2006 年 12 月 12 日 星期二 【晴】

呢度的人事關係好複雜，好麻煩...........`!
同事間有好多問題
好多晦氣.......
好多小圈子........
好多人無時無刻吼實你有無犯錯........
其實如果經常抱住一個防備別人的心態，係好辛苦好累的......
不過今日發生咁多野令我覺得.......
只要你係問心無愧........就可以了~

公道自在人心，你真心對人好的話，人地終會感受到的。
我一向都係以心待人，
我唔希望人地得罪我，所以我亦都唔會突然得罪人，
如非必要，我盡量都唔會行最麻煩果步，
最好就和平解決，大事化小，小事化無就最好，

可能因為咁，副主任經常都同我傾計
好感激有一班同事對我的信任同支持.....
至於個別同事，我就會抱住一個問心無愧的態度.......

>>December 12, 2006 at 11:07:02 PM GMT+8

2006 年 12 月 10 日 星期日 【晴】

頹廢中.....
檢討中.....

今日同priscilla margaret 食左飯番屋企訓覺，一撻落床就訓著
實在太累

今晚老豆打黎叫我地去好彩同frd食飯，個個都懶得行，
阿媽竟然話食公仔麵...........真係打個突
心情麻麻的我食咩都係咁，是但
橫掂都好耐未食過，同家人當晚餐食更加無試過.......

這樣的感覺實在不好受
無助
甚麼驚喜我已不大期望
無奈

天氣開始轉涼，各位小心身體咪鬼冷親，皆因聖誕就快到
唔好再著短袖衫la~!

今晚明珠台播harry potter....
每次聽到呢個名都勾起我一些幾年前的回憶
對我黎講果次確實比到我一個好大的support

今晚要訓過夠本，希望訓到......

>>December 10, 2006 at 10:52:47 PM GMT+8

2006 年 12 月 8 日 星期五 【晴】

唉.....
點算好.....

而家的心情就好似等候法官宣判一樣.......
你初步的判詞非常玄妙.......
押後宣判只會令我更不安.....
當然.....呢場官司可以的話我梗係想贏...
畢竟個上訴期我已經等左太耐
上訴的日子並唔易過......因為你永遠唔會有十成把握
只好抱住個小小的希望

期望上訴得直........~

>>December 8, 2006 at 4:17:09 PM GMT+8

2006 年 12 月 7 日 星期四 【晴】

究竟有無人話到比我聽，我咁做係對定錯....
我掙扎左咁耐，亦好難得鼓起勇氣去做，但到呢刻為止
我已經無野可以再做，或者我都唔知我可以再做d咩

抱住一個小小的希望，但呢個希望太重了，抱左幾年時間,好累
每次想同自已講 "算啦，都係唔好再理咁多"，其實根本就無用
根本就唔捨得....

有d野可能係自己一廂情願，其實都唔出奇，呢d野我從來無同人講過
所有野都係自己一個面對 ~ 試過失望,心痛,每次見到一d野,又或者聽到一d事實
都想令我放手果陣，個心真係好酸，手係放開左，但心依然響度，
簡單黎講即係得個表面~

咁耐以黎自己都唔識得行，無郁過，直至呢幾日，終於好辛苦咁行左我咁多年黎
的一大步，而呢步亦積壓左我咁耐以黎所有的勇氣,期盼....
呢一步的確唔易行，因為呢步隨時可能係錯的，不過點都好
已經行左出去，就要承擔所有風險........

>>December 7, 2006 at 10:02:01 PM GMT+8

2006 年 12 月 6 日 星期三 【晴】

有時真係好無奈.......
有d野對住屋企人，並唔能夠好自然咁講出黎，反而同一d朋友甚至唔太熟的人講
會肯講，會無壓力無後顧.....
阿媽，我知你係關心我緊張我，但你都見我唔想講，你又何必逼我呢
但同時我都明白, 你可能覺得身為父母子女竟然唔肯同自己作出分享........
但我有d野真係想有番d私穩，我講得出話攪得掂就無問題的，你真係唔駛擔心

近排有好多野煩

>>December 6, 2006 at 12:03:11 PM GMT+8

2006 年 12 月 5 日 星期二 【晴】

2/12 (六)
今日係聖堂25週年銀禧主保，陳日君甩底，由湯漢補上....
佢擺明無乜點做功課，淨係我地個名"聖方濟沙勿略"都成日讀左聖方濟各.......錯鬼晒
夜晚又係好彩，餐卷又係每張一伯八十蚊，內容又係指定動作.......有點厭
有機會的話我一定黎個大革新，試d新野嘛.....成日黎黎去去都係功夫+小朋友......
今晚雖然抽唔到獎，但唔緊要呀，醉翁之意不在獎，只係想同班frd癲下，同張修士鬥咀
同埋同班小學老師吹水，我推左唔做MC也是為此.....
好難得見到王蘭嵐老師，因為佢係第一次黎
阿媽加埋我地三個人響度傾左陣，一講番以前的事，感覺就好似發生無幾耐咁，因為實在
太深刻，好大感觸，佢無論對我響學業上，運動上甚至私人事上都比左好多影響性的意見
佢話教埋今年就退休喇...時間真係過得好快

