2008 年 3 月 29 日 星期六 【晴】

26/3 (Wed)
呢日要番工，仲要響院度訓，未能抽空出席sa的birthday party, so sorry ~
不過我都知你呢晚玩得好開心，對嗎
呢日下午要帶十一個阿婆參觀萬國，響樓下大堂有個講座，
之後我同其中兩個阿婆上左一樓睇棺材，係睇唔係揀!!
從未試過有成百幾幅coffin響我眼前.....
原來死人榻樓真係要洗好多錢，貴得恐怖...

28/3 (Fri)
呢晚轉登番去又要帶十二個阿婆出席信義會的義工嘉許禮晚宴，
有成四十圍之多，其實我對呢d場合無咩感覺，最重要都係班老友記感到高興~

唉! 點解我要你升的時候你就同我跌，我要你跌你就同我不斷係咁升!! 天意弄人~

29/3 (sat)
今日又要番工，下午開始偷雞msn~
其實今日同你響msn傾左陣，再睇番你寫的野，讓我更加了解你，
我發覺你的本質根本就是一道可愛的彩虹!! 只是一些事情，令你開始有所改變，
希望你可以盡快收拾心情，做回你自己吧!!

做左成日喇，真係好累，呢三個小組d報告終於完成.....
對呢份工真是又愛又恨.....

>>March 29, 2008 at 10:41:22 PM GMT+8

2008 年 3 月 24 日 星期一 【晴】

因為復活節關係，星期四五六連續三晚都要返去聖堂…..

21/3 呢晚因為阿婆話都想返聖堂，所以專登入去車左佢同埋個菲傭出黎，原本阿媽見我有揸車都話想返黎彩雲聖堂，但因為我驚唔夠油，所以無應承到佢，去到彩雲我見仲夠油打算車佢出黎啦，個電話又無人聽，咁唔關我事喇~~~~
完左彌撒之後車佢地返屋企，自己都響舅父度過左一晚夜….同舅父講下波，講下財經，睇埋周星馳做果套回魂夜睇到一點幾兩點就訓覺……

22/3 響人地屋企真係好難訓得著，七點就醒左，沖完涼就同阿公阿婆落去樓下酒樓請佢地飲下茶吧~~ 阿婆講左好多以前的事我知，亦都講左一d秘密…. 其實我真係唔係好明點解以前d人會咁捨得將親生仔女送比別人，有d仲係剛出生的嬰兒，不過這就是以前的風氣，你無得生的話，我就送比你!

下午同佢地同埋舅父打下麻雀娛樂下，贏左少少啦，期間我發現有幾隻麻雀好污糟，好似係粒扁左的鼻屎的物體，之後我就講左一d爛gag….
“一個人有十隻手指，四個人有四十隻手指，
四十隻手指四十粒鼻屎，而家隻麻雀有pet咁的野都唔出奇吧!”
笑到阿婆收唔到聲…..

夜晚返去聖堂彈琴，復活節的氣氛係有唔同d…完左彌撒之後唔知點解傻仔儀同cynthia一家人同周神父傾得咁開心，行埋去八下啦，cynthia突然一句彈埋黎同周神父講: “拿..呢個係我男朋友..” 我即刻O左嘴…完全唔知咩事，望住劉太個樣卻又有點想笑出來…之後阿媽同家姐話等埋我一齊走，我都知無咁好死架喇，原來要我請搭的士…..
P.S. 郭春華小姐呢三晚響聖堂共meet左我個pat四次!! 變態架玩到無野好玩咩~
你幾時開始有呢種僻好架!

23/3
今日要番工，超唔想起身，番到去個個都話好耐無見我，其實都係一個星期吧…九點鐘至到下午兩點幾，我先至攪完一d瑣碎的野!! 天啊!! 我喜歡放假的日子，但非常討厭放假後番工的第一天!! 相信只有阿yan先會明白…..

>>March 24, 2008 at 11:56:11 PM GMT+8

2008 年 3 月 19 日 星期三 【晴】

=== 日記太長，需耐心觀看===

不知不覺已經有兩個星期荒廢了這日記 ，因為我真的很懶...真的很不快...
而家都唔知從何說起，粗略記得同班同事食過飯、打過牌，同班choir齊齊整整食lunch....
容串做補習老師、過了一個生日....過了一段黑暗的日子.....
遠的不想說了，只記下近的事吧...

