2004 年 2 月 1 日 星期日 【晴】

運動會回條...
冇搵到阿媽簽名tim~
點算呢?
嘿嘿嘿嘿...

leo : xxxxxxxxxx can help you to get As
佢想話"get A",但係讀錯成"get AIDS"
呢個人係多口up多個個s變成第二個意思
ceci : xxxxxxxxxx with my dad boss
佢想話"dad's boss",但係讀錯成"dead boss"
呢個人係漏左個"s"音變成第二個意思
不論過剩還是不足,都不可以
XDDD

RE堂意識到什么才是真正的 "變態"
就是
聽到一些事情的時候
自己一邊不斷在叫:「好變態呀」
另一邊卻像沒法子停下來一般狂笑
!@#$%^&*

「例如你喇,如果擺你同阿季炳雄企埋一齊,全班同學都話放季炳雄處死你,咁你會點?」
應該不會是全班同學都這樣想的...XD

maths開circle了
「我積加．佐伯魯特
　無論是惡魔還是神都可以斬斷的劍，
　可是就連救活一個小女孩也做不到！」
雖然依路依可能並沒有死去
可是...
(這几句將會放入我的 icq info,代替散失了的 "sai 的宿命")

火警演習
高軒想重蹈佢自己 "響旺角想去油麻地就返大埔先" 既覆轍
排隊買野食既時候
「咖哩雞飯喎」
「咁另一個餐係乜丫?」
「西炒飯」
過一過去tuck shop果邊排隊
買飯既地方就多左勁多人
「你過去啦~」
「唔想學你,旺角返大埔去油麻地」

劉舜年個 icq password係唔係 6 個 0 呢?
試下先~ XD

jeff,區佬問philip一堆歌係邊個唱既
乜...乜佢地up出黎d歌名我全部都冇聽過既?!

上晝已經知道grace lo今日冇返
econ之前,ck更加認定grace上晝冇返下晝就唔會返
又冇老師代課喎
結果當然是作反了
兩三次有人"shu..."
成個課室靜晒
但係根本冇老師行入黎 -.-

今日好似係升上form 4以黎第一次玩mud玩咁耐...@@

感覺上,自己今日既日記同以前(要返學既時候)果d好大分別
究竟有冇d咁既事呢?

>>February 2, 2004 at 1:53:40 PM GMT+8

2004 年 1 月 31 日 星期六 【晴】

今朝...自力做bio mc成功
tranport in plants果堆...
好似未教過~
唔怪得題題都唔識啦 @@
本來諗住d題目咁難抄晒答案算
全部68題我抄左50几先諗:
未教過唔係應該唔駛做咩?
死吧死吧死吧 -.-

jeff玩完我個fd test...同佢講起
我同佢chat得最耐好似係今日...!@#$%^&*

禮拜四旅行完左返黎開始
一日至少hang兩次機...=.=
看來所有東西都得做個backup了
不過哪裡來這么大的記憶空間丫...?
而且我又唔識得裝而家果張len card既程式落電腦...
和記辦事效率又奇高喎
預約至少要等兩日先會上黎幫我整 -o-

假期終於完結了嗎?
放假冇錯係好悶
但係放左兩個禮拜假又唔想返去精神緊張既狀態
我究竟是為了什么而活著的?!

>>February 1, 2004 at 1:58:55 PM GMT+8

2004 年 1 月 30 日 星期五 【晴】

今朝...要打番30號既日記 =.=

我今日有睇棋魂呀~ @@
上個禮拜唔記得左睇 ><
番外編...sai用光仔幫佢教訓個賣假古董既壞人
什么?! 捉圍棋捉贏個壞人就可以羅番舊古董?
有夠幼稚的情節...
想不到棋魂這出名的日本動畫內也有這種劇情 =.=

下晝...我做過d乜呢? -.-
bio mc諗住今日做又冇做過喇
我係唔係因為做唔切仲有條後路所以冇心機去盡快做晒佢呢?
係就死...

friend test而家點樣呢?
朝早send multiple message比若干個人
到而家得13個人去過 >________<
曉原來是冇意爭第1才會做到第1的 !@#$%^&*
搶左我個"testing"既top 1丫...
響30几頁既diary入面搵到几題既答案
超好野呀...

