2003 年 9 月 4 日 星期四 【晴】

一開始中文~兩堂
咁快就返到去以前堂堂中文抄notes抄餐懵喇? ><
婧婧會一人派一份notes,
周sir既notes就要自己係咁抄...
唔該晒ck~
我抄唔切notes都抄番佢果d ^^"
(我成日麻煩到佢就真)

PE我地同D班一齊上
根據"以畫為喻"課文,
抒發自己心中感興既叫"文藝",
寫出黎為左介紹一樣野,
用途好實際既叫"普通文字"
即係...
鄺sir今日講果d叫"文藝" <-直接d話吹水都o岩 XD
佢話套新PE衫我地而家可能覺得樣衰,
遲d見到周圍個個都咁著就唔會咁諗喎...
好高超既"文藝創作"...－．－

econ~
mrs lo話今年考試局出比每一科既試題集只會有前1年試題,
以前出果d試題集有齊前5年既試題架
佢話學校會將前10年econ會考既題目分晒類,
整左張10年內出過同第1課有關既題目+答案比左班長幫我地影印
好野~^^
佢話舊年會考,mst econ呢科既成積係全港最好既
qc(皇仁)都唔夠mst考得好 <-econ呢科
A班有廿几個econ羅A,得一個C,其他全部B <-我想見識下C果個糯皮 XD

lunch響4b課室食~
揚州炒飯...d飯少過前几年d飯盒勁多 =.=
豬,曉,彤三個又走左黎402食
豬又係扭唔開飯盒裝 食送 果格既蓋
我留意到個飯盒唔係佢舊年用果個
乜個個呢種"型號"既飯盒都咁難開咩? -.-
豬跟住我入黎4b課室食lunch係"摟",
彤比豬更"摟",話:不如叫danny開啦~
明明豬扭郁左個蓋架喇...做乜扭唔到落去架? -.-
我開就不費吹呼之力 <-豬扮細力 -o-
我清楚記得豬試過打毛韋淇背脊發出過一野驚天動地既巨響...@@!

食完lunch仲留響4b吹水~
我提番顧要學樂理:你唔好學我上次咁唔記得今日星期五...
點知佢同我話我提佢先醒起 －．－
lui佢地比左張佢地班今日做既quiz <-睇版面安排肯定係以前既中四曾經做過既test卷!
@@...唔難做的說
我得1題要用筆寫步驟
顧,lui問左我一題佢地睇左答案唔明既數 <-我係佐為命...= =
我自己諗既時候用筆寫步驟
既然寫比自己睇既步驟,梗係越簡短越好,
我跳步驟佢地睇唔明 = =
lui講左句野,意思大約係話佢地同我差太遠
勁過人唔係問題,最大問題只係人地知我勁 =.=

返自己課室執野去chem lab既時候,
豬比左張prefect推薦表格我
-.-...本身唔想做的說
我同豬話:我諗下先啦,想淆底自然會比番張野你架喇
去lab之前就將張野塞番落豬櫃筒...XD
入去lab之後編排座位
3(賢),13(我),23(豬),30(彤)號一組 <-四個3c一組~yeah^^
pig(chem堂試過咁嗌佢,佢有應我架 XD)見到同我一組就話"好野"
我一d都唔好丫!
有病架 -.-
"佐為命"即使唔係數學科,只要用得著我就永遠有效 ><
特別係遇著豬呢種人 -o-
我n個月前既日記講過我曾經同豬話過自己考慮揀B班,
佢就極力慫恿我揀A,動機係"有野唔識會問我" -o-

maths堂...
kfc教左...一頁~
比左d classwork囉
如果佢唔會收黎睇,
我會心算計晒d答案出黎寫落去架 -o-

放學後,非3c既4a同學走晒,舊3c就開會
商量下星期五去bbq既野
決定去新娘潭,集合時間5:15(根據下一行既內容,呢個時間唔關我事)
我 登登(几時開始咁叫拉登呢? XD) 肥龍 仲有唔記得邊個 講好去霸位,果日會早d到
繼承周sir"與人方便","吃虧就是佔便宜"既精神 :P
走果時釗話我好偉大 =.=v

