2007 年 3 月 23 日 星期五 【晴】

睇左向世界出發，好想成為汶萊公民~~~~~~~
d福利真係無得頂，住得正、食得好，仲有咩野係缺乏??
無錯...........係愛~
一個家也很重要，國家國家.....我對國無乜感情可言，
但對家卻充滿住好奇又期待，
想必定是一生另一個新開始

人必需離開自己的父母，與他的妻子結合，兩人成為一體..........
呢句黎自聖經的說話，自小已經聽過，亦都好深刻.....
蠻同意祂的說話

>>March 23, 2007 at 11:20:34 PM GMT+8

2007 年 3 月 22 日 星期四 【晴】

呢首歌幾好........


你不是好情人("妄想"電影主題曲)
曲: 蔡卓妍 詞: 林夕 編: 謝國維@Baron 監: 伍樂城@Baron

我知 你想走 因愛得我未夠
明知 你覺得玩厭時候
萬樣借口 曾聽你 說我姊妹過分賣力
便是愛盡頭 這種愛 沒法接受

我知 沒了電 因你一向善變
明顯 我信得到愛情後便大過天
誰知你 懶去檢點
我像賣藝 賣盡我笑臉
原諒也徒然 我太犯賤
你未道別便愛多天

@痛恨你這情人非好情人
你閒來出手勾引 如今教我驚震
被你熱吻是狂賣性感
夢中情人極好品
我誤信我靠真心改變緣份
我也真太笨 (就是被狂吻) 無能為力也苦吻 (情人同樣變心)

已經 沒眼淚 戀愛非錯便對
明知 與你相戀多長命
亦未會娶 曾聽說 你那顆心愛定事業
現在有著誰其實當玩具
偶爾玩累 再遇玩具便會想追

>>March 22, 2007 at 9:31:24 PM GMT+8

2007 年 3 月 17 日 星期六 【晴】

今日帶隊去旅行.....同班長者同家屬去
行程: 迪欣湖====>尖沙咀小肥羊====>瑞士號黃金皇宮====>黃埔吉之島

由於有導遊的關係，車上大部份時間都將個咪交比佢講...唔知係咪無食早餐的關係，
起程果陣有點暈車浪的感覺.....
迪欣湖雖然係一個大自然的地方，但比我感覺係好舒服，好耐未試過咁寧靜咁輕鬆
同班阿婆同埋同事搵d靚景影相.....連d新婚的人都黎呢度影婚紗相，就知呢度確有吸引人的地方

第一次去小肥羊食任點任食點心餐，真係未試過咁好食的點心
最衰我果圍d阿婆唔點食羊，如果唔係我實嗌多d...... 正~
副主任果圍一開頭就點左十幾廿籠野........真係誇張........最後又係要我幫手包底.....
飽住肚離開....下一站.....嘔到去瑞士號黃金皇宮~

呢度真係金光閃閃....但如果你係想相的話就要比錢....
即影即有$20張，用自己相機影就$10張，但點都估唔到反應咁熱烈
個個見到d成間屋所有野都係金.....對眼真係識發光.....我地同事亦都影左張
金屋藏嬌聽就聽得多，今日真係第一次感受到.....
但我愛鑽石多過金...畢竟金給我有點庸俗的感覺.....奇怪~

黃埔吉之島...佢地真係好鐘意逛街....一去到個個走到散晒....
我地只係得五個職員，都咪話唔擔心.....到集合時間時果然唔齊人!!!
不過好彩最後都搵得番.....下次再攪的話或者需要預更多時間比佢地慢慢逛.....

回程果陣我終於要拎番支咪講野，搞gag唔搞得幾耐，所以擺晒同事上檯
所有同事都要唱歌....我亦都走唔甩喇..... 比吳姑娘order我唱"上海灘"
扮葉麗儀唱........好想死~~ 老細叫到點都要硬著頭皮頂硬上
成日氣氛都唔錯.....算係抵玩架喇......d阿婆亦都好俾面......樣樣讚好.......不過又真係幾好的~

============================================================================

18/3 (日)
今日番左聖堂，彈last兩首~ choir d 人唔知去晒邊~~~
聽到堂區報告講話要開班招募人手彈彌撒，呢個廣告都幾有新意~
其實都唔爭在招募埋choir 啦.....成日都係得cynthia同宅善兩個.......

