2003 年 9 月 14 日 星期日 【晴】

今日我新嘗試左一個方法用鬧鐘整醒自己
效果都唔錯 @@
大家可以學下 <-不過要你既鬧鐘有禁停聲響5分鐘後識再響既功能至得
首先,前一晚將鬧鐘較到比你預定起身時間早半粒鐘響
起身之後,通常好眼訓想再訓過,就禁停左d聲響啦
5分鐘後再響,自己起身,
唔眼訓就起身,眼訓就禁停個鐘再訓
如是者個鐘響多几次,你既睡意都已經嘈到冇乜剩
此乃「一鼓作氣，再而衰，三而竭。」之兵法古訓也
(我有預習曹劌論戰既課文架 XD)
呢招特別適合4a班既人day 2朝早用
因為頭四堂(chem*2+phy*2)都超易令人眼訓丫嘛 -__________-"

chem...今鑊田田直情變左唐太
上黎冇羅咪,要落去羅上黎
(我對phy,bio一個cycle各5堂,chem令令舍舍要6堂既原因有少少頭緒 =.=)

phy第一次做實驗~
插一支用電製造熱力既東東落一杯水度加熱d水
朱凱忻,鍾志豪,melody三個講勁多野,
(夜晚10點几co話我知melody中文名係羅燕恆,之前我一直唔知的)
完全當黃源進冇到 XD
中間我有講過d野架
即係成組人將謝月芳孤立左 @@"
講番個實驗~
果舊用黎加熱既東東壞左
做左一次d水一直冇熱過,
之後先發現原來係電線斷左
要用手hold住條電線先可以加熱杯水
最初發現呢件事果時係我禁住條電線架嘛
過左一陣我唔記得因咩事行開左,謝月芳繼續
几時無聲無息換左人既呢? XD
但係個實驗2,3分鐘之後d水既溫度就定左落黎,冇繼續加熱
落堂果時黃源進話:有d組做唔晒個實驗可以等下堂做
@@...咁就要等下堂嚕

之後兩堂maths
kfc差唔多教晒成課ch.1嚕
不過臻話4b班聽日就開amaths
4a教書既進度差過人太遠了 =.=
可能人地重量不重質,我地既老師重質不重量
(呢個估計可以用田田無聲無色咁跳左d課題冇教既例子推翻 = =)
kfc一見到書入面有think it over就發癲 @@
題目:(root 10 + root 17)同root 53比大細...
(講條題目出黎係為網友hydrogens而設)
好多人都好快計左條數出黎
好似有個danny一聽到kfc叫人計呢題即刻up左個key method出黎 XD

lunch買a個白菌雞皇飯
因為見到個盒細,以為係好似炒飯咁飯同 食送 撈埋一舊
我上到課室開左個飯盒見到佢一樣係飯,食送 分兩碟
見到個飯盒既形狀以為佢係in the form of 炒飯 ga ma...= =
江嘉汶話4樓個飲品售賣機d野賣晒
我食完飯仲諗住去買...
就黎出課室既時候先醒起有件咁既事
糯左tim~

中文堂對左兩篇閱讀理解
就落堂既時候周sir話會推薦我做prefect
好野~ ^^
落堂後交左中文既暑期功課

之後我,賢,臻,拉登,龍去左salc做功課
尋晚賢已經出左呢個主意,話大家每日都去果度做陣功課,
唔識可以問人(maths好似係人地問我多d =.=)
我做econ mc past paper
勁多唔識(因為語言障礙同埋有d題目明佢up乜,唔知邊個答案至係)
肥龍話:我覺得econ易過maths
臻將我正想講既野講左出黎 <-我想講乜心照啦~盡在不言中 :P
佢地全部傾偈多過做正經野 = =
呢d野都不出意料之外架喇...有阿賢出場既地方喎 @@

hmm...夜晚揚揚問我一條數問左勁耐
我記得有一個小息走去4c課室果時co問過我架 = =
應該叫佢問co \_________/
kooby無端端hi我,勁驚 ><
因為maths hw聽日交,我以為佢係問我既
之後同佢講過自己點解見佢hi我果時嚇一驚
佢話: hahahahahahaaha,而家知左,你死喇,haha
嘿...佢知道黎都冇用啦
我尋晚已經設計好一套規則,
可以大幅減少問我maths既人數
下面會詳細講：

