2003 年 10 月 4 日 星期六 【晴】

經過全日既苦幹(其實得一半既時間)
終於睇完本running out of time嚕~
jeff打左兩次電話黎講呢本書既功課
賢就icq問我本書講乜 <-佢始終冇睇過本書 = =

響電話同jeff講過一段說話,
而家想響日記度講,同大家分享下:
升上4a到而家,我有一種最初被奧校選入代表隊果時相似既感覺
我果陣以為自己係全隊入面最差果個,
覺得其他隊員比我好大壓迫感
到陸sir解番d選拔試既題目果時,
我見到周圍好多人都同我一樣有一半或以上既題目唔識
態度都好唔認真,覺得唔駛為個比賽付出太多努力 <-後來我都認同左佢地
而家4a又係咁,整體既水準原來冇我想像中咁恐怖
當然,不論代表隊定係4a都有d公認左好勁既人
我呢d感受係對普遍性/整體而言

唔記得今日几點,有個人icq add左我
我問佢係邊個啦(唔識就唔add)
佢話自己係5a,叫我估佢係邊個
仲講左好多廢話 <-拖我唔少睇書既時間 -_____=
響mud入面問sch(佢都係5a既)
我話自己唔係識5a好多人,頂多得hkmo果4個係我識佢佢又識我既
sch話係果四個其中一個
但我搵果個人撞晒4個佢都話自己唔係
踢爆佢玩野,佢就話唔玩,叫我重新估
係霍栢全...

唔打日記喇
要做功課...-o-
希望9點半可以做得完 =.=

>>October 5, 2003 at 12:38:33 PM GMT+8

2003 年 10 月 3 日 星期五 【晴】

今日差少少唔記得左睇棋魂...
見到個鐘係11點先醒起 @@
睇果時阿媽講電話勁大聲
一度將電視機聲量較至40 -.-" <-平時20-25已經夠聽到
叫佢几次細聲d仲咁大聲喎 =.=

搞掂左中文預習,grammar focus
唔記得仲有d乜功課lu~
除左我睇得一半果本書之外...

睇完棋魂打比葉力滺,問今日有冇imo堂(因為今日公眾假期丫嘛)
第一次打錯左 <-冇記錯應該係打左去袁澤曦度,但唔係佢聽
第二次打o岩,葉力滺話今日冇堂
yeah~
有足夠時間清理功課喇~

細佬今日成日有功課唔識做問我
一堆英文(佢問果d淨係搬字過紙就搞掂)同一題數
哇...
佢令到我質疑自己點解可以讀書讀到而家
我一直都冇阿哥/家姐可以比我問功課架喎
細佬又係白痴得滯
4/5 x = 2/3 求x 唔識做 <-佢係咪路架? -.- 2x=2佢識話x=1喎
計到個x=5/6出黎仲要問我:係咪咁寫就得架喇?
無言...
佢係咪恃住屋企有個阿哥可以問功課所以唔留心上堂架?! -.-
天呀...
點解要咁玩我呀...
返學響學校有一堆同學成日有數唔識計問我搞到我不得安寧
放左學響屋企有個白痴細佬咩功課都唔識做
我未曾見過有邊個叻既人會好似我咁既命運...
而且我又唔係好叻喎 =.=
我而家心裡面湧起一股求知慾 (econ:係demand,唔係want!)
好想知道人既意識響死左之後會去到邊呀...
唉
肯定冇人答到我架喇
唯有自己去求證啦
再見喇,大家...

夜晚睇書睇睇下訓著左...
本來想睇到chapter 20,尋晚睇緊ch.18就頂唔順...

