2008 年 6 月 28 日 星期六 【晴】

26/6
今日就係"聖施禮華"封聖的日子，亦係早前應承左去堅道主教座堂司琴的彌撒
之前從未聽過"聖施禮華"呢個名，今日總算有多少認識...
唔知係咪對自己要求高，覺得自己今晚的表現只屬不過不失...
anyway,i will do better next time

早幾日知道有一位教友自殺死左，第一個反應係"唔係嘛，點會咁架"
因為佢比我感覺就係一位好丈夫好父親，
又或者在我眼中...教徒是並不會輕易放棄自己的生命，
亦因為呢個觀念、呢份信仰，令我咬實牙關支撐到今時今日...一點也一不誇張

今次呢件事亦令我有種很強烈的感覺，
一個人無論外表給你的感覺是多堅強、多開朗、多樂觀，
那可能只是對人歡笑背人垂淚，因為他並不希望人家知道自己的心情
也不希望自己的心情影響到別人...
將所有野自己收收埋埋，"有苦自己知"的感覺，真的很辛苦...
"希望你能夠得到天主的寬怒，領你到天國的家鄉..."

突然好想聽許志安的一首歌 - 一家一減你...

遇變遷不知怎去處理
下意識找些方法逃避
無論妳多不高興　故意挑剔生氣
沉著氣為了　等新的轉機

在妳不肯抽空參與晚會裡
仍獨個故作最快樂模樣
為妳解釋只因太忙
掩飾真相　我在笑　相當勉強
＊寧願妳裝起騙人面具
　寧願妳推搪說疲累
　寧願不哼一句　我也不想知道
　其實妳另有一位愛侶＊
在妳不肯歸家的這數天裡
寧願四處逛逛半夜遊蕩
獨對家中的幾扇牆
真空感覺　妳別去　我不知去向
REPEAT＊
只有我在呆望這家裡每個角落
尤如圍城冷漠
即使妳沒有講出走真相
若要公式的說謊　妳已經不必再講
Hoo...面對家中的幾扇牆
沒有家的感覺
如若妳別去　我不知去向

>>June 28, 2008 at 8:40:16 AM GMT+8

2008 年 6 月 25 日 星期三 【晴】

星期一臨時比主任叫左去總部上堂，資訊保安研討會，講左現時hacker點樣散播病毒
有咩特徵，盡量點樣預防等等....算做得到少少資訊，
但我比較有興趣了解hacker的角色，呢方面或者恆少會幫到我~

夜晚約左肥潮,doris, leo, yan 食飯，估唔到返工係大圍，連食飯佢地亦咁橋
揀左大圍果間"小肥牛"打邊爐... 例牌有肥潮響度，一定唔會悶，他那種投入扮演或描述
一些人和事的專業表情及態度，令你很自然地同佢一齊癲埋一份.....
臨尾我仲手痕點左碟伊麵，兩個伊麵餅好很大個，勉強淥左一個半生熟黎食，眼闊肚窄是也!

今朝雖然掛左八號風球，但佢一變左三號波，我就要趕上班...懷住一個無乜心機的心情
noun番去，食餐飯，同新黎的副主任傾計傾左成個晏晝，咁就一日......

=================================================================

要真正放開、釋懷，除左需要一定的時間沖淡外，響呢個""掙扎的過程""點樣去
從過去一d事一d說話真正看得通透，也是很重要的一環... 因為如果一個人只選擇""逃避""
過往一些不快、傷感的事，而不真正完全去""嘗試消化、適應""，心結始終還存在 .....

每個人""所需要的時間不一、所消化事情的態度及能力亦不一樣""，以蔡太為例，
雖然現時她的心情已比從前好得多，但她始終沒有勇氣再踏足幼稚園、
甚至聽到一班小朋友嘈吵的叫聲，因為一切都勾起她那份回憶...
這當然証明了她從前付出的心血、感情有多少，但同時亦說出她並未能完全釋懷...

""回憶是永遠很難忘記的東西，沒有人叫你完全去忘記，
但只有在這些回憶中能懂得完全去看得透徹，才算是真正的放下""....
簡單來說，遇到創傷、挫折應怎樣做??
""不要逃避, 嘗試面對 , 要靠自己去慢慢領悟它現時的價值、它現時帶給我們的存在意義，
不需要急於要自己抽離，順其自然，他朝有一日，當你真正悟透完全放下時，
你會有一種完全放鬆的感覺，
當你回頭再看，也會發自內心的微笑...."

miss stupid yee,以上的說話我只會說最後一次,接下來就要靠你自己....

>>June 26, 2008 at 1:07:14 PM GMT+8

2008 年 6 月 20 日 星期五 【晴】

17/6
呢日去左總部上堂，"photoshop elements 3.0"工作坊,都算叫做學到野啦，
睇下遲下有無機會學以致用!

18/6
今朝要開staff meeting,新黎的副主任亦都有份列席，
第一日新官上任並唔係三把火，而係請晒全院同事食早餐...
暫時覺得佢幾nice,好希望遲d同佢可以合作愉快

下午有火警演習，唔知係咪個會開得太長太花精神，只係下午的時間，
我已經出現疲憊，但一切努忙碌的事總會在我最疲累的時候急著處理，
所以今晚響院舍黎講，比平時還要早訓，還訓得特別甜...

