2003 年 9 月 24 日 星期三 【晴】

豬果然係勁茅呀下
話說今日頭兩堂bio
落堂小息既時候豬問左leo sir好多野
當時bobby一直有野想問,走左埋阿sir度
但係豬一直捉實發言機會
問完d真係問得合情合理既野之後
(佢問既時候我知自己都係唔識既野)
仲要將本書逐頁黎揭
捉d稍微用下腦都識,
或者響前後几頁可以搵到答案既野黎問
直至個小息差唔多完 <-抑或問到小息完左呢?我唔記得喇
豬至話冇野問,阿sir離開左課室
之後我同李俊賢,bobby三個人講豬咁樣真係有問題
我專登講大聲d等豬聽到我講佢
三人都認同豬係 1.專登搵埋d白痴野黎問 2.無論如何都要阻住其他人問阿sir野
佢聽到仲話:我係咁架喇,吹呀?你想問野咪快過我行埋去阿sir度囉
豬講出呢種咁既挑釁說話
令到我當時非常之認同上面講果2點囉
(利渣兒：「當有人作出一ｄ挑釁性既行為,我地就可以話佢係摟ｘ，摟ｘ。」)
到我打緊日記既時候諗清楚呢件事
覺得一部分豬問過既野係問得合理既
但係有d真係擺明用黎拖時間囉
豬認為自己需要對此澄清就出聲

今日ceci文明左好多 <-需要用到"文明"黎形容佢 XDD
maths堂冇搶我本classwork~
其實計果條題目既時候佢有問過我識唔識
我最初話唔識,後來阿sir見個個都唔識就解釋左
佢玩野呀?出一條自己都知冇人都唔識做既題目 -.-
find f(x) when f[(1-2x)/3]=x
係一條怪題 @@
仲教左由a>0,a<0判斷拋物線既方向
或者由拋物線方向判斷a係正定負
仲有max&min value of quadratic function
function係奧校咁多topic之中比較難既一個

英文堂要講報紙...
原來唔係聽日架? ><
比mrs keating抽中左
好彩我求其作左几句summary咋 :P
派左上次既compo
好野~
我呢篇文既分數破左紀錄呀~
以前我次次都係30几(多數37),頂多38,39架嘛
今次有44 ^^ <-accuracy 22/25+ content 22/25

econ派左上次既quiz
13分滿分 ^________^v
miki果9分成為左全班既存在性問題
其實個quiz真係好易架喎
羅9分真係好高難度喎 XDDDD
miki話自己問ellen几多分果時ellen伸左3隻手指
咁佢就以為ellen得三分,自己唔係全班最低分喇
放左學我同賢講呢件事,賢話ellen係"高過佢(miki)三分"
miki因為果9分勁比我,stephy,ceci串
佢話:等我響PE擊敗晒你地
(嘿嘿...等我響maths擊敗你 :P)

放學係愛社社職員選舉
我同賢走入去趁熱鬧,
差唔多開始既時候仲未走,比陸耀明鬧 @@

補充"存在性問題"既意思:
存在性問題其實係奧校課程既其中一個topic
到選出代表隊之後
全隊成績最差既蔡亮途冇因此唔開心,仲好似有d自豪
認為有一個最弱係"存在性問題"
最弱同最叻既一定存在架,係咪?
所以最弱果個真係冇乜野好介懷架
大家覺得係咪? XD

>>September 25, 2003 at 11:30:35 AM GMT+8

2003 年 9 月 23 日 星期二 【晴】

次次有pe堂果日我總係要出門兩次先返到學 =.=
原因係
第一次出門既時候唔記得帶pe衫
一定時間後記起自己冇帶
有時係響 車立 入面醒起,就等架 車立 落到G我再禁番個掣上去囉
有時行到去舊墟小學(舊果間)附近先發現自己兩手空空
返學途中見到禮~

今日呢~
我係記得帶家長教師會果張回條返學校架~
張支票都有帶~
不過張回條上面冇家長簽名咋嘛~ XD
行過去比jacky先發現到唔見左個家長簽名
之後我走返自己個位...
睇住量體溫果張野冒簽再比jacky~ XDDDD
之後賢,jacky,bobby,高軒佢地其中兩個嗌我
「ｄａｎｎｙ～」
「咩事呀？」
「你張通告冒簽架？」
「你話呢？有乜理由唔係！」
兩堂中文之後我同賢,bobby講番件事
賢話:我咁講擺明想搞到全班都知啦
-.-
我欠缺熟練的手腕耶...

下堂中文教 反 花 潮~
反潮...XDDDDDD
未睇過反潮想睇既人可以問我要一份copy去睇下
有助理解課文呀真係~ <-助你個頭!
篇文超正
改果個又勁好文采喎
將花潮改晒d內容,
字數又差唔多對足晒
(80-90%句子既字數一樣)
錢煒易超型 @@
周sir抽到佢問問題
佢要用書面語答...