開完例會之後一齊食飯....Betty姐都有黎.....
好像有點害羞wor....同粗魯到死的傻仔儀形成強烈對比.....haha~~~~~
今日團長送左份禮物比我...佢送的野你真係估佢唔到!!!! 不過都好多謝佢咁有心~

下午阿公阿婆響度，同二家姐四個人打左八圈，夜晚落酒樓食飯，
又碌卡了....已經響起嚴重警號~~
二家姐...唔可以話佢唔識打....但大膽講句佢並唔係打麻雀的材料
打牌並唔係咁簡單，唔係識碰識上識做牌就叫識打牌
打牌需要不斷思考同計算，呢個真係好重要!! 有時仲可能講埋心理戰，
平時同朋友玩下就唔緊要
但如果真係出去打，實輸淨條毛~~~~~~~~~
要識得從中吸取落敗經驗，總結輸錢原因，點解要咁打點解唔好打
簡單黎講，
技術、經驗同動腦筋好重要!!!!!!!!!!!!!!!!!!!!!!!!!!!!!!!!!!!!!!! 呢d真係好睇人，同埋唔急得~~!!

串d講句，我打牌好少輸錢，輸都係輸好少.......呢d係經驗之談，好難用文字講解
要想打得好就要逼自己不斷進步，不斷學習，我都唔想第時的太太會輸晒d奶粉錢的!!!!!!!!

>>March 19, 2007 at 1:17:54 PM GMT+8

2007 年 3 月 15 日 星期四 【晴】

尋日下午響大堂同全院老人家開一個家會，其中一樣係要講今次的主題:
善生善終，生命無價
事前花左一d時間去搵資料，究竟應該點樣入手呢?
死，向來係大部份老人家所忌諱，點樣帶起佢地好?
何謂善生、善終，互相有何關係，點樣說服佢地一致同意生命是無價的?
仲有好多其他要點都要準備好....
但係呢個下午.....突然唔想死背書，玩即興，相信呢個可能係我較發自內心的做法
一個小時的分享......覺得幾有意義......有好多以為係理所當然的事，真係需要我地去反思

呢個下午絕對充實~

今日我個直屬上司講我知一個消息，原來黎緊四月尾有一個星期
我有兩位"學妹" (<----呢個名都幾難聽)會黎實習，當堂嚇左一跳
副主任仲即時向我問長問短，好鬼煩~
希望呢兩個唔會係果班癲癲得得的傻婆吧

今日下午巡巡下院果陣，有個阿婆同我傾下計，唔知點解傾傾下竟然教我揀老婆!?!?!
又要睇佢行路姿勢......睇佢對腳....好多野要睇.......反而係唔駛睇籮柚.......~~
唔知班阿婆以為我幾大喇，但佢地就成日都話"鍾生你未結婚架，快d娶老婆啦"
仲心急過我~~~~~~~~~~
d同事聽到又講埋一份，張生日卡全部都係呢d字句，真係想問下佢地
幾時見到我同個女一齊!?!? 厲害厲害

>>March 15, 2007 at 10:04:06 PM GMT+8

2007 年 3 月 14 日 星期三 【晴】

近排個人無乜動力，懶左好多
番工d野又成日臨急抱佛腳
好嚴重......

好大壓力.....