響mud發現一個超勁既賺錢bug
但係用都用唔到就見財化水 -.-
原因係...太多其他player響度搞亂檔 =.=

夜晚好似要出去食飯
唔想去呀...><

>>January 31, 2004 at 11:40:14 AM GMT+8

2004 年 1 月 29 日 星期四 【晴】

今朝叮熱左几舊點心食完就出去喇~
響惠康門口,豬係最早到既
惠康好卑鄙呀...
拆左原本任人用既電話 -o-
同曉,彤講左兩次點解改左去豬屋企做
等佢兩個黎到先講一次唔好咩? -.-

一開始去左m記傾住先~
成個實驗...我地其實知晒d野 <-豬既叔叔解左比佢聽點解檸檬汁加奶會有凝固物喎~
而家做既只係為交功課而做功課 =.=

9點半去豬屋企繼續
哇...豬果然好親中 愛國 喎 XD
佢屋企個電視機上面插左特區區旗同國旗各一枝~
上網搵左一堆有關資料
但係好多野都係大家都知 !@#$%^&*

好快講完個proposal點寫
完美分工表呀...
除左4樣必要既係全部人有份之外,每人要參與兩樣野 @@
(其實寫同做係兩回事,例如"聯絡組員"係豬同曉做,寫就寫我同彤落去)
剩番未做既係...唔知几時交所以暫時唔將寫左既野打出黎

同預期一樣好快做完IS
之後做oral既野...
豬開佢個email黎想揀一個寶雯send比我地既古仔譯做英文
佢叫我掩住對眼,怕我睇到佢個passwd
「你睇唔睇到架?」「拿,我信得過你架」
信得過我又重覆問n次 =.= <-咁我真係冇睇到,豬可以放心
咁唔放心不如改passwd啦 -o-
豬有個email account叫chu_meaningful
唔記得曉定彤話:「有chu_meaningful咁一定有一個chu_meaningless架喇」
豬開左一堆dummy @@

豬屋企有amaths書同假期功課果張handout
所以曉就...
「哇...好卑鄙...」
豬:「唔係卑鄙呀,係慳你時間咋」
原來我有必要為"慳我時間"道謝的嗎? -o-

走既時候覺得腳 足爭 勁痛 ><
差唔多兩三個鐘有凳都唔坐...
這叫抵ˍ XD

擺響scanner上面既maths書終於可以羅走喇
不過...不過...
放完假仲有排要對住本書架 !@#$%^&*
打6條几何題既solution用左1個鐘
快唔快過用手寫呢?
圓形既解題方法真係層出不窮丫 =.=
(我似乎背到几條reason...唔該晒早餐呀~ ^____________^)

下晝同夜晚一路補打前几日既日記 @@
終於完成25-30號
但係30號果篇send出去之後佢話無法顯示網頁 =.=
所以30號呢篇日記其實係31號重新打既~

早餐考樂理要加油呀~
真係好易架...
唔好擔心咁多啦
(雖然佢起碼考完左先睇到個日記 @@)

>>January 31, 2004 at 2:51:07 AM GMT+8

2004 年 1 月 28 日 星期三 【晴】

又係5點半起左身訓唔著 >.<
因為最尾一日,所以我食左剩番最後一個杯麵(帶左4個,其餘細佬前几日食晒)

酒樓d野全部唔o岩食...
粥,鳳爪,燒賣(白色那種呀)
好彩我食左個杯麵咋 @@

食完野領隊話跟住去美軍墳場
新年溜溜去咩墳場? = =
一致反對所以冇去

去左個蠟像館
d蠟像係講菲律賓由遠古到而家既歷史既
懶得睇~
每人入場都派三張明信片
好一樣有用的東西
我都不知多少年沒用手寫過信了 @@

睇完蠟像行商場
我比阿爸帶左去原本佢比我地行既商場隔離果個 =.=
集合時間唔見人喎...
領隊同攝影師行過黎搵到我 @@
好彩咋...
不過我未遲過集合時間到集合地點架~
佢話要11:50集合然後去機場
我11:4x比佢地帶左過去架喇 :P
有兩個人遲好多架 <-不過都響旅遊車黎到之前到左

