2007 年 11 月 5 日 星期一 【晴】

2/11(Fri)

今晚同一班同事去尖東東海食蟹宴，總共9個人~因為michelle識得個大廚，
所以專登留定d靚蟹比我地，仲留埋一間貴賓房!!老實講，唔知點解又d唔自在~

今晚有咩R?唔係好記得，好似有呢d:
1. 一人一隻大閘蟹(你攪唔掂的話有女侍應專門服侍你幫你手!)
2. 唔知乜鬼蝦+伊麵(麵似乎比較少)
3. 百味豆腐!?!(外面脆、裡面滑、夾唔散、好味道)
4. 又係唔知乜鬼牛柳(好快就掃晒!正!!)
5. 大閘蟹粉小籠包(重點推介)
6. 大閘蟹蓉腐皮卷!?!(非常重點推介!真係「他媽的｣好味, XDD)
7. 人參烏雞湯(十分足料!功效::補五臟六腑、安神定魂、止驚明目、開心益智、延年益壽之功。)
8. 上湯腐乳灼時蔬!?( 老實講真係唔錯)
9. 糯米飯(以前唔點食的，今晚我卻食得最多?
10.特大蓮蓉/奶皇壽包!( 誇張d講句起碼有D-Ecup!!哈哈! $98半打?not sure)
11.薑茶湯丸(別具一番滋味)
12.仲有太彫十六花雕酒(第一次飲已經愛上)
大閘蟹?你真係..出年等我再:荍A!

個個食到攤響度唔郁得! 不過今晚的主角似乎係阿良哥!! 個個都問佢風水算命的野，
佢咩都講，不斷分析間院，連邊間房係最陰都講埋!(驚到阿藍死死下!XD)

我比我八字佢，佢拎部機出黎算，話要爆我情史~_~連我幾時拍拖都知..
當然大家都要點到即止~食完各自散場，佢就趕住北上搵女...呢d真係咪攪我~
=========================================================
4/11(Sun)

今日全日都要返工，夜晚掛住msn攪到無乜心機做野，真係心散....
今晚比一個叫xx晶的人激到嘔血吧
這人真是有性格呢...
身份、八字、姓名...甚麼也已曝露了...
希望唔會有人落我降頭...=.=
========================================================
5/11(Mon)

今日又要OT...放工去左九龍灣拎野...
之後番屋企睇番個xx歌星賀台慶先....

我突然有靈感又想寫歌....但無乜精神同時間.......

>>November 5, 2007 at 5:23:47 PM GMT+8

2007 年 11 月 1 日 星期四 【晴】

死梗啦....就快到義賣...仲未訂貨...
讀書係咁工作都係咁，好多人睇落覺得我好似好輕鬆..無壓力...
當然我又點會又壓力呀!我根本一d都唔緊張~~ =.=
成日都係抱住"到時先算、"船到橋頭自然直"、"實搞得掂"、"無問題的"
的心態做事，夠樂觀嗎!?!?!?

聽晚會同班同事去尖咀食海鮮...又大出血...算了都習慣晒...

呢排身邊有唔少人都玩股票..講得好聽d就叫做投資...
買六合彩...我地又叫做"玩下"、"助養下一班國內兒童"....
打麻雀我地亦會講得好好聽叫做"聯誼"培養感情...
其實咪又係等於賭緊錢...不同意?
所以話，真正有資格叫人唔好賭的人...響現今呢個社會黎講..
唔係話無...但真係好少好少...不過身邊都有人有資格的...
唔知點解一諗起就諗起佢地: 傻儀,yan,mandy,sa,crystal,kin,hong,仲有其他其他...
我只係想講，原來大部份都係女性....
這說明了甚麼??留待專家去研究...~
不過...我知道傻仔儀已經開始蠢蠢欲動了!!!! haha
"蠢蠢"你就有喇..."肉動"...不知你了

>>November 2, 2007 at 12:00:12 AM GMT+8

2007 年 10 月 29 日 星期一 【晴】

今日全日都要響穗禾苑上堂...遲到十五分鐘....好彩有主任級人馬陪我一齊遲!!!無咁樣衰...
阿健仲利害...遲左四十五分鐘!
竟然撞到emily...原來又多一個加盟TW...同佢響遊戲贏左全場最具記性大獎!!!禮物係file一個....
今日都學到唔少野...如何提昇創造力、記憶力...
像我這種沒頭腦的人正正需要這樣的課程....