>>October 5, 2003 at 2:03:50 AM GMT+8

2003 年 10 月 2 日 星期四 【晴】

嗯...
今日終於唔駛出門口兩次嚕~
不過要婆婆提我先記得
佢話佢知我今日有PE係因為佢尋晚見到我執套PE衫出黎喎 @@

返學見到區佬,佢同我講左d對影印past paper既意見
響樓梯見到彭狗
佢唔知鬧邊個唔記得佢生日 <-總之唔係我啦
之後我話:生日快樂呀彭狗
到達課室時間大約
一擺低PE衫同書包,
彤,曉就同我話早餐搵我,叫我落去 @@
佢講野既時候我覺得佢好似理解錯左我既意思
但佢講完我唔記得同佢講番喎
年紀老左記性差喇...
未老先衰丫...點算呀 ><

頭兩堂中文
周sir聽到kooby講左句"賤",就問kooby係邊個用呢句野鬧佢
kooby話係佢媽,周sir話:乜你媽咁鬧你既?
之後吹水吹左成堂...
講好多同父母既關係既野
「禽獸既父母」
哦~咁彭狗係禽獸,ck係禽獸既父母勒 XD (ck係彭狗阿媽喎...)
好感動...周sir有notes派呀!
ck話:好明顯呢d係舊年派剩既notes

PE...套衫太細件喇
其實中三開始已經唔o岩著架喇
不過我成日唔記得去買咋嘛
(而家打左響日記,希望我聽日會記得去買)

上完PE返課室,區佬唱飛女正傳,
問錢煒易係咩歌同邊個唱(3b既人話佢好out個喎)
又會比佢諗到既...
錢煒易猛拉人參加班會既歌唱比賽 -____-
我記得1c-3c三年班會都冇搞過呢樣野...

第6堂原本econ,同最尾一堂maths調轉左
對左chapter 0,1既mc
兩個chapter各o岩一半...都算係咁喇我
stephy同我拗一題,死都唔服就同我賭兩日lunch
root(3*root(3*root(3*root(3...)))) =?
(唔明條題目係乜既可以叫我send圖比你,因為呢度冇得打根號)
之後kfc公布答案,ck話:你同e個人賭梗係你輸啦
落堂果時佢無聲無息走左,全班都靜左一陣
全部都唔覺原來kfc放左我地lunch喇

lunch 朱斤話發燒,好眼訓喎
區佬就非奸即盜同佢閂晒d窗同風扇
jeff快d去教訓佢~ XD
食完飯睇本running out of time
lunch time完既時候睇完ch.14 ~
yeah~
keep住呢個進度,我就應該睇得晒+做完功課喇
區佬用成頁test paper做個功課既兩題 =.=
有人話:區佬你呢份野羅唔到A我請你食飯

chem要用發泡膠波砌structure of sodium chloride
田田傳左sodium chloride同diamond既structure巫瑩( <-有人咁樣稱呼瑩瑩 XD)比我地睇
我太欠缺熟練的手腕喇...
連正方體d咁簡單既實用圖畫都畫唔到 =.=
之後我話:都係好似豬咁印住本書黎畫算喇
曉同brealla聽到就笑 <-其實唔記得曉有冇份笑
點解咁好笑既? @@
豬曰:彤講晒你個日記d野比我知喇
對曰:係又點丫?
豬曰:所以我嬲你囉
對曰:嬲我又點?

最尾一堂econ,
入課室之前見到宋永平,鍾家瑋,仲有一個(放學我問番冼澤豐先知果個叫李英睿)
三個人響課室出面綁鞋帶
即刻推斷到佢地跟住果堂係虎虎堂! XDDDD
(虎,我專登打錯架 @@)

grace lo叫我地唔舒服就唔好勉強返學
朱斤一入課室就走左,可能係去medical rm
o下?grace lo咁奇既?
早餐話grace lo同佢地講既係"唔好隨便請假,因為而家所有野都同會考有關"
佢又引述一般學生既回應:唔得架,econ d concept好難
grace lo話「我一問起難o係邊,d學生又講唔出喎」