照舊塞車佔一半時間

去到機場...買左箱雪糕 @@
果箱雪糕入面一盒芒果一盒芋頭,用乾冰包好
要等成半年先食得吧? =.=

同細佬玩個行李磅 @@
試自己手同腳既力度 XD
不過明顯係有error啦,其中一樣係地心吸力
一隻拳頭40几kg出力,一隻腳得50几kg?!
手腳冇理由差咁少喎

機票寫住14:50起飛
但係...15:05後我見到有兩個乘客走入黎
原來飛機等人的嗎? =.=
15:15開始助跑,跑左一半又停低左
15:35架機先肯離開地面 -_________________-"
臨走都要比我感受一下菲律賓人既生活節奏 -o-
(25號既日記引述過領隊既說話)

架飛機去到香港機場既跑道
仲要慢吞吞行多五六分鐘先肯比我地落機 -.-"
阿爸講過唔算數呀 -o-
細佬提起要買遊戲機佢唔肯
話細佬去到果度表現差
(呢個就係我之前話細佬識一早羅定錢好醒目既原因,雖然佢羅唔到)

認領行李...認領左成個鐘 -o-
原來有人將d雪糕搬過黎架 -o-
唔怪得行李架都冇啦

行到最遠先係E41既站...
勁多人排緊隊等上車 @@

到達屋企時間 7:45

用個几兩個鐘搞掂左個friend test
http://ngkawai.friendtest.com

半個鐘打左25/1既日記

阿媽11點几先同我講要執野
聽日豬佢地唔可以黎做project
我同豬講...
佢話曉,彤應該一早訓左
改左...
聽日去豬屋企做 IS project 同埋有時間會做埋oral舊野 @@

>>January 30, 2004 at 3:23:42 PM GMT+8

2004 年 1 月 27 日 星期二 【晴】

呢一日響酒樓食西餐 @@
d腸仔表面用左一層好厚既紅色化裝 =.=

食完野出黎見到班以賤價賣d鎖匙扣,小擺設果d野既人
P100 12隻鎖匙扣,不是賤價是什么 @@
都唔知班乞衣係唔係早知有一堆遊客會經過架
阻住晒 -.-
阿爸買左隻帆船擺設,好似係P150
......咁多錢比乞衣不如比d我啦 -o-

導遊話一個鐘車程就會去到"大谷地"火山區
我話:唉,總之無論你講几耐都會塞車塞到雙倍啦
講中左...真係兩個鐘 + - 5 mins既時間到達 =.=
個太陽勁曬,又訓唔到覺 ><

去到果度就有雪糕食~ ^^
一個雪糕球(直徑約7至8 cm)擺響個切開既椰子入面
有芋頭同芒果味,每個P65
唔知領隊定導遊請我地一人食一個 ^^
食完雪糕球仲可以刮埋d椰子肉出黎食
不過我覺得椰子肉唔好食 @@
我食完自己個芋頭雪糕
婆婆又比半個芒果味既我食 @@ (佢自己切左一半去食)
食完半個芒果味...阿媽問我仲要唔要
又食多個芋頭 ^____________^

食完雪糕上車去一個小型動物園
導遊話車程少過5分鐘
哦~即係少過10 mins啦~
有一位女士:「我而家終於get到佢個意思喇,前几日我都唔知」(指我講既"雙倍時間")
個動物園入面好臭 =.=
點解仲要黎呢? -o-
而家資訊科技發達,要睇動物一定要去動物園架咩?
d動物又唔係呢度特有喎

導遊話一個鐘去到餐廳食晏...結果怎樣不用多說了
哇唔講得笑丫! =.=
差唔多兩點先去到喎...
我羅左一早帶既可樂出黎飲 <-用一堆coupon換番黎果d呢~仲未飲晒呀
但係帶得一罐(其實係阿媽擺入我背囊既)
細佬見到又要叫多罐
有一個同台既小朋友見到我同細佬飲又想要
我同細佬比阿媽話我地教壞細路 -o-

