2006 年 11 月 6 日 星期一 【晴】

我終於都轉左plan喇
由老土的華潤萬眾 Peoples ------> 和記 "3" ，3G台黎架
第一個測試對象搵左表妹試下，同我預期無乜出入.......

呢幾日睇番d frd寫的留言，發覺佢真係~U女高手，我就一定講唔出呢d
咁肉麻死人的說話喇.........
早幾日番工食飯果陣，有同事問我做乜唔拍拖，我初時扮聾聽唔到.....
之後求其敷衍佢幾句，佢竟然教我追女心經.........痴媽線的

<<其實越黎越多人將感情睇得好重呢~
我自己有另外其他的目標，有其他野想做，但暫時仲未包括感情事>
我兩年半內要買車!!>

>>November 6, 2006 at 1:05:42 PM GMT+8

2006 年 10 月 27 日 星期五 【晴】

25/10 (三)

今晚如常放五點半，但因為約左聖母軍8:30食飯所以要搵地方hea~~
決定番去補習探睇班o靚仔同埋睇 傻仔儀攪成點，去到大約係6:35....
入到去見到七國咁亂，所以都義務幫下手教~ (今日穎心教左我一句菲律賓話!!!)
之後同傻仔儀行去東港城，幾經辛苦終於行到去~ 我見其他人未黎齊又有點時間
上左去阿姨間新屋參觀下，無幾耐又要落番去join佢地 ~

原本係約左八點半，點之死人曉晴八點半先出門口，鬧得少
攪到成九點半先去到酒樓開始打邊爐，一坐低就狂點野食，食到好攰，
笑到好攰，攰到想恰眼訓，中途我仲笑到噴左dd口水向卓藍度，總之今晚個個都
好似飲到醉晒咁，乜都大叫大笑，就係咁癲左一晚，十二點幾先番到屋企
=====================================================================

27/10(五)
放工果陣老豆打黎問我去唔去聖堂，是但，去完就去好彩食飯(搬左都成日好彩，頂 !!!)
六點幾就去到，排左十幾廿張櫈就同我幼稚園三位恩師錄歌，其實響個幾月前都應承左，
叫佢地依家錄，因為遲下都唔會有機會響星期日幫佢地錄到, 係報恩的時候 !
攪到七點半就開始幫手排櫈同埋打雜，番到去個位果陣發覺有點唔對路，見到個琴
落左閘，心諗邊鬼個攪我個琴，我之前明明彈緊無落大閘，以為係黃太攪過黎，
點知一開番閘就有野"跣"落黎，係一樣驚喜禮物"cookie".....已經心照係邊個喇，真係估佢唔到~

彌撒果陣猛咁同一個小朋友玩嘴臉，我做咩佢又跟住做，好鬼得意，
唉....尾二一台彌撒都咁唔認真!! 彈完就試下d cookie ，個包裝又真係唔錯，但據聞食完之後
會大傻大笑的，抱住一個又肚餓又食死罷就的心情去食第一啖，其實又唔錯的，
牛油曲奇係咁的味架喇，仲想點...... Okay la....兩三分鐘就食晒，其實包餅得果幾塊
可能因為其他整到~I得好犀利掛....唔見得人...... anyway.....SA, thankyou~!

>>October 28, 2006 at 12:09:37 PM GMT+8

2006 年 10 月 23 日 星期一 【晴】

依家已經開始番工了
乜都要撈
幫人登記.....聽電話......落簿.......攪活動.......開會.......打雜.......好多好多.....
不過最好笑就係需要開咪做DJ(朝早講新聞)
同埋要去試R......

有點害怕自己做不來.......
畢竟遲下實在有太多野要follow喇.....
又未試過又無經驗.......
其實我都真係好唔明何解佢會話我適合......但今日終於知道一點點
(因為院長叫我入去有野傾)

響度做左幾日，人都變得更加有禮貌......不過其實我一向都係咁有禮貌架啦
早晨早晨......廿年都未試過累積講幾十句早晨......係廿年~!
但依家淨係計頭一日，我已經講左接近一佰個早晨.......只係一日!!!