由於近日既maths難左好多,
多左好多人有野唔識黎問我
我怕a,b班都開左amaths之後我會比人問到煩死,
所以整呢套規則
尚在試驗階段,將會視乎可行性而修改或增刪某d內容
1.答完一個人既問題後我要60分鐘時間"叉電" <-出師不可無名,作個藉口o者
叉電時間內當然唔比人問野啦
除左某d例外既case
認為自己以後有可能問我數既人咪試圖去估果d exceptional case係乜
因為"聽日要交,我唔教佢就死"我都會見死不救
賢曾經講過一個情況:如果你唔識呢?
好提議!
我唔識既話直至我識做果條數為止,任何人唔可以問我
2.同一時間超過一人問我野,
或者教緊一個人既時候有其他人問我野
我就所有人都唔答,並強制"叉電"60分鐘
大家記住喇,既然問danny maths咁麻煩,就問其他人,盡量唔好搵我

re hrzo
你班一早對左張ws你唔早講 -o-
搞到我要辛辛苦苦作果20個答案落去 = =

re co
要對所寫的材料作出選擇選捨的功夫才是好的文章 :Q
我做不到 ~ ~

>>September 15, 2003 at 3:32:31 PM GMT+8

2003 年 9 月 13 日 星期六 【晴】

今朝11點几起身
2點食晏...
電視劇觀後感做左勁耐
到夜晚10點先完工...

唔記得上個禮拜几
阿媽比左份太極拳既招式,叫我打几份出黎
到今晚仲未得閒打~ XD

今日有瑩瑩,賢問過我maths
...ck jacky miki問過我聽日有乜功課
好似好多人依靠我生存咁既? -.-
我以後要少d開icq! -__________-"

個mud我全日都robot
生肖功由350 lv升到358 <-打完日記之後應該有359掛
目標係360丫!
不過太難練高了
我諗起碼要12點先練完

我本maths textbook留左響學校
不過一樣咁多人問我野
呢個週末已經有發,曉,彤,瑩瑩,賢 5個人問過我數
哇!打緊日記既時候加多個co -o-
即係6個
賢問果3題得1題係阿西文,
其他都係自己做唔識黎問我 =.=
彤,曉第一次問我果時我答左佢地1題,
第二次問就比我借食飯既藉口推甩左
救命...-______________=
期待kfc開amaths...
到時就會少好多人問我野架喇! ^^"
開amaths之後,
照道理應該會有更多人唔識要問我,
點解我反而可以樂得清靜呢?秘密!

cloze passage唔識搞到響mud入面問人...
乜我咁唔平均架?
一科超勁其他科超弱 ><
呢d叫一將功成萬骨枯? =.=

>>September 15, 2003 at 12:23:30 PM GMT+8

2003 年 9 月 12 日 星期五 【晴】

一朝早起身打尋日既日記
計埋食飯時間,打到2點几pm至打完
可能因為訓左一覺要慢慢諗番尋日發生既野啦~
所以我今日要打埋呢篇日記至訓! @@

棋魂op未換,ed換左第3首
好似係每15集換一首ed咁...
乜家下tvb既聲優好唔夠人手丫?!
第31集棋魂果個鬍鬚佬既聲優直情同小孩不笨入面terry個老豆一樣
個鬍鬚佬教左光仔一d捉棋捉好耐時既策略
今日見到有一局棋係光仔同一個唔識既人捉 <-唔係鬍鬚佬
過左咁耐終於見到番初几集既場面喇~
佐為同人捉棋,光仔幫佢下子
好懷念呢d片段 ^^~

