始，因為我知道自己仲愛佢，而且我好有信心去同佢一齊解決問題同面對將來．．．我好希望佢都同我有勇氣同信心面對我地既將來．．．

＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋

思念一個人，不必天天見面，不必互相擁有或互相毀滅，不是朝思暮想，而是一天總想起他幾次。聽不到他的聲音時，會擔心他。一個人在外地時，會想念和他一起的時光。

>>October 19, 2006 at 1:56:58 PM GMT+8

2006 年 10 月 17 日 星期二 【微雨】

今日本來係我rest day，但因為有線電視今日黎我地中心度攪活動，所以我今日要晨早返工．．．不過好在今日既活動十分順利，而且都好快可以完成到，所以我可以早左放工啦，四點半就可以走人囉，真係好，好耐冇試過咁早放工喇，開心．．．不過咁又點丫，咪又係返屋企，冇節目？！今日親係中心既時間，可以好好咁同新既黎centre IC傾下我地跟住既方向同計劃．．．真係好，我地傾左好多野，希望可以快D有新既改革同計劃啦．．．要努力呀！好想快D有實質既工作可以去做，唔想成日都做導想喇，好鬼死死板呀！

數下，仲有唔夠十日既時間就到二十八號喇，唉．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我愛你，根本沒有原因。不是因為你像我或者你剛好與我相反。
不是一種心理補償，不是你擁有甚麼優點，甚麼條件， 也不是因為你怎樣對我。
不要問我為甚麼愛你，如果我能夠回答，那些原因也不過是我在事後才想到的。

I love you, not only for what you are, but for what I am when I am with you.

>>October 18, 2006 at 10:53:38 AM GMT+8

2006 年 10 月 16 日 星期一 【陰】

今日我地傳說中既centre i-c終於出現喇，佢今日終於正式返工喇，真係好，好多野都可以有番多d方向喇．．．呢個新黎i-c睇黎好似都絃nice咁，係一個女仔黎既，之前聽佢講係癌症基金會度做，所以我估佢都好有係non-subvent既機構工作既經驗．．．唔，我今日都同佢傾左好多計，都睇黎幾好傾．．．希望可以同佢好夾啦，可以做多d有意義既事．．．因為而家實在太死喇，成日咪就係帶隊帶talk囉，好死悶呀，希望快d傾下未來既方向，可以令我有多少少衝擊啦．．．

今日係中心度撞番以前係city讀書既一個leturer，陳偉道．．．佢初時都唔認得我架，哈，因為佢以前一向都係記性差架喇．．．後來我同佢提起佢曾經教過我，我係佢學生，佢就好似突然間如夢初醒咁．．．雖然我知佢都係唔認得同記得我架喇，不過都好開心，好似見番一個故人咁樣，大家就好似好熟咁喇，哈．．．都幾好架，親而家同唔同既人多少少溝通，日後工作可以有更多既幫助丫嘛．．．！

～～～～～～～～～～～～～～～～～～～～～～～～～～～～～～～～～～～～～～～～～～～～～～～

要打電話給他嗎？
還是畫一張小卡片？
或是乾脆直接去找他？
他會被我嚇一跳嗎？

他會打電話來嗎？
他會想我嗎？
他會寫信給我嗎？

還是他根本就不在乎我？

花為什麼不香了？
風為什麼不吹了？
我為什麼老是感到心神不寧？

難道他真的不想我嗎？
要打電話給他嗎？
還是畫一張小卡片？

還是．．．

>>October 17, 2006 at 12:13:34 PM GMT+8

2006 年 10 月 15 日 星期日 【陰】

她緩緩走向湖心，水有一點冰冷
她想要去弄清楚，一些無法確定的事情
她不曉得她心中那些不確定的感覺
是真的不確定，還是因為她自己的不確定，
所以才變得如此不確定
如果是因為她自己的確定，才會攪得一團糟，
她該如何確定那些不確定？
如果是因為別人的不確定，她又該如何和那些不確定取得確定？
水真的很冷，她一直發抖，她快要無法呼吸了！
她只能確定一件事，
她要慢慢走回岸邊．．．

>>October 16, 2006 at 3:32:32 PM GMT+8

2006 年 10 月 15 日 星期日 【晴】

今日好忙呀！朝早返工因為遲左出門口，所以遲到，趕到我死死下．．．返到去做左一陣野之後，又趕住十一點當出去食飯，仲要十二點半前要食好；跟住又趕住同個同事一齊入去元朗一間學校度攪活動；完左活動之後又要趕番出去金鐘office；坐左一粒鐘唔夠，我就要趕落去中心度，因為今日唔夠人手，我要落去幫手睇中心；落到中心，因為d信趕住出街，所以又係咁要入信，整到人都傻埋，不過好在臨收工前十分鐘入好晒．．．嘩，總知一句講晒，今日超趕超忙啦．．．所以今日都幾充實下架．．．

