2004 年 3 月 12 日 星期五 【晴】

今朝一起身
媽:「買唔買部新電腦呀?」
「好呀」
「但係買左番黎你要學琴喎」
由此可見我是缺乏遠慮 @@
阿媽邊有咁好死無端端同我講d咁筍既野丫...-.-
媽繼續說服我:「部機而家係咪太舊要換過部呀?」
我:「會考緊要呀,如果買左部新機番黎我掛住玩咪弊?!」<-因為而家果部性能太差,咩game都玩唔到
我睇得出阿媽開始逼唔到我學琴,用硬唔得要用軟 @@
(其實要對付我一係用 "軟" ,一係就要用d "硬" 到會死人既招數 ...)

下晝去科大上maths course~
佢話要1:30到,我預個半鐘
下次要2:00,即係預75分鐘都差唔多咯~
唔想同阿媽個fd去...唔知點解~

去到果度搵上堂既課室,行埋個路牌既時候吳鴻志響後面嗌我
羅左張學員證嚕~
我個銀包好似塞滿晒d卡/證件喇喎...
包括:
身份證,學生證,八達通,資優計劃學員證
公共圖書館既圖書證(舊版黎架 ^_____^)
香港學生聯會果張neway優惠卡(唔知今年用得几多次呢 @@)
去7-11買牛奶平d果張片(而家百佳惠康都肯定平過佢啦 -.-)

見到楊淵釵P上個禮拜六去培正果個喇沙人 @@

頭一個鐘響一個唔知叫做咩既地方上堂,總之唔係課室啦
阿sir今堂講好多咩運算律,分配律...
其實不外乎小學學過好多既加減乘除之嘛 =.=
佢話舊年教得快,搞到d學生學得勁辛苦
所以今年將項武義教授寫果份notes既內容分8堂教 <-阿sir話個教授已經退左休,份野係几年前寫既
仲有唔會照住份野教,果份野變左參考資料
希望佢之後教d野唔好同果份野差唔多咁深就好 @@

今日見到既代表隊成員有
楊淵� 馮夷 馬威(佢唔係舊年已經玩過架咩?!) 袁澤曦 嚴永賢 李家國

跟住果一個鐘去另一個課室 <-呢個真係一個 "課室" 喇
好似叫做小組研習 @@
呢次d野就夠深喇~
3題example 3題功課全部唔識 !@#$%^&*
吳鴻志話佢地班今年符sir教 <-果然...每一屆既3e班maths都比符公買起左 = =
符公好似好睇佢唔順眼咁
又例牌成日講「d叻既同學呢點樣點樣」-o-
吳鴻志話符公叫佢地班證明root 2係irrational number
今日學左
佢返到去有得玩嚕~ XD

最尾一個鐘勁眼訓
但係最尾講d野我先最有興趣丫 ><
前半個鐘好眼訓,不過都約略聽到d野既
聽到既topic有火箭發展史,有d咩科學家出名,各種火箭燃料既比較等等
我記得有一隻燃料好勁,但係對大氣嚴重污染所以被禁用
後半個鐘真係訓著左
醒番已經5:02
講野果個都差唔多講完

響回程既巴士上面我同吳鴻志講好多學校既野
原來符公特別睇enrichment果d人(總之就係叻既人)唔順眼 @@
佢地比舊年班3c既勇氣差得遠咯~
食野都偷偷地食
唔似得我地有d人逢maths堂之前一日都去定惠康百佳買零食 XD
佢同我講一次串符公既經歷 <-佢話係最開心果堂maths喎
　話說吳鴻志上緊堂笑,比符公見到
　符公就話:dun laugh egg me <-唔咁樣寫表現唔到符公講野既神韻~
　吳鴻志:i'm not laughing. i'm smiling
　一講出黎全班就大笑,符公個樣又好無奈咁~
唔知宋永平定係佢犀利d呢? XDDD

而家記得一去一回要響邊度轉車嚕~
好彩回程冇訓著o者~ ^________________^v

夜晚做左phy hw,grammar focus
中文習作好難 = =
唔係因為唔識,係因為佢冇寫明每題几多分,唔知要答多定答少 =.=

死人tvb丫 -.-
"gundam seed" 叫做 "機動戰士特種計劃" ?!
雖然套野聽人講做得好差,左抄一忽右抄一忽
tvb仲要作一首中文opening比佢 =.=
唱果個可能係方力申 <-kooby記著! @@

消除左 "nothing more than sai" 既諗法
如果真係咁就好恐怖...

re dreyer's:
應該有好多組都係聽日錄音架...
我地果組尋日錄係因為我今日要返course,彤聽日唔得閒 <-佢勁多課外活動 @@
打字速度呀?
唔知自己而家係點 @@
舊年暑假時既速度應該係最高峰
而家我覺得自己係退步緊...

