2007 年 10 月 7 日 星期日 【晴】

早幾日見成年無做過運動，決定去水庫..跑左約八佰米...跑完之後有死的感覺...
體能真係差左好很多...以前閒閒地幾分鐘跑千五米都係咁跑，果日跑完索晒氣又嘔
真係好x灰.....遲下仲話可能踢比賽....死梗...

有一日上網唔知做乜鬼比我誤打誤撞買左幾千蚊股票...
好彩最後可以cancel番...如果唔係實clear晒...

尋日下午同阿媽二家姐去左新開的羽壽司食，
始終..都係板前最好....

今日得知有人擺我老豆上檯...
真係好pk....

>>October 7, 2007 at 8:08:45 PM GMT+8

2007 年 10 月 4 日 星期四 【晴】

3/10 (Wed)
今日都無乜特別，師傳比左佢的戰利品(女人)的照片我睇...話已經拖過人地手仔...=.=
而家差不多全院的同事都認定我同師傳有"密切"的關係..大家係同類....得啖笑
今日又再次搭巴士訓過龍..

================================================
4/10 (Thurs)
今日放假...下午應承左同人地整電腦...真係so funny,居然學人整電腦
上到去見到佢用緊windows vista,心諗p硬k了...未用過....只好硬著頭皮扮高手
花左短短十零廿分鐘...竟然比我誤打誤撞攪番好...所以我決定今晚要買六合彩

番到屋企一出lift就見到有個小朋友著住條底褲喊晒口咁，望多幾眼又好似係住響
我隔黎屋(咁耐都無同過隔黎屋人hi過)，果然係，大門開左，裡面黑蚊蚊，
以為佢間屋比人爆格...問佢咩事，佢竟然用煲冬瓜黎答我....原來係大陸人...
大家繼續一個用標準的廣東話另一個用我聽得好辛苦的普通話對答
原來佢話老母落左去買chai(菜)...自己一個人很害怕...我同佢番入屋
命令佢著返條褲...安慰左一陣佢娘親終於番黎....
呢件事令我諗起細個響百佳....同老母蕩失路的攪笑野....
響百佳不斷問人有無見過我阿媽(人地鬼知你阿媽係邊個)
之後靈機一觸不斷大聲高叫我老母全名.......真係..妙絕!..!

>>October 4, 2007 at 6:21:06 PM GMT+8

2007 年 10 月 2 日 星期二 【晴】

阿公阿婆星期六離家出走去我屋企，直至尋日先走，共4日3夜....
佢地一致話: 爽...! 但我就...:唉....難為我條腰骨....

今日又比阿蘇婆婆玩死! 無啦啦入黎寫字樓拖埋個女仔入黎同我講:
"鍾生..呢個係我"失"女(孫女的女)...." 攪到響寫字樓的人個個搵d file遮住黎笑....
我真係呆左兩秒.....個女仔都尷尷尬尬啦!!
只好求其敷衍佢...諗住走過去對面醫療室避避風頭....
點知佢又跟埋入黎話:
"正唔正呢..得唔得呢.." 真係吹啤...又攪到醫療室的人笑餐懵....

食晚飯果陣...佢又話有野同我講....問我想點樣稱呼佢...
我梗係話叫佢全名...點知佢一句得埋黎話
"我想你叫我做太婆...." 已經叫佢唔好再攪屎棍....!!

等　你有日能抽空
大家趁事情未凍　而心也仍然未太痛
我想講出口　彼此各有所夢
誰令你更器重　當初嫣紅　漸化灰燼

等　你確實還不懂
認輸禮物還是免送　恐怕突然未夠勇
對你講不出　因她你已心動
還是撤退任你造美夢　別來相送

輕輕的走　連雲彩一片也沒帶走
以免你要　記起我略略難受
輕輕的走　無謂記起可否接受
我怕不捨　然後盼你問候

想你　但愛著你還愛著你
但放棄理論因不想逼你
我很想嬲你　但是太自覺怕變小器
舊日我或太盡力遊戲　明白你　也就原諒你

I'll be missing you...

>>October 2, 2007 at 9:37:03 PM GMT+8

2007 年 9 月 29 日 星期六 【晴】

28/9 (Fri)

今朝晨早八點三就要去到彩虹地鐵站同正副主任梁姑娘同埋
一班東華員工搭旅遊巴去保良局北潭涌..參加一個甚麼"與壓力共舞"的活動..
去到目的地好自然咁諗番起以前響度發生過的趣事...印象都幾深刻

朝早主要聽減壓的野，下午就有三個班比你揀:香薰、推拿、按摩...我揀左按摩
開頭佢講果d理論脊椎結構我完全係訓著左...到正式示範按摩剛剛好訓醒
總算學識左幾招...邊個唔怕痛的話即管搵我同你按摩下....

