2007 年 7 月 17 日 星期二 【晴】

今日做到成隻狗咁，好佩服自己有咁神奇的力量去應付龐大的工作量
但手頭上還有好多野未做.....
唔該我管果d房的阿婆生性d....唔好再鬧交....你地就鬧得過癮....我就做到"發文憎"
唔好再比麻煩我吧!!!! 花半個鐘見你地唔係問題...問題係我要花更多時間寫report!!

雖然我未能陪你溫，或者已經有人陪你....
但大大力補習，一定包你合格，唔會九唔答八，保你一世發達!
anyway, try your VERY best~

突然想起呢幾句: 係五月果時幫班老友拉票作的
第三組，第三組，
唔投我地你實走寶....
最尾果句唔鬼記得.....
有好多回憶....對..."心跳回憶".....爛!

>>July 17, 2007 at 9:54:39 PM GMT+8

2007 年 7 月 16 日 星期一 【晴】

今日放工番屋企狂訓覺，食完lunch繼續訓
因在家有事要做有人到訪，未能出席肥康的飯局，敬請原諒

今日良哥又再次提起問我幾時得閒一齊番大陸
成日話同我一齊番去按摩焗桑拿食野，一齊去happy wor....
起碼要八月先
八月尾如無意外會同班frd過大海....好想去睇賽狗

唉~連踩兩日call ar 聽日又要番工了....

>>July 17, 2007 at 10:02:52 AM GMT+8

2007 年 7 月 15 日 星期日 【晴】

14/7 (六)
下午落樓下有條友狂跟住我，好似好可憐咁猛咁叫我比錢佢搭車番屋企幫下佢....
曾經我心軟過...但我真係好趕時間...同埋無散紙..我問佢佢住邊...佢諗左一陣答我
"我...我住東涌呀...." 我真係O晒嘴....xXy他的Z......
"不如同你報警好無!" 佢無出聲...但繼續響我前面行黎行去阻住晒
我真係扯火......好大聲好惡咁"喂"左佢一聲.....(依家諗番起我似乎惡左d..是我心情麻麻)
不過學佢話齋....呢類人係唔可以助長的...蠻同意

阿爹阿娘阿婆表妹今日返黎，但等左成日都聯絡唔到仲以為出左咩事
終於響晚上十二點幾凱旋歸來.... 問阿媽做乜遲左咁多又唔肯講，淨係話我地有無攪錯
電話都唔打個比佢地，如果真係失左蹤都唔知wor...我打左萬九次喇!! 仲周圍問d frd添喇!!
佢只係話...."差d流落異鄉".......呢句說話只會令我更加好奇.....

人真係喜歡別人讚美....how about虛假的呢?? 你好靚你好靚你好正!! XDD
==============================================================
15/7(日)
今日終於問左黃太尋晚發生咩事.....想知可以個別問我吧
今日午餐食貴妃雞....正!!! 等左好耐喇!!
廚師留比我果碟全部都係雞脾雞腿雞翼!! 不愧係我最佳同事!! 多到要分d留番夜晚食...
今日做野有d心不在弦....

阿牛
作曲:雷頌德 l 填詞:林夕 l 編曲：雷頌德 l 監製：雷頌德

成婚之前一刻才趕到 難得你來通報才知道
往日共你追憶永遠是好 怎能預計似這般難共你同偕共老
你話只需肯做 差一剎與我拾回舊好
不甘心 尤其這新婚 就像玩犧牲
想過搶新娘 我差點講真

歷史一刻早已將舊伴侶轉送別人
我說 別傷心 仍能恰當大方去做人
約定日後你若和他雙婚 拿來用你尚有餘的惻隱
憐憫我此生的不幸 不緊要 約到明年來生.....

*不甘心 人人不開心 尤其這新婚 失去我身份
不甘心 明明不開心 就是不甘心 不過我肯等 等一生都等*....

這都好 自小想拿到的全得到 如今我求不到才知道
我命運裡雖則當你是寶 天涯上有更多的好
情人仍然未抱 要這麼的慘酷 她不要我再拾回舊好

我首"不甘心"....同呢度的不甘心....有得揮架...

>>July 15, 2007 at 5:56:12 PM GMT+8

2007 年 7 月 13 日 星期五 【晴】

呢幾日兩老番左大陸旅行....響屋企鐘意大聲講大聲笑大聲唱乜都得...
如無意外佢地應該聽晚返
比人叫做鍾sir、哥哥仔之外，而家仲比人叫我做鍾哥....=.= 陳添良仲叫左我做契仔....
佢仲要叫得好誠懇.....算吧..見你係dementia case.......又叫得幾可愛
尋日叫佢send條片比我，好老實講..我真係無乜感覺....叫佢send純粹係因為果個
好咸濕的傻儀想要..... 就係咁相信已經比人誤會了....
賭錢的人...真係唔係咁想睇呢類片的...真係會好邪~~ 所以我建議政府可以嘗試響馬會門外
通街派四仔，相信會大大力有助減低病態賭徒的出現....
尋日經過書局，隨手拎左本蘇民峰黎睇，條友係咪真係咁勁，人又係咪真係咩相都有得睇
如果係...我好想搵佢幫我解決問題.....