>>March 15, 2004 at 8:57:53 AM GMT+8

2004 年 3 月 11 日 星期四 【晴】

今日一返到去見到黑板寫住要交maths test corr
覺得自己好冇記性 -.-
尋日至提住自己要帶,今日居然唔記得帶既?!
好彩kfc話滿分果d唔駛交~ :P

唔該miki 借temp record form比我~
「唔知佢check邊面先喎」
見到kfc行埋去門口果邊,即刻遞番張野比佢
kfc羅起左几張黎check
好驚佢羅我問miki 借果張...
好彩~ @@

英文堂派左尋日個paper 3 exercise既答案
84分我得64...
task 1 寫錯格式 !@#$%^&*

keating叫之前去左cyber writing d人出去講野
bobby話自己最鍾意其中一個作家既原因係
得佢一個講中文 XD
keating引述果個作家「唔該晒」呢一句
全班鼓掌! @@
原來keating識講中文架?!

吳鴻志同黃慧中搵我話今日 lunch time同梁sir食飯~
響培正果日梁sir話因為吳鴻志要早走,唔齊人
所以佢想再搵一日人齊再出去食嘛~
就揀左今日喇~
^__________________^

phy...
不知不覺,原來教完晒chapter 7架喇?!
比左1題classwork 2題hw
classwork果題勁難...= =
hw果兩題未做唔知啦
好似星期一交...!@#$%^&*

lunch
黃慧中最熟大埔墟 <-佢話平時同d同學去大埔墟食野,但係梁sir問佢去邊度多佢又話係求其去既 @@
不過佢今日唔得閒所以佢冇去
梁sir話想再約多次去食lunch
吳鴻志想下次又有一個唔去再食多次 @@

吳學銘問我amaths几分
之後越講越遠,差唔多每一科都比我地討論晒 XD
佢都覺得a班有d人係讀唔掂amaths...
吳鴻志又加入討論
下一屆三班理科分別讀既科目變左~ @@

返到課室
高軒之前同我話佢個筆盒條銅條插得番落去
我同釗見到又整一鑊~ XDDD
高軒筆盒上面個蓋几乎斷開
中間有一點係我專登整到佢唔斷既
阿君幫高軒修理筆盒( "修理" 真係整番好架! @@)
兩隻食指各吉到一個傷口
高軒以前猛拍張台打番正個形狀既方法咪好駛好用囉~
用手整係自己羅黎衰 XD

bio lab
因為前日chem lab堂已經做晒d experiment
所以成組人冇野做~
響度影d apparatus既相 XDDD

曉:「要背默呀,我默左一次咋」<-想響bio堂背 @@
我:「一次夠啦...我未默過呀 -.-」

威突然間好嬲,勁鬧terry
豬佢地話威應該唔係淨係今日件事咁嬲 <-我唔知發生咩事 = =
係心裡面積埋積埋好多野野一次過爆晒出黎 @@
爆發完之後佢喊得好犀利...
我自己好似成日爆發喎!
不過我爆發果時唔係淨係鬧人,仲會破壞一d野...

最後中文堂背默
將進酒錯兩個字...
我原來唔識寫個 "宰" 字架 -o-
兵車行o岩晒
好彩兩首詩分兩次計分
咁我都有一次100 :P

放學去豬屋企錄音~
豬響課室叫我一陣提佢去嘉頓買麵包
我:「几時提你呀?去到你屋企樓下呀?」
豬:「落左山提我丫」
落左山,行落果兩條樓梯之後
「豬買麵包呀」
準時 "落左山即刻提佢" XD

響豬屋企錄音
因為出面既環境太多雜音,豬提議閂晒d窗
所以過左個几鐘之後大家覺得好焗
一想抖下就全部人鬆晒 @@

錄音既開頭每人講一句自己係邊個角色
錄到一半我先話一開始彤應該響 "i am emily. i am the young man, that's the angel"
後面加番一句 "and the sound effects" XDDD
其實唔係全部sound effect都係佢
不過佢既戲份都唔輕架~

全部4個人都有份 "出聲" 既section得一個...= =
(冇一個section係 "全部人都有份講野" 架 @@)

豬睇資優個網
做果d project佢冇入選
「擺明比晒science果d人啦」
佢報左 "飲食與肥胖"
其實豬還未算 "obese" 吧...XD <-我講真架