散會後同bobby一齊行~
講左好多野 ^^"
佢陪我去商務買書...好感動啊 ~><~
響商務買得本physics 1c
剩4本...= =

返屋企5點,弟弟個鬧鐘即刻響...
同佢錄卡通片囉~
唔知係乜都照錄 XD

樂理~
我同顧顧一齊請假 <-下星期五bbq丫嘛
...又一堆樂理要做 = =
我有几多時間呀...
剩1件功課未做(其中一個係maths classwork,太易唔當佢係一樣野! :P)

>>September 5, 2003 at 1:39:31 PM GMT+8

2003 年 9 月 3 日 星期三 【晴】

day 2頭果4堂真係超醒神丫!
晨早溜溜連續4堂催眠...
我4堂都冇訓過...=.=v

頭兩堂chem...
田田用佢把溫柔既聲線,
講左兩堂終於教晒lab rules...
龜速 = =
佢講到"do not taste anything in the laboratory"果時
3c既人都記得阿賢同平f.1舔用黎做實驗既鹽比老師鬧~ XD

第一個小息走去搵揚揚同co
佢地話個chem老師(冇記錯應該係係鄺達希)用10分鐘講完section A
有病 -.-
一個老師咁勁一個咁廢
勁果個教一班,廢果個教兩班 =_________=

phy...去lab~
尋日有人寫黑板話今日phy堂交埋未交既通告
原來淨係欠交既人今日交,
我以為仲有兩張聽日交既都係今日交埋 =.=
婷老點我 -o- <-其實佢自己都帶左d通告去lab
黃源進都唔係大聲過田田好多 -__________=
一時話會考physic好難,
一時又話好易,
都唔知佢究竟想講乜...
lab座位分組,我地果組個位勁凍
個冷氣吹到正丫嘛 ><
響4a又識多個人喇~
朱凱忻
唔知几時先識得晒咁多人呢?
而家剩番20個(cor. to the nearest 10 XDDDD)

amaths(呢兩個禮拜都係用maths書)
痴~線!
KFC玩剩半堂都唔夠先教書 <-講尋日個quiz講勁耐...
仲係教溫習舊年既indice,log果課

食飯時間...
響自己課室食 <-因為其他課室都唔見熟人,禮今日又唔食
伍嘉豪同區永恆佢地傾偈
伍嘉豪講起一句:我maths最輝煌係曹德輝教果時
我話自己maths最輝煌係符國忠教既時候呀... XDDDD
伍嘉豪聽到即刻話:唔係嘛?符國忠?!
我咪講番自己尋日日記寫果個原因囉~

英文堂mrs keating傳左張紙比我地寫自己既英文名
潘煒延,孫樂庭本身冇英文名,
兩人分別寫左miki,stephy落去...@@"

bio~
leo wong掂呀!
自我介紹話佢年齡係十八廿二之間
睇佢盤頭髮都知冇人信啦 @@
係醒喎佢!
一開始比左d舊年bio test卷,教署課程指引一類既網我地睇
佢話遲d比個網址我地喎~
仲會一人燒一隻vocab list既碟比我地
yeahyeah~

周sir極速講完以畫為喻既分析
因為佢預我地聽話睇左篇課文
雖然比唔上婧婧派notes咁好~
(遲d問禮借notes影印 =.=v)

放學同釗,jacky,bobby,高軒去新達
陪高軒要去英皇報名補習~
乜個個都補amaths既?...
高軒交表果時羅錯左學校張新生入學登記表出黎,
笑爆我地 ^____________^
睇到有個宣傳版話一個響英皇讀日校既學生會考羅23分
但英文4條dee <-唔係鋤D,大家唔好誤會...
就係bobby尋日講果個勒
學bobby話齋:我個心登時涼左一大截 =________=

>>September 4, 2003 at 12:07:20 PM GMT+8

2003 年 9 月 2 日 星期二 【晴】

第三次寫今日既日記喇...
之前衰左兩次
一次係寫太耐冇backup
一次係禁錯tab->enter...

今朝返學見到co
佢話個8號風球係3點几除下既
犀利...咁夜都未訓 = =

第一堂maths
陳國輝教呢~
佢介紹自己果時大大隻字寫住:K.F.Chan
KFC...XDDDDD
amaths同maths都係KFC教,
所以佢話會將d堂混合黎用,
我地每日只需要帶amaths,maths其中一本textbook
今日三堂佢用左超過2堂黎吹水 @@
提起自己既工作範圍果陣,佢提起過hkmo <-hk mathematics olympiad
我既左邊即刻勁多人望住我...
好驚~ ><"

英文堂mrs keating話每人都要訂scmp
一個cycle兩份...睇死人咩? ><
不過其他班都要睇scmp...

