2007 年 12 月 14 日 星期五 【晴】

終於完成左一首歌，呢首歌都作左有一段時間，
一直都只係等填詞，直至呢兩日終於攪掂....
實在多得傻仔儀比的靈感...哈哈，希望首歌唔會勾起你那回憶
hope you won't mind~
歌名暫叫做:"請好好對我"...
有興趣聽下我作過的歌的朋友，
歡迎你地找我喔

下個目標可能打算作番d開心d的歌...
始終我果幾首都係比較sad...
再唔係可以考慮作下類似sam hui style的歌....

十個女仔　九個認細　明明係老　佢話唔係
三張幾嘢　扎起辮仔　青春美麗　就冇失禮
十個女仔　九個浪費　時時換季　已係成例
身光頸靚　襯起好睇　錢亂咁Fing　為顧身世
十個女仔　九個實際　人人恨嫁　富裕門第
小妹選婿　要講家底　屈居妾侍　亦冇乜計

望女仔逐個睇眼厲厲（眼厲厲）
燕瘦環肥大細樣樣齊（樣樣齊）
男士實在要感激上帝（Hallelujah）
皆因女仔使你意亂情迷

十個女仔　九個話咪　明明係制　猛話唔係
想討好佢　老鼠拉龜　一味作狀　扮哂矜貴
十個女仔　九個玉砌　情懷善變　確係文藝
郁 d 都會　發起郎黎　一出眼淚　就要安慰

>>December 14, 2007 at 7:22:01 PM GMT+8

2007 年 12 月 12 日 星期三 【晴】

今朝睇報紙知道Nokia6280可以去更新懷疑有問題的電池，
放工之後即刻去旺角換....
其實舊電都發漲左幾個月有多，一直都有d擔心...部機又有點神神地
原本都打算換電話....而家都係算數~繼續用....

又再參加比賽?! not sure~

>>December 12, 2007 at 10:46:55 PM GMT+8

2007 年 12 月 11 日 星期二 【晴】

今朝要開staff meeting,九點半開到兩點!!!
主任又再次講番六號晚果活動，再次表揚我同阿ling wor....
班同事又搬番"少年賭神"個名出黎 ~_~, 話以後我實搵唔到食，因為無人肯同我打牌....
開完會之前有樣野大家講左成廿分鐘，就係
同事之間應該互相尊重同信任的問題......
聽到呢度我地幾個同事真係心照喇
呢d野....咪得個講字...講實可以講得好好聽...

各位唔好意思，本人基本上由今日起至二月頭都係會極度忙碌，
出街食飯的野唔係話無興趣，但真係要時間就到先得~

>>December 11, 2007 at 10:25:42 PM GMT+8

2007 年 12 月 8 日 星期六 【晴】

今日食左兩件tiramisu...其中一件係帶班阿婆出去活動果陣個同事
突然買番黎，都真係幾surprise....
講番今日個活動，其實係社署攪的"開心嘉年華"...可能座位的問題啦，
我真係唔係點睇得投入...班阿婆更加唔駛講，訓著咁滯....=.=
知道左遲下人事會有變動，老實講真係唔捨得，同佢算係比較好傾，
不過都會替佢開心的...呢個圈好細...希望將來再有機會同你共事。

>>December 9, 2007 at 8:24:09 AM GMT+8

2007 年 12 月 7 日 星期五 【晴】

今日又比個好耐無見的o靚仔逼我請野食....
都唔知係邊個做壞晒個規矩...

>>December 8, 2007 at 7:42:24 AM GMT+8

2007 年 12 月 6 日 星期四 【晴】

尋日主任比的禮物果然旺! 期待已久的東華沙田區麻雀王大賽!!
終於不負眾望，贏得冠軍喇!!!!!
繼上次響中秋午宴反串扮演包租婆被譽為一戰成名之後，
今日再被所有同事封為..."少年賭神"~~

講番場比賽，初賽真係好激烈，共四檯...每檯贏最多籌碼果個出線
好幸運地食左不少糊....話時話，初賽比決賽壓力係更大~~
因為我目標真係想入到決賽，去到決賽其實都叫贏左啦，
佢臨時改賽制，原本一鋪定輸贏，但咁樣實在太講運氣喇
所以大會臨時改為打四鋪~~ 第一鋪A先生打比B小姐食四番，
第二同第三鋪都打和，最後一鋪竟然全場人上晒台圍觀我地，
班同事個個同我打氣，果然有好結果!!
憑一鋪清一色筒子擊敗三位對手!!
好老實講，呢鋪我真係靠心理、技術而贏架!!好滿意!!

Karaoke 果度吳姑娘拎得冠軍，多得我地成班同事上台為佢伴舞咋!
我同娥姐仲跳到打情罵俏!! 笑死左Ryan~
抽獎我地又有四個同事抽到，我地真係好幸運!
兩個比賽都係我地羅文壎贏晒!!勁!