食完飯去一個有溫泉既地方,唔知叫咩名
途中阿媽同之前話知道導遊講d野點解果個人傾偈
講教仔心得嗎? @@
我聽到果個人話:「仔女讀書你就唔騷擾得佢架」
有人表示同意呀
但係我見到既就係
呢個表示同意既人成日明知我溫緊書或者做緊功課都叫我彈琴囉 -________-"
正宗既"講一套做一套" -.-"

嘩...大開眼界呀
終於知咩叫溫泉喇
"水深不足1米的室外暖水泳池" =.=
話唔定d水都係用heater煲熱架 @@

媽同婆婆話想復活節去新加坡
響果度識講英文又唔係必要既,唔好預我呀唔該...
一年3個長假期我已經冇左兩個喇 (呢度唔計暑假,因為一定會用晒黎讀書)
剩一個長假期仲唔用黎溫書,出年會考係死硬!

晚飯完左又一堆乞衣賣野 -.-

領隊話一陣去賭場,細過18歲唔入得
我本來有打算混入去架...
反正唔睇証件果d人都唔知架啦 :P
不過後尾都係唔去
媽陪阿爸去,話想睇下
爸話要帶埋朝早買果隻"一帆風順"(其他團友同佢隻帆船擺設改既名)去
結果冇帶到
阿媽話要留定d錢比機場稅,不過好似冇留到...
留錢既原因係：怕阿爸賭得大得滯 @@
後尾究竟係唔係唔夠錢比機場稅呢?
見我返得黎大家都知啦~

>>January 30, 2004 at 2:59:49 PM GMT+8

2004 年 1 月 26 日 星期一 【晴】

5點半起左身
好 支力 但係又訓唔著 ><
呆等到7點morning call(呢個團每一日都係呢個時間morning call @@)

去一間當地人開既快餐店 jollibee 食熱香餅
果間快餐店d野食同m記既好似喎
熱香餅既味道都好似差唔多 @@ (其他食物唔知)

7點半出發
"富甲一方"...什么地方來的?!
導遊話車程一個鐘,但係9點半先到 =.=

入左去一間出面睇似教堂,入面睇又似博物館多d既建築物 @@
佢d欄杆好野呀...
擺到o岩o岩好順住行就可以睇到晒所有展品
展覽既野好似係...宗教意識的?(菲律賓係以天主教為主)
呢類型既古老大宅有一個共通點 : 古色古臭 =.=

響一個有瀑布既地方食lunch
衛生同食物都唔掂
食物方面:得一半野係我認為食得落肚 =.= <-烏蠅響呢度唔考慮
(大家要知我平時好少野唔鐘意食)
每一樣野食,一比烏蠅店過就要放棄
最後成兜野食(個兜係用乾草織成直徑30cm既圓形)我食得少少 -o-

lunch完左去到一個似餐廳,用木塔出黎既建築...
太多位啦 @@
全團24人(20個團員+領隊+當地導遊+攝影師+司機)
坐唔滿1/5...
婆婆想飲奶茶,我負責講英文 -o-

返入旅遊車...
阿爸之前禁低左個椅背方便訓覺而家拉唔番上黎
我幫緊手
佢話:「你阿爸都搞唔掂,你搞得掂我比100蚊你」
後面個叔叔:「100蚊呀,我做見証呀」
P100 -o-
果位叔叔:「算啦,你贏到個面子丫嘛」

去左個華僑博物館
(點解會咁多博物館架? =.=)
就係尋日"monday closed"既地方喇~
我睇到一套投影片將個人像投影響空氣中
望落去估佢點解投影到個人落去 @@
估係中間有塊玻璃
不過真正原因不明

