2008 年 8 月 16 日 星期六 【晴】

15/8
三點幾出去尖沙嘴玫瑰堂練歌彈mass
彈到九點鐘又要仆去將軍澳同親戚食飯，姑媽由台灣返港數天
超多年無見過大姑媽，女人黎講佢都真係keep 得算唔錯
佢送左條唸珠比我，相反我根本無準備任何野比佢.....
夜晚食完飯十一點半成班親戚上左黎屋企，叫我彈幾隻歌比佢地聽
其實彈琴當然係無問題，但比二叔拍video咁拍住黎彈真係周身唔聚財!!

雖然我同姑媽十幾年先見得果一兩次，但其實我每個星期的mass個信友禱文
都有為佢地祈禱，當然最大原因就係幾年前我應承過佢,
我都估唔到呢個意向會維持到咁耐...我會keep住繼續做....
======================================================================

16/8
今日又要入call
好難得的就係鄭姑娘番黎替一日，前AS葉姑娘亦到帶埋個仔黎探班
佢個仔其實真係好鬼死鐘意同我吹水，當然我都好鐘意小朋友
但最抵死的就係阿ling今日會返下午，兩位巨人物再一次碰頭，
因身份不再的問題，某程度上也不會有甚麼衝突，只是大家真的很拘謹式的打招乎

夜晚巡院問個有老人痴呆的阿好，知唔知我係邊個，點知隔黎果個有老人痴呆的陸婆婆
佢大大聲笑住咁答: 你....你係你老豆個仔!!
真可愛，鬼唔知陳生個老婆係陳太咩
唔好睇佢有時真係痴痴呆呆無咩記性，佢串咀起上黎真係王毓民都唔夠佢講

其實....真的蠻喜歡dementia 的老人，你用心同佢地相處，其實會係好開心

>>August 16, 2008 at 8:23:23 PM GMT+8

2008 年 8 月 14 日 星期四 【晴】

13/8

今日要番P call,但今朝晨早六點零七點就起左身同狼隊去踢聯賽
響樂富踢人造草，踢到一十二凅幾沖埋涼就要趕住返工
戰果真係慘不忍睹，除左同其餘五隊實力真係有距離之外，
我地幾乎場d場場都係比人地打少一至兩個人，僅負0-1其實都算有交代

今晚過了十二點其實就係七月十四，其實無乜野，
我一向都喜歡跟人開下玩笑，製造下d氣氛，所以一直以黎把口咪扮下驚
我一直都覺得，做人問心無愧，有咩好驚

=====================================================
14/8

下午放左工同crystal,響中學彈琴，
夜晚朗豪坊suzuki食飯(其實果度的燈光真係攪到我唔係咁自然)
大小姐突然即興想唱K, 1020-0420 greenbox 6 hrs
三點幾果時我已經訓著左，但有人越唱越high...
呢頭成日話走，轉頭又點多三四首....全晚都係 stephy x joey concert咁滯.....
搭的士走人
好耐未試過咁樣通頂法，
希望你好好記住我的說話、心意
別再胡思亂想，要好好愛惜自己
我的疲累才算是值得....

>>August 15, 2008 at 3:11:27 PM GMT+8

2008 年 8 月 10 日 星期日 【晴】

810
呢個日子所發生的一切，我一直都唔會忘記
那一天，有真挈、有可笑....
我沒有忘記並不是未能放下，相反我早已就看透一切
只是回想起那天，真的很特別...很深刻...

每個人心目中都有佢認為特別的日子，好多好多...
原來...我心目中不知不覺已經儲滿了好多呢d日子代號
有開心、有可愛、有憤怒、有遺憾、有後悔.....

然而人總要向前望，往事真的只能回味，或是只好當作一個警惕
因為我知道，前面一定會仲有其他特別的日子等緊我....

>>August 10, 2008 at 5:17:33 PM GMT+8

2008 年 8 月 2 日 星期六 【晴】

生日會終於捱過了
勉勉強強過得去吧

黎緊中秋又要做一個話劇，
花左唔少心思時間去寫個劇本出黎
最後咪又係由佢自己講佢想點點點

餐餐都係咁，你一早有idea的話就講啦
真係好x嬲

而家又要由頭作過....好眼訓

>>August 2, 2008 at 3:27:31 PM GMT+8

2008 年 7 月 29 日 星期二 【晴】

死火，後日就係生日會，一個遊戲都未諗好....大grad鑊

今晚去左油塘跟victor班教會朋友踢波, 亦見番部份聖言仔
原來呢個球場隱居在工廠區內，總是覺得有點格格不入，
幸好這晚天氣不錯，空氣不 錯，也有風.....

可惜我並未能夠完全盡全力，全程都係就住黎踢
連射球波都唔敢大力，這算否犯賤??