18/3 (tue)
今日係同副主任farewell的日子,早上在家msn,主要係同hung傾，
很久也未試過可以傾得咁輕鬆、舒服，因為過去的日子實在太過不安了...

下午良哥打黎話想早點去酒樓打牌，本來都唔係咁想打，因為實在太黑仔
仲要係打甚麼大陸牌.....我最憎~ 五點開始打打到班同事陸陸續續黎齊就開飯
從來未見過咁大的一張檯(可以坐24人的檯!!!) 你同對面傾計佢完全係好似企響對面座山咁 =.=
一共有17人出席，有4人甩底!
我成晚都係同副主任個仔響度玩、傾計，把口真係未停過，
我招乎佢的程度就好似當佢係我個仔咁...但佢真係幾得意，不斷咁講佢屋企人的秘密我知，
連屋企而家個廁所壞左都講埋比我聽....
最後埋單每人$330...天呀!!究竟食左d咩野咁昂貴呢? 真係無乜印象，成晚掛住同柏僖玩，
不過鬼叫我咁鐘意小朋友咩，如果幼稚園流行有男教師的話，我相信我以前都走左去讀
加埋打牌輸左$200, 真係比師傳批中....我真係有排黑仔兼破財

咁都未算!!! 返到屋企無幾耐，阿媽gut下gut下咁行入屋，原來整親隻腳痛到行唔到
陪佢去左急症~ 都幾快有得睇，響見醫生的時間，亦是他響我呢段不快的日子火上加油的時間
響我講完"拉傷肌肉?"呢句說話之後，個死人醫生突然話:
我見你一入到黎到而家好似質疑我咁，如果你唔信我的話你一係搵過第二個醫生黎睇啦!!

我真係即刻火都黎! 由頭到尾我只係講左三句說話:
需要照x光? 、 佢話由小腿痛到上大脾、拉傷肌肉?
好老實講，我真係有點懷疑是否真的純拉傷肌肉咁簡單，因為無人會痛得咁緊要
但我自問同佢講野一路已經係好客氣，你而家竟然比說話我聽!?!?
係唔係作為一個睇症者問多一兩句都唔得?更何況只係呢三句~
一個醫生竟然響病人同病人家屬面前咁輕易講出黎d晦氣、唔專業、無腦的說話，
真係好幼稚...好無醫德!! 洗唔洗番去讀多幾年書? 你係咪唔夠訓發up風呀!!?
之後我已經好忍聲下氣咁答佢.."我只係覺得奇怪，因為我都試過拉傷但都無咁犀利..."
呢句說話已經好明顯幫佢好落台，好彩之後佢無再應我，如果唔係我真係唔會咁易算數，
心情已經唔方好，阿媽見我成個人火都黎晒即刻打發我出去......~_~

做醫生連基本的耐性、基本的說話技巧都無，也許他比較年輕，無咩經驗...
但我都仲真係成肚火，最後又同阿媽搭的士返屋企...
阿媽，我真的希望你係拉傷肌肉，否則我實告到佢無褲著

今晚真係黑仔、荷包大出血日....
而家....訓唔著...

>>March 19, 2008 at 1:34:51 AM GMT+8

2008 年 3 月 6 日 星期四 【晴】

因為手指傷左的關係，今年院舍餐團拜我終於唔駛舞獅，轉左做打鼓，
但原來打鼓都好易累....還是我體質有問題?

有一日同左班同事食飯打雀 ，比我贏番上次輸果d...YES!
據聞他們要報仇...唉...打雀只係聯誼下娛樂下吧

星期一廿幾個同事圍埋一齊響飯堂開大食會，
仍然有不少小圈子，主任當然繼續扮睇唔到....nvm....
眼見不少同事相繼離去，令我離開的心再次湧出黎...
難道真的要戴上假面具的人，才可以生存?
實在有點心灰意冷，或者我真的不適合這個圈子....