離開博物館就行一個商場
5點至6點
一開始響一間叫burger king既快餐店食左個魚柳包餐
(乜咁多人抄m記既?!)
價錢係P84 薯條,汽水同香港m記既細薯條,細汽水差唔多
P12加大(我冇要) 估佢個大細係香港d m記既"中size"
食完野周圍行啦
見到pizza hut一個唔知咩味既pizza賣P335...!@#$%^&*
m記既魚柳包餐賣P79
超級市場既兩筒裝薯片P120
入左去一間書店,見到一堆書每本都係P120...
但係我得P100(哪裡來的?上面說過了)
好想買本日文書返去睇呀...><
成個商場唯一貴過香港既野係
中文漫畫(好似係小櫻 @@) P300
厚度同每頁面積同香港果d差唔多
大家可以用導遊既匯率計番上面講既野每樣價錢等於港紙几多
HKD $1 = P6.7 (P係披索既符號)
我將佢簡化做 HKD $3 = P20黎計既
因為3:20係一個同導遊個匯率唔差得几遠既simplest whole number ratio
爸,媽,細佬,婆婆最遲
因為佢地搵唔到邊個出口集合同埋講唔到英文(冇得問人)
講唔到英文既原因係
識講英文果個有心撇左佢地

晚飯...有個女仔生日 @@
好野~有生日蛋糕食 ^^
細佬唔食蛋糕叫stephen lam叔叔幫佢食~
「人地生日呀,比下面人啦」
話時話喇
我呢几日都係專登叫22歲既領隊做"領隊叔叔"架 XDDD
不過佢又唔介意我叫到佢老晒喎~ ^_________^v

夜晚食完飯之後導遊問我地邊個想睇人妖show
(佢話係d人妖跳舞表演喎...)
20個人有11個唔去
成家人得阿爸一個去睇 @@

>>January 30, 2004 at 1:13:50 PM GMT+8

2004 年 1 月 25 日 星期日 【晴】

第一晚訓得好好~
7點鐘morning call至醒...我仲係唔想起身 @@

去酒樓食野...
有d白色形狀似燒賣既野食 <-香港不會見到的了
導遊話係燒賣黎喎...
好難食 ><
可能因為自己食慣香港既野食啦
話唔定菲律賓人食香港野都會覺得難食呢~
有粥...
粥係我最唔鍾意食既野黎架 -.-
細個試過病左,阿媽叫我食粥
我寧願食豉油撈飯都唔食粥 -o-

食完野去一個叫做錢幣博物館既地方 <-個名係譯出黎,原文唔記得
又要填一張健康申報表 =.=
菲律賓野當然係全英文...
一時氣憤之下將細佬果份d咩病徵呀,有冇同過病人接觸呀,乜都 tick晒yes
之後諗到,我係佢既家人
如果佢比人捉去醫院隔離十日咁我都走唔甩
所以填番d正常既野比佢囉
出入口既自動門好醒呀 @@
我響博物館入面企"入口"個門旁邊佢唔會開門
響出面企住"出口"個門旁邊又係唔會開
阿爸因為唔識英文比佢玩左一輪 XD

去左個有一道城牆同護城河既地方... <-馬尼拉古時既守城設備?
城牆出面有一堆大炮,炮彈等等...全部生晒 金秀 @@
導遊話d炮彈全部抽走晒d火藥喎
城牆上面有一個好似監獄定係戰壕既地方
好臭...
唔知點解會有d當地人上黎睇,同埋唔知點解呢度會係景點 @@

去左間唔知咩店鋪...似乎係買紀念品用的
(點解5天團第2日就去買紀念品既?!)
入去之前有個女人響度派比我地一人一條用好細既貝殼穿成既頸鍊
戴上去好吉...所以收左入背囊~
臨走前阿爸買左椰青
好似係P20一個
好難飲 ><
同香港果d冇得比 -o-

去左間餐廳食lunch(領隊話當地野食唔o岩香港人食,所以安排左多數膳食都係食中國野)
阿爸見到個香港既朋友
「呢個世界真係細喇」
d咖哩呢...
得d細舊既薯仔既味道可以接受 = =

下晝去"逍遙度假村"
用木砌響河流上面既地面...
好危險呀 !@#$%^&*
每個入場既人有一張P100現金代用券
比阿媽羅晒黎換可樂同買雪糕杯~ @@
d雪糕杯得上面個芋頭雪糕球好味
碎冰(刨出來的?)同d雜果絕對不堪入口 -o-
食緊雪糕既時候...
諗起一個大凍天時都成日想食雪糕既一個癲既女仔 XDDD

同班大人傾偈...雖然自己發言好少
阿爸對外國政局既認識真係令我大開眼界! @@
不過佢對香港而家政治既認識就...(*flop <-means 跌倒)

