2003 年 8 月 15 日 星期五 【晴】

今朝起身既時間o岩o岩好~
起身半個鐘之後睇棋魂~yeah!
(破埋暑假最遲起身既紀錄)

晏晝食完飯之後表姐黎左教琴
哇...乜佢仲記得晒d意大利文ga~
我諗我會考樂理果時都記唔晒,或者考完先唔記得~
今次彈一首新既歌~
佢話好多地方都用果首做bg music喎
睇個譜寫得好複雜,d音符排得好密,但彈落其實好簡單 @@

棋魂/學琴/食飯以外既時間全部玩機戰D ~ XDDD
我發覺今次電腦係偏幫玩者囉
敵人成日出d 6x%或者7x%命中率既招都打唔中我d機
我出招4x% 5x%命中率就打中
以前d機戰既情況係相反ga,
自己高命中率都打唔中敵人,敵人低命中率又打中自己 - -

夜曉阿曉打黎問數
mc以外既題目我全部慫恿佢齋寫答案...嘿嘿嘿嘿~
好彩尋日唔帶自己本野去比顧顧o者~
佢icq話我知佢尋日唔記得問我要本野 @@

夜晚有神鵰睇 ~
星期六最多卡通睇架喇^____________^v

>>August 16, 2003 at 2:16:35 PM GMT+8

2003 年 8 月 14 日 星期四 【晴】

上晝:
機戰D~ <-過左第11關先發現自己第6關漏左一隻隱藏機體 >"<
樂理功課~
今日冇做暑期作業~

下晝...剪頭髮!yeah~
終於記起有件咁既事
剪完之後覺得頭頂輕鬆左好多^^
唔駛估我個髮型係點喇,
反正我都只係剪短d頭髮~
既然出左街,就順便去買埋書啦~
去商務買剩11本
maths書*2
econ書*3
英文練習*1
physics書.練習各一
chem書,練習各一
bio書上冊
要下個禮拜至有剩番果d喎...
買今日既書用左$14xx
剩番都係textbook居多,仲有最貴(因為最厚)既maths textbook...
預佢剩番d書加埋大約$1500吧

打緊日記既時候聽到一個電話
係楊淵閉J媽媽打黎喎,
佢叫我通知我媽,要留意呢几日既報紙睇有冇關於福州個數學比賽既野
因為奧校將d資料比左唔知邊份報紙
大家~如果你地響自己屋企買開既報紙見到有關報導既話,唔該即日話我知丫
等我買番份黎睇 @@

尋晚訓覺之前到今朝,
我都諗住今日講果件一直埋響心裡面既事
但係今日下晝買完書返屋企又突然縮沙唔敢講...
我去學樂理之前一個鐘,經過一輪掙扎
終於打電話去講左件事...
究竟件事係乜?唔知道既人就等你永遠都唔知道!我唔會講架

樂理個老師痴左線
一堂個半鐘由頭到尾教晒成本grade 3...
飛左section E,F,G,H,K唔講 <-全本有12個section係教書+1個係練習
最慘係要下堂做完呢本野交比佢改丫 ><
機戰D,暫別了 ><

online到1點几至訓~
証實左病毒變種既消息係假既~

>>August 15, 2003 at 5:08:34 PM GMT+8

2003 年 8 月 13 日 星期三 【晴】

今日訓到9點至醒~
冇記錯應該係放暑假到而家最遲訓醒既一日

上晝抄左英文暑期作業既一篇作文~
原來有一篇既答案係"any reasonable answers"(冇得抄)架! ><
題目仲要係"my wish"d咁抽象既野
我會有d咩願望呀 -.-
許個願就可以得到某d野唔o岩我既性格
有d野我覺得係要靠自己能力得到至開心,
人地比既唔係唔希罕,係得黎冇意義/冇價值囉
奮鬥既過程先最滿足自己~
標題叫"my wish"唔通叫人寫自己既人生目標咩?