>>March 13, 2004 at 2:45:33 PM GMT+8

2004 年 3 月 10 日 星期三 【晴】

今朝一起身覺得好眼訓...
發現自己已經連續几日夜訓 @@

lily:「你又走,呢兩日好悶呀」<-講緊alice
我:「隔離冇人陪你傾偈所以悶?」
alice:「lily唔係乖學生,唔專心上堂」

leo:「所以食自己d米田共係合理架,因為食物既營養你淨係吸收左一半,剩番一半排泄左出黎」
佢咁想食咪食囉,做咩叫人跟佢食埋一份 = =
自己未改好上次d hw,叫人開本新簿做今次既bio hw...-o-

kfc派番amaths test比走左果d人
bobby 43分! @@

今日我發生咩事...
做n題exercise有n-1題因為睇漏野做錯
每次唔小心做錯野又唔認輸做多題
結果有一題寫左6/4做final ans !@#$%^&*
睇黎我做數係會好容易令自己爆seed...
豬:「你駛唔駛休息下先呀?」
肥庭:「maths唔適合你架喇,放棄吧啦」
豬有個字唔識解問我 <-我記得係好簡單既字
睇黎做數做到痴左線係好正常既事 !@#$%^&*
十分不爽那些一天到晚在喊苦的人 -.-

RE堂
梁廣煒又話要用聖經
瑩瑩同kooby叫我幫手開 locker
「雙手互搏...」
winnie個頭 - -
我插住條鎖匙響 locker等落左堂擺番聖經入去先鎖番 @@
kooby對鞋好重 -o-

lunch
豬入黎之前威話benny次次prefect 開例會都唔去
benny:「淨係上次冇去之嘛,你就話我次次都唔去,你留意唔到我,淨係留意隔離d副組之嘛」
因為我想講既時候威好惡咁瞪住我,我驚
所以唯有響呢度打出黎啦 :P
「嘩~你兩個飲水都一齊」
ceci一出聲兩個都即刻窒左一窒冇再飲落去 @@

高軒個筆盒終於吉唔番條銅條入去喇~ XDDD
(可能佢仲吉得落我唔知啦 @@)

winnie勁嗌bryan <-好似係westlife果個 @@
(我好似連westlife有几多個成員都唔知...係咪太孤陋寡聞呢? XD)
我將winnie寫響黑板既 "I LUV BRYAN" 個Y做左d手腳... <-高軒英文名係brian

英文堂做paper 3
勁 支力...
所以集中唔到精神去聽...= =

朱斤唔知聽日背默邊度比人老點 @@
豬見到philip既嘴形話 "大明湖" 瑩瑩又話廉頗藺相如
佢又加多句昆朱斤:「你睇第4冊最尾一篇課文 "店鋪" 丫,聽日就係背默果篇喇」

曉去左比賽 <-duet? 二重唱? choir嗎?
我懷疑自己代替左曉比豬問野 @@
不過我都係聽唔明豬諗出黎問我o岩唔o岩既解釋
明知自己冇精神都要夾硬黎...

返到屋企
想print野出黎,但係個printer唔work...-o-
費盡九牛二虎之力先將釘住電腦台粒螺絲扭左出黎...
身心俱疲 =.=
原來係因為駁printer既usb甩左 !@#$%^&*

>>March 13, 2004 at 1:08:09 AM GMT+8

2004 年 3 月 9 日 星期二 【晴】

今日阿媽同婆婆話去東莞喎
shopping? @@
我見屋企今日會冇人,就開定robot先返學喇~

melody,官惠盈,may做書介
melody講果本書話個主角坐几次飛機都係7A座位
鬼使神差 = =
才3次,算吧
比起向左走向右走那種 "緣份" 還不算得什么耶
may同官惠盈講真係笑話
may:
「呢本書教人如果講笑話呢,有兩樣野要避忌既...
　第一,講笑話之前唔好同人話 "我講個笑話你聽丫"
　如果唔係人地就會expect你講既野好好笑
　第二,講完自己唔可以笑,如果唔係人地會當你係個傻仔」
話口未完,「我講個笑話你地聽丫...」
講完得自己一個笑 XD
進進又跟住佢 "講左個笑話比我地聽"
講完自己笑住走左

要做一個 "中學生好書選舉"
要響60本書入面揀自己覺得最好果3本出黎
我一本都冇睇過 !@#$%^&*

周sir播廉頗藺相如列傳既錄音帶比我地聽
嘩
80年代既制作呀...
有人話響小學既教育電視聽過d角色既聲 @@
richard,jeff...
不過好似唔係太大問題喎...
得我同豬有試過為左抄野企起身睇個投射幕之嘛 !@#$%^&*

偽進進既 last day
今日教體操同羽毛球
體操係玩雙槓...
本來我雙手都谷到恆,稱起自己既體重
但係一唔夠力即刻...
右邊手臂撞左落條槓度
到夜晚都仲好痛 >.<
羽毛球果堂bobby雙手渣拍遮住塊面
睇佢個樣几滑稽,不過呢招又得喎 @@

