2006 年 7 月 13 日 星期四 【雨】

今日好好玩，放工之後去左上普通話堂，本來諗住約男友早少少去市中心果頭行下先跟住先返學，點知男友一來好累，二來我又MISS左班村巴遲左返屋企，所以最後都冇約到．．．之後去左上堂，今日係尾二果堂喇，今日極之少人上堂，好似得十三個人咋．．．其實都唔錯，少人D好似上堂好玩D咁！

上完堂之後男友送左我返屋企，佢原來拎左兩枝香檳過黎，所以我地等埋爹地返到黎之後一齊開左去飲，又傾又笑又食又飲，好開心．．．後來等埋妹妹係澳門返黎，一齊睇佢買左咩手信返黎．．．最後我都而家成兩點先至訓喇．．．好啦，要訓喇．．．

>>July 16, 2006 at 2:13:49 PM GMT+8

2006 年 7 月 11 日 星期二 【晴】

今日男友佢放假呀，所以我放工就梗係要陪一陪佢啦．．．我地出左去深水埗果頭，因為男友個同事話果邊有一D賣行山衣服既平舖頭，所以我地都特別去行下睇下有冇好野買．．．其實我星期一果日已經買左一條快乾褲，因為星期日會同男友去石梨貝果頭PRE-TRIP呀，所以梗係要做足準備啦．．．

我地係深水埗都有買到野呀，我就買左件衫，同男友係同款架，一於玩情侶裝啦．．．而買左仲多左一條褲添，真係好抵買架．．．之後我地就去左旺角，我仲係花園街買左個袋仔，可以用黎平時放飯盒返工，好靚架，係貓貓黎架．．．之後我就去左男友屋企度喇．．．

>>July 16, 2006 at 2:09:47 PM GMT+8

2006 年 7 月 8 日 星期六 【晴】

哈~ 今日都訓返夠本先至起身，因為近日實在太過唔夠訓喇，成個人既精神狀態都好差．．．

今日下午同左媽咪同好妹妹去行葵芳，因為都同媽媽好耐冇行過街街喇．．．媽媽就買左好幾件衫，而我就只係買左一件外套．．．都幾靚架！

之後我約左男友出去旺角拍下拖行下街食下野喇，都幾開心架，因為之前都有一段日子冇見男友喇，所以特別開心啦！

唔，聽日又要繼續返工喇，真係好辛苦，日日都要開OT呀！唉．．．

>>July 16, 2006 at 2:04:12 PM GMT+8

2006 年 7 月 3 日 星期一 【綿綿細雨】

哈~已經有一段好長既日子又冇寫日記喇．．．因為都唔知點解無啦啦又開唔到個網記，而且又打唔到中文喎，所以都轉移左去我msn既網頁度寫野．．．

不過唔緊要，既然而家冇事喇，可以繼續係度寫喇．．．

近排都幾好，可能因為七．一放左幾日假，所以好relax，玩到盡．．．不過今日開始返番工喇，真係好唔習慣呢！又要早起，又要做野，好辛苦喎．．．．加上我決定八月尾參加男友中心攪既交流團，所以我要努力儲鐘，要儲夠十五粒鐘呀，好慘呢！要由今日開始日日開IOT至少一粒鐘先得囉．．．唉！

呢幾日放假好開心，因為順便去SHOPPING下，因為太耐冇去買過野喇．．．呢兩日真係洗左成千蚊喇，好傷．．．不過買左好鍾意既新衫同新鞋．．．我又要轉新LOOK新形象喇．．．難得而家返工可以點著都得，頭髮點整都得，仲唔玩盡佢咩？

唔，聽日要繼續返工喇．．．其實好想快D轉到工！近日都繼續努力搵工，希望快D有回音啦．．．

>>July 4, 2006 at 2:41:09 PM GMT+8

2006 年 6 月 24 日 星期六 【晴】

琴日同今日都好乖咁ot左粒半鐘呀，因為都冇野好做，而且精神又可以既，咪ot多d啦！要努力儲多d鐘呀，而且仲有成十幾粒鐘要儲，好可憐呢！唉，幾時先至儲夠呢？

>>August 6, 2006 at 10:38:04 AM GMT+8

2006 年 6 月 21 日 星期三 【晴】

I have long long time havnt written my diary la....as i am really tired in those days and also my computer is "dead" for a long time....moreover, i cant open this web too, so havnt written for a long time...

in this two weeks, i have much thing happened...some are happy and some are sad....um...i think i still have much things to be considered and thinking.....so tired actually....

i dont know why sudden cant type chinese in this web, so "ma fan"

>>June 22, 2006 at 3:23:41 PM GMT+8

2006 年 6 月 6 日 星期二 【雨】

今日有間agent公司打黎叫我聽日去見工，初時都好奇怪間公司係咩公司，因為我記得我好似琴日冇send過一封信係做sales consultant既，後來返到屋企睇清楚，先知道原來份ad都唔同果個agent講既野既，而且間公司係做商業資產管理，簡單黎講即係做financial planner啦．．．其實我唔大興趣做呢d囉，而且係要sale人既．．．唉！但係屋企人同男友都叫我去見左先，尤其男友認為財務管理呢行係好有發展空間．．．我唔知呀！因為都唔太喜歡sale人既．．．唉，聽日見完先算啦．．．．

>>June 7, 2006 at 2:49:32 PM GMT+8

2006 年 6 月 5 日 星期一 【陰】

今日繼續好努力咁寫信．．．希望可以有回音啦．．．．

同時，都希望表哥果邊會有回音，因為都想試下做merchan呢！因為都覺呢行會有發展空間多d嘛！

今日放工搭車返屋企時同個好姊妹傾電話，得知佢既男友病情開始嚴重同反覆．．．唔，要為佢地祈禱，希望佢冇事啦，快d好番就好喇．．．因為我知道我好朋友佢十分擔心，而且佢又面對新工作，一定好大壓力．．．希望神可以繼續眷顧佢地啦！

>>June 7, 2006 at 2:46:04 PM GMT+8

2006 年 6 月 4 日 星期日 【陰】

今日仍然係十分眼訓，因為呢幾日都係早起夜訓，好辛苦，今日繼續恰眼訓囉．．．哈！

今日返工都幾hea下，成日都做一d我唔想做既事，真係好無聊好唔積極呀！好想走人呀！好辛苦囉．．．呢度既人和事都好差，工作環境，福利唔好，同事工作態度差，成日掛住放假．．．唉！真係一潭死水囉．．．

今日上網有睇工，但係好似唔多合心水．．．唉～點算呀！爹地琴晚又鵝我黎喎，好煩呢！

>>June 5, 2006 at 1:55:06 PM GMT+8

2006 年 6 月 3 日 星期六 【陰】

今日好乖返左教會，因為今日係我地聖光堂堂慶七十九年．．．嘩，好耐呀！其實我地教會真係有好長歷史架喇，唔只七十九年架，因為之前有兩次事件發生令要搬，但係都影響唔到神既感動．．．

完左祟拜之後去左灣仔果頭聚餐，好好味，食左好多野，仲好開心，爹地仲有表演唱歌添，哈！

跟住我地係灣仔行玩具街．．．但係得知呢度就黎要拆喇，真係覺好可惜呀！唔，真係要再去多幾次懷念下．．．

後來夜晚我去左男友度，佢陪我行左陣元朗，因為好耐冇行過元朗喇．．．男友仲買左小禮物比我之外，佢好好人，因為我近日超級赤貧，佢比錢我去增值八達通囉．．．唉！快d出糧啦，好慘好赤貧呢！

>>June 5, 2006 at 1:56:36 PM GMT+8