阿媽提我今日去剪頭髮,
但我成個下晝掛住玩機戰D唔記得左去...
仲有一堆樂理功課未做丫~死喇~
玩埋第7關就暫停機戰D,
今晚做晒本樂理grade 2佢!
(寫日記既時候我o岩o岩過左第6關)

聽日要記得去剪頭髮呀 <-機會渺茫 XD
今晚要熄機...尋晚我開mud robot開通宵
去完camp返屋企到而家都未熄過機丫 @@

>>August 14, 2003 at 12:49:56 PM GMT+8

2003 年 8 月 12 日 星期二 【晴】

今朝我7點半先醒 <-訓左唔知有冇3粒鐘
禮,ck佢地好似全部都早過我起身

食完野之後我諗住訓一陣
點知一訓就到左10點...尋晚羅既繩網票作廢lu~
好肚痛,魚幫我問d女仔羅藥 <-唔該呀魚~
冇耐豬,彤佢地就黎比粒藥丸我
但係佢地話果粒野好似係醫發燒/胃痛既...
我唔係胃痛,所以都係冇食
李曉杰又比左几粒藥丸我,佢話係醫肚痛既,咁我咪食囉
點知到下晝都未見效...佢d咩藥黎架?!?!

食左杰d藥丸後我去左賢間房玩killer
d人痴線架...毛韋淇,張志恆果d明明抽到張卡只係平民,都亂傳暗號殺killer =.=
又有時傳醫生既暗號去醫人
佢地叫呢兩樣野做"平民揭竿起義"同埋"平民庸醫"/黃綠醫生

今日梁德明sir黎左呀~^^
食飯果時我地問左佢好多有關會考同升中六既野
我又同miss wong講我做中文個暑期閱讀報告係抄自己中三上學期果份,懶得做多次
杰咁o岩問梁sir知道miss wong出年都會教中四中文
miss wong即刻同我話叫我小心...大鑊!
(暗示佢出年教4a中文?!)

下晝大家集合o係活動室,
patrick講左d訓勉我地既說話
問我地邊個對會考有信心
我舉手大大聲話:我有信心自己會失敗!
之後唱左d講離別既流行歌,
一人比10秒我地講自己要同全班同學講既野
仲有派d卡比我地寫野比d有野想同佢講既同學
我寫左d廢話比發同宋永平
因為真係諗唔出有咩好寫丫嘛><
寫卡比我既人有...賢,臻,豬
好多謝你地呀!
唱today同埋錄影果時我眼裡面有淚水想流出黎架,但我一直都喊唔出

梁sir同miss wong走左之後大家係咁影相
7月16號到而家一直都唔記得同禮影單人相...
諗起呢件事既時候先叫肥龍幫我地影左張
點解發,禮呢d最耐既fd我反而唔記得架? ><
我一直認為最fd既反而唔及d冇咁fd既人嗎?

走果時我同禮,顧,呂,zizi佢地差唔多10人一齊行
行行下彤響後面嗌我地
佢地影相影得多好多架
之後禮佢地話行商場,所以我就跟左豬,彤佢地喇
去到巴士站見到賢,臻,宋永平
成棚人一齊坐巴士,火車
賢,臻,龍響大埔墟站落車
其餘人響太和落
最後同宋永平一齊行
佢係最後一個同我一齊返去既人呀~
感動 ><

3c既最後三日就咁結束左喇
好唔捨得佢地丫><
多謝彭狗同一眾班會職員同所有幫過手既同學搞呢個camp呀!

4點几返到屋企之後,
差唔多7點都見唔到阿媽
唔捨得d同學喊完之後打比阿媽報平安
哦~原來佢帶弟弟去學游水~

副眼鏡會壓抑我既情感嗎?!
唔捨得3c既同學仔,好多眼淚流出黎
但戴住眼鏡我塊面就好難喊得出
一除左眼鏡就大喊一輪
我地要好似上一屆既3c咁中四升中五再搞一次camp呀!
彭狗要加油!

死喇...好多野未做tim...
暑假剩番20日都冇
點算一下,
完全未買過中四既書~
英文暑作既作文部分考慮緊抄答案~
中文暑期功課寫電影/電視劇觀後感 <-自知寫唔到電視劇,除非你話棋魂算係...但又冇人約我出街
樂理功課 <-顧話佢上堂果時冇教grade 3,即係我唔駛做住啦^________^
數學代表隊既感想 <-唔想+唔識寫呀...><