釗,奶咀同我講一個mud既bug
釗話佢有bug唔講比奶咀知係因為
奶咀一定會話比我知,我又一定會話比高軒知,而釗同高軒一路都鬥緊
我有bug話比高軒知,高軒又會叫我唔好同釗,奶咀講
這這這...左右做人難丫 -o-

lunch time
今日星期三,本來諗住去老麥
ck又話要去一個有醋既地方 <-羅d醋返去chem lab堂做 is project 既實驗喎
去左上次去果間唔記得叫咩名既茶餐廳
見到黃慧中 @@
我:「佢咪係去培正果個女仔囉」
高軒:「佢勁唔勁架?」
呢層就要問佢本人先知嚕~
不過梁sir響f.3既maths拔尖班揀左佢出黎,話唔勁都冇人信啦 =.=

jacky拎住個裝住醋(似o急汁多d @@)既紙杯返去
係咁 "攻" d味去高軒度
我怕自己會係下一個目標,所以行先一步~

響chem lab做埋第二個實驗
用dilute NaOH neutralize檸檬汁~
一開始5滴5滴咁睇几時搞得掂
嫌功效太快
索性每次都將成個dropper既檸檬汁 "吱" 晒落去
結果梗係成功左啦
樽dil.NaOH用到剩番少少...@@

我發現自己d手指係蛇皮架...!@#$%^&*
隻手指唔小心禁左落阿媽話好利果把刀既切野果邊都冇事
店到d dil.NaOH又冇事 <-不過話明dilute,正常啦

jeff果組同肥庭果組一共6個組員
o岩o岩好全部去晒cyber writing
所以佢兩個唯有響度發吽豆 @@
jeff見到我地做個實驗,問豬:「如果你地個實驗唔得咁點呀?」
豬:「一定會成功既,所以唔駛擔心」
我引用左勇者王個大河長官既名言...XDDD
「有什么不足,便用勇氣來搭夠吧!」
沒錯,我們其實可以憑勇氣在final report 裡改寫實驗結果的啊 :P

講個笑話大家聽丫~
甲: 拿,聰明人講野呢,就唔會話 "一定" "絕對" 既,永遠都淨係會話 "或者" "可能"
乙: 係咪依照你咁講去做就一定o岩架喇?
甲: 一定係!

派左amaths test
41/50
因為最高分才42
所以我便不算是大炒了?!
我:「聽你話要每題改晒,咁你係咪每題扣1分呀?」
朱斤:「minimum果題扣4分,另外有4題每題扣1分囉」
佢果8分扣得好神! @@
"minimum" 果題真係勁茅...
我覺得如果考既範圍包括埋sum-to-product,product-to-sum我就會做到 -o-

kfc比左培正影果d相我
我都未睇,豬就羅左去睇 -o-
豬見到黃慧中又問一次高軒問果個問題 = =
婷:「我間小學架~」
@@

放學返屋企
個mud lock左,淨係得wiz先可以login...

8點几去左吉野家食

發現自己好似好耐冇整理過d notes...
搵勁耐都搵唔到transport in plants份mc past paper
過左好耐先記起原來果一課既mc同long ques past paper唔係一齊派既...!@#$%^&*

re hrzo:
響mud睇到既來來去去咪又得果几句
會學到几多形容詞呀 -o-
而且睇得最多咪淨係受傷狀態既描述 =.=

re dreyer's:
我都唔記得左自己點解會用呢個名...
可能因為我好耐之前已經用緊~
淨係記得 "黑天使" 呢個名係黎自一隻機械人 @@

>>March 11, 2004 at 5:23:28 AM GMT+8

2004 年 3 月 8 日 星期一 【晴】

禮:「你第几堂 test 呀?」
我:「尾二果堂」
禮:「鄙視你」

m頭好卑鄙 -o-
冇同我地講過今日調左堂...
第2堂原本chem,同尾二既bio換左
仲諗住小息同lunch time睇多次會冇咁緊張...

10題mc應該唔會錯一兩題咁少
交卷前發現自己沒有使用seed...@@

有几個a班人勁嘈b班知道晒d試題
好笑
是誰跟b班人講試題的呀? -.-
說實話,我也覺得b班小息後才test很不公平

phy lab做project既實驗~
冇pH meter...-o-
好彩今堂仲未需要用到佢~

這是真是打中豬了
錯1題mc響度嘈冤巴閉
我起碼錯左兩題呀 -.-

跌爛左一枝measuring cylinder
舊野跌落地之前係豬隻手拎住
不過豬又不斷強調唔係佢整跌喎
問過曉兩次係唔係佢整跌既
曉兩次都話:「係掛~」
高軒問我邊個整爛野,我指住豬...
學婷講:i saw(made) a pig eat a dead cat XDDD

唔知邊組帶左個吹泡泡既玩具去lab <-大家細個時應該見過呢樣野
比人羅左去玩~
philip好勁呀...
吹出黎d泡勁大 @@
不過跌落地既速度亦都快過細粒果d好多 XD

第二個小息落去金魚池影相
吳鴻志,黃慧中兩個勁扭計話唔肯影
佢地話我今日應該好似尋日咁唔好落去 <-本來係尋日放學影既,但係我冇左件事...!@#$%^&*
吳學銘冇出聲,我冇意見
最後都係4個人企埋一齊影一次,一人捧住個獎杯影一次
上面勁多人望住 @@