>>March 6, 2008 at 11:45:43 AM GMT+8

2008 年 2 月 25 日 星期一 【晴】

今日要帶隊去東華沙田區春茗，呢個活動的對象係長者
職員係唔會坐落去的...所以我地全部都已經響大會指定時間內(11:15-11:45)
食左一盒叉雞飯or 叉鴨飯....
可憐的我根本不習慣咁早食飯，仲要係肥騰騰的飯!!結果求其食幾啖算數.....

阿ling要表演唱"萬水千山總是情"...
我同阿yan、明、同埋老師就要響後面跳屎忽舞....
事後有人話我跳得好投入、好風騷.....
唉...我的啖定樣呃左你地吧....我個心跳得幾快你地點會知....

返到院舍又比單舊事煩.....
果間咁的環球科技中心公司真係好x pk.....
我地無落到order佢係都要避重就輕針對我地第二樣
錯又唔認，仲要死屈我.......
我真係有點想打去消委會......

>>February 25, 2008 at 8:42:59 PM GMT+8

2008 年 2 月 24 日 星期日 【晴】

呢個禮拜印象最難忘的事...當然係邀請左師傳黎我屋企睇風水
真係嚴重...原本好地地一間風水不錯的屋，卻被一些綠色及木造的傢私...
累得弄巧反拙.....
師傳教左我一點補救方法、減輕惡運方法、催旺桃花方法等等...
可是我這麼懶...根本唔會點跟佢做.....
其實佢講的野，我會選擇性去信，亦都選擇性去做...
得閒先至攪啦......

聽日要跳舞...."萬水千山總是情"....諗起都想死...
唉....一於豁出去~~~~

>>February 24, 2008 at 8:08:27 PM GMT+8

2008 年 2 月 18 日 星期一 【晴】

聽日又要入call喇...再次連續三個call....其實都幾辛苦....

唔知係咪真係打左果枝破傷風針的關係，
真係開始有d反應....
有點發燒的跡象....呢次真係食屎了....

今晚聽番自己作果幾首歌，
聽住個旋律，望住個歌詞，再投入當中，
發覺d歌雖然不算是很動聽、歌詞不算是很有深度，
但只要你能投入的話，旋律跟歌詞走埋一齊，
卻能道出當下的愛情、曾遍情侶也會曾經有過的感覺、想法、遭遇...
三首看似都是傷感的歌，但只要能用心領會的話，
卻可使你反省....這也是我的目的....
我作的歌除了道出所謂一般的事實，
也十分希望聽的人、或是失敗過的人、或曾有這樣遭遇的人，
能作出一個反思...

<不甘心>--對消逝的感情感到自責、不甘心，但當事人明知沒有結果，卻要繼續犯賤...
這樣的不甘心、口不對心，值得嗎? 到最後還要抱著一個假希望給自己，夠可憐嗎?

<放假>--描寫一段感情由開始到終結，當事人對自己的嘲諷，面對著眼前失敗的感情，
感到無奈又諷刺，即使知道自己真的需要放下時，卻有心無力....
但其實成首歌的重心，卻是最後的那句.."單身一個、也不可怕、難得可輕快的放假..."
是要人明白感情並不是生活的全部，不要把它看得太重，放輕鬆面對感情、逆來順受吧...

<請好好對我>--一個人回憶起從前，一切都很美好....但現實中他卻活得很辛苦
對著一段若隱若現的愛情，根本不能放下....究竟應否等下去?
即使知道他的答案也許會令自己非常心痛，仍想他可以好好對待你、
或是跟你直接說清楚...甚至你會痛恨他拖泥帶水的表現...
但這樣...是否屬於執著?? 明知故問...甚至明知故犯...往往叫人死得更慘烈

三首歌的故事也許不相同，但用意卻是一樣，是要人在感情上學得更聰明
每一個階段、每一個感受，總可以令你從中學習...
一首歌除左聽它的旋律、它的故事外，假如你能夠從它得到一點東西
這樣...這首歌才算是作得有價值...
現在我真的累了...不知為何沒有動力再去作歌寫歌...也許我要需要一d新的衝擊...

>>February 18, 2008 at 11:00:07 PM GMT+8

2008 年 2 月 16 日 星期六 【晴】

又再一篇週記...

有一日同左恆少大哥食飯，耐無見係要聚下...話題今次竟然多左一樣野:NBA....
因特別緣故，而家攪到我爭佢錢...真係有壓力....