19/6
今日放工要去練歌，為下星期四響堅道主教座堂的mass作最後一次綵排
期待再與陳日君主教合作，還記得舊年主保我做司儀曾利用他開個玩笑，
唔知佢仲記唔記得呢件事....不過...我到而家對自己當晚的表現，仍覺得蠻滿意

下星期四的司琴，一如以往，唔會有任何特別壓力或緊張，
因為當你對自己的演奏感到自信、
當你不介意外間怎樣睇自己、
當你堅信,會彈得令其他人都覺得自己彈得好的時候，
你已無畏無懼....
我想說，我絕對不是囂張，當然我也經歷過失敗，
但我也是從錯誤中不斷學習，不斷改善，不斷鑽研，
一切累積得來的寶貴經驗，
才在這方面塑造出這麼一個我，希望某人會明白.....
記住，"我並不是彈得好，只是彈得比較有自信而已..."!!!

20/6
今日放假，響屋企睇衝上雲霄睇到第三十集，真係好好睇，
無論感情、友情、親情...一切都描繪得很好...我會盡快睇埋最後果十集!!
cindy打黎，最錯都以為自己眼花，原來佢想問我買鋼琴的意見
響電話彈左一d音比我聽問我意見，
我膽粗粗咁同佢講叫佢買左去，$2000一部piano,音質keep得唔錯，抵到爛啦!
應該唔會入錯貨的!!!

之前有一晚響臨訓時喊到收唔到聲，從未試過喊得咁辛苦，
入廁所響塊鏡望番自己雙眼，真的喊得紅晒.....
其實果種錯綜複習的感受，其他人絕對好難明白，我肯定無人會明...
我亦唔想有人明白，因為我已經無力向別人一五一十咁講，
畢竟牽涉太多野，好複習....

>>June 20, 2008 at 5:54:18 PM GMT+8

2008 年 6 月 15 日 星期日 【晴】

一個人黑起上黎，連賣命搵外快的機會都無...

今日父親節要返工，唔知點解對呢類節日的感覺越黎越淡，
院舍今日特別訂左d西餅比班長者，我同佢地講下午會派餅
點知原來佢地一直以為係我派餅，話我嫁女......真係又好笑又痴線!!!!

唉，原來gigi做多一個月就唔做了，佢都算係好幫手，又肯做
我雖然都唔算做左好耐，但我已經見證左好多新舊同事的交替，幾時先會停?

無線而家重播衝上雲霄，睇左一兩集，決定download全套落黎，
好快已經睇左十一集，因為真係幾好睇
十幾集都響度講緣份，你信緣嗎? 又點為之有緣呢?
兩人多次擦身而過，這又算有緣?
真是深奧又很微妙的東西....緣份呢樣野，還是真的..隨緣吧

>>June 15, 2008 at 4:27:37 PM GMT+8

2008 年 6 月 12 日 星期四 【晴】

前日下午突然興之所致想去踢波， 於是坐言起行，
去返我曾經出事踢到昏迷的球場踢，同班學生哥踢，
旨在運動一下，畢竟大半年無做過運動，一踢就不自覺踢左兩個幾鐘，
換來的是呢度痛果度痛，好累

天啊!我已經黑左好幾個月!!
幾時先黑夠呀!!!!!!!!!

>>June 12, 2008 at 11:42:11 AM GMT+8

2008 年 6 月 9 日 星期一 【晴】

8/6
今朝食左一大隻鹹肉"\做早餐，夠晒應節，不過個胃就滯左成個下午
攪到有少少唔舒服....
夜晚周神父同一個女人上黎食飯，睇黎兩老一早都知道...係得我唔知....
佢食飯果陣S悄鴘揸凇W開心囉，成日扮晒野咁問:係咪買架?響邊度買架?
d戲超屎!! anyway,最重要係阿媽受落就得喇
大家一路吹下水、一路飲啤酒啤一路睇法國網球直播....我唔知點形容
總之佢好似已經當左呢度係佢的屋企，勁free! 成個人攤晒響sofa度，吹漲

費生又輸比拿度，仲要輸得咁肉酸!
睇到我同佢超勞氣~~
我成日都話，比賽的野最可恥並唔係輸，而係放棄、無體育精神!!

>>June 9, 2008 at 11:21:14 PM GMT+8

2008 年 6 月 7 日 星期六 【晴】

六月五號呢日超辛苦，皆因呢晚有個阿婆半夜要送急症，只係訓得四粒鐘....
第二日朝早雖然飲左杯咖啡，但都係無效，成日都係呆呆滯滯無心機做野...
下午仲要攪埋個奧運活動先走得(今次輪到體弱果班)
好彩阿yan 同gigi 捱義氣黎幫我手!!
放工決定搭巴士，訓覺訓"禮"頸.....