派左上次maths test
鯨魚羅到份卷,賢即刻大聲話:「嘩,滿分」
鯨魚:「你一陣唔好羅」
死仔賢丫 -o-
第3次100喇...
看來這次還是頗易100的...
只要開方13果題冇寫單位 XDDD
又一個給人扣了1分便大呼小叫
在卷上寫多了個cm的人果然很 "cm" <-周sir話 "串" 原本係黑社會用語喎 @@
驚死冇人知自己99分咩?
真係咁想死咩?
咁我呢d一唔小心就起碼冇5分既點呀?
↑↑↑上面呢句我可以搵到3件最近6個月內發生既事黎證明架
1.maths test 2,錯一題mc 95分
2.amaths exam,成份卷識晒,88分
3.唔係好耐之前既事,上個禮拜六,千几+二千几=二千几
我深信而家既會考仲未至於差一分滿分都冇A咁恐怖
已經兩次(還是三次?)滿分的kooby
hika ni nare!!! (光になれ,意思是 "變成光吧" )

chem堂(就說了本來是bio啦 -o-)
見到禮響走廊行過
我見佢響 lab個方向行過黎覺得好奇怪
再見到佢行返去lab果邊仲奇怪 @@
肥庭:「佢去女廁呀?」
一切既謎底終於解開喇 !
chem堂完左之後見到一堆4b既人響 lab方向行返黎
原來佢地之前float lab~
唔怪得禮行既方向同佢課室相反啦~
婷話之前見到走廊好熱鬧...@@

同肥庭吹左好多水~

聽日好似冇功課...
終於有機會喘一下氣了...

睇資優個網
上晝個基礎班冇取錄我
好彩最緊要既下晝果個有o者~ ^__________^
不過星期六的時間依然好緊迫...
2點要到科大,即係12點半要出門...
13/3-24/7,除左10/4,1/5,12/6,19/6之外每個星期六都要去...

re co:
我不是說過
自己除了sai之外便甚么都不是嗎? -o-
這不是不想做就可以不做的

>>March 9, 2004 at 1:43:02 PM GMT+8

2004 年 3 月 7 日 星期日 【晴】

今朝起身隻眼好似冇咁痛喇
不過仲係右眼細過左眼...= =

婆婆提起今日係阿媽生日~
我本來都記得架
不過年年同阿媽講生日快樂佢都會叫我送d野比佢
我又諗唔到送d咩比阿媽好...
我咁大個仔都唔知阿爸几時生日
因為佢話自己身份證既出生年月日都係作既 @@
佢又冇講過自己西曆係几月几號喎
印象中我冇刻意記住任何人既農曆生日(除左自己之外)

細佬今日去教育營,4日5夜...阿唔係,5日4夜
但係我著緊校服果時佢都未肯起身 -.-" <-佢要8:20之前到學校喎
我記得自己當年去3日2夜帶左唔夠30蚊去
除左買水之外完全冇用過,都用剩超過10蚊
細佬帶50都話唔夠係要羅多d...會唔會誇張左d? =.=
結果阿媽比多20佢 !@#$%^&*

最後還是受群眾的影響
做左几題amaths~

有張通告...
話有個form 3,4,6要參加既英文課程
"合共一千個練習" "有效期一年"
喂
咩意思呀?
平均每日要做三個exercise呀? -o-

英文堂keating又抽几個人講運動
羽毛球真是大眾的喜好 @@

驚訝...
form 4到而家為止有4次作文
兩次50几分,一次63一次64
64就係 "xx的校園" 3個題目揀一個作果篇描寫文
發生咩事...
第一次作描寫文,竟然高分過其餘3次 !@#$%^&*
我明明肯定自己最不擅長的就是寫景呀...

amaths test 時間分配失敗!
用左20几分鐘黎做第3題...
是因為我過於自信,認為自己沒可能做不到嗎?
沒錯是做到了,但是浪費了1/3的時間
強行用seed加速做完第4-8題 @@
交卷時覺得自己今次會失手...有可能大炒

人力有限呀...
即使勇者們死前最後一瞬間的力量也是有限
只不過遊星主抵受不住而已

lunch
同jeff tim 一個唔識既人(阿tim既fd) 揚 <-呢個後尾加入既
去左老麥食
揚講左d野令到我突然間好火大 @@
jeff問我做咩事
唔想響揚面前講,因為我覺得比呢個人聽到d咩都等於比全世界聽到
明知我想同jeff一個人講都要走埋黎偷聽 -o-
我係唔信佢可以偷聽到我 icq講既野架喇

前果堂econ勁冇精神...咩都聽唔清楚...

好多人都知我個 icq invisible其實即係online
不過總有d人唔知
所以send左個msg比全個 list

難得清靜
一到星期五就沒有的了...