人地話5點半集合
但係我4點半已經返上旅遊車訓覺
真係好 支力 呀...
訓左好耐呀 @@

離開逍遙度假村之後,導遊比左d當地既零食我地試食
有芒果乾,菠蘿乾,香蕉乾,魷魚乾同埋濕魷魚肉~
試食完比我地訂
阿媽一口氣訂左30包芒果乾同30包魷魚乾...!@#$%^&*
其他訂左乜唔知,因為比起黎都係小數目 @@

夜晚去唐人街餐廳
好似係5日入面最好食果餐飯 @@
至少冇d辣得滯既野啦 ^^
食到一半我飽左...行黎行去
諗住返香港之後整第3個friend test
(大家睇晒我旅行期間既日記先好上去玩呀,唔係肯定你有几題會唔識答)

食完晚飯行唐人街...既邊界地方
成團人都買左一堆生果(以芒果為主)
導遊話唐人街有一公里闊
唔知上面4個字點解...
究竟係直徑一公里既圓形,定係邊長一公里的正方形,抑或係點解呢...?!

之後去左侏儒吧
咁大個仔第一次走入酒吧呀 @@
d職員(包括接待員同waiter)全部都係侏儒黎架
呢度係為左比當地侏儒打工而設架? :P

今日多數時間響車上面
我響車上面既多數時間又係訓覺
好彩我訓左咋~
如果唔係淨係睇住出面塞車真係悶死囉...=.=

>>January 30, 2004 at 11:21:00 AM GMT+8

2004 年 1 月 24 日 星期六 【晴】

菲律賓之旅...第1日
我點解會記得咁清楚邊件事係邊一日發生既呢?
好簡單...我用酒店比既memo紙記事嘛 ^^"

6:30起左身準備出發
細佬賴死唔肯起身話唔想去旅行
-.-...家下究竟邊個沉迷打機呀?
我至少唔會為左部電腦唔去旅行呀(雖然電腦的用途不止於玩)
後來老豆話應承買細佬想要好耐既遊戲機佢先勉強肯去
果部遊戲機我都唔知叫乜名...
細佬考完試之後成日話自己全班考第3要買獎品架 -.-
嘩有冇搞錯!!!
而家細佬係讀c班...第3名算得乜野?
仲要厚面皮要獎品? <-而家仲用一個同成績無關既理由買野比佢
我以前買咩都要成績黎換架 -.-"
雖然話帳面上既數字我係差過細佬o者 -o-
我見有咁著數就乘機老屈話返黎要買vcd喇~
諗緊要macross7定係gaogaigar final好
都係細佬醒目,出發之前猛話要羅定錢,雖然阿爸冇理佢
(點解我話佢醒目呢?之後几日會講番)
細佬羅本蠟筆小新出黎,睇到坐飛機果個古仔
小新媽既一句對白「就是你這種人令行李檢查越來越嚴格!」
我記起d野,就問阿媽佢銀包有冇指甲鉗
記住佢係話冇...@@

去巴士站途中...個綠燈閃下閃下
阿爸仲要姿由淡定慢慢行 =.= <-我,媽,細佬,婆婆全部一早行到爸前面喇
爸:「几時有車呀?」
我:「你後面有一架」
這樣答是不是錯了文法?
"几時"應該係答時間架喎 XD

去到機場...響味千拉麵食野 @@
我同細佬將"餃子醬"同"醬油"既貼紙調換左 XDDD

check行李既時候阿媽出事
佢抽鎖匙扣住個指甲鉗...
話左佢架啦! -.-

上到飛機
見到d入境登記表,健康申報表(香港的同類東西是叫這個名字)張張都係全英文
爸,媽叫我填晒佢 =.=
我填完左兩,三份就好 支力 好想訓
咁o岩出面太陽曬入黎
我一閂左個窗閘空姐又即刻叫我開番佢 <-我當時應該扮聽唔明...
響咁既情況下我咪好嬲囉 -________-"

我認為國際間有必要出一個方便遊客既協定
任何人出入境都應該由出境果邊既政府確保晒d人既健康狀況(同sars有關果d)先比佢地上機
出境要填一次入境又要填一次煩唔煩呀 =.=


