2007 年 8 月 5 日 星期日 【晴】

今朝放工番聖堂，大家一齊傾左一個關於呢個支團的前景，各自發表意見想唔想繼續
響年幾兩年前都已經同傻仔儀傾過呢個問題，因為大家都知呢個係遲早要面對的問題
其實我可以肯定無論表態的你地係想繼續定唔想，大家都一定唔捨得
我相信"探訪者"呢個角色會更適合我，我唔係一個好的聖母軍
唔想再掛住呢個名響身...實在太慚愧
咁究竟依家，是否正式解散呢?
我相信，呢刻最難受的不是我們，而係團長~
我知佢一直比緊機會我地，甚至曾經響我地身上寄以盼望，對唔住~

下午成班人終於輕鬆落黎，一齊搞爛gag低能野，笑到仆街，笑到好累好眼訓
傾澳門的野總算有左一d的計劃..... 但共花左三粒鐘=.=
成個下午咬住曉晴同佢阿媽唔放，一個字: 爽!!
番到屋企又要電話搖控教個二年班的靚仔用電腦用email同下載歌....
講左成幾十分鐘，脾氣一度暴躁.....

曼聯憑互射十二碼搞掂車仔，可惜....非常唔關我事...
如果有冠軍買我都可能會買下，最衰無....

>>August 6, 2007 at 11:54:06 AM GMT+8

2007 年 8 月 4 日 星期六 【晴】

無了....我的貞操沒有了.......
今晚比何連徹底的侵犯我的屁股.....
以為佢只係鐘意摔我隻手取暖...點知當我背住佢的時候...
佢連我的背脊 + 屁股 都唔x放過，non-stop咁又掃又(ja)
這種取暖的舉止真是有點被人性騷擾的感覺

一個血氣方剛的小男孩被九十幾歲的婆婆摧毀的故事，已不幸地發生在我身上

今晚番夜班個同事竟然用一個大壽包+鮑魚賄賂我!!!!
當然我也成全人地一番好意，等所有同事放晒工之後
我地就正式開餐!!!

>>August 4, 2007 at 10:28:26 PM GMT+8

2007 年 8 月 3 日 星期五 【晴】

原本約左同doris佢地食飯，點知又唔舒服去唔成
下星期再約過你~!

今日身體唔好、唔舒服，在家睇左兩集惡少
心情更加唔好、唔好惹我

屋企人係咁、friend又係咁，
容忍可是有限度
最好就希望我訓醒淡忘晒，
係淡....而不是完全忘記

今日諸事不順....
請你地唔好當我白痴~

>>August 3, 2007 at 10:39:45 PM GMT+8

2007 年 7 月 31 日 星期二 【晴】

今日放假，下午終於約到恆少見個面，地點一改再改
最後都係去左東港城....一齊講下d回憶....
但我認為全日最重要係我地有一個重大的計劃---> 365
東山再起呢個詞形容得幾好...我相信無野係無可能，只要吸取教訓，一定可以成真

買左支染髮劑...好求其咁染幾下...費事染得太勁...是Q但

晚上約左廖元聰二號食飯......大家樂食鐵板餐，飽到反胃，臨尾果甜品香蕉船
我未食都話一定會好有助排便....結果回程果時真係急屎....頂
反轉惠康...爛gag同低能動作充斥惠康....做到自己都覺得有點白痴，不過又真係幾開心
反轉無人的廣場.....最憎夜晚晚見到d假人，太多幻想

唔知今晚幫唔幫到你，只希望你能"應承"我那兩件事，我就功成身退了
MMGF...你似乎真係要開始了

>>August 1, 2007 at 11:08:48 AM GMT+8

2007 年 7 月 30 日 星期一 【晴】

今朝放工去左坪天搵班frd,順便探下班小朋友...估唔到有d成兩年無教過都仲認得我
有d仲識得叫我鍾sir, 當中的滿足感唔係有好多人能夠明白

同阿sa兩姐妹同埋威伯食晏....食到比人綁手綁腳.....$*#@^*$@!
阿sa而家富貴喇....似乎已經唔識人....真係越黎越覺得高攀唔起....
點都好...因為佢的富貴...今日先有免費午餐...thanks

今日....終於更加肯定邊個係"小泉故事"的搞手....雖然我一早已知...
我份人就係咁，有d野證實左係會安樂好多...好鐘意求個肯定的答案...
但有d野別人永遠都唔會比個答案你...會裝若無其事...你只會繼續不明不白下去...

>>July 31, 2007 at 6:42:46 PM GMT+8

2007 年 7 月 29 日 星期日 【晴】

28/7 (Sat)
呢日係睇波日，成日響度睇波....
但無斬獲.....

