2007 年 5 月 28 日 星期一 【晴】

27/5 (Sun)
今日番到聖堂彈左首禮成詠....好彩記得臨尾果段要repeat,爭d彈錯
同cynthia and 周神父jam左好多首流行歌呀，一個字....勁呀~ 有好多歌佢仲識得多過我....
開完會同佢地去大排檔食晏，久遺的肥hong,型仔左wor~

congratulations to felix la!! 等緊我地的Double F 一齊同你一齊影張威水相!

今日下午有段時間勁大雨，好彩果陣剛剛上左車，否則肯定大大鑊

第一次響無光的環境下沖涼(燒左個燈膽?!)，響廁所摸黑沖涼、摸黑大便....真係好麻煩的
摸黑大便本來唔係問題，最大鑊係你清潔果下，我睇黎睇去都唔知是否已經清潔乾淨! XD

今晚老豆帶左聖家堂一班choir教友上黎食飯，2男5女....
為左慶祝今日聖神降臨，成班人響食飯前唱左幾分鐘果首的聖神降臨歌(no.231)囉!!!!
仲要大大聲囉........走音囉.......我一直um住咀忍住笑....好辛苦~

食完飯就要趕往下一場啦，要去九龍灣找mandy 十點去到見仲未收工響出面睇埋d低能野...
響等緊輝輝果陣，終於見證到佢真係有細膽的一面.....唔係驚狗,又唔係驚鬼
竟然比一下開閘聲嚇到花容失色!! 反應極度自然，非常驚嚇，笑到收唔到聲
可惜我呢個玩笑結果為成晚要付出被出氣被毆打的代價
講開先講...而家隻手臂仲有d痛呀!!

三丁友去左吹水，食大排檔，我同輝哥都食左飯先出黎，無乜點叫野食
吹水飲野多~ 輝輝某程度上...真係好似有點怕羞.......haha
一點番到屋企，兩點訓到四點幾，意外地又同佢傾左輪...其實初時只係諗住嗲幾句
點知大家好似越吹越精神，越吹就越不文!!
====================================================================

28/5 (Mon)
今日要番九點至一點，純粹番去開會.....最初見到份議程仲諗住比起以往少得多
應該準時一點走得.....點知開到一點幾，主任話下午繼續囉......
所以食完飯交完更之後又要再番入去會議室訓覺!!!!!! 開到五點先走得
同佢起左4粒鐘OT ar!
條腰已經好似唔屬於自己.....
又可能因為唔夠訓關係眼前所有野都比平時淺色左.....

尋日電話搖控doris幫我買袋.......未親眼見過，當然更加未試過
遲d要記得約佢搵日交收~~~ 希望唔會後悔吧

今晚希望可以早點睡~ 可以嗎

>>May 28, 2007 at 7:56:03 PM GMT+8

2007 年 5 月 25 日 星期五 【晴】

我諗我識d咩人我自己有分寸，你點話我我都無所謂
但唔該唔好干涉我識咩朋友，如果你係識佢地的話，ok...你可以比意見
但而家唔係~ 唔好再理我咁多私事.......
你可以問，但我亦可以唔答!

我真係已經有好多野要煩，希望你唔好再理
我唔出聲已經係比左個下台階你，我真係驚唔知自己一開口會講左d咩說話
惡起上黎我真係連自己都唔認得....

有d野如果你想揚開比全世界知的話，
我真係無所謂的
反正係你一直唔肯接受呢個事實
係你對我過份有期望
我成日都講，希望越大，失望越大...

次次我都可以響第二度聽番自己d野，好多次都係咁
你叫我點敢再同你講野，你教下我
我好唔鐘意呢種感覺
只係識得講我成日將d野收埋，唔同你講
有無認真諗過點解會咁
我唔想再有下次...
呢一刻我仲尊重你，唔好令我連對你果少少的尊重都無埋，我唔該你~
===================================================
阿can姐，有d野你講出黎究竟為乜
好多野你做黎根本就多餘，咁樣有助解決問題嗎
只會增添人地的煩惱，於事無補
我問得你同得你講，係我諗住你有腦信得過你
但你偏偏要做埋果d角色
唔好講我呢單，好似msn果單野，根本就響度茂整餅
單野我早知過你，唔通我無感受咩，但我都係靜觀其變，
明明都開始無咩野，而亦都睇得出佢無點再同條友聯絡
但你就粒聲唔出print一大份野出黎，
d野自己解決咪算囉，大可以好好同佢傾，總會有其他方法
係都要攪到全世界都知，有無顧人感受架，仲有甚麼私癮、安全感可言?!
明知佢地得個大聲，我好想問解決到未，幫到d咩野
呢單野我真係好唔滿意
==========================================================
當然...我份人分得好清楚，一單還一單
絕唔會撈埋其他野黎講的...

