2007 年 9 月 15 日 星期六 【晴】

我以後一定唔會再同阿晞訓!!
條友成晚好似發夢去左少林寺咁!!
左一拳右一拳，向天花板都打左一拳，又用個pat撞我條腰....
(據聞之前果朝早佢去過報名參加功夫班，有關係?!?)
都係女仔斯文d....

屋企無裝到NOW,攪到我成晚落左樓下睇波...企到條腰好叉累

聽日應該有雀局，對手係好少見面的姑姐二叔二嬸佢地...
神啊，保佑我吧!

>>September 16, 2007 at 8:46:07 AM GMT+8

2007 年 9 月 14 日 星期五 【晴】

夜晚有個阿伯響廁所自瀆...
由於他有老人痴呆....我們原諒他~~~

今朝要開職員會，elsie姐無返到...攪到我被主任點我要臨時客串負責take meeting.....
我最憎的!!!!!!!!!

下午屎忽痕...走左去花幾舊水染左個髮...叫佢就住黎染，佢真係就得好交關
完全唔覺有咩分別囉!! 我自己都染到咁的效果!!!

今晚要同表弟一齊訓!!!!!!
希望佢唔好攪攪陣!!!!!!
如果唔係實唔洗訓!!!!!
聽朝要帶佢去游水....放假都要湊仔...

>>September 14, 2007 at 10:24:28 PM GMT+8

2007 年 9 月 12 日 星期三 【晴】

11/9 (mon)
一朝早就要去上環總部上堂，聽"優質客戶服務"..同elsie姐一齊
都算學到野...又巧遇以前實習的李姑娘...原來阿聲走左..人面全非
聽完下午兩點又要仆去沙田政府合署開會，比我想像中快...蠻順利
呢一日已經用左我成張八達通!!
夜晚竟然奇蹟收到"前任老婆" trace姐的電話, 睇下幾時得閒約埋其他人一齊聚下..
見到個個都走晒去讀護士...我究竟做咩好

12/9 (tue)
今日返下午兩點，要舉行家會，到呢一刻我仲未準備好...都唔知到時點講...
是但...希望班阿婆比面肯坐定定留心聽我吹下水...
個話劇又未同其他同事排，得番十日到咋....自己把聲都唔知點演繹...
DIE HARD

>>September 12, 2007 at 12:19:52 PM GMT+8

2007 年 9 月 9 日 星期日 【晴】

今晚同左個CW排演幾幕戲，對於自己變左把聲實在好想打自己
好難頂....真係做唔出....即使係教練上身.....都唔係咁易

原本好多人都對套一擲千金無乜興趣，唔會點睇...
但當有傳聞話今晚個參加者會拎三佰萬，好多人都選擇坐定定咁睇
就係為左睇佢係一個咩人...
想睇下佢拎三佰萬的過程....

人..就係咁..
你永遠可以好決絕咁話對一樣野無興趣、無感覺...
但只要當中稍微起左變化，
其實都會對果樣野有左興趣...並不像當初那樣決絕

對工作如是...對人如是...感情亦然...
你話一定會辭職唔做? 又繼續埋頭苦幹..
你好憎那個人,不想再理會他嗎? 你始終會態度軟化...
講明一定會和他分手?或者一定會一齊嗎? 無絕對的...
生活就係咁得意...
life..is not absolute...it is full of accident!

>>September 9, 2007 at 10:03:07 PM GMT+8

2007 年 9 月 8 日 星期六 【晴】

尋晚真係出左去吧...
十二點去到銅鑼灣，見時間尚早去左機鋪打機...不過都係睇人打多
一路隊酒一路睇，兩個洋鬼子埋黎吹左幾句水，影左幾張相走人

去到吧..其實都仲係無咩心情同埋有點累，今晚莎姐調左兩杯唔知咩野比我飲
激情的男人同唔知乜Q, 味道都OK...是但...反正今晚預左名符其實借酒銷愁...
下面場有個女仔上黎拉客...我亦"幸運"做左佢目標...比佢郁手郁腳都無晒反應
因為..我真的無乜心情... 今晚...機鋪+吧..其實飲得蠻多...七點幾番到屋企...

同莎玩左陣大話骰，我邊夠大話王鬥...
les 真係有樣睇的...我覺得佢地可以好man,徙晒..
對"鬥地主"有點興趣....
莎...對不起...今晚只係想一個人靜下...多謝你請飲wor

如果時光可以倒流...我唔會做出咁的事...因為確會令人傷心
如果可以預知未來...我好想知現在所做的事將來有無結果...

今日訓到三點幾四點，有d野好像清醒了一些....

>>September 8, 2007 at 7:58:43 PM GMT+8

2007 年 9 月 7 日 星期五 【晴】

終於睇完換換愛....個個都話睇到想喊，我反而覺得覺結局可以再好d... 太短了

今日番工得知我要響中秋暨院慶果日飾演包租婆... 個腦淨係彈左兩隻字: PK~
好多對白要講，好多動作表情要做..又話係孭重飛的角色...攪到我未練習已感到有壓力

今晚可能落吧...

成功download左以下呢首歌...

我對你　這一生　哪個可比
我與你　差一些　永遠一起
邂逅時間場地　似連場好戲
要自何頁說起

愛太重　深呼吸　欠缺空氣
愛太美　輕輕的　卻載不起
愛情來到時候　似明媚天氣
它走了　突然驟變雪落雨飛

＊如果可以恨你　全力痛恨你
連遇上亦要躲避
無非想（要）放下你　還是掛念你
誰又會及我傷悲
前事最怕有人提起
就算怎麼伸盡手臂
我們亦有一些距離

你太遠　該怎麼　說對不起
你太近　一轉身　卻已高飛
快樂也許太短　似場流星雨
一眨眼　就如幻愛怕又記起

我情愿我狠心憎你
我還在記憶中找你

歌詞寫得真好..

