2003 年 8 月 25 日 星期一 【晴】

又係好呆既一日~ -________=
尋日魚話今日去睇魔盜王
今日我9點起身,
到12點半食完晏,
魚都未同我話几點去邊度等
睇番icq history先知佢話睇12點場 =.=
原來佢尋日有同我講過睇几點架!

今日終於打爆機戰D lu~
coco昆水!佢話D既最終話有3個版圖
點知得兩個...
最後既大佬同機戰之地d人講既一樣,
唔識自動回血,除左我第一次殺死佢復活一次之亢
比我慢慢磨左3回合就磨晒佢果20萬既血勒...
殺佢第2次之後再復活,
高達w個杜魯斯就走出黎自爆同佢攬死
原來隻廢柴大佬機既駕駛員係主角老豆黎架!
大不孝丫 -___________-"
爆機後save左玩2周目
有15段改造果然屈機!
將超級系初期主角機改爆左(1周目我玩真實系丫嘛)
最弱武器威力都5100...
喂喂,我真實系後期主角機最強招都得4950咋喎...
可惡!!!超級系15段改造強咁多 \______/
3周目既20段改真係唔敢想像...

阿媽叫弟弟今日做晒本暑期作業
否則就聽日叫阿爸返工果時羅走埋ps個火牛喎
咁既形勢,佢梗係趁阿媽出左去叫我教佢啦 ~.~
教得佢果几頁,佢仲有成半本未做
小學生唔可以咁懶架! XD

我記得自己小學做暑期作業果時,
一本有四科(中英數常)
我一定一日做晒數學先,
跟住一日做晒常識,
一兩日做晒英文,
最後做中文(懶既時候可能要到8月2x號先做得晒)
而家既進度就慢好多嚕...
英文差2個作文,中文未做過觀後感 =.=
關唔關福州之行既事呢? <-推卸責任? :P

今日打日記既時候又見到隻虫
應該唔係蚊勒,響個mon前面
體會到"一隻手指卒得死"既快感 XDDDD
見到手指上面有d綠色既野...
係虫既血?!

re 怡:我既字典多一樣用途...借比人 >"<
帶左返學校就塞落櫃筒,
次次英文作文堂都有人問我借字典...=.=

>>August 26, 2003 at 1:46:09 PM GMT+8

2003 年 8 月 24 日 星期日 【晴】

哇...
禁錯掣搞到要重新打日記...>_________<
以後每打一篇都要backup~
(我之後記得先算啦 :P)

同豬講個生日快樂先~
mud入面既公認豬頭(大概解蠢材/糯皮) moban(豬敗)聽日生日
由此可見,呢几日生日既都係豬黎既~XDDDD

凌晨12點,差唔多熄機既時候co話send hunter x hunter漫畫比我
但係我就黎熄機,點收得切個file呢?
所以同佢話今朝再問佢要
巡板見到早餐寫番11-20號日記
呵~十几日冇寫佢終於寫番勒

hxh ova2好好睇 ~ ^^
基路亞,小岡兩個最尾入去接受測試
要向個念力高手展示自己既念力
兩人使出左自己必殺技啦
基路亞用超強電流整爆左測試果間房既燈,同埋整穿左地板几個窿
小岡入去就用重拳打到個地板穿左個大窿
基路亞聽到果下巨響,
等小岡出黎之後話:拆樓果個係你呀?
其實兩個都係去拆樓! @@

今朝10點至起身~
死喇...暑假尾我至晏起身
開學之後仲晏起咪死?!

見弟弟仲打緊機,
我同佢話:10點喇 <-播緊幪面超人古迦嚕...佢追開
佢唔知咩事,等我講番佢至好緊張咁轉番電視個台
個樣好搞笑呢 ~ XD

多謝co呀^^
問佢要左hxh漫畫 178-192 ~
暫時我睇到去181左右啦~

10點起身到12點几先食野...
一隻蛋撻+一舊提子蛋糕
午餐呢?3點半-5點半囉
食一兩啖飯又行開下... :P

第一次打呢篇日記(之後禁錯掣要打多次丫嘛)果時睇下側邊棟牆,
見到自己尋晚用字典拍瓜左既蚊
打多几行字我就羅台布黎抹番乾淨個遺跡勒
話時話...字典殺虫技好似侵犯左蔡ming既版權 XD
佢話自己掟一本字典就可以整到蟑螂出沒既地方變成一片"甲肉模糊"架~
命中率比起婷用拖鞋掟四腳蛇掟錯光管高好多...XDDDD

