2006 年 10 月 12 日 星期四 【晴】

今日放假，早上同樣地好早已經醒左喇，我又回復番初時同佢分開果時既情況咁，又係因為發夢，之後醒左就訓唔番喇！加上妹妹同媽媽一早就出門口返工同去做gym，我都被佢地嘈醒左．．．跟住上網同左兩個朋友傾msn，一個係涼芬芬，我好開心琴晚收到佢既email，令我好感動．．．好多謝佢呀！另外都好開心可以同一個舊同事，xen xen傾msn．．．好開心見到佢呀．．．佢聽日生日喇，所以係度先祝佢生日快樂！健康幸福！心想事成！越來越靚！啦．．．

下午同左媽媽出去荃灣飲茶，因為媽媽約左從美國回來的姨丈同二舅母飲茶．．．我都係陪坐架咋，算啦，橫掂冇野做，咪陪下d老人家飲下茶啦．．．跟住就同左佢地行下荃灣咁，咁就行左好幾個鐘喇，媽媽就shopping，買左好多野，我都係陪佢行下街啦，我都冇咩心機行．．．往往每行經一d我同佢去過既地方，見過既一d事物，曾經一齊做過既事，我都特別想起了他．．．真的好掛念他．．．我好希望可以與他見面吧！我亦希望佢願意見我一面大家好好傾談吧．．．

返到屋企，見到貓貓波波，心情好番好多．．．我成日都覺得佢係好有人性架，因為每逢我放假，我通常心情都較差，有時仲會喊添，但係波波佢好似好有性咁，每次見到我唔開心同喊，佢就好自然行左去我身邊，坐係度或者訓係度，用好可愛既眼神望住我，好似想話我知佢會係我身邊陪住我咁，叫我唔好唔開心喇．．．有時我同佢講野，佢都會望住我同耳仔郁郁咁架，所以我知道佢係聽緊我講野，佢唔多唔少都聽得明架，真係好窩心．．．有時我問佢：波波，你有冇掛住alan哥哥呀？佢好似明白咁，都會用好特別既眼神望住我，好似知道我好掛住alan咁！其實真係好warm架，因為起碼果一刻你知道你唔係得自己一個架！

>>October 13, 2006 at 1:49:44 PM GMT+8

2006 年 10 月 11 日 星期三 【晴】

今日返工都冇咩特別，只係下午果時攪掂晒所有野之後，同左同事傾開計，我又再次想起了他的事情．．．當時那一刻，我頓時感到很窩心的感覺，突然有一鼓溫暖從心中走出來．．．但是，這種感覺很快便走了，繼而是感覺到一遍的孤寂，毛孔亦突然幢了起來，亦跟住打了個冷震．．．這種感覺真的很差很差！我唔知點解會有咁既感覺，是什麼的啟示呢？是否代表了：這些窩心的感覺將”光陰不再”的了．．．我很驚，開始對這一種感覺產生了恐懼．．．

～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～

一天一點傷心過　這一百數十晚
大概也夠我　送我來回地獄又折返人間

>>October 12, 2006 at 12:16:58 PM GMT+8

2006 年 10 月 10 日 星期二 【晴】

今日係放假天，今朝早好早就醒左起左身，之後．．．心情很差，又哭了幾千遍．．．算吧，這種生活我大概已經習慣了，每逢是放假的日子，我都總是特別想他，掛念他，很想見他，總是想起很多他的事．．．

到了下午，我把心一橫，去了剪頭髮，希望可以剪斷一些不愉快的感覺．．．但是，這樣真的可以令自己愉快些嗎？真的可以忘記一切不愉快的事？甚至讓我忘記了他？．．．．我知道我是不會忘記他，以及不會忘記所有與他有關的一切，包括快樂與不快樂的事，我都永遠會記著．．．！我是不會放棄的．．．

剪頭髮回家後，我便一次過看了女王教室的兩個特別版．．．在劇集當中，阿久津老師為了達到自己既理想，為左要令身邊既學生可以順利地成長及學習，佢不但付出一切，包括時間，精神，甚至係生命．．．當中她亦提到，要身邊既人去愛你，首先你就要懂得去愛你身邊既人，讓佢地都感受到你對佢地既愛，自然對方亦都會真心地去愛你．．．所以，我要好好反醒自己曾付出過的愛！為什麼我所愛的人他不再愛我？是我愛得他不夠？或是我實在是太愛他，令他感到更痛苦？．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

但在這一刻，我明白到．．．
當遇上一個自己真正愛既人時，就要好好珍惜，無論當中曾經發生過咩野問題，都唔可以放棄，因為只要係你愛佢，問題自然都可以解決得到！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