可能因為grace lo好準時落堂
所以jacky今日早一步去到巴士站
同佢byebye左先見到有74x行過
應該捉住jacky唔比佢行呀...XD

嘩死...
打日記打左成個鐘...
冇時間做樂理嚕~
同埋唔記得左幫細佬錄digimon frontier...
搏佢唔記得睇啦 <-上次我錄少左佢都係唔記得睇就冇件事

樂理剩番3堂~
10月25號考喇 ~
大家估下我考出黎個分既十位數字係几多呢?
100分滿分 (合格分數好似係60,80或以上distinction)
因此可以揀既option係:冇,1,2,3,4,5,6,7,8,9,0
↑無十位同十位數字零係兩樣野黎架!
今日開左半本grade 5~
好多野都好似唔難,不過一睇就覺得好煩囉
唔小心真係好易做錯 = =
黑天使的必敗策略:解釋performance directions果10分全部亂撞!
我唔係歐洲人呀...要我背意大利文/法文實玩死我 ><

呢三日唔可以開icq
有電話唔可以自己聽,
一定要細佬/媽/婆婆幫我聽
問清楚打黎既係咩人同打黎做咩我至決定聽定唔聽
icq等7號放左學至開~
玩mud既人先睇得明既command : shutdown icq;#wa 259200000;open icq

>>October 3, 2003 at 1:17:41 PM GMT+8

2003 年 10 月 1 日 星期三 【晴】

點解今日呢d"危急存亡之秋"我先會早返架 -.-
事關今日交maths hw
第11題勁多人唔識
除左尋日日記提過果5個之外,
kooby尋日icq我,hi完之後話佢睇左呢個日記就識,唔駛問我喇
今朝唔識果題問過我既人一共有4人...
首先係李俊賢同tony (兩人分開問)
jacky,ck,stephy呢三個但唔記得佢地既順序
教左tony之後佢話:你今日會造好多個七級浮屠架喇
lily見到咁,就話:我建議你寫個solution響黑板
我咁早返學校當我錯啦 =.=
有maths hw要交既時候我要預準8:10入課室...

田田比左兩題exercise
好難,完全唔識做 ><
等要交果日要搵人抄番先得呀...
(但係連邊日要交我都唔記得左!!!)

兩堂phy lab做勁多實驗
我比蠟燭熔左既蠟滴到隻手
不過淨係手指店到蠟果下熱o者,辣一辣就冇事喇
朱斤比個燒到好熱既tripod燙傷手指,用水喉沖左好耐
點解燙傷果個唔係我呀...
(彈琴需10隻手指全部完好)
derek(鍾志豪)同我話:jeff(李俊賢)會好心痛
哦,原來如此 XD

lunch time冇食過野~
但係而家(7點pm)都唔肚餓喎...
點解既? @@

leo sir今日冇拉褲鏈 @@ <-喂喂...今日既bio係尾二果堂黎喎
佢比人笑左成日架喇?
我見到坐中間果堆人猛咁笑都唔知咩事
ceci同我講先知
leo sir話比2分鐘我地笑夠先繼續上堂 XD
後來郭膏威咬耳仔同佢講番佢至好尷尬咁背對住學生拉番好條褲

返屋企沖左個涼
一入廁所阿媽就問我：「你熄左熱水未呀」
－．－

沖完涼打電話比早餐,覆番佢既留言
可以話比人知既野前一篇日記已經打晒出黎,
秘密部分梗係只可以同佢講啦
居然比我撞中左佢個電話號碼 @@
我響電話講野講得好大聲,收線之後先發覺...
↗有d野同我逃避學琴有關,怕阿媽聽到會對我加以審問 =___=

夜晚賢打黎商量訂past paper既事
lily話有form 6可以比98-02 past paper我地影印,所以我地唔駛買
搵左呂呂,拉登,肥龍,婷,妍,瑩瑩
一人買一份~就齊晒8科喇