pe堂考跨欄
成日都走得太埋個欄跳唔過要返轉頭再跑番過去 - -
返上課室之後miki同stephy成日玩支止汗劑
用支野指住人,猛咁"ssssssss~~~~~~"
等人以為比佢噴到...= ="

lunch ck同瑩瑩走左去a-1買麵包
冇錯,佢地係去吉之島隔離果間
好得閒喎佢地...
返黎之後ck比瑩瑩虐打
我唔知咩事架...唔好問我 ><
好彩冇傷及無辜路人~
lunch之後果堂係chem丫嘛
ck記得自己響lab坐瑩瑩隔離
即刻話:對面係邊個...我要同佢調位呀
我冇記錯既話佢對面果個應該係玩火果個(江嘉汶)
ck同江嘉汶互相以玩火果個,玩水果個稱呼架
好似因為上次chem lab堂江嘉汶玩火喎
好似因為上次chem lab堂ck玩水喎
同ck有恩怨...睇怕都唔肯比佢調位架喇
唔知ck比人打成點呢?
我幸災樂禍~ XD
田田做實驗比我地睇既時候婷企我後面睇
咁我叫婷同我交換位企啦,佢又話唔好
但係佢猛話自己睇得辛苦
死野 -o-

落堂返課室既時候李俊賢話豬問既問題都係d好簡單既野
擺明啦...頭先佢問d真係好簡單,
揭開書既某一頁都答到佢
「atomic mass同relative atomic mass有咩分別?」
「relative atomic mass同relative isotopic mass係咪同一樣野黎?」
我發現原來豬唔係有野唔識問田田呀
其實係猛咁搵野黎問田田,藉此霸住呢舊scarce good唔比其他人問野呀
奸得佢丫 -.-"
真係摟＠呀
李俊賢話豬係"為分數而讀書既人"
呢點毫無疑問絕對係呀!
佢form 2湯隻牛眼果時自己驚所以嗌其他人幫手架 <-好似係禮幫佢湯
而家?上次chem lab堂燒野果時我同佢話"睇你都唔敢店d火架喇"
唔記得佢反應係咩,總之個意思係話點都要搶晒d experiment黎做
豬問田田野果時ck好似有野想講,定係一路講野
當時我企得同ck較遠,唔知ck講緊乜
豬問完之後o岩o岩好落堂,佢就勁鬧ck
當時好多人圍住聽田田講既野架
我同賢趁機會響阿sir本書度抄d實驗結果
賢話我茅喎 <-佢抄先架,佢唔茅呀?

放左學同賢去salc
我都唔係溫書既 =.=
尋晚做晒chem topic 1果4課既revision exercise
而家最需要溫既係bio呀,本書又響屋企
仲有scmp同running out of time要睇 <-賢響側邊冇可能安靜咁睇
賢又唔比我走喎
因為佢做緊maths classwork

賢做完maths之後陳子健同d form 6就黎左
佢地要分配d課外活動申請表,每一班要疊埋一疊
賢專登開左佢地做緊野果張台上面既風扇 =.=
睇睇下佢地做野我地又幫埋手
其實係因為賢八卦,好想睇d人參加咩活動

返屋企既時候digimon frontiers仲未播
等佢開始播既時候開始錄
之後我就打日記嚕
到而家6:25差唔多打完
可能我寫得太多野喇 @@

re hrzo:
你果310個cmd打左出去,要load晒出黎點止一秒呀 -.-
好唔好爆你話自己day 3頭兩堂float入403係坐正co個位成日搞佢d野果件事呢?
(co唔知既話...hy做野~ :P)

>>September 24, 2003 at 12:44:57 PM GMT+8

2003 年 9 月 22 日 星期一 【晴】

一起身睇到自己個鬧鐘...
哇!7點搭8?!
刷完牙,阿媽比我嘈醒,話我咁早起身
睇多次廳既鐘 先6點搭10
再訓過~
一訓就訓左半個鐘喇~7點搭5

今日check校服~
我行入樓梯果時賢指住個細細粒既(似form 1,有可能係form 2)
話:等陣
個form 1咪企響度囉 <-我肯定佢果時諗緊/驚緊自己唔知衰邊樣野囉
之後賢又話:冇野喇
icq同kooby講呢件事
"玩野啦擺明"
婷衰左染髮...
已經染黑番既頭髮甩左色
如佢所言,佢應該話自己d頭髮咁既色係天生 XD
我見佢入課室,
就比張體溫表佢睇
叫佢比較下兩次冒簽邊次冒得似d
佢話上次好d...
我要多多練習 -o-

chem兩堂我一邊聽書一邊溫番前面...
頭4個chapter各有至少一個section比田田飛左唔講 =.=
你個x街田田你害人不淺呀...
如果我會考衰左搞到自殺死左一定晚晚搵你呀 \_____________/
yeah~chem又教到去一個計數既部分
又係好簡單既一元一次方程~
要做返晒前面d revision exercise = =

physic又做實驗~
收起左張凳入bench入面,諗住會有一個人冇位
結果係人人都有位...剩1張凳 - -
朱斤同melody齋傾偈
鍾志豪果時又去左邊呢? @@
得我同brella...
差兩個實驗做唔掂 <-兩個都係之前做唔切今次做番既
賢同jacky收左warning letter~
因為玩啤牌喎(聽講其實係紙牌既麻雀)

哇!
今日開始有scmp一人派一份喇!
逢day 2,day 5
下次全部人都要做present...
要響份報紙搵一篇文章用几句說話概括講番篇野講乜

放學之後社職員選舉~
miki大熱當選!做左福利~
前任社長講緊邊個當選做福利既時候我見到自己隻手上面有張福利既選票...
哇!!!!!!!!!