表姐黎左,本來我要學琴
但阿媽見我呢個禮拜都冇乜練琴,就叫佢唔駛教我住
好彩...有個喘息機會 @@

5點去左學樂理
頭果半個鐘一直懷疑:顧顧點解冇黎既?
報時~5:38
顧顧先走入黎
不過佢黎之前老師講過既野都係上一堂學過既,
所以佢聽唔到都冇乜所謂
走果陣同顧顧同埋阿sir講婷當年考樂理果時一件唔好彩既事
果陣婷開左個日記冇耐 <-果陣佢梗係未同怡搞合併啦
有日佢話自己考樂理,
我知自己遲早都會學同考樂理,所以我有記住佢既經驗
份卷呢,婷就話係好易既~ <-到我做果時未必係啦
我一定要記住既野係...
考試時間2粒鐘,
但我要響開考個半鐘之內搞掂,check埋卷交卷走人!
因為剩番半個鐘果陣,
會有宣佈話仲未走既考生響完場前唔比走
婷就係糯左皮,佢見到周圍d人走晒自己都唔走,
到聽到個宣佈就後悔莫及 XD

夜晚阿媽出左去學跳舞 <-其實學左好耐了
我到9點几都未食飯,icq度cc send左個msg過黎,我同佢講過呢件事
阿媽返黎冇耐就有電話打黎
係曉,彤兩個
我睇完棋魂之後佢地已經打過黎一次問數
收線果陣彤至講過:有唔識再打比你啦
你地而家問呀?好機會!
我未食飯係一個好藉口 ^_____________^v
收線之後我同阿媽話:"數學叻最好咪比人知"
睇完神鵰之後,
巫瑩(佢叫人唔好叫佢zizi)響icq問我bio(mc*1)同maths(一題)
...=.="

死喇!打打下日記阿爸返黎...

>>September 13, 2003 at 4:57:22 PM GMT+8

2003 年 9 月 11 日 星期四 【晴】

舊3c bbq~^^
yeah~
彭狗萬歲~

朝早醒左食完野之後訓左好耐...
醒之後媽話有同學打黎搵我
我估係拉登,
因為今日bbq 我,拉登,臻,禮要早一步去霸位
打比拉登佢話係佢同臻打黎
約好1點響大百佳等
打左陣機戰d <-2周目

出門之後響屋企樓下見到樂理個老師
諗起自己未做過樂理既功課......!!!
原來我係最早到百佳架...
之後臻到埋,同臻走入百佳入面等拉登
見到禮既阿媽...
咁禮呢?!
拉登遲左少少
等好耐都唔見禮,拉登話之前打過去約禮
我同拉登未食野既關係,
所以去左m記食,
離開百佳既時候見到阿曉
佢點解咁早既? @@

響m記窗口望出去睇禮有冇出現
我試左m記新果個包
個廣告呃人丫! -.-
青瓜既切位接近直角,邊有可能37度切割呀?
臻話後悔自己冇揀a班 <-潘煒延58名都入到,臻50名
佢既理由係...b班d女仔多數樣衰,a班多靚女
(我同意後半句的 @@)
佢條友!都唔係讀書既 =.=
之後大家講自己班既野 <-我a班,拉登同臻b班
我話佢地b班婧婧派中文notes,
臻同拉登話b班既notes流入a班係因為肥龍
所以佢地鬧肥龍鹹濕,見到女仔暈晒大浪 <-彤問佢羅中文notes既
如果彤去問臻/拉登,點會羅到notes丫?
拉登,臻話要打破宿命,唔可以永遠比a班贏b班
加油加油~ @@

食完都未見到禮,打過去嗌佢出黎
2點終於見到佢勒~
買完炭之後一人揪一袋炭,
大家諗住去到會等好耐至見到其他人,所以想帶啤牌去鋤D
我屋企最近,但我冇羅鎖匙,屋企又冇人
所以我返唔到去...
搵番其他人果時拉登只好響7-11買副啤牌...$13 = =
巴士入面冇位坐...大家企響門口傾偈
唔知几時講起賭錢,禮話婧婧有教過佢地賭
雖然呢個方法我一早識,
不過都講下比你地知啦~
賭錢既時候,下最少既賭注,如果輸就買雙倍,再輸再買雙倍
相信冇人會糯皮到輸晒...XD

