2007 年 4 月 13 日 星期五 【晴】

今日係黑色星期五
我永遠都唔會忘記那年那日發生的事...

早幾日感謝潮哥打黎叫醒我起身支持曼聯，最後果然不負厚望
大炒羅馬七個一皮 !! 但都係果句，賽果並不反映甚麼，只是曼聯將機會把握得較好吧...

過去幾日令我充滿著很多疑惑，
這大概是沒有溝通的日子
為甚麼會這樣

>>April 13, 2007 at 11:34:47 PM GMT+8

2007 年 4 月 10 日 星期二 【晴】

今晚要與曼聯共存亡 !!!
印象中係超耐無睇過半夜d波，但今晚好想起身支持我隊愛隊曼聯
一定要贏波先可以晉級 ~~!!
已經叫左潮哥打黎嗌醒我，希望知醒吧 ~

今日又去左補習社度幫手，由於放假關係，只有四個有黎到，但恰巧都係我的愛將 !!
羅紀柔仲抽我水 ....... 真係比佢的行為嚇親.=.=,
老實講，咁做最蝕底果個真係我...始終比人知道就超級大大鑊.....

原本打算尋日、今日去睇戲，但都係無睇到
maybe過兩日先 ....
星期日果晚返工掛住傾電話攪到一粒飯都未食，d阿姐同阿婆見到個個都好奇怪
因為平時我都一定好快食完又繼續做野的...
無計啦，果日同"老細"傾電話wor, 咩都傾一餐笑一餐低能一餐，
有乜辦法唔耐 ?!不過諗番都幾好笑......
但個下場係.....比個阿姐怨我攪到佢要等我.....(因為要洗碗....) 真係抱歉

學阿曾特首話齋 :
** 我會做好呢份"工" !!!!!!!** 試用期!??! 一定要過啦 .... haha
將會準備連串攻勢策略......爭取留任 !!

>>April 10, 2007 at 8:17:34 PM GMT+8

2007 年 4 月 9 日 星期一 【晴】

很想要求　你會三更半夜陪著我
然而我怕　我的聲音你已聽得太多
怎麼可能要你每次開心快樂全為我
還怪你　你跟知己也見得比我多

期待你的花會開
其實自己也都討厭期待
恐怕正式真實戀愛
痛恨明日也許分開
這麼不知所謂怎麼愛

＊為何還沒有初吻　便要怕失戀
　約會未完便掛念
　傻得我晚上過份期求明天
　以為你會在眼前

　為何還沒有吵架　便怕（要）與你開戰
　每日面臨你考驗
　頭一次顧慮我沒動人條件
　懷疑全是我問題　沒發現
（還擔心我沒氣力去到終點
　還聽講過份瞭解　沒發展）＊

＃明知單戀驚險　但我還未脫險
　如果初戀膚淺　怎麼我會興奮狂熱
　但卻又甚麼都怯（甚麼都想甚麼都怯）＃

天天失眠　我怕消失氣力纏著你
然而據說　愛得精彩別要貪生怕死
怎麼可能愛你愛到將我自己捐給你
還怕你　會將感激變成對不起

=========================
呢首歌幾好聽，亦都很同意歌詞內容~

有d野我係咪應該扮唔知會比較好?

>>April 9, 2007 at 9:41:11 PM GMT+8

2007 年 4 月 8 日 星期日 【晴】

<聖週五>
守齋的日子，下午去左聖愛德華拜苦路....
成日只係食左d麵包、夜晚食雞蛋、豆腐、番茄.....係咁上下啦~

<聖週六>
今日對耶穌同我黎講都係一個大日子，耶穌死而復活
我就正式番另一份"工"...... haha 希望可以做得開開心心、長長久久啦

今日要番工，無番幾日工一番到去見到有咁多野要做，即刻無晒心機
加上尋晚訓得果四粒鐘，勁無精神............
不過今日心情都好靚........經常都同d阿婆吹水同埋哄佢地，但工作還是攤晒響度，點算好?!

>>April 8, 2007 at 10:36:56 PM GMT+8

2007 年 4 月 5 日 星期四 【晴】

<聖週四>

朝早狂響度sms........之後飲茶.....
下午駕車同家人去伊利沙伯探阿婆，做完手術精神難免差d，
相信佢唯一好好休息的方法就係唔好番屋企住，因為實比個仔同個孫激死....