今晚亦都係慶祝兩老珍珠婚的日子，老豆果邊的親戚幾乎黎晒，自己人坐一圍，
送禮物，拍video，食蛋糕，老實講句，有幾何見到佢地笑得咁開心
呢d都係一班親戚的功勞........
<<越黎越鐘意張修士...>>

4/12(一)
今日放1:00pm，hea一陣就要番以前間補習社幫人補習，因為傻儀偷懶.....
今日都算好彩，得果六個小朋友，但時間仍然有點緊逼，全日主要都係負責跟
紀柔同穎心的英文考試，其實本身都幾like佢地，最鐘意就係d小朋友裝可愛同埋笑
同佢地玩，哄佢地開心，但同時又要佢地聽我話，繼續溫好書，其實係有d難度......

今晚正想訓覺果陣，接到個電話，係"嬸嬸摸手"打黎，同佢鬥拋，我都未應承佢
佢就同我講搭緊車黎........好高效率，希望其他事你都係咁有效率就好......咁我可以點?!
唔通叫佢扯咩，真係捉晒蟲...... 不過最重要都係因為聽日放假先至陪佢癲下
呢個捉蟲之旅就係同佢去飲啤酒，吹水同埋搞屎棍....經常做埋d要比$1,500的行為...=.=
不過雖然係捉蟲，但都係自願 ,都係開心的......
===========================================

同佢一齊感覺都幾特別，可能係以前的影響吧
有時都知自己可能諗多左，因為我實在唔想累人，有d野，一諗就煩，但唔諗又唔代表自己
唔想理，因為一切都唔係霎時的感覺，根本一直以黎都響度，係我自己唔去理，唔肯去面對
或者係我唔識去處理，又或者係無勇氣....
又或者自己已經估到人地咩諗法，咁做咩都只係徒然~

*閉起雙眼我最掛念誰 眼睛張開身邊竟是誰...
擁不擁有也會記住誰 快不快樂有天總過去 ...
愛若為了永不失去 誰勉強娛樂過誰 .....
愛若難以放進手裡 何不將這雙手放進心裡 ...

...最美麗長髮未留在我手 我也開心飲過酒 ...*

我要同自己講聲對唔住，因為我做人有好多時候做咩都好實在太矛盾...

>>December 5, 2006 at 9:50:56 PM GMT+8

2006 年 12 月 1 日 星期五 【晴】

番工很疲累.............
開會好想睡.............
黎緊有好多project要負責,迎新日...房會....義工小組....閒情小組....大型旅行....出院訊.....
仲有好多其他小型的工作...........
有時真係覺得好吃力，甚至曾經洩氣....有人覺得好似好輕鬆好得閒...成日都見我online...
當我洩氣時, 我同自己講一定要頂住, 要證明比人睇我的工作能力;(即使我無打算做得長..)
當你地見到我online, 這正是我想尋找support的時候........ 有時會打比人傾下電話, or send sms...
呢個先係我最放鬆, 最無壓力的時間.... 但這個時間不能太長, 因為其他活動也逼近眉捷...

要負責的24週年院慶剛剛完成，見到所有人的反應都幾好，主任都讚好
令到我的信心又多左d，但一想起手上仲有咁多野要follow, 意志又馬上大打折扣....
不過慶幸自己仲好清醒，識得抖完之後馬上企番起身繼續做，我唔會咁易放棄的....

上主,當我感到沮喪,無助的時候, 求你扶持我;
當我開始鬆懈,認為完美的時候, 請你提示我, 免得我只沉迷剎那的滿足感....

>>December 1, 2006 at 4:16:17 PM GMT+8

2006 年 11 月 21 日 星期二 【晴】

上個星期要幫東華義賣，去過樓下美林村擺檔，仲有沙田火車站，紅磡火車站等等.....
星期六我地開放日又要負責長者手工藝義賣個攤檔，覺得自己都好投入呀，
真係成個小販咁，雖然明知籌到幾多錢都唔關我事，但整個過程同埋成個活動都係
我好自然好relax的時段，可以豁出去咁玩，仲可以不停撩女仔幫襯，哈，爽.....!