>>August 25, 2003 at 1:40:03 PM GMT+8

2003 年 8 月 23 日 星期六 【晴】

機戰D...進度慢左落黎
攻左最後一關第一塊版圖
第二個版圖既敵人命中率同回避率好高 =.=
阿寶打卒仔命中率都係得50幾%,
率仔反擊阿寶係40幾%...

阿爸,阿媽今朝就出左去,
留左d $$比我同弟弟買晏晝飯
我去買果時弟弟話食壽司...蟹子+鰻魚
五十年不變咧 @@
我梗係食吉野家啦~^____________^

豬今朝開左個新日記~
佢話彤book左1/9大埔體育館既場喎
叫所有人想去同佢或者彤講,
等佢知道有几多人去,睇駛唔駛book多個場
早知我就唔好今日同佢話我去啦,等31號講丫嘛 XD
講起其他人日記,早餐果個都成兩個禮拜冇寫lu
唔知佢做咩事呢...

下晝打左好耐機,睇番個電腦
見到顧顧問左我2條數
問少少咪答佢囉 <-問得多就睇邊個問決定答唔答
想成本野借去抄我正路就一定唔比架喇,可能有d變數啦 <-後面會解釋下d粗體字
佢升b班要讀amaths架
如果一睇題目冇頭緒就飛/問人,都唔知佢第日點算勒
唔通全部都飛晒佢咩?!

睇amaths testbook...
哼!maths不足為患,唔理佢!
全本book A 6個chapter得1,2個奧校冇教過 -.-
響第1個chapter--mathematical induction入面搵到jacky曾經問過我既一條問題
死喇...我諗我教錯左佢...
佢問我果時我仲返緊奧校代表隊訓練丫嘛,
梗係好自然咁用左奧校既方法教佢啦
睇完左chapter 1先發現之前教jacky既方法係牛頭不對馬嘴!
我響奧校學既野果然無法用在amaths嗎?

今晚有hunter! yeah ~

p.s. : "正路","變數"係奧校陸sir既口頭禪~
響福州既隊際比賽前一日,
陸sir同我地解釋比賽方式
我地有疑問果時,
佢唔係話:"正路就係啦~"就話:"冇變數都係咁啦"
此後,呢兩句就成為左我地班中學生既口頭禪 XD

>>August 24, 2003 at 1:59:10 PM GMT+8

2003 年 8 月 22 日 星期五 【晴】

暑假終結9日倒數
今次可能係我最後一個可以玩盡既暑假喇 ><
剩番英文3個可以抄+1個唔可以抄 既作文 同埋中文既觀後感 =.=

棋魂~
佐為真係一個性格獨特既人物 XD
一聽到人地同光仔講d咩圍棋活動,佐為即刻威迫或者求光仔去
光仔唔去就變Q版+坐低喊 @@

唔駛做樂理=加強機戰D的戰鬥速度~! :P
剩番最後一關...
全部機體裝晒完全回復果件配件
同final boss死過!!!
(暫時save左,冇打過果關)

>>August 23, 2003 at 9:46:18 AM GMT+8

2003 年 8 月 21 日 星期四 【晴】

機戰D既關好似成日都每關兩幅版圖咁...
近几日破左既5-6關都係兩個版圖
即係贏左第一個版圖之後,
要再派出一次d機體黎打第二個版圖
機戰D既設計者們丫
可唔可以將隻game整得仁慈少少架...?
macross7故事既最終敵人15萬血,
除左歌之外一切武器既攻擊威力都要減半 = =
仲要每回合補10%血(即係萬五)
我d機個個都用最強招,
d人用左精神先扣佢六七千,冇用精神就得3千几甚至更弱 = =
打到佢一半血就走去用全回復...不過都唔算咩野
咁精神呢樣野當然唔係無限用啦,
我用晒所有精神,用到冇得再用先o岩o岩好爆左佢部機
點知...佢個死野走去復活......!@#$%^&*
復活同時macross7既仙美走左出黎
原本既故事話佢原本係敵人,後來掉轉槍頭幫巴沙拿打番自己族人
我諗住試下唔用精神,搵d弱招慢慢磨復活果隻野d血啦
全部人出晒自己既招式,到敵人行動
敵人行動完,到仙美行動,仙美劈左隻大佬一野
即刻過關...@@
嚇得我丫,仲以為要我打佢兩次