記憶係痛苦的根源，能夠忘記係一種福氣....可惜我無呢種福份
鐘意一個人係應該支持佢，而唔係改變佢......我錯了.....sorry...
從今以後...我要學懂不再胡亂給壓力....不再急性子....
...不再犯賤...要學懂留心聽別人的一言一語....是很重要
我鐘意哄你開心，見你笑、扮嬌俏、感覺真奇妙...
那一年之約能重新提出嗎? 過份嗎? can i?

黑色星期五....只會讓我想起那往事

>>July 14, 2007 at 12:08:28 AM GMT+8

2007 年 7 月 12 日 星期四 【晴】

今日原本約左去踢波，不過臨時變卦，下午三點幾我亦都改為出去搵佢溫書，尋晚半夜應承左
又係例遲怪....我有諗過以後一出門口就話"去到"，咁樣效果可能會好d....
窮到褲穿窿的佢竟然手快快咁話請食晏....當然由佢....先唔會咁婆媽....Ha
自修室比佢烏鴉口講中真係有工程，結果去左美心，我發覺今次好似係我考試咁，
不過佢都叫做曾經有刻有過"幾分"認真....足夠嗎
大家都不自覺地講了一些爛gag...really非常不自覺...還有點"羅"...
行左去紅磡食米線...一度太投入睇電視的關係，比人整蠱左都唔知....=.=
講屎尿屁原來可以咁開心....咪實腳趾也可以好攪鬼....玩黑白/何家猜又會好真..係童真
因為技術生疏關係，攪出好多笑料.......
今日溫書幫唔到你d乜...你要靠自己!! 我也不想看見你衰....知道嗎
===========================================
繼尋日篇日記提到的執著....我又有其他野想講...
知道你現在的情況...除左勉強講聲恭喜之外，我唔知應該說甚麼了
我真的有點羨慕佢...
今晚...好百感交集...好多野欲言又止...
呢句歌詞作得真好: 是強裝開心 .. 即使我痛過傷過...
突然響度諗....記得當初有過所謂"一年之約"...唔知道依家仲有無用呢

我係唔想我喜歡的人/身邊的所有人食煙
自從我經歷過咁多野之後，健康真係好重要，亦是好難求...好易失去
真係好想所有人都有健康...

呢一刻....我訓唔著...

>>July 13, 2007 at 12:19:08 AM GMT+8

2007 年 7 月 11 日 星期三 【晴】

今日良哥請食下午茶，好多人餐中午飯都只係食少少，但我就食到好飽
所以只係叫左杯凍檸蜜就算...加上我準時三點就要打卡收工，因為趕住去揸車
去阿婆度同依然咁細粒的表弟狂吹佢去泰國的野，跟住就車阿公入粉嶺，再接表妹出黎番藍田
今晚阿婆同表妹響度訓....我又要訓梳化~~!!
十一點半訓到三點，終於訓醒左.....頂唔順訓唔到 ....咁橋佢又未訓wor
打比佢打算吹兩句，點知次次都係一吹就吹到六點....

=======================================================
平淡會令人身在福中不知福?! 好似有關係.... 可能係你不甘心平淡，才會不知福?
我覺得你真係好灰...好傻..... 我真係估唔到你會比以前咁耐的事依然束縛住...
我唔係講我自己了，而係為左你將來，相信你也意識到有放下的必要....
當然，時間多久無人知道，但每當想起的時候，可否一次比一次放得開

說到幸福，我真的好想可以好好給你的...但我知道現實中，並不是我控制範圍
無人控制到你的想法，一切都靠你自己努力去改變，我有預感你做得到的~!

執著人人都有...有人對錢、對愛情、對理想執著...
適當的時間、環境....還是要勇敢+捨得放下
但原來...我也是好執著...

>>July 12, 2007 at 1:36:42 PM GMT+8

2007 年 7 月 10 日 星期二 【晴】

今日下午院舍攪左個" 滿載溫情共慶回歸" 的活動，同班老野慶祝回歸
一齊回顧過去十年的大事、一齊玩投票、一齊唱"香港始終有你"~~頂 ~~!!又唱~~
我都專登揀左角色--做影相佬.....諗住唔駛唱架啦...點知比吳姑娘咬住唔放
又話咩香港無理由得女聲....猛咁叫鍾生鍾生...班傻婆又跟住起哄，真係超低能~~
玩扮震音、同埋超級女高音唱感謝你....xxxx....結果換來該煨的回應
今日成日未停過....副主任仲夠膽死將佢負責的野mark張紙叫我做，好鬼離譜
我個環保袋仲未攪清楚d細節、標語創作又即將進行、禮物又未訂、房會又未開、
個阿伯的遺囑書又未做.....還有其他其他.....好很想屎

ive的朋友們~~
請不要再問我關於女友的事了，
根據十誡第九誡:不可作假見證陷害人.........
請相信我~~
這是人家的私隱....我也要尊重吧~

聽日良哥請食下午茶......一定要食左佢先至放工!!