決定左幫人彈琴，不過呢個決定絕對唔係俾面你!! 只係見其他人都有心無力兼且
見你真係好似好似好可憐咁先至同老細講調動d時間，但我真係最唔鐘意人地黑我面
我一早都同你講過我唔一定得閒，叫定你搵其他人，已經解釋過，
比晒心理準備你，係你自己唔去接受，唔去體諒.........我幫到的就會幫，
但你都唔好做到好似理所當然咁，你個態度我真係好唔like......

你實實在在欠我一個人情兼道歉.......

不過......身為一個教徒應該學懂寬恕人，希望你唔好再有下次....
要人遷就你信服你，必定要有道理.......請你自律~

>>November 21, 2006 at 10:11:22 AM GMT+8

2006 年 11 月 12 日 星期日 【晴】

今日放朝早十點鐘，個打咭鐘一到"10:00"我就即刻打咭走人
用左大約35 mins 的時間番到聖堂，彈左最後一首歌-- 禮成詠
呢部琴可以講係陪住我一齊成長，我響佢身上得到靈感，作左幾首歌
佢亦都幫過我響呢咁多年黎去慢慢改善彈琴技巧，將每一首歌演繹更好
我開心時有心情的時候都會搵佢，有時一彈就唔停得手
唔開心時亦有搵過佢發洩，好粗魯咁對佢
其實琴都有壽命的，唔知幾時壞，d音幾時變.....
彈琴同揸車一樣，永無止竟，無話永遠學完的，
總是需要求進步，求突破，要靈活變通~ 呢個都係我鐘意音樂同玩車的原因 ~

依家聖母軍有個新神師，叫張修士... 我第二次同佢開會，已經同佢打成一片 ~
佢比我感覺係一個好聰明，好開朗，玩得的人，今日我地開完會同埋佢
去踎大排檔，不斷講笑，一d架子都無，但咁唔代表佢無認真的一面......其實都幾似我.....
今日請佢食晏，印象中係第一次請神師食飯，真係巴閉

我依家已經當佢係朋友咁對待，即係點? 邊個係我的朋友就體會得到....
佢今日仲打左我幾野，我亦都還番一下比佢，玩得好癲
不過可惜啦，唔能夠每個星期同呢位印度朋友見面......

黎緊一個星期將會忙到爆炸，又歡樂滿東華義賣，又要攪院慶..又要攪迎新日...又要...
總之實煩到嘔

>>November 12, 2006 at 6:55:46 PM GMT+8

2006 年 11 月 7 日 星期二 【晴】

敬啟者，您好：

去年我把「男友5.0版」升級到「老公1.0版」之後，發現系統的整體效能變差了，尤其是「送花」及「珠寶」功能，這兩個功能本來在「男友5.0」一點問題都沒有。
除此之外，「老公1.0」也把原來好用的軟體殺掉了，例「羅漫蒂克9.5」及「關懷6.5」，取而代之的是「世界杯足球賽5.0」、「世界杯籃球賽3.0」和「高爾夫俱樂部4.1」。
「談心8.0」也無法執行，還有，每當我要執行「打掃屋子2.6」，整個系統就當機，我試著用「嘮叨5.3」，但都沒辦法解決。
請問我該怎麼辦？

心急人

---------------------------------------------------------------------------------------------------------------------------------------
親愛的「心急人」

首先要提醒您的是，「男友5.0」是娛樂軟體套件，而「老公1.0」是作業系統。
您可以在流覽器上方的網址列輸入：http:我以為你愛我.htm，試著下載「流淚6.2」，也別忘了下載「罪惡感3.0」的更新檔案。如果上述軟體可以執行的話，那麼「老公1.0」應該就會自動執行「珠寶2.0」和「送花3.5」了。
但要注意的是，過度使用上述功能，會造成「老公1.0」自動執行「發脾氣2.5」、「流連酒吧7.0」和「啤酒6.1」。「啤酒6.1」是個很不好用的軟體，它會自動上網去下載一個叫做「鼾聲如雷」的測試版。
還有，無論如何，千萬別安裝「婆婆1.0」（它是一種病毒，發作時會佔用妳的作業系統全部資源）
另外，不要嘗試重新安裝「男友5.0」，我們並不支援這套軟體，同時它和「老公1.0」不相容，會造成不可預期的錯誤訊息。
總結來說，「老公1.0」是個非常棒的軟體，但受到記憶體的限制，它無法在短時內學習新的功能。您或許可以考慮購買另外一套外掛程式，以增加記憶體和增進系統效能。我們建議「美食3.0」或「性感內衣7.7」

祝好運
技術支援中心

>>November 7, 2006 at 7:42:05 PM GMT+8