1217、260、8276
有興趣不妨比下意見...

>>October 29, 2007 at 8:07:58 PM GMT+8

2007 年 10 月 24 日 星期三 【晴】

今朝要去總部上堂，我發覺朝早班OL真係痴線的....
好耐未試過咁樣同人迫地鐵...你咪睇佢地靚靚女施施文文，只要一開閘!!
就會好似精英大師咁應聲彈出!!十幾隻馬揮盡九牛二虎之力誓要迫入去...
我呢d有文化的人先無同佢地癲!! 就係咁，響兩個站我一共等左三次先排到頭位入去...

響總部又見到阿銘阿力佢地，同新識的阿達亦幾好傾，最意外的係....
有個男仔問我係咪讀聖言...話認得我...原來係我師兄，以前係assistant head prefect~~
望多幾眼又真係有d面善....但問題係...我印象中無比佢捉過...何解佢對我咁有印象!?!?!?!?

我都講過，"1217"我係睇好你....我唔會輕易放棄你的!!!

呢期真係忙到爆，即使放假我都要響屋企統籌遲d東華義賣的事，
原本打算作番一首歌....都無時間無心情~~
即使過左個義賣週，我又要負責聖誕個活動....幾時可以真正有得休息??

各位唔好意思，呢排真係連msn上網都無乜時間用...連最愛的足球也接近放棄...
而家都只係趁食飯時間打下日記.....遲下再與大家聯絡吧~

好想快點到十一月尾...因為果時先至正式有人工加喔!!!!

>>October 24, 2007 at 7:27:08 PM GMT+8

2007 年 10 月 22 日 星期一 【晴】

星期六朝早又去左跑步兼踢波，去到一邊場有一班人鬥緊波，
另一邊有兩個學生哥搓緊波，咁我去撩波踢啦...點知比兩位"要求"我教佢地踢波...
咁咪是但亂up當秘笈...求其示範下...但佢又好滿意好滿足...佢地係咪有問題...
之後比人撩鬥波...而家d人踢波仲狼過我...三條友埋黎招乎我一個...crazy....
響禁區外18碼扭過一個射入近一年以黎首個入球....真係難以置信!! haha...信心..開始番黎..

阿婆呢期成日問我情情愛愛的野，都咪話唔煩...
佢語重心長咁同我講叫我唔好拍拖住...
又不斷哄我講出佢見都未見過的人...卻又可以講到似層層...
沒有喇...佢好多野都一知半解，以致太多誤會...
講下講下佢走去同我講股票....扮晒專家咁同佢分析....都頂自己唔住....

喂，廿歲喇!! 凡事開始要認真喇!! happy birthday~

P.S. 星期六感激傻仔儀的幫忙...但卻又好快就對佢唔住...真係大鬼鑊...

>>October 22, 2007 at 7:47:05 PM GMT+8

2007 年 10 月 19 日 星期五 【晴】

幾日無打日記，原因過去幾日都比工作弄致非常疲累兼無心機...

16/10(二)
呢日阿公阿婆孻舅父佢地黎飲茶...下午佢地有佢地打牌，我就要揸車接阿晞放學...
沿路要睇地圖=.=..幸好最後都順利...
番到去教做功課溫默書...佢竟然夠膽同我訓著...
夜晚又係去潮篇食飯...貪得意叫左$28隻大閘蟹...唔知食左d咩落肚
====================================================
18/10(四)
今日放工上左師傳屋企，一入屋就估到呢d完全係風水格局
正常人一定唔會咁樣設計.....
幫師傳攪下電腦申請呢樣果樣...佢又帶我去佢個算命區威水睇....不過佢真係好堅...
攪左個幾兩個鐘響樓下茶餐廳佢話要請我食埋個tea...
中途聽到佢用普通話傾電話...九成九是北妹吧...
====================================================
"1217"呢組數字...我睇好你!!

