2004 年 1 月 2 日 星期五 【晴】

今日又打左成日g-gen喇...
睇左3個英文電視節目 @@
smallvile 1 冇再播喇 ><
搞到要再揀過個節目黎寫
6點几睇左個咩circus kids
唔知佢up乜 = =
7點半播緊警訊自己又沖涼
沖涼之前禁左錄影機錄左...
睇番發現佢少過中文版好多架 @@
「xx年xx月xx日既上/下午大約x點鐘左右,
　有一單xx案發生左,市民如果當時路經xx一帶又目擊xx,請致電xxx與警方聯絡」
英文版警訊係冇其他專訪同教人防止騙案既野架
唔怪得我睇節目表得10 mins啦...
8點睇笑笑小電影
個個video都好搞笑呀...XD

d藥終於食晒嚕...
都唔知聽朝好唔好得番 ><

>>January 3, 2004 at 3:35:26 PM GMT+8

2004 年 1 月 1 日 星期四 【晴】

今日玩左成日g-gen呀 @@
因為玩唔到mud,假期又就黎完...
而家唔玩遲d冇得玩架喇 ><

夜晚阿媽同細佬溫緊書
細佬d數學好多唔識,阿媽又講一堆大道理叫我教佢 -.-
要知道小學數學靠的只是本身的領悟和臨場表現(即係你考果時小唔小心)啊
中學數學的要求嘛...加個 "熟練的手腕" 就好了
細佬又死都唔肯用腦
次次問親我就催我直接講條式講個答案比佢抄就算
"xxx的數量是xxx,佔全部的xx%,求全部的數量"
讀小六,問過人地好多次都係唔識計呢種題目既人呢,
就唔駛多講喇,100分滿分既考試你有8字頭已經偷笑
唔係我唔肯教細佬既問題呀
係佢唔肯用腦佢蠢既問題呀 -________-"
如果佢過到中三而且有得讀中四理科既話
我會盡自己所能阻止佢讀 "附加數學" (中文中學冇 "amaths" 呢樣野)

>>January 2, 2004 at 2:48:52 PM GMT+8

2003 年 12 月 31 日 星期三 【晴】

04年的開始~

今朝好好訓 @@
成12點至起身 ^_________^
不過一睇到個鐘即刻嚇死我...!@#$%^&*

check intramail終於知道bio hw要做乜
哇...混帳
原來唔係響本書入面揀題目做架...
係響d past paper入面揀題目做
即係我要重新做過晒喇 ><
不過完全唔知m頭究竟叫我地點做 -o-
算啦
佢問起咪話解錯佢個email講既野囉 XD

>>January 1, 2004 at 3:07:37 PM GMT+8

2003 年 12 月 30 日 星期二 【晴】

今日好似齋打機...@@
做埋bio最尾兩個chapter喇~ ^________^v

夜晚開番豹比過我既game玩
係一隻2D既槍戰game
玩極都過唔到300m...
努力中 :P

約左賢,發,平去大埔超級城倒數新年~
見到顧,呂,瑩,婉等
瑋佢地去左旺角都比平叫左返黎 @@
達比瑋,賢,發,平抱起左,令佢可以睇到台上面既野 XD
d歌手唱既歌我全部都唔識 ^____________^v
倒數之前台上面個司儀曾經話剩番30秒就到2004年
果陣我隻錶已經就到左04年囉喎...!@#$%^&*

發話佢訓左成日,到夜晚先起身喎...
引唔到瑩瑩開齋tim~
嗌佢zizi佢都冇講粗口 －~~~~~~~~~~－

最尾大家去左彩虹甜品屋企甜品~
我在干什么?!
喉嚨痛仲食凍野?!
1點半返到屋企~

一路訓一路咳 >.<
嘈醒埋阿媽 <-細佬訓我樓下冇嘈醒到喎~真係好野 @@
之後食多次藥就訓得番喇~

>>January 1, 2004 at 6:03:12 AM GMT+8

2003 年 12 月 29 日 星期一 【晴】

一起身...點解個喉嚨既情況又差左咁多既? >.<
阿媽囉...嗌佢幫我去配藥又成几日都唔去配喎
搞到我食得2日藥好唔晒又病多几錢重...