running out of time果本書無限期押後 = =
希望今日做得晒chem既revision ex同搞掂個scmp啦~

今日mud入面有緊要野,一定要講
逍遙劍法pfm既變態設定比人發現左 ><
(括號內既說明係為唔清楚mud呢樣野既人而設)
其實係整果個wiz-偉大既knife 自己既疏忽
正常既perform應該會響用完之後一段時間busy(唔郁得)架嘛
knife整逍遙劍既時候唔記得左加呢樣野
正常pfm仲應該響使用既時候消粍內力架
knife整果時又係唔記得左
之後所有逍遙弟子響几日之內得益
doll好似響几日之內由9m至10m(m=百萬) exp升到11至12m...
我衰在用得太少...>.<
ｋａｉ好可惡呀下!
竟然走去post話cheese用呢招30連擊
仲好衰唔衰講一句"貪狼星也能在一秒內殺死" (貪狼星係一隻好強既電腦角色)
迫wiz去改野,去滿足你對呢個勁pfm既唔抵得
唉,online game始終係online game
唔同果d player(玩者)打電腦既遊戲機
online game有好多人同一時間玩,
唔淨止係player對電腦,係player對player
所以一有人有d好好既野(例如強大力量)
其他人就自必然會唔抵得,會去嘈,
會去叫d遊戲管理員改弱佢
自己既野就永遠想管理員改強d
ｋａｉ！
你唔好比我勁得過你呀,
如果唔係你估下你會比我殺剩exp丫?

>>September 23, 2003 at 12:53:23 PM GMT+8

2003 年 9 月 21 日 星期日 【晴】

今朝明明7點起身
但因為尋晚一兩點至訓
所以唔想起身... <-因為慣左訓得耐 @@

返到學校發現冇帶兩樣野...
學生証果張相~
公益金便服日既回條冇簽名&冇帶支票
tick左唔參加...自己簽左阿媽個簽名
得掛~
冇人會逐張通告check係唔係真既簽名式樣掛~
因為我一簽落去即刻發現勁唔似
婷睇住我簽,佢都睇得出明顯唔係真既
但係我知道,如果油塗改液就等於話個真相比人知
所以...交出去算~

第一堂amaths
kfc黎之前miki話周sir轉左個好樣衰既髮型喎
ceci(唔記得kooby有冇份)話我個髮型都好樣衰
呃...好正常丫~
因為我朝朝起身都唔梳頭既
除非我刷牙果時響塊鏡見到d頭髮彎起左 <-但係響呢個情況下,我點梳都冇用 @@
kfc比左兩張hkmo決賽影既相我 ^^
我都未睇清楚果張係咩相就比ceci搶左去睇 =.="
我果時個髮型比而家既樣衰好多啦

小息同李俊賢落去搵進進借張相黎貼落學生証度
羅左相返課室既時候見到早餐
(早餐...你今次咪話你見到我同你打招呼丫!因為我根本冇~ XD)
貼好相落去學生証之後羅番落去交比校務處
落去途中打左鐘...

中文堂周sir講左句
"架車冇左呢樣野個人行行下就會仆左落街度架係嗎?"

amaths~
ceci好擅長搶野啦係咪丫?
佢一開始昆水話miki嗌你呀
我望向miki果邊,見stephy同miki都冇異狀
feel到ceci隻手捉住我本classwork book -.-
捉番實自己本野唔比佢羅到
再有下次丫拿?
I'll chop off your fingers!!! <-借唐太既對白一用~ XD

冇錢食飯丫 ><
星期六大駛左
macross7同gaogaigar又要押後嚕...
一段時間內曾經成個課室得番我一個睇緊amaths <-見到一題好難既
to hy:
let α,β be the two roots of the equation x^2-x-1=0
f(n)=1/root(5) * (α^n - β^n)
prove f(n+2)=f(n)+f(n+1)
(amaths exercise 3.3 最尾一題)
要用math induction...
但我已經唔記得晒induction點做...
唔記得晒d方法所以唔識做,因此我又出埋去
有個人問豬:danny去左邊?
豬話我響401
問果個(真係唔記得左係邊個...sorry呀果位仁兄)睇下401見冇人
豬好驚訝咁話:咁danny去左邊呀?
我聽到就扮驚訝話:danny去左邊呀?

chem堂...
豬真係短跑好手!
響距離田田好遠既地方一個箭步衝出去~
問書 -o-
我行埋去乜都聽唔到就番埋自己個位咯
都唔知走埋去果班友點聽到架 =.=

放左學同賢,臻去SALC
同臻一人背一句曹劌論戰
發現自己原本以為背得好熟既曹劌論戰唔記得晒 =_____________=

今晚一定要抽時間黎睇番chem同bio
至少將d唔記得既野搞清楚晒佢...
phy可免則免了,d野我暫時都記得晒
唔溫書我怕冇時間睇本running out of time = =

>>September 22, 2003 at 1:04:59 PM GMT+8

2003 年 9 月 20 日 星期六 【晴】

9月21號~
瑩瑩生日快樂~

哇
仲諗住今朝盡快做左d功課佢
點知10點至起身 =.=
不過,我今日都係打機多d...
好怪 @@
如果早d起身,我可能會朝早做中文習作架
最大件係佢嘛
英文comprehension同amaths classwork都係小事黎
至衰係弟弟!佢開機引誘我打
(推卸責任~XD)