駕車去到hollywood,落車比老豆揸走，一枝公響度逛左陣，為免陣間無得食，
所以我決定拎定位入去坐住等......(元綠壽司)
係咁等，不停咁等.......終於等到大小姐來臨 ~~ "都唔係遲好多姐..." 講得真動聽
曾幾何時聽過有人講:"男人等女人天公地道"......
呢句不負責任的說話肯定唔知邊個世紀的邊位婆娘人家講出黎，簡直教壞後世 ~~ haha

好耐無食過日本野，曾有衝動叫到成檯都係，不過都預左實係我臨尾做焚化爐.....
我從未見過有人食蟹子壽司食到好似痾屎咁，d蟹子一patpat咁跌落黎...佩服佩服...
其實莎姐你究竟做左d甚麼唔講得的壞事!?!??!!? 神神秘秘....衰過放屁....

難得莎姐請食貴野雪糕，呢d可遇不可求的事當然唔駛同佢客氣，一於食佢~
但有誰會將個雪糕球當係波咁玩，莎姐是也~~ 變態過程不在此描述 ~

八點半去到聖堂，特別的係難得有兩位神父一齊共祭，
至於洗腳環節亦都歷史性地認真，又捽又錫你的腳趾(差不多吧)
好彩無比佢洗，如果唔係我實痺到十隻腳趾係咁郁呀郁....<---八爪 魚?!

>>April 6, 2007 at 6:31:51 PM GMT+8

2007 年 4 月 4 日 星期三 【晴】

今晚聖堂有清明節彌撒，比我估中實好少人
以為八點鐘開始，去到只係見到兩三個人，嚇左一跳，結果幫手排櫈..好累 ~

八點半至九點半完，之後兩老話去好彩食飯，我真係唔係咁想去，
唔喜歡咁夜都要響酒樓坐咁耐.... 無計少數服從多數... 經過麥當勞我都有衝動
不如是但食麥記算 ~~~~

真係唔係咁妥呢度的工作環境同埋個氣氛
好難頂...真係....
愛上公司、肯定白痴 ~~
愛上老細、九成乞米 ~~!!

>>April 5, 2007 at 12:03:26 PM GMT+8

2007 年 4 月 3 日 星期二 【晴】

唔知大家對"上契"有咩睇法，我就真係好頭痛，因為竟然有個阿婆同我講想契我做契仔!!

呢位性格幾難頂的阿嬤，有晚走埋黎話有事想同我傾，最初以為又係d同房相處的問題
點知佢笑住咁話 : 開心事黎的.......(其實佢咁講我仲驚)
阿嬤 :
"鍾生，真係巧合，我已經連續兩晚發夢你係我契仔，
大家仲好開心添...(我聽到咁以經流晒白汗)
我好後生結左婚但無仔女，而家有個契女同契孫，就係無契仔 (你無病呀嘛....)""
跟住佢就狂講自己的背景 !!!!!!!!!!!!!!!!!!! 由十幾歲講到而家咁滯 ~~~~~~~
接著就狂問我d野，又問我住邊度，遠唔遠，份工會唔會做得長，層樓係租定買....
總之就好多野，當然我亦輕輕蠻敷𧗠的帶過便算........
但是她那死纏不休的笑容簡直令我想死掉 !!!!!!!!!!!
"我揀契仔唔係隨便揀架 !!! 又要高大，但又唔好太高，總之好似你咁就剛剛好，你幾好彩架"
(大佬呀，我揀契媽也不是隨便揀的!!! 我覺得我一d都唔好彩呢)

佢越講得興奮，我越聽得心寒 ~~~
最後我扮晒好累好眼訓咁的樣，佢終於收聲，到依家亦再無提及此事 ~~

最"才羅"你命就係佢臨走前仲要整個回哞一笑的樣子講:
"Good 奶 ~~"(個"nine"字鼻音仲好鬼重)
"咩話!?!?!"
"Good 奶呀~~!!"
(diu....Good night呀嘛.....真係吹漲) 其他人實在難以想像那時的情景! horrible~~

>>April 3, 2007 at 10:25:44 PM GMT+8

2007 年 4 月 1 日 星期日 【晴】

今朝番到聖堂果時唱緊"信德的奧蹟"....彈左臨尾果三首歌
西雍讚揚救主 -- 係我其中一首favourite song
不知不覺四旬期已到尾聲...有點慚愧~
黎緊星期三四五六的mass 如無意外都會出席的...
聖週四要搵人洗腳，記得以前細個經常都洗，貪得意....而家你叫我洗?! 不必了