距離28號還有16日零3小時．．．真的希望他真的記得他承諾過當天是會找我的．．．我很希望可以與他見面及詳談．．．

>>October 13, 2006 at 1:49:59 PM GMT+8

2006 年 10 月 9 日 星期一 【微雨】

之前咪講過我整到隻手既．．．而家個傷口都開始埋口喇，不過．．．始終傷痕仍是很深，仍是存在．．．傷痕就好像我心中既傷痕一樣，不能磨滅，很深很深．．．或許會成為一生中既遺憾同傷痕，是永遠都不可以去除的．．．

究竟我的傷何時才會消失？何時才可以痊癒？他會回來幫我療傷嘛？何時才可以等待到這一天的來臨？．．．

我這一刻只知道．．．我很需要．．．你！

～～～～～～～～～～～～～～～～～～～～～～～～～～～～～～～～～～～～～～～～～～～～～～～～
可不可與你放膽嬉戲
忘掉日與夜那些限期
不管身邊幾多無聊道理

手拖手與你演齣好戲
遊行直到夜晚多淒美
爭取這一次 走幾千百里

沿途留心 掌心的知覺也著緊
我認我認我愛得太過份
人群漸近 想改寫你我命運
任天塌下亦前行 哪怕你說我天真

*憑我徹底的勇氣 愛是最大權利
不理場面不偉大 我共你始終同遊生死
還有哪一種結尾 花光一切在乎你
沒有想過太多 我只需要你*

路到盡頭也置之不理
寧願為愛著你不捨棄
爭取多一次 我身邊有你

沿途祈禱 始終一天我會望到
你是你是我的所有態度
無從預告 多曲折每斷路
路中幾多的勸告 我怕我會聽不到

憑我徹底的勇氣 愛是最大權利
不理場面不偉大 我共你始終同遊生死
還有哪一種結尾 花光一切別嫌棄
若已想過太多 我只知愛你

>>October 11, 2006 at 12:26:51 PM GMT+8

2006 年 10 月 9 日 星期一 【微雨】

今日返工心情都係一般啦，都冇咩特別．．．係後來同d同事傾開計，講開一d讀書既事，講講下又想起左好多佢既一d事件，當然呢d事都係佢以前話我知架啦．．．唉，唔知我仲有冇呢種福份可以再同佢一齊分享佢往後既每一件事件呢？我好希望我可以與佢繼續分享同分擔各樣東西．．．

聽日本來係要開ot既，因為之前有線電視麻鬼煩，本來約左4號黎又冇黎到，後來改黎改去改左係聽日，點知今日又打黎話又要改，最後再改多兩次添，而家下星期三先至黎攪活動．．．好煩囉．．．所以聽日我繼續放rest day．．．

>>October 11, 2006 at 12:25:41 PM GMT+8

2006 年 10 月 8 日 星期日 【陰】

距離28號仲有唔夠19日，正確黎講係．．．仲有18日零兩個鐘就到28號喇．．．唉．．．

今日心情有如天氣一樣，都是灰灰沉沉的，成日好似想落雨咁，就好肉我成日想喊咁．．．後來，與一位好朋友傾電話，傾完後可能講左好多心事出黎啦，個人就舒懷左少少．．．

今日下午都比較忙，因為要帶隊參觀．．．後來因為中心唔夠人手，我都要落埋中心幫手睇場．．．不過我都鍾意咁樣既，因為分分鐘可以早d收到工嘛，只要我快手收到館，就可以早到少少收工架喇，所以我都喜歡臨收工時係中心渡過．．．

>>October 9, 2006 at 1:46:57 PM GMT+8

2006 年 10 月 7 日 星期六 【晴】

因為琴日臨時老細要我黎緊星期三返工開ot，所以攪到我今日臨時臨急去整d野，準備d野，真係好煩．．．最死係個新黎老細都唔識得做老細架，連兩個馬仔都武唔掂，反而比佢地玩番轉頭，唔肯星期三返工，真係死，而家得我一條友返咋果日，好麻煩．．．不過算啦，見到老細蹉慘係度求我返工，唔通連我都唔幫佢咩，我點可是咁衰仔架，係咪？佢都算係欠我個人情架喇．．．

今日下午媽咪同妹妹黎左我中心附近約我食飯，嘩，估唔到星期日既金鐘都人山人海，搵左幾耐先至搵到個地方食飯，仲等左陣位添．．．好在後來我地都食得好快，仲有時間可以行左一陣添．．．跟住放工我就join左佢地係尖沙咀行左陣街，因為今日爹地去左飲，媽咪唔打算煮飯，所以索性係出邊食埋先至返屋企啦．．．嘩，而家個人好死累呀！