下晝去左買書~
個人執錯左一本physic既比我,本來我買左a,b剩番c冊
佢就執左本a,好彩我留意到o者^__________^v
我太遲去喇...
搞到今日淨買到3本

返屋企之後我梗係揭下本maths book A...XD
睇一睇quadratic equation果課
佢淨係講sum/product of roots,quadratic formula同埋delta...
= =...咪即係做比賽題最常用既解題方法?!
textbook入面d example/練習題全部都係簡化左我form 1,2響奧校做過既題目甚至更淺
即係maths堂我訓得咁滯啦~
或者上緊maths堂做amaths都唔錯 :P

樂理...
趕得切響出門之前做晒d功課
顧又叫我帶自己本maths暑作比佢 =.=
哼,我就帶本野去!
不過佢就算想要我都唔比佢架喇 -.-!

>>August 22, 2003 at 10:41:32 AM GMT+8

2003 年 8 月 20 日 星期三 【晴】

今朝弟弟去m記買野食
佢問我食唔食,梗係食架啦~^^
就係咁駛左佢去幫我買野食勒 XDDDD

慣常習慣!機戰D+樂理+英文暑期作業
英文暑作最尾個chapter既writing workshop都唔算作文既
話佢係句式改寫就差唔多
不過咁仲好,因為咁樣易做 ^__________^v

樂理 composing 4-bar rhythms <-創作4小節既節奏
每一本樂理都有呢樣野...-____________-"
grade 1果時係比兩個小節,
淨係要你作番後面兩個小節既節奏出黎
我用死同一個模式就寫得出晒所有既答案,超易做
做一版已經諗好耐...仲有一版丫
我都係鍾意做有model answer既野多d...
model answer比較唔駛用腦丫嘛~

做左一頁樂理之後我心血來潮,去揭amaths textbook黎睇
睇一睇第一個chapter,
嘩!咁複雜既...
突然好驚自己會跟唔上...><
我讀開奧數,唔知會唔會令我用錯方法去做amaths
努力d練習多d?!我要好大恆心喎
小學既後期直至中三我都好少為左數學測驗/考試而溫書...

>>August 21, 2003 at 12:07:37 PM GMT+8

2003 年 8 月 19 日 星期二 【晴】

今朝做左1頁樂理~
尋晚訓之前做多一頁 :P
而家全本grade 3剩番2頁~
composing 4 bar rhythms...= =
聽日搞掂埋佢就得勒^^

晏晝12點零鐘,豹豹icq約我去又一城踩冰
有佢,虎虎同tt <-豹話係佢同虎既幼稚園同學,由美國黎香港玩的
豹叫我打比coco嗌佢去,
但我打電話比co既時候,永遠都要打密碼先打得通電話比佢...
到我諗住熄機既時候見到co開左icq
咪叫佢去囉~
佢又諸多藉口唔肯去 -o-
死仔丫 -.-

食飯之前阿媽提番我去琴行羅樂理考試張表格
星期一話改申請,要埋中文版試題,本來講好尋日去羅表再填過
尋日唔記得左,今日阿媽提起我先記得件事 @@!