>>March 14, 2007 at 9:58:52 AM GMT+8

2007 年 3 月 11 日 星期日 【晴】

天主教徒不怕世界末日，也不介意什麼時候是世界末日，因為：
*善生的人，必得善終。我們更要關心如何去活，如何去建設這個上主創造而又賜給了我們的世界。
*生得光明的人，也會死得磊落。活活潑潑的人，何必為死亡而變得憂心忡忡？
*天主教徒經常準備接受死亡。我們有「習練善終」的神修活動；我們念聖母經時，最後一句也是：「求你現在、和我們臨終時，為我們罪人祈求天主。」我們每一天都不怕迎接死亡。
*人生自古誰無死？自然的死是死，世界末日的死也是死。我們既然不怕自然的死，為什麼要怕世界未日？

>>March 11, 2007 at 12:50:29 PM GMT+8

2007 年 3 月 9 日 星期五 【晴】

頂.....今日番工唔知醒!!
遲左成十五分鐘~~~~~~ 好嚴重!

>>March 10, 2007 at 11:56:00 AM GMT+8

2007 年 3 月 2 日 星期五 【晴】

今日返九點至兩點........專登番去團拜
我今日又要舞獅喇!!! 辛苦過上次.......又要點晴.....採青....跟住逐間房舞.......
d阿婆猛咁比利是我........我邊度收得呀~~~~~~ 可能因為無熱身，一開頭舞舞下個大脾有d抽筋

跟住就影新年相....全部office同事著晒新年服飾.....拎晒d賀年道具同所有房的阿婆影
我地呢班茄喱啡非常瘋狂，好似d藝員影新年相....不停轉pose....我有一張仲好似扮女人咁款
唔錯唔錯....從未試過響佢地面前咁低能.....咁玩得.......~~ 今日.....我絕對係一場show!

餐午宴又幾好味, 但d阿婆的食相就好難頂.......... 成日丟d爛渣落出面d碟度....PK!又核突又唔衛生!
之後又例牌敬酒....仲有財神派禮物....個氣氛成日都keep得唔錯~

今日都算係我的代表作~~!! 同事們.........你們看著吧~~~ 好戲在後頭!!
我由邊度跌低......就要由邊度起番身的~
堅強............就是我的性格!

近來聽到好多關於星座的事......我自己有少少睇法
金錢 -- 我認為錢銀的野真係唔急得....所謂財不入急門.....有時越急...越易出意外~~
慢慢來.....自然有收穫~
感情 -- 簡直一言難盡~~ 不過簡單黎講....
有時你越急.....就越容易把人嚇親~
但有時你唔急....人地又唔知你諗緊乜~
最後可能得個吉~~

~~~~~~~~~~~~~~~~~~~~~ 話咁快又到三月了~~~ 就快老一歲喇 ~

>>March 2, 2007 at 4:56:59 PM GMT+8

2007 年 2 月 28 日 星期三 【晴】

非常失落....
有無人可以比我狂呻~~~~~

>>March 2, 2007 at 4:37:16 PM GMT+8

2007 年 2 月 27 日 星期二 【晴】

美國休斯頓一間學校的廚房，在天主教四旬期第一天出現「異像」，平日用來焗薄餅的不鏽鋼焗盤，被指呈現出聖母的樣子，口耳相傳下，焗盤成為幾百人朝聖膜拜對象。

「聖母」焗盤上周三午膳後被發現，不少人認為那「肯定是神蹟」。翌日清早有婦人「求見」焗盤，希望醫治其殘障兒子。亦有人來求神保祐她能進行等了8年的手術。結果上周四有逾200人朝聖，接着的周末陸續湧現朝聖人潮。該校還於上周五特別舉行一次感恩彌撒。

在學校飯堂工作的59歲羅德里格斯稱，那個平常用來焗薄餅、煎雞、曲奇給學生做午膳的焗盤，一些油膩污漬老是洗不掉：「當我第3次用水冲洗時，便細看那團污迹，發現它看來像聖母瑪利亞。」她之後請校長看看，校長也覺得似，於是普通飯堂一夜間變為聖地。一名小學生稱，當天全校都很興奮，大家皆說聖母在飯堂。這焗盤有可能歸羅氏所有。

>>February 27, 2007 at 5:16:03 PM GMT+8