第一個小息見到早餐,
問番佢講既"沉船三寶"係田田,符公同邊個
佢話係黃源進
點解"四寶"bio既里奧王(leo wong)冇份既? <-加埋里奧王就o岩o岩好4個,所以我話"四寶"
記得之前有高form講過遇著佢教就一定要補習喎
符sir有份就真係不明所以
話晒佢對我有提拔之恩呀 XD
我中一中二只係普通雜卒一隻,到左中三我先至冒起既~
(雖則我係唔想比人知自己勁)

中文堂周sir先講左d會考策略
之後比左d圖片我地睇,問下我地問題咁
我果時一直睇緊"出師表"呢課(心血來潮)
落堂我先知佢引導緊我地睇"以畫為喻"呢課 @@

amaths...
KFC仲係用左勁多時間吹水,講maths,amaths大概係咩黎 <-呢類既野
不過我相信佢既飛書能力,所以d堂數絕對夠用有凸!
聽講佢有句口頭禪:"呢度你地自己睇得明,我唔講喇"
最尾半堂係quiz
上半係d簡單(其他人未必覺 :P)既數學題
下半係填字遊戲 = =
中間有一行既字母可以重新組合成一個數學名詞
賢事後話佢未做晒都估到係diagonal... @@

lunch同禮,釗一齊響4b課室食~
買飯果時冼澤豐仲響度,
買完飯就唔見左佢喇 @@
食完lunch我地三個去買簿
嘩...1:09去到已經勁多人排緊隊喇
我地前面既人冇左大半既時候,
顧,呂兩個至黎,話"辛苦你地喇" \_____________/
禮又會咁順攤比佢地排我地前面架! -.-"
我同顧話我見到佢個妹響前面,叫佢過去
佢死都唔信,到睇住個妹買完簿走左佢先知衰...
佢地黎插隊果時係"摟x"(簡稱"摟")
顧見到佢個妹走果時係"抵x"(簡稱"抵")...XDDDDD
(個x係粗口我唔想打出黎...)
排隊排到1:44仲未買到,甘sir叫我地走...><
結果我,釗,禮,賢(佢比顧,呂早黎插隊,我地都比佢企響度)顧,呂都買唔到簿

econ既mrs lo都教得好好呀~
最好既地方係每講一句英文都加句中文解釋 ^________^
點解豬咁重怨念想係may chan教econ既?

chem...終於知田田衰d乜 <-可能只係其中一個弱點
引用婷既一個貼切既形容:"溫柔"
太細聲喇佢 =.=
一開始佢冇羅咪上黎,
我真係寧願佢學唐太咁走落去羅,吞下pok都冇所謂
之後真係願望成真~
不過佢講野時個咀都唔對住咪,
所以同冇用咪冇乜分別

放學同平,賢一齊去買file同notebook
我屋企仲夠file用,唔駛買~
宋永平響一間文具鋪買齊野,走左
賢響果間野買左file,同我一齊去大眾買notebook
途中我地唔記得做咩事提起過鍾碧琪
去到大眾就見到佢,有咁o岩得咁"橋"?!
大眾d notebook貴過佢隔離間文具鋪几多
一樣用$28,大眾隔離果間買到兩本大過大眾買果兩本勁多 = =

6點几發打黎,英文作文唔識問我 <-佢做緊暑作
教完佢之後我地講左勁多自己今日上堂見到既野
聽佢講梁廣煒真係好睇死D班既maths
@@ 睇黎佢忽略左好多興趣同能力都適合理科,
但被踢入文科班既一群... <-發係其中一個

>>September 3, 2003 at 1:59:55 PM GMT+8

2003 年 9 月 1 日 星期一 【晴】

今日選班會~
一開始叫人提名男主席既候選人
區永恆(識多一個人lu =.=v)比3b既人篤左出黎
之後賢不甘後人提名左我 @@
反擊! 我提名番佢 XDDDD

我學唔到豬咁糯皮呀
佢比人提名做康樂+宣傳(兩個職位既工作成日重疊所以合併喎)
果時唔識得自己再提名多個人...所以自動當選
決定晒所有班會職員果時,
我就同豬拗左一輪,話佢唔想做班會職員應該推多個人出黎
ck話明晒我同豬想講乜,但豬唔明我講乜,我又唔明豬講乜
我認為:豬只要任意提名一個人同自己爭呢個職位,就要投票決定,佢未必會贏
豬講既野呢?
以我既立場就覺得豬講到亂七八糟 :P
(佢可能一樣覺得我講到亂七八糟 @@)