到左燒烤地點既時間係3點半
直至5點都冇爐位...
全部爐一係有人用左,一係有人霸左位
痴線架d人...連有人o岩o岩開始燒既爐都有人等佢
所以我地早個半鐘都冇爐用
咪唯有租囉 <-曉,zizi,ck,顧顧,杰,王玲等人黎左之後決定
掠水...$150 一個爐8張凳1張台
拉登同臻去租爐既時候
我同禮講響福州鋤D果時袁澤曦4條2點輸13隻
學葉力滺既方法排好副牌...XD

5點鐘zizi,ck,曉,顧,杰,小玲黎左
大家擺好晒d台,凳,爐,杰一個人透兩個爐 @@
之後大家陸續黎到就開始燒野食喇~
到左夜晚,周圍勁黑,連d野食燒熟未都睇唔到
燒野食果時我同婷傾左陣,
佢知而家奧校冇訓練比中四或以上既學生,
就話我既數學遲d會比人追上
我即時覺得終有一日會係咁...
不過算啦
我又唔係水皮,冇咁易比人過到既
zizi比左camp影過既相我
唔該晒丫 ^____________^

最後食晒d野食,大家就上去堤壩玩
又話行晒成條水壩?行得果一半都冇又唔行喎
中途拉登唔見左,所有人都唔知佢去左邊
之後我諗住行埋水壩剩番未行既部分先見到拉登
行果陣見到側邊每200米就有一個牌寫住距離
最遠果塊係6600
返轉頭搵番d人,發現佢地行左3000都冇
宋永平好過份 \__________/
佢接近強迫咁問我羅番拉登買果副牌去玩killer
我想用副牌黎鋤一鋪D先架嘛...
辛辛苦苦(係咩?)執完既牌比佢調亂晒d次序 ><

之後返去水壩既起點,大家圍埋一齊玩自爆 <-講自己d男女感情既野
但係大家都好唔合作(例如好嘈)
最後變成一個不倫不類既問答...
淨係一個人問另一個一條是非題->答->答果個轉水樽睇水樽指住邊個->問佢一條是非題
有几個好早走左,唔記得有邊d人,其中有曉,妍
之後大隊都坐75k走晒
巴士行到富亨附近就好多人落左車
包括我 發 平 臻 龍 達 瑋 安 陶 婷 怡
之後大家響巴士站唔知做乜,企左好耐之後黃安走左
大家就開始萌生去意
之後走既係我同平
發唔識路,我同平講好會帶佢 <-佢好無奈咁...
點知其實宋永平都唔識路,我帶佢地
中間有兩個分叉路我唔肯定行邊
結果兩次都揀o岩左返屋企既最短路線 @@
yeah ~ ^_________^v

返到屋企已經12:45
沖個涼,飲杯水 <-我訓覺前習慣飲一杯水,好怪哩? :P

>>September 13, 2003 at 8:40:07 AM GMT+8

2003 年 9 月 10 日 星期三 【晴】

yeah~
尋晚通宵...
robot成功左 XDDD
不過生肖功315 lv練左一晚先升到322...
失望 /________\

中文堂做左個語文運用既exercise
10分鐘做完左個ex,
周sir用左差唔多兩堂講...
可能因為佢吹得水多 @@
最尾少少時間用黎解尋日派果張閱讀理解ws篇文言文
有病 -o-

kfc同周sir一樣吹水大...
講數字歷史多過教書 = =
講原始時代d人點諗d整數,0,負數,分數等等出黎
一個人某日打唔到獵問人借一隻動物黎食,咁就有-1喇
兩個人分一隻雞,每人1/2隻,分數就係咁黎
我有感而發同婷話:我知道一碟 食送 分比12個人一定分唔勻
kfc講講下d原始野突然間停左電,成個課室既燈熄晒 @@