>>May 26, 2007 at 10:20:05 AM GMT+8

2007 年 5 月 23 日 星期三 【晴】

自從曼聯輸左個足總盃之後，相信只有肥潮同恆少先明白我當中的難過!!

尋晚比人設左個陷阱....其實佢根本一早就影左相架喇...一直等緊我"tum"佢比 jetso佢
佢先至整張相黎.....而家好很大鑊.....分分鐘要欠呢位大隻蚊一世....=.=
感覺好似被老笠~~~~比人當作小笨實~~~~haha

今日番工無聊睇左篇新聞，內容關於"男人之苦"- 性~
好多男人話，有時失去性就是等於失去自尊，甚至等於失去了一切
有d男人又話，經常比老婆或者女朋友睇唔起....對自己很不滿!
其實我覺得又唔需要太介懷吧...對嗎?
呢個世界醫學咁昌明，越黎越多天然的保健產品，只要食得及時，就無晒煩惱
呢d食品的功效其實就係好似幫d女人調經咁，需要時間慢慢先發揮到出黎，
心急係無用的

講開又講，其實當一個男仕經常比女人屌佢，甚至說他on9,又或者on99
呢d都係美好的稱讚! 又或者正在幫緊你!! 千祈唔好當係粗口!
試想想，你最親密的女人就像正在搖控你的私處!!
On 吧...99~~ 這就像一位偉大的巫師在給你施行魔法...it's magic!! what a great miracle!!

死期將至....大難臨頭了

>>May 23, 2007 at 9:47:27 PM GMT+8

2007 年 5 月 21 日 星期一 【晴】

20/5 (Sun)
今日下午同兩位阿婆傾遺囑，比人串我都應該要整番一份......=.=
haha...做第二個吳鎮宇?! 將所有野比晒另一半?! 咁都係的...唔通派街坊咩
但過程真係有d勞氣，問阿婆第時打算火葬定係土葬，佢同我講唔知咩黎
究竟係咪同我攪緊gag??!! 心諗好想同佢講.....
火葬即係比火燒你條屍.....土葬即係比人埋你響地下~~
攪左一大輪，講到把聲都沙晒，累~

晚上比人send d食物相片黎引誘我，兩個字講得晒，離譜``~
同隻北姑雞傾左好耐，最後都係傾唔成單生意，真係abcd佢個e
成晚不斷咁攪hing我呀!!! 聽到我唔知比甚麼"反應"先好....~_~
今朝比隻雞叫醒左....真係估佢唔到....後尾連累你訓唔番真係唔好意思啊.....!!

由尋晚十點至到今日下午三點.....笑料百出 XD

我而家先發覺原來<長腿叔叔>呢首歌將佢改編成<郵差叔叔>...效果係唔錯的XD
================================================================

今日放工響匯景的"三盞燈"買左碗日式雞扒拉麵，第一次幫襯間野，又幾好味

今日收到匯豐寄來的信，佢話收到我響四月十六號已經被終止受僱的通知
so funny!??! 不過都無咩所謂

好羨慕你地一家三姐弟相處咁鬼攪野

今晚老豆食左火藥!?! 定係更年期 ?!?

呢排愛上響電話度聽人唱歌........enjoy it!

>>May 21, 2007 at 8:31:43 PM GMT+8

2007 年 5 月 19 日 星期六 【晴】

今日又放假，遲下實番到嘔....