我已經試過,知道自己果然係 "nothing more than sai"
唔想做sai,但係更加唔想自己乜都唔係
咁我仲可以變成乜野

>>March 8, 2004 at 3:10:03 PM GMT+8

2004 年 3 月 6 日 星期六 【晴】

今朝一起身就覺得隻右眼好痛 >.<
隻右眼既視界範圍冇左上面果半...
我照下鏡睇下啦
哇!
乜塊右眼皮紅腫左既?!
除左隻右眼上半比眼皮遮住既部分之外,兩隻眼都係白色既
尋晚訓覺之前雙眼都係紅色,勁驚呀 ><
婆婆想比左枝眼藥水我叫我滴下隻眼,不過我唔想用
唔係驚佢枝野過期...
係因為我唔知道枝眼藥水有咩功效,唔知自己隻眼o岩唔o岩駛
如果落錯左藥整盲左咪弊!

乜咁抑制唔到自己架...-o-
朝早想溫bio想到夜晚,都冇真正溫過書 =.=
以為得2個chapter就好少野?!
唔係呀唔係呀唔係呀唔係呀唔係呀!!!
"爆seed" 發揮功效的大前提還是要先對考試的內容清楚了解吧

夜晚阿爸返黎話樓下爆左水喉 @@

覺得自己是sai
竟然被誤會為自視過高 =.=
哼!
反正跟你說和向全世界宣佈也沒有分別
那被誤會也沒法子的了
對嗎?揚

>>March 7, 2004 at 3:15:51 PM GMT+8

2004 年 3 月 5 日 星期五 【晴】

今朝6點起身~
因為培正個數學比賽囉...
我醒果時個天都未光晒架 @@

6:3x去到文娛中心個巴士站~
搭9都未到就見到黃慧中喇~
咁o岩有架271黎到,上左車

我帶左本matilda
諗住響巴士上面睇~
唔記得自己尋日睇到邊...= =
終於知道書簽這種東西原來是有用的 :P

黃慧中:「係咪呢度轉入去就落車呀?」
我:「唔記得...」
巴士停低響跟住果個站
我見到左邊係 "萬基大廈" 就知道原來就係響果度落車! @@
不過一知道應該響邊度落車架巴士即刻走左 -o-
好彩下一個站仲更加接近集合地點
九龍中央圖書館

吳鴻志彈出黎嚇左我一驚 @@
我心血少呀...XD

梁sir到左之後
我:「有冇帶相機呀?」<-上次hkmo佢冇帶
梁sir:「唔好成日窒住我得唔得o者?」
几時有 "成日" 喎...-o-

梁sir話:「等埋下一班車(271),如果吳學銘仲未到你地就上去register先啦」
之後有一架271黎左,都係唔見佢
梁sir比張form我地諗住叫我地上去登記
吳學銘就到左喇~
佢坐火車去旺角飛的過黎 @@

上去登記完,入左考室
個監考員(應該係培正既學生黎)派左一人一份卷
過冇耐,個中央宣佈叫d監考員派卷
「比賽將於兩分鐘後開始」
之後講果個口窒,過左成半分鐘之後用英文講
"the competition will soon begin after 2 minutes"
=.=

個人賽 = =
有一題...我畫到試卷幅圖花晒 <-雖然唔係几何題,但係一樣要有圖先做到
最後做到答案係 1094+2187=2281 !!!
寫到個答案落去過兩三秒佢就嗌停筆咯

出左去,梁sir比我地對答案
7分果4題我唔識做,又信唔過自己撞答案既運氣
(mc都話有機會,呢d自己填答案就絕對冇信心會撞中囉)
全部漏空晒架 ^_____________^v
有一題係咁樣既:
　在去年的第二屆...數學邀請賽中
　試卷共有20題,其中3分題,4分題,5分題,6分題和7分題各佔4題
　參賽者的得分中位數有多少個不同的可能值?
我唔記得左一樣好緊要既野...
1,2,3,...,10 由細至大排,中間係5同6,咁median就係5.5
淨係考慮過d整數median !@#$%^&*
睇到 "3281" 果個答案即刻...
果題5分架...><
全卷得分 38/100

見到陸sir @@ <-大家已經唔記得係邊個 "陸sir" 喇掛,奧校果個呀
佢問我覺得份卷難唔難
超難丫 ><
好似仲難過舊年7月做果d大陸卷...