原本同釗一齊買飯,買完行埋去樓梯見到禮同毛毛
諗住等埋佢地,但一睇到佢地排緊隊既人龍超長...
就自己上去先嚕 :P

econ果時stephy扔左個雲吞去kooby度,落點準確~ XD
kooby好驚咁用兩隻手指夾住紙巾問:你舊廁紙用過黎做咩架?
好似有人話佢用過黎抹鼻涕...kooby即刻丟落地下
豬果然係豬
佢問咁多野唔係真係自己唔識
係專登搵d雞旦里挑骨頭既野黎問 -o-
d試卷會好似佢講咁問法先算啦
上完堂cc問我明唔明mrs lo講d野
點解我命中註定要係咁樣?! -.-
自己擅長既科一定好多人都唔係好掂...

chem...田田無聲無息就教左2個chapter喇
今日佢講d野大聲好多架喇,我完全聽到
不過勁多野完全冇聽佢提過 - -
自己睇一次課文明白晒...
kooby話想打佢
我同佢話:你應該同班會主席講,將呢件事設為班會活動之一

放學一出左校門,豬即刻問我有冇見到瑩瑩(zizi新名 @@)
同豬講左冇見到~
之後同魚行大埔廣場見到彤,曉,早餐三個
彤又問我一次有冇見到zizi
話左佢知我響學校門口比豬問過同一個問題
向大埔中心方向行,又見到豬
糯皮魚睇錯以為係彤 <-咁都會睇錯既? -.-
豬又問我一次...哇咧~!@#$%^&*
以後每逢豬佢地問親我野,
我都會記住要答三次! -________________-"

夜晚9點左右同阿爸阿媽出街行左陣
屋企樓下就分開左行 <-唔知佢地去邊呢?
兜左一圈海濱就走左lu~
行到吉之島出面 <-k12巴士站附近　見到番爸,媽
我見吉之島入面有冷氣,就行入面果條路返屋企,爸,媽行出面既路
之後響翠屏金城銀行見番佢地...

>>September 13, 2003 at 4:06:42 AM GMT+8

2003 年 9 月 9 日 星期二 【晴】

第一堂之前係班主任時間
進進食飽飯冇野做搵野黎做嗎? -.-
叫我地以後day 3既班主任時間一人做一次書介...

頭兩堂英文...mmlc @@
做有關書包太重既功課 <-即堂交
...發2日前至做完,佢響icq問過我好多野
我做左頭兩part~
去政府網睇果篇文同埋去指定網址發表意見
勁多人冇寫自己個名 @@
我當然係有寫名啦~

第一個小息去搵co吹水
因為miki比左首詩我睇,
話王俊文同xxx(佢提過個人名,我唔記得)兩個溝女
果陣釗黎搵我,我話:去搵co先
佢話:係去搵笨co
我:係去搵co笨呀! XDDD <-"搵笨co"同"搵co笨"係兩回事黎,唔該搞清楚
co諸多藉口死唔認 -o-
佢做緊條數唔識問我
揚揚見我教完co就話:呢個佐為黎架
口古月～～～我要殺左佢...!!!

中文*2...
周sir話呢個課程d會考試題已經出到爛晒,冇野好出
所以出卷既人會捉d"窿窿喇喇"既地方黎出題喎
咁講法即係我死得? - -
考親中文,多分既題目我羅得一半分
"窿窿喇喇"既題目多數唔識 -o-

phy得一堂都要去lab = =
排隊float去lab果時李俊賢比cc,kooby串
之後李俊賢同我介紹佢兩個(佢以為我唔識果兩個人)
話cc係八婆,kooby係八婆二號
有一個叫佢"你收番之前講果句"
"咁你(kooby)係八婆,你(cc)係八婆二號囉~" XDDD
進進果然厲害...
佢一直來回響几頁之間,教教下後面又教番前面 -o-
不過佢講watt果時我都明
周圍d人都係阿sir講乜佢抄乜 <-睇清楚d就知佢照書讀
特別以朱斤(朱凱忻)最為糯皮
抄既時候都冇留意到佢寫既野側邊正有一句差唔多既野

