2007 年 1 月 19 日 星期五 【晴】

聽日係二家姐生日，過往屋企人生日...正日多數都係會一家人一齊食飯
但又由於我聽日要番工...所以提前今日食
下午四出逛睇下有咩好買，問左幾個人意見....但都係無結果.....
不過好彩最後衝刺.....都買左一樣野做禮物啦....其實買野比自己都已經好煩，
何況買野比人.....?!

如果唔係刻意去計......都唔覺原來屋企人已經咁大年紀.....睇下幾時又會有一個新環境新轉變

當一切在我預計之內，已沒有甚麼特別感覺........
突然間想起自己作的一首歌.....裡面的歌詞......也能道出我現在的心聲...
不過呢類的歌，我希望作一次就夠..... 不要讓我有下一次.....

>>January 20, 2007 at 12:31:25 AM GMT+8

2007 年 1 月 18 日 星期四 【晴】

早幾日睇突圍行動，佢曾經講過一句: 部門與部門之間一定會有磨擦~
非常有同感 ~ 雖然做左無耐，但已經有d難頂，難怪上一手個同事猛咁向我數佢地不是~

尋日朝早六點幾有個阿婆失左蹤，聽佢同房講懷疑佢著草番左大陸...本身院友想外出係無問題
但就應該要同職員講低，佢粒聲唔出就閃左，又搵佢唔到，所有攪到好麻煩，要報警!
好多手續要做....唔響度講.......最好笑係主任同我講可能會有傳媒黎採訪，要我擋駕~~~~=.=
不過好彩最後深夜時份都知道佢下落，原來佢真係番左大陸，比公安捉左去派出所，九成係因為
公安見到個阿婆慌失失咁好似蕩失路啦.....成晚同佢新抱傾電話......累到死~~~~~~
今次真係又學到好多野.....不過呢份工的確能夠學到野，只係時刻都充滿壓力....
壓力來自上司、同事、活動、老人家..... 呢個職位的角色，你有咩小閃失都變得大大鑊

今日有個追思會，我同副主任拍住做，大家都係第一次，幾好丫....滿意~

傻仔儀不知何時做左我經理人.....負責介紹工作及女仔比我，亦負責幫我收集情報....XD

>>January 18, 2007 at 6:52:55 PM GMT+8

2007 年 1 月 16 日 星期二 【晴】

15/1 (Mon)
尋日朝早收工，番到屋企打算訓一陣，之後要去補習，點知又訓過龍.....
最後遲左大約十分鐘......
一去到就收到張聖誕卡.....係旻謙送的.....so surprise~~!! 記得上次同班學生講以後未必會黎，
點知佢地一個二個都真係記住我講的說話，一去到個個都問我"你又話唔番黎?"
同佢地講聽日都會再黎，佢地個個都話好.......梗係啦.....我咁親民.....不過有時都唔知點解佢地
頂得我順......我一時可以好錫佢地，同佢地玩得好癲，但當鬧佢地果陣又會話得好盡好惡
點都好啦，呢班學生鐘意我，我亦都鐘意小朋友的，同佢地一齊果種開心，係十分難得~

尋晚番到屋企見到一封信..........見到信用卡的數字.......就知道非常大鑊......
但我份人咁有信用，點都一定會準時找卡數的~~~~~

呢幾晚墊高枕頭諗左好多野，記得有人問過我，究竟佢係咪值得我去繼續咁做...
我知道人總會有自私的時候，有d野明知係咁都繼續落去，難怪比人話我好傻好蠢...
之前我唔甘心所以我想繼續等，我等係因為我知自己實在好難放低咁耐以黎累積的一切...
面對大家這樣飄忽，只能慨嘆無奈....
世事豈能完美...?! 呢句說話我由細聽到大.....
有人提醒左我人應該繼續向前，我總不能停留響一個位置...... 說得真對
我份人就係咁執著.....但成年人係要應該懂得拎得起、放得低，男人更應如此.....
有d野或者唔應該再咁執迷下去.....我需要多一點時間.....


誰願放手 (Kelly Chan)
　
填詞：阮世生　
作曲：雷頌德　
編曲/監製：雷頌德

曾某年某一天某地　時間如靜止的空氣
你的不羈給我驚喜　曾說同你闖天與地
曾說無悔今生等你　也不擔心分隔千里

＊多少歡樂常回味　天空中充滿希冀
　祈求再遇上　不放棄不逃避
　今天失落才明白　默默道理
　越是懷念你　越怕沒法一起＊

＃誰得到過願放手　曾精彩過願挽留
　年年月月逝去越是覺得深愛你

　如果失約在這生　毋需相見在某年
　完完全全共醉一生也願意
　(完完全全共醉他生也願意)＃

來這年這一天這地　重見曾似相識的你
笑得輕鬆中帶傷悲　談你談我的新趣味
無法忘記當天的美　你的關心不過演戲
REPEAT ＊＃

========>>>>>>>>>>> 講到底...有d野.......
我都唔希望....唔想會發生...只係有時唔到你say no.....只好順應天命吧

>>January 16, 2007 at 7:53:10 PM GMT+8

2007 年 1 月 14 日 星期日 【晴】

13/1(Sat)