29/7 (Sun)
今朝番到黎就知道有個阿婆唔響度，幾突然，個女上黎辦埋d手續
全程喊到...連我地d職員都唔敢埋身咁滯...好彩走果時都好好多...
今晚訓覺即刻發左個夢...響夢裡面我老母患左重病...
原來在夢中我是可以為她做很多很多
與現實中的我顯然是兩個人.......

今日成日都響度講緊加人工....關我鬼事
我一睇到份通告就知與我無關，求其簽個名就算
不過班工友終於可以做萬元戶，個個心情都唔錯....

惟獨是我....你說得對....我今日真係有d野....被好多野影響
是日子嗎? 當我想起那天，其實依然有種好唔知點好混亂好不安的感覺
一個月了...應該是我問題吧
只好順其自然...."自然"其實咪又夾雜住一d人為的因素吧...
好難明吧? nevermind...呢刻我自己明白就可以

>>July 30, 2007 at 7:21:45 AM GMT+8

2007 年 7 月 27 日 星期五 【晴】

今日睇左三集<換換愛>，睇到對眼唔識眨......
好憎嘉輝同寶山.....好想扁他.....

男人永遠只會知女人條底褲係邊,
就永遠唔會知女人條底線係邊......同意嗎?

今日又比doris追問我"女友".....收音機的威力真係不能看小......=.=
=======================================
想你有時會缺氧
嘴角不自覺上揚
這是不是幸福的現象
胸口微微的發燙

想你有時會缺氧
臉紅呼吸不正常
這是不是幸福的症狀
不知不覺又缺氧

>>July 27, 2007 at 10:17:11 PM GMT+8

2007 年 7 月 25 日 星期三 【晴】

今日食晏果陣吳姑娘問我尋晚有無去睇波.....真係玩野
明知我尋日on-call架啦...定係想試我呢?
不停響度讚狗強的入球勁....我是否miss左呢場"好波"?

今日放三點....去左飯堂做廚師的助教..."特色小食製作班"~
客串而已...當然....有我做旁述...一定生動不少~ 笑死班阿姐~

呢個星期間中換換愛，一向好少睇外地劇，日、韓、台劇都好少，
但今次受到賤Man的影響及威逼...作出了嘗試
發覺又真係幾搞野...每個角色都有笑位...所以都可以吸引我繼續睇落去

頂佢個肺...聽日又要我番工....d阿婆已經成日講: 乜又係你牙鍾生....

最近個鼻有粒細小的暗瘡....莫非有人喜歡我?(真的不要臉)
應該是何連吧!! 呢期佢好鐘意叫我埋去比佢捽.....係比佢捽我對手...話好舒服wor~
其實...我都覺得好舒服..XD

想念被吹耳仔的日子..

>>July 25, 2007 at 8:21:05 PM GMT+8

2007 年 7 月 24 日 星期二 【晴】

終於寫到日記了....

今日心情好煩燥...可能比環境影響.....總之好x燥底
過去一星期發生的事不少，但依家無咩動力去寫，怪就怪呢個垃圾日記個server成日down

恆少終於番左黎...佢每次番黎都好似帶到好運比我...希望今次也不例外!

各位..高消費的娛樂或活動請留待八月....雖則我八月的財政預算都好嚴重
但現在個銀包真係十分荒蕪、寸草不生....還望各位見諒
=================================================
永遠都充滿期待....卻又害怕會有意外.....
條路係我自己揀....我唔可以三分鐘熱度...

>>July 24, 2007 at 10:15:33 PM GMT+8

2007 年 7 月 18 日 星期三 【晴】

===============================
今朝開會不停放蚊，好失禮.....
放工之後約左mandy去九龍灣食野，請佢食個tea當係預祝佢合格啦，
畢竟我都知佢都有付出過唔少的...
又去大家樂，又係凍檸茶...有相當大的陰影...
好喜歡串咀的感覺....
何解佢今日的打扮咁北妹.....

走果陣不停流鼻水打乞嗤，番到屋企越黎越嚴重，睇黎佢唔可以再係咁的打扮....
我發覺原來痾屎都可以減肥~
我從未試過痾到成身汗~ 我已經除晒衫得番條孖仔，可能我放聲高歌的效果
加上個廁所成個桑拿浴室咁....汗水之多足以泡成幾枝益力多....
今晚....病倒了~
==============================================
我會等...我想等.....但唔想坐以待弊...可以嗎

>>July 19, 2007 at 10:42:38 AM GMT+8