夜晚番到屋企七點鐘突然部份電器停電...受影響範圍包括:兩個金魚缸、
雪櫃、洗衣機、電視機、電腦等等....攪唔掂心灰意冷+累爆的情況下七點半就開始訓著左
期間阿媽好似叫我食飯我都無理...訓到十一點零十二點先起身食飯，
部份主要電器例如電視機及電腦恢復正常!! 但其餘仲有d有待今日等師傳上黎維修...
===========================================================

29/9 (Sat)

今朝起身發覺原來熱水爐都無電....頂佢個肺，攪到我響廁所等左勁耐..
今日一連有兩間房的廁所坑渠塞左...頂你個肺，千祈唔好響半夜三更再出事...
師傳又再次"聊"我返大陸...話要帶我去玩去威...
我比較想跟佢去搵食....

>>September 29, 2007 at 3:06:56 PM GMT+8

2007 年 9 月 25 日 星期二 【晴】

今晚醉鬼左....

下午去左將軍澳補習，真係桃花依舊，人面全非....
不過比起我最初響度做果陣，呢班細路已經算係靜話得聽...

夜晚做完節之後同班frd出左去，五個人最後決定去sa姐間吧..
老實講...我真係蠻累，不過為左陪個frd，點都要同佢出去正牌不醉無歸...
去到附近sa姐吩咐要買樣應節的野上去，最後求其買左盒月餅...
今晚主要係同幾個frd去體驗下，同埋陪佢借酒銷愁...
其實成晚只係叫左兩set，點知三個女的都原來真係唔點飲酒，只好飲完一杯又一杯
同d陌生人玩埋一份，主要係想佢地幫手清下d酒....今晚d人都幾high...
成晚響度玩骰、吹水、揭情史、開解...一路玩一路飲，最後真係feel到自己唔掂...

只係飲左五枝..或者真係飲得太急了...醉左之後響度周圍挨住度牆"欄黎欄去"
去廁所又係要"欄"、出去插歌又"欄",途中都唔知撞倒幾多人，抽左幾多水....=.=
最後唱埋首過火就閃人...
其實都係行唔到直線同有少少暈姐，我覺得都算係清醒....

希望越大、失望越大...我勸你都係唔好抱咁大期望吧
反正你已做晒可以做的野，已經唔到你去控制了....隨緣~

======================================================
26/9 (Wed)

今日帶住個貓樣番工，酒氣都好似未散咁....
成日都唔知做過d乜，但又唔係無野做....今晚都係早d訓，
睇埋個味分高下...速睡~

>>September 26, 2007 at 6:45:07 PM GMT+8

2007 年 9 月 24 日 星期一 【晴】

今日被譽為"一戰成名"、"一演成名"，全是包租婆呢個角色受歡迎
假髮、假胸、女人聲、姣樣姣動作....呢d都係應記一功
一出場就歡呼聲四起，唔知點解一行出去，真係可以進入"忘我"狀態... 好投入
兩檯嘉賓席不斷的歡呼喝采，對加強我的信心都有好大的正面作用...

今日真係幾好玩幾高興...聽聞沙田區主任?徐太?問人我係邊個叫咩名
佢話遲下沙田區有d咩活動表演或者話劇都想搵我呢位"百變員工"
老實講，果一刻我可能好開心得到其他人的認同和讚賞
但我真係唔想花額外時間...呢份工我真係好需要休息..

越黎越佩服我個partner,好欣賞佢的工作能力....

愛的反面是恨嗎?
愛的反面不是仇恨，而是漠視且不關心....
我累了..

>>September 24, 2007 at 8:55:52 PM GMT+8

2007 年 9 月 23 日 星期日 【晴】

22/9 (Sat)

今日要去阿婆度，十二點去九龍灣等舅父，行左陣...唔見人...
專登車去荃灣買水餃...真係巴閉...
下午同一班親戚開檯，好耐無同佢地打牌了，好似係過年果陣，
而我+大舅父+二舅父+孻舅父 呢個組合更加係史無前例咁強，第一次!!
最後...輸自摸輸死左...真係比楊師傳批中....
不過真係好開心

夜晚一大班人響度食日本野，飽到跌渣~
同阿晞響度打機，佢仲叫我響度訓...可惜我第日要番工....

============================================================
23/9 (Sun)

聽日就係中秋午宴，試左個造型...
又戴假髮又載緊到爆炸的胸圍...再塞多兩個橙...好辛苦
希望聽日演出順利...

今日成日做野都心不在弦，其實我知點解的...都真係幾灰..
我已經開始覺得自己唔再重要，或者真係要正式抽離...
在煩惱中得到朋友的慰問同攪笑，總算可以暫時把煩惱、憂悶放在一邊...