今日下午出席一個教友的婚禮，原本打算兩點三去到架
點知doris打黎搵我...傾左成半粒鐘....=.=先發覺過晒鐘...一點五十分仆到出門口
去到地鐵站 join邵生....兩點半去到西灣河....------>胃痛! 梗係啦，咩都無落過肚!
所以今日就一邊胃痛一邊彈，完左影埋相要速閃..趕番去彩雲彈~

今日係周神父主持彌撒，完左之後同佢響度jam歌，包括:.......傷追人、命硬、小城大事、
愛是永恆、愛得太遲......... 仲要搭住我膊頭懶有感情咁唱"無憂....無求..." 超攪野~~
jam完一輪同阿爸阿媽同埋佢去好彩食飯..... 雞啄唔斷......有輕鬆的話題...亦有嚴肅的...
做勁歌節目果陣先發覺佢識好多人好多歌，猛咁問我崔建邦同志偉的英文名係乜...~_~
好彩搵到sa幫我錄，睇完之後可能比周神父睇啦~~

==================================================================
14/1 (Sun)

今朝番到黎見到張檯....好想劈炮唔撈!!!!! 見到成張檯比人貼晒d紙條貼到好似檯布咁!!!
就知大把野做....個tray亦都如我所料一大疊文件.........痴線~

>>January 16, 2007 at 10:52:27 AM GMT+8

2007 年 1 月 12 日 星期五 【晴】

11/1
今朝要番去開會，九點幾開到兩點正.....鄭護士用口型問我係咪好累
佢從我的眼神已經搵到答案....個旅行因為我的關係.....攪到一拖再拖....拖到三月十號....
頂....即係要我果日番工啦........ 問班老人家有邊度想去，竟然答我想去澳門同日本.....
串到爆.......叫你屋企人同你去啦~~~~~

今晚七點半堅姨有個追思彌撒，六點幾去到好彩食唔落野，因為晏晝果餐只係三點半先食完
跟住老豆原來揸左田神父架車上黎，當然又係由我揸番落去...
好耐未見過老豆對眼咁紅、咁濕...唔理平時點堅強，總會有脆弱時候，畢竟也是人，會有感情..
參與呢台彌撒的人數比我想像中多...大家唱起聖詩好投入、好齊心....
一首首柔和傷感的音樂、觸人心靈的歌詞，總會令大家有所思~
可幸的是見到佢個女沒有怎樣的情緒，坐佢隔黎的那位男朋友...也許給了她無比的支持
完左彌撒同佢傾左幾句，笑容十分真摯，果個笑容彷彿就是從前經常叫我啟泰哥哥的小朋友由心而發的...
===============================================================================

12/1
今日放假，響屋企睇番尋晚的劇集
約人吃飯真困難，醫生話我無擦牙，討厭不滿也沒法，只怪他就是阿Sa~
當時機未成熟，刻意求變並非好事....

一個人年紀愈大，交心的朋友愈少，
那是代表人愈是成熟，
對人的戒心就愈大。
要回復童年那赤子之心，
當然並不可能，
惟有珍惜及信任已結緣的人....

>>January 12, 2007 at 4:26:52 PM GMT+8

2007 年 1 月 9 日 星期二 【晴】

尋晚臨訓前響網上蘋果日報睇到一單新聞，
關於有人於彩雲邨跳樓.....原來係我一個朋友的媽媽....
頓時感到好不安，覺得佢地好慘好可憐.....特別係替佢個女感到可憐....
只係得十五歲.....無兄弟姐妹，遲下仲有大把野要經歷，需要人支持同關心，
但而家只可以靠自己面對前面的一切...

由細識到大.....以前佢響我屋企託管....幼稚園至到小學三年班....
以前佢好鐘意玩...經常叫我"啟泰哥哥"，依賴我教佢功課，夜晚接佢番屋企
三四年班仲幫佢補習，實在好難想像依家佢係用緊一個甚麼心情去面對呢個事實....

響報紙見到佢同佢daddy喊到好激動的樣，所有都係最真摯...睇到咁真係好傷感....
以前都知佢有精神病....無病發的時候佢真係好好，經常讚我，又信任我....叫我幫佢個女補習..
其實一個人的意志可以有幾強? 因人而異，因事而異.... 當一個人充滿抑鬱，思常經常好負面
咩都諗唔通睇唔開，呢種累積的感覺逐漸形成的一種幻覺，響呢個世界已經累死左好多人
有精神病是否真係無野幫到佢...? 我看不是! 只要對佢多加留意，留意佢一舉一動，
多d陪佢、同佢傾計關心佢、相信也可以緩和佢果種不能控制的消極思想.....