原來今日三點鐘無線有直播HK FA CUP!! 睇左35 分鐘南華已經領先2:1
不過最吸引我睇就係果位響英超請番黎的球證，萊利老兄~
之後仆去九龍灣搵教練食飯, 今日好似唔同左咁wor~
雨中行下東行下西....最後決定去二期間大家樂....出事了~
拎野食果陣本人又拎住部手機響度傾，結果倒瀉左杯凍檸茶!!
各位....係茶....仲要倒瀉落隻右腳到....對鞋從此沾滿茶蹟，情況不妙....
鞋頭好似一野踢落堆屎度咁的色..... 甩唔到呀頂佢個肺
已經比教練笑到面都黃喇...d野食全部浸滿lemon tea!! 呢刻好想發癲!!
唔好意思...下次再"好好地"咁同你食過....

如果我知道EL88係咩黎的話，我實唔會用"人妖"黎交換~~~~~ =.=
人生蒙上污點...."果七個字"絕對畢生難忘

今日阿姐生日，又係去好彩~~
好唔明老豆點解咁鐘意比貼士.........
越黎越唔識點同呢班人相處........

聽日要番早...我xxxx

>>May 19, 2007 at 11:14:24 PM GMT+8

2007 年 5 月 17 日 星期四 【晴】

近排間院接二連三咁發生跌倒事件，先有嫻姨...菜妹...蘇k...
據講可能會為果d成日攪攪陣的院友著約束衣...如果係的話都幾慘...
不過最重要都係佢地的安全

呢幾日主任都無返，成日都晨早打電話返黎請假.....所以話....讀多d書係幾咁好
做到主任咁，鐘意唔返就唔返，幾爽~

老豆同老母竟然同我用同一款電話....成日叫我教佢地點用都算了
連一向對電子科技及為人隨和的老豆都學人戴電話繩.....仲要係麻雀的"中"字
吹漲.......慌死人唔知自己姓鍾.......仲要成日要我幫佢download呢樣果樣
學人裝飾部電話.....~~ 所以話呢，人真係會變的~ 但幾十歲而家黎咁樣變法...真係想扮後生麼

以前成日鬧我地買埋d魚生壽司生冷野....到依家自己竟然係元綠的會員.....
從前經常話pizza 無益熱氣的他....如今偶而也會認真地想晚餐食甚麼pizza....
好多好多.....睇下佢遲下會唔會叫我教佢上網吧!!

"一日一蘋果，醫生遠離我" 呢句我聽得多，但"一日半粒鐘，減肥實成功"...
what 's that!?!?! 一日半粒鐘做咩野?!?! 好無內容....
如果你真係認為淫詩作對叻過我的話，絕對係非常荒謬的事!! haha, 歡迎挑戰ar~

尋晚做左人妖!!??!?! 妖~!!!!!!

曼聯對車仔，大家點樣睇? 若買入球細，彩票實作廢~~
博曼聯怒炒車老鼠吧!!!!! 3:0!!!!

>>May 17, 2007 at 5:14:05 PM GMT+8

2007 年 5 月 14 日 星期一 【晴】

13/5 (Sun)
今朝早放工之後國到聖堂，見到有個生面口的神父...原來係大陸落黎的....姓劉~
茅小龍去左邊!??!?!
台彌撒因為母親節的關係要送花比在場全部阿媽，成十一點先至完...真係好少攪到咁晏
飲茶 -----> 行陣街 ------> 到九龍灣比個suprise 阿man
呢排部手機成日壞壞地...成日話我張ram卡無足夠記憶體要delete d野先可以send or receive msg.
sorry.....無覆到你地msg....and sorry to man~ 希望無比到麻煩你 la
今日近距離見到阿寶同阿mic...好似幾斯文咁....但應該都係假像...haha

今晚見證曼聯捧盃~~ 同時亦見證多場假球實況 ~~
也許人在江湖...有時真係要講下義氣......
==============================================

今日訓醒發覺有多個未接來電，全都係舅父同阿婆打黎...原來佢地想我過去打牌
是鬼但啦....又無野做....尋日又無去阿婆度...今日補數....
超級黑仔.....久違的在麻雀檯上輸錢了......埋單輸左接近兩舊水....
這絕對不是我!!! 阿婆超旺....鋪鋪都佢食晒咁滯.....

晚上到會pizza hut & 肯德基....好飽....同阿晞郁手郁腳玩左輪，睇埋溏心
好疲累咁離開.....最衰我果度無車位....如果唔係學舅父話齋....一定揸車番去

>>May 15, 2007 at 1:08:27 AM GMT+8

2007 年 5 月 12 日 星期六 【晴】

呢幾日個日記壞壞地.....就算依家上到感覺都係好鬼慢......

