2007 年 6 月 8 日 星期五 【晴】

今日破左戒爆左粗....diu~~
原來一個人響開心、忘形的時候都會不自覺講左句....diu

今朝早九點幾就過到黎...又係例牌耍左佢一大輪先....跟住就番屋企開戰
內容豐富...印象深刻難忘....XDD
識你咁耐都係咁傻、都係鐘意扭計.....(兩樣都應該係扮的)

下午睇番d劇集同埋謎...睇睇下訓著左...太累...

今日有好多野都係第一次...有d我渴望有下一次...
但有d可以的話我唔想再做了...因為實在太艱巨太大工程~~ XDD

個有線電視成日都收唔到....終於打得通佢個死人電話
問佢點解無啦啦會咁，佢好行同好唔肯定咁敷衍我: 應該係信號問題....

尋晚非常感激羅生幫我搵番隻手指!!! 我以為唔見左果刻真係成個人發晒癲咁
佢幫我搵左幾耐....以為絕望之際佢打黎話我知響一個好隱敝的地方搵到...
無論如何真係好多謝佢幫我花左成半個鐘狂搵!
賠錢唔係最大問題....而家我有超多資料同record同埋做緊的所有野響晒裡面
真係唔見左的話我一定原諒唔到自己

聽日又要番工，就快deadline...都係時候攪埋手頭上三個project

這是愉快的一天~

>>June 9, 2007 at 12:21:48 AM GMT+8

2007 年 6 月 7 日 星期四 【晴】

沒有粗口及仆街的日子 第8天

今日主任、吳姑娘、Elsie姐都無番工!! 絕對係我響寫字樓最感到高興的事
無壓力…. 唔洗睇人面口…. 唔洗聽有骨說話….. 間房成日幾乎得我同副主任兩個 free到爆

doris打黎話想搵日交袋兼食飯...而家暫定15號?? 唔清楚，我一向都唔係攪手

下午放工果陣入廚房搵良哥，佢用佢的專業知識教我揀有旺夫相的女人
又幫我睇一個人的相!! 真係幾準…我係絕對相信佢講野的!!!
之後偷運一d違禁品出院，都咪話唔牙煙…不過我覺得值得的~

出去九龍灣拎住個街市紅膠袋成個傻佬咁行黎行去，都消磨左一個半鐘
但結果係令人有點失望吧…..
睇佢食KFC食到lam lam"c….. 如果我唔係好累、失望、辣、就快食飯，
我諗我都會食…. 畢竟我最鐘意就係雞!
臨走扔垃圾有剎那真係以為佢心急到走鬼左…但望望下發覺唔對路
短人係無理由走得咁快的….呢刻就即時感覺到背後有鼓氣…
果然不出我所料! 估唔到佢咁識玩野…….XDD

點解我近排隔肋底有咁多個手指形狀的窿??
呢d同"咸粒"又有無關係?
呢個...真係一個謎~

>>June 7, 2007 at 10:19:10 PM GMT+8

2007 年 6 月 6 日 星期三 【晴】

沒有粗口+仆街的日子 第7天

今日番下午兩點鐘，但朝早六點鐘就醒左了
因為要幫人溫書...... 的而且確好很眼訓，但無計啦
因為要同佢交換一d野!!
響M記坐成日咁滯，又溫又食又玩又笑....unforgettable day!!
我表演左一樣中三就開始拎黎搵食的絕技!!! XDDD 我都唔知點解會咁做架
今次係第二次....正常黎講我係唔會咁隨便的.....可能就係見係佢.....先會咁....
比人攪到成日手毛樹起晒.....不斷響度攪"興"我...... oh my god!!
比人喪咬.....成隻狗咁...

買左張電話卡，好似幾抵咁...絕對係爆左分鐘的最佳選擇!!

今日成日係累到對眼攣唔大咁..... 但又要死頂.....費事班麻煩友閒言閒語喇
要訓了

>>June 6, 2007 at 10:24:11 PM GMT+8

2007 年 6 月 5 日 星期二 【晴】

4/6

尋日下午臨時要去幫李太手補習，據聞係個miss唔得閒...
去到見到一個新仔，佢比我感覺幾醒目、肯用腦、又靚仔、又cute....
估唔到班o靚仔竟然可以為左佢，而好比心機咁博命做.....笑死
(下星期一又要再去...適逢係佢地的考試週...實煩死)