希望天主接納佢的靈魂，生前未能好好釋放自己，好好享受，願她於天堂可以得到永遠的福樂。
尋晚訓唔著的時候同緊莎姐sms,同佢講左dd，個人都放鬆左少少，thankyou~

星期六等你表演咬爆頭喇下.....你超得出我做得到....
今日番下午....而家都準備番工了...........(待續...)

>>January 9, 2007 at 12:02:41 PM GMT+8

2007 年 1 月 8 日 星期一 【晴】

今日狂煲許志安d歌......煲左成日咁滯......
真係有好多動聽感人的歌.......越黎越配服d作曲家.....填詞.....所有音樂人......
我都有首歌架~~~~~作曲填詞一手包辦!! (睇下邊位有緣人可以聽到la....)

追　趕　拖　擁　然後吻　位位都上心
為了開心　或是多心　有過了各樣情感
原來最愛的人　曾經　在身邊佷近
只怕　一世不愛人
Ooh　找個愛我的女人

我亦明白怎愛人
比去擁抱還肉緊　感謝每一吻
愛人來過代表差點共處一生
付出的寵愛不遺留怨恨　當做報恩
<<吻下留人>>

想　當然想誇獎自己　哪個夠我喜歡你
但是望著你品味　多麼洩氣

＊愛未夠留住你　我未夠你喜歡
　世上有太多人　閒來無事做評判
來歧視我這一半＊

＃要是有日你做男人　相信你亦較我吸引
　早晚仰望高不可攀女伴　如何忍
　我恨我是個大男人　不信我們可以合襯
　假使躲進被內唯求一吻　全世界也都不及我深＃

想　當然想早點成家　你卻哪個都不嫁
事業就是你天下　不肯降價

陪著你　變成日日夜夜奉承你
我們就像在路上競技
只是你的快樂　其實我都買不起
我沒法成大器　抱住你早晚亦會看不起　自己
原來情份是種選美　旁人共我怎麼比
<<大男人>>

>>January 8, 2007 at 6:39:03 PM GMT+8

2007 年 1 月 7 日 星期日 【晴】

今日又有新乘客了.....
就係priscilla 同佢好朋友.....車佢地番屋企.....好好笑....佢個frd連自己住邊都唔清楚.....
我就不停咁響觀塘區遊黎遊去....終於到達目的地....

老豆今晚照舊去聖家堂，我等佢練完歌再接埋佢....就係咁....
一共駕車發洩左近個半鐘頭....

今日駕車途中玩命.....一路駕駛一邊sms......我真係痴左線......
有次仲差點紅燈都唔識停......個人成晚心不在弦.....下次無精神無心情一定唔駕喇.....

>>>>>>>>>>>>>>>>>>>>>>>>>

所有野我都只係想簡簡單單，不要複雜........
簡單愛，簡單做人......有咩想做就盡量做...

今晚舅父問我做咩事，我無答
知道有人關心自己....已經足夠~

>>January 7, 2007 at 11:22:04 PM GMT+8

2007 年 1 月 6 日 星期六 【晴】

今日做到成隻狗咁
凍到成粒蝦米仔咁
累到成條蛇咁攔下攔下...

我討厭這個一月....真吃屎~

補習社舊老細又打黎......
有事求我...講d說話真係動聽.....

已經申請左兩日大假，同聖母軍去張修士度打邊爐吧....但未知批唔批~~~

近日天氣寒冷，多飲熱奶對身體有益處~!

>>January 6, 2007 at 5:49:18 PM GMT+8

2007 年 1 月 4 日 星期四 【晴】

單手擁抱 許志安

忘了怎麼來　也記得怎麼要走
能忘記為何哭　便能張得開笑口
明日開始　心跳汗流
仍然像招呼好朋友
無論多尷尬也能夠　和平分手
寧願單手擁抱你　和平散開
畢竟試過　甚麼是相愛
滿天氫氣球慢慢飄走
怎麼去計較快樂和悲哀
寧願單手擁抱你　和平散開
不捨得咀咒便喝采
祝他人與你會有個甚麼未來
仍難及這種友愛
來過的激情　致敬般將它送走
沿途已沒扶手　用微笑裝飾缺口
這世界已經寸步難行
不需要有這個你來做我敵人
愛過你純屬僥倖
就讓難過結局同樣感人

雖然係好舊的歌......但好深刻......好有印象.....早已識得背......

其實許志安有好多歌都好聽的，我一向都鐘意佢，喜歡他的歌，欣賞他低調.....

>>January 4, 2007 at 8:47:53 PM GMT+8