團體賽
未宣佈開始,我地4個已經一人睇几隻字咁睇到第1題既題目,諗到埋答案
　某數學邀請賽的試卷中,每題佔3分或5分,滿分為100分,全卷最多有多少題?
點解一定要係 "邀請賽" 唔可以係 "比賽" 既? =.=
一聽到話開始即刻寫個答案落去
勁茅 XD
吳學銘搵到我一個錯處
「點解有個π響度既?」<-果題係問三角形面積
好彩有佢...
如果唔係又冇左4分喇 @@

有張台下面條既鐵通凹得好犀利
懷疑培正中學有同新界喇沙差唔多程度既校園暴力 @@

過左團體賽即刻去hall個頒獎典禮
乜d人改卷改得咁快既?!
改卷快都唔止喎
仲要打晒d資料入電腦,sort好順序搵頭8名(三甲同5個優異獎)
如果分數一樣,仲要跟果几個準則去排次序架
個校長同埋個培正既畢業生(195x年畢業,而家應該六七十歲)
梁sir:「你估3屆比賽有冇一次要用生日日期黎分勝負丫拿?」
我:「唔係呀,如果生日日期一樣要抽簽架...不過如果要抽簽我就肯定佢係一份卷當左兩份卷睇囉」

演講果兩舊老骨頭果然係由細計數計到大架...
「推展數學文化,將數學的種子散播開去」
將zonda的種子散播開去把全人類zonda化才好咧 = =

梁sir比我睇之前几屆d得獎名單
我搵到葉力滺,楊淵�,馬威
楊淵釵P馬威分別係第一屆(form 2)同第二屆(form 3)冠軍
葉力滺係第二屆優異獎其中一個
「呢三個我識既」
今屆既得獎者(我淨係記得自己識既人 @@)
李家國,嚴永賢,馬威 <-呢三個優異獎
袁澤曦 <-超勁! 冠軍呀...
嚴永賢同佢間學校d人原來坐響mst既人後面...@@
梁sir話我應該係差少少喎...

團體獎項
優異獎: mst是其中一個~好野~ ^____________^v
52/100果然就有優異獎了...@@
梁sir:「羅團體獎開心過羅個人獎」
同意呀~ ^^

離開培正之後,響馬路度見到魚 @@
原來佢真係星期六下晝要去培正上course架?!

頒獎禮完左之後梁sir話請食飯 ^^
不過吳鴻志唔留得低,要走先
個獎杯3個人一人拎一陣 @@

響金輪船飲茶~
吳學銘第一個伸筷子去夾野食
我諗如果佢冇夾野食就3個人都唔駛食囉 XD

大家圍繞project 呢個話題吹水~
引用徐sir既名言:「比五個月同五日你地做project,出黎效果都係一樣」
不過同豬,曉,彤佢地做project 就唔係咁架喇...

梁sir:「你好腳頭呀,一帶你黎比賽就羅獎,下次比賽都要搵你」
我由小學而家參加咁多次數學比賽
今日係第一次有女仔同一隊去咋 @@

梁sir送我地送到去旺角火車站
吳學銘話唔想返屋企住
我同黃慧中就陪佢兜左旺角一圈喇~
(女人街?不知道丫~我好少出街)
吳學銘見到d 10蚊件既波衫想買番件 @@
黃慧中拎住個獎杯周街走真係威到爆 XD

響回程既火車上面繼續睇matilda
最後響k12上面睇完左~ ^_____________^v

見到吳學銘響旺角見到果個樣既波衫
完全一樣架! <-街邊檔有乜奶油係真呀? -.-
不過大埔(我屋企樓下)賣$90...

睇棋魂~ <-錄左
播完結局咯...
光仔同塔矢亮眼神交流既配樂...
充滿高手碰頭既殺氣! @@
光仔買左同佐為果把一模一樣既扇帶響身邊
吉祥物嗎? XD

睇電腦見到有人叫我比佢add我
authorization request message有d "3月6號比賽呀" 咁上下既野
nickname: "中"
生日日期 18/08/1989 <-DD/MM/YYYY既格式
乜咁熟既?几時聽過呢?
原來真係黃慧中...@@
喂! 佢響邊度搵到我個 icq架?!

re 豬:
你就好啦...5日4夜...-o-

>>March 6, 2004 at 12:33:29 PM GMT+8

2004 年 3 月 4 日 星期四 【晴】

今朝返學校...培正個數學比賽既訓練 = =
我遲過9點半到
不過梁sir遲過我~ :P
吳學銘仲遲過梁sir好多 @@

戴錯左細佬隻錶 !@#$%^&*

響4樓嗌落去
高軒,奶咀都聽唔到
吳學銘聽到我嗌佢
不過佢果班d人逼佢打班籃 -o- <-今日4a vs 4c同4b vs 4d
梁sir:「佢地要打几耐架?」
我:「半場...係咪45分鐘?」
梁sir:「唔係呀嘛?!」

之後梁sir決定唔等吳學銘
對尋日d題目既答案...
form 4果份卷100分我羅得3x = =
不過kfc講過,梁sir今日都講
培正d題目係深過MO既...