今朝8點要返學校同曉,彤,豬傾phychembio project~
豬話佢晏左起身,叫我地三個傾住先
不過豬黎到之前都係齋玩 XD
彤羅左舊球形既唔知咩野出黎
舊野表面極具黏性呢
跌一跌落地即刻黐晒d塵上黎
佢地話高軒話用水洗舊野就會爆喎
曉話可能係osmosis
咁呀...
買多兩隻呢d野囉
第一隻用水洗,第二隻湯開佢羅入面d液體沖洗第三隻
睇下第三隻會唔會爆 @@

最後決定左phy,chem做咩題目
唔記得左chem做咩tim...
好似係因為我地寫落去果3個題目得1個會比我地做落去
我地就夾硬實左個冇野好做既落chem度搏佢唔比我地做果個
本來最多rough idea既就係bio
但係最後決定唔到做d乜既亦係bio =.=
點解會咁架...

彤好唔敬業丫
一落響度織緊d唔知咩野...好似係頸巾 @@
差唔多夠鐘mo training之前brella同apple返左黎
brella話christmas party果日佢都冇著冷衫,不過我響日記冇提到佢
「咁我edit番果日既diary啦 @@」
↑真係有架,22/12,本來係寫"得我同進進冇著冷衫唔駛走"
sorry啊 brella @@
apple,彤,豬話要叫高軒去book場聽日打波
我話:高軒今日都要返黎學校喎,我同佢講囉
高軒就講就到,佢地就叫高軒去book場喇

豬...你地唔好真係黎我屋企做project呀...
擺4張凳響我間房就會令所有人郁唔到架喇 @@

上左4樓見到賢
佢話kfc仲未黎就走左喇~ <-時間應該係9:3x...
賢走左冇耐kfc就到左 @@
賢話佢出門之前仲見到 jacky online
結果 jacky今日就真係冇到 @@

kfc話今次份notes少d野,因為趕時間整唔到太多
高軒即刻細聲話:好野
我都有同感 XD 今日可能可以準時放人喇
話就話係geometry
但係好多野都係同cos,sin,tan有關
即係換湯不換藥既代數...-o-

真係準時放喎今日~ ^____________^
我同高軒就去book場喇
點知行到一半高軒發現唔見左自己個銀包
佢自己都唔知係唔記得帶定係留左響課室 @@
所以我地都係冇去到book場~

返屋企途中發現到一樣野
原來紅綠燈下面個感應器根本唔關 IR事...
要店到個手形圖案附近某一點先有反應
(我試過,三隻手指打橫禁落個 "請等候" 畫面都冇事反生)

返屋企好眼訓
訓左響床度又訓唔著
阿媽同我話掛左號要去睇醫生
所以我就要去喇~
最尾一個先輪到我...= =
今次李錫光開左d特效藥比我
哇!!!
樽咳水直情墨汁咁既色...!@#$%^&*

乜咁奇怪既?!
正常人應該係擅長geometry多過擅長algebra架嘛
我相反喎...
geometry既mo exercise我唔識做既題目多過algebra果d好多...

6-8pm足足訓左兩個鐘呀 @@

>>December 31, 2003 at 1:37:56 AM GMT+8

2003 年 12 月 28 日 星期日 【晴】

今朝響屋企食左舊細既麥包就換衫出門喇~
9點到左海棠茶餐廳~
kfc話請食野嘛 ^_________^
我響門口出面等到見到賢至入去
賢叫左個麵,我叫左個通心粉食
食食下高軒又黎左~ <-唔知點解連續兩次將"下"字打左做"上"字 =.=
高軒羅左我杯水去飲 @@

等到差唔多搭半都唔見kfc
我地就埋單走左~
上去401見到kfc講緊野~
kfc話我地三個遲左
賢:「我地等你呀」
係囉...阿sir甩我地底呀...-o-

今次既topic係numbers & computations
一開始整個超大既tree diagram
哇,比maths書個tree diagram多左個"complex nos."同埋佢既分支"imaginary nos."
「撇開complex number同imaginary number唔講啦,反正比賽既範圍都只係real number」
咁要果兩舊野做乜? =.=
成份野都影得勁濛,除此之外都冇乜野 @@
不過講的都是無關緊要的理論~
照例講左n次「中四既同學應該都好熟架喇」
派左d exercise比我地
「等你地有d細藝做下~」
我淨係唔明最尾果兩頁d "geometic sequence"咋
其他我都知做乜
係d example正常地有唔識做~
功課要5/1交~
這是絕對合乎人道的決定呀 @@
我原本仲以為佢會要人聽日交架...
kfc叫我地交上次d hw既時候
jacky:「好過份呀danny你,竟然做晒?」