>>March 30, 2004 at 12:30:22 PM GMT+8

2003 年 8 月 11 日 星期一 【晴】

camp第二日~
上晝唐太走左
我同好多人都去左射箭
教果個話紅色箭既弓比較難開,藍色箭既弓冇咁硬
但我用紅色箭果把弓反而易d射到個靶,藍色弓冇一次中靶
命中率大約5箭有2箭中靶,眼界真差 @@
而且我射得最近紅心果支箭都只係中黑圈
下晝miss wong黎左
我地玩左d班會安排既小遊戲,
"森林大火"明明每一round都應該foul一半人,
但玩左几round都得3-4個老實人被foul
=.=...大伙都在作弊耶 <-我是其中之一 XDDD
跟住係玩保護要人
班會職員同miss wong用水槍埋伏我地,
我同豬,彤佢地一組,彤係要保護果個
第二個到終點不過彤濕身最少所以贏^^"
玩完呢個遊戲之後係水戰~!!!
大家都係見人就淋/射
用水槍既人少過用水煲/水杯兜頭淋人既人
好似我咁全身濕晒既人不計其數
夜晚又有班會安排既遊戲
今次問好多中一中二既問題
我發現自己唔記得晒三年既班會旅行去邊!
連中三都唔記得,未免太廢了吧...
到深夜大家都唔想訓
但冇野玩,所以最後個個都訓左,差在訓得多唔多
我去左拉登,發佢地間房玩killer
我地都係玩得好少時間~
多數時間都係發呆的 =.=
到4點几我返自己房訓左
發呆既時候拉登寫日記
寫網上日記同大家分享啦~拉登~

>>March 30, 2004 at 12:39:30 PM GMT+8

2003 年 8 月 10 日 星期日 【晴】

今日去班會camp喇~
3c相聚既最後三日~><
過埋就要正式分開喇
好唔捨得丫 > < ~

響去大學站(集合地點)既火車上面見到婷,陶,怡,妍 四粉
過左一個月,終於見返大部分同學喇^^
我同禮,ck,釗,毛毛一間房
ck盡量將d通常玩埋一齊,好fd既同學擺埋一間房
佢又同禮搞gay(佢痴纏住禮咋,禮冇理佢架)
所以佢將自己同禮擺一間房,公器私用 @@
今日係唐太,patrick同我地一齊~
d飯 食送 都ok既~
夜晚玩尋寶遊戲
兜勻晒成個營地先羅得齊d信封
我同釗跑到成身汗,勁 支力
釗話佢見到susanna喎
奇怪勒,我唔見既?
一個信封一條問題,全部都係問我地班呢三年既事,
每組都要寫中一或者中二其中一個班會職員名單
我果組寫中二
中一中二班會旅行去邊我完全冇印象(中三果次都唔記得 ><)
前兩年既班會職員名單我記得一半半,
ck,彤一人做過一次財政囉(偏偏我係調轉左,應該彤係中一,ck係中二)
主席 中一:jacky,寶雯(好多人唔記得佢) 中二:賢,豬
文書永遠都係林文婉 @@
康樂 中一係apple同埋邊個呢? 中二:毛毛,達
夜晚響杰,jacky,高軒等人既房玩啤牌,打麻雀 <-唔係發出燥音,一塊塊果d呀,ck帶左紙牌既麻雀
後者我唔識,所以佢地打果時我就訓左覺嚕
1點几訓,第二日7點半起身

>>March 30, 2004 at 12:37:25 PM GMT+8

2003 年 8 月 9 日 星期六 【晴】

今朝禮打黎問我去唔去漫畫節
有人去,咁我梗係去啦!
跟住禮打比揚揚同魚,揚揚話去左
魚就今朝已經去左會展

揚揚send左個機戰D比我
好野!^^
等有埋金手指我就玩得喇~
以模擬器同我部機既速度...
出camp+得到無限資金既金手指兩個禮拜後我應該打得爆
跟住就差唔多開學lu~
多謝揚揚~

約好禮1點半響大埔中心巴士站等
但係我同佢都遲到(即係大家都唔算遲啦~:P)
我未食晏,所以去7-11買個手卷當晏晝飯食~
禮同佢阿哥都今日去,一路上有傾有講~
我猛講響福州既野 @@

o係會場最初勁多人,我地響高達攤位睇d模型比賽作品
真係勁迫丫><
行行下淨番我同禮,我地同禮既阿哥失散左
考慮過用中央廣播嗌:"方昶義小朋友,你既家長而家o係xxx等緊你" <-今日先知禮阿哥叫咩名咋~
或者"方昶義家長,你既小朋友o係xxx等緊你"都唔錯 XDDD
到7點几先問到人借電話搵番佢