班主任堂...講班會全年活動
進進唔好糯啦好唔好呀 -.-
一年班會費只可以收$40,
佢記錯左以為max係$30
講左一堆球類活動 <-除左聯班籃球同羽毛球一定玩
投票決定最多人想玩既就搞個活動
結果...閃避球(5票)同排球(6票),
但咁多樣夾埋既投票人數都唔夠20... <-記得有d人投過几票,e.g.我,阿賢(錢偉賢,唔係李俊賢)

lunch同釗,劉舜年,高軒,bobby,jacky食
過左個暑假唔記得左今日個b餐(果個名既飯)係勁難食
以後唔可以揀錯~ @@

maths教左a^3 +- b^3 identity
3年前學過既野而家再學一次...冇癮 -o-
不過d題目就有少少挑戰性~
除左要x^5-x^2果題...奧校見過,舊年hkmo訓練又見到一次
估唔到呢d題目會響form 4 maths textbook出現...

assembly坐響豬既右邊...
豬同我話仲係唔明opportunity cost <-佢問過老師都係唔明,有乜奶油我會講得佢明? -.-
（我當時有少少衝動做一件事：
　打佢一巴，跟住話：「我打你一巴既opportunity cost係郁隻手既體力」）
我:而家講唔到咁多野
講完補多句:我今日唔會開icq <-簡單直接拒豬於千里之外
豬:我打電話
我:我"猛"電話線
講完呢句我聽到柳穎璇(豬叫佢"璇妹"所以我估到佢叫咩名)有d反應
唔記得佢係笑定係嘩一聲,總之佢個反應令我覺得自己先前語出驚人
得閒講下d咁既野令人覺得我唔鍾意幫人都好
台上面出過叫人加入cyc既廣告...
將薛家蔡個名古屋月餅廣告改晒d歌詞
台下觀眾笑碌地 XDDDDD

放學後同co,揚揚行左陣,
講起我同co玩mud通宵開robot
揚揚話:我屋企兩個電腦,廳一個房一個,朝早開廳,夜晚開房
佢講完打左粗體果句我重複一次,揚揚作狀想打我,我同co係咁笑 XDDDDDD
之後揚揚走左~

返到屋企,見到有個人黎左
阿媽話果個係住響香港仔既姨姨喎
媽平時成日提起佢,但我一直都唔知佢個樣係點...
姨姨話我同佢應該三四年冇見喎,怪唔得知啦

>>September 11, 2003 at 3:08:56 PM GMT+8

2003 年 9 月 8 日 星期一 【晴】

我諗...以後我7:45出門都得架喇 @@
今朝7:40出門,返到去仲未到8點...

maths堂kfc出左几條好難既log數比我地做
我發現自己計錯果時重新計過
cc(李珮鍶)問我計到個答案係乜
救命...><
佢冇提過amaths test撞左兩次econ test既事點算
...一日兩個test算小事喇(睇埋落去就知點解 =.=")

田田今日講野大聲左 ~
不過可能係因為同學細聲左...= =
chem test既日期出左喇
佢叫彤將test既日期貼響壁報板
豬,曉,彭狗佢地第一時間問彤羅黎睇

英文堂mrs keating嗌左好多人答問題
嗌到miki(潘煒延)果時全班笑死~ XD
佢想再嗌一個人答野果時,諗好耐考慮嗌邊個
大家都話:stephy(孫樂庭)~stephy~stephy~
真係嗌左~ XDDDDD

兩堂physics上得好悶 =.=
不知不覺教完左1.1...
係咁落去死得 -o-
我要補晒phy chem bio三科?!

lunch照舊去左4b
4a好似科科都教得慢過4b咁...
婧婧開始教曹劌論戰,周sir仲講緊以畫為喻(今日仲未講完 =.=)
maths教晒chapter 0,kfc先開始講0.3
(兩班既phychembio老師全部一樣冇得講啦)
返課室睇chem test既日期,嚇死我丫!
5次chem test既日子全部都有econ test
有病 -.-