番左四日......我一共講左接近四佰句早晨早晨 !!!!
就快痴線~

>>October 23, 2006 at 11:35:28 PM GMT+8

2006 年 10 月 15 日 星期日 【晴】

今次有去聖堂喇，felix`亦有黎，同佢交代完一切之後，我以後可以安心了......

同聖母軍食完飯之後一齊搭車去紅館---傳教節(福傳活動)
成2:55p.m.先入到場，爆晒棚，搵左一輪先有位坐....
總結整個活動，有好多(舊)歌聽，不過都好過分享的.... 中間樂器表演我個人覺得長左d
有點悶場...好彩之後兩個神父夠生動....不過個活動嚴重超時，priscilla猛咁向我呻......
因為我地之後趕住去halloween.~

去到大約係6:40p.m. 最初以為一共有九個人去，點知去到發覺仲有曉霖的三位朋友
響正門攪左一輪priscilla 兩姊妹先發覺自己無帶飛黎，我對於曉霖依然咁淡定繼續嘻皮笑臉
的態度感到佩服又火滾，竟然可以唔關自己事咁，(總之成件事佢地三母女都有責任，但priscilla 一定係最無辜果個) 最後團長比自己張飛佢，自己就同priscilla 去左銅鑼灣，我地亦
都帶著無奈的心情一齊進場。

其實今日本身都有點唔舒服，加上實在勢估唔到今日竟然好似要湊仔咁，呢班細路女雖則
已經中二，但佢地的表現行為實在激到我火冒三丈，怒容滿面，暴跳如雷，七竅生煙 !!!
另外我地顧得呢班人，又要顧埋禾同佢女朋友，自己又要睇埋ting fung(因為佢淨係黐我一個)
但老實說，有時唔係咁鐘意人黐身黐勢，或者可能呢日自己已經心情唔多好，所以感覺有點煩
不過真係好難唔煩，基本上佢地無時無刻都比麻煩我，margaret and celia. 有人叫我分開玩，
點得呀 !?!? 我點放心比呢班小魔怪自己行，佢地又無信心又無膽，又無方向感又唔合群，
點照顧自己?!?! 連自己陣間搭咩車走都唔知都要我地幫佢攪掂，又check尾班車又check果樣
曉霖的態度，加上自己無食過野，已經開始感到有點㷫有點頭暈 !!
(期間我走左去買一杯大可樂飲，因為我太需要吸收糖份!!)

其實鬼屋都唔係咁恐怖姐，margaret睇落好似幾大膽，係睇落! ting fung 真係唔多清楚佢，
因為佢全程都係呆下呆下咁行，深不可測。禾女朋友就唔駛講啦，驚到出晒汁，
celia就驚到扯人頭髮同搣人打人，有病 !!! 另外果四隻野-------不願置評 ~~!!
不過遺憾自己因為要湊仔的關係無得同禾一齊入"地府"，據聞呢個都幾恐怖的 ~

其實其間真係充斥著幾多問題同麻煩，攪到我地幾個有時都忍唔住惡左出黎~~
睇完個show就帶佢地五個去排隊搭吊車，之後我地就繼續 join禾佢地入其他屋。

點鬼知響大約 11:35p.m.竟然落大雨，避左一陣雨都係要衝番去排隊搭吊車番正門，
有d人拆左人地的大太陽傘黎用，我地五個亦都因為四海之內皆兄弟的關係，迫左入去一齊避雨
個場面都幾funny，同班唔識的人都打成一片，懶係friend咁 ~
出到旺角同margaret趕得切搭尾班車(MTR)，但呢條線的總站係去到觀塘..~__~ 所以我被迫帶住
疲累的身驅，剩餘的靈魂以及有病的狀態行番去，
天啊..............成身濕晒........要行成佰幾二佰級樓梯上去 !!!!!!!! 番到去打算去買野食，
點知d茶餐廳剛剛收檔，被迫去七仔買杯麵 ~ 番到去差唔多兩點鐘，沖完個熱水涼好好多，
諗番轉頭，真係寧願自己同priscilla或者團長交換角色，因為呢一刻好討厭湊仔，
自問已經對人好有耐性，你地今次真係考起我 !!!!!!!!!!!!!