之後李俊賢問我要3c升4a既人既icq
特別指明唔要豬
因為佢認為自己同豬關係已經好差
我話:而家你地敵對喇?
佢話:又未至於敵對,不過關係唔好囉

>>October 2, 2003 at 3:27:45 PM GMT+8

2003 年 9 月 30 日 星期二 【晴】

尋晚做maths mc做到點几兩點至訓...= =
好似未對過答案...
預左錯好多就是
因為我冇草稿+趕收工~

今日個日記多左好多留言
一日之內5個呢 @@

賢同婷今日下晝打黎問數
開頭我串婷,話：「我而家覺得果d放棄左響奧校訓練既人糯皮」
佢地係第4同第5個唔識supp.ex.3第11題問我既人喇 =.=
我話唔識呢題可以睇hy個留言
但佢地堅持要我教 -o-
我講左几句之後賢就識a part勒,
問婷明唔明果陣佢「嗯...」左一陣都係唔識
我話:咁我收得線未?賢你解比婷聽咪得囉
但佢地又藉口話b part唔識唔比我收線 -o-
以後kfc一比maths hw,到交果日為止我都唔可以聽電話,唔可以開icq =.=

乜第11題真係咁難咩? -.-
已經5個人唔識問過我喇
當中悟性最高果個梗係高軒啦,
我講一兩句佢就明左
其餘都講左几耐下...

我竟然唔記得左自己講過既野丫! -.-
　同一時間超過一人問我maths立即叉電60 mins
尋晚曉,彤 3-line打黎我唔記得呢件事,教左佢地,收線至發現自己唔應該教人
今日婷,賢 3-line打黎又係咁,今次佢地打黎之前冇耐我至諗過3-line問我唔可以教架
點解我會咁樣?!?!...
好心大家唔好咁懶一唔識就問人啦...
特別係a,b班要讀amaths既人呀
maths都搞唔掂,amaths點算?
做功課仲可以話靠人o者 <-當然最好唔好靠我啦下 XDDD
測驗考試唔識點算呀?

夜晚lily打黎同我傾集體訂past paper既事
打過比賢,賢又話要考慮下先 =.=
之後hy icq搵我
佢真係人如其名呀...@@
佢話心情唔好,叫我搵d數比佢計喎...

re 曉(and 彤 @@)
你地所講只能夠証明豬尋日冇咁做
果日邊個係咁搵野問leo sir問到打鐘為止呀?
乜都識?分分鐘勁過老師?乜咁抬舉我呀
你地有冇睇清楚我之前點回覆架?
我乜都識咁豬阻住人問野就唔關我事我唔駛出聲啦
>小息,lunch等大把時間
你又講得o岩,
所有小息,lunch time去教員室出面等到打鐘,
正路應該等到既~

re 曉 again @@
chem個fractional distillation囉
唔明佢點make sure O2同H2可以響唔同既出口出黎囉
仲有electrolysis
將水分開H2,O2,會唔會好似海水咁正負極兩邊固定左有d乜野出黎
唉...你地梗係一早問過晒田田所以識晒架啦
問到打鐘為止仲唔夠呀?
最方便既時間都比你地食晒

re 0717:
係咁不如黎一招逆轉睇下效果會點 @@
任何同學有maths要響學校範圍外問我既,
一定要響問果日放學我返到屋企之前通知我
如果問果日唔駛返學咯喎...嘰嘰~
就問果日之前最後一個上課天,我放學到達屋企之前話定我知
淨係0717一個可以唔駛預先通知我都會答佢

>>October 2, 2003 at 9:32:25 AM GMT+8

2003 年 9 月 29 日 星期一 【晴】

今日學校升旗禮呢
我諗起小學果時一樣好恐怖既野(而家先覺得恐怖)
每個星期六都會有升旗禮...= =
仲要所有學生同老師全部唱國歌架
唔知而家係唔係 <-等弟弟放學返黎我問佢
而家我見識多左,
響civic堂知道有樣野叫"親中"
至覺得孫方中小學係一間極度親中既學校! @@