又有一日...同左班同事去開檯...打大陸牌...!!
完全未曾打過...發覺佢地可以係好瘋狂....結果小弟輸左共一千蚊!!
但今次已經比我掌握左個竅門...
最衰佢地個個都唔肯同我打廣東牌，否則實斬到佢地一頸血...!!
其實打床雀的野，主要都係大家一齊聯誼下娛樂下....
如果真係咁計較輸贏，我諗你去麻雀館打會好d....

踏入鼠年返工接二連三不太順利，先有一晚有個阿婆半夜玩自殺...狂hum頭埋牆
攪左我成兩個幾鐘.....
第二更諗住著件紅色衫旺一旺佢...點知今次輪到我自己賴野!!
比把:苳M一界界到流血不止，被逼要去急症室....佢竟然唔同我聯針!!!&@(&$#
又失血..又失錢...遲下仲要繼續去打破傷風針同不斷洗傷口...
十萬個煩!! 一百萬個黑仔!!! 一切似乎都在師傳預計之中....
我明天就要跟他談談.....

>>February 16, 2008 at 8:06:33 PM GMT+8

2008 年 2 月 8 日 星期五 【晴】

成個禮拜無打日記，真係懶到出汁....
成個禮拜都做左唔少野，但唔詳細寫番了...

1/2 呢日係院舍的團年飯，全院的院友都食呢餐飯，我覺得同阿Yan
將果日的氣氛攪得唔錯呀，其實最重要都係想大家可以食得玩得開心...
咁我就會覺得已達成我最基本的任務~

年三十晚本來話就話同佢去行花市，但連佢自己都唔知自己確實放幾點，
所以...好自然咁取消左...

年初一，唔駛番工...去左聖堂拜年，
一如以往初一的彌撒都係比較無咁多人，
唉....一早就比人開年，比佢話我無叫佢起身....=.=之後又借意話我掛住影相....
只好無聲抗議....其實....好多野唔係講一兩句就咁易明白的.....
同班choir影相，唔知做咩野cynthia 同alice好似食左藥咁特別high
又擺pose古靈精怪咁，算啦，我估佢地最終的目的....
都只係想我記得send某藝人的相比佢地吧!! haha~~

下午姑姐、二叔、孻叔黎拜年，孻叔好似會響我家住幾晚先返台灣，
佢較早前明明話過帶埋女朋友返黎，但就唔見人，唔通來港前又炒大鑊?!?!?
真係好希望佢情路快d暢通無阻喇!!!!
同佢地打牌，好高興響年初一就發筆新年財，贏左六百蚊...
哈，食盤菜果陣孻叔仲要不斷宣傳我呢位"沙田區麻雀王冠軍"...
其實....我真係幾proud of 自己響麻雀方面的才能....haha...呢d係累積番黎同不斷鑽研的心血....

=================================================================

今日年初二，返下午，同往年一樣，梁姑娘係第一個派利是比我的人....
下午巡院係我有史以黎最耐的一次，因為我要一邊巡院、一邊拜年.....!!
班阿婆個個都話要祝我添丁發財，有女朋友的話就要即刻結婚, 請注意，係"即刻"
我話如果無女朋友呢??佢地話"點會呢?!?!無的話我介紹比你!!!"
有d仲攪笑到以為我結左婚，唉....值得高興嗎!?!? 真是一個黑色幽默~~
我要的好簡單，先發財、後添丁....係咁多!!

今日無食到中午飯，因為我知道今晚廚師實留左餐豐富的飯菜比我的!!!!
而家飽到頂到上頸...嚴重嗎?

>>February 8, 2008 at 10:10:05 PM GMT+8

2008 年 1 月 31 日 星期四 【晴】

呢幾日凍到變冰...d坐姿成日坐到好似女人咁...
又屈膝又S形坐....

尋日下午放工逼住要出去旺角買野，
又寒風又毛毛雨...要問同事借遮...

聽日中午院舍有團年飯活動，
共有約百二人出席，希望到時大家都能玩得盡興
原本星期六要去大堂幫一台彌撒司琴，而家唔洗去~~GOOD!

>>January 31, 2008 at 9:01:47 PM GMT+8