>>July 10, 2007 at 10:22:40 PM GMT+8

2007 年 7 月 9 日 星期一 【晴】

8/7
今朝放工照舊飛去聖堂，完全唔知呢個大陸神父講甚麼....更加唔知佢唱緊乜~~~~~~
正正的逝世...我真係感到有點突然，雖然大家都知佢有病，但我成日都以為佢好番左好多...
幾個月前仲打過比蔡太....果時大家都好樂觀輕鬆左好多....估唔到又會突然惡化
以前成日同蔡太成家同埋佢阿爸阿媽飲茶...大家仲拎佢個鼻黎講笑....真係幾得意
無論如何，件事已成事實...身邊的人總需要時間...只希望佢家人同蔡太佢地可以堅強點吧

逢星期日放工的話都總會好累...之前一晚唔係無得訓...而係訓得唔太好...
加上又可能付出左好多精力比聖堂...比班frd...同佢地食完飯就閃了
今日成班人都響度不停咁<<香港始終有你...>>......我只可以講....呢首歌實在太成功!!

番到屋企見到阿公阿婆響度...梗係又想打牌啦....不過兩老響屋企又真係無咩好做...
鎖埋度門響床上合埋對眼只係一分鐘....阿婆的拍門聲令我要即刻彈起身
當然我又唔想掃佢興...一場黎到費事佢無癮啦....所以扮到好精神捱眼訓咁打左八圈
阿公話響度打親都輸...笑死....我今次有贏呀...不過可惜輸左波....比阿婆話我應該
贏波輸麻雀~點解唔係叫我又贏波又贏麻雀呢!?! 打牌可以大家都贏嘛~ 真係唔識講野~
食完夜晚果餐十點就仆落床訓..好辛苦~
======================================================================
9/7
今朝八點幾尿急醒左，去到廁所見到二家姐響度玩"鼻血滴滴樂"...!!成個洗手盤同個馬桶都係
流左咁耐都唔識止血...都係要果斷咁做決定: 叫白車~ 而家我call車已經好鬼熟，打三隻狗
個接線員同我博佢十字車條線等左勁耐...不自禁好谷氣咁批評佢..
點知佢原來仲響度...跟住就即刻博得通.......呢d人真係...唔話唔得~
佢問我地址果陣我真係好有衝動想講: 美林村xx樓xxxx...
因為已經成為習慣...番工我一聽到人問地址就會好自然好快咁講...
等車黎果一刻我彷彿身處院舍...不斷咁指揮老母同家姐點做點做...就算d白車佬黎到
我都保持一貫作風咁輕輕鬆鬆吹水...仲好似好pro咁同佢地講醫護知識..(呢d...叫經驗)

第一次"好清醒"咁搭白車...因為對上一次係訓響度無乜知覺咁搭的....發覺白車真係好先進
有得上網...好想叫佢借黎check下e-mail.....好多日無clear d垃圾了
去到等左個零鐘就有得睇....比想像中快....個醫生擺明係新仔...比我拋兩拋講句野都唔肯定
作咁多無謂的假設同"應該"做乜!? 抽血驗咪得囉~ 再響觀察病房等報告...之後走人
整個白車之旅花左四粒鐘....好彩尋晚早訓有精神...好彩間屋有人...
好彩我都有點護理知識...好彩....最後都無事~ 一個人究竟可以有幾多個好彩?
與其靠好彩，何不好好裝備自己?! 似乎想通了一d野
成朝同佢sms講電話...先至無咁悶...依然那麼爛gag那麼低能..
響醫院上演左一幕 uncle bus vs auntie bus~~~!! =.=

直至今日....我依然發覺....身邊似是還有好多影子....
腦海還有其他回憶...是抹不去..還是我不想抹去
有人問我點解咁勁作到寫到呢兩首歌.... 真的應該用勁來形容嗎? 別耍我吧

double f 暫定星期四開操~~ 人數有......四條友!!
我地呢d行精英制，人係唔需要多的~

>>July 9, 2007 at 11:00:36 PM GMT+8

2007 年 7 月 7 日 星期六 【晴】

剛剛送三婆入急症.......好煩..
狂響度同班白車佬吹水....非常輕鬆
睇黎我今晚都唔會訓得安樂架喇

>>July 7, 2007 at 11:01:40 PM GMT+8

2007 年 7 月 6 日 星期五 【晴】

呢兩日響屋企對住部腦研製最新一首作品
好累.....
姨丈打黎問我星期二得唔得閒踢波....唉果日要番工呀
好耐無踢好想踢....亦好想同佢地呢班老師踢...
希望下個禮拜可以有一日約到double F出黎踢...

>>July 6, 2007 at 11:59:54 PM GMT+8