上課室擺低書包就落去操場
中途見到ceci帶住班排好晒隊既低form落去
「你同佢地差唔多高喎」
後來問番佢,果班係form 1黎
我...忍唔住喇...笑死我喇...XDDDD

mrs keating見到我地好多人連半本書都未睇完
就推遲左交功課既日期~ ^__________^
不過佢一直問有冇人反對 <-好多人一早睇完本書,延遲限期咪對佢地唔公平囉
賢同ck睇得2個chapter都冇 @@

中文堂又係吹水多過教書
周sir講到"花街,花巷"(花潮果几句課文)
就講左去"花街柳巷"...話深水涉好多雞竇喎
d警察拉緊人,另一邊可以仲有人拉緊客
佢話我地如果有興趣可以帶我地去觀光 @@
勁詳細既描述令我唔信佢冇幫襯過 @@
周sir又再一次勸喻我地節日夜晚出街小心d,唔好比人呃
中間果堆人又係好興奮
錢煒易唔知做咩塊面紅晒~

三堂maths清晒果4題maths hw
其中一題應用題我諗左好耐 @@
for hy & 虎 (虎叫我講埋答案出黎,費事喇,講左答案出黎你會識做)
　某甲響紅館搞concert,
　用$160既票價可以賣得晒d飛,成個紅館12000個位坐得滿
　票價每升一蚊既話觀眾會少50人
　（ａ）票價=$p,入場人數=q,寫一條式出黎表示p,q既關係
　（ｂ）票價係几多先可以有最高既收入?
kfc派左maths學科評估既成績單
如我所料今次錯左兩題
所以form 3果年得獎無望嚕
算,我當因為個"錦盒"整得太差唔想要 =.=
落堂之後kfc問我今年仲會唔會玩hkmo
如果我得既梗係會啦~^_________^
中四開始唔會再返奧校,
imo又太難我學唔到野 =.=

econ睇教育電視~
政府既片果然好廢 =.=
又講得快喎,諗得最簡單d野都聽唔切深既野啦
mrs lo話:如果教育電視教得好既話,我就要失業喇
點會丫~
君可曾見符公,田田等失業乎?

放學同賢講過訂past paper既野
要搵班人黎一人買一兩科咁夾齊晒8科試題呀...
之後同高軒,bobby,jacky行
又見到一架74x走左,
証明每當jacky行到黎都會走74x...XD
最後一齊行既係高軒
佢話豬今次過去問田田既野係:係咪所有半金屬都係有一半金屬既property架?
係人都識答你啦...阻住其他人問野 =.=
我記得離開課室之前李俊賢同我話:
你應該學下佢咁,勇於發問先係架 <-諷刺既語氣
進進調位果時千祈唔好比我坐得太近豬呀...求神庇祐呀 -_____________=

re hy:
要轉番去"q=xxxxx" or "p=xxxxx"先得架...
你淨係寫左第一步...@@
(同學睇你寫既野就應該識做果題架喇)
仲有b part喎 ~
*snicker
hmm...你post個答案都好呢 :Q
唔識就睇你個留言搵答案 ~

re pig:
豬腦會諗到d鑽晒牛角尖會考都未必問既題目
仲死都堅持「如果佢咁問你點先？」
話你蠢定扮蠢好 -o-

re 曉:
唔關我事?
佢一直問野問勁耐喎
阻住其他人呀 -.-
當然"其他人"包括我在內,
所以我先會話關我事啦
肯定高軒有同我話豬有問過果樣野

>>October 1, 2003 at 5:54:32 AM GMT+8

2003 年 9 月 28 日 星期日 【晴】

今日公益金便服日~
正日係聽日,但今日day 6所以我地學校提早左喎
不過好多人都係著校服架 XD
一返到學校聽到豬話ck好突出~
因為4a 12個3c有10個著校服
我話ck又係平時著開果件黑色衫
佢話今日著果件係尋日買喎~
真強 @@
為左便服日買件新衫 @@