>>October 17, 2006 at 5:59:06 PM GMT+8

2006 年 10 月 12 日 星期四 【晴】

十一月正式上班?!?! 對~
會唔會比人炒!?!? 好大機會~

我實在對呢一份工無咩信心，自己響呢方面的知識有幾多，真係自己知自己事
最初見工只係抱住一個玩玩下，當拎下經驗的心態，點知吹水都可以吹份工番黎
依家點算好..........我見果陣亂咁吹就話過到關姐，到真係做的時候一定好快比人見我底牌!!
算了.......做得一日得一日~

今日恆少專登黎藍田搵我食晏，大家都係退休人仕，特別同路，心態同話題十分相近。
響吉野家食，狂吹牛，你想吹到幾大就幾大，大家都明白的。不過對於佢講及一個朋友
的一d事，我真係發覺依家好多人真係唔識分輕重分次序，早知今日何必當初呢
決定左要做就唔好驚，但做之前是否也應該諗清諗楚!?! 正如我地買波就要預左唔一定贏，
唔驚得幾多，但買的時候都要分析下諗清楚買唔買呢隊好....值唔值得買......
道理也是一樣。
都係唔再講了.....或者宜家好多人都係十分真性情，衝動行先，打死罷就，願主保佑。

>>October 12, 2006 at 5:50:09 PM GMT+8

2006 年 10 月 8 日 星期日 【晴】

接近一星期無理個diary,因為呢排都幾忙,
頭幾日又有得揸車喇，今次的乘客係阿姨佢地，佢地打牌打到夜晚一點幾，
無車走，結果我揸左我第一次最夜的車，條龍翔道得我同幾架的士，感覺就好似
響條賽車跑道鬥車咁，不過當然我好注重安全的..........

曾經去過interview,真係超好笑，其中一份我見錯工搞錯左，真係得啖笑，
另一份佢無呃我的話個位應該會offer比我的.........不過呢份都算係短期合約，
不過唔緊要啦，起碼拎左實際的相關經驗，踩左入呢個field先!!

呢幾日我真係有病!!! 應該係感冒，個喉嚨依家仲有點唔妥.......
===========================================================
7/10 (六)
今日原本都打算唔番彩雲彈琴，因為仲係唔舒服，但無計喇應承左葆姿姐番去提點下佢
因為聽日我亦都唔會響彩雲彈。 彌撒之後去左酒樓食飯，出奇地同埋威伯一齊食
事關我地費事佢一支公咁hea到八點，就叫埋佢一齊食
不過佢都好客氣，又或者佢想留肚食下一場啦.....埋單之後張檯就留比佢一家人....
P.S. 今晚d波爆到九彩!
===========================================================
8/10 (日)
今日係藍田聖愛德華主保，應承左幫手彈琴，所以彩雲果面交左比葆姿
不過我唔係咁like部琴，唔係咁好彈，d聲又麻麻，坐果時隻腳又唔舒服....
但今次係我第一次同一大班菲律賓choir夾歌，菲律賓人天生根本就係歌星! 高音和音乜都得!
見到幾位聖言的同學老師校長，李中文仲記得我真係好野，因為我係無比佢教過的!

之後佢地留低聚餐，但我無乜興趣，加上仲有點唔舒服唔係咁精神，所以都係閃番屋企
陣間都係要落去睇多次中醫先........

P.S. 今日真係要唔該晒cynthia!

>>October 8, 2006 at 3:20:20 PM GMT+8

2006 年 9 月 29 日 星期五 【晴】

今朝九點鐘要去到何文田路德會做義工， 竟然訓晏左，原本打算八點鐘出門口
結果八點二先知醒，又追巴士又跑落去都係要遲到，遲左十分鐘.........