最後，右大腿底下真的再一次有少許拉傷，認真是玻璃腳!

究竟我幾時先可以完完全全恢復狀態!?
我真的不想再受腿傷困擾....

>>July 29, 2008 at 10:56:15 PM GMT+8

2008 年 7 月 24 日 星期四 【晴】

傻仔儀終於響澳洲返左黎香港，
我成日都話，好羨慕佢可以有個咁輕鬆的假期
期待你特別的手信，你明架啦!!! 我的命運響你手上架喇!!

已經休養左有四日，肌肉勞損的情況仍未完全康復.....
依然手痛腳痛，唉...我真係好想下星期二去埋victor個教會隊波度試腳，
因為由八月尾開始，我以後就逢星期二都要入call架喇!!!
希望可以同佢踢到三四場啦.....

有無人可以教教我點樣可以令到我肌肉勞損的情況訊速好返晒呀!!

>>July 24, 2008 at 9:18:34 PM GMT+8

2008 年 7 月 22 日 星期二 【晴】

前日放工之後出左觀塘踢波，不過主要目的都係想見番兩位老友，恆少同victor
其次就係去"狼隊" "試腳"!! (狼隊其實係中學隔黎一班文科生組成的球隊)
計落都成年幾無正式踢過友誼賽，
自我評價係: 狀態同體能都只得六分!
之後同佢地去左麥記坐下傾下，一齊懷緬一番、慨嘆一番
突然想起大佬的一句真言:

"我十分羨慕那一些從來跟"投機取巧"沾不上半點邊的人
因為他們的人生已經註定比我們,快樂得多"

踢左三個幾鐘頭，呢場久休復出的比賽，抖左兩日，到而家我由頭到腳
都好似唔屬於自己，想行快一步路都唔得....
所以我決定都係要開始keep 番定期做下運動，keep返住個體能
victor 已經預左我join佢教會隊波，我會好好考慮....

>>July 22, 2008 at 6:09:07 PM GMT+8

2008 年 7 月 19 日 星期六 【晴】

剛剛回家
頭痛
明天又要call
期待星期日的季前熱身賽

>>July 19, 2008 at 12:39:01 AM GMT+8

2008 年 7 月 9 日 星期三 【晴】

傻仔儀今晚開始飛去澳洲兩星期，正式世青之旅，
其實我都曾經想過參加，奈何要拎足超過兩星期大假，畢竟有難度
睇左佢個日記，我就知道她絕對是我的一位好朋友
文字並不足以表達我同佢的友誼，一切...在心中~!

自從決定做番一個貧苦學生之後，我就經常不自覺想起呢首歌....
呢首歌絕對係我的心聲....

童年是誰伴我走　挽我的手
望我踏上天梯　不可退後
曾經期望著我　前程和戀愛　甚麼都擁有

沿途就算跌　要跌得好看　才能不自責　報答別人厚望
然而誰明白我　沒你們所想的堅壯
我很想找個人　對我說別怯慌

回顧中彷彿一步一生　每一級一世都難忘　如何吸引
曾碰上每個過路人　跟我漸行漸遠　懸崖上我始終都企穩
誰伴我去走一步一生　每一位一個不留神　不再熱吻
還有沒有人　令我驚險又興奮　願我能　提示我這一雙腳　別震

前面是誰伴我走　挽我的手
但笑著吃苦的氣力　我有

>>July 9, 2008 at 10:14:10 PM GMT+8

2008 年 7 月 7 日 星期一 【晴】

上星期阿媽突然同姑姐遠走台灣，又爽了好幾天...

4/7
今日係同阿婆慶祝生日的日子，亦係決定自己命運的日子
只得半天的時間給我考慮，最後終於決定做回一個貧苦學生!!
上年已無讀到，今年唔可以再浪費機會，
一於攻讀社工，一係就唔讀，一讀的話今次就要認認真真咁讀
成十一萬學費之多，睇黎真係要聽傻儀講，只好犧牲那些無謂的支出.....
未來呢幾年只好安排一些少消費的娛樂...

今日交完學費，就做左成日柴可夫司機，先去九龍灣大昌幫同舅父拎番架車
之後接舅母放工，又駕回lam tin,再飛去舅父家接佢地去polyu 食飯
今年呢餐壽宴對我黎講有好唔同的感覺，因為婆婆正在與疾病博鬥
當佢吹蠟燭之前，我亦自然合埋雙眼幫佢許左個願...身體健康~

風隨意向哪裡輕吹...
你聽到風的響聲...
風隨意向哪裡輕吹...
卻不知道往哪裡來,往哪裡去....
um...

>>July 7, 2008 at 7:39:26 PM GMT+8