第二個小息李俊賢同我話小學既miss tong要移民
因為miss tong同小學個校長不和喎
佢諗住call番d舊同學同miss tong搞個搞歡送會喎
我地發現大家都唔記得左好多小學同學既名...
最好笑係佢提起有個叫"wing"果時
我講左wing既中文名:伍泳嘉
講呢三個字出黎既時候我地兩個同時諗起一個人,
李俊賢講左出黎:陳曉盈
點解我地會同一時間記得呢?
因為小六果年李俊賢比人唱過佢兩次鍾意人
第一次係伍泳嘉,第二次就係陳曉盈喇 XD

physics一堂,去左lab
朱斤都唔係路架 -o-
書入面講左好多物理現象
e.g.海邊經常都大風,打邊爐d野食熟左會浮起,蠟燭火焰向上(無重狀態下就會係一舊火)
進進已經講得好清楚喇喎()
朱斤勁多唔明要問我...
搞到我差d聽唔到進進講既野喇
我應該叫佢睇多d真實系機械人片(例:高達)...=.=

班主任堂進進話有書局賣past paper
玩集體訂購喎~
冇計過實際數字,估計買晒8科題目至少要$600...
全班人分開做上學期壁報,christmas party,下學期壁報
本來3c果6個女仔揀晒party
之後進進話一部分既人要踢落下學期壁報
我同ck未寫自己個名又要做下學期 <-因為冇人揀丫嘛
結果12個3c去晒做下學期 ^____^

lunch毛韋淇走左入黎 <-因為佢地課室得3個人
一個玩yahoo桌球,剩兩個係李曉杰同王玲
毛韋淇走入黎坐左阿曉個位
豬好惡咁叫毛韋淇出番去,話毛韋淇好樣衰喎
「豬～你既語氣好似強迫佢出黎其實哀求緊佢,我覺得你咁樣仲樣衰」

maths堂講左d比較近既test日期
講完得番半堂時間教書...
kfc,你係得既! XD
kooby比人貼左兩次貼紙 <-兩次都係便服日果張圓形貼紙
兩次都係多得錢煒易同佢告密 -o-
下次應該玩錢煒易,免得佢懶好心 :P

落堂就去hall啦
我問番kooby佢背脊張貼紙去左邊
佢話:我人緣好,所以有人幫我搣左
我係都要窒頭窒勢,話:人緣好就冇人玩你啦
mrs lam響assembly勁糯
佢宣佈果時話"聽日9月29號升旗禮"
台下起哄佢都未知咩事,
等坐前排既老師講左佢至知自己講錯野
XDDDDDD

上番課室,執好野走既時候又響走廊見到陳欣欣
"喂danny"
"乜又係你呀"
"咩又係我呀,你好討厭見到我咩?"
↑就因為佢呢句所以我討厭佢! <-再叫佢一次黎睇呢個日記先

本身同高軒,jacky,bobby,劉舜年一齊
落斜路既時候
大家話jacky次次行到去果度都撞o岩佢要上既巴士走左
果陣我見到一架74x巴士走左,話:今次走既係74x,唔關事~
佢几個話jacky要坐既係74x...我糯
行到大埔中心見到早餐
點解佢會響度既?
佢話有maths唔識今晚會問我喎
點解佢每次問我之前都會事先話通知我呢?

>>July 30, 2004 at 9:39:52 AM GMT+8

2003 年 9 月 27 日 星期六 【晴】

今朝...
終於有番水喇~^^
好野~

全日都掛住打機...
結果一事無成~
本來諗住今日做完scmp既功課
同埋本running out of time睇多1/5
剩番3/5呢...(我用chapter黎計,全書25個chapter我睇左10個)

要趕好張ws佢呀!!!
熱~~血~~!!
(魂好似好用d喎...)

