2007 年 7 月 2 日 星期一 【晴】

今朝早放左工番屋企，之後下午教堂班frd話上黎打牌，買左好多零食
cynthia,margaret,priscilla,blue,fat hong,thin hong and betty
八個智障響度輪流打牌....教cynthia and priscilla 打....
blue勁旺.....好彩無玩錢.....如果唔係輸死
我同priscilla+傻仔儀三條友狂響房度搞gag...不過主要都係想幫傻仔儀度橋,總算解決了吧

七點鐘出去食飯, cynthia出街 blue話要番屋企煮飯
佢地話想去打冷...跟住唔知邊鬼個話去九龍灣果間...仲話想行德福...
有d唔自然的感覺吧
叫左六樣野:
炒蜆--- 無上次咁辣...所以我食到..
拼盤--- 唔係咁識得欣賞...同預期有出入
東風螺-- 基本上得傻仔儀食...無乜人吼... 最重要係，真係好x麻煩同無乜味
蠔餅--- 最快清晒的一碟
西蘭花炒蝦仁--- 在場三位男仕都比傻儀的一句嚇親唔敢食 "西蘭花會殺精.."
蠔仔粥--- 一大鍋...係最佳的飽肚食物...不過都唔錯
我發覺我地食野的時間大約用左一個小時，
但係坐響度霸住張檯搞gag亦都花左一個小時...
如果唔係有成棚人企響後面，我地都未必會走
今晚的談話內容....需要被列為二級B至三級吧

去行德福....巧遇那份"禮物"....無奈了...經過那間店鋪..我沒有勇氣望入去
因為我怕自己又會唔知點的感覺...還未ready好
期間有條友話去落吧定唱k!? 我地都以為佢講真，點知原來係廢話...即時怒啤
maybe 下次大家空閒d先
個傻仔勁想食糖水，又行番去對面一間糖水鋪食....
fat hong已經取代我成為新一任的爛gag王....
priscilla的面部肌肉今日都已經唔知抽搐過多少次....
原來betty話認得我係小學的田徑隊呀!! 真係估唔到果時真係連下午校都留意我~~
不過一切已經成為歷史~~ 我而家已經唔識跑了
其實搞gag真係會好累、好花精神...多得你地肯笑肯癲..才會有趣味~~!
煩、克人憎、低b、低能、無聊、搞笑、爛gag...
你有邊種感覺，視乎你當時用咩心情
就算你笑我超低能...兼勁搞笑...我踎低時多得你肯笑

>>July 3, 2007 at 12:01:25 PM GMT+8

2007 年 7 月 1 日 星期日 【晴】

點解響我最唔集中、最無動力的時候...
偏偏有咁多工作....有咁多人就走黎煩我....已經比同事笑我有好多個契媽了...

有好多野要趕住做，但根本就做唔黎....
真係無心機....
見到某幾個阿婆....又會聯想起果排的事....

有好多野想做，有好多野想講....
甚至有好多野已經計劃左係會做....
但依家係唔會再做到...還是把日子押後? 真係天曉得~~~
望住屋企果份"禮物"....只會令我更加惆悵

那首歌我已經背得好熟...
無論旋律同歌詞都已經上晒腦....
我好希望可以有一個時間好好去考慮....可以嗎
其實真係好想可以好"清白"同"無顧忌"咁去做....
始終之前也是好像背住一個包伏、不太自然、有另一種牽掛咁做....

今日發左幾個同事脾氣....SORRY~
咁耐以黎一直四萬咁口的我...強裝開心的我...
今日竟然破了戒...(我都控制唔到..希望你地唔好介意)

約定 作詞：光良　作曲：光良
我還記得 我們的約定 一輩子幸福的約定
為你寫的那首歌 它也偷偷的掉淚了

>>July 1, 2007 at 6:27:15 PM GMT+8

2007 年 6 月 30 日 星期六 【雷雨】

尋晚成晚無訓過咁滯
對唔住...係我自己造成....係我犯賤
一切事情、所有感覺還是歷歷在目...