兩堂bio~
編排sitting plan編到gp 4,5各有4個3c,gp 6有3個3c
剩番果個3c之唔係豬囉 ~ gp 2 ~
佢多次想去gp 6上訴無效...XDDDDD
stephy,miki,cc,kooby(胡潔華)四個一group
呢d叫冤家路窄...XDDD
睇powerpoint果時同李俊賢坐
佢話豬,曉,彤三個勁抄notes好變態
其實我上咩堂都留意到佢三個既瘋狂行為的...
不過豬就真係豬左d~
leo wong一直都係"repeating what are inside the textbook"
抄既人糯皮 @@
我果陣話自己好眼訓,佢話自己chem直情訓著左
唔補習可能自修都得...－．－

中文我抄notes既速度完全追唔上 -.-
再一次多謝ck ~
中文佢幫我,maths我幫佢 @@
(豬呢d呢...我問佢野唔係唔知就唔答,佢問我野就迫我答,混帳 -o-)

放學後關3c會議 ~
講星期五bbq既野
改左地點,因為新娘潭既尾班車係6:45 pm <-7點都冇就走,燒鬼咩?
大尾篤尾班車11點几,大家都覺得11點几走唔夠喉...@@

放學照舊同高軒一齊行
響popular見到中四上,下兩本會考中文精讀 <-ck介紹既書~
想買,但冇錢 -o-

>>September 9, 2003 at 11:24:58 AM GMT+8

2003 年 9 月 7 日 星期日 【晴】

明明較左鬧鐘6點半起身
自己衰爛訓囉 <-尋晚睇完hxh 1點半至訓 -o-
到7點半先醒~
極速換衫+食野
冇帶漏野返學校,冇遲到
yeah~ XD

上第一堂之前婷問我借maths classwork抄
kfc上次比classwork話做lv.1既Q8,11,13,
class no.單數既人做單數既lv.2題目,雙數既人做雙數題
...佢又記得我係單數既 －．－
佢37,我13 (坐佢隔離既彭狗36號所以佢唔問彭狗借)

第一堂bio
好明顯stday講aids果班f.4/f.6同我地介紹leo wong係昆水 -o-
以後上親phy chem bio都要帶workbook @@
頭兩堂勁眼訓,不過捱得住冇訓到

第一個小息之後2堂maths...
...kfc講左好多out syllabus野 - -
出左几題數響黑板,由錢偉賢開始向右邊隔一個叫人答問題
本來睇住佢下個會叫婷,點知佢叫豬答
XDDD

RE~
梁廣煒叫好多人起身講自己對RE呢科既睇法
我有份比佢嗌中答野 <-本來諗住佢會問我信唔信神架嘛
講左d好廢既野就收工~
仲諗住效法宋永平 XDDD
(早餐話宋永平係咁答梁sir)
梁:你信唔信神?
宋:信呀
梁:點解?
宋:多人信我咪信囉
梁:呢個世界唔信既人多過信既人喎
宋:咁我唔信喇
↑我返學見到賢果陣同佢提起過呢件事架~

RE後整多堂amaths
day 1,day 4全日一共3堂maths
我相信用amaths textbook既時候會好恐怖 ><

lunch time同hrzo去買飯,
見到禮,一齊上返去4樓
又見到豬響自己課室,
我唔想比佢見到(因為豬10日有9.9日開唔到個飯盒,彤講左句"冇danny你食唔到飯")
就去4b課室食嚕~ <-好似日日都響果度食既 @@
食完返去4a見到佢開左個飯盒 -o-

兩堂英文
mrs keating講既野我淨聽到6-7成
大約係話...要我地做一個survey,去搵d校內(校外都得喎)唔識既學生訪問
...問既時候要講英文 = =

econ係我除左maths之外最鍾意既科丫 ^__________^v
可能因為phy chem老師廢既關係 -_____________=
bio一向都係背vocab,感覺上似文科多d所以唔鍾意 -o-
mrs lo話本書有d會考題(mc)
比form 3既野深好多喎... <-其實我地form 3都冇學過econ...點比較
做落又真係唔難
最好笑係派ws果時,
個個都有,得彭狗一個冇,
之後mrs lo比左自己果張正本佢
"quantity available is insufficient to satisfy all our wants" XD