約左虎,豹佢地2:15 九龍塘mtr 恆生銀行等
去到見到一大班人響果度集合...佢地做咩架?! <-其實唔關我事架
茫茫人海之中唔見有人嗌我(我最初連豹同虎係咩樣都唔知架)
咪行開陣囉...走返去恆生銀行果時有個人嗌:係danny呀~
哦~係果三個人勒!有一個叫我估佢地邊個係邊個
我見肥果個唔識我,就知佢係tt,叫我估果個話係
剩番2個...撞中左~叫我估果個係豹
同我想像中有出入囉~
我以前推測豹把聲沉d架 <-響icq佢講d野好似好成熟咁
真實既情況係虎把聲沉d
果三個都係男仔~

虎同tt未食晏,所以全部上晒去又一城既頂層
佢地食緊麵既時候,有一個女仔黎左
豹話個女仔係佢既fd喎,虎同tt都唔識個女仔
豹因為佢係基督徒所以叫佢"church" @@
(後面提起佢既時候就叫佢church啦)

排隊入場既時候o岩o岩上一場既時間完左,
所以我地見到有個清理場地既人渣住架專用車掃平番個冰場
tt好無聊去影個工作人員 @@
哇咧 !@#$%^&* 入場費$60 + 每個locker $9
五個人既野塞唔落一個locker,要用兩個 <-唔知邊個比locker錢,總之唔係我
我,tt同church係第一次踩冰
我一路都掌握唔到,直至走之前都唔可以滑行一段長過行一步既距離~

返過三次去有locker既地方,兩次休息一次走人
第一次返去果時,接近離開冰面時失手(係失腳 @@)跌左落地 <-最唔應該跌低既時候跌 －．－
不過今日踩冰都係跌得一次咋 ^^V
第三次返去,除低隻溜冰鞋既時候即刻覺得腳 足爭 勁痛 ><
換鞋既時候同church傾左陣
最初佢問我點稱呼(係五個人見到面自我介紹既時候)
到我入左去溜冰場先問番佢又點稱呼 <-唔係應該即刻問架咩?!
同佢傾偈果陣佢問我叫咩名,
我就到離開溜冰場,上去食野果時先問番佢個名 <-正常應該即刻問番佢架嘛,我做乜野? - -
佢話自己數學成績係中上,覺得amaths好難
呃...嗯...

走之後我同豹響kfc買左d野食
之後周圍行入d鋪頭搞人地擺響度既野 XDDD
玩完就各自返去嚕~
最早走係我,因為其餘4個都搭地鐵,我搭火車
返去之後我,豹,虎三人之中最早online都係我 :P

夜晚宋永平響icq放url問邊個想去踩冰... 0.-

發丫~我真係唔知係邊個架...
淨係知道一定係某3個人其中之一囉~

co丫~
衰仔 - -
唔肯去同我同虎,豹溜冰 -o-
加油練到畫他出來吧 @@
你太笨所以看不到我的msblast.exe XDDDD

>>August 21, 2003 at 12:23:33 PM GMT+8

2003 年 8 月 18 日 星期一 【晴】

乜我做功課同打機既進度好似一日快一日進咁既?
今日機戰D玩多左(可能諗d小遊戲點打諗左好耐啦~)
功課做少左...
不過我諗今個禮拜之內爆到D既話都冇乜問題~

下晝去富善打波
做乜彤要book果度既場架?咁焗...
焗到丫
我著背心(上次同拉登,高軒,ck去果時拉登話我著得好"sexy"果件 @@")
打左半粒鐘已經成身汗
可能因為耐冇打,或者隻手習慣左打keyboard,
一開始勁hang機...揮拍成日打唔中個波
企得耐痞低,或者痞得耐企起身都會覺得少少頭暈
呃...熱既環境之下我成日都係咁喎 －．－
阿曉同彭狗去左都唔打波,淨係坐響度吹水~
彤見到有個波o係牆側邊既柱上面
佢同zizi都拎唔到落黎
zizi就叫我幫佢地手
羅落黎之後問番個波係邊個既,彤話係之前既人留低既
我係時候玩野勒...將"liu"左落黎既波扔番上去先~
要路不拾遺丫嘛~ XD
扔左好多次都唔得,憑著百折不撓既精神終於成功左 XDDDD

4點夠鐘之後全部人響個場出面傾偈~
之後呂,zizi,小馮,apple,我,ck去左許留山
我同ck冇食過野~^___________^
zizi提起好多人中左msblast既病毒,
我就話:想搵果隻msblast放入自己shared file...
ck同我一樣係用98所以隻野完全唔關我地事
佢地食完就全部走晒咯~