漫畫節既所有攤位都睇過晒,
勁唔鍾意唱搖滾樂條友囉
好似勇者王個獅子王凱(戰鬥中)咁樣
勁顛...嗌到把聲都沙晒
我響側邊同禮講野都講唔到

今日原來有cosplay(漫畫角色扮演) ga~
季軍果個扮digimon frontiers果隻藍色狼
亞軍扮呂布(扮果個係女仔黎)
冠軍係扮高達 =.=
講扮得似唔似梗係高達玩晒啦,
整一套裝甲包起晒自己全身就係喇嘛
juno上台頒獎果時勁多人噓佢
有三個職業fans(即係收$$既fans)舉住牌
勢力單薄呢 XD
果三個得獎者同juno影相果時,
我同禮想同juno比下身高
留意到扮呂布個女仔同juno差唔多高
我地就睇下佢落台果時同我地既身高差几遠喇
結果我矮過禮少少,禮話佢高過個女仔三吋
即係我大約高juno二吋半啦~XDDD
搵番禮既阿哥果時佢話之前juno仲有教人跳舞架~
搵上台d人全部都係女仔,仲要唔可以高過juno
咁都得丫?!

禮同佢阿哥一人買左几本漫畫,不過加埋唔夠$100
我淨係買左本game weekly <-佢封面話有機戰D既攻略所以我買,會場特價$10 @@

返屋企食完飯之後阿媽同我話下晝有個女仔打黎搵我
我問佢邊個打黎,
佢話:乜你一聽到女仔搵你就咁緊張既?果個應該係朱嘉文
我:佢icq又搵我,唔知佢做咩事丫嘛
打返比豬,佢又同我講[email protected]放出黎果堆email既事
我開左果個email都冇事喎...-.-
之後我同豬講阿媽話我聽到女仔打黎就緊張
佢話:你咁答佢丫嘛,「女仔成日都好煩架,又唔知佢做咩事要搵我喎」
我駁埋下半:特別係朱嘉文
豬冇嬲,仲話:係呀你咁同佢講啦,我真係特別煩架
XDDD

>>August 11, 2003 at 2:48:48 AM GMT+8

2003 年 8 月 8 日 星期五 【晴】

今朝早我仲響福州
尋晚我同蔡亮途佢地uno,鋤D
玩到差唔多至訓,第二朝7點起身
尋日又2點几訓,今朝一樣7點起身
所以今日當然超眼訓啦~
袁澤曦既爸爸叫我地寫低自己電話同email,等以後有得聯絡番
奧校既梁校長(女)又同我地話油麻地既奧校有間課室唔用,
我地d代表隊(中,小學)以後如果想搵地方溫書/玩啤牌之類,就可以去
響酒店去福州機場既旅行車途中楊淵釦之盚j離,佢同後面d人玩uno
搞到我好耐至訓到><

飛機上面我坐馬威同許子岳中間
因為馬威訓左,所以我一路同許子岳傾計~^^"
佢話11:40起飛,點知35分就飛
可能d人已經到齊啦~
上機果時佢話1點鐘到赤臘角機場,
但係1:20我已經望到窗出面係香港d屋村
許子岳話見到有個水塘似係大埔既船灣淡水湖 <-佢坐窗口位
我地一直以為佢條飛行路線係經新界東北架啦,
點知架機降落去另一條跑道,我地至知先前搞錯左
佢係經新界西北飛返黎既
降落之前我同佢都勁驚飛機會跌落水 @@"

坐E41返屋企
就落車時阿媽同我話今日5點要補番尋日堂樂理
返到屋企已經2:45嘍~
飛機餐當係午餐 XDDD
即刻開機啦,見到一個email係[email protected]話會剷我個acc
死喇...

總結
呢几日我地做最多既野有...
鋤D~
UNO~
搶"食送"~XDDD
葉力滺比大家認為佢係出千(我都覺)
佢響其中一鋪出牌既順序係:
先黎個34567蛇 <-袁澤曦抽到4條2,一開始冇理由出2 full或者4條2丫,所以pass
我同馮夷一人出5隻(所以唔駛炒)
葉力滺出楷磚6 7 8 9 10同花順...當然全部人都pass -o-
跟住佢3條A贏左
袁澤曦就係咁4條2比人炒13隻...成為一時佳話@@
劉家昌玩親都要諗一分鐘至出一次牌或者決定pass,同佢玩一鋪要半粒鐘囉...
甚至亂扔牌,試過楊淵鹵E一激就出2 full,成日出pair 2
5日內佢抽過3-4次同花順,勁多次3條2,甚至有4條2
但有親呢d靚牌既時候佢都唔會贏