夜晚9點几至食飯...XDDDDD

>>September 8, 2003 at 1:14:46 PM GMT+8

2003 年 9 月 6 日 星期六 【晴】

部機開左差唔多36個鐘嚕~ XD
尋日朝早9點几到而家(都係9點几)
到一定時間至熄機 @@

全日玩mud~
因為第一個禮拜上堂學既野比較少 @@
再唔玩冇架喇 ><

聽虎話太玄功好勁,睇其他人用又覺勁
我就放棄左讀書寫字,用左半日時間去學勒~
放棄呢項技能我起碼半個月先學得番...
俠客島內有24個石室,
順次序研究晒咁多個石室就會學到
呢樣唔係可以可以好快做到既事,
所以我set左個robot黎整
要robot咁耐喎,我梗係行開做其他野架啦
我未必知道几時完成一間石室,
所以我整左每完成一間石室就自動播一首歌提番醒自己
(教hrzo,co等人整呢樣野:
開zmud禁"sound",
響beep sound果度禁textbox右邊個掣,揀"all files"再搵一首歌)
co見我去學,佢又學
不過佢開頭既進度勁慢 (laugh co :D)
9點半既時候,佢已經完成左約20間石室
加油呀co ~

除左玩mud,真係冇乜做過其他野...
食飯/沖涼例外 @@
記得卡肥問過我一條數咁囉
(早排蔡ming屋企有事,響街度唔可以叫佢真名,阿賢由佢個英文名cathy發明"卡肥"呢個稱呼)
睇條數又几好玩(太易唔好玩 XD)咁,
就幫下佢啦 ~
佢話自己計到一個步驟,
做落去同書個答案唔同
我做一次之後...發現係佢做錯 @@
佢可以將條題目做到去佢講果個樣都唔錯啦~ <-唔係踩佢
卡肥係真既唔掂,條數又唔係咁易,
我唔想睇住佢死 <-同情心作祟 -o-

今晚有hunter~ ^__________^
co話hunter ova2同之前既ova1一樣係8集
今晚係7-8集,即係最尾黎架喇!
co仲講過日本都未出ova3
即係暫時唔會再有hunter睇啦~
好野!可以早d訓嚕 ^^

唔知點解呢兩日特別多廣告email send過黎
半日冇check email已經有10個
得閒要將所有廣告既address拒絕晒佢!
(但係要開email先搵到個address,所以我又驚佢有毒 -o-)

>>September 7, 2003 at 2:09:54 PM GMT+8

2003 年 9 月 5 日 星期五 【晴】

起身果時弟弟仲響屋企,
冇几耐佢出左去 <-佢出去果時我完全唔覺
後來阿媽打黎叫我叫弟弟去補習,
我先發覺佢唔響度...
鬼丫! :P

睇棋魂之前表姐黎左
不過都唔理嚕,等棋魂播完先學琴 <-我又係衰d既...XD
棋魂好睇,所以唔可以犧牲!yeah~

棋院院生既頭16名先可以參加若獅子戰
光仔係果16個既16
(蔡亮途曰:根據存在性問題,一定有一個包尾)
盤棋捉到一半光仔下左一著"壞棋"
點知佢用呢著壞棋引對手入局,化腐朽為神奇
雖然最後都係輸左~
呢d先係新時代卡通片既風範丫嘛~^^
主題唔係外星人侵略地球/企圖消滅人類
主角唔係永遠勝利 <-試問如果係上面講既卡通題材,主角點可以輸? :P

棋魂播完之後我睇番電腦
揚揚icq send左個msg黎 : 你係佐為，我係光仔
事緣今朝棋魂之前佢問過我一條數
...佐為命 =.=

學琴嚕~
唔係日日練琴,仲要每次練琴都有一兩首冇彈
咁都有一半歌過到關...
(其實表姐係比我整到"無所謂"思想就真)

寫緊英文果篇自我介紹...
佢寫左14個問題,
叫我地唔一定要答晒d問題,揀黎寫
樣樣都有d野想寫,所以唔知揀邊樣 = =
比著以前既我,應該係樣樣都冇野好寫架 ><

>>September 6, 2003 at 1:35:08 PM GMT+8