睇番弟弟尋日幫我錄左既棋魂~
唔該晒佢啦 ^^
光仔完成左職業棋士考試預選賽
5日內一日捉一局棋
所有參加者之中只有贏3局既人可以出線有資格參加職業棋士考試
光仔2勝2敗,第5日抽簽比佢抽到不戰而勝...
和谷,伊角,光仔三個周圍去圍棋會所串人 @@
本來三個講好邊個輸就請其餘兩人食迴轉壽司/拉麵
後來三個都贏,伊角話佢請
和谷同光仔鬥氣勁嗌野食...可憐伊角囉

下晝5點同阿媽去吉之島買鞋
(媽原本話4點几5點去)
舊果對既右腳果隻鞋穿左窿呀 <-響鞋底可以見到隻襪 -__________=
而左腳果隻又差唔多穿咁滯
落雨地下有水既時候行路行得勁辛苦
買果時諗住預鬆少少買大一號
但再諗下,d鞋都冇咁襟著可以到出年仲著得
所以都係維持原判~43號

全日打勁耐機所以icq超多人搵我都冇反應
sorry呀大家 ><
當中既人包括有...虎,hy,賢,發,etc...

夜晚icq教發作文
賢,miki,kooby搵過我
kooby唔識一條amaths我話自己做緊中文習作搞掂~
任務明白
聽日要晏d返學校
就算o岩o岩好8:10入校門都在所不惜! ＜～～～～唔可以比佢見到呢句丫~

所有功課迫埋夜晚做 XD
我到几時先唔會再咁樣呢? =.=
每日都希望第二日可以有時間溫書...
我要戒玩喇!

響mud發現一樣野
knife係一個超戇居既wiz...XDDD

>>September 24, 2003 at 3:40:55 PM GMT+8

2003 年 9 月 19 日 星期五 【晴】

肥龍生日快樂呀~^^
今日出左去唱k~
行街睇戲直落~

我去到火車站既時候發,拉登,平,達已經到左
行一行開就見到肥龍響新達出口既八達通增值機側邊
婷,陶,卡肥,牛牛響閘入面冇出黎
同佢地話肥龍響果度,
佢地以為響大堂個增值機搞到行餐懵 =.=
笨妍遲大到 @@
不過我好似係第二最遲果個 =___________=

去左沙田neway~
11人分3架的士,由沙田火車站去
去果程5個女仔一架車,發,龍,平,達一架車,我同拉登一架
兩個人分一程的士錢...
第2,3架車到左目的地之後,
我地等左勁耐都唔見四粉佢地
肥龍打比婷啦
婷就話佢地響麗豪酒店落左車...
6個男仔過左成條街去接送佢地~ XD
我行得快所以去先啦
響酒店正門見唔到,同肥龍佢地會合,
肥龍打比婷,知道d女仔原來去左後門 - -

肥龍唔記得帶身份証! -.-
本來佢生日可以免一個人頭費架嘛
入去果間k房有d UV燈
一熄左燈之後大家d衫大部分反晒光,勁靚 @@
呢個時候,婷,陶佢地點解唔驚UV傷皮膚既? XD
用黎點歌既遙控勁高科技!
響點歌畫面既對角位禁掣會冇反應 - -
婷就坐近d個電視方便揀歌喇
我一開始坐個位係接近個電視既,
所以同佢話:不如你地話我知要點邊首我幫你禁啦
佢:唔得!你唔比我點twins歌
@@~
之後佢借我個背囊當cusion黎攬 <-都好似攬左几耐下
喂...我塞左兩枝水同一個眼鏡盒同筆袋(尋日學完樂理唔記得羅番出黎)架喎...
點解佢會攬得落既?
食野果時卡肥冇叉用搞到要單挑 <-大家估下我原本想講乜吧
唱最多都係婷,陶,卡肥三個
我,發同平都有唱過
笨妍,龍唱得少
拉登,達,牛牛完全冇唱過...
都唔知佢三個黎做乜~

唱完k去沙田UA睇向左走向右走~
回程又係11人分入三架的士
搞錯...點解今次兩人坐一架的士又有我份架? -.-
第一架->四粉
第二架->平,達,拉登,龍,牛牛 五個
第三架->我同發
響新城市廣場見到番四粉
佢地要走,say gd bye之後又有人約多d8人黎
賢,安,毛毛,ck,彤,瑩瑩,呂呂,顧顧
買飛之前我一直都好肚痛 ><
不過去一次廁所出黎就冇事喇

套戲梗係好好睇啦 ^^
兩個人成日都去到好近既距離,
但緣份安排令佢地次次都見唔到一面
見到面,臨走交換電話號碼之後d數字又比水化甩左
真係天意弄人呀...
睇套戲果時我有几次好想喊,
直情feel到自己眼睛有野流出黎架喇
都係冇喊到又成日因為鼻塞所以大力吸氣
發坐響我隔離,佢睇完之後話有几次聽到我吸氣既聲
想靜心聽下我有冇喊,結果當然冇一次係啦
我都唔知點解會咁
上次班會camp最尾一日,
一人講一句遺言果時我好想喊,戴住眼鏡就喊得好少
後來我返到屋企除低眼鏡就大喊喇 <-冇喊到好大聲,眼淚就真係流左好多
眼鏡好似會抑制我既情感咁既

re 0717:
form 4就唔該支持番form 4啦你呀...
第2個小息勁多人響4樓派牙刷騷既宣傳單張
(我冇投其餘兩個,算係行動上支持佢 XDDDD)
隔住玻璃聽唔到聲架嘛
你見唔到我揮手好出奇咩~
做乜要嬲你?