UNO玩成點呢?
好簡單,d人成日draw 2/draw 4加牌,最後其中一個冇牌出要抽廿張囉

搶"食送"...
一日都係係條死蔡亮途搞事囉,
12隻餃子佢話得11隻,搞到未夾餃子既人搶到勁激,笑死街坊
仲有...每次比d有一個固定數量既野食(例如餃子有得計几多隻)而又有人走開左既話
就留番"n-1"件食物比佢,等大家可以睇d激烈既搶食場面 XDDD
(n係走左既人數)
同代表隊搶食我視之為一種強而有力既訓練...XD
各位同學~班會camp果時你地可以試下同我同台食飯架~

好多人比人改左花名呢~
楊淵�->楊洲�(因為參賽者名單既筆誤,但佢既參賽証同獎狀都冇筆誤)
吳廣熹->吳慶熹(之前講過點解啦)
葉力滺->醃籮柚(蔡亮途同佢改既)
馬威->horse威(又係蔡亮途)
劉家昌->昌哥(又係蔡亮途改...大家集體恰昌哥架~XDDD)

5點去學樂理
佢頭果9個字淨係講番上一堂既野,教點樣o係樂譜加rest
小學讀音樂叫你填音符我已經一直覺得有d譜既寫法模稜兩可,唔知邊個至o岩
而家佢又話考試只得一個modal answer
混帳...呢個係我學樂理到而家為止覺得最難既野
第二就係背意大利文 =.=
今次開始教grade 3,
佢上次又唔叫我帶grade 3書喎 -.-
好彩grade 3淨係教4個sharp/4個flat既major,minor
grade 2練習有好多野要抄grade 1書架...><

>>July 18, 2004 at 2:39:08 AM GMT+8

2003 年 8 月 7 日 星期四 【晴】

呢一日朝早係頒獎禮
全場冠軍係袁澤曦
佢同埋吳慶(廣)熹,許子岳三個羅一等獎
劉家昌,葉力滺,我,楊淵傢馱G等獎
我響全部參賽者既排名係18/88,香港隊排名就6/12
剩低5人羅三等獎,香港隊既成績都唔錯~
我排名高過預期係唔係因為多左d比較少出既題目呢?
以前多數都係出三角形,二次/三次方程,應用題
但今次勁少呢d題目,換左好多同"完全平方數"有關既
你地想要題目可以問我要呀~
話比大家知個頒獎既制度~
成績最好果三分之二既參賽者(全88人,2/3大約60)
以1:2:3:4既比例分發一等獎,二等獎,三等獎同表揚獎
剩番最差三分之一就比個鼓勵(分豬肉)獎佢
人人有份,永不落空 XD
參賽者名單,吳廣熹既參賽証,佢響考室入面張台,甚至佢張獎狀 全部都將個"廣"字變左"慶"
("廣"既簡體係"廣"冇左個"黃"字,"慶"係"廣"字簡體入面有個"大"字)
可惡的奧校...將d獎狀收晒去 \______/
夜晚除左一人一碗既佛跳牆之外所有野都係12人一齊搶~ XD
應該唔算違反協定啦可~
之後有d人玩uno,有d人鋤啤,玩到2點几先各自返房訓

>>March 30, 2004 at 1:34:07 PM GMT+8

2003 年 8 月 6 日 星期三 【晴】

隊際比賽...本來我係自己果組既較強果個
我竟然揀左最易既第1,2題做!仲要兩條錯晒!
賽制係:每組4個人用10分鐘時間分配8條題目比邊個人做,題號越大既題目越深
我係組入面比較強架嘛,梗係應該揀深d既題啦
揀題時冇留意題號,我就揀左自己有頭緒既題目
一條係拼圖,題目問最少切几多塊先變到另一幅圖
我做左將原圖切4塊變成佢要你砌既新圖形
比賽完後許子岳話佢諗到切3塊既方法...
另一條係一大堆分數加埋 4/5 + 44/45 + 116/117 + ...... + 1220/1221
我最後做到9 - 9/37=8又9/37
混帳!
我連加減數都做錯!
符公上身丫?
其他人多數都跟奧校去,有d跟其他機構(婷同馬威係跟聖公會去既)
楊淵傘\地去買左把$5(當然係人民幣)既玩具劍用黎做道具,
比馬威(韓厥)自殺同楊淵�(趙武)斬蔡亮途(屠岸賈)
我同劉家昌要做第一幕葉力滺(晉靈公)同蔡亮途
響高台(比張凳佢坐就算)上面用彈丸射死既行人 =.=

>>March 30, 2004 at 12:59:00 PM GMT+8