是你故意欺騙怪在我太過心軟
你的真話就等於夢囈 與謊言
無奈你說得太自然令我聽了也能熱暖
甜言蜜語原來又一次食言
是你對我改變你別說世界轉變
解釋得混亂千絲萬段 太多糾纏
誰沒興緻守這諾言但卻對我再全心詐騙
胡言亂語任你講足半天
為何永遠放不低為何錯愛這一位
但求仍然維繫不惜一切 我為你執迷
為何永遠放不低任情愛控制身體
任誰關心仍未可把你代替
(是明知的仍願將心意白費) .................頂!呢首歌邊個作架...唉...

>>September 23, 2007 at 10:18:03 PM GMT+8

2007 年 9 月 21 日 星期五 【晴】

今日係會計日~~~頂!
番九五，成個上午響度核數，成腦都係數字，
下午帶七個義工出去沙田大會堂出席一個function,感覺比我想像中好
唔算悶...阿盧大衛david 做演講嘉賓，d阿婆就熟佢，我對佢無乜印象，只知係肥仔一名

五點鐘番到去仲未走得，見到檯面又有一疊單等緊我....唉...
elsie姐將會放十幾日假，主任落order要我學識點樣造單同拆賬...只好無奈接受
但我而家都已經忘記得九九十十...

今日楊師傳免費幫我睇左幾十秒相....好好架喇，佢幫人睇風水收成幾萬蚊架!!
間中仲要過大海幫人地個賭場睇下風水....佢真係非常深不可測的~~難以估計
佢話我呢期有桃花運...又話我會比較大洗.....
其實有個衝動叫佢教幾招黎駛下...雖然風水同天主教係背道而馳....

應承左李太有兩日番去幫佢手...又可以見番班o靚仔

今晚問左二家姐借個bra黎戴(tube top?!) 好Q緊呀!!!!
唉...如果唔係為左要做包租婆...我先唔會戴埋d咁邪的野
===========================================
其實真係有d失望...真係失望..已無意中被傷害

>>September 21, 2007 at 9:08:44 PM GMT+8

2007 年 9 月 19 日 星期三 【晴】

尋日同今日下午都要綵排個話劇，有人話我做得好投入好入戲，
我就覺得好唔自然....如果有人拍低成個過程，
我唔係無興趣睇，而係根本無信心去睇

同事們的心態越黎越複習，雖然已經做左差唔多十一個月，
但我到呢刻根本唔能夠完全放心去同一個人講心果句
邊個係忠..邊個係奸..邊個蠱惑...真係好難分得清楚...
面對同事們的是非、佢地的壞話...我已經聽到越黎越抗拒..
請唔好再煩我...
=============================================================
希望唔開心的你可以盡快收拾心情

是否對你承諾了太多
還是我原本給的就不夠
你始終有千萬種理由
我一直都跟隨你的感受
讓你瘋讓你去放縱
以為你有天會感動
關於流言　我裝作無動於衷.........<過火-張信哲>

>>September 19, 2007 at 7:56:46 AM GMT+8

2007 年 9 月 17 日 星期一 【晴】

16/9 (Sun)

今日開完例會即仆番屋企，姑姐佢地夫經黎左等緊我...
打左五個幾鐘麻雀...阿媽同二叔都贏四百幾...賽前打算贏番尋晚輸波果d的我無乜輸贏
姑姐就比人"湯"到一頸血...我成日不斷咁換紅色衫...但都無咩效用...

今晚又去潮篇食飯，都係果句，本人覺得唔係咁抵食.....

夜晚好早訓，又係睇睇下波訓著左，今朝醒左download番新秀黎睇 ，睇完又訓
訓到而家(2:30pm)

二叔成日一共有兩次同我講，話想做我經理人.....so funny....~~
音樂的野...玩下...研究下都無妨的(但只限於得閒)
不過有時都響度諗...有朝一日將我自己作曲填詞的所有歌...錄成一隻碟..都幾有紀念價值
但一切都係要有時間同有錢先得~~

=====================================

今晚原本同肥潮佢地食飯，有事臨時cancel, 條友打黎話尋晚又大贏...真係大贏得好交關
呢d真係我同佢之間的分別....佢有本有膽識，我無本又唔夠博...
不過...我而家都只係當係一種娛樂，已經比起以前玩細好多好多...
學阿莫生話齋....玩下姐

呢期身邊有好多朋友都好似唔係咁開心，我自己都不外如是...
有時我都想知道下關心下的，但又驚比人話我八話我煩....
又怕人唔會講...又怕自己會講錯野...
也許唯有從另外一種途徑繼續緊貼住佢的情況....那是日記

>>September 17, 2007 at 4:02:26 PM GMT+8