763092..................
784533..................

>>September 24, 2003 at 3:41:32 PM GMT+8

2003 年 9 月 18 日 星期四 【晴】

一返到學校勁多人派傳單
因為今日學生會內閣選舉
不過我未投票已經估到結果
magic star既聲勢唔夠miracle勁,
牙刷騷既成員全部中四,爭票唔夠其餘兩組d中六鬥
因此贏果個肯定係miracle,其餘兩組都冇得鬥
派傳單既人狼死到丫
叫d低form幫手派 <-利用無知小孩,可惡
我收起兩隻手佢地都塞傳單比我 = =

頭兩堂英文去mmlc
做一張几易既ws囉~搵d作家寫佢地既資料
mrs keating見到我睇緊C.S.Lewis既資料就同我講左几句
"you speak too fast and i cannot hear" 佢聽到即刻笑死 @@
去左卡肥個版留左個言~ XD

有冇病呀我? -.-
上完英文堂我返課室既時候竟然行新翼果邊既樓梯?
做咩唔行mmlc隔離果條架?
我唔記得左自己班既課室已經唔係406?
呢個係唯一可能既解釋 @@
不過原來有一班響之前一堂float左入我地課室,
我到左401之後佢地至o岩o岩好落堂
錯有錯著~ XD

中文堂周sir解左曹劌論戰入面一d佢認為大家唔識既字
之後就話:成篇課文而家解晒喇,我講書講得好快既
佢仲好意思講 =.=

physics又計一條數~
丟一舊copper落水,計final temperature
assume no energy is lost to the surrounding
黃源進抽一個數出黎除44,
餘數几多就叫几多號既人出去做果條題目
23號既豬中獎~
我自己計果時計到23.4度,
以為d水唔會咁凍就重新計几次,全部既結果都唔同
因為我冇計數機,要手動計除數,而我一直信唔過自己既心算
("計算" 同 "數學"係兩樣野黎!我計算好差,數學又唔係袁,許,楊,吳佢地果皮)
↗上面提起果4個姓氏分別代表4個人,其中姓吳果個唔係我
豬響黑板寫既答案偏偏就係23.4,黃源進話佢o岩
以後上physics lab堂一定要帶計數機 -o-
我暫時都覺得physics几易架~
不過進進話近几年既physics會考卷既計數部分由2/3變成1/2...可惡!!!
總之對我黎講就難左啦,唔制呀 ><
我仲響知道正確答案之後諗到另一樣野架~
就係...
我明白點解GP02A個盾入面既冷卻槽係裝住d水 <-大部分機械人片果d冷卻部分都係裝水既
(GP02A係"機動戰士0083 星塵回憶錄"入面既高達試作2號機,配備有一個原子彈)
當發射左核彈之後,用黎發炮果枝槍一定會超熱,
要收番槍槍落盾入面既冷卻槽將把槍冷卻
頭先條physics題目可以得到結論:
水係好強既冷卻劑 <-當然有好多chemical既冷卻功能都比水強好多啦
我諗到呢樣野既好耐之後,
進進先講點解人體入面咁多水,話係冇咁易發燒喎
@@~
好似好多人唔明heat capacity同specific heat capacity既分別
舉個簡單既例子啦
將你成個人煲熱1℃需要既能量就係你個身體既heat capacity
由你既身體切1kg既肉出黎,
將果堆肉煲熱1℃所需能量=你d肌肉既specific heat capacity

amaths堂教左個判別式
kfc話佢讀書果時個判別式既符號係△(讀delta)
係呀係呀!我同意呀!
我最初學quadratic equation既時候都係叫判別式做delta架!
做乜amaths書要叫大楷D喎...
好似maths書咁叫delta咪几好囉...我寫慣丫嘛 XD
不過佢話兩者都接受
唉...讀amaths既弊處在此
夠膽響maths會考用D唔用△你實仆直 -o-

lunch time勁好笑~
一路食一路玩~ <-其實大約係講野+捉字蝨
我食食下哽親,猛咳,ceci同玩火果個佢地講緊野
所以我一直對住ceci咳...
佢留意到我既時候先叫我唔好咳向佢
之後我即刻咳得更加犀利 <-最後連係扮咳定係真咳都搞唔清楚 XDDDD
ceci話我嗌錯佢個名喎...佢叫cecilia我嗌左cecila
嘿,我係口快唔要左個ｉ音咋嘛~ :P

之後去hall,睇三個學生會內閣既宣傳
中途有人響台上爆左句"豪汝蘇汝豪"...笑足全場 XDDDDDD
返上課室之後進進仲未到,
miki將佢既聖經同詩集放左入locker
我比自己既聖經詩集佢叫佢幫我擺入"左邊果行第二個"入面
4a班既人應該知咩事...
因為果格既手柄係爛既,
miki發現比我玩左之後扔番聖經詩集比我
stephy上黎之後我叫佢將佢既聖經詩集放果格
又一個中招 XD
之後ceci上黎,照板煮碗玩佢,
但佢冇擺入去,衰左：（
投票果陣我畫個大交叉落張選票度
進進收選票既時候 "嘩,你做乜野?" "棄權票囉" "人地棄權票係唔寫野架"

