2006 年 4 月 1 日 星期六 【晴】

今日同左屋企人去左飲茶茶，之後就繼續我既執屋大行動．．．真係好辛苦～

之後夜晚就去左會男友，因為我地約左個朋友係元朗食飯，之後順便上埋男友屋企玩啦．．．

唔，聽日約左個好姊妹出黎食飯，因為要比d芋頭酥佢呀，要快d比添丫，如果唔係壞左就死喇．．．

>>April 4, 2006 at 12:11:33 PM GMT+8

2006 年 3 月 31 日 星期五 【晴】

哈，今日係愚人節，但係我就冇去愚人喇，哈～

今日聽新聞知道台東果邊有地震呀，個個朋友屋企人都恭喜我地琴日已經返左香港，否則都擔心死我地．．．我自己都覺好好彩呀，我估邊個都唔想自己面對咁恐怖既情境卦．．．

今日就繼續執埋琴日未執完既野，順便因為要放新買番黎既衫同鞋，所以順便同d鞋同衫轉季．．．嘩，執左好鬼耐，真係死人呀．．．d衫拎晒出黎放晒係地下既地蓆度，簡直好似人地擺街擋咁：喂，十蚊件十蚊件任揀．．．哈！

>>April 4, 2006 at 12:08:38 PM GMT+8

2006 年 3 月 30 日 星期四 【晴】

嘩~ 終於落左機喇．．．好累呢．．．因為拎住好多野行番黎屋企呀！好在妹妹佢係碼頭度等我，幫我手拎野，如果唔係行死我喇．．．

哈，返到屋企個感覺幾好，即時有想休息既行動．．．但係因為有太多野要執喇，都要執下先啦．．．而家執左好多架喇，但係因為真係太累喇，真係死人！所以都係聽日起身先至算啦！

>>April 4, 2006 at 12:05:01 PM GMT+8

2006 年 3 月 26 日 星期日 【雨】

今日係媽咪生日，在此我祝佢生日快樂！身體健康！心想事成！青春常駐！

琴晚已經好有旅行心情，好心急咁已經開始左執野，因為星期六都已經幫左男友執野喇，都到我自己啦，哈．．．

唔，聽朝要一早六點起身呀，因為早機．．．希望有個開心愉快既旅程，仲有要食好多好野，玩好多野，同埋買好多正野啦．．．．

仲有，聽日係妹妹既生日，在此預祝佢生日快樂！所有既final project成功順利啦！身體健康！

>>March 27, 2006 at 8:51:41 AM GMT+8

2006 年 3 月 25 日 星期六 【雨】

因為我星期二一朝早要出發去旅行喇，而媽咪聽日生日，妹妹佢又星期二，所以唯有我親身去買個靚蛋榚，同佢地今晚一齊切蛋榚啦．．．

個蛋糕好好味，大家都食得好飽呢．．．真係開心喇．．．

在此預祝媽咪同妹妹生日快樂！

>>March 27, 2006 at 8:47:25 AM GMT+8

2006 年 3 月 24 日 星期五 【雨】

唔~ 今日朝早去左見工，因為個工作範圍同個人工offer太差喇，所以都唔洗諗囉．．．

至於果三份工．．．我都諗左好耐，同屋企人都討論過，男友又比唔到咩意見我，佢諗既野都係我考慮既野，唉．．．媽媽身邊既朋友都叫我做郵局份工．．．其實我唔係受人影響，只不過我都覺自己較為適合大郵局呢份工．．．雖然人工少好多，比以前少成四千蚊呀，所以之後生活艱難好多喇．．．不過呢份工既返工時間較彈性，我可以讀書．．．而家要好好開始儲錢喇．．．

>>March 27, 2006 at 8:44:47 AM GMT+8

2006 年 3 月 23 日 星期四 【雨】

唉，今日好頭痛．．．今朝早有間公司打黎叫我去見工，咁樣下午就去左，之後人地就話要請我，而且人工都不太差，我仲覺得發展空間一定好大添．．．但係我知道呢份工未必係自己可以做得到，同埋未必係自己理想既野，加上自己對呢份工信心不大，所以真係好矛盾．．．

跟住又有一份今日打黎叫我10/4返工，但係人工就差少少，工作範圍就冇咁重，但係返工時間較彈性，我可讀書，但係之後日子就難捱喇，少左咁多錢，真係成幾千蚊．．．

另一份都有發展，人工不太差，但係返工時間唔好，我會讀唔到書囉．．．

唉，好叉煩呀．．．點好呀．．．．冇工時又擔心，到有得揀時又煩．．．唉，好犯賤

>>March 24, 2006 at 3:54:23 PM GMT+8

2006 年 3 月 21 日 星期二 【陰】

唔，今日同埋個舊同事一齊見工，個感覺真係怪怪地咁，大家又係惜日既戰友，但係而家變成了敵人．．．真係諷刺呀！

點都好，都已經完成左，個結果如何就要睇下神尸１點樣安排喇．．．

今日見完工之後就同個舊同事一齊嘆番個tea，傾下以前既往事之餘，又傾下大家既前景大計．．．佢諗住七月去澳洲呀．．．唉，我諗都係一件好事黎既，去一個新既地方重新開始自己既生活係一件好事，我都會祝福佢，希望佢快d儲到錢，快d去到澳洲啦．．．

之後我又順便去埋交埋旅行既尾數，開開心心等去旅行啦．．．

>>March 24, 2006 at 3:23:41 PM GMT+8

2006 年 3 月 20 日 星期一 【陰】

真係好，今日旅行社果度通知左我可以去交埋d尾數，我而家更加有旅行心情喇．．．希望快d到下個星期啦．．．

今日男友幫我去左工聯會度報左個普通話課程，因為我地都覺得自己既普通話真係好唔得．．．希望唔好太悶啦，因為之前有個朋友讀過話悶到發癲．．．

唔，聽日要去見工，剛剛先溫過書黎．．．希望聽日有好表現啦，見完之後或者同個朋友去食個tea聚下舊先．．．

>>March 21, 2006 at 1:12:28 PM GMT+8

2006 年 3 月 19 日 星期日 【晴】

唔~ 今日d天氣好似好差咁，四圍都煙霧彌漫咁，又有d涼涼地咁，攪到個人既心情都唔多好呢．．．

所以今日好乖，成日都留左係屋企呀，係後來打左幾封信出去咁啦．．．

今日同個舊同事傾電話，先至知佢原來同我一樣星期三去見同一份工，而且大家仲係同一個時段見囉．．．初頭真係有少少矛盾架，因為同個朋友一齊見工喎，加上個朋友之前提過唔多想去見呢份工．．．但係我做朋友既唔通鼓勵佢唔去咩．．．雖然我有少少自私咁諗，佢都有份工係身，而我而家冇，佢理應要讓我既，不過我真係大唔出囉，哈．．．

點都好，自己努力啦，即使個朋友唔去，我始終都會面對好多既競爭者，多一個唔多，少一個唔少啦，係咪？

>>March 21, 2006 at 1:09:35 PM GMT+8