10/5(Thurs)
尋晚要番工，成十二點幾鐘透過3G睇人唱K….. 那三隻真係非常另類的動物，
絕對係粗口界的領袖! 或者咁樣先至突顯到另一位小姐比較乖…. 不過佢地真係好瘋癲…..
初步估計應該患有過度活躍症…!!!!!
個電話傾到無晒電，番到屋企開番部機原來佢地半夜四點鐘又send左個多媒體訊息黎…
目的係叫醒我起身痾尿~_~…再一次見到佢地四人照….都係阿Man最好…haha….
不過據聞有人好慘wor.. 比d煙燻到好辛苦…. 而佢地最後有無落D真係唔多清楚….
其實落D 猛咁fing真係咁好玩嗎!?!

今朝何連超得意，越黎越鐘意呢位痴呆症阿婆…話說食早餐的時候，我同佢傾左幾句…
“何連.. 我而家好眼訓，借你張床比我訓陣好唔好?”
“唔好!” (答得快而準)
“唔該你啦，借啦!”
“我唔借!” (立場好堅硬)
“你唔借我嬲死你..”
“你嬲我咪嬲我囉!” (答得好得戚+瀟灑)
“你好鐘意別人嬲你咩”
“你嬲我姐…但我唔嬲你…!” (全場人吹漲中)
“你都好識講野wor…”
“咁你都唔好嬲我啦..” (真係笑死左)
同佢傾計永遠都咁好開心，九十幾歲人，好得意，係痴得好可愛!!

今早同吳姑娘同埋阿yan三個傾工作上的野.. 傾左成個鐘.. 最後講講下，原來主任不滿佢地經常響寫字樓太嘈…想大家安靜d似番個真正的辦公室…. 呵呵…唔關我事…茅頭擺明直指佢地三個女人!
放工之後搭火車去到旺角…. 再步行到油麻地買野…. 路程真係好Q遠呀!!
途中見到陶大宇同埋騰麗明響馬路中間的安全島拍戲…都好似好多個take…
原來騰麗明都幾高幾靚女~~~高度同阿陶生差唔多而已….

今日無食到晏晝…. 今晚變成一隻餓狼!!
=======================================================================
11/5 (Fri)
今日訓到成三點半先識起身....好趕頭趕命咁去左city...
同margaret響canteen吹一 輪水....幾乎都真係無乜心機prepare個interview
因為我知道即使得左都有太多野要煩.........
家姐兩位同事都有去...我同其中一個一齊in...題目係:假如你有一位偶象，你會為佢做d乜?!
聽到個題目個腦真係空白，O晒咀囉!! 阿卜sir 仲要比一個女仔串.....真係黑仔
========================================================================
12/5 (Sat)
今日好不幸運....
不願多講...
灰爆

>>May 12, 2007 at 7:19:01 PM GMT+8

2007 年 5 月 9 日 星期三 【晴】

今朝晨早九點鐘就要去到沙田政府合署社會福利署度開會....
其實真係唔想起身....響床度碌左好耐...最後極速出門口...
呢個會一開頭個個都自我介紹，幾乎全場人都係女人，計埋我都好似得五個男人
由於要同呢d大人物開會...點眼訓都要死頂...真係辛苦
臨走前個社署唔知咩部門的主任同我 搭幾句咀，我當然交出好行的對答...
呢種應酬式的談話實在令我非常討厭，只會顯得大家好假.....

開完呢個會，即係話我比我知...我又有一個project要我負責了....真係diu...~!

番到院舍又見到兩個阿婆嘈到連主任房都聽到.....
叫我同阿yan攪掂佢.....好一句攪掂......我戚左其中一個到活動室"詳談" !!

今晚餐飯食欖角蒸烏頭.........聽到個名已經想彈開幾十尺......

今晚唔知有無激嬲到一個人.........
究竟坦白係好事定係壞事?
明知可能無結果的事又應唔應該做?
呢d真係無固定答案......答案只在乎當事人點睇.....

>>May 9, 2007 at 11:44:29 PM GMT+8

2007 年 5 月 8 日 星期二 【晴】

原來麥提莎溝沙律.....食完之後係會去廁所的.....

>>May 8, 2007 at 5:24:29 PM GMT+8