之後落去睇表演
賢扔左包紙巾落樓梯既扶手度
如果唔係miki佢地阻住晒,
包紙巾係可以好順利咁到達地牢架...=.=
入去冇耐tony同我話3:35離開hall,去prefect面試
開頭我勁緊張 <-tony話自己都係
不過真係比人問野果時又唔係咁緊張
問既人有: 3個f.6 prefect(1男2女),鄧錦屏(一直唔知佢叫咩名,後來豬話番比我知),鄺達熙
佢地話今年參選既人比以前多好多
嘩...佢地唔講我仲以為少左架! @@
面試完之後6個4a落晒去hall出面既地方等入面d人睇完表演出黎 <-唔知點解大家都唔走
我見到早餐坐響最尾一行...佢望過出黎
同佢揮几次手佢都冇理我 =.=
佢出黎之後我同佢講番,佢話冇見到我...\_______/
豬,彤出黎見到我即刻我面試問d乜
我答既問題佢地都答過啦...

離開學校都4:30嚕
得番2個鐘頭時間做樂理... <-上一堂之後到今日放學返屋企為止都冇做過
但返到去都係玩mud既多~
因為尋晚有wiz(相當於其他online game既遊戲管理員)
整左個逍遙劍法比逍遙派既人用丫嘛^^
果招pfm xiaoyao唔知係乜黎,
我咪好想知個pfm係乜囉
之後練到200 lv用到個pfm~
玩mud既人咪問我個pfm係乜黎,我唔會答你
因為呢個係軍．事．機．密
去學樂理之前set好robot狂練xiaoyao-sword
超乎意料咁響番屋企既時候練到416 lv @@!
yeah~

樂理大半堂都講緊之前學過既野...
我同顧顧好似係第一次學緊樂理既時候有機會講咁多野
(上面果個解釋spec.heat cap.同heat cap.既例子最初係同佢講)

re ceci:
咁麻煩架
以後叫你真名好了 - -
re hrzo:
hy有留言響度架喎
而家佢係追睇我日記既忠實番薯之一~ XD
re abc:
果堆係邊個既答案?
你自己?杰?再唔係係邊個?

>>September 19, 2003 at 4:00:45 PM GMT+8

2003 年 9 月 17 日 星期三 【晴】

哇!!!
今朝勁晏起身丫!
7點半...極匆忙咁刷牙洗面食野換衫
帶埋盒鮮奶響 車立 入面飲
出 車立 仲未飲晒 =.=
返學校途中仲見到魚喎
真係無獨有偶 @@
上山果時見到婷同卡肥 <-佢地不嬲晏架啦 @@
去到課室ceci話有amaths唔識要問我
我話:你係咪唔識第44題? <-淨係教人1題就冇乜所謂啦o下~
佢話成個exercise既section B得一題識做
(exercise分A,B兩part,其中B既題目係難d既)
反正唔夠時間,比自己本classwork佢睇算
從此佢養成左有野唔識即刻搶我本野去睇既習慣 =.=
(不只限于maths =.=)

第一個小息問co,確定hy係唔係想幫我
事關co引述hy同佢講既野,
話hy見成日有人問我maths,想幫下我解圍
好呀 ^_________^
*lean hy ~
唔知hy係講笑定講真呢?
如果係我就post佢個icq出黎啦~

英文堂開始做黃色果本exercise
睇到本野有d開心啦
因為我一直以為會考既comprehension同學校果d一樣
要每題答几行寫羅得全題一半分架
原來mc來的...
不過mrs keating話今年(03)既英文會考冇左proofreading
即係話冇mc既晚讀理解淨係適用於"冇變數"既情況? ><

physic黃源進極精彩既演說
"m represents m"
冇病呀?
之後佢再講另一樣野既時候,又話m represents mass
比左几條題目我地做
唔記得左power=energy/time既公式
可能近牌冇溫書啦...
黃源進叫我地用final temperature整番條equation出黎
我計到一半ceci搶左我本textbook去睇...
所以我先前話過佢唔係淨係maths唔識會搶我果本囉~

miki今日同我講好多機械人卡通既野
原來佢係一個超機人迷呢 @@
所謂"超機人"即係"超級系機械人",相反就係"真實系"
超機人既卡通係打得好激動既,
主角比人打中通常傷好少甚至完全冇事,擁有超越常理既力量
好似鐵甲萬能俠,三一萬能俠,勇者王之類就係

lunch time又走左去4b
臻又開電腦打yahoo桌球
重點係佢地既班主任(黃定康)響課室入面
夠疆呴臻 @@
不過老師冇發現到

中文堂一開始既時候ck響佢張台見到一隻蟻
佢當然係大驚尖叫啦
我一野卒到佢重傷,仲擺響上我隻右手手指公既指甲上面羅黎嚇婷 XDDDDD
我用食指指甲hi下佢背脊,
佢驚我將隻野痴上佢件冷衫就望過黎
見到隻野仲響我隻手指就唔驚
諗過想玩多几次之後黎個虛則實之實則虛之的說 @@
落堂之後比ceci,kooby佢地睇我隻手指
但係行出走廊之後隻蟻跌左落地唔見左 -o-
成堂抄左一堆冇用既notes = =
周sir一直都講緊左傳同左丘明既來歷,未講課文
有d課開左反(花)潮架喇...
叫反潮係因為我post過響豬板果篇野
篇野既內容係講今年既七一大遊行,
d文字抄足晒花潮,連d句數字數都差唔多
改果個超勁 @@