落左堂~我,賢,高軒,jacky 4個一齊走囉
見到樊太
見到jacky跟住樊太走左 XD
(那件事我還是暑假還是form 4才聽人提起啊 @@)
最後剩番我同高軒
佢去買mouse同earphone~
佢電腦個mouse壞左喎
對住果間鋪頭既電視機入面個自己"hi" ^____________^v

返屋企~
細佬有個豬朋狗友成日打黎問細佬點玩pokemon 紅藍寶石 -.-
「混帳!唔識玩就咪買隻game啦」
「佢唔係買架,係下載架」
「咁唔識玩就咪下載啦! -.-」
個細佬真係識精打細算喇~
自己用(唔係用,係偷至o岩)几十蚊買本攻略本返黎睇完點玩隻game
人地知佢有攻略本就問佢點玩。

細佬較左鬧鐘叫我幫佢錄pokemon
報仇的時候到了,一於熄左個鬧鐘
淨係自己睇唔幫佢錄!

揚揚下晝叫我比grammar focus ans佢
正好我要睇pokemon佢又要出街
結果今日都係比唔到本ans佢
比左自己個電話佢,叫佢聽日下晝出得黎既候打比我

睇完pokemon冇耐細佬就返黎
佢問我有冇幫佢錄
梗係話冇!
不過佢話自己睇左 -.-
咁做咩要較鬧鐘呀...

揚揚send左個msg比我
認定係細佬掛住教人點打機有電話入都唔聽 -o-
仲死唔認話冇
成日真憑實據見到佢做錯既野佢都話冇
而家得佢一個聽到個電話,鬼信佢呀真係

夜晚~
曉提我聽朝8點要返學校傾project~
這是我的問題...
點解彤打黎果時我唔識問佢下晝得唔得架?!
佢都講明未同豬商量時間...
老是因為怕會為難別人便讓自己辛苦
我不要這種性格呀...

諗住一切野等打完日記先做架嘛
(點解我呢個時候抑制力咁好丫?! 溫書就算聽到電視廣告都分心?)
一禁"儲存"即刻發現畫面右邊唔見左d野...
="=

>>December 29, 2003 at 2:22:11 PM GMT+8

2003 年 12 月 27 日 星期六 【晴】

今日去商務買埋d暑假仲未買得齊既textbook~
(哇?12月都仲未買齊d書?!)
買到phy activity book 1c,chem activity book 1b
只係剩番maths 4b
不過商務仍然係冇 !@#$%^&*
暑假我去左商務應該有4,5次啦
次次都買唔到maths 4b
今日去買,個職員同我話
「出版社覺得所有學生都應該買齊晒d書,所以收番晒d貨」
搞錯丫...我去商務咁多次都買唔到呀...><
叫我寫低個名同聯絡電話,佢遲d集體搵出版社訂返貨喎
佢話要7至10日
算啦...
如果咁樣可以買到都好喇

約好左揚揚今日比grammar focus既ans佢
佢話響我樓下等我喎
佢send msg過黎話
「你落樓la」
我就落左去...
之後發現自己冇諗過佢唔知我住海寶邊一座
響我屋企樓下同佢屋企樓下來回走左n次
12:5x見唔到佢...=.=

下晝不知虛度了多少寶貴光陰
響d論壇逗留左好耐
朝早羅左出黎做既bio
到夜晚9點几一邊icq一邊做 <-呢個時候進度反而最快?!?!
至搞得掂chapter 6,冇心機做落去

彤叫我30號朝早返學校傾phychembio project @@
果日夜晚曉經過早餐問我
我靈機一觸諗到勁多同bio有關既野 <-得1個唔知關phy定關chem事既題目
諗到果堆問題都唔知點做實驗
我既創造力太差了...

