2007 年 8 月 30 日 星期四 【晴】

29/8 (wed)
今朝早影全家福，八十幾個老人家同廿個職員去到樓下個籃球場影
一個鐘頭內經歷左夏天同秋天: 好曬、又落左幾滴雨、間中又好涼、好大風
攪到成棚人身水身汗，都咪話唔辛苦
今日忙到痴媽筋...開始感到有壓力....
沙田區某單位打黎搵我踢波打比賽......真係好愕然
是鬼但應承左...當係聯誼下又好比個機會自己做運動玩下比賽都好
畢竟真係好耐無做過運動

而家係深夜兩點十八分，剛剛送走班白車佬同阿婆
希望個同事可以盡快番黎，等我訓得幾耐得幾耐...我聽朝仲有大把野做架!!

七月...真係邪....

>>August 30, 2007 at 2:19:01 AM GMT+8

2007 年 8 月 28 日 星期二 【晴】

26-27/8 -- 澳門
只係訓得兩粒鐘，好眼訓咁出去中港城搭船過大海~
八個人: 團長,father,Margaret,Priscilla,Betty,Samuel,Leo
真係好怕搭船.. 上船先至臨急抱佛腳食粒暈浪丸..總算撐過去
第一日:
先陪father參觀下d教堂，即係朝聖~竟然遇到何志恆神父...真係有緣...
最後由佢帶路參觀不同的聖堂...唔好以為好悶無野睇...其實有d野都幾值得去睇
食飯---行議事亭附近---大三巴---大炮台---博物館
行緊果時響條街度同margaret and priscilla組成和音合唱團…無聊又爆笑
不斷上山落山上斜落斜...已經開始支持唔住....五點零六點番到去酒店check in....
我同佢講要求要眼鏡房(即係兩間房中間有度門打通果隻) 真係比到我地....
入到房見到張床大家即趴落去..實在太累~~

夜晚出去食飯，father賣完黃牛飛比人都要趕住走....我地隨即開拍賭場風雲
去左金沙、葡京同新葡京...終於更加親切體會到何謂財散人安樂...
亦體驗到四海之內皆兄弟....好似張百家樂檯原來最少要三舊...我又唔知以為係一舊，
果阿太一句話"搭埋落我度..." 真係好兄弟feel... 結果大家一齊搭沉船....
但我對佢的精神同專業係非常欽佩!! Auntie, thank you so much~
其實仲想留低睇波同跳舞唱歌，可惜太夜同太累...搭的士番酒店~

打通左兩間房，大家不斷穿梭來回，不停咁跳彈床..連團長都投入埋一份...crazy
有d睇電視...我第一個沖涼...第一個訓先...
成日係咁玩低能game: 黑白配、腳指包剪~K、烏龜跳、贏左醒人幾巴..爽!

第二日:
明明我尋晚係同leo一張床...但起身訓醒竟然見到佢訓左響梳化 =.=
原來尋晚半夜我一個轉身踢左佢一野, 真係抱歉.. 但到目前為止都唔係咁相信自己會咁做..
屋企張床咁窄兩個人訓都無出事..加上咁累應該好好訓...算了~

大家訓醒開會-- check out -- 出番澳門食飯 -- 跟住"自由活動"，
班友不斷咁街頭試食...有點過份...過S恭J行，頂佢個肺!!!!!!
豬扒飽變左豬扒多士囉唔該!!!! 比班死鬼佬買晒....
六點鐘番新世紀拎番行李再出去金沙行多轉....又出事~

搭八點船番香港....響船度睇番d相同video，笑到我地三個仆街....最嘈應該係我地...
響尖咀行左好耐都搵唔到酒樓打邊爐，最後決定去椰林閣醫肚~
成間椰林閣產生左好多不文的歡笑聲………笑到累死

我鐘意攪gag...希望帶比人地歡笑…
原來腳指包剪~K某人五隻腳指係可以咁出神入化
賭..真係需要本錢同時間
呢刻,聖詩都有得唱..."受傷的我要包紮....."

>>August 28, 2007 at 4:01:29 PM GMT+8

2007 年 8 月 24 日 星期五 【晴】

23/8 (四) <住>

今日身份都係第六號男生...實在太巧合...
同大隻蚊出街...響西九龍呆等左一小時...攪到我要爭你兩篤野!!
遲到的雪糕原來特別好味...
好耐無去過味千...唔知係咪餓過頭，d湯幾好飲..成功偷拍!!YO~
行左陣就去旺角買飛等看<不能說的秘密>...期間發覺自己竟然係遊戲王...
左一拳...十五二十...烏龜跳..按手指公...唔識輸....
套戲如果睇得明白...其實真係唔錯的...可惜我當時太蠢....
幸好有大隻蚊為我一一解答所有疑問.....呢刻...原來你好聰明~~
飛去尖咀食板前...好懷念特卷...因為要等位...有人響龍城喪睇..睇到又要再拎過飛!!!!!

拎d waiter同金魚黎攪gag....真係超低能....
又再次你老板丫....點解咁正架....唔知係咪今次d鵝肝比上次遲上檯...所以開頭總是好似
比上次唔夠喉的感覺.....一定係...上次一開頭就食到"漏"左...臨走又再整多碟鵝肝壽司
漏上加漏...飽到累到唔想走....食完....追巴士....個司機手車真係好水皮....