班會職員名單
主席:錢煒易(3b),余洛汶(3b) <-唔記得兩個主席係分正副定男女...
文書:伍嘉豪(3b)
財政:ck <-佢起碼做3年財政,不過唔夠彤做4次班長既"班長命"咁犀利 XDD
(如果我係佐為命,我死都要對抗命運!!!)
康樂+宣傳:高軒,賢,彭狗,豬
常務:zizi,郭xx(3e) <-4個唔係3c既人名我唔記得一個,都算係咁啦~ =.=v
10個班會職員有6個3c,3個3b,1個3e
3c萬歲! ^________^v
兩個主席變左無兵司令 XD
3e果個係弱小社群...@@
我呢挺乜都唔係既叫小雜卒~yeah!

選晒所有班會職員我就走喇,
見到早餐衝緊入黎(佢搵豬佢地)話選左黃安做財政
黃安做財政咁又有乜問題?夠宋永平做班長型咩? XDDDD

走之後同co,揚揚,仲有佢地一堆fd(我全部唔識)一齊行
揚揚話未影學生相,所以我地陪佢去影~
d人一路走晒,最後剩co,揚揚,我地三個講左好多野
響新達見到彩雯,行到m記附近見到四粉
@@ 真係撞到好多人呢

下晝有個人icq add我
因為響學校果時潘煒延問過我既icq number,
所以我就好武斷咁判定果個人係潘煒延
睇清楚佢既info發現係女仔...
問佢知道佢係胡潔華
我糯左~XD

>>September 2, 2003 at 11:20:23 AM GMT+8

2003 年 8 月 31 日 星期日 【晴】

今日開學喇~

出門之前我諗過帶代表隊排埋一齊影既相返學校
之後都係冇帶
(放學後見到曾麒達,我又想帶張相比佢睇下高過我半個人頭既馬威有几高 XDDD)

響校務處出面睇學生名單,
4a全班44人,男18個 女26個
都唔算差好遠既~
記得小學4年班試過男仔仲少過女仔既一半
我既class number係13
計埋小學果6年,今年係歷來最細number嘍~

返到學校最早見到果几個人順次序係:
沅霖,翠姐,lui,早餐,禮,杰,...

入自己課室擺低d野出返黎見到阿發,
叫佢練習hxh入面小岡講既包剪鎚秘訣 :P
小岡猜親包剪鎚都贏基路亞架~ @@

其實個所謂"秘訣"好廢,就係...
出之前睇實對方隻手既動作! XD
如果對方有d手指好似想伸出黎咁樣,
咁佢一定係出剪或包,你出剪就實冇死

響課室既座位:
一入去本來同bobby坐,
李俊賢講几句我就去同佢坐
之後潘煒延(我糯皮...之前打錯佢個名)入左黎同我傾左几句,
我又走去佢度 @@
之後坐ck隔離 <-豬,彤佢地號召前3c既人過晒去喎
我後面係潘瑋延,潘瑋延隔離係孫樂庭
本身我坐牆邊,
之後佢話想挨牆所以我同佢交換位~

hall~開學禮
篇主禱文我未睇果張野已經背得o岩差唔多一半喇...=.=
歡樂頌令我聯想起eva既第17使徒...XD
校長照舊講左一大堆曬我地學校既野...- -
走果時mrs lam話check頭髮睇邊個染髮
婷坐我前面,我見到佢暑假染過既頭髮仲未完全染番黑色
有1/3唔係黑色(可能染黑色之後甩色掛)架
不過咁都冇比人捉到...恭喜佢 @@

黃源進抽簽揀左3個班長~
10,20,30號
10係jacky,30係彤,20果個唔識
放學後早餐話佢班揀左宋永平做班長...XD
嘩係醒! <-代表隊-馮夷既口頭禪
落樓梯果時同揚揚一齊行,
揚揚話原來宋永平做班長係抽簽既產物 @@