～～～～～～～～～～～～～～～～～～～～～～～～～～～～～～～～～～～～～～～～～～～～～～～

棉胎當中的那是棉花　柔軟它仿似你的話
在腦海中收藏　經了幾多冬夏　卻又更牽掛
*棉胎的一生極為長久　而你未為我可逗留
我既伸出兩手　亦已閉起雙眼　等待你入被窩
每一深宵偷想你之前　人沒法獨個好好入眠
身貼著棉胎手掌輕靠耳邊　憶你用床單弄指尖
每一清早醒了極令人沉痛　始終不太懂
我仍忘不了當天我和你怎相擁　棉胎中放縱
我仍忘不了當天我和你怎相擁　棉胎中失控

>>October 16, 2006 at 1:30:04 PM GMT+8

2006 年 10 月 14 日 星期六 【陰】

今日都係要返工，十分感到疲累，可能琴晚一來訓得唔好，二來今日又係做埋d工廠既工作，係咁整d信，整到我人都呆晒咁，好累好累．．．

好在lunch time時爹地媽咪同妹妹返完教會，順便黎搵我食飯，我地去左灣仔間波士頓餐廳度食．．．都有好一段時間冇去過呢間野食喇，記起上一次去好似係某年既聖誕節．．．今日我地食左個好特別既扒，叫做火焰串燒牛柳！原來呢道菜係源於六十年代架喇，上台前d牛柳係插住係一條鐵狀串燒上，另外串燒下面有個盤，盤內放左一d酒係度，waiter先點火，燒著d酒，繼而將d酒灑上去d牛柳同配菜度，自自然d牛柳同配菜都著起火黎，再放係個‘鐵板上面燒，真係燒到磡磡聲架，好勁，都幾驚下架，因為真係幾大火．．．不過真係好好味呀，d牛柳仲帶有d酒味，好香好嫰！當然，我地唔只食呢樣啦，仲有食其他野既，總知係好飽好好味．．．但係今餐確實又唔太貴，四個人都係二百蚊，都ok啦！哈，因為係爹地請嘛！

下午返到公司又係繼續果d沉悶既工作，好不容易才渡過左呢段時間．．．我發覺自己呢兩日好像看化了一些事咁，尤其係對於他的性格及需要有一些新的見解同感受，我開始了解為什麼我們會發生誤會及問題了．．．我真的很希望他可以給我們一個機會重新開始．．．以一個新的方式再次戀愛！不知道他是否願意呢？我已經隨時ready去接受這個挑戰的了．．．你呢？

>>October 15, 2006 at 11:37:23 AM GMT+8

2006 年 10 月 13 日 星期五 【晴】

今日返工好似返左工廠咁，因為有一批信趕住要寄出去，宣傳黎緊十二月既teacher seminar，所以我都要幫手整d信啦．．．無所謂啦，講真橫掂我都冇乜野做呢，咪幫下手囉．．．咁就攪左成日喇，都仲未整晒添呀！

放工之後入左屯門市中心同屋企人食飯，因為我同妹妹打算我地兩個都有份新工，又出左糧，所以諗住請爸爸媽媽食餐好既，所以我地去左流金歲月度食．．．真係好好味，又好飽呀，d野食唔錯呀，價錢都唔平啦，我地食左成五百蚊呢．．．不過值得既，爸爸媽媽開心最緊要啦，係咪？

今朝早我突然心血來潮，想起了alan曾經送過一條頸錬比我，呢條頸項係我之前提及pink box既手錬同介子一齊買既，我當時忘記左佢既存在．．．我今朝就係突然想起了它．．．所以即刻搵番佢出黎，帶左上身．．．當時感覺很好，因為這條頸項係好特別，個吊咀係由一個大既心同一個細既心做成，而個細心係疊住係個大心上邊架，果時佢話，個大心代表佢個心，細心當然就係代表住我個心啦，我地會永遠疊在一起的．．．所以帶起它時有一種好窩心既感覺，好似感覺到佢係我身邊一樣．．．

唉，真係好掛住佢呀！！我真係好希望我個細心可以繼續留住係佢個大心上邊，永不分離．．．

>>October 15, 2006 at 11:37:50 AM GMT+8

2006 年 10 月 12 日 星期四 【晴】

這一次我執著面對 任性地沉醉
我並不在乎 這是錯還是對
就算是深陷 我不顧一切
就算是執迷 我也執迷不悔

別說我應該放棄 應該睜開眼
我用我的心 去看去感覺
你並不是我 又怎麼能了解
就算是執迷 就讓我執迷不悔

我不是你們想的如此完美
我承認有時也會辨不清真偽
並非我不願意走出迷堆
只是這一次 這次是自己而不是誰

要我用誰的心去體會
真真切切地感受周圍
就算痛苦 就算是淚 也是屬於我的傷悲

我還能用誰的心去體會
真真切切地感受周圍
就算疲倦 就算是累 也只能執迷不悔

>>October 13, 2006 at 3:04:15 PM GMT+8