夜晚10點~
虎同我話個mud開番喇
再講一句:好野~^^
thx fu fu ~ ^_____^
↗個"fu"唔係"符"呀...係"虎"! XDDDDD

>>September 28, 2003 at 2:17:15 PM GMT+8

2003 年 9 月 26 日 星期五 【晴】

起身食左個包就打機嚕
10點零鐘表姐黎左
冇几耐阿媽又返左黎
阿媽見我打機,就猛叫我彈琴 -____-
差少少冇得睇棋魂呀 ><

又係講棋魂既時候喇
塔矢亮同一個好要面既議員同埋佢既3條"靚" <-講俗少少都算啦 XD
1 vs 4同時捉4盤棋
佢自己面子問題唔想輸,又唔可以捉贏得罪個議員
所以佢要專登捉到和棋
因為劇情需要,
安排左光仔響好多大人既圍棋會所入面捉棋
d大人教佢點樣專登同人打和
光仔1 vs 1,1 vs 2,1 vs 3都成功咁打和
1 vs 4果時就打和3個+剩一個唔知贏定輸1目
所謂"劇情需要"就係咁解~
亮1 vs 4成功全部打和
光仔1 vs 4差少少
係表示光仔只係差塔矢亮少少?
唔知死話韓國圍棋唔掂搞到激嬲左韓國既細路洪秀英
洪秀英: 如果我輸比你,我一定永遠記住你個名
光仔: 咁你一定要記住我個名喇
佐為(當然其他人見唔到佢啦) : 你就要好好記住呢個對手,進藤光 喇
話唔定光仔要記得洪秀英呢個人喎 XD

下晝去左荃灣既馮漢柱xx中心
因為上個禮拜許子岳既爸爸打黎同我話有imo訓練喇
所以咪去囉
好彩我仲記得坐咩車去果度...
73x -> 隧道口轉43x或49x都得

一去到第一個見到許子岳~
之後仲有好多代表隊既人陸續到來
葉力滺,楊淵�,吳廣熹,馮夷,劉家昌,馬威
同埋李家國(走果時先見到佢 @@)
袁澤曦,蔡亮途,嚴永賢冇黎 <-後者應該係唔知有件咁既事,前者許子岳話佢唔得閒喎
個導師唔記得叫咩名嚕~
講左勁多form 6至學既定理
最記得係a.m.>=g.m. inequality同埋Cxxx-Sxxx inequality
好似有條數有至少7個証明方法
a^2 + b^2 = 1,m^2 + n^2 = 1,prove |am+bn| <= 1
葉力滺,許子岳一人諗到一個(兩個唔同既)
我乜都諗唔到 -o-
仲有好多題目都係d近代數學家諗出黎既"定理"
全部都係要d數字有咁o岩得咁橋fit晒用到既定理
記都唔知記唔記得,何況用丫 -o-
最尾派左份得兩頁紙既solution
有晒所有題目既解法,但11題縮落兩版梗係超簡略+超細隻字啦
d數難到動搖到我下次再去既念頭 =.=
去既人之中最低form既好似係中四,有d係中六...

走果時同葉力滺一齊行

到巴士站~ <-大家未睇到呢行之前係咪以為我同佢一齊直至返屋企呢? XD
行到一半佢見到一架返上水既巴士
個編號係2xxm...唔記得中間兩個數字係乜嚕
佢就跑過去追,我諗住佢會追到就同佢講byebye~
點知佢追唔上喎
我同佢講左個好high既情況:
　如果你追到頭先架巴士，跟住落左車至見到後面有架同一號碼既就爽喇
結果真係冇几耐就見到下一架
佢就上車喇 <-今次真係講左byebye
原來佢讀果9科係我果8科+computer @@
真好...有齊amath econ comp讀 <-co的夢想,也好像是我的夢想...
吳慶熹好似好鍾意著一件打橫既紅,紫間條恤衫咁
福州日日都見佢著果件 <-除左一定要著紅色隊衫既場合