>>September 7, 2007 at 10:30:41 PM GMT+8

2007 年 9 月 5 日 星期三 【晴】

今日狂串阿ling參加遊行，我作死定了....希望佢唔會介意...

主任響食飯前話恭喜我，續約兼加人工....我果刻真係好冷淡，因為只會令我諗起果件事
個新合約兩個月之後先至生效...其實都真係有排...

今朝收左個攪事msg....果陣同個阿婆做緊類似訪問傾緊計的事，
睇完個信息突然間笑左出黎，果時阿婆仲要係講緊以前同人鬧交的事...攪到我真係唔好意思..
我笑係因為....難道你真的當我弱智嗎? hah

今晚....又有人重複犯錯，我好想講...我真的好失望
如果你唔重視呢一樣野，咁你真係要好好再接受教育，因為呢個係尊重
如果你說因為不小心，咁都請你好好再接受教育，因為你要學懂不應重複犯錯
如果你認為道歉、解釋係我最想要的東西，咁你一定要好好再反省，
因為我要的是承擔、承諾~

你的暗地道歉我會接受，
你的重複過錯我也會原諒...但不是體諒
你的承擔承諾我會期待...
因為我知道再有下次的話，我不擔保會做出甚麼事來...
請不要讓我有這一次..

>>September 5, 2007 at 9:15:38 PM GMT+8

2007 年 9 月 4 日 星期二 【晴】

放左咁耐假，今日終於要番工，實在好唔習慣.....
放假真係會令人變得懶散....
密麻麻的工作實在令我快要窒息....我真係覺得自從響呢度做之後
自己比以前強左好多...幾佩服自己竟然可以拼命完成龐大繁複的工作...
I am superman!! 但代價係...我好快會捱到殘...

問何連認唔認得我，佢開頭好求其咁答唔認得，我知佢實記得我叫咩名，
只係想耍下花槍吧，哄多幾哄 比d鼓勵佢，佢咪又記得我個名...真係抵我錫佢

原來...我真的會令人感到有壓力...令人感到辛苦..
但我好想講，我真的已經變了...
欠的...只是一個機會...一個時機....
我能等到那日子嗎..god knows

>>September 4, 2007 at 10:23:36 PM GMT+8

2007 年 9 月 3 日 星期一 【晴】

2/9 (Sun)

今日放大假，所以好難得咁可以完完整整咁彈番台主日彌撒....
之後開會--->食飯--->番屋企，下午阿姨阿公阿婆響度打牌

今晚同老豆慶祝生日，去左新開張果間<潮篇>...
阿公阿婆阿姨姨丈都俾面出席.....~~
呢餐食得好辛苦，食物份量唔多，等的時間又長....價錢不平....
最後由我同二家姐做老細請食飯....我邊有錢，叫佢碌住卡先

馬 會 電 腦 系 統 故 障
昨日馬會足智彩約在晚上10時許的受注高期，突發生網上及電話投注系統局部故障，令部份
球迷未能順利透過兩項渠道落注，受影響時間至少逾兩小時以上，有球迷不斷嘗試致電投注，
但接線生要求對方稍後再試。
"先生我地的電腦系統全線hand機買唔到，一係你試下再打多次電話睇下得唔得..."
真係好仆街，佢究竟知唔知自己講緊乜，整個電腦系統hand機仲叫我打去做乜?!?! on9!!

============================================================================
3/9(Mon)

老豆今晚去講數、攤牌.....
唉...我以後都唔知點面對有關人物了...

下午睇左第十三集，笑死左，應該仲有幾集就做完

活著便精彩
作曲﹕黃貫中
作詞﹕黃貫中

從來也相信有轉機
望往事好像一齣戲
別要為這世界太過傷悲

*隨時間經過我身邊
赤子的心不改變 怎樣開始怎樣終止*
誰甘於一生都壓抑 誰可不捨不棄
人終需相信自己 人終需依靠自己

*曾話過我活著便精彩
無論你始終都睇不到我
仍然無懼我有我的根據
是錯對也不枉過 *repeat

見到你活得咁精彩...我也替你高興...
也許已經不必再有我的出現...對吧..

>>September 3, 2007 at 5:30:57 PM GMT+8

2007 年 8 月 31 日 星期五 【晴】

今日雖然放假，但朝早依然要在家上班...因為有個project趕住要落訂...
原本想申請今日番工，但都係費事，除左節省昂貴的車費，
番到去只會比同事同埋阿婆點到你暈
成朝不斷同老細同埋兩間鋪頭電話聯絡...想抖下果陣個電話又響....有點討厭

今日唔知做乜好頭痛...係咪睇電視睇得多過頭...
又放幾日假...有咩做? 睇勁歌? 睇戲? 唱K? 一一都未落實

老豆今晚又借d意教訓我幾句...呢個時候最好就係扮聾....都唔係，我根本就係聾!

八月尾了...以前放暑假好舒服，鐘意訓到幾晏就幾晏，得閒踢下波睇下通宵波
今年暑假，係我第一個最忙最辛苦的暑假....要開始適應了....

我部電腦而家好嚴重....基本上用左半個鐘至一個鐘佢就會hand晒機，
按咩掣都無反應....仲未有時間有心去攪...睇怕d病毒將會慢慢擴散至整個hard-disk...

近排又心血來潮...突然又想作一首歌....唉...

>>August 31, 2007 at 11:33:57 PM GMT+8