成日作左一首歌.....作曲、填詞...
一路作....個心一直沉...
我真的好後悔....
好突然...是嗎
連犯人也比不上

今日幾乎成日都同傻仔儀一齊
無限感激~

>>June 30, 2007 at 10:03:04 PM GMT+8

2007 年 6 月 29 日 星期五 【乍寒還暖】

沒有粗口的日子 第21天

28/6
呢日訓到成一點半先肯起身，係打機日....四點食完lunch又打.....
跟住響屋企無聊得滯喪唱流行歌d和音...真係超低能...勁攪笑~
食完晚飯仆出去搵王小姐...買左盒特價sushi...食左好多舊淨飯~~!
響麥記坐到一點幾...食野...睇相...射波....我發覺呢個傻婆真係勁多相...多到可以拎出黎展覽=.=
睇混晒咁多相...發覺原來都係佢最掂...XDDD 其餘果d唔係肥就係細細粒再唔係就Kai的~
返到去發覺唔記得帶鎖匙...家姐又無開手機....逼於無奈call爆老豆起身開門先有得入...
向佢吐左"部份"苦水....有d野我唔係咁想講...唔想其他人同我一齊愁....

29/6
今日又係打機日.... 恆少突然打落黎...真係非常suprise~
( 如果真係有困難的話，我幫到的實會幫!!幫唔到的都同你想盡辦法!!)
下午突然想出去逛逛...食完個吉野家就落左觀塘行
總結....買左兩樣野係咁多....
途中見到一件禁中指的Tee...個圖案幾cute...不過著左會有好嚴重的後果，所以唔買!
我有好多野都想做......
但最想做的還是那件....呢樣野並不是我一個人可以決定的
衷心希望願望快成真~~~~

直到現時為止，天文台錄得傻佬掛住傻婆的指數係9999，
強度係屬於爆燈、極高、極嚴重!!
預測未來呢個指數只會有增無減~
呼籲所有八公八婆速速彈開...以免造成不必要的誤會~

>>June 29, 2007 at 7:46:32 PM GMT+8

2007 年 6 月 27 日 星期三 【晴】

今日要帶班老友記join埋方潤華果邊去旅行...其實真係無咩野好行...
果個所謂新機場的新翼...水靜河飛...
之後後去深水鶞漸郊蟆s樓食飯....非常cheap~ d野的份量真係剛剛好
你想食多舊都無!
之後去睇恐龍展...無乜驚喜.....d老友全部坐晒響度吹水...行都唔願行
今次旅行有兩個dementia case 去，我幾乎全程響度磅實陳添良...
好Q好笑....唔知佢係咪投入得滯..走去認我做契仔...響科學館個餐廳仲拎張廿蚊出黎
問佢做咩..佢話比我買野食......=.= 同佢去廁所先好笑...好似揍仔咁

拎左d野打算番屋企做....不過睇黎都無咩動力...
呢幾日心情真係麻麻...天氣影響!?

>>June 28, 2007 at 5:29:08 PM GMT+8

2007 年 6 月 26 日 星期二 【晴】

MMGF 的日子 第15天, 沒有粗口的日子 第18天

我保你大!!
今晚千祈唔好爆屎渠...唔該!!
今日...更加見識到人性係可以幾醜惡...
今朝...有生以黎第一次比阿媽同我剃鬚....
感覺係....好Q痛!! PK

>>June 26, 2007 at 9:42:32 PM GMT+8

2007 年 6 月 25 日 星期一 【晴】

經常都唔記得多謝M...
幫我整番條頸鍊!!
而家好想食番尋日隻雞脾....真係好大隻ar!!
下個月有好多野要做....包括還錢比d ABCDE~
眨下眼就六月尾了....

>>June 25, 2007 at 4:16:42 PM GMT+8

2007 年 6 月 24 日 星期日 【晴】

沒有粗口的日子 第16天

今朝番左聖堂彈琴、開會，阿公阿婆阿姨佢地黎左飲茶
上左去應酬一陣...就趕住搭21去搵M, 遲到一分鐘要罰一佰? 你而家爭我一千喇!
去左食米線，睇唐伯虎...真係超低能
響忍無可忍的情況下搭的士去黃埔....yo park! 第一次去...幾特別~
兩條友唱左兩粒鐘....佢唱合唱歌笑到我趴街....同埋...把聲實在太sexy~~~~~~~~
唯有下次認真點再去過吧

行左陣...入左兩間琴行即場彈live比佢聽....哈哈...正嗎!? 不是浪得虛名架!!
之後去jusco 掃大大隻雞脾、一盒壽司、乳酪....
行去海逸酒店後面個海傍食....幾好味...不過好口渴
有一刻個心沉左一下、有點失望.....forget it~

逼佢陪我搭15...因為唔想行...
番到去去左酒樓搵佢地...叫左一罐百事...之後就攪到N痛
好PK~

>>June 24, 2007 at 11:46:40 PM GMT+8

2007 年 6 月 22 日 星期五 【晴】

沒有粗口的日子 ..第14天..兩星期了...