<拜山>
今日開完會去好彩飲左陣茶，之後就同家人去拜山，老豆離開司機位打算叫我揸
但考慮過後都係費事，揸車真係好花精神，自己又累，無謂 ~
第一站去長沙灣，目標先人有阿嫲、阿爺同埋何生 ~
例牌同阿嫲報告自己的最新情況，
心裡講左一些說話，問了一些問題，許了一些願望
印象中好似無比佢鬧過，無計，鍾家的子孫在她眼中也許一向都係咁乖咁聽話...

阿爺........我從未見過他，但佢的樣貌細細個開始早已在我腦海中，真係唔知點解
可能細個知道佢唔響度，想記住佢的樣，第一次響相架見過後就留下印象
帥 ~~~~~~~~~~~
著老西打呔...型英帥靚正 ~ 連個名都英過人~
不過記得細個響聖堂唔知聽邊個講，話阿爺原本係姓"蔡" ?!?!?!
淨係聽左咁多，唔太清楚係真係假...... 不過都係姓鍾帥d ~

第二站去鑽石山拜姨婆 ~
好鐘意佢同我9E背，好舒服 ~印象深刻的事唔少的，永遠懷念 ~
有緣見番芳姨一家人，以前經常同佢兩個女玩的，今日再見番..
真係女大十八變 !!!! 肥的繼續更肥，靚的繼續更靚.....

今晚賭波輸錢，真係嚴重 ~~
有信心唔一定會贏，
但無信心其實都唔一定會輸 ~
錢呢樣野，唔係你財唔入你袋，係你的就係屬於你的，隨緣 ~

>>April 2, 2007 at 5:24:41 PM GMT+8

2007 年 3 月 30 日 星期五 【晴】

今日去左補習社客串...
搬左去入面up dup的位置.....感覺麻麻....佢仲要為左慳錢唔安裝天花........
去到發現幾個新面口，人數有加無減......真係替d老師辛苦~

今日都教得幾辛苦，果兩位男同學一d都唔怕生保，非常多口，
攪到我都幾勞氣，教教下仲胃痛....
但只要見到我的兩位愛將: 紀柔+紫祺 .... 心情自然好好多~ haha
佢地給我的感覺太不一樣了，對我做過d咩?! 當然是秘密.....呢d野...在心中~

黎緊四月仲有幾日要去，咁"硱\地係考試週，我都幾唔好彩......

=================================================================

自從番左呢份工，少左去聖堂，其實感覺真係唔係太好，
決定要有所改善~
即使時間未必就到去彩雲，去下聖家堂或者聖愛德華都係一個選擇
=================================================================

早兩日28/3 帶左班長支隊義工去晚宴，大場面....成四十幾席
見到好多長者同年青人....簡直眼前一亮
同檯有位女孩子蠻主動，對付呢種女孩子，我係會選擇: 避~
太可怕了~

>>March 30, 2007 at 9:03:08 PM GMT+8

2007 年 3 月 25 日 星期日 【晴】

今日真係多事之秋~~~~~~
突然間想到好多戲名，例如: "這班阿婆真爆炸<<這個阿爸真爆炸>>"、
"班阿婆係大佬<我老婆係大佬>"、"這班阿婆無異性<這個夏天沒異性>"
一次過響今日上映~~~~~~~

鬧交可以鬧到幾乎要開片...........情況好嚴重~~~~ 香港人真係鐘意隻揪....唉~~
場面非常逼真，主角非常低能，兼且乞人憎~~~~~~~~~~~~~
幾乎連我都想打埋...........打就好喇.......拎工傷.......休息三五七日~~~~~~~
好彩最後都比我十年難得一次的兇惡態度之下，終於肯收dad了~~~~~

夜晚個阿婆走去按救命鐘，一聽到呢個鐘聲我地一定要第一時間衝過去的
點知去到呢個患有非常輕度老人痴呆症的阿婆竟然同我講.....
"鍾生，我就死喇" 問佢做咩事，點媽知佢話
"我唔到被.........." %$!#*^%*!#@&%(!&!
死就係死..........係我比你激死~~~~~~~~~~~~~

>>March 25, 2007 at 8:39:38 PM GMT+8