落機之後...
見到其中一個企響度既士兵勁似薩達姆當權時個樣! @@
我明白香港海關人員d工作效率原來好高架
響果度排左成個鐘隊,所有人先搞掂晒d過關手續 -o-
d海關人員打字速度奇慢...
(搞清楚呀,佢地打既字只係佢地打慣打熟既 "一兩個英文字母加一堆數字" 咋!!!)
原來本護照上面係冇任何方便電腦讀取資料既設備架?!
真係唔明d聯合國會議係講d乜架 -.-
呢d同人民最有切身關係既野竟然冇人理既!
(大家請記著這點：批評別人不是一定要有相應的技能喔)

出關就見到一堆菲律賓人企晒響度唔知做乜
領隊叔叔話我地知...佢地應該係香港d菲傭既親戚黎
點解香港d菲傭返到自己祖國會咁威呢?
grace lo都成日講架啦,之唔係香港政府整既price floor作怪囉

個領隊叫stephen lam <-我響香港既機場先知道係跟康泰既團去咋...
佢話d海關人員見到佢份passport入面有一張港幣$100就想立左去
LDC(less developed country)既特徵之一?...- -
導遊係一個當地華僑...姓陳的 @@
佢話幫我地找換貨幣
匯率係HKD $1 = P6.7 <-P係披索既符號
我將之簡化為HKD $3 = P20 (唔係差好遠既整數比例)
(後面我寫d野披索賣几多錢唔該大家自己計番港紙係几多錢...)
領隊:「菲律賓人既生活節奏慢,所以你地比d耐性,咩都慢d,就會玩得開心d架喇」

第一個去既地方係...包公廟
同香港d普通廟宇差得几遠呀? -.-
我唔明點解要花10 mins去睇囉
遍佈中國的各式廟宇(遠的不說,大埔墟就有一個文武廟)也是呀...
我從來不知道為什么人們要花這么大人力物力,到處去建這些凡人的廟
關公有什么什么光輝的事跡?我只知道有 "失荊州" 和 "敗走麥城" 啦...
孔子呢?我只記得他的思想收窄了中國古代的學術範圍,間接導致中國給外國人欺負啦

離開包公廟之後,我個肚好痛 ><
下一個景點-椰子皇宮,支持唔住,唔去得...
媽佢地返入旅遊車比左d醫肚痛既藥我食就好番喇 ^^
(唔知果d係咩藥...@@)

成個下晝響度遊車河 =.=
塞車也
我對這種情況的不滿,後文還有敘述
總之
5日既旅行團減左食飯訓覺時間,剩番有一半就係塞車!

一日內見到4間7-11...
原來"梗有一間響你左近"呢個法則去到香港外都o岩用架? @@

晚飯d 食送 真係...-o-
有d我自己本身唔鍾意食咪唔食囉
剩番我鍾意食果d又點呢?
我一擺落口,
好~辣~呀~!@#$%^&*
搞到我有陰影以為呢度咩 食送 都係辣架 =.=
(大家有所不知,飛機餐都有好多辣椒比我挑晒出黎唔食)
d 食送 辣到我覺得...連個口呼出黎既氣都係熱架 ><
本來我都唔係唔想去旅行架
食到d咁既野食就後悔囉 =.=

到夜晚先返酒店擺低行李 = =
沖涼既時候唔識用個花洒,仲以為佢流得咁少水出黎係因為節約用水 @@

>>January 29, 2004 at 3:06:54 PM GMT+8

2004 年 1 月 23 日 星期五 【晴】

今日開電腦見連到線去mud就玩左成日...
打寶物打寶物 @@

豬打黎同我講做project既野
臨收線...mud既畫面入左去龍既mini game
一路講電話一路睇畫面果然唔掂 @@
30秒數一幅圖入面一個符號出現几多次
我數到27,答27錯左撞28,26...
28錯埋,答26佢話時間夠,正確答案26 =.=
lag左一秒咋...-o-

花好大力氣先做到mce最尾果几題...
已經提唔起勁去做功課...
玩完返黎咪仲弊?!
bio past paper我可以唔抄答案嗎?...

>>January 24, 2004 at 2:35:46 PM GMT+8