不過今日係尖沙咀即使見到幾多靚衫靚野我都冇心機買野呀，唉．．．見住媽咪妹妹瘋狂去買野，我竟然一點動搖都沒有．．．唉．．．真係好冇心機囉．．．有時見到街上眉情侶，我真係好羨慕佢地，可以同自己深愛既人一齊行街，食飯，攬攬．．．我真係好掛住以前同佢一齊既日子呀．．．幾時先至可以見番佢呢？今日已經係八號了，即是仲有二十天時間．．．二十天，話長不長話短不短的．．．但日子真的很難過吧！

>>October 8, 2006 at 3:28:50 PM GMT+8

2006 年 10 月 6 日 星期五 【晴】

今日又是工作天，返到中心都沒有特別工作做，初時心情仍然如常地低，亦由於昨晚訓得不是很好，所以今日成日都感到很疲累，黑眼圈亦大得恐怖吧！

本來今天是約了位朋友吃午飯的，後來都因為沒有心情及沒有胃口而取消了．．．近日的胃口越來越差吧，我又再輕了，現在共輕了八磅！再是這樣下去，不但我的病一直未能痊癒，連得的身體亦不會好．．．我其實是很擔心這情況繼續下去的，但無奈的是我總是沒有胃口吃東西吧！當心情一差時，美食當前都沒有胃口去吃．．．真的不像我吧．．．認識得的人一向都知我喜歡吃甜的東西，可惜現在見到甜的東西都沒有心情吃，即使吃都覺得沒有甜味吧，好像淡而無味的．．．

近日我一時平靜一時大哭的情況已經見慣不怪的了，但是，我真的感到很辛苦，這樣的生活真的很難受吧！我常同自己說，你不可以再是這樣的了，但是，每當．．．每當我想起他，想起關於他的一切，想起28號．．．我就不其然地很想很想哭．．．哭了，或許那一刻好像舒服了點，但又是仍然傷在心中痛在心中吧！還有二十一天呢．．．真的很期待當日可以與他見面傾談．．．

>>October 7, 2006 at 10:53:03 AM GMT+8

2006 年 10 月 5 日 星期四 【晴】

今天是中秋節，在此祝大家中秋節快樂！人月兩團圓！記緊要珍惜眼前人．．．我就沒有福份了，很想珍惜的一個人卻已經離我而去了，或許佢以後都不想再見到我吧！

今日心情突變，朝早媽媽問了我一個問題後，我就一直情緒很差，亦經常豪哭起來．．．我更有壞的念頭出現了．．．我對不起所有愛錫我的人，我亦曾經怪責及質疑我一向所敬愛的神．．．我錯了，我今天很錯了．．．

在這天應該人月兩團圓的日子，我卻沒有機會與他人月兩團圓，我感到很失望，很孤寂，很痛心．．．回想起過去七年裡曾經與他一起渡過的中秋節，真是又愉快又窩心．．．今晚與家人吃飯後去了行蝴蝶灣及海濱公園，我一路行一邊回想起我亦曾經與他踏遍這裡很多次了，我們過往很喜歡在這裡拍下拖，吹吹海風，更有看過日落，談過心事，一起看下海浪，望下天睇下星．．．．無窮無盡的回憶突然出現了，很窩心的回憶．．．突然間很想念他，不知道我還有沒有機會再與他重遊這地，一起看海看星談心事呢？正所謂：雖然舊地仍在，但是人和事都已經與昔日的不同了．．．唉！真的很想念他，很想見他．．．

還有二十多天時間才到28號，真的不知道當日會如何．．．他真的會聯絡我嗎？他會願意與我見面詳談嗎？他最後的決定如何呢？．．．有很多預計不到的情況湧現在我眼前，我敢到很驚很擔心，好像所有東西對我來說都是一個unknown．．．我從來都沒有嘗試過這一種的恐懼吧，我不知道自己能否捱得過這段日子！

>>October 6, 2006 at 2:51:29 PM GMT+8

2006 年 10 月 4 日 星期三 【晴】

頭先先至發現原來我今日整傷左隻手，個傷口都頗傷的，是失去了一片皮膚．．．後來諗諗下先至記起我好似今朝早返工果時整到隻手，當時只係見到隻手突然間又紅又腫，但係又唔覺痛，所以冇理到．．．

媽咪話我，點解隻手傷到咁樣都唔知道？比起平時，我事無大小，整親小小都會大吵大鬧的，但係今次卻係無聲無色的！唉，我相信可能因為隻手既痛已經比不起我心中既痛；手上既傷，都已經不及心中既傷那麼重了．．．所以，手既傷及痛，可以說是小毛見大毛吧，又有什麼可怕，又有什麼令我要去大驚小怪嗎？

其實而家唔兜唔覺咁，都有點兒開始痛起來．．．但係．．．又可以怎樣？傷了又如何？我所想見的人會因此來見我嗎？他會來關心我嗎？他會為我受傷而感到傷心嗎？他會因我痛而同樣感到痛嗎？．．．

>>October 6, 2006 at 4:38:37 AM GMT+8