21/6
今朝早要主持個火警演習.....唔可以話失敗，亦稱唔上成功
呢個模擬火警真係非常模擬....好假....d老友記個個響房間準備好晒
一聽到鐘聲...我跑到過去A走廊d人已經走左一半.....痴媽筋!
...佢地真係合作過頭......算了...
消防員有佢的提點...下次有機會再係我攪的話應該會更加上手

下午返左母校LWL...好辛苦...可能太耐無行過....好唔習慣.....晒到暈
番去join"遲來的M.." XDD 巧遇英英...唔知點解一見到佢就自然想起其餘幾位女性...forget it~
食完個tea就去MK等M個朋友阿寶....原來佢比我印象中又無咁baby fat wor~~
一齊去左許留山食野傾計...我都只係間中搭下爹...
因為尋晚訓的四粒鐘+今朝走火警走黎走去+下午再剷上LWL...
真係有點累... 呢餐M小姐拎左張五十蚊紙出黎話佢請...有心定無意呢? haha~
之後行左陣....見到前面有個肥肥地的女仔
patpat後面條裙底邊竟然比條底褲摺起左....形成左一個三角形....梗係去完廁所趕得滯...
笑到我地趴街......最後佢地都上前提醒番對情侶....不過個男仔實在太唔留意身邊的女朋友吧

行jusco..影貼紙相...再去MTR join輝輝....見到佢成頭都係一塊塊細小的樹葉...再次笑到收唔到聲
玩無聊的IQ題...難到爆的NDS...終於去到西灣河 -- 大壽司
聽聞話所有食物份量都好驚人，又抵食...去到真係好多人響度等...要等七張檯!!
不過都好似等左唔係好耐....
呢間野的確唔錯...已經約定下次會再黎!!
同佢一齊搭隧巴走...響度玩埋晒d低能野...再加埋我的天才表演...真係笑左出聲...
今日...enjoy...but very tired~
==========================================================

22/6
今朝晨早九點要番到去開會....成個過程都好想訓覺
對眼撐得好辛苦....主任出奇地響度攪爛gag....大家只好一齊附和咁嘻嘻哈哈...
超低能! 勁攪笑!

兩點幾番到黎同老母阿公阿婆嘆茶....
番到屋企睇番呢兩日的劇...累到訓著左...
今晚佢地應該會留低食埋飯先走...

阿婆....唔該你下次替我高興....都戴番副假牙先啦!!
好....很....核....突....!

陣間要出去探王小man....
頂!! 兩個星期喇!!! 戒口唔等於迷失自己!!
而係對自己身體的一個關注一個交代呀!!
我唔該你!!
聽朝又要番九點.......%&#(@

P.S. 今晚出左去同佢個好朋友阿phine 一齊打冷....呢幾日食左超多熱氣野
我都係時候戒下口

>>June 23, 2007 at 12:58:06 AM GMT+8

2007 年 6 月 20 日 星期三 【晴】

沒有粗口的日子 第12天

19/6
今日成一點搭八先識醒，總共訓左一打鐘...很久未試過大昏迷，
初步估計同尋日的百萬行有莫大關係....
出到廳見到阿公阿婆響度...原來佢地已經飲完茶先上黎...只係我自己仲響度大覺訓

食完個lunch三點半鐘同佢地開檯打牌....其實都好耐無同佢地打過...
雖然精神狀態仲好似未訓醒咁，但都照樣應酬下啦，都想賺番d昂貴的電話費
原來唔夠精神真係唔好賭....好嚴重....我要去到北圈尾先識開餬.....

結果頭四圈好罕有咁已經輸左五佰幾六佰蚊，仲要比阿媽同阿婆串我係咪敬老賣大包...
好彩!! 經過我換衫兼換褲....再加上有M的背後支持.....彷彿得到龐大的力量
個心態只係抱住輸少當贏....結果食下又一鋪...一度曾經比我反超前倒贏一舊
但最後埋單都係要輸廿四蚊...真係執身彩!!!

我絕對相信如果二家姐下午無訓響我張床度...我運氣一定會好好多....
張床比女人訓過或者有女性衣物..例如bra...底橫等...而你又賭緊錢的話，真係會好x邪的!!!
就係好彩打完頭四圈之後佢終於識起身....我就即刻換衫換褲兼清床!!!!! 果然有好轉!!!!!

=================================================================
20/6
今日番下午兩點....
交更時主任好多comments...令到我對聽日主持的走火警有好大的壓力
模擬夜晚....人手不足....好多野要兼顧....我到而家呢刻都仲唔知點死
到時仲有消防員響度睇住....非常希望聽日順順利利!!!!!!!!!
點算...

>>June 20, 2007 at 8:54:26 PM GMT+8