呢間centre 係智障人仕展能中心，去到d"仔"已經好nice,個個突然走埋黎拖住我，
少少突然啦，但就一定唔會抗拒的，否則都唔會黎做啦，可能以前都試過有過經驗，
所以都一切都預左的.......

九點做到三點幾，同班仔好好傾，因為完全唔需要避忌，好舒服，其實佢地真係好純
一d都唔需要驚，只要你向佢講幾句鼓勵或者讚美的說話，佢的滿足感已經好大。
(今日竟然撞到一個久違的教友同埋Emily......問落先知原來佢地兩個都係響果度做)

其實今日都好累，我成日除左lunch之外，根本無坐低過! 所以夜晚阿爸阿媽話去好彩
同沈神父食飯(生日) ，我都已經無乜動力去，因為今朝實在付出幾多，對腳真係軟晒，
響屋企攤響張梳化度抖，睇番錄左的"棟篤神探"同"無頭東宮".......

九點幾同傻仔儀傾電話，因為有要事相討，點知越講越多越講越耐，
越講越躁，躁完又講番以前的低能野，講到十二點
最後個結論都係叫佢自己攪掂
<唉.........對住一些人，有時真係會感到有口難言........ 這些人通常都係家人，或是一些
性格較自我的人....明知你地唔肯聽唔肯嘗試接受的話，我地連講的衝勁根本也沒有..>

>>September 30, 2006 at 7:16:20 PM GMT+8

2006 年 9 月 24 日 星期日 【晴】

今日係聖堂長者健康檢查日，今年比較特別，搬左出去舞台度攪，
自己亦都需要做今次活動的司儀。
其實今次個司儀唔算多野要講，但就要記住整個流程.....
一開始果陣都差d比樂哥打柴....我講東佢就講西...其實最初都無預計過佢會突然上台
講野，所以都差點比佢打亂陣腳！ 但慢慢落去都還可以啦，初頭個時間都幾趕
因為又有講座又有表演又要比班長者做檢查......
自己覺得做得最好的一part就係同羅蘭響台上對話，呢個[時候可以講係我
全場最放鬆的時間，只係當吹水，其實個人越放鬆，執生的說話就更加容易上腦
所以呢個環節都係吹水附和下多，算係輕鬆~
(可能係因為以前都曾經響安老院見過傾過計，所以大家都算幾好傾)

但今日比較唔滿意的地方，就係唔明點解可以比其他人胡亂走埋黎甚至上埋台
同羅蘭傾計捉住人隻手!??! 台下的工作人員在做甚麼呢? 我仲記得有一下羅蘭都被嚇一跳
因為果下實在太突然....... 所以都唔係咁滿意個秩序..... 實在有點失控....因為只要有人
做得第一次，之後就會有人跟住做.......何必呢!?

今日幾乎全場人都同羅蘭影過相咁滯，唉...有d人真係影得超多相，大的係咁
細的又係咁，帶頭果位阿太真係服左佢， 佢前前後後起碼影左十張!!

有無諗過如果你係羅蘭的話你會有咩感受?!? 乜佢今日係黎影相??
並唔係話唔可以影，但都要適可而止，每次羅蘭都想起身走人的時候，
我地係咪應該醒目d呢? 但果位阿太依然十分興奮的繼續拉住人地影，(自己影同家人影
換埋衫再影......) 田神父都頂唔順終於要行開，但羅蘭實在太好人，比你拉住都繼續笑住
比你影.... 睇怕今次可能已經嚇怕了人家......