婷今日生日嗎?
生日快樂哩~

>>December 28, 2003 at 1:46:15 PM GMT+8

2003 年 12 月 26 日 星期五 【晴】

尋晚收起左細佬個鬧鐘
費事佢今朝晨咁早又無端端響丫嘛
都唔明佢要咁早起身做乜 -.-
結果今朝呢...
佢羅左枝螺絲批出黎唔知扭d咩螺絲
扭到好大聲,嘈醒我
我鬧佢啦,問佢無端端羅枝螺絲批出黎做乜
「你唔駛理我啦」
「你嘈住我訓覺呀唔駛理你！唔好再發出聲音喇下」
又訓左陣,細佬開左gameboy黎玩,仲要將部機個聲量較到最大
我梗係又喝佢啦
佢...熄左部機既聲音
改為每禁一下掣都專登禁到好大聲
「你禁掣唔好禁到咁大聲得唔得呀?」
「d掣我細力禁落去冇反應呀」
冇晒佢符 -______-"
我當時蠢左
我係應該落去搶佢部機d電芯出黎架 -.-
佢突然間又唔知玩緊d咩叫我幫佢
「你專登整咁多聲出黎唔比我訓覺,而家叫我幫你?」
唉,冇細佬妹真係好 -o-
至少
冇人會明知你想訓覺都要嘈醒你
冇人會唔聲唔聲偷晒你d錢你都唔知
冇人會一有功課唔識就唔肯用腦諗,話知你係唔係考緊試係唔係要溫書都去問你
冇人會趁你行開左走去搞部電腦,成日唔識電腦整到hang機又話自己冇咁做
↑這個嘛...我媽話我教佢電腦既野佢就唔會整壞
　呢d唔係教唔教既問題
　佢學校一個禮拜都有一堂電腦堂啦
　好耐之前見過佢羅住d倉頡輸入法既功課問我
　而家我問起佢佢都話自己唔識打中文字
　我問佢響學校有冇上電腦堂,佢仲要好自豪咁講
　「我都唔聽書既」
佢專登同我過唔去既時候:
「skip一集pokemon」<-佢之前叫我幫佢錄亞視播既pokemon
佢而家梗係毫不在乎啦,因為假期嘛
等假期完左咪一集都唔好幫佢錄囉
哼

阿媽同婆婆一早就出左去天水圍
我病緊,所以唔去得喇 ><
屋企剩番我同細佬
落街買lunch既時候,唔知佢想食乜,我又帶唔夠錢
就叫佢自己番屋企羅錢落黎買野食
我去左吉野家買牛肉飯...
我問佢想食乜既時候講過
「我喉嚨痛唔食得熱氣野,你最好唔好話食麥當勞既野引誘我」<-我當然唔會咁易受引誘啦
唉丫...
佢真係走去m記買野食喎 -.-
預左阿媽會鬧我話我唔管好細佬唔比佢食麥當勞...
點知阿媽返黎見到細佬食完剩番d汽水杯,薯條袋等等又冇鬧我喎
少見 -________-

今日好大頭蝦丫...
2次食藥時間都miss左 (食第1次藥4個鐘後食第2次,再4個鐘後第3次)
兩套電視節目都睇唔到 ><
下晝個smallville I (超人外傳喎...)
同埋夜晚既cinema secrets II 都唔記得左睇
播完左再過一段時間我先記得要睇

夜晚
細佬話佢本常識資料冊要上網搵資料 <-係我讀小學果時都有既功課黎...
　個功課既成績佔常識科一個測驗或者考試100分裡面既5分
　要搵一堆資料...其本上你用成本簿黎做一次功課就羅硬滿分
阿媽又叫我幫佢搵資料
我一句話唔肯
佢就鵝左我半個時辰 =.= <-當然冇咁誇張啦
混帳!
個細佬成日趁我行開偷偷地用電腦啦
淨係識走去睇d game網呀,打機既攻略網呀
如果佢識用黎做功課既話
(而且佢真係做,唔係純粹搵條所謂大道理黎撻我又偷偷地上game網)
我點會唔比佢用個電腦呀?
而家佢係唔識喎
係用倉頡或者速成打自己個名出黎都唔識喎
佢學校有學過架喎
係唔係我要代替佢學校既老師教佢讀書呀?
叫佢自己睇報紙搵資料又唔去搵,淨係一味話冇,係要靠個電腦
我就唔信兩三個月既報紙都冇提過有關 "太空探索" 既野呀
楊利偉坐隻火箭升天果排佢又唔留起d剪報?
係,咩都關我事既!
要我幫個咁既不成材
佢唔肯努力就要我做埋佢果份
jeff個細佬升到mst我細佬一定升唔到又關我事