贏左一張獎狀，同埋$300現金!! 咁耐無拎過獎狀，實在估唔到會係麻雀王冠軍獎狀吧...

今晚最興奮、最有面子果個...實在非主任莫屬....

>>December 6, 2007 at 11:34:47 PM GMT+8

2007 年 12 月 5 日 星期三 【晴】

今日好鬼死忙，我只係放左一日半假，一番到去已經見到成張檯又再次
比人整到好似檯布咁，貼滿晒d memo紙...咁多野要我跟..真係悲衰~

主任叫我入房以為有咩緊要野，原來佢話私人醒五張麥記禮券比我獎勵我報名
參加聽晚個麻雀比賽....真係so funny~ 比五十蚊現金好過啦!! 而家咁攪法我聽日又會增添
左少少壓力...盡力而為啦，可能初賽已經出局....睇運喇~

阿蘇婆婆又再次話好鐘意我...好想我同佢孫女個女一齊....18歲wor.....~~
佢笑淫淫咁講先至最羅我命...笑死左~ 你好鐘意我有鬼用咩~~~真係吹鬼漲~

>>December 5, 2007 at 9:25:53 PM GMT+8

2007 年 12 月 2 日 星期日 【晴】

1/12 (Sat)
朝早同儀響地鐵站交收一d野...想傾多陣佢就好似趕住要投胎咁....

今日係聖堂26週年，陳日君今年終於無甩底了...
應承左要同teresa做司儀，
所以過去一個星期不斷好忙咁update禮物的list、諗程序、
甚至搵嘉賓表演都要做埋...累...
呢種累，終於可以響今晚一次過釋放晒出黎!
事前無點同teresa夾咁滯，大家響台上真係執生，
諗到咩就講咩...

我曾講過假如某人抽到獎上台的話，我會串下佢...
但我最後都係無咁做....算了.....

我做醜人並唔緊要的，
因為我只想娛樂大家，其他人點睇我呢刻我已不覺重要
最重要係我做得問心無愧....

完左之後好似有不少讚美的說話，
老實講我反而喜歡聽批評的聲音...
至少讚美..也會有機會是假的...
批評...有機會令你深思反省...

今晚係第一次做呢個主保的司儀
如無意外可能亦是最後一次..
實在太多野攪太辛苦了...整晚個胃其實不斷抽搐著...只係死頂
一早就預左無乜人幫...
但響度真係要非常感激嘉雯、瑩瑩、嘉華、怡仔...你地自願的付出及幫忙
當然唔少得的係我老豆!!!
只有佢...先至會明白我的情況...
或者teresa都會明少少的....

最後當然係要多謝我今晚的partner la!

>>December 2, 2007 at 8:11:44 PM GMT+8

2007 年 11 月 29 日 星期四 【晴】

28/11 (四)
呢日放左工又要即刻去將軍澳幫手!
比班小朋友屈左我兩包薯片...=.=
老實講，其實佢地真係幾頑皮....有時都唔係咁鐘意佢地...
特別係姓胡果個，年紀細細把口已經咁衰格...

29/11(五)
今日下午去左partner屋企傾野，
不過總結都只係傾左好少部份....
當中起碼有一個鐘意大家係響度hea...或者同auntie傾計...
有幸試左auntie整的"薯餅"...
其實你真係好幸福...有這樣的家人、這麼融洽...真的要好好珍惜呀
咁耐無見...原來佢阿媽講野係咁頂癮的...!仲經常同我聯口鬧佢! haha

日子臨近...死到臨頭了...

>>November 29, 2007 at 11:22:31 PM GMT+8

2007 年 11 月 27 日 星期二 【晴】

今日elsie姐繼續請病假，
我就繼續做到隻狗咁款....

未出發先興奮

黎緊十二月六號東華沙田區有個聯誼聚餐活動
一早已經報左名交埋錢參加!暫時好似得十幾個同事報左名...
但主任仲好似嫌少人...正常的...
做老細的梗係想多d下屬參加撐場先有面子...

到時會有麻雀大賽同卡拉OK比賽...
每項比賽每個單位只限兩人參加....
今日阿ling即刻幫我填左參加麻雀...今次真係肩負重任
(佢仲想叫埋我參加卡啦OK自彈自唱...=.=留番個位比其他同事吧)

不過對個賽制有點唔明白...
三番起糊打十番、全統、唔打花、但係....打幾大?!!有否門前清?
難道一檯打二五雞、一檯打五一?
到時真係要睇下大會點安排

兩個比賽的冠軍禮物: $300現金
亞軍:$200,季軍:$100,殿軍:$50....(真係so funny,贏番餐聚餐錢?!)

今次同師傳真係為院舍而戰，希望可以入到決賽啦...haha

睇戲就睇得多...估唔到我竟然有機會參加呢類比賽
挑戰雀神寶座......!!!!!

>>November 27, 2007 at 10:31:12 PM GMT+8