原來我杯咖啡要去到夜晚先至有效!! 頂!!!!!!!!!!!!!!!!!!!!
結果成晚不停輾轉反側...超耐先勉強訓到!!
=================================================================

今日黑雨...娘親的大雨~~
全家都以為我唔洗返，我都想...
死人阿yan仲要send個msg黎串咀....
成日響度傾閒計，都無乜心機做野....

今晚歐國盃kick-off...可能因為有線無直播的關係，一d雀躍、期待的心情都無...
所以我一向認為有否直播賽事，係會影響一個人的參與同投入....
也許這是一件好事~

>>June 7, 2008 at 6:08:56 PM GMT+8

2008 年 6 月 4 日 星期三 【晴】

今日院舍攪左個"綠色生活迎奧運"，呢個活動最初我同阿yan都以為阿ling一早
預備好晒d野比我地，點知上星期尾先發覺唔係，所以兩個人是但up求其咁去夾
要多謝yan $ gigi 過去兩日幫手做preparation 的工夫，所以今日的活動先能順利進行

內容有: 傳聖火、唱奧運歌、問答遊戲、做運動、宣傳健康飲食、送禮物

氣氛都算唔錯，老細又最初黑黑地面之後都好似成個人歡容左，阿yan就唔洗講
唔知做乜鬼全程保持high爆狀態.....

(我而家每個月都埋下一條clear的伏線....好煩)

>>June 4, 2008 at 10:09:52 PM GMT+8

2008 年 5 月 27 日 星期二 【晴】

25/5
今日放左工返左彩雲hea,傻儀陪食lunch,之後趕住去浸大做義工...
表舅父間老人中心響浸大有個結業禮，應承左幫佢手，主要負責後台工作
未試過做後台，都幾新奇幾刺激，完左即仆返屋企
阿sa叫我去黃太度，但真係太累只好死死氣咁推塘....
今晚睇完clement唱歌之後即訓落床....

27/5
下午去左做補習替工，一做就要認真去做，所以每次都好大壓力....

都好似好耐無聯絡過佢，呢刻突然想起佢....
但其實我可能只係一個好唔起眼的人，
無謂又突然出現在人家的生活圈子....

>>May 27, 2008 at 10:47:56 PM GMT+8

2008 年 5 月 23 日 星期五 【晴】

星期四放左工之後去左練歌，睇黎廖sir對今次的mass都幾有要求，又學到野...
星期五帶十個阿婆參加一間中心的旅行，景點超唔吸引，好彩唔係我地攪咋
只好不停講下笑搞下氣氛...
呢個月尾一共有一位護士、物理治療師同職業治療師唔做...因為物理治療師又係叫鍾生
所以初時有好多人以為係我唔做，不過....可能都就快到我....
我發覺自己呢排做"間接上司"呢個身份好似嚴左，以前的我好隨和...
但唔知點解近排不知不覺d口吻好像firm左d...可能係心情唔太好....

keyman 呢篇文章寫得唔錯...
"世界不只他一個"...最憎一d自以為是的人...

Keyman show ： 輸 得 起 　 企 得 住

泰 利 射 失 了 ， 但 相 比 起 C 朗 ， 車 路 士 隊 長 明 顯 堅 強 得 多 ， 大 家 都 射 失 了 ，
但 結 局 不 同 ， 很 明 顯 ， 輸 家 要 更 硬 淨 。
C 朗 射 不 入 12 碼 ， 萬 一 曼 聯 就 此 完 蛋 ， 當 然 不 能 就 怪 責 於 他 ，
因 為 能 夠 捧 盃 與 否 ， 是 多 年 的 努 力 ， 不 能 一 腳 就 此 抹 煞 ；
但 由 射 失 一 刻 開 始 ， 直 到 最 後 反 敗 為 勝 ， C 朗 都 竟 然 維 持 同 一 個 姿 勢 ，
將 頭 埋 在 草 地 上 ， 一 眼 也 不 再 看 隊 友 與 對 手 的 表 現 ； 這 個 動 作 ，
是 小 朋 友 的 行 為 ， 當 然 也 是 包 袱 太 大 的 反 射 ， 沒 有 人 可 以 不 射 失 ，
射 失 了 ， 也 不 應 就 是 世 界 末 日 ， 還 有 很 多 事 情 尚 待 發 生 … …

世 界 不 只 他 一 個
泰 利 與 C 朗 的 反 應 有 點 分 別 ， 他 射 失 了 同 樣 沮 喪 ， 但 他 仍 然 企 得 硬 淨 ，
「 突 然 死 亡 」 期 間 ， 他 嘗 試 支 持 安 歷 卡 ， 輸 了 他 挺 身 面 對 那 難 以 形 容 的
失 落 及 內 疚 ； 曼 聯 興 奮 、 車 仔 落 寞 ， 這 一 刻 成 王 敗 寇 ， 是 一 生 遺 憾 ，
卻 不 是 一 生 盡 頭 。 若 果 失 敗 的 經 驗 會 令 強 者 更 強 的 話 ； 泰 利 ， 終 有 一 日
會 成 就 大 業 ， 而 C 朗 ， 今 番 也 應 該 要 明 白 ， 世 界 不 只 他 一 個 。

>>May 24, 2008 at 8:18:32 PM GMT+8