之後見到co推住架單車響北京桌球城對面
我就同佢一齊行喇~
一路都講左好多野,
去到我屋企樓下既大閘出面(到達時間12:15)
仲企響度講
同佢提起過豬個"討伐永平團"既事
co話:我地呢d人淨係睇戲得啦,唔駛自己出手 <-同意!!!
講到冇野講,byebye果時係12:26...XDDD

豬唔好糯皮啦~
淨係號召前3c討伐宋永平邊夠o者
冇奶油全部人走去4c課室架,會迫爆架嘛
梗係叫今年4c,舊年唔係3c既人代勞,自己響側邊睇戲啦...
我就叫左coco去號召群眾勒~ ^^V

4-6pm去大埔體育館打波~
我hang左機... <-"hang機"又係代表隊口頭禪,唔係話部腦hang左,正確意思係"short左"
3:30去到體育館 @@
打完仲用左成個鐘黎影相 :P
影完後高軒話佢要去羽毛球訓練班
...乜佢咁勁都要去架...?!
陪佢行左一段路我就返屋企勒

>>September 2, 2003 at 6:39:40 AM GMT+8

2003 年 8 月 30 日 星期六 【晴】

今日2點4x分至訓...
朝早第一次起身既時候係7點几,所以再訓過~
再起身係9點几,仲要再訓
冇法啦...今晚睇hunter丫嘛^^"
再醒就冇睇鐘,落床>開機>巡板~ <-固定動作 XD
開左機一陣先發現電腦個鐘已經12點
原來我訓左咁耐架喇...

下晝3點几表姐黎左教琴
佢黎之後食飯~@@
我食完佢仲教緊一個妹妹仔 <-唔識佢,但唔知點解表姐響我屋企教佢琴,兩三年前都係咁架喇~
4點...諗起自己尋日唔記得去買書 <-商務話星期六有貨架嘛 ><
所以出去~
成張書單剩5本買到1本(英文 listening),算唔錯勒
因為排隊排我前面果d人好多都係一本都冇

買完書返屋企4:25 學琴~
舊果d全部都彈得好差...
我唔係日日練,練既時候又未必彈晒咁多首,有彈都只會彈1次
咁都有2首過到關...yeah~ XD

check email見到許子岳send左明報有關我地果份新聞稿比所有代表隊既人
大家想睇可以去呢個網址~
http://hk.geocities.com/neuezielng/mathsnews.doc
我要提醒大家...
你地冇可能搵到我既名,連有我份既相都冇
我咁多同學之中得一個本身知得多d野...
(知道奧校成日都好等錢駛,中學代表隊12人佢唔係淨係識得我)

阿媽今日買左東方日報,
搵到一細格有關個比賽既報導
果篇報導入面既文字面積仲細過幅相...><
相中人有:
小學隊-黃卓君(去福州既學生得佢一個女仔),鍾秉毅(小五勁過晒其他小六果個)
中學隊-許子岳,袁澤曦
四個一人捧一隻獎杯影相
我諗奧校真係求其比個杯佢捧住影相都得...
就算錯左(e.g.許,袁捧小學既杯,黃,鍾捧中學既杯黎影相)都冇人知...=.=

聽日返學嚕~
所有暑期功課我仲剩番觀後感 ><
係時候問自己一個問題:
我仲有冇2張或以上既學生相剩呢? XD

中四嚕...
地獄え向かう... <-往地獄前進...
豬仲驚過我...我諗自己太有自信了...
有冇搞錯丫...mst冇得比人自修/讀其他科 ><
奧校d同學個個都可以讀自己果班以外既科架
講清楚一樣野:做得數學代表隊梗係冇人走去讀文科咁糯皮啦,
因此所有人都必讀中英數phy chem bio amaths
葉力滺:讀9科 <- 本身有econ,+中史
馬威:讀10科 <- 佢預左自己至少7個A喇 =.=
蔡亮途:讀9科 <- 乜都唔清楚

>>August 31, 2003 at 1:37:57 PM GMT+8

2003 年 8 月 29 日 星期五 【晴】

朝早睇棋魂~^____________^v
照舊好多時佐為會變左Q版~
26-27集喇今日...仲未轉op既?!

下晝返奧校~
遲左出門,因為學生同家長既集合時間地點都唔同,
所以我同阿媽唔一齊出門,我早d
點知響271落車既時候我見到阿媽 @@!