返屋企開機(哇咧~!@#$%^&* 玩到成身汗,返屋企竟然唔係第一時間沖涼?!?!)
將一個玩遊戲既exe檔改名做"msblast"放入shared file
跟住發佈消息叫人睇我shared file~
想像緊d比我嚇親既人既樣 XD

發既icq info改左...
佢話覺得自己鍾意左一個人
我冇問佢係邊個,
因為我自己都試過比人唱既滋味
己所不欲勿施於人也~ (眾:死仔!咪扮清高啦)

原來我同jacky,ck三人響打字比賽既團體部份有優異獎呀~
我地三個係一組的
感動 ~ > < ~

>>August 19, 2003 at 1:51:39 PM GMT+8

2003 年 8 月 17 日 星期日 【晴】

今朝一起身...
奧校(香港數學奧林匹克學校,我去福州之前就係響果度操數架喇)有個老師打黎
叫我幫佢打一部分奧校比中一-中三課程用既notes
一早起身傻下傻下,懵下懵下咁應承左
我痴左線咩...
仲有大半本樂理,英文暑期作業6篇作文,電影觀後感未做
樂理剩4日
英文暑作剩約2個禮拜
觀後感剩約一個月(因為15號交)
加多舊打字...死勒

今日突然間有一種力量,做左部分既功課
抄答案做左一個暑期作業既作文~
樂理未做既練習中暫時做左1/4~ <-比例以頁數計
grade 2本野比左個老師改我d練習,唔記得晒harmonic/melodic minor既野
睇番以前鋼琴考試既練習書先知呢~

食晏晝飯之前(1點几)蔡ming打黎,話佢中左w32blast...
好彩我keep住showhappy.net個email o者~
我一路睇果個pdf文件,逐步教佢清病毒+修復winxp既bug
佢話早几年隻"iloveu"病毒全世界好多人中,佢中左
今次w32blast佢又中左
我食飯前仲未同佢搞掂一半既解毒步驟
到3點几先搞掂佢部機同隻病毒

7點几琴行個姐姐打黎搵我媽,之後阿媽比我聽
好消息呀!今年既樂理考試可以要試題既中文翻譯本呀! ^__________^
對英文極差既我絕對係大喜訊啦!
作答都可以用中文呢^^
希望佢d翻譯唔會太差吧 -_____________-"

>>August 19, 2003 at 12:23:09 AM GMT+8

2003 年 8 月 16 日 星期六 【晴】

暑期作業同埋數學比賽感想(中學代表隊的兄弟們,集體唔寫吧! XD)今日完全冇店過
樂理做左几題又走左去繼續機戰D
真係浪費左今日既時間...~

晏晝阿媽眼訓冇煮到,
叫我同弟弟一人食一個杯麵
我入廚房煲水果時腳趾撞到門邊
本來諗住冇乜野,隻手店落去覺得濕濕到,望下先見到...
血呀!!!
希望唔好爆腳趾甲啦><

全日90%時間係機戰D
玩到第25關囉
被困o係25-26關之間既小任務
果d小任務玩落又几盞鬼~
記得有一關要打到一隻500几血既敵人剩番200以下,打死人就輸
原來取勝之道係連續用兩條友自爆 =.=
W高達5個主角,得張五飛一個冇"自爆"精神指令 <-死反骨仔 XD

我部機開模擬器既速度真係好慢
開模擬器時仲食好多ram <-我部野廢丫嘛,係咁架喇
一開模擬器+IE(有背景音樂)即刻 "internet explorer發生一些問題,必須關閉"
7點几8點至試過一次因此而hang機~

死喇...中文仲有個電影/電視劇觀後感唔識寫
英文暑作差6篇作文(實際要自己作既得1篇)
全本樂理grade 3剩80-90%...=.=
希望我一陣等睇hunter果時做到半本樂理啦~
三分一都好~
到時電腦熄左,應該可以快d

講起hunter,tvb可能今日(應該話聽日凌晨)開始播ova2呢~
jacky話網上既hunter ova2出到一半就冇左
死喇!9月我咪唔睇得後面既hunter?!
要返學架喎...><

>>August 17, 2003 at 2:25:36 PM GMT+8