>>December 28, 2003 at 1:25:28 AM GMT+8

2003 年 12 月 25 日 星期四 【晴】

今朝要去睇醫生...
婆婆幫我去掛號即刻返左黎
原來係阿媽幫我掛左號
10點半...
係賢佢地約好唱k既集合時間呀 @@
去睇醫生之前賢打過黎問我去唔去得
「你死得未呀?」
「死左喇~」
「咁你黎唔黎得呀?」
我問阿媽...佢話我病左唔好再周圍去
所以我咪唔去得囉 ><

下晝阿媽整左羅白糕~
好味丫~

yeah~
今日兩次都可以準時食到藥 ^__________^v

夜晚食飯之前睇紀曉嵐
佢羅隻"誘鴿"出黎講解隻誘鴿點用既時候
我同細佬笑到碌地...XDDD
紀曉嵐仲話和珅機關算盡到頭來白費心機
其實真正機關算盡果個係佢至真啦 @@
差唔多播完阿媽至睇
佢問係唔係可以聽普通話
我話可以,正想羅個遙控,細佬就守實個遙控唔比我羅 =.=

部機一日hang左兩次...
叫極細佬唔好店個電腦佢係要搞個喎
可惜丫
我冇任何方法可以有效咁預防佢搞個電腦 !@#$%^&*

而家阿媽幫緊細佬溫書
搞錯呀!我小三已經識關自己響房入面溫書喇
(慚愧,中學開始呢個方法已經冇效,咁樣係因為以下既原因)
第一,當然係因為房入面有電腦啦,以前冇架嘛
第二,我考試果兩個禮拜細佬日日都會有功課唔識要問我 <-點解阻到我呢?
佢小六仲要阿媽跟住?!
個扶不起的阿斗都要阿媽勞心勞力?算點呀!

grammar focus chapter 10剩番2頁!
今晚要做埋佢呀!

>>December 26, 2003 at 2:21:50 PM GMT+8

2003 年 12 月 24 日 星期三 【晴】

今朝同爸,媽,婆婆去稻香飲茶
媽話星期六會去天水圍同姨媽佢地飲 @@
即係,呢個假期極少有咁會飲兩次茶喇~

去緊既時候阿爸問我點解冇同同學出街
我都想丫...
不過d同學好似冇乜人會尋晚去尖東玩個喎
爸見到架單車又話:同d同學踩下單車都好丫
有d同學唔識踩架...-o-

去到稻香~叫左d野食
除左粉果同叉燒包之外全部我都鍾意食 ^_________^
餃子,春卷(媽曰熱氣也),腸粉,仲有一個唔知咩黎
果隻不明物體有兩粒黃色兩粒紫色既球形
黃色果兩粒包奶黃,紫色果兩粒包紅豆
塊皮係透明既
細佬唔去飲茶,阿媽就叫定d野食叫我帶返去比細佬食喇~

返到屋企打左好耐機 @@
本來plan左今日做grammar focus,失敗左嚕~

philip的秘密...
好想看好想看~ XD
一陣去谷爆佢個人氣數先~

今日覺自己得周身都唔自在...
硬係覺得周圍既環境好凍,但係媽,細佬,婆婆都好地地
喉嚨痛,下晝睇pokemon仲嘔左少少野出黎
摸落手覺得凍,但係摸額頭就覺得熱
(其實我冇理由唔知自己發生乜野事下哇?!...)
要快d去睇醫生喇
我的雙腳在顫斗丫 >.<
好奇怪,次次病都應該會用好多紙巾,但係今次又冇喎 @@

re 豬:
哦~原來如此 @@
我都覺水晶包好味丫~ ^^"

>>December 25, 2003 at 1:16:59 PM GMT+8