放學之後同釗一齊行
去新達買漫畫 <-仍然係買拉登果本笑傲19
間野又係冇...
之後坐K12返屋企

今日幫弟弟錄激鬥戰車
因為最後一集,所以我又睇下
不過一睇就勁嬲喇
首先,呢套卡通片又係最後一集比主角贏既,
唔鍾意睇呢種主角不敗既卡通 =.=
第二,關tvb事既 =.=
佢最尾一集播完之後出番同蕭正楠唱果首op一樣音樂既日文歌
原來果首就係傳說中既五人合唱crush gear fight op喇
d日文歌詞唱到勁激動,
我肯定d歌詞冇蕭正楠果首咁低b - -
雖然我冇追激鬥戰車~
激鬥戰車播完之後,同一時間將會播doraemon~
好野~
不過自己有冇時間睇係另一個問題 =.=

弟弟返屋企既時候比人鬧佢成日禁15樓(我屋企最頂果層)
禁頂層既原理係咁:
如果你玩 車立 ,響出 車立 之前禁晒咁多層既話,
有d 車立 會有個系統會響你上面果層停低唔再上去
所以淨係禁最頂果層,出 車立 之前禁左閂門既掣就得
鬧弟弟果個人仲話"兩兄弟都一擔擔"
弊...比阿媽發現左 - -

>>September 18, 2003 at 12:28:02 PM GMT+8

2003 年 9 月 16 日 星期二 【晴】

天氣晴朗~所以唔帶遮嚕
入去課室擺低個書包之後行開左,
返埋自己個位既時候見到番果疊olympic
瑩瑩比番我喇卒之~ @@
見到李俊賢緊趕個survey,
我叫佢:你作野丫嘛
佢話自己本來有訪問過人,但原本果本簿唔見左
結論:無論有冇訪問人,結果要做既野都係一樣

頭兩堂bio...
好同意miki所講
佢話leo好cheap,成日用電腦,成日用"充滿力量的一個小點兒"
(最尾果句係抄唔知邊度睇過既電腦用詞大陸翻譯版)
不過miki話"佢淨係重複書講既野"又唔同意
因為leo係有講過d書裡面冇既野

第一個小息co黎搵我借olympic d野番去睇
(只可以証明佢有睇我日記...-o-)
可惡! \__________/
我o岩o岩羅番晒黎佢又問我要 =.=
睇準時機的嗎? -.-

kfc今日終於開amaths喇...
教quadratic果課
全部都係我響奧校學過既野...
factorize,completing square,quad.formula...
只不過以前中文多過英文,而家英文多過中文咋嘛

之後個小息我,ck,賢,bobby,jacky極速衝落去買簿
本來我唔記得有件咁既事,見ck出去我又跟出去
行到埋課室門口既時候陳嘉璧提起要買簿我先記得
如果唔係我死得 = =
唔該晒佢呀真係~ ^__________^
4a勁多人冇果本用黎做中文習作既簿
由於知道會好多人去買,所以我要盡快落去
買左一本,我買完走既時候果然見到勁多人排住隊
當中包括豬,曉
我好串講左句:加油喇豬
返上課室之後向ck,瑩瑩,tony追返借左既作文紙
bobby老屈諗住唔駛還...豈有此佢 -o-

RE堂梁廣煒講得好正 ^^
記憶中佢講過几樣野
(1)
n年前有個香煙廣告(果時佢十几歲喎)
個廣告影住一匹野馬響草原上面奔馳,
到最尾出左"想做就去做"呢個口號
之後個廣告比人投訴,最尾果句野不得已改為"應做就去做"
(2)
飯桶裝飯,水桶裝水,馬桶裝馬 XDDDDD
(3)
一堂過左大半時間之後,
佢問我地三條問題,都係有關生命既野,
話人人都會曾經諗過 <-我當然冇例外
1.我從哪裡來?
2.我來這世上做什么?
3.我將來要做什么? <-係問我地死後會去邊度同做d乜野
臨落堂果時miki話
"真三一萬能俠對新三一萬能俠"同gaogaigar兩套卡通片可以答到後面兩個問題
我話:gaogaigar個凱生存目的應該係保護人類或者保護地球架啦
唔記得miki點講,總之唔係我講既
(4)
回應上面既第2個問題
好多學生都係話要讀書
佢提番d升學,會考有關既野
話mst以前有個理科生,會考考到廿几分走去轉文科
讀出黎成績又好好,今年高考放榜佢升左大學
勁料 =.=

之後又黎amaths...
比左一堆classwork =.=
我做到41題果時打鐘 <-唔係第1至41題呀

落堂之後lunch time
李俊賢問我做到邊
我去買飯果時問bobby,佢話佢做到40
我全靠以前學過先可以快過bobby少少,
如果我冇學過,咁咪...
唉算啦,人比人比死人呀
而且4a入面數學勁既人點會少?
我既實力其實唔強,係靠奧校讀過既野佔優而已
到左某個level,
奧校既野再冇出現響正規課程,
就係我沒落既時候
去左4b課室玩yahoo拆磚仔 ^^"
近牌成日玩呢個game~