5/6 沒有粗口+仆街的日子 第六天

今朝早收到一個消息，果刻真係唔知點樣反應.....
心裡第一時間反而係好想知道、關心佢的感受，因為我知道即使有d野你預左，
除非你係冷血，否則你多少都會有感受、有d唔開心…
聽到佢低沉的語氣，已經無空間去想....我是否應該 "高興".....
我唔可以話無.....
但同時我亦知道呢個時候實在需要比時間佢慢慢恢復些少....
佢現在需要的應該係時間、冷靜、同埋關懷...
而唔係一個逼佢做決定的人
我無可能咁衰咁自私... 趁火打劫向來唔係我的作風
聽到佢講如果到時再無聯絡..... 就等於那回事了
即管看看到時怎樣吧，我只好抱著一個期待、卻又不會過份期望的心情去迎接
因為一切雖看似已成定局..... 但我實在唔想有咩出錯
畢竟這個 "身份" 對我來說是應該明確些、肯定些

老實說，我一直都期盼著那天可盡快來臨，會否提早? i don't know
(P.S. 好感激同欣賞佢講出黎的勇氣，是為了我嗎 )

只係半個月的時間，部電話已經爆晒分鐘咁滯..... 第一次咋
考慮緊轉唔轉plan好, 已經好很窮了，咁落去唔係辦法...

今日下午在家練習，好大壓力添......XDD
到時真係唔可以失手 !

>>June 5, 2007 at 7:17:55 PM GMT+8

2007 年 6 月 4 日 星期一 【晴】

好多謝你~~!!
咁識得諗....又加左好多分數啦~~~ XDDD
無限謝意...盡在心中!
(待續)

>>June 4, 2007 at 8:25:14 AM GMT+8

2007 年 6 月 3 日 星期日 【晴】

沒有粗口+仆街的日子 第四天 晴

尋晚傾左好多心底話.....
好開心大家都係認真...總算有個目標呀
其實一個人如果得唔到人地的信任，感覺真係會難受的
多謝你信我~~

我有預感個電話費會爆硬!! 到時分分鐘要交"雙重雙人電話費"la....
要預留d資金~

今朝訓到唔知醒....遲左半個鐘先番到去....
未試過咁嚴重~~

今日成日都好累、好煩、好火、好躁!
好彩響個電話度得到一點安慰同支持....好很多了
今日見到個阿婆好似神經失常咁.....
果刻真係好擔心....好似我比佢家人更擔心佢咁囉，真係好pk~

累到快要爆炸了~

從此就多左位Mui Mui...!!!!!!! XDDD

>>June 3, 2007 at 10:43:50 PM GMT+8

2007 年 6 月 2 日 星期六 【晴】

今日起身之後睇陣電視上下網.....整整下攪到唔記得左個時間
好趕咁沖左個涼，跟住就要出去同大隻蚊食飯....
我無意發現....原來呀寶同佢super好八卦呀 ~~XD
去左食池記.....未食過貴價粥…. 比海皇粥店更誇張…
但有點失望..... 無想像中咁好食.... Nevermind~ 因為醉翁之意不在粥 !! haha

食果陣對面檯果個o靚仔不斷咁敲筷子，佢老母淨係識得話佢煩但又唔鬧佢乜都唔做，
自問好鐘意小朋友的，但對呢位仁兄….我只有想打佢同打佢媽媽的意欲!
今日未能完成任務呀!!( 爭一樣 ) 一齊研究”咸粒” 同掌紋 !希望能達成願望吧~
每次走都總會有點囉囉攣咁……

近來想戒粗口，本身都好少講，間中可能講下shit同fuck fuck地,
旨在加強下個語氣
仆街係唔係粗口....各有各說法....
但我都想過一個沒有粗口+仆街的日子~~
一齊努力!!

>>June 3, 2007 at 12:37:15 AM GMT+8

2007 年 6 月 1 日 星期五 【晴】

沒有粗口的日子 第二天 晴

呢晚好早就訓左，十一點幾就攤落床，除左因為好疲累之外，我仲好想合埋對眼...
究竟有無人會好似我咁樣做法....
比起一世....一年算得d咩? 呢句係我有感到有點安慰的說話..
一年裏面有咩唔滿意 or 唔想再徙時間可以唔......? 呢句係我感覺最痛的說話..

呢刻我有點憎我自己....憎個天...

我成日諗，件事有無得處理得好d呢?
莫非要等到佢開口...才較容易解決....?

成晚訓得唔太好...訓得著都還好...
醒左想緊閉著眼咩都唔諗繼續逼自己去訓...呢樣真係困難...