>>October 19, 2007 at 7:02:13 AM GMT+8

2007 年 10 月 14 日 星期日 【晴】

13/10 (Sat)
繼上星期五後，今朝早再到水庫跑左陣，比上次跑多左少少...但感覺極之良好!!
我有信心可以慢慢回復中學時期最fit的體能

跑完上左德田個小型足球場...問人借個波響度練...之後加入埋同班學生哥一齊踢
有條友特別乞我憎...懶勁都算....但輸唔起發脾氣就最無品

今日買左個麥當勞，番到屋企響廚房蒸d薯條食，感覺都唔錯，
大家不妨嘗試一下....
記得要用慢火蒸佢分半至兩分鐘...效果會更佳~!
食果陣一定要用筷字食喇!!!!!!點解??你試下就知

人...黑開就真有條路....
======================================
14/10(Sun)
今日因為非常特別情況之下，我申請到十一點半先番工
所以可以去埋聖堂先番...
今日主要同班義工做briefing....番十一點半放五點....
其實都幾浪費我時間....

"你"咪再得罪我....學crystal話齋...我記性一d都唔差...
你做過d乜講過d乜...你再得寸進尺的話...
你要自己承擔番所有責任

>>October 14, 2007 at 8:34:53 AM GMT+8

2007 年 10 月 12 日 星期五 【晴】

呢兩日...
食死貓...
吃飽了...
完全見盡人性的醜惡同有權有勢的橫蠻

>>October 12, 2007 at 9:35:09 PM GMT+8

2007 年 10 月 10 日 星期三 【晴】

今日要帶隊同班阿婆去旅行，大部份都係關顧長者...即係體弱或者dementia...
所以一定要比平時更加打醒精神!!

個導遊由出發開始唱歌唱到回程...真係有成廿幾三十首...頂佢唔順...

歷史博物館--->黃埔食飯--->星光大道...
個歷史博物館幾正，好難形容出我的感受...只係知道...真係唔錯

餐飯...我一向都好怕同d阿婆一齊同檯食飯...特別係無乜牙果d.....
見到佢地隻碟成pat又雪白又被榨乾汁的雞肉.....
你係會有想死的感覺....

星光大道...好彩今日個天氣都唔錯，唔太曬又有d風....
同佢地影左好多相....

番到去雙腿很酸...真係好累唔係講假....好眼訓...
不過見到今次的旅行由好多的擔心...見到攪得咁成功咁順利...都係開心的

不過番到去知道有個阿婆唔響度...即使大家之前都心裡有數...我都仍然有點失落..
同佢算不上有好深的交情...但一直以黎我都真係用真心對佢...一切都係想佢好...

今晚食飯時同兩位同事傾開計...真係越黎越發覺d人好無人性...
我只想講..如果只係想打份工出份糧...你唔應該做呢一行..
服務性行業..真係好需要果份心...果份真心愛心幫人的心
你地的言行所作所為...我真係好失望....

>>October 10, 2007 at 8:08:16 PM GMT+8

2007 年 10 月 8 日 星期一 【晴】

今日副主任同我講我的大假終於批晒，因為之前要趕住清假...
而家10月21,22,27,28都可以奇蹟地可以比我放...

之前申請呢幾日都係有目的吧.....
但我知道而家已經用不著...
================================================
恭喜你...我知道不捨得係在所難免...但真的要衷心恭喜你...
希望你都可以做到你自己所講:
衝破那個陰影、心理障礙....!!
有需要的話，當然可以anytime 找我呢個包租婆
"第六號"呢樣野...仍會存在的...
佢仍然會保留關心、歡笑、任人發洩的功能....
還有他的存在價值~ ^,^

>>October 8, 2007 at 1:23:37 PM GMT+8