一去到就有記者會喎
好彩唔係搵我訪問,
搵左中學既袁澤曦同埋小學既鍾秉毅
後者簡直變態... <-用昆虫黎比喻,就可以話佢而家係由蛹變為成虫既階段 =.=
而家只係小五升小六,
但仲勁過其他小六丫!!!
採訪記者來自:成報,東方,蘋果,明報,星島
你地聽日可以買五份其中一份黎睇下~
不過有提過我既連一份都唔知有冇就係啦 @@

之後比人訪問果兩個仲答緊問題,
其他人去晒另一個課室鋤啤(奧校d人為我地想玩既心設想,又唔想影響記者會 XDDD )
昌哥(劉家昌)照舊成日抽到d好牌
不過佢一有好牌就輸 =.=
所以大家由響福州知佢屎牌到而家,都成日唔比佢鋤
昌哥既招牌:抽到3條dee就必敗 <-衰在佢一日可以三四次抽到咁好牌 -________=

鋤左陣啤,我地就去奧校對面既倫敦大酒樓食勒~ ^__________^
每位$220,大小同價
一圍台12人...即係一圍要$2640 真貴 =.=

食野之前,我地玩左好多遊戲
killer:我學毛韋淇玩平民革命比人發現左(吳慶 廣熹係killer,我鍊佢咪比人知我搞事囉)
不過昌哥勁過我,我鍊死killer之後佢仲要玩番呢樣野比人鬧餐懵... <-佢都係平民
話事啤:我講左好多種玩死人既懲罰
(例:叫其他人響盤洗手茶上面洗手,之後輸果個飲一啖)
不過冇一次中我講既懲罰...XD
開口中:差唔多玩到完場,
由楊淵雀}始,佢寫一個1-1000既number <-因為1-100太快玩完一鋪
佢第一野整左個500出黎...跟住袁澤曦開始估,比佢一擊即中
每次估中個number既人被罰用筷子夾一啖辣椒醬黎食,
同埋佢寫跟住果個number比其他人估
如果當時有 食送 響度,中招者就要將辣椒醬溝落d 食送 度食
昌哥其中一次估中既時候既 食送 係魚翅湯... XD
我一共中過2次,係中招最少+最遲既
我想向楊淵�(中左7次)請教下中招心得 :P
我果兩次寫既數字都係同一個數,你地可以估下係咩數字架 @@
提示係1至1000既整數(唔係1又唔係1000)
(計劃中:每當有人估一個數,唔中既話我就話大過定細過,
跟住任何人可以估落去,我繼續講大過定細過,直至有人估中/剩番1個可能數字為止)

因為每人都收咁多錢,你食少即係你糯皮 <-馬寧(馬威個妹)... XD
所以響福州既飯台上面學到既功夫我地大家都冇荒廢到~XD
將我地呢個代表隊既偉大精神發揮到極限 ! 搶野食! XDDD
除左昌哥~佢依然搶得勁少野黎食
有一碟有西蘭花同魷魚既野,佢淨搶到兩舊西蘭花
我記得馮夷有做計時,
佢話福州最快清碟紀錄係15秒,
但響香港我地最快可以5秒分左一碟
恐怖...

果度有得唱k架...不過d歌真係太舊
eason既歌名單上面最新果首係"我什麼都沒有"...=.=
不過比福州間酒店既歌舞廳好架喇...
福州果d全部80年代/90年代初期 =______="

最尾好多人打牌
我唔識,所以睇左陣就同阿媽走左嚕~
趕得切睇神鵰^^
12點几打日記打到1點...

>>August 30, 2003 at 4:58:59 PM GMT+8

2003 年 8 月 28 日 星期四 【晴】

今日下晝弟弟去游水
佢去果時我諗:駛唔駛幫佢錄電視呢?
就黎播既時候佢打電話番黎叫我錄~ @@

唔記得左今日係星期五...
所以唔記得今日要學樂理...
6點4x分,琴行既姐姐打黎我先醒起有件咁既事!