返屋企見到 車立 入面貼左張野話爆左水喉,
所以停食水,唔知停到几耐
阿媽叫我沖涼要用少d水 <-裝左一大一細兩桶水響度
我用1/3桶都唔夠就搞掂左 XD

今晚要搞掂中文習作同physics!
(前者一定要優先處理,後者搞唔掂都算)

>>September 27, 2003 at 1:31:20 PM GMT+8

2003 年 9 月 25 日 星期四 【晴】

yeah~
maths堂派左尋日畫既graph
100分滿分我羅得75 XD
kfc話過半數人羅90或以上喎
做到全班既"存在性問題"喇終於~^__________^v

今日day 5
所以有scmp睇
mrs keating比d時間我地睇既時候有人揭去電視節目表睇
scmp個電視節目表入面將d翡翠台既節目名改到不倫不類
"heavenly earth"大家估下係乜黎丫拿?
還珠格格3天上人間叫左做"slim chance"...
"天上人間"四個字譯做heavenly earth合理d喎...
但heavenly earth又唔係天上人間呀 -.-
miki無端端唱真龍天子果首opening
(套劇係咪叫呢個名架?陳浩民做主角,打完隻蜥蝪怪就推翻武則天做皇帝果套呀)
mrs keating就話聽到d人講d佢聽唔明既野
我同佢話:
「要將d歌詞變晒做中文先可以唱架,
　例如:"期待真龍王天子加冕"要變成"wishing real dragon emperor xxx"」
↗當時諗唔到咩字可以放落"加冕"兩個字既位
(暗中抄左袁澤曦,馬威當年將春田花花幼稚園校歌變英文版條橋)

physics開左chapter 2
conduction,convection
比左兩題chapter 1既功課囉
睇落都唔係太難做既~
要畫graph...係咪即係要graph paper? @@

lunch time買完飯返課室見到ceci排緊澳洲新南威爾斯大學個學科評估既成績單
佢猛叫人幫手
我食完飯有幫過佢
排到一半鯨魚(盧璟瑜)響我果疊羅左一半去幫手排囉
1點搭4,搭5左右搞掂晒
之後行出去課室
見到kooby同一隻蜜蜂 <-我專登用埋晒d誤導性字眼 XD
kooby見到隻蜜蜂梗係好驚啦
佢嚇到走左入課室
我又走番入去,問kooby:「頭先隻蜜蜂響邊個窗出面?」
開左佢指住果隻窗,但蜜蜂唔見左
再過一陣見到番隻蜜蜂響窗側邊 <-可能係另一隻黎~
我就入課室開窗放佢入黎喇~ XDDDDD
好多人嚇到尖叫...^_____________^v
蜜蜂飛近我果時我都几驚架...
所以走番出去囉
之後bio堂float去lab果時kooby話我整到佢喉嚨痛

bio做實驗做到開心得滯乜都冇record~ XDDD

最尾一堂中文比左曹劌論戰既習作
本來周sir話下星期一至羅習作簿上黎
大家都唔肯,話要今日羅上黎
佢強調:唔好後悔啊
彤落左去羅既時候周sir改左個交功課日期
本來30號,改左29號
我聽日下晝仲要去荃灣的說...
邊有咁多時間做功課丫? ><
羅番自己本習作,自己6分 <-滿分13
問前面d人(徒增加自己的自卑感吧 -.-)
豬12.5...

放學搵拉登比漫畫佢
但係搵唔到 <-可能因為周sir太遲落堂
之後同co一齊行
行到半路見到呂家
呂家話佢一路伏緊co個喎 @@
*fear...

今日要學樂理...
我d樂理功課未做過丫! = =
仲有3題作曲呀... <-比歌詞你作番節奏出黎,未學到作旋律
grade 5都未開就話今日做past paper喎
剩番4堂(計埋今日)咋喎...

>>September 26, 2003 at 1:10:54 PM GMT+8