其實今晚係第一次去後巷攪埋d咁的野....
呢個"大話"我忍左成日...希望你唔好只係記住個大話，而係睇佢的另一面...
果刻唔知點解有種好感動好激動的感覺...傻傻地....真係"講不出聲"....
但從你的眼神...我知道你已經明白了....
anyway...hope you like the surprise and the guardian angel

today.....THANKS..
===============================================
25/8 (Fri)

今日主任同elsie姐都唔響度...對我黎講簡直係鬆左一口氣......但都唔係咁易過..
一打完卡就比岑根捉住我話要去差館報失銀包....同兩個CW入去試下搵下..終於搵到
阿伯仲好似感動到想喊......

今日成日不斷聽電話.... 七吳姑娘發現我傾電話....PK了今次...
她陰陰咀笑的表情....彷彿告訴我...我已被她捉住了痛腳...
不過今日真係好忙...個腦無時無刻不斷要記住仲有咩要做...攪到有點精神緊張...
好彩.....返埋今日.....可以放假......已經比吳姑娘串我要我買手信......

而家老豆成日用部電腦...攪到我好唔方便.....
MSN又唔知比個大定阿二攪到中毒....真係我們的娘親!!

今日特別鳴謝uncle terry~~~~~Also......WILSON~

>>August 24, 2007 at 11:05:06 PM GMT+8

2007 年 8 月 20 日 星期一 【晴】

19/8 (Sun)

今日去左功輔班畢業禮，正式同班小朋友講再見...
成班frd響度吹水..9up....好累.....好眼訓
曼聯降班有幾多倍?

20/8 (Mon)

今日番工做到傻...幾乎未停過...能夠有時間sms打電話呢d真係叫吞pot...
交更果陣主任話十二月東華會有聯誼活動...卡拉OK同麻雀比賽....
聽完不自覺咁笑左出黎.....
雙魚座的人真係喜歡發白日夢.....

聽朝要番早...要開會...終於要輪到我分享爆渠...

傻仔儀....我嚴重警告你!! 快點交畫!!!

>>August 20, 2007 at 10:41:55 PM GMT+8

2007 年 8 月 18 日 星期六 【晴】

近排聽日講萬里長征聽得多.....

秦時明月漢時關，萬里長征人未還　
但使龍城飛將在，不教胡馬度陰山　
譯文
天上掛的是照過秦朝和漢朝的月亮，關塞也是秦漢時代留下來的。幾百年過去了，
戰爭還沒有結束，戰士們走了很長很長的路來守衛邊疆，一直不能回家。可是，
只要我們有像大將李廣那樣勇敢的戰士，就決不會讓敵人的戰馬沖過陰山！

有感而發....
工時垃圾學時債，屢戰屢敗錢未還..
但使本錢運氣在，不教莊家洗荷包......!!!!!

註解...
現時的所有工作都是垃圾....一些債項是讀書時代留下來的....
幾千日過去了，戰爭還沒有結束，鍾生屢敗屢戰...d錢都仲未贏回來
可是...只要我有本錢及好運，就決不會讓莊家清洗我的荷包!!

今晚實在發生太多事....我"契媽"竟然話為左同我"出啖氣"攪到與同房鬧交
又同林叔頂咀....林叔又同佢頂...爭d交都打埋.....痴x線
三婆又嘔、陸才姨姨又按左三次鐘、另一個又按鐘話唔舒服....
神啊....救救我吧!! 一把年紀了...一個自由都沒有....

>>August 18, 2007 at 10:13:01 PM GMT+8

2007 年 8 月 17 日 星期五 【晴】

今日放假...一早應承左sa姐番去幫下手，有大食會wor....梗去
原來全校真係得佢呢班自己攪party, 佩服~~!!
真係已經好比面咁食左好多件三文治喇....好飽
成日不斷同輝輝玩，又坐大脾又唧黎唧去，真係開心死!
睇綵排...同埋篤蘋果......班小朋友的計謀、瘋狂及低B程度簡直笑死左我
連挖隧道呢招都出埋...勁!!
放學同佢兩個人拎住十一袋野番屋企...係十一袋!!!
睇左兩集妙手人心...大家都累...閃~~

番到屋企食飯、睇台灣的綜藝節目....d台灣人玩真係無底線，喪癲~~
不過亦因為咁先至好睇好笑~
落左去樓下剪頭髮...爽晒~
真係唔鐘意厚厚的頭髮....

今日....不禁想起數個月前的"搵工事件"...雖然當時大家口頭上係成事了...
但之後發生的事實在令我感到好奇怪好疑惑...好突然....
到目前為止..呢個仍然係一個..謎....~_~

>>August 17, 2007 at 11:01:15 PM GMT+8

2007 年 8 月 16 日 星期四 【晴】

今日感覺諸事不順....