我從未遇過這樣.....真係充滿挑戰性....~_~

>>June 2, 2007 at 11:13:49 AM GMT+8

2007 年 5 月 31 日 星期四 【晴】

30/5 (Wed)
今早有位好好心地的人打黎叫我起身開工.....但其實係早左半粒鐘打比我.....
不過唔緊要呀.....what a big surprise!!
今朝有兩位信義會的姑娘過黎探我，好似係甚麼社工同服務主任，
向我派卡片....問我拎卡片....笑死我~ 其實佢地同我傾果個題目我一d都唔熟悉
一路只係靠吹水混過去....是鬼但~

放工去左紅磡比個surprise 大隻蚊，唔識路去囉.....最後要call佢落樓玩佢一輪 XD
去麥記食野，坐對面果兩個阿公阿婆不斷咁一唱一和，猛咁問我地呢d咩黎，
又話我地咁買法唔抵.... 笑死左~ 隔左無耐仲大鑊，有個痴線婆坐落黎，並唔係歧視人
而係佢的一舉一動真係令你有點不安+需要不斷防範，淨係果個笑容...已經殺死左我

之後行左一大輪，最後決定去高山劇場果度，睇人踢波!! 其實有個衝動好想落場踢，
好耐無踢過了....好想落場拯救佢地!! hah 佢地班老中青的技術同質素，
我諗我地double f 是但一個都好過佢地!!
就係咁，三個鐘頭大家響度睇波、吹水，咩都傾，正!!!!!
其實太過投入...真係有d唔捨得離開~~ enjoy it~

番到屋企馬上做死屍....好很累....攪完一大輪十點先食飯......十一點幾就不自覺訓著左

===================================================

31/5 (Thurs)
沒有粗口的日子 第一天 晴

今日將會全程響度煲番d劇集，兩日的c奶+溏心，一共四集.....
已經比人話我中左電視毒!!!

星期六食飯..YO~

p.s. 如果可以的話，我當然唔想變成長頸鹿......
原因好簡單好易理解，我相信無一個人喜歡這樣....
每次聽到你提及那個稱呼，我總會唔知點咁
個心總是七上八落.....如果話你知我唔介意...擺明就係一個大話
不過如果你真係認為呢個做法、決定真係最好的一步，
我相信都改變唔到d咩...

>>May 31, 2007 at 11:00:05 PM GMT+8

2007 年 5 月 29 日 星期二 【晴】

今日番工忙左成日，好累!!

番下午兩點，交完更都差唔多兩點半，點知行到去A走廊竟然發覺水浸!!
Oh My Holy God!!!!!!!!!!!!! 事態非常嚴重，唔知邊間房爆水喉
攪到d水湧晒出黎，共波及五六間房......
所有同事連埋主任都即時到現場了解同幫手，當然主任會發揮佢指揮家的角色
我同班工友及照顧員響度攪左個幾鐘，又疊沙包又搬搬抬抬，
而家雙手好累好痛.....懷疑用力不當喇........
(聽番d同事講原來以前爆過屎渠,係屎渠呀!!!!!!! 好彩今次發生響日間，
如果係夜晚的話我實同班阿婆共生死、共存亡，比水浸死罷就!!! XD)
但呢單case最奇怪就係，竟然由爆果下到我行去A走廊成段時間都無人發現呀!!!!
如果發覺得早應該無咁嚴重....相反如果我無行到去，都唔知仲會浸得幾犀利
今次.......絕對係一個好好的爆水渠演習!!!!!!!!!!!

攪完呢單啦，點知副主任又要我跟個滅火桶工程，去試下d滅火桶
我叫埋d廚師同比較新的同事一齊試啦，又幾好玩....
拎住個滅火桶響樓梯口周圍噴........當滅蟲呀!!!!!!! XD

都仲未算未有得抖，入番寫字樓主任又催我快d check好疊單比佢....話好趕叫我五點鐘比到佢
真係好X想爆粗!!!! 我做得邊樣呀.....就黎開飯la，我連藥都未check呀 !!!!!!

夜晚食完飯又要見個阿婆，好麻煩，因為佢今朝將d雞翼骨掉落馬桶，痴線!!
累透了~~~~~~~~

今朝早鼓起勇氣同教練講左一d說話，希望你會"好好明白"吧
你唔信你自己無乜信心唔緊要，但你一定要信我ar!!! 知唔知呀!!!
P.S. 一於一齊戒粗口吧!!!

>>May 29, 2007 at 10:29:37 PM GMT+8