張比賽準則話
"如果個人賽分數相同,則依序按以下準則決定名次順序"
第1,2,3都係好正常既野,所以我唔記得
第4...出生日期較遲者 !@#$%^&*
出生日期都有關架咩?!
"如以上準則皆不能分出名次,則以抽簽決定"
我覺得如果以上準則全部都唔掂
就一定係佢將一份卷睇左錯係兩份卷囉...@@

響 車立 門口見到細佬 @@

下晝表姐黎左
佢黎左我先記起阿媽之前講過佢今次係星期五黎
都好既...
聽日唔駛發呆到3點至返屋企 ^^"
一路睇matilda睇到表姐走左~ :P

dl左首"勇者王誕生-完壁絕叫version"
首歌超變態呀...
全部勇者(凱同埋機械人)既聲優都up一次d招式同合體既名...@@

聽朝要6點起身
我竟然11點半仲未訓 !@#$%^&*

>>March 6, 2004 at 12:08:44 PM GMT+8

2004 年 3 月 3 日 星期三 【晴】

返學途中...兩隻腳既大髀都勁痛 >.<

今朝 leo sir入黎課室 <-睇佢係上黎想睇我地d bio wb做成點 -.-
佢聽人提起星期二有test,知自己失策 @@
將wb改左下個禮拜二至交...-o-
我尋晚做咩要捱住人鬧做到11點半呀?!
對d準時做左既好唔公平喎...
收晒d bio wb咪所有人條件對等囉
我唔覺得收晒去有乜問題
而且要溫都可以上網睇佢d答案啦
tim:「網上几時有答案呀?」
我:「尋晚8點几9點」<-推算出來的,因為我8點之前check一次個網度未有答案
tim:「佢要我地今日交,咁尋晚擺d答案上去做乜呀」
咪係囉 -.-

英文堂
成個mmlc熄晒d燈,除左投射幕前面兩盞之外
點解唔係淨係熄左投射幕果兩盞燈既? @@
keating叫我地唔好login,邊個一開左mon佢就叫果個人熄番mon
我 login左入去打日記
補番d想講但係唔記得左講既野 :P

睇一套由matilda本書改編既既電影
識郁既比本書講既生動好多 @@

周sir:「我舊年有冇鬧過你地呀?」
我口快快爆左個 "有"...!@#$%^&*
不過我覺得自己講果時係笑緊囉~

高軒百密一疏呀...
成日隨身帶個筆盒,不過今日小息佢唔記得羅走
小馮將個筆盒反屈出去,筆盒即刻分成三份
上蓋+下蓋+中間既銅條
小馮羅左上面既蓋去玩~
我用張台屈到個下蓋摺左兩摺
同埋將銅條屈彎左
咦~仲整得番呀? XDDD
(校園暴力呀! @@)

phy...
進進又將佢之前出果題加多几part
如果會考出條咁既題目,我諗成題佔30几40分左右
而我就會一開始響a part計錯數 !@#$%^&*

oro用塗改液響朱斤個筆袋入面既量角器畫左d野 XD
後尾我問朱斤有冇發現到,佢聽唔到我講乜
oro好好人咁幫我重覆一次~

amaths開左sum-to-product同product-to-sum formula
好難記 -o-
想唔睇住果頁黎做practice,所以做得勁慢 -o-

kfc:「呢d數話比你知就係用咁既方法,但係睇唔睇到就係你既問題」

lunch
本來同釗,高軒,jacky,ck去好運店
之後見到毛毛,宋永平佢地就跟左過去
去金輪茶餐廳 "開房" @@
原來我是不能投入他們說的話題的...

o岩o岩趕得切響打鐘之前返入學校 @@

進進派左封中學生寫既公開信比我地睇
比ck捉到5個錯別字,標點等等既錯處
tony捉到1個
我想知係咩人寫...XD

豬羅到學生健康檢查既通知書
睇到個日期好唔開心
豬:「三．月．廿．二...」(以扭曲的聲線說出)
我:「禮生日」
豬:「係喎!」
佢見到3月22第一時間係諗起3月24有兩個 test <-哪兩個?例牌吧
我聽到3月22第一時間係諗起禮生日 :P
豬太緊張了啦~

classroom assembly我一路響度睇matilda~
進進見唔到我掛~

放學後響401 maths training <-培正既比賽
好奇怪點解永遠都係響401,明明去培正果4個有2個係3e架
吳鴻志黎到見到我就問我仲有邊個去,我話吳學銘
佢即刻同個女仔講:「有3個姓吳架」
真係一件好巧合既事...@@
就是這樣
出賽的就是上列4人

梁sir比我地試一次玩團體賽
45 mins做20題...
份卷每5題一個section,1-5每題佔2分,6-10每題佔4分,如此類推
我地不多不少,每個section中2題,40分
又一件巧合既事?!
梁sir話以我地既成績響果年已經羅到獎
top 1 都係58分 @@

train左2個鐘,5點半走得
聽日9:30要返學校 >.<

返屋企做培正既past paper
梁sir比左第二屆既中三同中四卷我地
乜中三果份好似難過中四既? =.=

>>March 4, 2004 at 1:38:31 PM GMT+8