樂理阿sir照舊,用10几分鐘(我去到之後有10几分鐘)講番上一堂既野
之後開grade 4書~
開始既野都唔難 <-只要我小心d唔好搞錯

返黎之後見到賢icq問我一個英文
佢應該做緊英文暑作既作文
希望出年唔好咁多人響我作文果時黎問我呢d野 ><
賢同臻響camp最後一日寫左卡比我
佢地話我本性其實係熱心幫助人,
中左...form 3上親英文作文堂比人當我漢英字典咁用 - -

好似好多人都完成晒d功課喇喎...
我打日記同時都寫緊英文暑作個bk report
聽日下晝(可能會去到夜晚)去奧校既聚餐~
yeah~
最大問題係我要寫番比賽感想丫!
完全冇idea,唔知寫乜好 =.=
我記得之前應承左陸sir幫佢打奧校筆記...
希望自己打既時候可以用1-2個鍾搞掂啦 @@

>>August 29, 2003 at 2:44:33 PM GMT+8

2003 年 8 月 27 日 星期三 【晴】

yeah~
抄埋英文暑作最後一篇可以抄既作文喇~
剩番my wish
寫自己以前想得到/做到既野同最後成唔成功
救命呀~~~><
寫乜好丫...

電視劇觀後感...
諗到寫乜喇~
亞視已經播到尾聲既射鵰英雄傳~
希望亞視網有故事大綱抄啦 XDDDD
無線既"動畫劇集"-神鵰俠侶都可以寫~
tvb網將佢放響"劇集"果度架~
所以可以話佢係劇集
雖然9月13號至多講到去"絕情幽谷"或者楊過比郭芙斬左隻右手
(早知我bk report都寫射鵰/神鵰其中一個啦...XD)

我又犯左一個成日犯既錯誤勒...
食飯食剩一啖果時行開左,之後以為自己已經食晒 @@

弟弟下晝去游水,
叫我幫佢錄"激鬥戰車"
tvb播緊蕭正楠果首op(opening,動畫開頭果首歌)既時候我仲打緊日記,
諗住等首op差唔多唱完先禁掣開始錄影啦
點知我聽到個聲優講埋今集既標題果時,
我唔記得左要禁掣...
再過一陣(開始左几分鐘到)我至醒起要禁掣
等佢唱ed(ending,片尾曲)果時,我就諗住搞下亂檔勒
成首ending錄晒佢,補番之前錄少左既時間~XD

可惡的tvb!
除左哈姆果隻好似co扮可愛既怪物之外
(唔鍾意唱哈姆太郎op,ed既人,連帶唔鍾意哈姆+唔睇套野)
(本來只係想話哈姆扮可愛,之後聯想起co ^_________^v)
除左哈姆之外,tvb至多都係作一首中文版op,唔會作首中文版ed出黎架
但op通常都好好聽,ed冇咁好聽 -.-
好彩tvb知道棋魂會好受歡迎,
所以唔敢改op,ed,怕得罪觀眾 <-明捧緊棋魂~XD (拔足急逃!)

夜晚阿爸叫我幫佢寫信封地址
個地址太細佢睇唔到 @@
用左兩"達"塗改液...
我太耐冇/太少渣筆了嗎? -.-

>>August 28, 2003 at 1:54:53 PM GMT+8

2003 年 8 月 26 日 星期二 【晴】

機戰D既2周目完全屈機
用3招殺左一隻boss機... <-同第3關既敵卒仔比較
不過我又想睇下3周目變成點...:P

揚揚同我講起佢睇f.4 maths書覺得好難
哇~~~死喇我...
響奧校讀過d quadratic同圓形几何題全部都係中文黎架 ><
要背reason －．－
我要計d數出黎的確唔難...

明明諗住今日要去商務買書,
到4點几成5點先記起有件咁既事
去商務照書單執,得果3本,仲有5本冇貨/未出
好彩...上學期要既書差唔多齊喇 @@
差chem 1b wb(textbook今日買左)
maths 4b,listening,physics 1c textbook+wb
econ 1a+1b今日買左...好彩...
如果唔係一開學唔知econ堂點算 - -

阿媽話星期六奧校會有個聚餐 <-慶功宴? :P
好野~^^
嘿,希望代表隊眾人仲記得我地響福州點食飯啦~ XDDDDD
我要記住帶UNO!
啤牌就由蔡亮途,葉力滺同唔記得邊個帶啦~
UNO同啤牌係我地團隊既指定娛樂黎架~ XD
呀~~~弊喇!
奧校好似話過有記者會黎架,
咁記者咪會訪問我地囉?! ><
我記得福州都試過几次有記者訪問架喇
不過許子岳同馬威普通話講得最好,
所以由佢地兩個幫大家應酬晒d記者咋嘛
(真係辛苦佢地勒 ^________^v)

>>August 27, 2003 at 1:53:44 PM GMT+8