英文堂mrs keating派番journal比我地
錢煒易果本唔係學校既單行簿,
佢羅番既時候瘀爆...XD
mrs keating叫我地分組討論,計番個survey既結果
彭狗話我作既訪問結果好假...@@

econ~
記起尋日econ堂有樣野唔記得打落日記
mrs lo話:
　好既老師響學校都係scarce good,學校點分配係睇佢既政策係點
　如果想谷d叻學生既,就分d好既老師去教佢地
　如果想谷起個合格率既,就安排d好既老師去教弱d既班
我明晒喇,即係學校而家想谷d合格率啦 -.-

放學後去左大埔廣場
買生日禮物比拉登~
笑傲江湖漫畫第19期
點知賣晒 = =

返屋企打日記打左好耐 @@
ceci hi我
之後話:放心啦,唔係問你數架
糯皮...我最初都估你唔係架啦
佢話睇過我既日記黎
仲話我好少講佢,成日講kooby同miki
...我唔見得佢個日記有提起過我喎 = =
而且我用ctrl+f數過一次,
第一頁(未寫今日既日記之前)
ceci6次,kooby5次,miki係几乎果日有見到佢都會講佢

同hydro講左陣maths既野
從佢同co講既野發現co近排突然好勤力計數! @@
比佢計下amaths今日既classwork裡面一條難到我既題目啦
solve (x-1)^2=k^2 (x+k) for x (in terms of k) <-第44題
我睇solution先作到中間d step出黎...
徐sir名言(對於d學生做bk report) 睇頭睇尾作中間

個日記寫左兩粒鐘 = =

>>September 17, 2003 at 1:00:25 PM GMT+8

2003 年 9 月 15 日 星期一 【晴】

今朝出門之前阿媽叫我帶遮
我落左樓先醒起自己唔記得左 -o-
行到舊墟小學條隧道果時落起大雨 ><
返到課室見到劉舜年(玩mud識佢既)已經等住我返黎要問我數...
教完佢之後佢話響mud入面會送本神書比我
好野~^_________^
hrzo話我一直話唔想教人maths,但日記成日講自己maths勁
諗諗下就覺得佢後半句講中晒 =.=

今日頭兩堂中文要作文
8:10之前一堆人問我借作文紙 -____________=
(舊3c冇同我同班既同學可能會覺得呢個係一種損失 @@)
有高軒,bobby,瑩瑩,ck,tony...唔記得左仲有冇其他人
我有見及此,為防我d作文紙好似以前咁比其他人既快几倍用晒,
所以響作文紙既封面mark左每個人借几多張
高軒提番佢響mud入面比過10萬黃金我升武器既level
所以冇mark到高軒個名 @@
篇文好難作 = =
周sir叫我地自己審題,
話篇野唔係說明/議論果類喎
即係話應該記敘/抒情/描寫果類啦
前者我覺得易寫,後者覺得難寫...
落堂後第一個小息用左一半黎作文
之後PE堂要落去換衫準備上堂

因為天雨關係,PE堂響hall同地牢上
hall-跨欄,地牢-鐵餅
PE好多野都冇得話難唔難既~
今次唔係話自己勁喇! =.=
因為對於我黎講,PE有一樣野比其他易少少既都好少見
超難既就有~

econ mc我錯左10題以下 ^_^
好多題都係老師話認為好多人錯既
o岩果d有一半要多謝肥龍丫真係~
英文唔識都係佢解比我聽既 @@

lunch time有時間,就作埋篇未搞掂既文佢
但唔記得左自己小息果時諗好晒要寫既具體文字
要憑仲記得少少既意念寫番出黎
兩個字:爛尾
三個字:衰收尾
四個字:虎頭蛇尾 <-但唔覺自己個開頭寫得好 =.=

chem去lab~
第一個實驗要要用burnsen burner燒8樣野睇燒出黎既火係咩色
即係我,賢,豬,彤一人玩兩次啦
我玩第4個同最尾果個
燒最尾果樣野(唔記得係咩黎嚕,淨記得係綠色)d火既顏色超靚
彤見到咁就話佢專登燒前一個,留番呢個比我燒既
是嗎? @@
結果我,賢,豬每人都至少燒過d綠色既物體一次 <-唔記得彤有冇燒過
第二個實驗係搞sodium carbonate/chloride/sulphride既
我連續做錯左sodium chloride既野兩次! = =
"x followed by y"既意思竟然解錯左
豬問番我果時仲理直氣壯話"followed by丫嘛" <-一講完呢句先發現自己糯皮

kfc話聽日開amaths
係好事亦係慘事 = =
因為聽日開始教amaths,
所以我叫瑩瑩比番d奧林匹克既數我 <-好耐之前佢曾經問我借去睇
↓呢几行講既野係a,b班專用,因為c,d,e冇amaths
如果你地想練amaths,可以隨時問我借你想練既chapter(s)既有關內容
前題係...你想要既野我冇借比人 <-因此將來可能有影印既必要
仲有,裡面有野唔識計唔好問我...因為我冇可能識答晒,d題目又有可能出錯

要睇晒英文書既chapter 1-4 = =

p.s.拉登生日快樂呀 ^^

p.p.s.s.突然諗起棋魂既一個角色－－棋院院生越智
佢每次輸棋都會走入廁所,
不停用手指篤個廁格門+自言自語
有棋魂網評論呢個角色既時候話:
大家唸書時都碰過這類人吧!對成績斤斤計較,你也很討厭吧!

>>September 16, 2003 at 1:51:45 PM GMT+8