<<今日好高興有好多義工幫手，有d真係幾落力幾用心，有d仲好似做到比人鬧.....
其實老人家有時難免係會固執左d，有d野佢地認為係咁就係咁，同埋好多時佢地都會
覺得我地後生的要十分尊重佢甚至要聽佢講，所以好多時d語氣同聲線都可能會比較
粗左d同講野直接左，所以睇開d啦，唔需要唔開心，佢地唔明白唔識體諒咁咪唯有
我地去體諒佢地囉......>>

>>September 26, 2006 at 7:31:21 PM GMT+8

2006 年 9 月 21 日 星期四 【晴】

人寫日記我寫日記,我就寫到變左週記咁....... 老實說，真係無乜動力
keep住日日寫....... 當初開個diary已經係三年前的事，果時都係諗住有人睇
同埋一時貪得意先至開，拖拖下拖到依家，人開始變懶了，有時都響度諗，
依家寫日記的目的係為咩呢? 好似人地咁樣作生活分享?? 唔多似.....
想寫比人睇?? 又唔係.... 打發時間?? 更加無可能.....
或者係用來當作一個回憶吧~ 將一d難忘的特別的事寫出黎，等呢間日記公司幫我
好好記住，第時有機會就再重溫番昔日往事...... 對...應該是這樣~

尋日睇番發覺原來我個日記有一萬人次，我咁講並唔係想比較多定少，就算無人睇
只要有野值得我寫的話我都會去寫~ 依家平均每日都有約二十人次黎睇，我唔知果d係咩人，
無論係八掛的人抑或真係想關心我知我多一點的人，黎得的都係我的朋友~
不過都係果句啦，依家個日記絕對係反映我的心聲或者記錄特別事的地方，
所以唔係咁想有一d唔熟識的人睇到，更加唔想有人睇完之後周圍同人講番出黎，
畢竟這裡一切都是我自己的生活體驗及一d心底話，你們知道便行了，不用加以宣傳及評論....

======================================================================

20/9 (三)

今朝早幫老豆拎野上去上面兩間小學之後，就趕番屋企執屋，事關陣間會有一班frd
來麻雀耍樂 ~ 難得大家今日都得閒，番學番工的都係今日放假，所以一早就約左今日
聚一聚~ 阿潮+ crystal + doris + Leo 佢地個個都係住新界，但全部都好有心咁遠都咁早出黎
十點幾就黎到藍田.....我已經開好晒檯等佢地。

10:30a.m. 正式開戰，今次係第一次用籌碼，(方便最後計數埋單) 我玩野每人分左二千蚊，
大家都係得啖笑，其實我地打好細架姐，志左約埋一齊癲下...
打完四圈執位.......輪到crystal代替潮打....... crystal真係全攻型球員，打死罷就，非常勇猛
但勇猛有時真係要付出下代價...... 八圈過後大家都無打算食晏，所以執位後又繼續打.....
全日總共打左十二圈，贏左佰三蚊，但最開心根本唔係贏錢，而係大家今日全程都係
可以完全放低自己投入咁去玩，基本上今日大家係平均每隔兩分鐘又會大笑一餐，
笑都笑飽了......又何需吃飯呢??

>>September 21, 2006 at 3:55:46 PM GMT+8

2006 年 9 月 15 日 星期五 【晴】

尋晚兩點起身睇波，唉....今屆歐聯比now拎左呀........
只可以響網上睇一d比真實時間慢幾分鐘的直播比賽.......即係唔係"直播"........=.=

四點零五點訓番，訓到今朝十點就要聽熟下午要錄的歌...""麥𠒇--阿媽教落xxxx""

兩點鐘去到坪石，一入到中心見番一大班老人家，感覺很親切，見到一班舊同事，感覺很輕鬆~
同何主任吹左陣水，就同一班坪石同埋秀茂坪間中心的高層響間房度試歌，
原來佢地要參賽，仲張首歌改左歌詞，變成老闆教落.....xxxxx 好鬼好笑，
兩位主任同副主任一向都係玩得之人，佢地把聲扮到可以好幼稚，總之真係笑死。

錄左幾次終於攪掂，之後佢地高層要開會，我就出去搵班阿婆同阿聲吹水，
呀~~~~~~~好多人都認得我，但個個都異口同聲咁話我耐唔番去探佢地.......(預左啦)
比班阿婆訓話之後走去同阿聲傾計，傾到三點半要走喇，飯都未食.........~_~

>>September 15, 2006 at 5:04:43 PM GMT+8