副主任放完大假番黎...買左老婆餅請大家食，我太飽無點食....
點知一個二個女人恐嚇我..又或者係咀咒我唔食的話會無老婆...吹漲........
係咁易食左一件.....麻麻地

放工果陣超大雨...好彩今次有帶遮~
番到lam tin MTR出口...一開遮果陣有個阿叔響我身邊彈出黎拍住我一齊行，
兩三下手勢咁示意繼續我向前行..遮埋佢.....果刻我都非常樂意方便佢~~~
所以話男人講野，兩三野動作..係手勢就攪掂...唔洗多講..大家完全明白
而女人?? 兩三個鐘頭都未講完...非常長氣...煩

今晚的晚餐老豆竟然煮公仔麵!!!
係我出世以黎印象中佢第一次肯食公仔麵的....
當然...都預左佢無落味精.....不過都算係一大突破

電話竟然又爆分鐘....shit

>>August 16, 2007 at 10:49:14 PM GMT+8

2007 年 8 月 14 日 星期二 【晴】

13/8 (Mon)
呢日朝早放工專登番左去探班小朋友，終於搵番我的舊愛輝輝...
仲有其餘幾位女學生都有印象.... 聽佢地唱始終有你，笑到我碌地
終於知道咩叫 free style.......唱到亂晒龍 XD

下午響屋企睇番香港先生...鴨show咁....咁女人成日響度尖叫.....淫...賤...姣...蕩
訓覺...訓到十一點幾先起身食飯....
今晚一直有種好不安好down的感覺.....唔知點解......
同milan傾左成晚...總算從歡笑中得到一點心靈慰藉......
======================================================
14/8 (TUE)

今日成日番工都好無心機，嗚下嗚下咁，並唔係唔夠訓，而係突然有好多野煩
好想搵人分享...可惜發覺根本無人聽到我講....無助的感覺好重
突然覺得好down...好孤單吧...
困擾左我成日....唔知我的決定有無錯....
讓身邊的人擔心、緊張、勞氣....對不起...
希望聽朝訓醒...可以更加肯定條路點行...可以得到你的支持

>>August 14, 2007 at 10:58:03 PM GMT+8

2007 年 8 月 11 日 星期六 【晴】

過去幾日好很忙，又要攪微波爐訓練班、追思會、生日會....總算順利....
要特別多謝教練提供三條IQ題...
9/8 呢日同doris出左去二人世界....補祝生日....傾左好多事...."不能說的秘密"喔!
放工去新城市，行左陣之後又去食上海菜....海野同日本野都食上癮喇
今日吳姑娘同我做apprasial....傾左太多無謂野，攪到要星期一繼續....
d同事勁八卦...問長問短....關你地鬼事咩

>>August 11, 2007 at 1:04:30 PM GMT+8

2007 年 8 月 6 日 星期一 【晴】

今日成日都吽嗚....

中午順下阿媽意係咁意食左個飯就趕住出門口，因為約左同王小姐發癲，
遲到要吃屎，可惜有人唔認賬.....所以又爭多佢一樣野，就係一篤糞
響德福食上海野，唔記得間鋪叫咩名(向來都唔點記店名),外賣多一籠小龍包比阿寶佢地
嘩~! 佢老板丫!! 從未食過d咁...嫩肉多汁的餃子同小龍包!!
比左頂爛鬼帽小姐，大概是不喜歡吧~ 不清楚~
去MegaBox,係響德福搭的士去囉唔該!!因為怕趕唔切三點四場戲，同埋太多人排隊搭接駁巴士
睇軍曹，入到去係超級唔自然，如果唔係親自買飛入場，真係以為出席緊一個親子活動
全場唔係豆釘就係阿爸阿媽一家親，d o靚仔笑到我地仆街!
(第一次好賤咁拎張過期學生証買飛，有機會再試多次)

睇完行左陣，反轉B&Q同埋"坐廁"..=.= fxxk 走果時又落勁大雨，無帶遮
諗緊去新都城定係尖咀食板前，最後用最原始的方法決定...其實擺到明讓佢，都估到佢想去邊
排隊排左超過半粒鐘搭接駁巴士，期間搞埋晒d爛gag同IQ題，簡直侮辱我智商
一齊度橋諗生日遊戲...其實真的很困難...

比個frd追債...臨時叫小姐幫我過住數先....費事拖咁耐

尖咀食板前，三個字形容晒: 好滿足~ 飽到要取消個甜品，飽到行唔郁，
最慘係走果時落狗屎，結果係點?
係不停用濕透的紙巾抹身....湊仔湊女咁呀! 不過....THANKS
細佬竟然發痛，行得仲慢過d阿婆.....搭巴士走人，重拾童真，玩夾手指公，
一直太投入，唔知隔黎左右係咪望住晒......

去到機鋪打左陣機，大大力個名永存一部機度，無法子...我太勁了XDD
番到屋企接近一點，傾左陣...睇左陣拜仁...真係累Q死人...累到訓著
今晚訓覺...竟然再次發了個x夢...XDD 講真..其實蠻sweet的~~~~~
==============================================================
今日的身份係第六號男生，而佢竟然係良家處女...無計，睇到上晒癮......
但如果真係可以做你的第六號，也不錯吧...等....

>>August 8, 2007 at 6:41:14 AM GMT+8